അക്രമം ഒന്നിനും ഒരു പരിഹാ​ര​മല്ല

പ്രശ്‌ന​ങ്ങ​ളും പോരാ​ട്ട​ങ്ങ​ളും ഉണ്ടാകു​മ്പോൾ അതിനുള്ള പരിഹാ​രം അക്രമ​മാ​ണെന്ന്‌ ഇന്നു പല ആളുക​ളും വിശ്വ​സി​ക്കു​ന്നു. എന്നാൽ ആ ചിന്താ​ഗതി യേശു​വി​ന്റെ പഠിപ്പി​ക്ക​ലി​നും യേശു​വെച്ച മാതൃ​ക​യ്‌ക്കും നേർവി​പ​രീ​ത​മാണ്‌. യേശു പറഞ്ഞതും ചെയ്‌ത​തും ആയ ചില കാര്യങ്ങൾ നോക്കാം.

യേശു പറഞ്ഞത്‌

വിയോ​ജി​പ്പു​കൾ ഉണ്ടാകു​മ്പോൾ അതിനുള്ള പരിഹാ​രം ദേഷ്യ​പ്പെ​ടു​ന്ന​തും പ്രശ്‌നങ്ങൾ ഉണ്ടാക്കു​ന്ന​തും അല്ലെന്നു യേശു ഒലിവു​മ​ല​യിൽവെച്ച്‌ നടത്തിയ തന്റെ പ്രശസ്‌ത​മായ പ്രസം​ഗ​ത്തിൽ പഠിപ്പി​ച്ചു. ചില ഉദാഹ​ര​ണങ്ങൾ നോക്കാം.

• “മറ്റുള്ളവർ നിങ്ങൾക്കു ചെയ്‌തു​ത​ര​ണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം അവർക്കും ചെയ്‌തു​കൊ​ടു​ക്കണം.” (മത്തായി 7:12; ലൂക്കോസ്‌ 6:31) ഇതിനെ സുവർണനിയമംa എന്നാണു വിളി​ക്കു​ന്നത്‌. നമ്മളോട്‌ ആളുകൾ എങ്ങനെ ഇടപെ​ടാ​നാ​ണോ നമ്മൾ ആഗ്രഹി​ക്കു​ന്നത്‌, അതു​പോ​ലെ നമ്മൾ മറ്റുള്ള​വ​രോട്‌ ഇടപെ​ടാൻ ഈ നിയമം പ്രോ​ത്സാ​ഹി​പ്പി​ക്കു​ന്നു. നമ്മളോട്‌ ആരും മോശ​മാ​യി ഇടപെ​ടാൻ നമ്മൾ ആഗ്രഹി​ക്കു​ന്നില്ല. അതു​കൊണ്ട്‌ വിയോ​ജി​പ്പു​കൾ ഉള്ളപ്പോൾപ്പോ​ലും എല്ലാവ​രോ​ടും ദയയോ​ടെ​യും ആദര​വോ​ടെ​യും നമ്മൾ ഇടപെ​ടേ​ണ്ട​തല്ലേ?

• “നിന്റെ വലത്തെ കവിളിൽ അടിക്കു​ന്ന​വനു മറ്റേ കവിളും കാണി​ച്ചു​കൊ​ടു​ക്കുക.” (മത്തായി 5:38, 39; ലൂക്കോസ്‌ 6:29) മറ്റുള്ളവർ നമ്മളോ​ടു മോശ​മാ​യി ഇടപെ​ടാ​നുള്ള സാഹച​ര്യം നമ്മൾത്തന്നെ ഉണ്ടാക്ക​ണ​മെന്നല്ല യേശു ഇവിടെ ഉദ്ദേശി​ച്ചത്‌. സാധ്യ​ത​യ​നു​സ​രിച്ച്‌ ചില മതനേ​താ​ക്ക​ന്മാർ പ്രതി​കാ​രം ചെയ്യു​ന്ന​തിൽ തെറ്റി​ല്ലെന്നു പഠിപ്പി​ച്ചി​രു​ന്നു. അവരുടെ ആ ആശയത്തെ യേശു ഇവിടെ തിരു​ത്തു​ക​യാ​യി​രു​ന്നു. ആരെങ്കി​ലും പ്രകോ​പി​പ്പി​ച്ചാൽ പ്രതി​കാ​രം ചെയ്യരു​തെ​ന്നും പകരം സൗമ്യ​ത​യോ​ടെ അവരോട്‌ ഇടപെ​ട​ണ​മെ​ന്നും യേശു തന്റെ ശിഷ്യ​ന്മാ​രോ​ടു പറയു​ക​യാ​യി​രു​ന്നു.b

• “ശത്രു​ക്കളെ സ്‌നേ​ഹി​ക്കുക.” (മത്തായി 5:43, 44; ലൂക്കോസ്‌ 6:27) നമ്മളോ​ടു മോശ​മാ​യി ഇടപെ​ടു​ക​യോ നമ്മളെ വെറു​ക്കു​ക​യോ ചെയ്യു​ന്ന​വ​രോ​ടു ദയയോ​ടെ ഇടപെ​ട​ണ​മെന്നു യേശു പഠിപ്പി​ച്ചു. അവരുടെ തെറ്റായ പ്രവൃ​ത്തി​യെ നമ്മൾ അംഗീ​ക​രി​ക്കു​ന്നു എന്നല്ല അതിന്‌ അർഥം.c നമ്മളെ വെറു​ക്കു​ന്ന​വ​രോ​ടു ദയയോ​ടെ ഇടപെ​ട്ടാൽ ഒരുപക്ഷേ അവരുടെ ദേഷ്യം കുറ​ഞ്ഞേ​ക്കാം, ഇനി നമ്മളോ​ടു തിരിച്ച്‌ ദയയോ​ടെ ഇടപെ​ടാൻപോ​ലും അത്‌ അവരെ പ്രേരി​പ്പി​ച്ചേ​ക്കാം.

യേശു എന്താണ്‌ ചെയ്‌തത്‌, എന്തു ചെയ്യും?

അക്രമം ഒന്നിനും ഒരു പരിഹാ​ര​മ​ല്ലെന്നു യേശു പഠിപ്പി​ച്ചു. യേശു എന്താണോ പ്രസം​ഗി​ച്ചത്‌ അതുത​ന്നെ​യാ​ണു ചെയ്‌ത​തും. യേശു​വി​നെ അറസ്റ്റ്‌ ചെയ്‌ത രാത്രി യേശു​വി​ന്റെ കൂടെ​യു​ണ്ടാ​യി​രു​ന്ന​വ​രിൽ ഒരാൾ യേശു​വി​നെ സംരക്ഷി​ക്കാ​നാ​യി വാളെ​ടു​ത്തു. യേശു അപ്പോൾ പറഞ്ഞു: “വാൾ ഉറയിൽ ഇടുക; വാൾ എടുക്കു​ന്ന​വ​രെ​ല്ലാം വാളിന്‌ ഇരയാ​കും.” (മത്തായി 26:52) തന്നോടു മോശ​മാ​യി ഇടപെ​ട്ട​വ​രോ​ടു യേശു ക്ഷമിച്ചു, അവർക്കു​വേണ്ടി പ്രാർഥി​ക്കു​ക​പോ​ലും ചെയ്‌തു. അങ്ങനെ യേശു ശത്രു​ക്ക​ളോ​ടു സ്‌നേഹം കാണിച്ചു.—ലൂക്കോസ്‌ 23:33, 34; 1 പത്രോസ്‌ 2:23.

സമാധാ​ന​പ്ര​ഭു​വായ യേശു പെട്ടെ​ന്നു​തന്നെ എല്ലാ അക്രമ​വും ഇല്ലാതാ​ക്കു​മെന്നു ബൈബിൾ ഉറപ്പു​നൽകു​ന്നു. (യശയ്യ 9:6, 7) മനോ​ഹ​ര​മായ ആ ഭാവി​യെ​ക്കു​റിച്ച്‌ കൂടുതൽ അറിയാ​നാ​യി “യുദ്ധങ്ങ​ളും പോരാ​ട്ട​ങ്ങ​ളും എങ്ങനെ അവസാ​നി​ക്കും?” എന്ന ലേഖനം വായി​ക്കുക.