LESON 37
Si Do na Baebol e Sorea Sula’ania Raa bia Seleni
Ufita, tesi manga oe o manta isifufuli sula’ania raa bia seleni? Tei si manga e a’i si kwai’akura uria kuki raa uria si do na kulu ato’ia, sui kuka ilifania la’u bo’o si do na Jehovah e se’ethathala sulia. Sui mena ana, Baebol e falea advaes le’a na thaito’omana kai adomi kulu.
1. Ta na Baebol e sorea sula’ania raa?
God e thathamia kuki se’ethathala bia si raa na kulu ilifania. Baebol sorea “e le’a uria wane kai . . . se’ethathala ana sulia si raa ulofua nia.” (Ecclesiastes 2:24) Jehovah wane e raa ulofu, adelana si manga na kulu lae sulia example nia, nia kai se’ethathala bia kulu mena kuka se’ethathala la’u bo’o.
E gwaunga’i uria kuki raa, sui mena ana, a’i kusi alabatania raa la kai gwaunga’i ka talua faarabaita la kulu fana Jehovah. (John 6:27) Jehovah e alanga’i uria kai falea si do na kulu ato’ia, si manga na kulu alua faarabaita la kulu i fana si do totolo na’o la marukia kulu.
2. Kuki manta ufita sula’ania seleni?
Baebol sorea “seleni thaito’omana kai adomi kulu,” bia nia ka sorea la’u bo’o seleni thaito’omana kai falea afeta’ia fakalu’a. (Ecclesiastes 7:12) Do na adea, Baebol ka sorea “muki se’ethathala bamalu’a sulia si do na mulu to na’a ania,” a’i musi rofe asia na’a buira seleni. (Te’emania Hebrews 13:5.) Si manga na kulu se’ethathala bakalu’a sulia si do na kulu to ania, si do eri kai adomi kulu fasia a’i kusi thathamia asia na’a si do oro. Bia a’i kusi to ana ta kaon baita. (Proverbs 22:7) Bia kuki tatha fasia afeta’ia na kai fulato’ona imole ki na kera tona ngalia seleni ta ruana imole.
3. Kuki aruto’ona ufita ana seleni na kulu to ania?
Jehovah nia God e se’ethathala uria kai fale, si manga na kulu “kwai’alami uria [kuki] fale bia [kuka] ukalia si do na [kulu] to ania” fana ruana imole, si do eri fatania kulu lae sulia example Jehovah. (1 Timothy 6:18) Kulu thaito’omana kuki aruto’ona seleni na kulu to ania ura adomi lana Kongregeson, bia kuka adomia ana do’ora bia waiwaena ki na kera ato’ia kwai’adomia. Sui mena ana, Jehovah a’i si lio uria fitasi do na kulu falea, nia e lio uria si do na idu kulu uria kuki falea si do. Adelana si manga kulu kwai’alami uria kuki falea si do fasia ruru’ukalu’a do anta ka baita mada ka fa’ekwa, kulu kuki se’ethathala bia Jehovah mena kai se’ethathala la’u bo’o.—Te’emania Acts 20:35.
TO’OA LA’U TEI SI DO
Kuki to’oa si do le’a na kuki todaa si manga na kulu to ana mante’edo kokota sula’ania raa, bia kuka se’ethathala bakalu’a sulia si do na kulu to ania.
4. Raa na kulu ilifania kai falea tango la fana Jehovah
Kwaimania kulu bia Jehovah kai fata’i ana abula la kulu la si kula na kulu raa iei. Fatania VIDEO, sui u’unu kalia soeto’ona la ki.
Uria na kulu rikia la video eri, ta na o thathamia sula’ania abula lana tha Jason la si kula na e raa iei?
Ta na Jason e ilifania na fatania nia e to ana mante’edo kokota sula’ania raa?
Te’emania Colossians 3:23, 24, sui u’unu kalia soeto’ona la:
Uria ta ka gwaunga’i kuki fatania si biiranga le’a si kula na kulu raa iei?
Raa la e gwaunga’i. Sui mena ana, a’i kusi alabatania raa la kai gwaunga’i ka talua faarabaita la kulu fana Jehovah
5. Kuki todaa si do le’a si manga na kulu se’ethathala bakalu’a sulia si do na kulu to ania
Imole oro kera thathamia keki to ana seleni oro. Sui mena ana, Baebol e falea te’e advaes le’a. Te’emania 1 Timothy 6:6-8, sui u’unu kalia soeto’ona la:
Ta na Baebol e sorea kuki ilifania?
Kulu thaito’omana kuki se’ethathala bakalu’a do anta a’i kusi to mena ana si do oro. Fatania VIDEO, sui u’unu kalia soeto’ona la.
Uria na kulu rikia la video, ta na adea famili eri keka se’ethathala do anta kesi to mena ana seleni oro?
Ta na kai fuli si manga na kulu to sui na’a ana si do, sui kuka thathamia kuki to la’u ana si do oro? Rikia si do na Jesus e u’unu sulia. Te’emania Luke 12:15-21, sui u’unu kalia soeto’ona la:
Ta na o to’oa fasia u’unua eri tha Jesus?—Rikia verse 15.
Te’emania Proverbs 10:22 bia 1 Timothy 6:10 sui oko bobola ngania. Sui u’unu kalia soeto’ona la ki:
Ana mantaa oe, ta na gwaunga’i ka tatha? Kwaimani la bia Jehovah mada raa la uria seleni? Uria ta oko manta una’eri?
Afeta’ia ta na kuki fulato’ona si manga na kulu rofe asia na’a buira seleni?
6. Jehovah kai falea si do na kulu ato’ia
Si manga na kulu fulato’ona afeta’ia bali ana raa mada a’i kusi to ana seleni, si do eri thaito’omana kai ilito’ona fito’oa na kulu to ania fana Jehovah. Fatania VIDEO fasia oko rikia si do na kuki ilifania si manga na kulu fulato’ona afeta’ia una’eri, sui u’unu kalia soeto’ona la ki.
Uria na kulu rikia la video, afeta’ia ta na do’ora eri e fulato’ona?
Ta na nia e ilifania na adea nia ka sitatha ana afeta’ia eri?
Te’emania Matthew 6:25-34, sui u’unu kalia soeto’ona la:
Ta na Jehovah e alanga’i uria kai ilifania fana imole na kera alua faarabaita la an nia, si do totolo na’o la marukia kera?
SI BA’EA TEI IMOLE KEKI SOREA: “Nau kwai raa bona’a fasia kwa adomia famili nau, adelana tei fa week a’i kwesi lae bo’o ana meeting.”
Scripture ta na fatania Jehovah kai falea si do na kulu ato’ia, si manga na kulu alua faarabaita la kulu i fana si do totolo na’o la marukia kulu?
SI DO NA KULU TO’OA
Raa bia seleni e gwaunga’i, sui mena ana a’i kusi alabatania kai labatania kwaimania kulu bia Jehovah.
Reviu
Ta na kai adomi oe fasia oko to ana mante’edo kokota sula’ania raa?
Ta le’a na oki todaa si manga na o se’ethathala bamu’a sulia si do na o to ania?
Jehovah e alanga’i uria kai falea si do na imole nia ki kera ato’ia, sui ta na oki ilifania fasia ka fatania o mantangado ana alanga’ia eri?
TEI SI DO KI LA’U
Te’emai sulia masa Baebol ka sorea seleni e a’i si le’a.
“Hao, Selen Nao Hem Kosim Evri Nogud Samting?” (Article la jw.org)
To’oa kwa’i fale la ufita na Jehovah e se’ethathala sulia.
“Wat Nao Bible Talem Abaotem Wei for Give?” (Article la jw.org)
Ufita, play la ura seleni kai labatania wane?
Te’emai sulia si do na adomia te’e wane uria kai to fasia play la ura seleni bia bili la.
“I Was Passionate About Racehorses” (The Watchtower, November 1, 2011)