പുകവലി നിർത്താ​നുള്ള പത്തു മാർഗ്ഗങ്ങൾ

1. യഥാർത്ഥ പ്രേര​ണ​യു​ണ്ടാ​യി​രി​ക്കുക. നിർത്താ​നാ​ഗ്ര​ഹി​ക്കു​ന്ന​തിന്‌ സാരവ​ത്തായ കാരണ​ങ്ങ​ളു​ണ്ടാ​യി​രി​ക്കുക—ആത്‌മാ​ഭി​മാ​നം; നിങ്ങളു​ടെ ഇപ്പോ​ഴ​ത്തെ​യും ഭാവി​യി​ലെ​യും ആരോ​ഗ്യ​ത്തി​ലുള്ള താത്‌പ​ര്യം; നിങ്ങളു​ടെ അപകട​ക​ര​മായ ശീലത്താൽ ബാധി​ക്ക​പ്പെ​ടുന്ന പ്രിയ​പ്പെ​ട്ട​വ​രി​ലുള്ള താത്‌പ​ര്യം. തന്റെ തന്നെയും ദൈവ​ത്തി​ന്റെ​യും മുമ്പാകെ ശാരീ​രി​ക​വും ധാർമ്മി​ക​വു​മാ​യി ശുദ്ധരാ​യി​രി​ക്കാ​നുള്ള ആഗ്രഹം.

2. നിർത്തു​ന്ന​തിന്‌ ഒരു തീയതി നിശ്ചയി​ക്കു​ക​യും അതനു​സ​രി​ക്കു​ക​യും ചെയ്യുക; ഒററയ​ടി​ക്കു നിർത്തുക; അത്‌ സത്വരം ഉപദ്ര​വി​ക്കു​ന്നു, എന്നാൽ അത്‌ സത്വരം സൗഖ്യ​മാ​ക്കു​ന്നു.

3. ഈ ശീലം ഒഴിവാ​ക്കു​ന്ന​തിന്‌ ക്രിയാ​ത്‌മ​ക​ന​ട​പടി സ്വീക​രി​ക്കുക. വീട്ടി​ലുള്ള സിഗര​റ​റു​ക​ളെ​ല്ലാം ഒടിച്ചു​ക​ള​യുക, അവയു​ടെ​മേൽ വെള്ളം ഒഴിക്കുക. പുകയി​ല​യു​ടെ മണമുള്ള നിങ്ങളു​ടെ വസ്‌ത്ര​ങ്ങ​ളെ​ല്ലാം അലക്കി ശുദ്ധി​യാ​ക്കുക. പുതു​താ​യി തുടക്ക​മി​ടുക, ഉൻമേ​ഷ​വാ​നാ​യി​രി​ക്കുക!

4. നിക്കോ​ട്ടി​നിൽനി​ന്നുള്ള പൂർണ്ണ​മായ പിൻമാ​ററം പൂർത്തി​യാ​ക്കവേ പുകയി​ല​ബാ​ധി​ത​മായ അന്തരീ​ക്ഷ​ത്തെ​യും പുകവ​ലി​ക്കുന്ന സുഹൃ​ത്തു​ക്ക​ളെ​യും ഒഴിവാ​ക്കുക. കാഴ്‌ച​ബം​ഗ്ലാ​വു​ക​ളും ലൈ​ബ്ര​റി​ക​ളും പോലെ പുകവലി നിരോ​ധി​ച്ചി​രി​ക്കുന്ന സ്ഥലങ്ങൾ സന്ദർശി​ക്കുക.

5. നിങ്ങൾ പുകവ​ലി​ക്കു ചെലവ​ഴി​ക്കു​മാ​യി​രുന്ന പണം സ്വരൂ​പി​ച്ചു​വെ​ക്കു​ക​യും ഒരു മാസം കഴിഞ്ഞ്‌ എണ്ണി​നോ​ക്കു​ക​യും ചെയ്യുക! നിങ്ങൾക്ക്‌ യഥാർത്ഥ​ത്തിൽ ആവശ്യ​മുള്ള എന്തെങ്കി​ലും വാങ്ങുക. അല്ലെങ്കിൽ നിങ്ങളു​ടെ വിജയ​ത്തിൽ സന്തോ​ഷി​ക്കാൻ കഴിയുന്ന ഒരു പ്രിയ​പ്പെ​ട്ട​യാ​ളി​നു​വേണ്ടി ഒരു സമ്മാനം വാങ്ങുക.

6. നിങ്ങൾ സാധാ​ര​ണ​ഗ​തി​യിൽ ഒരു സിഗര​റ​റി​നു​വേണ്ടി കൈനീ​ട്ടുന്ന ആ നിമി​ഷ​ങ്ങ​ളിൽ നിങ്ങ​ളെ​ത്ത​ന്നെ​യും നിങ്ങളു​ടെ കൈക​ളെ​യും തിരക്കിൽ നിർത്തുക. പുകവ​ലി​ക്കാ​നുള്ള ആഗ്രഹം നിങ്ങളെ ശല്യ​പ്പെ​ടു​ത്താൻ തുടങ്ങു​മ്പോൾ ഗം (നിക്കോ​ട്ടിൻ ഗം അല്ല) ചവക്കുക. ഭക്ഷണങ്ങൾക്കു​ശേഷം പുകവ​ലി​ക്കു​ന്ന​തി​നു പകരം പല്ലു​തേ​ക്കുക. ഒന്നു നടക്കുക, എഴുത്തു​ക​ളെ​ഴു​തുക, തയ്‌ക്കുക, തോട്ട​ത്തിൽ ജോലി​ചെ​യ്യുക, വസ്‌തു​ക്കൾ നന്നാക്കുക, കാർ കഴുകുക എന്നിവ​യൊ​ക്കെ ചെയ്യുക.

7. ധൈര്യ​ക്കു​റ​വു​തോ​ന്നു​മ്പോൾ അല്ലെങ്കിൽ സമ്മർദ്ദ​മ​നു​ഭ​വ​പ്പെ​ടു​മ്പോൾ, അഗാധ​മാ​യും സാവധാ​ന​ത്തി​ലും ശ്വാ​സോ​ച്‌ഛ്വാ​സം ചെയ്യുക. ഒരു സിഗര​റ​റി​നു​വേണ്ടി എത്തിപ്പി​ടി​ക്കു​ന്ന​തി​നു പകരം ധാരാളം വെള്ളവും പഴച്ചാ​റും കുടി​ക്കുക. ദ്രാവ​കങ്ങൾ ശുദ്ധീ​ക​രി​ക്കു​ന്നു.

8. നിങ്ങളു​ടെ ശാരീ​രി​ക​പ​രി​മി​തി​കൾക്കു​ള്ളിൽ വ്യായാ​മം​ചെ​യ്യുക. ന്യായ​മാ​യി​ട്ടു​ള്ള​തെ​ന്തെന്ന്‌ നിങ്ങളു​ടെ ഡോക്ട​റോ​ടു ചോദി​ക്കുക. മെച്ച​പ്പെ​ടുന്ന നിങ്ങളു​ടെ ശാരീ​രി​കാ​വസ്ഥ നിങ്ങളെ പ്രോൽസാ​ഹി​പ്പി​ക്കും.

9. മദ്യസേവ വെട്ടി​ച്ചു​രു​ക്കുക. മദ്യത്തിന്‌ പുകവ​ലി​ക്കാ​നുള്ള ആഗ്രഹ​ത്തി​നു വഴിമ​രു​ന്നി​ടാൻ കഴിയു​മെ​ന്നു​ള്ള​തു​കൊണ്ട്‌ മിക്ക​പ്പോ​ഴും മദ്യവും സിഗര​റ​റു​ക​ളും “ഒത്തു​പോ​കു​ന്നു.” ഇതു സംഭവി​ക്കാ​വുന്ന സാമൂ​ഹി​കാ​വ​സ​രങ്ങൾ വെട്ടി​ച്ചു​രു​ക്കുക. പുകയി​ല​പ​ര​സ്യ​ങ്ങളെ വിമർശ​നാ​ത്‌മ​ക​മാ​യി വീക്ഷി​ക്കുക—അവയുടെ ശുംഭ​ത്ത​ര​ത്തെ​യും കാപട്യ​ത്തെ​യും വിശക​ല​നം​ചെ​യ്യുക. വീണ്ടും അകപ്പെ​ട്ടു​പോ​ക​രുത്‌.

10. നിങ്ങൾ യഹോ​വ​യു​ടെ സാക്ഷി​ക​ളി​ലൊ​രാ​ളാ​കു​ന്ന​തി​നെ​ക്കു​റിച്ച്‌ ചിന്തി​ക്കു​ക​യാ​ണെ​ങ്കിൽ സഹായ​ത്തി​നു​വേണ്ടി ദൈവ​ത്തോട്‌ ആത്‌മാർത്ഥ​മാ​യി പ്രാർത്ഥി​ക്കുക, അനന്തരം നിങ്ങളു​ടെ പ്രാർത്ഥ​ന​ക്ക​നു​സൃ​ത​മാ​യി പ്രവർത്തി​ക്കുക. ഒരു അത്‌ഭു​തം പ്രതീ​ക്ഷി​ക്ക​രുത്‌; അത്‌ സംഭവി​പ്പി​ക്കുക.