अभ्यास ४
शास्त्रवचनांचा चांगल्या प्रकारे परिचय
मत्तय २२:४१-४५
सारांश: शास्त्रवचन वाचण्याआधी श्रोत्यांचं मन तयार करा.
हे कसं कराल:
तुम्ही वचन का वाचून दाखवत आहात त्याचा विचार करा. प्रत्येक वचनाचा परिचय देताना त्या वचनातल्या मुख्य मुद्द्याकडे श्रोत्यांचं लक्ष गेलं पाहिजे.
बायबलचा वापर करा. देवावर विश्वास ठेवणाऱ्या लोकांशी बोलताना, बायबल हे “देवाचं वचन” आहे या गोष्टीकडे त्यांचं लक्ष वेधा. असं करून तुम्ही दाखवून देता, की बुद्धीचा खरा स्रोत देवच आहे.
शास्त्रवचनात आवड निर्माण करा. असा प्रश्न विचारा किंवा अशा एखाद्या समस्येचा उल्लेख करा ज्याचं उत्तर त्या वचनात आहे. किंवा असं एखादं तत्त्व सांगा जे समजायला शास्त्रवचनातील अहवाल त्यांना मदत करेल.