LESON 54
Tei na “Wane ni Raa Mamana na Liona e To’o” bia Ta na Raa Kera?
Jesus na Hed ana Christian kongregeson. (Ephesians 5:23) Tara’ena, do anta Jesus ka to mena i heven, nia e aruto’ona “wane ni raa mamana na liona e to’o” uria keki talaia imole nia ki fafona fanua ne iano. (Te’emania Matthew 24:45.) Jesus talani nia na filia “wane ni raa” eri bia ka falea sukwa’ia fana uria kai thaungania disison, sui mena ana, wane ni raa eri e adesulia Christ bia ka raa ofu bia do’orana Christ ki. Tei na wane ni raa eri? Ta na wane ni raa eri e ilifania uria kai liosuli kulu?
1. Tei na “wane ni raa mamana na liona e to’o”?
Si manga ki si bana Jehovah e aruto’ona wane mada te’e kali grup ana wane ki uria keki talaia imole nia ki. (Malachi 2:7; Hebrews 1:1) Buira Jesus e mae, aposol ki bia elder ki i Jerusalem kera na kera talaia imole Jehovah ki. (Acts 15:2) Tara’ena mena, te’e kali grup ana elder ki na kera alangia ana Governing Body kera Jehovah’s Witness, kera na kera falea si fanga bali ana mango’edo bia keka talaia raa ura u’unuta’i lana si fa’arongoa le’a. Grup eri na “wane ni raa mamana na liona e to’o na [Jesus] e filia.” (Matthew 24:45a) Jesus e aruto’ona holi spirit uria kai filia member eki ana Governing Body, ma kera na keki kwaitalai bia tha Jesus la Kingdom nia i heven buira kera mae.
2. Wane ni raa mamana eri e fale ufita bo’o ana si fanga ana mango’edo?
Jesus sorea wane ni raa mamana eri kai “falea si fanga [fana Christian ki] ana si manga na e olto’ona.” (Matthew 24:45b) Uria fanga ana se’edo na kulu ania kai adomi kulu fasia kuka sukwa’i bia kuka healthy, fanga ana mango’edo nia na u’unua la Baebol, kai fa’asukwa’i kulu fasia kuka to mamana fana Jehovah bia kuka ilifania raa na Jesus e falea uria kuki ilifania. (1 Timothy 4:6) Kulu todaa fanga ana mango’edo fasia meeting, assembly, convention, Baebol pablikeson, bia video ki, na thaito’omana kai adomi kulu fasia kuka ma’alutania si do Jehovah e thathamia bia ka fa’asukwa’ia kwaimania kulu bi nia.
TO’OA LA’U TEI SI DO
Kuki to’oa uria ta kuka ato’ia “wane ni raa mamana na liona e to’o,” nia na Governing Body.
Governing Body kera falea si fanga ana mango’edo, direction, bia kwai’adomia fana imole Jehovah ki kakalia fanua ne iano
3. Imole Jehovah keki organize
Jesus e aruto’ona Governing Body uria keki organizem raa na Jehovah’s Witness kera ilifania. Christian ki la first century mena kera ilifania la’u bo’o si do eri. Fatania VIDEO.
Te’emania 1 Corinthians 14:33, 40, sui u’unu kalia soeto’ona la:
Ta na verse eri u’unu sulia na fatania Jehovah e thathamia imole nia ki uria keki organize?
4. Governing Body kera organizem raa ura u’unuta’i lana si fa’arongoa le’a
U’unuta’i lana si fa’arongoa le’a nia si raa gwaunga’i na Christian ki la si manga na sui kera ilifania. Te’emania Acts 8:14, 25, sui u’unu kalia soeto’ona la ki:
Tei na talaia Christian ki la first century ura u’unuta’i lana si fa’arongoa le’a?
Ta na Peter bia John kero’a ilifania si manga kero’a todaa direction fasia tei aposol?
Raa gwaunga’i na Governing Body kera organizem nia na raa ura u’unuta’i lana si fa’arongoa le’a. Fatania VIDEO.
Jesus e u’unu sulia uria ta raa ura u’unuta’i lana si fa’arongoa le’a ka gwaunga’i. Te’emania Mark 13:10, sui u’unu kalia soeto’ona la ki:
Uria ta raa ura u’unuta’i lana si fa’arongoa le’a e gwaunga’i asia na’a ana Governing Body?
Uria ta kuka ato’ia “wane ni raa mamana na liona e to’o” uria keki organizem raa eri ura u’unuta’i lana si fa’arongoa le’a?
5. Governing Body kera falea direction
Governing Body kera falea direction fana Christian ki sui bo’o kakalia fanua ne iano. Ta na kera ilifania sui fete’i keka falea te’e direction? Kuki u’unu sulia si do na Governing Body la first century kera ilifania. Te’emania Acts 15:1, 2, sui u’unu kalia soeto’ona la ki:
Ta bo’o na Christian ki la first century kera olisusu’u fafia?
Tei bo’o na Paul, Barnabas, bia tei wane ki la’u kera lae i sada, uria keki gania kwai’adomia fasia keka kokotaa afeta’ia eri?
Te’emania Acts 15:12-18, 23-29, sui u’unu kalia soeto’ona la:
Ta na Governing Body la first century kera ilifania sui fete’i keka thaungania disison?—Rikia verse 12, 15, bia 28.
Te’emania Acts 15:30, 31 bia 16:4, 5, sui u’unu kalia soeto’ona la ki:
Ta na Christian ki la first century kera ilifania si manga na kera todaa direction fasia Governing Body?
Ta bo’o tei mamanaa na kera todaa fasia Jehovah sulia kera adesulia?
Te’emania 2 Timothy 3:16 bia James 1:5, sui u’unu kalia soeto’ona la:
La si manga kulu tara’ena, fei na Governing Body kera todaa kwai’adomia fasia uria keki thaungania disison?
SI BA’EA TEI IMOLE KEKI SOREA: “Governing Body do wane ki bana nena, do musi lalae suli kera.”
Ta na adea oko fa’amamanea Jesus na talaia raa na Governing Body kera ilifania?
SI DO NA KULU TO’OA
Governing Body nia na “wane ni raa mamana na liona e to’o” na Jesus e filia. Kera falea direction bia si fanga ana mango’edo fana Christian ki sui bo’o kakalia fanua ne iano.
Reviu
Tei na filia “wane ni raa mamana na liona e to’o”?
Ta na Governing Body kera ilifania uria keki liosuli kulu?
Ufita, o fa’amamanea Governing Body nia na “wane ni raa mamana na liona e to’o”?
TEI SI DO KI LA’U
Te’emai sulia si do na Governing Body kera ilifania fasia raa kera ka organize.
“Wanem Nao Governing Body blo Olketa Jehovah’s Witness?” (Article la jw.org)
Rikia si do na Governing Body kera ilifania fasia kuka todaa si fanga ana mango’edo ana si manga na faarana.
Ta na mantana Governing Body sula’ania raa na Jesus e falea i fada uria keki ilifania?
Ade ufita bo’o meeting bia convention ki e fatania Jehovah na talaia Governing Body?