भाग ९
पृथ्वीवर नंदनवन कधी येईल?
आजच्या कठीण परिस्थितींवरून दिसून येतं, की देवाचं राज्य लवकरच सगळी दुःखं काढून टाकेल. लूक २१:१०, ११; २ तीमथ्य ३:१-५
आज ज्या गोष्टी घडत आहेत त्यांबद्दल बायबलमध्ये आधीच सांगितलं होतं. त्यात म्हटलं होतं की शेवटच्या काळातले लोक पैशावर प्रेम करतील, मुलं आईवडिलांचं ऐकणार नाहीत, लोक क्रूर असतील आणि त्यांना मौज-मस्तीची आवड असेल.
तसंच मोठमोठे भूकंप होतील, युद्धं होतील, अन्न-धान्याची कमतरता असेल आणि महामाऱ्या पसरतील. आज या सगळ्या गोष्टी घडत आहेत.
येशूने असंही म्हटलं होतं, की देवाच्या राज्याची आनंदाची बातमी संपूर्ण पृथ्वीवर सांगितली जाईल.—मत्तय २४:१४.
देवाचं राज्य सर्व प्रकारच्या वाईट गोष्टी काढून टाकेल. २ पेत्र ३:१३
यहोवा लवकरच सगळ्या दुष्ट लोकांचा नाश करणार आहे.
सैतान आणि त्याच्या दुष्ट स्वर्गदूतांना शिक्षा दिली जाईल.
जे देवाचं ऐकतात त्यांना या नाशातून वाचवलं जाईल. ते पृथ्वीवरच्या नंदनवनात शांतीने राहतील. तिथे कोणत्याही प्रकारची भीती नसेल, लोकांचा एकमेकांवर भरवसा असेल आणि ते प्रेमाने राहतील.