To ana Te’e Mante’edo la Kongregeson

Si manga kulu ofu bia do’ora bia waiwaena ki, kulu mena kuka to la’u bo’o ana to’omatafana la uria tha King David na e sorea: “E faarana bia ka le’a asia na’a si manga do’ora ki kera ofu bia keka to ana te’e mante’edo!” (Psalm 133:1) To la ana te’e mante’edo e a’i si tone’e fuli, tete’e imole ani kulu kai ilifania si do fasia kongregeson ka to ana te’e mante’edo.

1. Ta na fatania imole Jehovah kera to ana te’e mante’edo?

Masa oko lae ana kongregeson meeting kera Jehovah’s Witness ana tesi kula, do anta a’i osi thaito’omana mena languis na keki ngata ania, oki rikia si do oro na fatania imole Jehovah kera to ana te’e mante’edo. Uria example, ana si kula ki sui bo’o si manga na miki studyim Baebol mili aruto’ona bo’o te’e pablikeson. Bia miki fatania liothaua ma’alutamali’a kwailiu. Do anta fei bana mili to iei kamali’a sui bo’o mili “ai ana thatana Jehovah fasia [miki] faarabaita ani nia bia te’e mante’edo.”​—Zephaniah 3:​9, footnote.

2. Ta na oki ilifania fasia kongregeson ka to ana te’e mante’edo?

“Muki liothau ani kamalu’a kwailiu fasia ruru’umalu’a.” (1 Peter 1:​22) Ta na oki ilifania fasia oko liothau ana ruana imole? E le’a uria oki lio uria si biiranga le’a ki na do’ora bia waiwaena kera to ania, a’i kusi lio uria feda la kera ki. A’i kusi kwaimani mada kuka kwairo’omi bakalu’a bia imole na kulu toto’o, ili uria kuki thaito’omana do’ora bia waiwaena ki sui bana do anta a’i kusi toto’o. Bia la’u bo’o kuki raa ulofo fasia a’i kusi to ana to’omatafana la ura lalakwata’i lana ruana imole.​—Te’emania 1 Peter 2:​17.a

3. Ta na oki ilifania si manga ta do’ora mada ta waiwaena e ilifania tesi do na adea to’omatafana la oe ka a’i si le’a?

Kulu thathamia kuki to ana te’e mante’edo, sui sula’ania a’i kusi laula’u tei si manga kuka ilifania si do na kai adea to’omatafana la do’ora mada waiwaena ka a’i si le’a. Adelana, Baebol ka sorea “si manga ki sui bana [kuki] mantalube . . . uria Jehovah na kwai’alami uria kai mantalube.” (Te’emania Colossians 3:13.) Si manga oro kulu ilifania si do na Jehovah a’i si se’ethathala sulia, sui mena ana nia e mantalube kulu bana. Adelana nia ka thathamia kuki mantalubea la’u bo’o do’ora bia waiwaena kulu ki. Masa o thaito’omana o ilifania si do na adea to’omatafana la ruana imole ka a’i si le’a, e le’a uria oki ilifania si do fasia moki kokotaa.​—Te’emania Matthew 5:​23, 24.b

TO’OA LA’U TEI SI DO

4. Luka ania si biiranga ura lalakwata’i lana ruana imole

Kulu thathamia kuki liothau ana do’ora bia waiwaena kulu ki sui bo’o. Sui tei si manga ilifa’i lana si do eri e a’i si kwai’akura sulia a’i kusi toto’o. Ta na kai adomi kulu? Te’emania Acts 10:​34, 35, sui u’unu kalia soeto’ona la ki:

• Jehovah e rikia imole ki sui bo’o na kera faarabaita ani nia ka toto’o. Ta na oki ilifania fasia ka fatania o lae sulia example eri Jehovah?

• La si kulu na o to iei, ta na imole kera ilifania na fatania kera lalakwa tania ruana imole?

Te’emania 2 Corinthians 6:​11-​13, sui u’unu kalia soeto’ona la:

• Ta na kuki ilifania fasia ka fatania kulu liothau ana do’ora bia waiwaena kulu ki do anta a’i kusi toto’o?

5. Kwai’alami uria oki mantalube bia oko kokotaa afeta’ia

Jehovah e kwai’alami uria kai mantalube kulu do anta nia a’i si ato’ia bo’o uria kuki mantalube nia. Te’emana Psalm 86:​5, sui u’unu kalia soeto’ona la ki:

• Ta na o to’oa fasia verse eri sula’ania mantalube la na Jehovah e to ania?

• Uria ta oko manta baita ana si do eri?

• Ta bo’o tei si do na adea ka a’i si kwai’akura uria kuki to le’a bia ruana imole?

Kuki lae ufita bo’o sulia example Jehovah fasia kuka to le’a bia do’ora bia waiwaena kulu ki? Te’emania Proverbs 19:​11, sui u’unu kalia soeto’ona la:

• Masa te’e imole ka ilifania tesi do ani oe na adea to’omatafana la oe ka a’i si le’a, ta na oki ilifania fasia oko kokotaa si do eri?

Tei si manga kulu ilifania si do na adea mantana ruana imole ka a’i si le’a. Si manga na si do eri e fuli, ta na kuki ilifania? Fatania VIDEO, sui u’unu kalia soeto’ona la.

VIDEO: Kokota Lana Afeta’ia kai Falea Enenoa (6:​01)

• Uria na kulu rikia la video, ta na waiwaena eri e ilifania fasia ka kokotaa afeta’ia eri?

6. Lio uria si biiranga le’a na do’ora bia waiwaena ki kera to ania

Si manga na kulu kwaimani le’a bia do’ora bia waiwaena ki, kuki thaito’omana si biiranga le’a na kera to ania bia si feda la kera ki. Ufita fasia kuka riki thaito’omana si biiranga le’a na kera to ania? Fatania VIDEO, sui u’unu kalia soeto’ona la.

VIDEO: Fatania si Biiranga Le’a ki! (5:​10)

• Ta na kai adomi oe fasia oko riki thaito’omana si biiranga le’a ki na do’ora bia waiwaena kera to ania?

Jehovah e lio uria si biiranga le’a ki na kulu to ania. Te’emania 2 Chronicles 16:9a, sui u’unu kalia soeto’ona la:

• Si manga o thaito’omana Jehovah e lio bana uria si biiranga le’a ki na o to ania, si do eri adea to’omatafana la oe ka ufita?

SI DO NA KULU TO’OA

Si manga o kwai’alami uria oki mantalube bia oko fatania liothaua fana do’ora bia waiwaena ki, si do eri kai adea kongregeson ka to ana te’e mante’edo.

Reviu

• Ta na oki ilifania fasia oko luka ana si biiranga ura lalakwata’i lana ruana imole?

• Ta na oki ilifania masa mantamu ka a’i si le’a uria ta do’ora mada ta waiwaena?

• Uria ta oko thathami lae sulia example Jehovah ura mantalube la?

TEI SI DO KI LA’U

Rikia te’e tokpiksa na Jesus e aruto’ona e adomi ufita ani kulu fasia a’i kusi soredo sulia ruana imole.

Aotem Bigfala Timber (6:​56)

Ufita, e tala’ana uria kuki kwaimantai, do anta kuka sorea a’i la’u kulu na kulu garo?

“Wei for Sei Sorre Wanfala Key for Kasem Peace” (Wastaoa, November 1, 2002)

Rikia si do na tei imole kera ilifania fasia keka rikia imole ki sui bo’o ka toto’o.

A’i Kusi Soredo Sulia si Do na Kulu Rikia (5:​06)

Te’emai sulia si do na oki ilifania fasia oko kokotaa afeta’ia bia ta ruana imole, sui fete’i ka labatania enenoa la kongregeson.

“Stretem Problem Witim Narawan” (Wastaoa, May 2016)