LESON 51
Ufita Fasia Jehovah ka Se’ethathala Sulia Ngata la Kulu?
Si manga Jehovah e thaunga’i kulu, nia ka falea te’e present le’a fakalu’a, nia na ngata la. Ufita, Jehovah e thathamia kuki aruto’ona le’a ana present eri? (Te’emania James 1:26.) Kuki aruto’ona ufita bo’o ana present eri fasia Jehovah ka se’ethathala?
1. Kuki aruto’ona ufita ana present eri na Jehovah e falea?
Baebol e sorea, “muki fa’ainamarukia bia muki fa’asukwa’i kamalu’a kwailiu.” (1 Thessalonians 5:11) Ufita, o manto’ona ta imole na ato’ia kwai’adomia? Ta na oki ilifania fasia oko adomi nia? Oki fa’arongo nia o manto’ona asia na’a. Bia oko fa’arongo nia o manta baita asia na’a ana si do le’a na e ilifania. Ufita, o manto’ona ta scripture na thaito’omana kai adomia ruana imole? Scripture oro e to uria oki aruto’ona. E le’a uria oki manto’ona, oki sore ufita ana si ba’ea fasia ka adomia ruana imole. Adelana, si manga ki sui bana si ba’ea na kuki sorea kai fatania kulu manto’ona bia thaito’omana kai fa’ainamarukia ruana imole.—Proverbs 15:1.
2. Si ba’ea ufita ki na a’i kusi aruto’ona?
Baebol e sorea: “A’i musi alabatania si ba’ea ta’a kai mango fasia ngidumulu’a.” (Te’emania Ephesians 4:29.) Si do eri to’olangania a’i kusi kwala bia kusi sorea si ba’ea na kai labatania to’omatafana la ruana imole. Bia la’u bo’o a’i kusi u’unu buri mada kuka u’unu sulia ta u’unua na a’i si mamana sulia ruana imole.—Te’emania Proverbs 16:28
3. Ta na kai adomi kulu fasia kuka sorea si ba’ea na thaito’omana kai fa’asukwa’ia ruana imole?
Si manga oro si do na kuki sorea e fatania si do na to la ruru’ukalu’a bia mantakalu’a. (Luke 6:45) Adelana, kuki raa ulofu uria kuki manto’ona si do ki sui bana na kokota, si do ki sui bana na faalu, si do ki sui bana na adea wane ka to ana liothaua, bia si do ki sui bana na tala’ana kai todaa tango la. (Philippians 4:8) Fasia kuka ilifania si do eki, kuki filia entertainment na le’a bia imole kwaimani le’a ki. (Proverbs 13:20) Si do eri kai adomi kulu fasia kuka manta le’a sui fete’i kuka sorea si ba’ea. Manto’ona si ba’ea na kuki sorea thaito’omana kai adomia mada kai labatania ruana imole. Baebol e sorea: “Ngata lana wane na a’i si manta le’a e kwa’i ka uria naef, ma ngata lana wane na manta le’a kai adomia ruana wane.”—Proverbs 12:18.
TO’OA LA’U TEI SI DO
Kuki to’oa ufita fasia kuka sorea si ba’ea na Jehovah kai se’ethathala sulia bia kai fa’asukwa’ia ruana imole.
4. Manta le’a sui oko ngata
Tei si manga kulu sorea si ba’ea sui buri kuka manta sulia ka a’i si le’a. (James 3:2) Te’emania Galatians 5:22, 23, sui u’unu kalia soeto’ona la:
Si biiranga ta bo’o oki fo’a uria fasia ka adomi oe oko manta le’a sui oko ngata? Si biiranga eki kai adomi ufita bo’o ani oe?
Te’emania 1 Corinthians 15:33, sui u’unu kalia soeto’ona la:
Entertainment bia imole kwaimani na kuki filia, kai adea ngata lakalu’a kai ufita?
Ta bo’o tei si do na kai adea ngata la kulu ka a’i si le’a mada kai adea ngata la kulu ka le’a?
Te’emania Ecclesiastes 3:1, 7, sui u’unu kalia soeto’ona la:
Si manga ta na tala’ana kuki eno, ma si manga ta na tala’ana kuki ngata?
5. U’unu le’a sulia ruana imole
Ta na kuki ilifania fasia a’i kusi sorea si ba’ea na kai labatania ruana imole? Fatania VIDEO, sui u’unu kalia soeto’ona la ki.
Uria ta do’ora eri ka thathamia kai talaa si biiranga eri ura u’unu la sulia ruana imole?
Ta na e ilifania fasia ka talaa si biiranga eri?
Te’emania Ecclesiastes 7:16, sui u’unu kalia soeto’ona la:
Ta na kuki manto’ona si manga na kulu rongoa u’unua na a’i si le’a sulia ruana imole?
Te’emania Ecclesiastes 7:21, 22, sui u’unu kalia soeto’ona la:
Scripture eri e adomi ufita ani oe fasia a’i osi raka’iri si manga ruana imole e u’unu sulia u’unua na a’i si mamana suli oe?
6. Sorea si ba’ea le’a si manga na oki u’unu bia famili oe
Jehovah thathamia kuki sorea si ba’ea na fatania adale’a la bia liothaua la famili. Fatania VIDEO, sui u’unu kalia soeto’ona la.
Ta na kai adomi oe fasia oko sorea si ba’ea le’a ura famili oe?
Te’emania Ephesians 4:31, 32, sui u’unu kalia soeto’ona la:
Si ba’ea ufita na thaito’omana kai adomia famili fasia keka to le’a?
Jehovah e u’unu sulia to’omatafana la nia sula’ania kaluwane nia tha Jesus. Te’emania Matthew 17:5, sui u’unu kalia soeto’ona la:
Oki lae ufita bo’o sulia example Jehovah si manga na oki u’unu bia famili oe?
Lio uria tesi tatha la uria oki tangoa ruana imole la famili uria si do le’a na e ilifania
SI BA’EA TEI IMOLE KEKI SOREA: “Nau kwai ngata aku sula mantaku ne’e, tei na warim kera.”
Ufita, kwa’i mante’edo eri e kokota? Uria ta?
SI DO NA KULU TO’OA
Si ba’ea na kuki sorea e thaito’omana kai adomia mada ka labatania ruana imole. Adelana, kuki manta le’a fesi sulia si ba’ea na kuki sorea, si manga ta na tala’ana kuki sorea bia kuki sore ufita ania.
Reviu
Ta na tei si tatha la uria oki sorea si ba’ea na thaito’omana kai adomia ruana imole?
Si ba’ea ufita ki na a’i si tala’ana kuki sorea?
Ta na kai adomi kulu fasia kuka sorea si ba’ea na thaito’omana kai fa’asukwa’ia ruana imole?
TEI SI DO KI LA’U
Rikia si do na kai adomi kulu fasia kuka sorea si ba’ea na le’a?
Te’emai sulia si do na kai adomi oe fasia a’i osi sorea si ba’ea na ta’a.
Rikia si do na kai adomi oe fasia a’i osi u’unu buri.
Te’emai sulia si do na Jehovah e ilifania uria kai adomia te’e wane fasia ka luka ana si biiranga ura sore lana si ba’ea na ta’a.
“Mi Start for Tingting Abaotem Wanem Mi Duim Long Laef Bilong Mi” (Wastaoa, September 1, 2013)