मासिके कशी सादर कराल
टेहळणी बुरूज सप्टें. १
“आपण बरेचदा देवाला प्रार्थना करतो. पण आपल्या प्रार्थना देवाने स्वीकाराव्यात म्हणून आपण काय केले पाहिजे याचा कधी तुम्ही विचार केला आहे का? [उत्तर ऐकून घ्या, मग स्तोत्र १४१:२ वाचा. मग पृष्ठ २२ वरील लेख उघडून दाखवा.] या लेखात सांगितले आहे की आपण कशाप्रकारे प्रार्थना केल्यास, देव त्या स्वीकारेल.”
सावध राहा! जुलै-सप्टें.
“काही लोकांचे असे म्हणणे आहे की आजच्या जगात प्रगती करायची असेल तर तुम्हाला, वेळप्रसंगी इतरांना खाली पाडून पुढे जाण्याची वृत्ती ठेवावी लागते. याउलट येशूने कोणता सल्ला दिला याकडे लक्ष द्या. [मत्तय ५:५, ९ वाचा.] तुम्हाला हे पटते का? [उत्तर ऐकून घ्या.] या मासिकात शांतीप्रिय असण्याचे तीन फायदे सांगितले आहेत.” पृष्ठ २८ वर सुरू होणारा लेख दाखवावा.
टेहळणी बुरूज ऑक्टो. १
“मला तुम्हाला एक वचन वाचून दाखवायचे आहे. हे वचन बऱ्याच विवाहित जोडप्यांना सहायक ठरले आहे. [इफिसकर ५:३३ वाचा.] आपले कौटुंबिक जीवन सुधारण्याकरता आपण या वचनातील सल्ल्याचा कशाप्रकारे अवलंब करू शकतो? तुम्हाला याविषयी काय वाटते? [उत्तर ऐकून घ्या आणि मग पृष्ठ ७ वरील लेख उघडा.] या लेखात काही व्यवहार्य सूचना दिल्या आहेत ज्या बऱ्याच जणांना उपयोगी पडल्या.”
सावध राहा! ऑक्टो.-डिसें.
“बऱ्याच लोकांना प्रश्न पडतो की देवावर विश्वास ठेवणे विज्ञानाशी सुसंगत आहे किंवा नाही. तुम्हाला काय वाटते? [उत्तर ऐकून घ्या. मग इब्री लोकांस ३:४ वाचा.] सावध राहाच्या! या विशेषांकात काही पुराव्यांचे परीक्षण केलेले आहे ज्यांनी काही वैज्ञानिकांनाही निर्माणकर्त्यावर विश्वास ठेवण्यास भाग पाडले आहे.”