Ta na Oki Ilifania Fasia Famili Oe ka Se’ethathala?​—Part 2

Wela nia te’e fale la fasia Jehovah. Adelana, Jehovah ka thathamia maka bia thaina keki lio le’a sulia. Jehovah e falea advaes le’a ki na kai adomia maka bia thaina uria keki lio le’a sulia wela ki. Bia ka falea la’u bo’o advaes na thaito’omana kai adomia wela ki fasia keka ilifania si do na kai adea famili keka se’ethathala.

1. Advaes ufita bo’o na Jehovah e falea fana maka bia thaina?

Jehovah e thathamia maka bia thaina keki liothau ana wela kero’a ki bia keki falea si manga uria keki u’unu ofu. Bia la’u bo’o nia ka thathamia maka bia thaina keki beta le’a sulia wela kero’a ki fasia tesi do na kai labata’i kera, bia keki aruto’ona Baebol principle uria keki trainim kera. (Proverbs 1:8) Jehovah e fa’arongoa ana maka ki: “muki beta le’a suli [wela kamalu’a ki] . . . bia muki trainim kera sulia si do na Jehovah e sorea.” (Te’emania Ephesians 6:4.) Si manga na maka bia thaina kero’a lae sulia si do na Jehovah e sorea, uria keki lio sulia wela kero’a ki bia a’i kesi falea si raa eri fana ta ruana imole, si do eri adea Jehovah ka se’ethathala.

2. Advaes ufita bo’o na Jehovah e falea fana wela ki?

Jehovah e fa’arongoa ana wela ki: “Muki adesulia maka bia thainamalu’a.” (Te’emania Colossians 3:​20.) Si manga wela kera respectim bia keka adesulia maka bia thaina, si do eri adea Jehovah ka se’ethathala bia maka bia thaina mena keki se’ethathala la’u bo’o. (Proverbs 23:​22-​25) Jesus e fatania example le’a si manga nia e fa’ekwa. Do anta nia e laula’u, nia e adesulia bia ka respectim maka nia bia thainana.​—Luke 2:​51, 52.

3. Ta bo’o maka bia thaina keki ilifania fasia famili ka kwaimani le’a bia Jehovah?

Masa oe te’e maka mada thaina na o liothau ana Jehovah, oe mena o thathamia la’u bo’o wela oe ki keki liothau ana Jehovah. Ta na oki ilifania fasia wela oe ki keka liothau la’u bo’o ana Jehovah? Oki ilifania si do na Baebol e sorea: “Si manga ki sui bana muki alua [ba’e lana Jehovah] i la ruru’una kaluwane kamalu’a ki bia muki u’unu sulia ana si manga na muki ono la luma, [bia] si manga na muki lae sula roti.” (Deuteronomy 6:7) Si ba’ea ne’e “si manga ki sui bana muki alua” e to’olangania muki to’odo sada si manga ki sui bana. Maka bia thaina kero’a thaito’omana, fasia wela ka manto’ona si do na kero’a to’oa sada, kero’a keki fa’arongo kera si manga ki sui bana. Scripture eri e to’olangania oki lio uria si manga na faarana fasia oko to’odo sana wela oe sula’ania Jehovah. E le’a uria oki olto’ona si manga la fa week uria muki ilifania famili worship. Do anta a’i osi to mena ana wela, oki todaa la’u bo’o si do le’a si manga na o olto’ona si manga la fa week uria oki studyim Baebol.

TO’OA LA’U TEI SI DO

4. Fatania liothaua si manga o trainim wela

Trainim lana wela e a’i si kwai’akura. Kwai’adomia ufita bo’o na Baebol e falea? Te’emania James 1:​19, 20, sui u’unu kalia soeto’ona la ki:

• Maka bia thaina keki fata’i ufita bo’o ana liothaua si manga na keki u’unu bia wela?

• Uria ta maka bia thaina a’i kesi kwaifamantai sana wela si manga kera raka’iri?a

5. Beta sulia wela oe

Fasia oko beta sulia wela oe e gwaunga’i uria oki u’unu bi nia sula’ania sex. Tei si manga ilifa’i lana si do eri e a’i si kwai’akura. Fatania VIDEO, sui u’unu kalia soeto’ona la ki.

VIDEO: Betaa Wela Oe Fasia Biiranga Ta’a (2:​58)

• Uria ta ka a’i si kwai’akura fana tei maka bia thaina keki u’unu sulia sex bia wela kera?

• Ta bo’o tei si tatha la na maka bia thaina kera ilifania fasia keka u’unu sulia sex bia wela kera?

Uria Baebol e profesi sulia, la fa thato i’isi biirangana imole ki kai ta’a asia na’a. Te’emania 2 Timothy 3:​1, 13, sui u’unu kalia soeto’ona la:

• Imole na biirangada e ta’a na verse 13 e u’unu sulia kera labatania wela ki bali ana sex. Adelana, uria ta ka gwaunga’i maka bia thaina keki u’unu sulia sex sana wela kera bia ufita fasia keka beta kera fasia to’a na biirangada e ta’a?

Ufita oe o thathami thaito’omana?

Jehovah’s Witness kera to ana buka oro na thaito’omana kai adomia maka bia thaina fasia keka to’odo sana wela sulia sex, bia ufita fasia keka betaa wela kera fasia to’a na keki labata’i kera. Uria example, rikia:

• Protectim Pikinini Bilong Iu (video)

• Lane From Datfala Nambawan Teacher, chapter 10 bia 32

• “Teachim Pikinini blo Iu Abaotem Sex” (Awake! No. 5 2016)

6. Respectim maka oe bia thainamu

VIDEO: Kwai U’unu Ufita bia Maka Nau bia Thainaku? (2:​19)

• Uria ta ka gwaunga’i wela ki keki fatania respect si manga na keki u’unu bia maka kera bia thainada?

• Ta na wela bi’i baita ki keki ilifania fasia ka fatania respect si manga na keki u’unu bia maka kera bia thainada?

Te’emania Proverbs 1:​8, sui u’unu kalia soeto’ona la:

• Ta na te’e wela kai ilifania si manga na maka bia thaina kera fa’arongo nia ana si do?

7. Olto’ona si manga uria famili worship

Famili Jehovah’s Witness ki kera olto’ona si manga la fa week uria keki ilifania famili worship. Ta na keki ilifania si manga ana famili worship? Fatania VIDEO, sui u’unu kalia soeto’ona la ki.

VIDEO: Famili Worship​—Si Do na A’i si Kwai’akura bia si Do Le’a na Kera Todaa (8:​04)

• Ta na famili keki ilifania fasia keka ilifania famili worship la fa week ki sui bana?

• Ta na maka bia thaina keki ilifania fasia famili ka se’ethathala si manga na kera ilifania famili worship?​—Rikia nunuido ana thafali lana leson.

• Ta na tei si do na adea ka a’i si kwai’akura uria famili keki ilifania famili worship?

La si manga Israelite ki, Jehovah e thathamia maka bia thaina keki u’unu sulia scripture ki sana wela ki si manga ki sui bana. Te’emania Deuteronomy 6:​6, 7, sui u’unu kalia soeto’ona la:

• Oki lae ufita bo’o sulia principle eri?

Idea ki ura ilifa’i lana famili worship:

• Kwaima’akwali ma’asia meeting ki.

• U’unu kalia ta u’unua la Baebol na famili kera thathamia asia na’a.

• Masa oko to ana kaala wela, daonlodim mada oko printim ta activity fasia “Samting for Olketa Pikinini Duim” la jw.org.

• Masa oko to ana ta wela bi’i baita, u’unu kalia ta article for olketa teenager la jw.org.

• Actim ta u’unua la Baebol bia wela oe ki.

• Rikia ta video la jw.org sui muka u’unu kalia.

SI DO NA KULU TO’OA

Jehovah e thathamia maka bia thaina keki liothau, trainim bia keka beta sulia wela kera; wela ki keki respectim bia keki adesulia maka bia thaina bia keka ilifania famili worship.

Reviu

• Ta na maka bia thaina keki ilifania fasia keka trainim bia keka beta sulia wela ki?

• Ta na wela keki ilifania fasia ka fatania kera respectim maka bia thaina?

• Ta le’a na famili kai todaa si manga kera olto’ona si manga la fa week uria keki ilifania famili worship?

TEI SI DO KI LA’U

Te’emai sulia leson ki na oki to’oa sana wela oe ki fasia ka adomi kera si manga kera baita.

“Sixfala Important Leson for Teachim Pikinini” (Wekap! No. 2 2019)

Te’emai sulia advaes na Baebol e falea fana imole na kera lio sulia thainada mada maka kera na oloman.

“Wanem Nao Bible Talem Abaotem Wei for Lukaftarem Parents wea Olo?” (Article la jw.org)

Rikia si do na adomia te’e maka uria kai trainim wela nia, do anta totolo na’o nia a’i si thaito’omana kai ilifania si do eri.

Jehovah Teachim Mitufala for Lukaftarem Famili (5:​58)

Te’emai sulia si do na maka kai ilifania fasia ka kwaimani le’a bia kaluwane nia.

“Wanem Nao Savve Helpem Dadi Fren Gud Witim Son?” (Wastaoa, January 1, 2012)