LESON 55
Adomia Kongregeson Oe
Kakalia fanua ne iano, mole’e imole kera se’ethathala ura faarabaita la ana Jehovah la kongregeson ki. Kera manta baita ana direction na kera todaa bia keka thathami adomia kongregeson ana si tatha la e’eta oro. Ufita, o to la’u bo’o ana kwa’i mante’edo una’eri sula’ania kongregeson oe?
1. Ta bo’o tei si tatha la na kuki aruto’ona si manga bia sukwa’ia kulu ura adomi lana kongregeson?
Kulu sui bo’o thaito’omana kuki kwai’adomi la kongregeson. Uria example, ufita, ta imole la kongregeson oe e oloman mada e a’i si tala’ana kai lae? Ufita, e tala’ana oki adomi kera fasia keka lae ana meeting? Mada ufita, e tala’ana oki adomi kera ana tesi do na kera ato’ia, uria lae oko usia fanga fada mada oko betaa luma kera? (Te’emania James 1:27.) Bia la’u bo’o kuka kwai’adomi ura beta lana Kingdom Hall. Ta wane a’i si forcem kulu uria kuki ilifania si do eki, liothaua kulu fana God bia imole ki na adea kuka “kwai’alami uria [kuki] fale [kulu].”—Psalm 110:3.
Imole na kera baptaes sui na’a thaito’omana keki ilifania si do oro ura adomi lana kongregeson. Do’ora ki thaito’omana keki adomia kongregeson si manga na kera tata’e mai te’e ministerial servent mada elder. Do’ora bia waiwaena ki thaito’omana keki adomia kongregeson ura u’unuta’i lana si fa’arongoa le’a si manga na kera pioneer. Tei imole na kera baptaes sui na’a thaito’omana keki kwai’adomi ura thaunga’i lana kingdom hall mada keka pioneer la ta kongregeson na ato’ia kwai’adomia.
2. Kuki aruto’ona ufita bo’o ana si do na kulu to ania uria kuki adomia ana kongregeson?
Kulu thaito’omana kuki “honorim Jehovah bia si do le’a na [kulu] to ania.” (Proverbs 3:9) Nia te’e privilege fakalu’a uria kuki falea contribution bia si do na kulu to ania ki ura adomi lana kongregeson bia si raa ura u’unuta’i lana fa’arongoa le’a kakalia fanua ne iano. (Te’emania 2 Corinthians 9:7.) Contribution na kulu falea thaito’omana kai adomia la’u bo’o do’ora ki na disaster e fulato’oda. Imole oro kera “alua tei fa seleni” fasia keka falea donation si manga ki sui bana. (Te’emania 1 Corinthians 16:2.) Kulu thaito’omana kuki falea donation la contribution box na to la kingdom hall mada kuka falea donation online la donate.jw.org. Si manga na kulu falea donation bia tei si do ki la’u na kulu to ania ura adomi lana kongregeson, si do eri fatania kulu liothau ana Jehovah.
TO’OA LA’U TEI SI DO
Kuki u’unu sulia tei si do ki la’u na oki ilifania fasia oko adomia kongregeson.
3. Falea si do na kulu to ania
Jehovah bia Jesus kero’a liothau ana imole na se’ethathala uria kai fale. Uria example, Jesus e manta baita ana te’e oru, sulia nia e fale fana Jehovah do anta nia a’i si to mena ana seleni oro. Te’emania Luke 21:1-4, sui u’unu kalia soeto’ona la ki:
Ufita, kuki falea donation baita fasia Jehovah ka se’ethathala?
To’omatafana la Jehovah bia Jesus e ufita, si manga na kero’a rikia kulu se’ethathala uria kuki falea donation?
Fasia oko thaito’omana kera aruto’ona ufita ana donation na kulu falea, fatania VIDEO. Sui u’unu kalia soeto’ona la.
Kera aruto’ona ufita bo’o ana donation eki ura adomi lana kongregeson ki kakalia fanua ne iano?
4. Kwai’alami ura kwai’adomi la
Imole na kera faarabaita ana Jehovah la si manga na sui, kera kwai’alami uria keki betaa si kula na keki faarabaita iei. Bia keka falea la’u bo’o contribution. Te’emania 2 Chronicles 34:9-11, sui u’unu kalia soeto’ona la:
Ta na Israelite ki kera ilifania uria keki betaa si kula na keki faarabaita iei?
Fasia oko rikia si do na Jehovah’s witness kera ilifania na fatania kera lae sulia example eri la Baebol, fatania VIDEO. Sui u’unu kalia soeto’ona la ki.
Uria ta ka gwaunga’i kuki betaa Kingdom Hall ka faalu bia kuki thaunga’i le’a ana si kula na ta’a?
Ta bo’o tei si do na oki ilifania fasia oko kwai’adomi?
5. Do’ora ki keki ilifania si do fasia keka qualify ura ilifa’i lana raa ki la kongregeson
Baebol sorea do’ora ki keki raa ulofu fasia keka ilifania tei si raa ki la’u ura adomi lana kongregeson. Fasia oko rikia te’e example, fatania VIDEO. Sui u’unu kalia soeto’ona la.
Uria na kulu rikia la video, ta na Ryan e ilifania na adea ka todaa la’u tei si raa ura adomi lana kongregeson?
Baebol e u’unu sulia si do na te’e do’ora kai ilifania fasia ka tala’ana kai ministerial servant mada ka elder. Te’emania 1 Timothy 3:1-13, sui u’unu kalia soeto’ona la ki:
Ta na te’e do’ora kai ilifania fasia ka tala’ana kai ministerial servent mada ka elder?
Ta na famili kera keki ilifania?—Rikia verse 4 bia 11.
Si manga na te’e do’ora e raa ulofu uria kai fula fafia si do eki, ta le’a na do’ora bia waiwaena ki la kongregeson keki todaa?
TEI IMOLE KEKI SOETO’ONA: “Fei na Jehovah’s Witness kera todaa seleni fasia, uria keki ilifania ana raa kera kakalia fanua ne iano?”
Ta na oki sorea?
SI DO NA KULU TO’OA
Jehovah e manta baita asia na’a ani kulu si manga na kulu falea si manga kulu, sukwa’ia kulu, bia si do na kulu to ania ura adomi lana kongregeson.
Reviu
Kuki aruto’ona ufita bo’o ana si manga bia sukwa’ia kulu ura adomi lana kongregeson?
Kuki aruto’ona ufita bo’o ana si do na kulu to ania ki ura adomi lana kongregeson?
Ta bo’o tei si do na o thathami ilifania ura adomi lana kongregeson?
TEI SI DO KI LA’U
Te’emai sulia uria ta imole na kera faarabaita ana Jehovah manga eri, a’i kesi lae na’a sulia law tha Moses ura fale lana fo’edo totolo na’o ana aludoa kera.
Baebol e olto’ona wane na baptaes uria kai ilifania tei si raa la kongregeson. Sui ufita masa kini na baptaes ka ilifania si raa eri?
“Hao Kongregeson Waka Anda lo Christ” (Wastaoa, February 2021)
Rikia si do tei do’ora kera ilifania uria keki ngalia pablikeson ki fana do’ora bia waiwaena ki.
Te’emai sulia seleni na mili aruto’ona ura adomi lana raa kamali’a, mili toda ufita ania.
“Hao Nao Olketa Jehovah’s Witness Kasem Selen for Sapotim Waka blo Olketa?” (Article la jw.org)