स्तोत्र

७२ हे देवा, राजाला तुझे न्याय-निर्णय कळव;

त्याला* तुझ्या नीतीबद्दल शिकव.+

 २ तो तुझ्या लोकांचं नीतीने समर्थन करो

आणि तुझ्या गोरगरिबांचा योग्य न्याय करो.+

 ३ पर्वत लोकांना शांती देवोत

आणि टेकड्या नीती आणोत.

गोरगरिबांच्या मुलाबाळांना वाचवावं,

आणि फसवणूक करणाऱ्‍याला चिरडून टाकावं.+

 ५ हे देवा, जोपर्यंत सूर्य आहे,

आणि जोपर्यंत चंद्र राहील,

तोपर्यंत तुझे लोक पिढ्या न्‌ पिढ्या तुझं भय मानतील.+

 ६ तो कापलेल्या गवतावर पडणाऱ्‍या पावसाप्रमाणे

आणि पृथ्वीवर बरसणाऱ्‍या सरींप्रमाणे असेल.+

 ७ त्याच्या शासनकाळात नीतिमानांची भरभराट होईल,*+

आणि चंद्र नाहीसा होईपर्यंत विपुल शांती असेल.+

 ८ एका समुद्रापासून दुसऱ्‍या समुद्रापर्यंत

आणि नदीपासून* पृथ्वीच्या कानाकोपऱ्‍यांपर्यंत त्याची प्रजा असेल.*+

 ९ वाळवंटात राहणारे राजाला नमन करतील,

आणि तो आपल्या शत्रूंना धूळ चारेल.+

११ सर्व राजे त्याला नमन करतील,

आणि सगळी राष्ट्रं त्याची सेवा करतील.

१२ कारण साहाय्यासाठी हाक मारणाऱ्‍या गरिबांची;

दीनदुबळ्या आणि असाहाय्य लोकांची तो सुटका करेल.

१३ दीनदुबळ्यांवर आणि गरिबांवर तो दया करेल;

गोरगरिबांचे जीव तो वाचवेल.

लोक सतत त्याच्यासाठी प्रार्थना करोत,

आणि त्याला दिवसभर आशीर्वाद देवोत.

१६ पृथ्वी भरपूर उपज देईल;+

पर्वतांच्या शिखरांवरही पुष्कळ धान्य उगवेल.

लबानोनच्या पिकासारखं राजाचं पीक असेल,+

आणि शहरांमध्ये लोक जमिनीवरच्या गवतासारखे वाढतील.+

१७ त्याचं नाव सर्वकाळ राहो,+

सूर्य असेपर्यंत त्याची भरभराट होवो.

लोक त्याच्या नावाने एकमेकांना आशीर्वाद देवोत;+

सर्व राष्ट्रं त्याला धन्य म्हणोत!