स्तोत्र
कोरहच्या मुलांचं गीत.+ संचालकासाठी.
८५ हे यहोवा, तू तुझ्या देशावर कृपा केली आहेस;+
याकोबच्या वंशजांपैकी बंदिवासात नेलेल्यांना तू परत आणलं आहेस.+
३ तू आपला संताप आवरलास;
तू आपला क्रोध सोडून दिलास.+
४ आमचं तारण करणाऱ्या देवा, आम्हाला परत आण*
आणि आमच्यावरचा तुझा राग विसर.+
५ तू कायमचा आमच्यावर क्रोधित राहशील का?+
पिढ्या न् पिढ्या आमच्यावर रागावलेला राहशील का?
६ तुझ्या लोकांनी तुझ्यामुळे आनंद करावा,+
म्हणून तू आम्हाला पुन्हा बळ देणार नाहीस का?
७ हे यहोवा, आमच्यावर असलेलं तुझं एकनिष्ठ प्रेम दाखव,+
आमचं तारण कर.
८ खरा देव यहोवा जे सांगतो, ते मी ऐकेन,
कारण तो आपल्या लोकांशी, आपल्या एकनिष्ठ सेवकांशी शांतीबद्दल बोलेल.+
पण त्यांनी फाजील आत्मविश्वास बाळगण्याची चूक पुन्हा करायला नको.+
९ देवाचं वैभव आपल्या देशात राहावं,
म्हणून तो त्याचं भय मानणाऱ्यांना वाचवायला तयार असतो.+
१० एकनिष्ठ प्रेम आणि विश्वासूपणा एकमेकांना भेटतील;
नीतिमत्त्व आणि शांती एकमेकांचं चुंबन घेतील.+
११ पृथ्वीतून विश्वासूपणा अंकुरेल
आणि नीतिमत्त्व आकाशातून खाली पाहील.+
१२ यहोवा नक्कीच आपल्याला चांगल्या गोष्टी* देईल+
आणि आपल्या देशाची जमीन तिचा उपज देईल.+
१३ नीतिमत्त्व त्याच्यापुढे चालेल+
आणि त्याच्या पावलांसाठी मार्ग तयार करेल.