स्तोत्र
७१ हे यहोवा, मी तुझा आश्रय घेतला आहे.
मला कधीही लज्जित होऊ देऊ नकोस.+
२ तुझ्या नीतीमुळे मला वाचव आणि माझी सुटका कर.
माझ्या प्रार्थनेकडे लक्ष दे* आणि मला वाचव.+
३ माझ्यासाठी तू खडकावर असलेल्या अशा गडासारखा हो,
ज्यात मी कधीही जाऊ शकेन.
मला वाचवलं जावं अशी आज्ञा दे,
कारण तू माझा खडक आणि माझा दुर्ग आहेस.+
४ हे माझ्या देवा, दुष्टाच्या हातून माझी सुटका कर,+
अन्याय आणि जुलूम करणाऱ्याच्या तावडीतून मला सोडव.
५ कारण हे सर्वोच्च प्रभू यहोवा, तूच माझी आशा आहेस;
६ माझा जन्म झाला, तेव्हापासूनच मी तुझ्यावर विसंबून राहिलोय.
तूच मला माझ्या आईच्या उदरातून* काढलंस.+
मी सतत तुझी स्तुती करतो.
७ माझ्यासोबत जे घडलं, ते पाहून बऱ्याच लोकांना आश्चर्य वाटतं,
पण तू माझं मजबूत आश्रयस्थान आहेस.
८ मी नेहमी तुझी स्तुती करतो;+
दिवसभर मी तुझ्या गौरवाचं वर्णन करतो.
१० माझे शत्रू माझ्याविरुद्ध बोलतात,
माझ्या जिवावर उठलेले आपसात मिळून कट रचतात.+
११ ते म्हणतात: “देवाने त्याला सोडून दिलंय.
त्याचा पाठलाग करा आणि त्याला पकडा, कारण त्याला वाचवायला कोणीही नाही.”+
१२ हे देवा, माझ्यापासून दूर राहू नकोस.
हे माझ्या देवा, माझ्या मदतीला धावून ये.+
१३ माझा विरोध करणाऱ्यांना
लज्जित होऊ दे; त्यांचा नाश होऊ दे.+
माझ्यावर संकट आणणाऱ्यांचा
अपमान आणि अनादर होऊ दे.+
१४ पण मी तर वाट पाहत राहीन;
मी तुझी आणखीनच स्तुती करीन.
१५ मी आपल्या तोंडाने तुझ्या नीतिमत्त्वाचं वर्णन करीन;+
तुझी तारणाची कार्यं अगणित* असली,+ तरी
मी दिवसभर त्यांचं वर्णन करत राहीन.
१६ हे सर्वोच्च प्रभू यहोवा,
मी तुझ्या पराक्रमांबद्दल सांगीन.
मी तुझ्या, फक्त तुझ्याच नीतिमत्त्वाचं वर्णन करीन.
१७ हे देवा, माझ्या तरुणपणापासून तू मला शिकवत आला आहेस,+
आणि मी अजूनही तुझी अद्भुत कार्यं घोषित करत आहे.+
१८ हे देवा, मी म्हातारा झाल्यावर आणि माझे केस पांढरे झाल्यावरही मला सोडू नकोस.+
१९ हे देवा, तुझं नीतिमत्त्व आभाळापर्यंत पोहोचलंय;+
तू महान कार्यं केली आहेस;
हे देवा, तुझ्यासारखा कोण आहे?+
२० तू माझ्यावर पुष्कळ संकटं आणि दुःखं येऊ दिलीस,+
पण आता मला पुन्हा सावर;
मला खोल पाण्यातून बाहेर काढ.+
२१ माझा सन्मान मला परत मिळू दे
तुझ्या संरक्षणाने मला वेढ आणि माझं सांत्वन कर.
२२ मग मी तंतुवाद्यावर तुझी स्तुती गाईन,
कारण हे माझ्या देवा, तू विश्वासू आहेस.+