स्तोत्र

७० हे देवा, मला वाचव;

हे यहोवा, माझ्या मदतीला धावून ये.+

 २ माझ्या जिवावर उठलेल्या सर्वांना

लज्जित आणि अपमानित होऊ दे.

माझ्यावर आलेलं संकट पाहून आनंद करणाऱ्‍यांना

शरमेने माघार घ्यायला लाव.

 ३ “बरं झालं! बरं झालं!” असं म्हणून जे माझी थट्टा करतात,

त्यांना लज्जित होऊन परत जायला लाव.

 ४ पण जे तुझा शोध घेतात,

त्यांना तुझ्यामुळे आनंदित व हर्षित होऊ दे.+

 ५ पण मी तर गरीब आणि असाहाय्य आहे;+

हे देवा, माझ्यासाठी लवकरात लवकर कार्य कर.+

हे यहोवा, उशीर लावू नकोस;+

मला साहाय्य करणारा आणि वाचवणारा तूच आहेस!+