स्तोत्र

८४ हे सैन्यांच्या देवा यहोवा,

तुझं निवासस्थान किती सुंदर आहे!*+

 २ माझ्या जिवाला यहोवाच्या अंगणांची

ओढ लागली आहे.

 ३ हे सैन्यांच्या देवा यहोवा,

माझ्या राजा आणि माझ्या देवा,

तुझ्या महान वेदीजवळ पक्ष्यालाही थारा मिळतो.

पाकोळी तिथे घरटं बांधून

आपल्या पिल्लांची काळजी घेते.

 ५ ज्यांना तुझ्याकडून ताकद मिळते;+

ज्यांचं मन तुझ्या मंदिराकडे जाणाऱ्‍या मार्गांकडे लागलं आहे, ते सुखी आहेत!

 ६ बाका झुडपांच्या रखरखीत खोऱ्‍यातून जाताना,

त्यांना तो झऱ्‍यांचा प्रदेश वाटतो;

सुरुवातीचा पाऊस त्याच्यावर* आशीर्वादांचं वस्त्र पांघरतो.

 ७ ते चालतील तरी त्यांची शक्‍ती कमी होणार नाही;+

त्यांच्यातला प्रत्येक जण सीयोनमध्ये देवापुढे उभा राहील.

 ८ हे यहोवा, सैन्यांच्या देवा, माझी प्रार्थना ऐक;

हे याकोबच्या देवा, माझ्या प्रार्थनेकडे लक्ष दे. (सेला )

 ९ आमची ढाल+ असलेल्या आमच्या देवा,*

तुझ्या अभिषिक्‍ताकडे पाहा.+

दुष्टांच्या तंबूंमध्ये राहण्यापेक्षा,

मी आपल्या देवाच्या घराच्या उंबरठ्याजवळ उभं राहणं पसंत करीन.

११ कारण यहोवा आपल्यासाठी सूर्यासारखा+ आणि ढालीसारखा+ आहे;

तो कृपा आणि सन्मान देणारा देव आहे.

जे खरेपणाने चालतात,

त्यांच्यापासून यहोवा कोणतीही चांगली गोष्ट राखून ठेवणार नाही.+

१२ हे सैन्यांच्या देवा यहोवा,

तुझ्यावर भरवसा ठेवणारा माणूस सुखी आहे!+