स्तोत्र
दावीदचं गीत.
२९ शूरवीरांच्या मुलांनो, यहोवाचा सन्मान करा!
यहोवाचा सन्मान करा, कारण तो गौरवशाली आणि सामर्थ्यशाली आहे!+
३ यहोवाचा आवाज ढगांवरून ऐकू येतो;
गौरवशाली देव गर्जना करतो.+
यहोवा दाट मेघांवर उभा आहे.+
४ यहोवाचा आवाज किती प्रभावशाली आहे!+
यहोवाचा आवाज किती भारदस्त आहे!
६ तो लबानोनला* वासरासारख्या उड्या मारायला लावतो,
तो सिर्योनला+ तरण्या रानबैलासारख्या उड्या मारायला लावतो.
७ यहोवाच्या आवाजाने अग्निज्वालांचा वर्षाव होतो.+
९ यहोवाच्या आवाजाने हरिणी भीतीने थरथरू लागतात आणि अकाली प्रसवतात;*
त्याच्या आवाजाने अरण्यातल्या झाडांची पानं गळून पडतात.+
त्याच्या मंदिरातले सर्व जण म्हणतात: “देवाचा गौरव असो!”
११ यहोवा आपल्या लोकांना सामर्थ्य देईल.+
यहोवा आपल्या लोकांना शांतीचा आशीर्वाद देईल.+