യഹോവ ഏകാധി​പ​തി​കളെ പാഠങ്ങൾ പഠിപ്പി​ച്ച​പ്പോൾ

“അവന്റെ സകല പ്രവൃ​ത്തി​ക​ളും സത്യമാ​കു​ന്നു, അവന്റെ വഴികൾ നീതി​യു​മാ​കു​ന്നു. . . . അഹങ്കരി​ച്ചു നടക്കു​ന്ന​വരെ താഴ്‌ത്താൻ അവൻ പ്രാപ്‌ത​നാണ്‌.”—ദാനി​യേൽ 4:37.

1. യഹോ​വ​യു​ടെ ഏതു സ്വഭാ​വ​വി​ശേ​ഷ​ത്തി​ലേക്ക്‌ എലീഹു ശ്രദ്ധ ക്ഷണിക്കു​ന്നു?

“നോക്കൂ! ദൈവം​തന്നെ തന്റെ ശക്തിയാൽ ഉന്നതമാ​യി പ്രവർത്തി​ക്കു​ന്നു; അവനെ​പ്പോ​ലെ ഒരു പ്രബോ​ധകൻ ആരുണ്ട്‌?” ദുരി​ത​മ​നു​ഭ​വി​ച്ചു​കൊ​ണ്ടി​രുന്ന ഇയ്യോ​ബി​ലേക്കു തിരി​ച്ചു​വി​ട​പ്പെട്ട എലീഹു​വി​ന്റെ ആ വാക്കുകൾ സ്രഷ്ടാ​വായ യഹോ​വ​യാം ദൈവ​ത്തി​ന്റെ അനുപ​മ​മായ സ്വഭാ​വ​ല​ക്ഷ​ണ​ങ്ങ​ളി​ലൊ​ന്നി​ലേക്ക്‌ ശ്രദ്ധക്ഷ​ണി​ക്കു​ന്നു. മററു​ള്ള​വരെ പ്രബോ​ധി​പ്പി​ക്കു​ക​യോ പഠിപ്പി​ക്കു​ക​യോ ചെയ്യുന്ന കാര്യ​ത്തിൽ അവനോട്‌ ആരെയും താരത​മ്യ​പ്പെ​ടു​ത്താൻ കഴിക​യില്ല.—ഇയ്യോബ്‌ 36:22.

2, 3. (എ) മനുഷ്യ​രെ പഠിപ്പി​ക്കേണ്ട ആവശ്യ​മു​ണ്ടെന്ന്‌ യഹോവ കണ്ടെത്തിയ പാഠങ്ങ​ളി​ലൊന്ന്‌ ഏത്‌? (ബി) മോശ​യു​ടെ കാലത്ത്‌ യഹോവ ഈ പാഠം പഠിപ്പി​ക്കേ​ണ്ടി​യി​രുന്ന ഒരു ഭരണാ​ധി​കാ​രി ആരായി​രു​ന്നു, ഏതു മുഖാ​ന്ത​ര​ത്താൽ? (സി) മനുഷ്യ​രെ ഈ പാഠം പഠിപ്പി​ക്കാ​നു​ള്ളള തന്റെ ഉദ്ദേശ്യ​ത്തെ​ക്കു​റിച്ച്‌ ദൈവം തന്റെ വചനത്തിൽ എത്ര കൂടെ​ക്കൂ​ടെ പ്രസ്‌താ​വി​ക്കു​ന്നു?

² ദൈവം മനുഷ്യ​രെ​യും ജനതക​ളെ​യും പഠിപ്പി​ക്കേ​ണ്ടി​വ​ന്നി​ട്ടുള്ള കാര്യ​ങ്ങ​ളിൽ അവനോ​ടുള്ള അവരുടെ ഉചിത​മായ ബന്ധം ഉൾപ്പെ​ട്ടി​രി​ക്കു​ന്നു. സങ്കീർത്തനം 9:19, 20-ലെ സങ്കീർത്ത​ന​ക്കാ​ര​നായ ദാവീ​ദി​ന്റെ വാക്കുകൾ ഇതിനെ പ്രദീ​പ്‌ത​മാ​ക്കു​ന്നു: “യഹോവേ, എഴു​ന്നേൽക്കേ​ണമേ! മരണമുള്ള മനുഷ്യൻ ബലത്തിൽ ശ്രേഷ്‌ഠ​നെന്ന്‌ തെളി​യ​രു​തേ. ജനതകൾ നിന്റെ മുഖത്തിൻമു​മ്പാ​കെ ന്യായം വിധി​ക്ക​പ്പെ​ടട്ടെ. യഹോവേ, ജനതകൾ മരണമുള്ള മനുഷ്യർമാ​ത്ര​മാ​ണെന്ന്‌ അവർ അറി​യേ​ണ്ട​തിന്‌ അവരിൽ ഭയം ജനിപ്പി​ക്കേ​ണമേ.”

³ മോശ​യു​ടെ കാലത്തെ ഫറവോൻ ഈ പാഠം പഠിപ്പി​ക്കേണ്ട ആവശ്യ​മുള്ള ഭൂമി​യി​ലെ ഭരണാ​ധി​കാ​രി​ക​ളിൽ ഉൾപ്പെ​ടു​ന്നു​വെന്ന്‌ യഹോ​വ​യാം ദൈവം കണ്ടെത്തി. ഈജി​പ്‌റ​റു​കാ​രു​ടെ​മേൽ താൻ അയച്ച ബാധകൾ മുഖേന ദൈവം അതു പഠിപ്പി​ച്ചു. മാത്ര​വു​മല്ല, ആ അഹങ്കാ​രി​യായ ഫറവോ​നോട്‌ യഹോവ ഇങ്ങനെ പറഞ്ഞു: “യഥാർത്ഥ​ത്തിൽ, ഈ കാരണ​ത്താൽ ഞാൻ നിന്നെ ആസ്‌തി​ക്യ​ത്തിൽ വെച്ചി​രി​ക്കു​ന്നു, നിന്നെ എന്റെ ശക്തി കാണി​ക്കു​ന്ന​തി​നു​വേ​ണ്ടി​യും എന്റെ നാമം സർവഭൂ​മി​യി​ലും പ്രഖ്യാ​പി​ക്ക​പ്പെ​ടേ​ണ്ട​തി​നും​തന്നെ.” (പുറപ്പാട്‌ 9:16) അതിനു പുറമേ, താൻ സർവഭൂ​മി​ക്കും മീതെ അത്യു​ന്ന​ത​നാ​യി​രി​ക്കുന്ന യഹോ​വ​യാ​ണെന്ന്‌ ഏകാധി​പ​തി​ക​ളും ജനങ്ങളും ജനതക​ളും അറി​യേ​ണ്ട​തിന്‌ താൻ സമാന​മായ വീര്യ​പ്ര​വൃ​ത്തി​കൾ ചെയ്യു​മെന്ന്‌ യഹോവ തന്റെ വചനത്തിൽ പുറപ്പാട്‌ 6:7 മുതൽ യോവേൽ 3:17 വരെ 70-തിലധി​കം പ്രാവ​ശ്യം പറയുന്നു.

4. ദാനി​യേ​ലി​ന്റെ കാലത്ത്‌ ഏതു മൂന്നു ഭരണാ​ധി​കാ​രി​കൾ യഹോ​വ​യാൽ പഠിപ്പി​ക്ക​പ്പെട്ടു, ഏതു മുഖാ​ന്ത​ര​ത്താൽ?

⁴ യഹോവ ഏകാധി​പ​തി​കളെ എങ്ങനെ പഠിപ്പി​ച്ചു​വെ​ന്ന​തി​ന്റെ ശ്രദ്ധേ​യ​മായ നിരവധി ദൃഷ്‌ടാ​ന്തങ്ങൾ ദാനി​യേ​ലി​ന്റെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രി​ക്കു​ന്നു. ഈ ഭരണാ​ധി​കാ​രി​കൾ നെബൂ​ഖ​ദ്‌നേസ്സർ, ബേൽശസ്സർ, ദാര്യാ​വേശ്‌ എന്നിവർ ആയിരു​ന്നു. അവൻ എപ്പോ​ഴാണ്‌ അവരെ പഠിപ്പി​ച്ചത്‌? ഏററവു​മ​ധി​കം സാദ്ധ്യ​ത​യു​ള്ളത്‌ ക്രി.മു. 617-നും ക്രി.മു. 535-നും ഇടയ്‌ക്കാ​യി​രി​ക്കാ​നാണ്‌. എങ്ങനെ? സ്വപ്‌ന​ങ്ങ​ളാ​ലും അവയുടെ വ്യാഖ്യാ​ന​ങ്ങ​ളാ​ലും തന്റെ ശക്തിയു​ടെ പ്രകട​ന​ങ്ങ​ളാ​ലും​തന്നെ. താൻ അഖിലാ​ണ്ഡ​ത്തി​ന്റെ പരമോ​ന്ന​ത​പ​ര​മാ​ധി​കാ​രി​യാ​ണെ​ന്നും അവർ നിസ്സാ​രൻമാ​രായ മനുഷ്യർമാ​ത്ര​മാ​ണെ​ന്നും യഹോവ ഈ മനുഷ്യ ഭരണാ​ധി​കാ​രി​കളെ പഠിപ്പി​ച്ചു—ഏതൽക്കാല ലോക​ഭ​ര​ണാ​ധി​കാ​രി​ക​ളും പഠി​ക്കേ​ണ്ടി​വ​രുന്ന പാഠങ്ങൾ തന്നെ.

5. ദാനി​യേ​ലി​ന്റെ പുസ്‌ത​ക​ത്തി​ന്റെ വിശ്വാ​സ്യ​തയെ സംശയി​ക്കു​ന്ന​വരെ ഏതു സാക്ഷ്യ​ത്താൽ ഖണ്ഡിക്കാൻ കഴിയും?

⁵ എന്നാൽ ദാനി​യേ​ലി​ന്റെ പുസ്‌ത​ക​ത്തി​ന്റെ വിശ്വാ​സ്യ​തയെ അനേകം ആധുനി​ക​നി​രൂ​പ​കൻമാർ ചോദ്യം​ചെ​യ്യു​ന്നി​ല്ലേ? ഈ നിരൂ​പ​കൻമാ​രോ​ടു മറുപടി പറഞ്ഞ​പ്പോൾ ഒരു ബൈബിൾപ​ണ്ഡി​തൻ ശരിയാ​യി​ത്തന്നെ ഇങ്ങനെ പറഞ്ഞു: “അതു സൂചി​പ്പി​ക്കുന്ന അത്ഭുത​ങ്ങ​ളും അതു ഉറപ്പി​ച്ചു​പ​റ​യുന്ന പ്രവച​ന​ങ്ങ​ളും ഒരു സമകാ​ലീ​ന​നായ ദാനി​യേൽ രേഖ​പ്പെ​ടു​ത്തി​യ​താണ്‌. അപ്പോൾ നമുക്ക്‌ ഒന്നുകിൽ യഥാർത്ഥ അത്ഭുത​ങ്ങ​ളും യഥാർത്ഥ​പ്ര​വ​ച​ന​ങ്ങ​ളു​മുണ്ട്‌, അല്ലെങ്കിൽ അസത്യ​മ​ല്ലാ​തെ മറെറാ​ന്നു​മല്ല നമുക്കു​ള്ളത്‌.” (പ്രവാ​ച​ക​നായ ദാനി​യേൽ, [ഇംഗ്ലീഷ്‌] ഇ. ബി. പുസേ രചിച്ചത്‌, പേജ്‌ 75) എന്തിന്‌, പുസ്‌ത​ക​ത്തി​ന്റെ എഴുത്തു​കാ​രൻ “ദാനി​യേ​ലായ ഞാൻതന്നെ” എന്ന്‌ പറഞ്ഞു​കൊണ്ട്‌ തന്നേത്തന്നെ ആവർത്തിച്ച്‌ തിരി​ച്ച​റി​യി​ക്കു​ന്നു! (ദാനി​യേൽ 8:15; 9:2; 10:2) ഇതെല്ലാം കപട​രേ​ഖ​യാ​യി​രു​ന്നോ? 18-ാം നൂററാ​ണ്ടി​ന്റെ ആദ്യഘ​ട്ട​ത്തി​നു​മുമ്പ്‌ ദാനി​യേ​ലി​ന്റെ പുസ്‌ത​ക​ത്തി​ന്റെ ഗ്രന്‌ഥ​കർതൃ​ത്വ​ത്തെ യഹൂദൻമാ​രോ ക്രിസ്‌ത്യാ​നി​ക​ളോ ചോദ്യം​ചെ​യ്‌തി​രു​ന്നി​ല്ലെ​ന്നുള്ള​താണ്‌ വസ്‌തുത. എന്നിരു​ന്നാ​ലും ഏതൊരു ആധുനിക ബൈബിൾ പണ്ഡിത​ന്റെ​യും അഭി​പ്രാ​യ​ത്തേ​ക്കാൾ ഘനമു​ള്ള​താണ്‌ ദാനി​യേ​ലി​ന്റെ പുസ്‌ത​ക​ത്തെ​സം​ബ​ന്ധിച്ച തിരു​വെ​ഴു​ത്തു സാക്ഷ്യം. അങ്ങനെ, യെഹെ​സ്‌ക്കേ​ലി​ന്റെ പുസ്‌ത​ക​ത്തിൽ ദാനി​യേ​ലി​നെ​ക്കു​റിച്ച്‌ മൂന്നു പ്രാവ​ശ്യം പറഞ്ഞി​രി​ക്കു​ന്ന​താ​യി നാം കണ്ടെത്തു​ന്നു. (യെഹെ​സ്‌ക്കേൽ 14:14, 20; 28:3) എല്ലാറ​റി​ലും​വെച്ച്‌ ഏററവും നിർണ്ണാ​യ​ക​മാണ്‌ മത്തായി 24:15, 16-ൽ രേഖ​പ്പെ​ടു​ത്തി​യി​രി​ക്കുന്ന ദൈവ​പു​ത്ര​നായ യേശു​വി​ന്റെ വാക്കുകൾ: “ദാനി​യേൽ പ്രവാ​ച​കൻമു​ഖാ​ന്തരം പറയപ്പെട്ട ശൂന്യത വരുത്തി​ക്കൂ​ട്ടുന്ന മ്ലേച്ഛത ഒരു വിശു​ദ്ധ​സ്ഥ​ലത്തു നിൽക്കു​ന്നത്‌ നിങ്ങൾ കാണു​മ്പോൾ (വായന​ക്കാ​രൻ വിവേചന ഉപയോ​ഗി​ക്കട്ടെ) യഹൂദ്യ​യി​ലു​ള്ളവർ പർവത​ങ്ങ​ളി​ലേക്ക്‌ ഓടി​ത്തു​ട​ങ്ങട്ടെ.”a

സത്യ​ദൈവം ആരാ​ണെന്ന്‌ നെബൂ​ഖ​ദ്‌നേസ്സർ പഠിക്കു​ന്നു

6. ബാബി​ലോൻരാ​ജാ​വി​ന്റെ അഹങ്കാ​രത്തെ എന്ത്‌ പോഷി​പ്പി​ച്ചി​രി​ക്കാം, അവൻ തന്റെ എഴുത്തു​ക​ളിൽ തന്നേക്കു​റി​ച്ചു​തന്നെ എന്തു പറഞ്ഞു?

⁶ യെശയ്യാ​പ്ര​വാ​ചകൻ പ്രകട​മാ​ക്കു​ന്ന​തു​പോ​ലെ ബാബി​ലോ​നി​ലെ രാജാ​ക്കൻമാർ വളരെ അഹങ്കാ​രി​ക​ളായ മനുഷ്യ​രാ​യി​രു​ന്നു. (യെശയ്യാവ്‌ 14:4-23) നെബൂ​ഖ​ദ്‌നേസ്സർ വളരെ മതഭക്ത​നായ ഒരു മനുഷ്യൻ കൂടെ​യാ​യി​രു​ന്നു. തന്റെ എഴുത്തു​ക​ളിൽ അവൻ “തന്റെ നിർമ്മാ​ണ​പ​ദ്ധ​തി​ക​ളെ​യും ബാബി​ലോ​ണി​യാ​യി​ലെ ദൈവ​ങ്ങ​ളി​ലുള്ള തന്റെ ശ്രദ്ധ​യേ​യും” കുറിച്ച്‌ പറയു​ക​യു​ണ്ടാ​യി. യെരു​ശ​ലേ​മി​നെ​യും മുഴു യഹൂദ്യ​യെ​യും കീഴട​ക്കാ​നുള്ള ശ്രമത്തിൽ സെൻഹെ​രീബ്‌ വിപൽക്ക​ര​മാ​യി പരാജ​യ​പ്പെ​ട്ട​ശേഷം അതു ചെയ്യു​ന്ന​തിൽ നെബൂ​ഖ​ദ്‌നേസ്സർ വിജയി​ച്ച​പ്പോൾ അവൻ അഹങ്കരി​ച്ചു​വെ​ന്ന​തി​നു സംശയ​മില്ല.

7. ദാനി​യേൽ 1-ാം അദ്ധ്യാ​യ​ത്തിൽ പ്രതി​പാ​ദി​ച്ചി​രി​ക്കുന്ന ഏതനു​ഭവം എബ്രാ​യ​രു​ടെ ദൈവത്തെ ബഹുമാ​നി​ക്കാൻ നെബൂ​ഖ​ദ്‌നേ​സ്സ​റി​നെ പഠിപ്പി​ക്കേ​ണ്ട​താ​യി​രു​ന്നു?

⁷ ദാനി​യേ​ലും അവന്റെ മൂന്ന്‌ എബ്രായ കൂട്ടു​കാ​രും നെബൂ​ഖ​ദ്‌നേ​സ്സ​രി​ന്റെ മുൻപാ​കെ ഹാജരായ ശേഷം തീർച്ച​യാ​യും അവന്‌ അവരുടെ ദൈവത്തെ ബഹുമാ​നി​ക്കാൻ കാരണ​മു​ണ്ടാ​യി​രു​ന്നു, എന്തെന്നാൽ “രാജാവ്‌ അവരിൽനിന്ന്‌ അന്വേ​ഷിച്ച ജ്ഞാനത്തി​ന്റെ​യും വിവേ​ക​ത്തി​ന്റെ​യും ഏതു കാര്യം​സം​ബ​ന്ധി​ച്ചും അവർ അവന്റെ രാജകീ​യ​മ​ണ്ഡ​ല​ത്തി​ലെ​ല്ലാ​മു​ണ്ടാ​യി​രുന്ന സകല പുരോ​ഹി​ത​മ​ന്ത്ര​വാ​ദി​ക​ളെ​ക്കാ​ളും ഐന്ദ്ര​ജാ​ലി​ക​രെ​ക്കാ​ളും പത്തിരട്ടി മെച്ച​മെന്ന്‌ അവൻ കണ്ടെത്തു​ക​പോ​ലും ചെയ്‌തു.” അതെ, യഹോവ തങ്ങൾക്കു ദൈവ​മാ​യി ഉണ്ടായി​രുന്ന ജ്ഞാനികൾ മററു ദൈവ​ങ്ങളെ ആരാധി​ച്ച​വ​രെ​ക്കാ​ളെ​ല്ലാം വളരെ മികച്ചു​നി​ന്നു. നെബൂ​ഖ​ദ്‌നേ​സ്സ​രിന്‌ ആ വസ്‌തുത ഗൗനി​ക്കാ​തി​രി​ക്കാൻ കഴിയു​മാ​യി​രു​ന്നില്ല.—ദാനി​യേൽ 1:20.

8. ബാബി​ലോ​നി​ലെ ജ്ഞാനികൾ യാതൊ​രു പ്രത്യേക അറിവു​മി​ല്ലാ​ത്ത​വ​രാ​ണെന്ന്‌ യഹോവ ഏതു മുഖാ​ന്ത​ര​ത്താൽ തുറന്നു​കാ​ട്ടി?

⁸ യഹോ​വ​യ്‌ക്ക്‌ നെബൂ​ഖ​ദ്‌നേ​സ്സർരാ​ജാ​വി​നെ കൂടുതൽ കാര്യങ്ങൾ പഠിപ്പി​ക്കാ​നു​ണ്ടാ​യി​രു​ന്നു. അടുത്ത പാഠം ദാനി​യേൽ 2-ാം അദ്ധായ​ത്തിൽ രേഖ​പ്പെ​ടു​ത്ത​പ്പെട്ടു. രാജാവ്‌ ഭയാവ​ഹ​മായ ഒരു സ്വപ്‌നം കാണാ​നും അനന്തരം അതു മറക്കാ​നും ദൈവം ഇടയാക്കി. ഈ സ്വപ്‌നം ബാബി​ലോ​നി​ലെ ഏകാധി​പ​തി​യെ അതിയാ​യി അസ്വസ്ഥ​നാ​ക്കി. സ്വപ്‌ന​വും അതിന്റെ വ്യാഖ്യാ​ന​വും തന്നോടു പറയാൻ അവൻ തന്റെ സകല ജ്ഞാനി​ക​ളെ​യും വിളി​ച്ചു​വ​രു​ത്തി. തീർച്ച​യാ​യും, അവർക്ക്‌ സ്വപ്‌നം വെളി​പ്പെ​ടു​ത്താൻ കഴിഞ്ഞില്ല, അതിന്റെ വ്യാഖ്യാ​ന​ത്തി​ന്റെ കാര്യം പറയേ​ണ്ട​തി​ല്ല​ല്ലോ. അങ്ങനെ അവർക്ക്‌ പ്രത്യേക അറിവ്‌ ഇല്ലെന്ന്‌ മൗനമാ​യി അവർ സമ്മതിച്ചു. ഇത്‌ രാജാ​വി​നെ വളരെ കുപി​ത​നാ​ക്കു​ക​യാൽ അവൻ അവരെ​യെ​ല്ലാം സംഹരി​ക്കാൻ ആജ്ഞാപി​ച്ചു. രാജാ​വി​ന്റെ കൽപ്പന​യെ​ക്കു​റിച്ച്‌ ദാനി​യേ​ലി​നോ​ടും അവന്റെ കൂട്ടു​കാ​രോ​ടും പറയ​പ്പെ​ട്ട​പ്പോൾ ദാനി​യേൽ കുറെ സമയം അനുവ​ദി​ക്ക​ണ​മെന്ന്‌ അപേക്ഷി​ച്ചു. അത്‌ അനുവ​ദി​ക്ക​പ്പെട്ടു. അനന്തരം അവനും അവന്റെ മൂന്നു കൂട്ടു​കാ​രും അതിനെ ആത്മാർത്ഥ​മായ പ്രാർത്ഥ​ന​യു​ടെ വിഷയ​മാ​ക്കി, യഹോവ സ്വപ്‌ന​വും അതിന്റെ അർത്ഥവും ദാനി​യേ​ലി​നു വെളി​പ്പെ​ടു​ത്തി​യെ​ന്ന​താ​യി​രു​ന്നു ഫലം.—ദാനി​യേൽ 2:16-20.

9. (എ) നെബു​ഖ​ദ്‌നേ​സ്സ​റി​ന്റെ സ്വപ്‌നം വ്യാഖ്യാ​നി​ക്കാൻ ആർക്കു മാത്രമേ കഴിഞ്ഞു​ള്ളു, അവൻ സ്വപ്‌ന​ത്തിന്‌ എന്തു വ്യാഖ്യാ​നം കൊടു​ത്തു? (ബി) തൽഫല​മാ​യി രാജാവ്‌ ഏതു നിഗമ​ന​ത്തി​ലെത്തി?

⁹ ദാനി​യേ​ലി​നെ രാജാ​വി​ന്റെ മുമ്പാകെ വരുത്തി​യ​പ്പോൾ നെബൂ​ഖ​ദ്‌നേസ്സർ “ഞാൻ കണ്ട സ്വപ്‌ന​വും അതിന്റെ വ്യാഖ്യാ​ന​വും അറിയി​ക്കാൻ നീ പ്രാപ്‌ത​നാ​ണോ?” എന്ന്‌ അവനോ​ടു ചോദി​ച്ചു. അവന്റെ സ്വപ്‌ന​ത്തി​ന്റെ​യും വ്യാഖ്യാ​ന​ത്തി​ന്റെ​യും രഹസ്യം പറയാൻ അവന്റെ ജ്ഞാനി​കൾക്ക്‌ കഴിഞ്ഞി​ല്ലെന്ന്‌ അഹങ്കാ​രി​യായ ഏകാധി​പ​തി​യെ ഓർമ്മി​പ്പി​ച്ച​ശേഷം ദാനി​യേൽ ഇങ്ങനെ പറഞ്ഞു: “എന്നിരു​ന്നാ​ലും, രഹസ്യ​ങ്ങളെ വെളി​പ്പെ​ടു​ത്തു​ന്ന​വ​നായ ഒരു ദൈവം സ്വർഗ്ഗ​ങ്ങ​ളിൽ സ്ഥിതി​ചെ​യ്യു​ന്നു, അവൻ നാളു​ക​ളു​ടെ അന്തിമ​ഭാ​ഗത്ത്‌ സംഭവി​ക്കാ​നു​ള്ളത്‌ നെബൂ​ഖ​ദ്‌നേ​സ്സർരാ​ജാ​വി​നെ അറിയി​ച്ചി​രി​ക്കു​ന്നു.” തുടർന്ന്‌ രാജാവ്‌ സ്വപ്‌ന​ത്തിൽ കണ്ട ഭീമാ​കാ​ര​മായ പ്രതി​മ​യെ​യും അതിന്റെ അർത്ഥ​ത്തെ​യും കുറിച്ച്‌ ദാനി​യേൽ അവനോട്‌ പറഞ്ഞു. രാജാ​വിന്‌ വളരെ​യ​ധി​കം മതിപ്പു​ണ്ടാ​യ​തു​കൊണ്ട്‌ അവൻ ഇങ്ങനെ പ്രഖ്യാ​പി​ച്ചു: “ഈ രഹസ്യം വെളി​പ്പെ​ടു​ത്താൻ നിനക്കു കഴിഞ്ഞ​തു​കൊണ്ട്‌ വാസ്‌ത​വ​ത്തിൽ നിങ്ങളു​ടെ ദൈവം ഒരു ദൈവാ​ധി​ദൈ​വ​വും രാജാ​ധി​രാ​ജാ​വും രഹസ്യ​ങ്ങളെ വെളി​പ്പെ​ടു​ത്തു​ന്ന​വ​നു​മാ​കു​ന്നു.” അങ്ങനെ താനാണ്‌ ഏകസത്യ​ദൈ​വ​മെന്ന്‌ യഹോവ നെബൂ​ഖ​ദ്‌നേ​സ്സർരാ​ജാ​വി​നെ പഠിപ്പി​ച്ചു.—ദാനി​യേൽ 2:26, 28, 47.

10, 11. (എ) നെബൂ​ഖ​ദ്‌നേ​സ്സർരാ​ജാവ്‌ വലിയ അഹങ്കാ​ര​ത്തോ​ടെ എന്തു നിർമ്മി​ച്ചു, തുടർന്ന്‌ എന്ത്‌ കൽപ്പന പുറ​പ്പെ​ടു​വി​ക്ക​പ്പെട്ടു? (ബി) രാജാ​വി​ന്റെ കൽപ്പന അനുസ​രി​ക്കാൻ വിസമ്മ​തി​ച്ചു​കൊണ്ട്‌ മൂന്ന്‌ എബ്രായർ ഏത്‌ വിവാ​ദ​പ്ര​ശ്‌നം ഉന്നയിച്ചു, ഫലമെ​ന്താ​യി​രു​ന്നു?

¹⁰ എബ്രാ​യ​രു​ടെ ദൈവ​ത്തി​ന്റെ അറിവി​ലും ജ്ഞാനത്തി​ലും നെബൂ​ഖ​ദ്‌നേ​സ്സർരാ​ജാ​വിന്‌ മതിപ്പു​ണ്ടാ​യെ​ന്നു​ള്ള​തിന്‌ സംശയ​മി​ല്ലെ​ങ്കി​ലും അവൻ പിന്നെ​യും വളരെ​യ​ധി​കം പഠി​ക്കേ​ണ്ട​തു​ണ്ടാ​യി​രു​ന്നു. തന്റെ അഹങ്കാ​ര​ത്തിൽ അവൻ ദുരാ സമഭൂ​മി​യിൽ വലിയ ഒരു സ്വർണ്ണ​പ്ര​തിമ സ്ഥാപിച്ചു. പ്രതി​മക്ക്‌ 60 മുഴം പൊക്ക​വും 6 മുഴം വണ്ണവും ഉണ്ടായി​രു​ന്നു. വെളി​പ്പാട്‌ 13:18-ൽ പറഞ്ഞി​രി​ക്കുന്ന സാത്താന്റെ “കാട്ടു​മൃ​ഗ​ത്തി​ന്റെ” അടയാ​ള​മായ 666 എന്ന സംഖ്യയെ ഇതു നമ്മുടെ മനസ്സി​ലേക്കു വരുത്തു​ന്നു. (ഒരു മുഴം ഏതാണ്ട്‌ 1 1/2 അടി വരു​മെ​ന്നു​ള്ള​തു​കൊണ്ട്‌ പ്രതി​മക്ക്‌ ഏതാണ്ട്‌ 90 അടി ഉയരവും 9 അടി വണ്ണവു​മു​ണ്ടാ​യി​രു​ന്നു.) തന്റെ ഭരണ​പ്ര​ദേ​ശത്തെ സകല ഉദ്യോ​ഗ​സ്ഥൻമാ​രും “പ്രതി​മ​യു​ടെ ഉൽഘാ​ട​ന​ത്തിന്‌ വരാൻ” രാജാവ്‌ ആജ്ഞാപി​ച്ചു, ഒരു വാദ്യ​സം​ഗീ​തം കേൾപ്പി​ക്കു​മ്പോൾ എല്ലാവ​രും പ്രതി​മയെ കുമ്പി​ട്ടാ​രാ​ധി​ക്ക​ണ​മെന്ന്‌ കൽപ്പി​ക്കു​ക​യും ചെയ്‌തു. അസൂയാ​ലു​ക്ക​ളായ ചില കൽദയ ഉദ്യോ​ഗ​സ്ഥൻമാർ അപ്പോൾ ഹാജരു​ണ്ടാ​യി​രുന്ന മൂന്ന്‌ എബ്രായർ ചടങ്ങിൽ പങ്കെടു​ക്കു​ന്നി​ല്ലെന്ന്‌ കണ്ടിട്ട്‌ അവരേ​ക്കു​റി​ച്ചു രാജാ​വി​നെ അറിയി​ച്ചു.—ദാനി​യേൽ 3:1, 2.

¹¹ നെബൂ​ഖ​ദ്‌നേ​സ്സ​രെ​സം​ബ​ന്ധിച്ച്‌ ഇത്‌ അത്യന്തം ഗൗരവ​മുള്ള ഒരു കാര്യ​മാ​യി​രു​ന്നു, എന്തെന്നാൽ താനാണ്‌ “ജനങ്ങളു​ടെ വായിൽ മഹാ​ദൈ​വ​ങ്ങ​ളോ​ടുള്ള ഭക്തി വെച്ചവൻ” എന്ന്‌ അവൻ ഒരിക്കൽ വീരവാ​ദം മുഴക്കി​യി​രു​ന്നു. അങ്ങനെ നെബൂ​ഖ​ദ്‌നേ​സ്സ​രി​ന്റെ സാമ്രാ​ജ്യ​ത്വ പ്രൗഢി​യും മതഭക്തി​യും വളരെ​യ​ധി​കം വ്രണി​ത​മാ​യി. അഹങ്കാ​രി​യായ ഏകാധി​പതി ക്രോ​ധ​ത്തോ​ടും ഉഗ്ര​കോ​പ​ത്തോ​ടും​കൂ​ടെ പ്രതി​ക​രി​ച്ചു​കൊണ്ട്‌ മൂന്ന്‌ എബ്രാ​യർക്ക്‌ ഈ അന്ത്യശാ​സ​ന​ത്തോ​ടെ മറെറാ​രു അവസരം കൊടു​ത്തു: “നിങ്ങൾ ആരാധി​ക്കു​ന്നി​ല്ലെ​ങ്കിൽ അതേ നിമി​ഷ​ത്തിൽതന്നെ നിങ്ങൾ എരിയുന്ന തീച്ചൂ​ള​യി​ലേക്ക്‌ എറിയ​പ്പെ​ടും. എന്റെ കൈക​ളിൽനിന്ന്‌ നിങ്ങളെ രക്ഷിക്കാൻ കഴിയുന്ന ആ ദൈവം ആരാണ്‌?” ശരി, അവരുടെ ദൈവം അവന്റെ ദാസൻമാ​രെ നിസ്സാ​ര​നായ ഒരു ഏകാധി​പ​തി​യു​ടെ കൈയിൽനിന്ന്‌ വിടു​വി​ക്കാൻ തീർച്ച​യാ​യും പ്രാപ്‌ത​നാ​ണെ​ന്നും എബ്രാ​യ​രു​ടെ ദൈവ​ത്തെ​പ്പോ​ലെ വിടു​വി​ക്കാൻക​ഴി​യുന്ന മറെറാ​രു ദൈവം സ്ഥിതി​ചെ​യ്യു​ന്നി​ല്ലെ​ന്നും നെബൂ​ഖ​ദ്‌നേസ്സർ മനസ്സി​ലാ​ക്കേ​ണ്ടി​യി​രു​ന്നു.—ദാനി​യേൽ 3:15.

വൃക്ഷത്തി​ന്റെ സ്വപ്‌നം

12, 13. (എ) വൃക്ഷ​ത്തെ​സം​ബ​ന്ധിച്ച്‌ നെബൂ​ഖ​ദ്‌നേസർ കണ്ട സ്വപ്‌ന​ത്തിന്‌ ദാനി​യേൽ എന്തു വ്യാഖ്യാ​നം കൊടു​ത്തു? (ബി) സ്വപ്‌ന​ത്തിന്‌ തന്റെമേൽ വിനയം വരുത്തുന്ന ഒരു ഗുണഫലം ഉണ്ടായി​ല്ലെന്ന്‌ നെബൂ​ഖ​ദ്‌നേസ്സർ എങ്ങനെ പ്രകട​മാ​ക്കി?

¹² ആ പാഠങ്ങ​ളു​ടെ പഠനം നിങ്ങളെ എങ്ങനെ ബാധി​ക്കു​മാ​യി​രു​ന്നു? പ്രത്യ​ക്ഷ​ത്തിൽ, നെബൂ​ഖ​ദ്‌നേ​സ്സർരാ​ജാ​വി​നെ അവന്റെ സ്ഥാനം മനസ്സി​ലാ​ക്കി​ക്കൊ​ടു​ക്കാൻ ഈ മൂന്നു പാഠങ്ങൾ പോരാ​യി​രു​ന്നു. അതു​കൊണ്ട്‌ യഹോവ അവനെ മറെറാ​രു പാഠം​കൂ​ടെ പഠിപ്പി​ക്കേ​ണ്ടി​വന്നു. വീണ്ടും ഒരു സ്വപ്‌ന​മാണ്‌ ഉൾപ്പെ​ട്ടി​രു​ന്നത്‌. വീണ്ടും ബാബി​ലോ​നി​ലെ ജ്ഞാനി​ക​ളി​ലാർക്കും അതു വ്യാഖ്യാ​നി​ക്കാൻ കഴിഞ്ഞില്ല. ഒടുവിൽ ദാനി​യേൽ വരുത്ത​പ്പെട്ടു. സ്വപ്‌ന​ത്തി​ന്റെ അർത്ഥം രാജാ​വി​നെ ധരിപ്പി​ക്കാൻ അവനു കഴിഞ്ഞു, അതായത്‌, അവൻ ഏഴുവർഷം “വയലിലെ കാട്ടു​മൃ​ഗ​ങ്ങളെ”പ്പോലെ വസിക്കു​മെ​ന്നും പിന്നീട്‌ അവൻ സുബോ​ധ​ത്തി​ലേക്കു മടങ്ങി​വ​രു​മെ​ന്നും​തന്നെ.—ദാനി​യേൽ 4:1-37.

¹³ തുടർന്നു സംഭവി​ച്ച​തിൽനിന്ന്‌ സ്വപ്‌ന​ത്തിന്‌ നെബൂ​ഖ​ദ്‌നേ​സ്സ​റു​ടെ​മേൽ വിനയ​പ്പെ​ടു​ത്തുന്ന ഒരു ഫലമു​ള​വാ​ക്കാൻ കഴിഞ്ഞി​ല്ലെന്ന്‌ വളരെ സ്‌പഷ്ട​മാണ്‌. അങ്ങനെ ഏതാണ്ട്‌ ഒരു വർഷം കഴിഞ്ഞ്‌, രാജാവ്‌ തന്റെ രാജ​കൊ​ട്ടാ​ര​ത്തി​ലൂ​ടെ ഉലാത്തി​ക്കൊ​ണ്ടി​രു​ന്ന​പ്പോൾ അവൻ അഹങ്കാ​ര​പൂർവം ഇങ്ങനെ വീമ്പടി​ച്ചു: “ഞാൻ എന്റെ കരുത്തി​ന്റെ ശക്തി​കൊണ്ട്‌ രാജഗൃ​ഹ​ത്തി​നു​വേ​ണ്ടി​യും എന്റെ പ്രതാ​പ​ത്തി​ന്റെ മാന്യ​ത​ക്കു​വേ​ണ്ടി​യും ഞാൻതന്നെ പണിക​ഴി​പ്പിച്ച മഹാബാ​ബി​ലോ​ന​ല്ല​യോ ഇത്‌?” എന്തോരു ഡംഭ്‌! ആ നിമി​ഷ​ത്തിൽത്ത​ന്നെ​യാ​യി​രു​ന്നു ആ മുഷ്‌ക​നായ ഭരണാ​ധി​കാ​രി​യു​ടെ രാജ്യം അവനിൽനി​ന്നെ​ടു​ക്ക​പ്പെ​ടു​മെ​ന്നും അവൻ “മനുഷ്യ​വർഗ്ഗ​ത്തി​ന്റെ രാജ്യ​ത്തിൻമേൽ അത്യു​ന്നതൻ ഭരണാ​ധി​കാ​രി​യാ​ണെന്ന്‌ നീ അറിയു​ന്ന​തു​വരെ” ഏഴു കാലങ്ങൾ വയലിലെ കാട്ടു​മൃ​ഗ​ങ്ങ​ളോ​ടു​കൂ​ടെ വസിക്കു​മെ​ന്നും സ്വർഗ്ഗ​ത്തിൽനിന്ന്‌ ഒരു ശബ്ദം പറയു​ന്ന​താ​യി കേട്ടത്‌.—ദാനി​യേൽ 4:30-32.

14. വൃക്ഷ​ത്തെ​സം​ബ​ന്ധിച്ച സ്വപ്‌ന​ത്തിന്‌ എങ്ങനെ നിവൃ​ത്തി​യു​ണ്ടാ​യി, നെബൂ​ഖ​ദ്‌നേ​സ്സ​റു​ടെ​മേൽ എന്തു ഫലമു​ണ്ടാ​യി?

¹⁴ നെബൂ​ഖ​ദ്‌നേസ്സർ ആ ഏഴു കാലങ്ങൾ അഥവാ വർഷങ്ങൾ ഒരു മൃഗ​ത്തെ​പ്പോ​ലെ ജീവി​ച്ച​ശേഷം യഹോവ അവന്റെ വിവേ​കത്തെ പുനഃ​സ്ഥാ​പി​ച്ചു. ‘അത്യു​ന്ന​തന്റെ കൈ തടുക്കാ​നോ അവനോട്‌ നീ എന്താണ്‌ ചെയ്‌തു​കൊ​ണ്ടി​രി​ക്കു​ന്ന​തെന്ന്‌ ചോദി​ക്കാ​നോ ആർക്കും കഴിക​യില്ല’ എന്ന്‌ അവൻ സമ്മതി​ക്കേ​ണ്ടി​വന്നു. അതിലു​പ​രി​യാ​യി, “ഇപ്പോൾ നെബൂ​ഖ​ദ്‌നേ​സ്സ​രായ ഞാൻ സ്വർഗ്ഗ​ങ്ങ​ളി​ലെ രാജാ​വി​നെ സ്‌തു​തി​ക്കു​ക​യും പുകഴ്‌ത്തു​ക​യും മഹത്വീ​ക​രി​ക്കു​ക​യു​മാണ്‌, എന്തു​കൊ​ണ്ടെ​ന്നാൽ അവന്റെ സകല പ്രവൃ​ത്തി​ക​ളും സത്യമാ​കു​ന്നു, അവന്റെ വഴികൾ നീതി​യു​മാ​കു​ന്നു,” രാജാവ്‌ ചെയ്‌ത​തു​പോ​ലെ “അഹങ്കരി​ച്ചു​ന​ട​ക്കു​ന്ന​വരെ താഴ്‌ത്താൻ അവൻ പ്രാപ്‌ത​നു​മാണ്‌” എന്നുപ​റ​ഞ്ഞു​കൊണ്ട്‌ താൻ കൂടു​ത​ലാ​യി പാഠം പഠിച്ചു​വെന്ന്‌ ബാബി​ലോ​ന്യ ഭരണാ​ധി​കാ​രി പ്രകട​മാ​ക്കി. യഹോവ പരമാ​ധി​കാ​ര​ത്തി​ന്റെ വിവാ​ദ​പ്ര​ശ്‌ന​ത്തിന്‌ ആവർത്തി​ച്ചു തീർപ്പു​ണ്ടാ​ക്കിയ വിധം സംബന്ധിച്ച ഇങ്ങനെ​യുള്ള സാക്ഷ്യ​മെ​ല്ലാം അതിൽത്തന്നെ ഈ വിവര​ണങ്ങൾ ആരു​ടെ​യെ​ങ്കി​ലും ഭാവനാ​സൃ​ഷ്ടി​യ​ല്ലെ​ന്നും പിന്നെ​യോ യഥാർത്ഥ​ച​രി​ത്രം രേഖ​പ്പെ​ടു​ത്താൻ ദൈവ​ത്താൽ നിശ്വ​സ്‌ത​നായ ഒരു എഴുത്തു​കാ​രന്റെ കൃതി​യാ​ണെ​ന്നു​മു​ള്ള​തി​ന്റെ ശക്തമായ സാഹച​ര്യ​ത്തെ​ളി​വ​ല്ല​യോ?—ദാനി​യേൽ 4:35, 37.

ബേൽശസ്സർ ചുവരി​ലെ കൈ​യെ​ഴു​ത്തു കാണുന്നു

15. ബേൽശസ്സർ സത്യ​ദൈ​വ​മായ യഹോ​വയെ എങ്ങനെ പുച്ഛിച്ചു?

¹⁵ പഠിപ്പി​ക്കാൻ യഹോ​വക്ക്‌ അവസരം കിട്ടിയ മറെറാ​രു ഏകാധി​പതി ബേൽശ​സ്സ​രാ​യി​രു​ന്നു. അവൻ നെബൂ​ഖ​ദ്‌നേ​സ്സ​രി​ന്റെ ഒരു അനന്തര​ഗാ​മി​യാ​യി​രുന്ന നബോ​ണീ​ഡ​സ്‌രാ​ജാ​വി​ന്റെ പുത്ര​നും സഹഭര​ണാ​ധി​കാ​രി​യു​മാ​യി​രു​ന്നു. ഒരു വലിയ വിരു​ന്നു​വേ​ള​യിൽ, തന്റെ വല്യപ്പൻ യരുശ​ലേ​മി​ലെ യഹോ​വ​യു​ടെ ആലയത്തിൽനിന്ന്‌ എടുത്തു​കൊ​ണ്ടു​പോ​യി​രുന്ന പൊൻപാ​ത്ര​ങ്ങ​ളിൽ നിന്ന്‌ താനും തന്റെ മഹത്തു​ക്ക​ളും തന്റെ ഭാര്യ​മാ​രും വെപ്പാ​ട്ടി​ക​ളും കുടി​ക്കേ​ണ്ട​തിന്‌ അവ കൊണ്ടു​വ​രാൻ ആജ്ഞാപി​ക്കു​ന്ന​തി​നുള്ള ധിക്കാരം ബേൽശ​സ്സ​രി​നു​ണ്ടാ​യി​രു​ന്നു. അങ്ങനെ “അവർ വീഞ്ഞു​കു​ടി​ച്ചു, അവർ പൊന്നും വെള്ളി​യും ചെമ്പും ഇരുമ്പും മരവും കല്ലും കൊണ്ടുള്ള ദൈവ​ങ്ങളെ സ്‌തു​തി​ച്ചു.”—ദാനി​യേൽ 5:3, 4.

16, 17. (എ) യഹോവ ഏതു മുഖാ​ന്ത​ര​ത്താൽ ബേൽശ​സ്സ​റിൽ ഭയം ജനിപ്പി​ച്ചു? (ബി) ചുവരി​ലെ കൈ​യെ​ഴു​ത്തു സംബന്ധിച്ച്‌ ദാനി​യേൽ എന്തു വ്യാഖ്യാ​നം കൊടു​ത്തു, അത്‌ എങ്ങനെ സത്യ​മെന്നു തെളിഞ്ഞു?

¹⁶ ബാബി​ലോ​ന്യ​ഭ​ര​ണത്തെ അവസാ​നി​പ്പി​ക്കാ​നുള്ള ദൈവ​ത്തി​ന്റെ സമയം വന്നിരു​ന്നു. അതു​കൊണ്ട്‌ അവൻ ചുവരിൻമേൽ വിചി​ത്ര​മായ കൈ​യെ​ഴുത്ത്‌ പ്രത്യ​ക്ഷ​പ്പെ​ടാൻ ഇടയാക്കി. ഈ അത്ഭുതം രാജാ​വി​നു വളരെ​യ​ധി​കം ധൈര്യ​ക്ഷയം വരുത്തി​യ​തു​കൊണ്ട്‌ അതിനെ വ്യാഖ്യാ​നി​ക്കാൻ അവൻ ഉടൻതന്നെ തന്റെ സകല ജ്ഞാനി​ക​ളെ​യും വരുത്തി. അവരി​ലാർക്കും അതു കഴിഞ്ഞില്ല. അപ്പോൾ നെബൂ​ഖ​ദ്‌നേ​സ്സ​രി​നു​വേണ്ടി സ്വപ്‌നങ്ങൾ വ്യാഖ്യാ​നി​ച്ചി​രുന്ന ദാനി​യേ​ലിന്‌ കൈ​യെ​ഴു​ത്തു വ്യാഖ്യാ​നി​ക്കാൻ കഴി​ഞ്ഞേ​ക്കു​മെന്ന്‌ അവന്റെ അമ്മ അവനെ ഓർമ്മി​പ്പി​ച്ചു. (ദാനി​യേൽ 5:10-12) ദാനി​യേ​ലി​നെ വരുത്തി​യിട്ട്‌ അത്‌ സാധി​ക്കു​മോ​യെന്നു ചോദി​ച്ച​പ്പോൾ അത്യു​ന്നതൻ മനുഷ്യ​വർഗ്ഗ​ത്തി​ന്റെ രാജ്യ​ത്തിൻമേൽ ഭരണാ​ധി​കാ​രി​യാ​ണെന്ന്‌ അറിയ​ത്ത​ക്ക​വണ്ണം അഹങ്കാ​രി​യാ​യി​രുന്ന അവന്റെ വല്യപ്പനെ എങ്ങനെ ദൈവം താഴ്‌ത്തി​യെന്ന്‌ ദാനി​യേൽ ആ ഏകാധി​പ​തി​യെ ഓർമ്മി​പ്പി​ച്ചു.—ദാനി​യേൽ 5:20, 21.

¹⁷ ദാനി​യേൽ ബേൽശ​സ്സ​റി​നോട്‌ കൂടു​ത​ലാ​യി ഇങ്ങനെ പറഞ്ഞു: “നിന്റെ ശ്വാസം ആരുടെ കൈയി​ലാ​ണോ, നിന്റെ സകല വഴിക​ളും ആരു​ടേ​താ​ണോ, ആ ദൈവത്തെ നീ മഹത്വീ​ക​രി​ച്ചി​ട്ടില്ല.” (ദാനി​യേൽ 5:23) അങ്ങനെ കൈ​യെ​ഴുത്ത്‌ ബാബി​ലോ​ന്യൻഭ​ര​ണാ​ധി​കാ​രി​യു​ടെ രാജത്വ​ത്തിൻനാ​ളു​കൾ അവസാ​നി​ച്ചി​രു​ന്നു​വെ​ന്നും അവനെ തൂക്കി​നോ​ക്കി​യിട്ട്‌ കുറവു​ള്ള​വ​നാ​യി കണ്ടെന്നും അവന്റെ രാജ്യം മേദ്യർക്കും പാർസ്യ​ക്കാർക്കും കൊടു​ക്കാൻപോ​കു​ക​യാ​ണെ​ന്നും അവന്‌ അറിയി​പ്പു​കൊ​ടു​ത്തു. യഹോവ അത്യാ​വ​ശ്യ​മാ​യി​രുന്ന ഈ പാഠം ആ അഹങ്കാ​രി​യായ ഏകാധി​പ​തി​യെ പഠിപ്പി​ച്ച​ശേഷം അന്നു രാത്രി​തന്നെ കൽദയ​രാ​ജാ​വായ ബേൽശസ്സർ കൊല്ല​പ്പെട്ടു.—ദാനി​യേൽ 4:23.

18. ഏതു മുഖാ​ന്ത​ര​ത്താൽ യഹോവ ഇന്ന്‌ ലോക​ഭ​ര​ണാ​ധി​കാ​രി​കളെ തന്റെ പരമാ​ധി​കാ​ര​വും രക്ഷിക്കൽശ​ക്തി​യും സംബന്ധിച്ച്‌ സമാന​മായ പാഠങ്ങൾ പഠിപ്പി​ക്കും?

¹⁸ അഹങ്കാ​രി​ക​ളായ ഏകാധി​പ​തി​ക​ളാ​യി​രുന്ന നെബൂ​ഖ​ദ്‌നേ​സ്സ​റെ​യും ബേൽശ​സ്സ​റി​നെ​യും തന്റെ പരമാ​ധി​കാ​ര​ത്തെ​യും രക്ഷിക്കൽശ​ക്തി​യെ​യും കുറി​ച്ചുള്ള പാഠങ്ങൾ യഹോവ പഠിപ്പി​ച്ച​തു​പോ​ലെ​തന്നെ താൻ പരമോ​ന്നത ഭരണാ​ധി​കാ​രി​യാ​ണെന്ന്‌, സർവശ​ക്ത​നായ സാർവ​ത്രി​ക​പ​ര​മാ​ധി​കാ​രി​യാ​ണെന്ന്‌, അർമ്മ​ഗെ​ദ്ദോ​നിൽ ദൈവം ഭൂമി​യി​ലെ സകല ഭരണാ​ധി​കാ​രി​ക​ളും അറിയാ​നി​ട​യാ​ക്കും. നിങ്ങളു​ടെ ജീവൻ ബാധി​ക്ക​പ്പെ​ടും. എങ്ങനെ? എന്തു​കൊ​ണ്ടെ​ന്നാൽ മൂന്ന്‌ എബ്രാ​യരെ യഹോവ തീച്ചൂ​ള​യിൽനിന്ന്‌ വിടു​വി​ച്ച​തു​പോ​ലെ അവൻ തന്റെ വിശ്വ​സ്‌ത​ദാ​സൻമാ​രെ​യും ആ സമയത്ത്‌ വിടു​വി​ക്കും.—ദാനി​യേൽ 3:26-30.

ദാര്യാ​വേശ്‌ യഹോ​വ​യു​ടെ രക്ഷിക്കൽ ശക്തി​യെ​ക്കു​റി​ച്ചു പഠിക്കു​ന്നു

19, 20. ദാനി​യേ​ലി​ന്റെ ജീവി​ത​ത്തി​ലെ ഏതു സംഭവം ദാര്യാ​വേ​ശി​നെ യഹോ​വ​യു​ടെ രക്ഷിക്കൽശ​ക്തി​യെ​ക്കു​റി​ച്ചു പഠിപ്പി​ച്ചു?

¹⁹ യഹോവ ഒരു ഏകാധി​പ​തി​യാ​യി​രുന്ന ദാര്യാ​വേ​ശി​നെ ഒരു പാഠം—ദൈവ​ത്തി​ന്റെ രക്ഷിക്കൽശ​ക്തി​യെ​ക്കു​റി​ച്ചുള്ള പാഠം—പഠിപ്പിച്ച മറെറാ​രു സന്ദർഭ​ത്തെ​ക്കു​റിച്ച്‌ ദാനി​യേൽ 6-ാം അദ്ധ്യായം പറയുന്നു. ഒരു ഗൂഢാ​ലോ​ചന ഏറെയും ഏകാധി​പ​തി​യു​ടെ ഇഷ്ടത്തി​നെ​തി​രാ​യി അവൻ ദാനി​യേ​ലി​നെ സിംഹ​ങ്ങ​ളു​ടെ കുഴി​യിൽ എറിയു​ന്ന​തിൽ കലാശി​ച്ചി​രു​ന്നു. അവൻ അഹങ്കാ​ര​പൂർവം തന്നേത്തന്നെ സത്യ​ദൈ​വ​ത്തി​നെ​തി​രെ ഉയർത്തിയ ഒരുവൻ അല്ലായി​രു​ന്നു. കൗതു​ക​ക​ര​മാ​യി, ദാനി​യേ​ലി​ന്റെ ദൈവം അവനെ വിടു​വി​ക്കു​മെന്ന്‌ ദാര്യാ​വേശ്‌ അവന്‌ ഉറപ്പു​കൊ​ടു​ത്തി​രു​ന്നു​വെ​ങ്കി​ലും അവൻ യഥാർത്ഥ​ത്തിൽ അത്‌ പൂർണ്ണ​മാ​യി വിശ്വ​സി​ച്ചി​രു​ന്ന​താ​യി തോന്നു​ന്നില്ല. അല്ലായി​രു​ന്നെ​ങ്കിൽ അവന്‌ രാത്രി​യിൽ ഉറക്കം വരാതി​രു​ന്ന​തും പ്രഭാ​തം​വരെ വ്യാകു​ല​പ്പെട്ടു കിടന്ന​തും പ്രഭാ​ത​ത്തിൽ സിംഹ​ക്കു​ഴി​യി​ങ്ക​ലേക്ക്‌ ബദ്ധപ്പെ​ട്ടു​ചെ​ന്ന​തും എന്തിന്‌? അപ്പോൾ അവൻ ഇങ്ങനെ വിളി​ച്ചു​ചോ​ദി​ച്ചു: “ജീവനുള്ള ദൈവ​ത്തി​ന്റെ ദാസനായ ദാനി​യേലേ, നീ ഉറപ്പോ​ടെ സേവി​ക്കുന്ന നിന്റെ ദൈവ​ത്തിന്‌ നിന്നെ സിംഹ​ങ്ങ​ളിൽനിന്ന്‌ രക്ഷിക്കാൻ കഴിഞ്ഞോ?”—ദാനി​യേൽ 6:18-20.

²⁰ ഉവ്വ്‌, ദാനി​യേ​ലി​നെ സംരക്ഷി​ക്കാൻ ദൈവ​ത്തി​നു കഴിഞ്ഞി​രു​ന്നു. ദാര്യാ​വേശ്‌ വളരെ സന്തുഷ്ട​നാ​യ​തു​കൊണ്ട്‌ അവൻ ഈ കൽപ്പന പുറ​പ്പെ​ടു​വി​ച്ചു: “എന്റെ രാജ്യ​ത്തി​ന്റെ ഏതു ഭാഗത്തും ആളുകൾ ദാനി​യേ​ലി​ന്റെ ദൈവ​ത്തി​ന്റെ മുമ്പാകെ വിറയ്‌ക്കു​ക​യും ഭയപ്പെ​ടു​ക​യും ചെയ്യേ​ണ്ട​താണ്‌. എന്തെന്നാൽ അവൻ ജീവനുള്ള ദൈവ​വും അനിശ്ചി​ത​കാ​ല​ങ്ങ​ളോ​ളം നിലനിൽക്കു​ന്ന​വ​നു​മാ​കു​ന്നു, അവന്റെ രാജ്യം നശിപ്പി​ക്ക​പ്പെ​ടു​ക​യി​ല്ലാത്ത ഒന്നാകു​ന്നു . . . അവൻ രക്ഷിക്കു​ക​യും വിടു​വി​ക്കു​ക​യും ആകാശ​ങ്ങ​ളി​ലും ഭൂമി​യി​ലും അടയാ​ള​ങ്ങ​ളും അത്ഭുത​ങ്ങ​ളും ചെയ്യു​ക​യും ചെയ്യുന്നു, എന്തെന്നാൽ അവൻ ദാനി​യേ​ലി​നെ സിംഹ​ങ്ങ​ളു​ടെ നഖങ്ങളിൽനിന്ന്‌ രക്ഷിച്ചി​രി​ക്കു​ന്നു.”—ദാനി​യേൽ 6:26, 27.

21. (എ) ദാനി​യേൽ പുസ്‌ത​ക​ത്തി​ലെ ആദ്യത്തെ ആറ്‌ അദ്ധ്യാ​യങ്ങൾ എന്തിന്റെ ശ്രദ്ധേ​യ​മായ ദൃഷ്ടാ​ന്തങ്ങൾ നൽകുന്നു? (ബി) ഈ കാര്യ​ങ്ങ​ളെ​ക്കു​റി​ച്ചുള്ള രേഖക്ക്‌ നമ്മു​ടെ​മേൽ എന്ത്‌ ഫലമു​ണ്ടാ​യി​രി​ക്കണം?

²¹ യഹോവ തന്റെ നാമത്തി​നു​വേണ്ടി തീക്ഷ്‌ണ​ത​യു​ള്ള​വ​നെന്ന നിലയിൽ തന്റെ വിശ്വ​സ്‌ത​ദാ​സൻമാ​രെ വിടു​വി​ക്കു​മ്പോൾത്തന്നെ താൻ അഹങ്കാ​രി​ക​ളായ ഭരണാ​ധി​കാ​രി​കളെ താഴ്‌ത്താൻ പ്രാപ്‌ത​നും തീർച്ച​യാ​യും സർവശ​ക്ത​നും സാർവ​ത്രി​ക​പ​ര​മാ​ധി​കാ​രി​യു​മാ​ണെന്ന്‌ ഈ ലോക​ത്തി​ലെ ശക്തരായ ഏകാധി​പ​തി​കളെ പഠിപ്പി​ച്ച​തി​ന്റെ ശ്രദ്ധേ​യ​മായ ദൃഷ്ടാ​ന്ത​ങ്ങ​ളാണ്‌ ദാനി​യേ​ലി​ന്റെ ആദ്യത്തെ ആറ്‌ അദ്ധ്യാ​യങ്ങൾ യഥാർത്ഥ​ത്തിൽ നമുക്കു നൽകു​ന്നത്‌. ഈ വിവര​ണങ്ങൾ നമ്മിൽ ഒരു ഉദാത്ത​മായ ദൈവ​ഭ​യ​വും യഹോ​വ​യു​ടെ സർവശ​ക്തി​യോ​ടും പരമാ​ധി​കാ​ര​ത്തോ​ടും ആദരവും ജനിപ്പി​ക്കേ​ണ്ട​താണ്‌. അതേസ​മയം, ഈ നിശ്വ​സ്‌ത​രേഖ വിശ്വാ​സത്തെ അത്യന്തം ബലപ്പെ​ടു​ത്തു​ന്ന​താണ്‌, എന്തു​കൊ​ണ്ടെ​ന്നാൽ അത്‌ വളരെ വിശ്വാ​സ​വും ധൈര്യ​വും പ്രകട​മാ​ക്കിയ യഹോ​വ​യാം ദൈവ​ത്തി​ന്റെ ദാസൻമാ​രു​ടെ തിളങ്ങുന്ന ദൃഷ്ടാ​ന്തങ്ങൾ നൽകുന്നു. അടുത്ത ലേഖനം അത്‌ വ്യക്തമാ​യി പ്രകട​മാ​ക്കും. (w88 12/1)

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

□ യഹോവ ലോക​ഭ​ര​ണാ​ധി​കാ​രി​കളെ ഏതു പാഠം പഠിപ്പി​ക്കേ​ണ്ട​യാ​വ​ശ്യ​മു​ണ്ടാ​യി​ട്ടുണ്ട്‌?

□ ദാനി​യേ​ലി​ന്റെ പുസ്‌ത​ക​ത്തി​ന്റെ വിശ്വാ​സ്യ​ത​യെ​ക്കു​റിച്ച്‌ എന്തു പറയാൻ കഴിയും?

□ നെബൂ​ഖ​ദ്‌നേ​സ്സർരാ​ജാ​വി​നെ കൂടു​ത​ലാ​യി താഴ്‌ത്തിയ പാഠം എന്തായി​രു​ന്നു?

□ യഹോവ ഏകാധി​പ​തി​കളെ പാഠങ്ങൾ പഠിപ്പി​ച്ച​തിന്‌ നമ്മുടെ മേൽ എന്തു ഫലം ഉണ്ടായി​രി​ക്കണം?