പുകവലി ക്രിസ്‌തീയ വീക്ഷണം

ബൈബിൾ പുകയി​ല​യെ​യോ പുകവ​ലി​യെ​യോ സംബന്ധി​ച്ചു പറയു​ന്നി​ല്ലെന്ന്‌ സ്‌പഷ്‌ട​മാണ്‌. എന്തു​കൊ​ണ്ടെ​ന്നാൽ അവ പുരാതന മദ്ധ്യപൂർവ​ദേ​ശത്ത്‌ അറിയ​പ്പെ​ട്ടി​രു​ന്നില്ല. ലളിത​മായ കാരണം പുകയി​ല​ച്ചെടി തെക്കേ അമേരി​ക്ക​യി​ലും മെക്‌സി​ക്കോ​യി​ലും വെസ്‌റ​റിൻഡീ​സി​ലും ഉണ്ടായ​താ​ണെ​ന്നു​ള്ള​താണ്‌. 16-ാം നൂററാ​ണ്ടി​ന്റെ മദ്ധ്യം​വരെ അത്‌ ലോക​ത്തി​ലെ ശേഷിച്ച ഭാഗങ്ങ​ളിൽ അവതരി​പ്പി​ക്ക​പ്പെ​ട്ടി​രു​ന്നില്ല.

അതിന്‌ പുകവലി സംബന്ധി​ച്ചു പ്രസക്ത​മായ യാതൊ​ന്നും ബൈബിൾ പറയു​ന്നി​ല്ലെന്ന്‌ അർത്ഥമു​ണ്ടോ? അശേഷ​മില്ല. അത്‌ സാർവ​ലൗ​കിക പ്രയു​ക്ത​ത​യു​ള്ള​തും നമുക്കു മാർഗ്ഗ​രേ​ഖ​ക​ളു​മായ തത്വങ്ങൾ വ്യക്തമാ​യി പ്രസ്‌താ​വി​ക്കു​ന്നു. ഈ അടിസ്ഥാ​ന​ത​ത്വ​ങ്ങ​ളിൽ ചിലത്‌ എന്താണ്‌?

ദൈവ​ത്തോ​ടും അയൽക്കാ​ര​നോ​ടു​മുള്ള സനേഹം

ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം അടിസ്ഥാ​ന​പ്രേ​ര​ണാ​ശക്തി യേശു പ്രസ്‌താ​വി​ച്ച​താ​യി​രി​ക്കണം: “‘നീ നിന്റെ ദൈവ​മായ യഹോ​വയെ നിന്റെ മുഴു ഹൃദയ​ത്തോ​ടും നിന്റെ മുഴു ദേഹി​യോ​ടും നിന്റെ മുഴു ശക്തി​യോ​ടും നിന്റെ മുഴു മനസ്സോ​ടും​കൂ​ടെ​യും’ ‘നിന്റെ അയൽക്കാ​രനെ നിന്നെ​പ്പോ​ലെ​യും സ്‌നേ​ഹി​ക്കണം.’”—ലൂക്കോസ്‌ 10:27.

ഒരുവൻ അകാല​രോ​ഗ​ത്തി​ലേ​ക്കും മരണത്തി​ലേ​ക്കും നയിക്കുന്ന ഒരു ശീലത്തിൽ, ഒരു ദുശ്ശീ​ല​ത്തിൽ, ആസക്തനാ​കു​ന്ന​തിന്‌ തന്റെ പ്രാപ്‌തി​കൾ മനഃപൂർവം നശിപ്പി​ക്കു​ക​യാ​ണെ​ങ്കിൽ അയാൾക്ക്‌ എങ്ങനെ തന്റെ മുഴു ഹൃദയ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും​കൂ​ടെ ദൈവ​സ്‌നേഹം അർപ്പി​ക്കാൻ കഴിയും? ഒരുവൻ നിക്കോ​ട്ടിൻ പോലെ ആസക്തി​യു​ള​വാ​ക്കുന്ന ഒരു മയക്കു​മ​രുന്ന്‌ വലിച്ചു​ക​യ​റ​റു​ന്നു​വെ​ങ്കിൽ അയാൾ ജീവനാ​കുന്ന ദൈവ​ദാ​ന​ത്തോട്‌ എങ്ങനെ​യാണ്‌ വിലമ​തി​പ്പു പ്രകട​മാ​ക്കു​ന്നത്‌? ദൈവം “സകല ആളുകൾക്കും ജീവനും ശ്വാസ​വും കൊടു​ത്തു.” (പ്രവൃ​ത്തി​കൾ 17:24, 25) നാം ദൈവ​ദ​ത്ത​മായ ആ ശ്വാസത്തെ മലിനീ​ക​രി​ക്ക​ണ​മോ? ദൈവ​ത്തി​ന്റെ വീക്ഷണ​ത്തിൽ അത്‌ യഥാർത്ഥ​ത്തിൽ ദുശ്ശീ​ല​മാണ്‌, “അധമവും അധഃപ​തി​പ്പി​ക്കു​ന്ന​തും അധാർമ്മി​ക​വു​മായ ഒരു നടപടി അഥവാ ശീല”മാണ്‌.—ദി അമേരി​ക്കൻ ഹെരി​റേ​റജ ഡികഷ​നറി ഓഫ ദി ഇംഗ്ലീഷ ലാം​ഗ്വേജ.

ഒരു പുകവ​ലി​ക്കാ​രന്റെ ദുഷിച്ച ശ്വാസ​വും പുകയും വസ്‌ത്ര​ത്തെ​യും ചുററു​പാ​ടു​മുള്ള വായു​വി​നെ​യും മലിനീ​ക​രി​ക്കു​മ്പോൾ പുകവലി എങ്ങനെ​യാണ്‌ അയൽസ്‌നേഹം പ്രകട​മാ​ക്കുക? ഒരു പുകവ​ലി​ക്കാ​രന്റെ ഏററവു​മ​ടുത്ത അയൽക്കാ​രായ അയാളു​ടെ ഭാര്യ​യെ​യും മക്കളെ​യും സംബന്ധി​ച്ചെന്ത്‌? അവർ കാണേ​ണ്ടി​വ​രുന്ന അകാല​ത്തി​ലുള്ള, സാവധാ​ന​ത്തി​ലുള്ള, വേദനാ​ക​ര​മായ മരണത്തി​ലേക്കു നയി​ച്ചേ​ക്കാ​വുന്ന ഒരു ഗതി പിന്തു​ട​രു​ന്നത്‌ സ്‌നേ​ഹ​മാ​ണോ? ഒരു പുകവ​ലി​ക്കാ​രന്റെ വിഷമ​യ​മായ നിശ്വാ​സ​വാ​യു ശ്വസി​ച്ചു​കൊണ്ട്‌ നിഷ്‌ക്രിയ പുകവ​ലി​ക്കാ​രാ​യി​രി​ക്കാൻ മററു​ള്ള​വർക്കു കടപ്പാ​ടു​ണ്ടാ​ക്കു​ന്നത്‌ ക്രിസ്‌തീ​യ​പ​രി​ഗ​ണ​ന​യാ​ണോ? സ്‌പെ​യി​നി​ലെ ബേന്‌ളി​ലുള്ള ബോട്ടാ​നി​ക്കൽ ഗാർഡ​നിൽ പുകയി​ല​ച്ചെടി അതിന്റെ വിഷ​ച്ചെ​ടി​വി​ഭാ​ഗ​ത്തി​ലാ​യി​രിക്കു​ന്നത്‌ അതിശ​യമല്ല!

സ്വസ്‌നേ​ഹം സംബന്ധി​ച്ചെന്ത്‌? ശാരീ​രി​ക​വും മാനസി​ക​വും ആത്മീയ​വു​മായ ഒരുവന്റെ ആരോ​ഗ്യ​ത്തി​നു​വേണ്ടി കരുതുന്ന ഘട്ടത്തോ​ളം ഒരുവ​നെ​ത്തന്നെ സ്‌നേ​ഹി​ക്കു​ന്നത്‌ ന്യായ​മാണ്‌. “യതൊരു മനുഷ്യ​നും ഒരിക്ക​ലും സ്വന്ത ജഡത്തെ വെറു​ത്തി​ട്ടില്ല; പിന്നെ​യൊ അയാൾ അതിനെ പോറ​റി​പ്പു​ലർത്തു​ന്നു”വെന്ന്‌ അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ചു. ഒരുവന്റെ ആരോ​ഗ്യ​ത്തെ സാവധാ​ന​ത്തിൽ തകിടം മറിക്കുന്ന ഒരു ശീലത്തിൽ ആസക്തനാ​കു​ന്നത്‌ സ്വസ്‌നേ​ഹ​പ്ര​ക​ട​ന​മാ​ണോ?—എഫേസ്യർ 5:28, 29.

‘നീതി നിവസി​ക്കുന്ന പുതിയ ആകാശ​ങ്ങ​ളും ഒരു പുതിയ ഭൂമി​യും’ ഉണ്ടായി​രി​ക്കു​മെന്ന്‌ യഹോ​വ​യാം ദൈവം വാഗ്‌ദ​ത്തം​ചെ​യ്‌തു. (2 പത്രോസ്‌ 3:13) അത്‌ യാതൊ​രു​തരം മലിനീ​ക​ര​ണ​വു​മി​ല്ലാത്ത ഒരു ശുദ്ധമായ ലോക​മാ​യി​രി​ക്കും. അന്ന്‌ പുകവലി അനുവ​ദി​ക്ക​പ്പെ​ടു​ക​യില്ല, അല്ലെങ്കിൽ അതിനുള്ള ആഗ്രഹ​മു​ണ്ടാ​യി​രി​ക്ക​യില്ല. അതു​കൊണ്ട്‌ ഇപ്പോൾ എന്തിനു പുകവ​ലി​ക്കണം? യുക്ത്യാ​നു​സൃ​തം പൗലോ​സി​ന്റെ ബുദ്ധി​യു​പ​ദേശം ഇവിടെ ബാധക​മാ​കു​ന്നു: “അതു​കൊ​ണ്ടു പ്രിയ​മു​ള്ള​വരെ, നമുക്ക്‌ ഈ വാഗ്‌ദ​ത്ത​ങ്ങ​ളു​ള്ള​തു​കൊണ്ട്‌ നമുക്ക്‌ ജഡത്തി​ലെ​യും ആത്മാവി​ലെ​യും സകല അശുദ്ധി​യും നീക്കി നമ്മേത്തന്നെ ശുദ്ധീ​ക​രി​ക്കാം, ദൈവ​ഭ​യ​ത്തിൽ വിശു​ദ്ധി​യെ പൂർണ്ണ​മാ​ക്കി​ക്കൊ​ണ്ടു​തന്നെ.” (2 കൊരി​ന്ത്യർ 7:1) നിക്കോ​ട്ടിൻ തികച്ചും അക്ഷരീ​യ​മാ​യി​ത്തന്നെ ജഡത്തെ മലിന​പ്പെ​ടു​ത്തു​ന്നു. പുകവലി ഒരു ക്രിസ്‌ത്യാ​നിക്ക്‌ തന്റെ ശരീരത്തെ “ജീവനു​ള്ള​തും വിശു​ദ്ധ​വും ദൈവ​ത്തി​നു സ്വീകാ​ര്യ​വു​മായ ഒരു യാഗമാ​യി, [അവന്റെ] ചിന്താ​ശ​ക്തി​യോ​ടു​കൂ​ടിയ ഒരു വിശു​ദ്ധ​സേ​വ​ന​മാ​യി” ദൈവ​ത്തിന്‌ അർപ്പി​ക്കുക അസാദ്ധ്യ​മാ​ക്കു​ന്നു. (റോമർ 12:1) പുകവലി ഹാനി​ക​ര​വും ക്രിസ്‌തീ​യ​ത​ത്വ​ങ്ങൾക്ക്‌ എതിരു​മാ​ണെന്ന്‌ ചിന്താ​ശക്തി ആജ്ഞാപി​ക്കു​ന്നു. അപ്പോൾ അവി​ടെ​യാണ്‌ ഒരുവൻ ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കു​ന്നു​വെ​ങ്കിൽ പുകവലി നിർത്തു​ന്ന​തി​നുള്ള മുഖ്യ​പ്രേ​ര​ക​ഘ​ട​ക​മു​ള്ളത്‌.

അവർ നിർത്തി​യ​തെ​ന്തു​കൊണ്ട?

ലോക​മാ​സ​കലം ദശലക്ഷ​ക്ക​ണ​ക്കി​നാ​ളു​കൾ പുകവ​ലി​നിർത്തി​യി​രി​ക്കു​ന്നു. അതു ചെയ്യാൻക​ഴി​യും. എന്നാൽ എങ്ങനെ? എന്താണാ​വ​ശ്യ​മാ​യി​രി​ക്കു​ന്നത്‌? ഒരു ശക്തമായ പ്രേരണ. അനേക​രെ​സം​ബ​ന്ധി​ച്ചും അത്‌ ആരോ​ഗ്യ​വും ആത്മാഭി​മാ​ന​വും കുടും​ബ​ത്തോ​ടുള്ള സ്‌നേ​ഹ​വു​മാണ്‌. എന്നാൽ മററു ചിലർക്ക്‌ മതപര​മായ ഒരു പ്രേര​ക​ഘ​ട​കം​കൂ​ടെ​യുണ്ട്‌—ദൈവത്തെ പ്രസാ​ദി​പ്പി​ക്കാ​നുള്ള ഒരു ആഗ്രഹം.

അതു​കൊണ്ട്‌, നമ്മുടെ രണ്ടാമത്തെ ലേഖന​ത്തിൽ പറഞ്ഞ റേ, ബിൽ, ആമി, ഹാർലി എന്നിവരെ സംബന്ധി​ച്ചെന്ത്‌? അവർ പുകവലി നിർത്തി​യ​തെ​ന്തു​കൊണ്ട്‌?

മുമ്പ്‌ താടി​യും മുടി​യും നീട്ടി​യി​രുന്ന ഒരു കലാകാ​ര​നാ​യി​രുന്ന ബിൽ യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിച്ചു. അടുത്ത​താ​യി എന്ത്‌? “ഒരു ശുദ്ധമായ മനസ്സോ​ടും ശരീര​ത്തോ​ടും​കൂ​ടെ ദൈവത്തെ പ്രസാ​ദി​പ്പി​ക്കാ​നും സേവി​ക്കാ​നും ഞാൻ ആഗ്രഹി​ക്കു​ന്ന​താ​യി ഞാൻ തീരു​മാ​നി​ച്ചു. ഞാൻ ഒററയ​ടിക്ക്‌ വലിനിർത്തി. ക്രമേണ പിൻമാ​റു​ക​യ​ല്ലാ​യി​രു​ന്നു. 1975 ജനുവരി 1ന്‌ ഞാൻ അവസാ​ന​മാ​യി സിഗര​ററ്‌ കൈകാ​ര്യം​ചെ​യ്യു​ക​യും പിന്നീട്‌ സിഗര​ററ്‌ പാക്കററ്‌ ദൂരെ​യെ​റി​യു​ക​യും​ചെ​യ്‌തു. അതിനു​ശേഷം എന്റെ ആരോ​ഗ്യം മെച്ച​പ്പെട്ടു. എനിക്ക്‌ ഇപ്പോ​ഴും എംഫി​സീ​മ​യു​ടെ ആക്രമ​ണ​മു​ണ്ടാ​കു​ന്നുണ്ട്‌. എന്നാൽ ഞാൻ പുകവ​ലി​നിർത്തി​യ​ശേഷം എന്റെ വർണ്ണ​ഗ്ര​ഹണം പോലും മെച്ച​പ്പെ​ട്ടി​ട്ടുണ്ട്‌.”

ഒരു സർജിക്കൽ നേഴ്‌സായ ആമി എങ്ങനെ​യാ​ണു വലിനിർത്തി​യ​തെന്നു വിശദീ​ക​രി​ക്കു​ന്നു. “ഞാൻ ഹൃദയം​തു​റ​ന്നുള്ള ശസ്‌ത്ര​ക്രി​യക്കു സഹായി​ച്ചി​രു​ന്നു. ഞാൻ സകലതരം ശ്വാസ​കോ​ശ​വും കണ്ടിട്ടുണ്ട്‌—ചുവന്ന​തും ആരോ​ഗ്യ​മു​ള്ള​തും, ഇരുണ്ട​തും വിഷലി​പ്‌ത​വും. ദാരു​ണ​മാം​വി​ധം രോഗ​ബാ​ധി​ത​മാ​യി കുരു​മു​ള​കു​കൊ​ണ്ടു നിറച്ച​തു​പോ​ലെ തോന്നിച്ച ആ ശ്വാസ​കോ​ശങ്ങൾ ഞാൻ കണ്ടെങ്കി​ലും ഞാൻ പിന്നെ​യും വലി നിർത്തി​യില്ല. ‘ഞാൻ തീരെ ചെറു​പ്പ​മാണ്‌. അത്‌ എനിക്ക്‌ സംഭവി​ക്കു​ക​യില്ല’ എന്നു പറഞ്ഞു​കൊണ്ട്‌ ഞാൻ എന്നെത്തന്നെ വഞ്ചിച്ചു​കൊ​ണ്ടി​രു​ന്നു.

“പിന്നീട്‌ 1982-ൽ എന്റെ ജീവി​തത്തെ നേരെ​യാ​ക്കേ​ണ്ട​തി​ന്റെ ആവശ്യം ഞാൻ കണ്ടു. ഞാൻ യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിച്ചു​തു​ടങ്ങി. ഞാൻ ഒരു സാക്ഷി​യോ​ടു​കൂ​ടെ അവളുടെ വീട്ടിൽ താമസി​ച്ചി​രു​ന്നെ​ങ്കി​ലും ഒന്നു വലിക്കാൻ ഞാൻ മേൽപ്പു​ര​യി​ലേക്ക്‌ ഒളിച്ചു​ക​ട​ക്കു​മാ​യി​രു​ന്നു! അതു​കൊ​ണ്ടു ഞാൻ എന്നെത്തന്നെ നേരി​ടേ​ണ്ടി​വന്നു. ഞാൻ കഠിന​മാ​യും ദീർഘ​മാ​യും പ്രാർത്ഥി​ച്ചു. എന്നാൽ ഞാൻ തീരു​മാ​നം​ചെ​യ്‌തു​ക​ഴി​ഞ്ഞ​പ്പോൾ അത്‌ എളുപ്പ​മാ​യി​രു​ന്നു. ആദ്യത്തെ രണ്ടു ദിവസങ്ങൾ ഒരു പരീക്ഷ​യാ​യി​രു​ന്നു. എന്നാൽ നിരന്ത​ര​പ്രാർത്ഥ​ന​യാ​യി​രു​ന്നു എന്നെസം​ബ​ന്ധി​ച്ചു താക്കോൽ.”

മുൻ നേവി വൈമാ​നി​ക​നാ​യി​രുന്ന ഹാർലിക്ക്‌ നിക്കോ​ട്ടിൻശീ​ലം വിട്ടു​മാ​റു​ന്ന​തി​നു പ്രയാ​സ​മു​ണ്ടാ​യി​രു​ന്നു. “ഞാൻ പുകവലി കുറച്ചു​കു​റ​ച്ചു​കൊ​ണ്ടു​വ​രാൻ ശ്രമിച്ചു, എന്നാൽ അതു പ്രാ​യോ​ഗി​ക​മാ​യില്ല. എന്നാൽ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി സ്‌നാ​പ​ന​മേൽക്ക​ണ​മെന്ന്‌ ഞാൻ തീരു​മാ​നി​ച്ച​പ്പോൾ ഞാൻ ഒററയ​ടിക്ക്‌ നിർത്തി. ഞാൻ രണ്ടുമൂ​ന്നു ദിവസം കഠിന​വേദന അനുഭ​വി​ച്ചു. എനിക്ക്‌ പേടി​തോ​ന്നി, അങ്ങേയ​റ​റത്തെ പിരി​മു​റു​ക്ക​മ​നു​ഭ​വ​പ്പെട്ടു. ഞാൻ ഒരു സിഗര​ററ്‌ എത്ര ആഗ്രഹി​ച്ചു! അപ്പോൾ ഒരു സാക്ഷി നല്ല കുറെ ബുദ്ധി​യു​പ​ദേ​ശ​ത്താൽ എന്നെ സഹായി​ച്ചു. ‘നിങ്ങൾ ഒരു സിഗര​റ​റി​നു​വേണ്ടി കൈനീ​ട്ടാ​നാ​ഗ്ര​ഹി​ക്കു​മ്പോ​ഴാണ്‌ നിങ്ങൾ സഹായ​ത്തി​നു​വേണ്ടി യഹോ​വ​യോ​ടു പ്രാർത്ഥി​ക്കേ​ണ്ടത്‌.’ അത്‌ എനിക്ക്‌ പ്രാ​യോ​ഗി​ക​മാ​യി. ‘യേശു വായിൽ സിഗര​റ​റു​മാ​യി നിൽക്കു​ന്നത്‌ എനിക്ക്‌ സങ്കൽപ്പി​ക്കാൻ കഴിയു​മോ?’ എന്നതാ​യി​രു​ന്നു എന്നിൽ ധാരണ​യു​ള​വാ​ക്കിയ മറെറാ​രു ചിന്ത. അതു നിസ്‌തർക്ക​മാ​യി​രു​ന്നു. എന്നാൽ ഒരു പുകവ​ലി​ക്കാ​രന്‌ ഒരു ശക്തമായ പ്രേര​ക​ഘ​ടകം ആവശ്യ​മാ​ണെന്ന്‌ ഞാൻ തിരി​ച്ച​റി​യു​ന്നു. ‘അമ്മേ ഞാൻ എന്നെത്തന്നെ ഉപദ്ര​വി​ക്കു​ന്നു​വെ​ന്നേ​യു​ള്ളു’ എന്ന്‌ ഞാൻ അമ്മയോ​ടു പറയു​മാ​യി​രു​ന്നു. യഥാർത്ഥ​ത്തിൽ ഞാൻ ഒന്നില​ധി​കം വിധങ്ങ​ളിൽ അമ്മയേ​യും ഉപദ്ര​വി​ക്കു​ക​യാ​യി​രു​ന്നു.”

മുൻ നേവി ക്വാർട്ടർമാ​സ്‌റ​റ​റാ​യി​രുന്ന റേയി​ക്കും പുകവലി നിർത്തുക എളുപ്പ​മാ​യി​രു​ന്നില്ല. “ഞാൻ യഹോ​വ​യു​ടെ സാക്ഷി​കളെ കണ്ടുമു​ട്ടു​ന്ന​തി​നു മുമ്പ്‌ ഏതാനും പ്രാവ​ശ്യം ഞാൻ ശ്രമി​ച്ചി​രു​ന്നു, എന്നാൽ അത്‌ ഒരിക്ക​ലും പ്രാവർത്തി​ക​മാ​യി​രു​ന്നില്ല. ഞാൻ എപ്പോ​ഴും പുകവ​ലി​ക്കാ​രു​മാ​യി ഇടപഴ​കു​ക​യാ​യി​രു​ന്നു. വെച്ചു​നീ​ട്ട​പ്പെ​ടുന്ന സിഗര​ററ്‌ നിരസി​ക്കുക പ്രയാ​സ​മാ​യി​രു​ന്നു. എന്നാൽ ബൈബി​ളിൽനി​ന്നുള്ള സത്യം ഞാൻ അറിയാ​നി​ട​യാ​യ​പ്പോൾ ക്രിസ്‌തു ചെയ്‌തി​രു​ന്ന​തു​പോ​ലെ യഹോ​വയെ സേവി​ക്കാൻ ഞാൻ ആഗ്രഹി​ച്ചു. അങ്ങനെ ഞാൻ ഒരു ദിവസം​കൊണ്ട്‌ നിർത്തി. രണ്ടു വാരക്കാ​ലം ദുരി​ത​മാ​യി​രു​ന്നു. എന്റെ ശരീരം നിക്കോ​ട്ടി​നു​വേണ്ടി കേഴു​ക​യാ​യി​രു​ന്നു. എന്നാൽ അത്‌ എന്തോരു മാററ​മാ​ണു വരുത്തി​യത്‌! എനിക്ക്‌ വീണ്ടും അതിരററ ഊർജ്ജം ലഭ്യമാ​യി. എനിക്കു സുഖമ​നു​ഭ​വ​പ്പെട്ടു. ഞാൻ വീണ്ടും ഉർജ്ജസ്വ​ല​നാ​യി.”

അതു മൂല്യ​വ​ത്തോ?

ഹാനി​ക​ര​മായ ഏതു നടപടി​യും നിർത്ത​ണ​മെന്ന്‌ സമാന്യ​ബോ​ധം നിർദ്ദേ​ശി​ക്കു​ന്നു. എന്നാൽ പുകവ​ലി​യു​ടെ കാര്യ​ത്തിൽ നാം ഹാനി​ക​ര​മാ​യ​തി​നെ​ക്കു​റി​ച്ചു മാത്രമല്ല സംസാ​രി​ക്കു​ന്നത്‌. അത്‌ മരണക​ര​മാണ്‌, മരണ​ഹേ​തു​ക​മാണ്‌. അതു വിഷമ​യ​മാണ്‌. യു.എസ്‌. കോൺഗ്രസ്‌ കമ്മിറ​റി​യോ​ടുള്ള തന്റെ സാക്ഷ്യ​ത്തിൽ പുകയി​ല​സ്വ​ത്തി​ന്റെ അവകാ​ശി​യാ​യി​രുന്ന പാട്രിക്ക്‌ റെയി​നോൾഡ്‌സ്‌ ഇങ്ങനെ പ്രസ്‌താ​വി​ച്ചു: “സിഗര​ററ്‌ പരസ്യം ഒരു വിഷോൽപ്പ​ന്ന​ത്തി​ന്റെ പ്രോൽസാ​ഹി​പ്പി​ക്ക​ലാണ്‌ എന്നും സകല സിഗര​ററ്‌ പരസ്യ​ങ്ങ​ളും വർജ്ജി​ക്കു​ന്നത്‌ ധാർമ്മി​ക​വും ശരിയും പ്രയോ​ജ​ന​ക​ര​വു​മാ​ണെ​ന്നും ഞാൻ വിശ്വ​സി​ക്കു​ന്നു.”

ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കുന്ന ക്രിസ്‌ത്യാ​നി​ക​ളെ​സം​ബ​ന്ധി​ച്ചട​ത്തോ​ളം പുകയി​ല​പ​ര​സ്യം മാത്രമല്ല, സകല പുകയി​ല​യുൽപ്പ​ന്ന​ങ്ങ​ളും തങ്ങളുടെ ജീവി​ത​ത്തിൽ വർജ്ജി​ക്കു​ന്നത്‌ തീർച്ച​യാ​യും ധാർമ്മി​ക​വും ശരിയും പ്രയോ​ജ​ന​ക​ര​വു​മാണ്‌. സിഗര​റ​റു​കൾ (“സുരക്തി​ത​വും” അല്ലാത്ത​തും), ചുരു​ട്ടു​കൾ, പുകയി​ല​പൈപ്പ്‌, നാസി​കാ​ചൂർണ്ണം എന്നിവ​യെ​ല്ലാം വിഷമായ നിക്കോ​ട്ടിൻ ഉല്‌പാ​ദി​പ്പി​ക്കുന്ന പുകയി​ല​ച്ചെ​ടി​യിൽനിന്ന്‌ വരുന്ന​താണ്‌. ‘കുട്ടീ നീ വളരെ പുരോ​ഗ​മി​ച്ചി​രി​ക്കു​ന്നു’വെന്ന്‌ തെളി​യി​ക്കാൻ അല്ലെങ്കിൽ ജീവി​ത​ത്തിൽ ആസ്വാ​ദ​ന​വും നല്ല സ്വാദും കിട്ടാൻ നിങ്ങൾക്ക്‌ അത്‌ ആവശ്യ​മില്ല. രോഗ​ത്തി​ന്റെ​യും മരണത്തി​ന്റെ​യും വില്‌പ​ന​ക്കാർ നിങ്ങ​ളോട്‌ എന്തു പറയാൻ ശ്രമി​ച്ചാ​ലും പരിഷ്‌ക്കാ​രം പ്രദർശി​പ്പി​ക്കു​ന്നത്‌ സ്വയം വിഷ​മേൽപ്പി​ക്കു​ന്ന​തി​നാ​ലല്ല! (g89 7/8)

[15-ാം പേജിലെ ചതുരം]

പുകയില വ്യാപാ​ര​ത്തിൽ നിന്നമാ​റി​യ​വർ

നോർത്ത്‌ കരോ​ളി​നാ​യിൽ 1875-ൽ ആർ. ജെ. റെയി​നോൾഡ്‌സ്‌ ചവയ്‌ക്കൽപു​ക​യി​ല​യു​ടെ ഒരു കമ്പനി തുടങ്ങി. 1913-ൽ അവർ തങ്ങളുടെ ആദ്യത്തെ സിഗര​ററ്‌ ഉണ്ടാക്കി—ഒട്ടകമാർക്ക്‌. അവി​ടെ​നിന്ന്‌ ഐക്യ​നാ​ടു​ക​ളിൽ സിഗര​ററ്‌ വിൽപ്പ​ന​യി​ലും ലാഭത്തി​ലും ഫിലിപ്പ്‌ മോറി​സി​ന്റെ അടുത്ത സ്ഥാന​ത്തേക്ക്‌ ബിസി​നസ്‌ പുരോ​ഗ​മി​ച്ചു. സ്ഥാപകന്റെ പ്രപൗ​ത്ര​നാണ്‌ ഇപ്പോൾ 40കളുടെ ആദ്യഘ​ട്ട​ത്തി​ലാ​യി​രി​ക്കുന്ന പാട്രിക്ക്‌ റെയി​നോൾഡ്‌സ്‌. മുമ്പ്‌ 15 വർഷക്കാ​ലം ഒരു പുകവ​ലി​ക്കാ​ര​നാ​യി​രുന്ന അയാൾ പുകയി​ല​ലോ​ക​ത്തിൽ ഒരു ബോം​ബി​ട്ടു.

അയാൾ 1986-ൽ പുകവ​ലി​ക്കെ​തി​രെ സാക്ഷ്യം​പ​റ​യാൻ ഒരു കോൺഗ്ര​ഷനൽ സബ്‌ക്ക​മ്മി​ററി മുമ്പാകെ ഹാജരാ​യി! അന്നുമു​തൽ അയാൾ പുകയി​ല​യു​പ​യോ​ഗ​ത്തി​നെ​തി​രായ ഒരു നിരന്ത​ര​പ്ര​വർത്ത​ക​നാ​യി​ത്തീർന്നു. തന്റെ കുടും​ബ​ത്തിന്‌ സമ്പത്തു​നേ​ടി​ക്കൊ​ടുത്ത ഉല്‌പ​ന്ന​ത്തോ​ടു അയാൾക്കു വിരക്തി​തോ​ന്നാ​നി​ട​യാ​ക്കി​യ​തെ​ന്താണ്‌? കടുത്ത പുകവ​ലി​ക്കാ​ര​നാ​യി​രുന്ന തന്റെ പിതാവ്‌ എംഫി​സീ​മാ ബാധിച്ച്‌ സാവധാ​ന​ത്തിൽ മരിക്കു​ന്നത്‌ ഒരു കുട്ടി​യെന്ന നിലയിൽ നിരീ​ക്ഷി​ച്ചത്‌ ഓർത്തു​കൊ​ണ്ടു​തന്നെ. പാട്രിക്ക്‌ ഇങ്ങനെ പ്രസ്‌താ​വി​ച്ചു: “എന്റെ പിതാ​വി​നെ​ക്കു​റി​ച്ചുള്ള എന്റെ ഓർമ്മകൾ എല്ലായ്‌പ്പോ​ഴും ശ്വാസ​മു​ട്ട​ല​നു​ഭ​വ​പ്പെ​ട്ടി​രു​ന്ന​തും തന്റെ ശേഷിച്ച ജീവി​ത​കാ​ലം എണ്ണി​ക്കൊ​ണ്ടി​രു​ന്ന​തു​മായ ഒരു മനുഷ്യ​നാ​യി​ട്ടാണ്‌.”

തന്റെ ജീവി​തം​കൊണ്ട്‌ ക്രിയാ​ത്മ​ക​മാ​യി എന്തെങ്കി​ലും ചെയ്യാൻ പാട്രിക്ക്‌ തീരു​മാ​നി​ച്ചു. “എനിക്ക്‌ ഒരു വ്യത്യാ​സ​മു​ള​വാ​ക്കാ​നും എന്റെ ജീവി​തം​കൊണ്ട്‌ എന്തെങ്കി​ലും ചെയ്യാ​നും കഴിയു​മെന്നു ഞാൻ കണ്ടു.” “കൊല​യാ​ളി​ക​ളെന്നു തെളി​ഞ്ഞി​രി​ക്കു​ന്ന​വയെ” പ്രോൽസാ​ഹി​പ്പി​ക്കു​ന്ന​തിൽ തുടരു​ന്നത്‌ “വ്യക്തമാ​യും അധാർമ്മി​ക​ത​യാ​ണെ”ന്ന്‌ അയാൾ പറഞ്ഞു.

“ഒരു കാലത്ത്‌ എന്നെ പോഷി​പ്പി​ച്ചി​രുന്ന കൈ പുകയി​ല​വ്യ​വ​സാ​യ​മാ​ണെ​ങ്കിൽ, അതേ കൈ ദശലക്ഷ​ക്ക​ണ​ക്കി​നാ​ളു​കളെ കൊന്നി​ട്ടുണ്ട്‌, ആളുകൾ സിഗര​റ​റു​ക​ളു​ടെ അപകട​ങ്ങൾസം​ബ​ന്ധിച്ച്‌ ഉണരു​ന്നി​ല്ലെ​ങ്കിൽ അത്‌ ദശലക്ഷ​ങ്ങളെ കൊല്ലു​ന്ന​തിൽ തുടരു​ക​യും​ചെ​യ്യും.”—ന്യൂ​യോർക്ക്‌ റൈറംസ്‌, ഒക്‌ടോ​ബർ 25, 1986.

ഡേവിഡ്‌ ഗോയർലി​റ​റ്‌സാണ്‌ വിൻസ്‌ററൻ സിഗര​ററ്‌ പരസ്യ​ങ്ങ​ളി​ലെ വിൻസ്‌റ​റൻമാൻ ആയിരി​ക്കു​ന്ന​തിൽ കീർത്തി​പ്പെട്ട മോഡൽ. അയാൾ തന്റെ സിഗര​ററ്‌ പരസ്യം നിർത്തു​ക​യും ഇപ്പോൾ അമേരി​ക്കൻ കാൻസർ സൊ​സൈ​റ​റി​യു​ടെ ഒരു വക്താവാ​യി​ത്തീ​രു​ക​യും ചെയ്‌തി​രി​ക്കു​ന്നു. അയാൾക്കു മാററം​വ​രു​ത്തി​യ​തെ​ന്താ​യി​രു​ന്നു? 1988 ഡിസംബർ 29-ലെ ഒരു ററിവി അഭിമു​ഖ​ത്തിൽ അയാൾ ഇങ്ങനെ പറഞ്ഞു: ‘ഞാൻ ബോസ്‌റ​റ​നി​ലെ ഒരു ആശുപ​ത്രി​യിൽ ഒരു കാൻസർവാർഡിൽ എന്റെ സഹോ​ദ​രനെ സന്ദർശി​ച്ചു. അത്‌ എന്നെ എന്റെ ജോലി​യു​ടെ ഫലങ്ങളു​മാ​യി മുഖാ​മു​ഖം വരുത്തി—പുകവ​ലി​നി​മി​ത്തം കഷ്ടപ്പെ​ടുന്ന കാൻസർരോ​ഗി​കൾ. പുകവ​ലി​യു​ടെ ഇരകളി​ലെ​യും അവരുടെ ഇരകളായ അവരുടെ കുടും​ബ​ങ്ങ​ളി​ലെ​യും വിനാ​ശ​ക​ഫ​ലങ്ങൾ ഞാൻ കണ്ടു. 40കളിൽ മുടി​യി​ല്ലാ​ഞ്ഞ​വ​രും തൊണ്ട​യി​ലും ഉദരത്തി​ലും കുഴലു​ക​ളി​ല്ലാ​ഞ്ഞ​വ​രു​മായ മനുഷ്യ​രെ ഞാൻ കണ്ടു. എനിക്കു കുററ​ബോ​ധം തോന്നു​ക​യും പുകയി​ല​പ​ര​സ്യം നിർത്താൻ തീരു​മാ​നി​ക്കു​ക​യും ചെയ്‌തു.’ ◼

[14-ാം പേജിലെ ചിത്രം]

“ഞാൻ ഹൃദയം​തു​റ​ന്നുള്ള ശസ്‌ത്ര​ക്രി​യ​യിൽ സഹായി​ച്ചി​രു​ന്നു, ഞാൻ സകല തരം ശ്വാസ​കോ​ശ​ങ്ങ​ളും കണ്ടിട്ടുണ്ട്‌”