स्तोत्र
दावीदचं स्तुतिगीत. घराच्या उद्घाटनाचं गीत.
३० हे यहोवा, मी तुझा महिमा करीन, कारण तू मला वर आणलं* आहेस;
माझ्या दुःखाबद्दल तू माझ्या शत्रूंना आनंद करू दिला नाहीस.+
२ हे यहोवा, माझ्या देवा, मी तुला मदतीसाठी हाक मारली आणि तू मला बरं केलंस.+
३ हे यहोवा, तू मला कबरेतून* वर आणलंस.+
तू मला जिवंत ठेवलंस; तू मला खळग्यात* जाण्यापासून वाचवलंस.+
४ यहोवाच्या एकनिष्ठ सेवकांनो, त्याची स्तुती करा!*+
त्याच्या पवित्र नावाची* उपकारस्तुती करा!+
संध्याकाळी दुःखाचे अश्रू आले, तरी सकाळी आनंदाचा जल्लोष होईल.+
६ जेव्हा मी सुखात होतो, तेव्हा मी म्हणायचो:
“माझं कधीच काही वाईट होणार नाही.”*
७ हे यहोवा, माझ्यावर तुझी कृपा* होती, तेव्हा तू मला पर्वतासारखं खंबीर केलंस.+
पण तू माझ्यापासून तोंड फिरवताच,* मी भयभीत झालो.+
८ हे यहोवा, मी तुला हाक मारत राहिलो;+
मी यहोवाला कृपेची याचना करत राहिलो.
९ माझा मृत्यू झाला आणि मी कबरेत* गेलो, तर काय उपयोग?+
माती तुझी स्तुती करेल का?+ ती तुझ्या विश्वासूपणाचं वर्णन करेल का?+
१० हे यहोवा, माझी प्रार्थना ऐक आणि माझ्यावर कृपा कर.+
हे यहोवा, माझा सहायक हो.+
११ मी शोक करत होतो, पण तू मला आनंदाने नाचायला लावलंस;
मी पांघरलेलं गोणपाट काढून, तू मला आनंदाचं वस्त्र घातलंस.
१२ मी शांत राहू नये, तर तुझी स्तुती करावी म्हणून तू असं केलंस.
हे यहोवा, माझ्या देवा, मी सर्वकाळ तुझी स्तुती करीन!