LESON 48
Filia Imole Kwaimani Le’a
Imole kwaimani le’a thaito’omana kai adomi kulu ana si manga le’a bia si manga na kulu fulato’ona afeta’ia. Sui mena ana, Baebol e sorea a’i la’u imole ki sui bo’o kera imole kwaimani le’a. Ufita fasia kuka filia imole kwaimani le’a? La leson ne’e kuki u’unu kalia soeto’ona la eri.
1. Imole kwaimani na o filia keki influencim ufita ani oe?
Imole na kulu kwaimani bi kera thaito’omana keki influencim kulu ana si do na le’a mada si do na ta’a, do anta imole ki na kulu kwaimani bi kera la social media mena. Adelana Baebol ka sorea, “wane na lae bia to’a na kera lioto’o kai lioto’o la’u bo’o, ma wane na kwairo’omi bia to’a na a’i kesi lioto’o [to’a na a’i kesi liothau ana Jehovah] kai fulato’ona ta’a la.” (Proverbs 13:20) Imole kwaimani na kera liothau bia keka faarabaita ana Jehovah thaito’omana keki adomi oe fasia oko kwaimani le’a bia Jehovah bia oko thaungania disison na le’a. Ma imole kwaimani na a’i kesi faarabaita ana Jehovah thaito’omana keki labatania kwaimania kulu bia Jehovah. Adelana Baebol ka sorea, kuki filia imole kwaimani le’a! Si manga na kulu kwaimani bia imole na kera liothau ana God, kuki todaa si do le’a bia kera mena keki todaa la’u bo’o si do le’a. Adelana Baebol ka sorea “muki fa’ainamarukia bia muki fa’asukwa’i kamalu’a kwailiu.”—1 Thessalonians 5:11.
2. To’omatafana la Jehovah kai ufita sula’ania imole kwaimani ki na kulu filia?
Jehovah e lio lalangania si manga kai filia imole na kai kwaimani bia. “Nia ka kwaimani le’a bia imole na kera ilifania si do na kokota.” (Proverbs 3:32) Si manga kulu filia imole kwaimani na a’i kesi liothau ana Jehovah, to’omatafana la nia kai ufita? Nia a’i si se’ethathala! (Te’emania James 4:4.) Sui mena ana, Jehovah kai se’ethathala bia kai kwaimani bi kulu, si manga na kulu lalakwa tania kwairo’omia na ta’a bia kuka kwaimani bia imole na kera liothau ani nia.—Psalm 15:1-4.
TO’OA LA’U TEI SI DO
Kuki to’oa uria ta ka gwaunga’i kuki filia imole kwaimani le’a bia ufita fasia oko to ana imole kwaimani le’a.
3. To fasia kwairo’omi la na a’i si le’a
Kwairo’omi la na a’i si le’a e to’olangania, si manga kulu kwairo’omi bia imole na a’i kesi liothau ana God bia kesi lae sulia olto’oa nia ki. Fatania VIDEO, sui u’unu kalia soeto’ona la.
Ta bo’o tei si do na kulu ilifania, na a’i kusi riki thaito’omana kulu kwairo’omi na’a bia imole na a’i kesi liothau ana God?
Te’emania 1 Corinthians 15:33, sui u’unu kalia soeto’ona la:
Kwa’i imole ufita na a’i si tala’ana oki kwairo’omi bia? Uria ta?
Te’emania Psalm 119:63, sui u’unu kalia soeto’ona la:
Ta na oki lio uria fasia oko filia te’e imole kwaimani le’a?
Te’e apple dura na to bia apple le’a ki, kai labatania apple eki na le’a. Kwairo’omi la na a’i si le’a kai labata’i ufita ani oe?
4. Kulu thaito’omana kuki kwaimani bakalu’a bia imole ki na a’i kusi toto’o
Baebol e u’unu sulia te’e roo wane Israel la si manga na sui, David bia tha Jonathan. Fa ngali, si do na kero’a keki ilifania, bia to la kero’a e a’i si toto’o; sui mena ana kero’a kwaimani le’a asia na’a. Te’emania 1 Samuel 18:1, sui u’unu kalia soeto’ona la:
Uria ta a’i kusi filia bakalu’a imole na kulu toto’o uria kuki kwaimani bia?
Te’emania Romans 1:11, 12, sui u’unu kalia soeto’ona la:
Imole kwaimani na kera liothau ana Jehovah kera fa’asukwa’i ufita ani kera kwailiu?
La video ne’e, kuki rikia si do na te’e wela bi’i baita e ilifania na adea ka todaa te’e wane kwaimani ana si kula na a’i si fiia. Fatania VIDEO, sui u’unu kalia soeto’ona la ki.
Uria na kulu rikia la video, uria ta maka bia thainana Akil keka manta isifufuli asia na’a sula’ania wela na nia e kwaimani bi kera la sukulu?
Ta na adea Akil ka thathami kwaimani bia wela eki?
Ta na Akil e ilifania na adea nia ka todaa te’e wane kwaimani le’a?
5. Ta na oki ilifania fasia oko to ana imole kwaimani le’a
Rikia si do na oki ilifania fasia oko todaa te’e imole kwaimani le’a, bia si do na oki ilifania fasia oe te’e imole kwaimani le’a. Fatania VIDEO.
Te’emania Proverbs 18:24 bia 27:17, sui u’unu kalia soeto’ona la ki:
Imole kwaimani mamana ki keki adomi ufita ani kera kwailiu?
Ufita, o to ana kwa’i imole kwaimani una’eri? Masa ka a’i, ta na oki ilifania fasia oko to ana kwa’i imole kwaimani una’eri?
Te’emania Philippians 2:4, sui u’unu kalia soeto’ona la:
Fasia oko to ana imole kwaimani le’a ki, oe u bo’o oki te’e imole kwaimani le’a. Ta na oki ilifania fasia oe te’e imole kwaimani le’a?
Fasia oko to ana imole kwaimani le’a ki, oe u bo’o oki te’e imole kwaimani le’a
SI BA’EA TEI IMOLE KEKI SOREA: “Ta imole kwaimani bana o to ania e le’a ka talua masa a’i osi to ana ta imole kwaimani.”
Ta na oki sorea?
SI DO NA KULU TO’OA
Si manga kulu filia imole kwaimani le’a ki, Jehovah kai se’ethathala bia kuki todaa si do le’a.
Reviu
Uria ta imole kwaimani ki na kuki filia e gwaunga’i ana Jehovah?
Kwa’i imole ufita na a’i si tala’ana kuki kwaimani bi kera?
Ta na oki ilifania fasia oko kwaimani le’a bia imole ki na kera liothau ana God?
TEI SI DO KI LA’U
Te’emai sulia imole kwaimani mamana keki adomi ufita ani kulu si manga ana afeta’ia.
“Duim Samting for Strongim Wei wea Iumi Fren Gud Tugeta Bifor End Kam” (Wastaoa, November 2019)
Te’emai sulia si do na oki ilifania fasia oko to ana imole kwaimani le’a ki.
“How Can I Make Good Friends?” (Questions Young People Ask—Answers That Work, Volume 1, chapter 8)
Ta na oki thaito’omana sula’ania imole ki na o kwaimani bi kera la social media?
La u’unua ne’e, “Mi Laekem Tumas For Garem Wanfala Dadi,” te’emai sulia si do na adea te’e wane ka filia la’u imole kwaimani faalu ki.