LESON 52
Uria Ta Kaleko na Kuki Afasia e Gwaunga’i Maana Jehovah?
Kulu sui bo’o mantakalu’a e a’i si toto’o sula’ania kwa’i kaleko na kulu thathamia kuki afasia. Si manga na kulu lae sulia Baebol principle uria kuki filia kaleko na kuki afasia, si do eri kai adea Jehovah ka se’ethathala. Kuki u’unu sulia tei Baebol principle.
1. Baebol principle ta na kai adomi kulu si manga na kuki filia kaleko na kuki afasia, bia si manga na kuki ilifania si do fasia rikilakalu’a ka faalu?
Kuki filia “kaleko na faarana, maka fatania respect, bia mante’edo le’a” bia si manga ki sui bana rikilakalu’a kai faalu fasia ka fatania kulu “faarabaita ana God.” (1 Timothy 2:9, 10) Kuki u’unu sulia fai principle: (1) Afi la kulu kai “faarana.” Uria na o rikia la kongregeson meeting ki imole Jehovah ki afi la kera e a’i si toto’o, sui mena ana, kaleko na kera afasia e fatania respect fana God na kera faarabaita ania. (2) Si manga na kulu afasia kaleko na “fatania respect,” si do eri kai adea imole a’i kesi to ana mante’edo garo suli kulu bia a’i kesi bubufifi uri kulu. (3) Kulu fatania kulu to ana “mante’edo le’a,” si manga na a’i kusi lae sulia kwa’i afi la faalu mada sufi gwau la na Jehovah a’i si se’ethathala sulia. (4) Si manga na rikilakalu’a e faalu ana si manga ki sui bana, si do eri kai adea imole keka riki thaito’omana kulu “faarabaita ana God” mamana.—1 Corinthians 10:31.
2. Uria ta ka le’a kuki manto’ona do’ora bia waiwaena kulu ki si manga na kuki filia ta kaleko na kuki afasia?
Do anta kulu talani kulu na kuki filia kaleko na kuki afasia, e le’a uria kuki manto’ona mantana ruana imole sula’ania kaleko na kuki afasia. A’i kusi thathamia kuki ilifania tesi do na kai fa’afedaa mantana ruana imole, “kuki ilifania si do na kai adomia bia kai fa’asukwa’ia ruana imole.”—Te’emania Romans 15:1, 2.
3. Ade ufita bo’o kaleko na kuki afasia kai adea ruana imole keka thathami to’odo sula’ania Jehovah?
E le’a uria kuki afasia kaleko na e faarana, si manga na kuki lae ana meeting, preaching bia tesi kula bana kulu lae uria. Sulia kulu thathamia imole ki sui bana keki rongoa fa’arongoa le’a na kulu u’unu sulia. Si manga na afi la kulu e faarana, si do eri kai adea ruana imole keki thathami to’odo sula’ania God bia “keki manta baita ana to’odoa tha God na fa’amaruki kulu.”—Titus 2:10.
TO’OA LA’U TEI SI DO
Kuki to’oa si do na kuki ilifania fasia afi la kulu bia rikilakalu’a ka fatania kulu te’e Christian.
Kaleko na kuki afasia kai fatania respect fana to’a baita ana gavman. Bia do anta Jehovah ka rikia mena si do na to la ruru’ukalu’a, kaleko na kuki afasia kai fatania la’u bo’o respect i fana
4. Si manga na kulu faalu si do eri kai fatania respect fana Jehovah
Uria ta ka gwaunga’i kuki faalu? Te’emania Psalms 47:2, sui u’unu kalia soeto’ona la ki:
Sulia kulu faarabaita ana Jehovah, imole keki manta ufita suli nia sula’ania kaleko na kulu afasia?
Ana mantaa oe, ufita e tala’ana kuki manta le’a sula’ania kaleko na kuki afasia si manga na kuki lae ana meeting mada ana preaching? Uria ta?
5. Si do na kai adomi kulu fasia kuka filia kaleko na e faarana
Do anta kaleko na kuki afasia liu lana ka baita mada ka a’i, nia kai faalu bia ka tala’ana si kula na kuki lae uria. Te’emania 1 Corinthians 10:24 bia 1 Timothy 2:9, 10. Sui u’unu kalia uria ta ka le’a a’i kusi afasia kwa’i kaleko na . . .
a’i si faalu.
ngingiri’a bia ka kwakwada.
Do anta a’i kusi lae mena sulia law tha Moses, law eri e adomi kulu fasia kuka riki thaito’omana mantana Jehovah. Te’emania Deuteronomy 22:5, sui u’unu kalia soeto’ona la:
Uria ta wane a’i si afasia kaleko na riki lana kai uria kini, mada kini ka afasia kaleko na riki lana kai uria wane?
Te’emania 1 Corinthians 10:32, 33 bia 1 John 2:15, 16, sui u’unu kalia soeto’ona la ki:
Uria ta a’i kusi afasia kaleko na kai labatania mantana imole na kulu to ofu ki, bia la kongregeson?
Kwa’i afi la mada sufi la ufita, na imole oro kera ilifania ana si kula na o to iei?
Ana mantaa oe, ufita kwa’i afi la eri e tala’ana te’e Christian? Uria ta?
Do anta kuka afasia mena kaleko e’eta kwailiu, kaleko eki kai fatania respect fana Jehovah
SI BA’EA TEI IMOLE KEKI SOREA: “Imole kai afasia la’u bana kaleko na lae sulia mantana.”
Ufita, mante’edo eri e kokota? Uria ta?
SI DO NA KULU TO’OA
Si manga na kulu afasia kaleko na faarana te’e Christian si do eri fatania kulu respectim Jehovah bia imole ki.
Reviu
Uria ta kaleko na kulu filia uria kuki afasia ka gwaunga’i maana Jehovah?
Ta bo’o tei Baebol principle na thaito’omana kai adomi kulu fasia kuka filia kaleko na faarana te’e Christian?
Kaleko na kuki afasia kai adea ruana imole keki manta ufita sula’ania God na kulu faarabaita ania?
TEI SI DO KI LA’U
Te’emai sulia ta na mantana ruana imole sula’ania kaleko na kuki afasia.
Te’emai sulia uria ta ka le’a oki manta le’a sui fete’i oko u tattoo.
“Wanem Nao Bible Talem Abaotem Wei for Garem Tattoo?” (Article la jw.org)
Rikia tei Baebol principle na thaito’omana kai adomi oe fasia oko to ana mante’edo kokota sula’ania rikilamu.
Te’emai sulia te’e kini na thathamia kai ilifania si do na Jehovah e se’ethathala sulia, si manga e to ana mante’edo kokota sula’ania kaleko na ruana imole kera afasia.
“Dress and Grooming Was My Stumbling Block” (Awake!, December 22, 2003)