യഹോ​വയെ അറിയാൻ മറ്റുള്ള​വരെ സഹായി​ക്കു​ക

1. ഒരു ബൈബിൾവി​ദ്യാർഥി പുരോ​ഗ​മി​ക്കു​ന്നതു കാണു​മ്പോൾ നിങ്ങൾക്ക്‌ എന്താണു തോന്നാ​റു​ള്ളത്‌?

ഒരു ബൈബിൾവി​ദ്യാർഥി ആദ്യമാ​യി മീറ്റി​ങ്ങി​നു വരു​മ്പോ​ഴോ ഉത്തരം പറയു​മ്പോ​ഴോ തന്റെ വിശ്വാ​സ​ത്തെ​ക്കു​റിച്ച്‌ മറ്റൊ​രാ​ളോ​ടു വിശദീ​ക​രി​ക്കു​മ്പോ​ഴോ സ്‌നാ​ന​പ്പെ​ടാൻ തീരു​മാ​നി​ക്കു​മ്പോ​ഴോ നിങ്ങൾക്ക്‌ എന്താണു തോന്നാ​റു​ള്ളത്‌? ഉറപ്പാ​യും ആവേശം തോന്നും. ആ ബൈബിൾവി​ദ്യാർഥി​യെ പുരോ​ഗ​മി​ക്കാൻ സഹായി​ച്ചത്‌ യഹോ​വ​യാ​ണെന്നു നമുക്ക്‌ അറിയാം. അതിനുള്ള മഹത്ത്വം നമ്മൾ യഹോ​വ​യ്‌ക്കു കൊടു​ക്കും.—1 കൊരി. 3:5-9; 3 യോഹ. 3, 4.

2. ബൈബിൾവി​ദ്യാർഥി​ക​ളു​ടെ കാര്യ​ത്തിൽ യഹോവ ആഗ്രഹി​ക്കു​ന്നത്‌ എന്താണ്‌? (1 തിമൊ​ഥെ​യൊസ്‌ 2:3, 4)

² യഹോവ ആഗ്രഹി​ക്കു​ന്നത്‌ “എല്ലാ തരം ആളുകൾക്കും രക്ഷ കിട്ടണ​മെ​ന്നും അവർ സത്യത്തി​ന്റെ ശരിയായ അറിവ്‌ നേടണ​മെ​ന്നും ആണ്‌.” (1 തിമൊ​ഥെ​യൊസ്‌ 2:3, 4 വായി​ക്കുക.) അതെ, ആളുകൾ തന്നെ അറിയാ​നും തന്റെ ഉദ്ദേശ്യ​ത്തെ​ക്കു​റിച്ച്‌ നന്നായി മനസ്സി​ലാ​ക്കാ​നും ആണ്‌ യഹോവ ആഗ്രഹി​ക്കു​ന്നത്‌. (യിരെ. 9:24) അതിന്‌ ഒരാൾ ശരിയായ അറിവ്‌ നേടണം. എന്താണു ശരിയായ അറിവ്‌? അത്‌ ദൈവ​ത്തെ​ക്കു​റിച്ച്‌ വെറുതെ കുറെ കാര്യങ്ങൾ പഠിക്കു​ന്നതല്ല. ഒരു ബൈബിൾപ​ണ്ഡി​തൻ പറയു​ന്ന​ത​നു​സ​രിച്ച്‌, “ഒരാൾ തന്റെ ജീവി​തത്തെ സ്വാധീ​നി​ക്കുന്ന രീതി​യിൽ അറിവ്‌ നേടു​ന്ന​തി​നെ​യാണ്‌ അത്‌ അർഥമാ​ക്കു​ന്നത്‌.” അതു​കൊണ്ട്‌ ഒരു ബൈബിൾവി​ദ്യാർഥി യഹോ​വയെ നന്നായി അറിയു​മ്പോൾ ആ അറിവ്‌ ജീവി​ത​ത്തിൽ മാറ്റങ്ങൾ വരുത്താൻ അദ്ദേഹത്തെ പ്രേരി​പ്പി​ക്കും. അതു “നിത്യ​ജീ​വൻ” നേടാ​നുള്ള വഴി അദ്ദേഹ​ത്തി​നു തുറന്നു​കൊ​ടു​ക്കും.—യോഹ. 17:3.

3. ഈ ലേഖന​ത്തിൽ എന്തു ചർച്ച ചെയ്യും?

³ യഹോ​വയെ അറിയാൻ നമുക്കു മറ്റുള്ള​വരെ സഹായി​ക്കാ​നാ​കും. അത്‌ യഹോവ തന്നിരി​ക്കുന്ന മഹത്തായ ഒരു നിയമ​ന​മാണ്‌. ഈ ലേഖന​ത്തിൽ പിൻവ​രുന്ന ചോദ്യ​ങ്ങൾക്കുള്ള ഉത്തരമുണ്ട്‌: ബൈബിൾവി​ദ്യാർഥി​കൾ യഹോ​വയെ നന്നായി അറി​യേ​ണ്ടത്‌ എന്തു​കൊണ്ട്‌? യഹോവ എങ്ങനെ​യുള്ള ഒരാളാ​ണെന്ന്‌ അവരെ പഠിപ്പി​ക്കാൻ നമുക്ക്‌ എന്തു ചെയ്യാം? യഹോ​വ​യെ​ക്കു​റി​ച്ചുള്ള അറിവ്‌ അവരുടെ ജീവി​ത​ത്തിൽ ഉപയോ​ഗി​ക്കാൻ നമുക്ക്‌ എങ്ങനെ സഹായി​ക്കാം?

യഹോ​വയെ അടുത്ത​റി​യാൻ വിദ്യാർഥി​യെ സഹായി​ക്കു​ക

4. മർക്കോസ്‌ 12:30 അനുസ​രിച്ച്‌ ഒരു ബൈബിൾപ​ഠനം നടത്തു​മ്പോ​ഴുള്ള നമ്മുടെ പ്രധാന ഉദ്ദേശ്യം എന്താണ്‌?

⁴ യഹോ​വയെ മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും മുഴു​മ​ന​സ്സോ​ടും മുഴു​ശ​ക്തി​യോ​ടും കൂടെ സ്‌നേ​ഹി​ക്കുക എന്നതാണ്‌ ഏറ്റവും വലിയ കല്പനയെന്ന്‌ യേശു പറഞ്ഞു. (മർക്കോസ്‌ 12:30 വായി​ക്കുക.) ബൈബിൾവി​ദ്യാർഥിക്ക്‌ യഹോ​വയെ സ്‌നേ​ഹി​ക്കാൻ കഴിയ​ണ​മെ​ങ്കിൽ ആദ്യം അവർ യഹോ​വയെ അറി​യേ​ണ്ട​തുണ്ട്‌. വിദ്യാർഥി നമുക്കു​വേ​ണ്ടി​യോ സംഘട​ന​യ്‌ക്കു​വേ​ണ്ടി​യോ ഏതെങ്കി​ലും ബൈബിൾപ​ഠി​പ്പി​ക്ക​ലു​ക​ളോ​ടുള്ള പ്രത്യേ​ക​താ​ത്‌പ​ര്യം​കൊ​ണ്ടോ ജീവിതം സമർപ്പി​ക്കാ​നല്ല, പകരം യഹോ​വ​യോ​ടുള്ള ഇഷ്ടം​കൊണ്ട്‌ അങ്ങനെ ചെയ്യാ​നാ​ണു നമ്മൾ ആഗ്രഹി​ക്കു​ന്നത്‌. അതു​കൊണ്ട്‌ ബൈബിൾപ​ഠനം നടത്തു​മ്പോ​ഴുള്ള നമ്മുടെ പ്രധാന ഉദ്ദേശ്യം യഹോ​വ​യെ​ക്കു​റിച്ച്‌ അറിയാ​നും യഹോ​വയെ സ്‌നേ​ഹി​ക്കാ​നും വിദ്യാർഥി​യെ സഹായി​ക്കുക എന്നതാണ്‌.

5. യഹോ​വ​യോ​ടുള്ള സ്‌നേഹം ബൈബിൾവി​ദ്യാർഥി​യെ എന്തു ചെയ്യാൻ പ്രേരി​പ്പി​ക്കും?

⁵ സ്‌നേ​ഹ​വും അനുസ​ര​ണ​വും തമ്മിൽ നല്ല ബന്ധമുണ്ട്‌. നമ്മുടെ വിദ്യാർഥി യഹോ​വയെ അറിയു​ക​യും സ്‌നേ​ഹി​ക്കു​ക​യും ചെയ്‌താൽ യഹോ​വയെ അനുസ​രി​ക്കാൻ എളുപ്പ​മാ​യി​രി​ക്കും. യേശു പറഞ്ഞു: “ഞാൻ പിതാ​വി​നെ സ്‌നേ​ഹി​ക്കു​ന്നു​ണ്ടെന്നു ലോകം അറിയാൻ, പിതാവ്‌ എന്നോടു കല്പിച്ചതെല്ലാം ഞാൻ അങ്ങനെ​തന്നെ ചെയ്യു​ക​യാണ്‌.” (യോഹ. 14:31) യേശു​വി​നെ​പ്പോ​ലെ നമ്മുടെ വിദ്യാർഥി​യും യഹോ​വയെ സ്‌നേ​ഹി​ക്കാൻ തുടങ്ങി​യാൽ, യഹോ​വയെ അനുസ​രി​ക്കാ​നും വിശ്വ​സ്‌ത​നാ​യി നിൽക്കാ​നും അത്‌ അദ്ദേഹത്തെ പ്രേരി​പ്പി​ക്കും.—1 യോഹ. 5:3.

6. തീരു​മാ​ന​ങ്ങ​ളെ​ടു​ക്കു​മ്പോൾ യഹോ​വ​യെ​ക്കു​റി​ച്ചുള്ള അറിവ്‌ ബൈബിൾവി​ദ്യാർഥി​യെ എങ്ങനെ സഹായി​ക്കും? ഒരു ഉദാഹ​രണം പറയുക.

⁶ യഹോ​വയെ നന്നായി അറിഞ്ഞി​ട്ടുള്ള ഒരു ബൈബിൾവി​ദ്യാർഥി ശരിയായ തീരു​മാ​ന​ങ്ങ​ളെ​ടു​ക്കാ​നുള്ള സാധ്യത കൂടു​ത​ലാ​യി​രി​ക്കും. ഒരു ഉദാഹ​രണം നോക്കാം: ഒരു പൈലറ്റ്‌, വിമാനം ഓടി​ക്കേ​ണ്ടത്‌ എങ്ങനെ​യാണ്‌ എന്നതി​നെ​ക്കു​റി​ച്ചുള്ള കുറെ കാര്യങ്ങൾ പഠിച്ച​തു​കൊ​ണ്ടോ പരീക്ഷ എഴുതി​യ​തു​കൊ​ണ്ടോ മാത്രം അദ്ദേഹ​ത്തിന്‌ ആ ജോലി നന്നായി ചെയ്യാൻ പറ്റണ​മെ​ന്നില്ല. പകരം പല തവണ അദ്ദേഹം വിമാനം ഓടി​ച്ചു​തന്നെ പഠി​ക്കേ​ണ്ട​തുണ്ട്‌. അങ്ങനെ പതി​യെ​പ്പ​തി​യെ വ്യത്യ​സ്‌ത​സാ​ഹ​ച​ര്യ​ങ്ങൾ എങ്ങനെ കൈകാ​ര്യം ചെയ്യണ​മെ​ന്നും എന്ത്‌ തീരു​മാ​ന​മെ​ടു​ക്ക​ണ​മെ​ന്നും ആ പൈലറ്റ്‌ പഠിക്കും. അതു​പോ​ലെ ഒരു ബൈബിൾവി​ദ്യാർഥി യഹോ​വയെ അടുത്ത​റി​യു​ന്നത്‌, കുറെ കാര്യങ്ങൾ പഠിക്കു​മ്പോൾ മാത്രമല്ല പകരം ബൈബിൾത​ത്ത്വ​ങ്ങൾക്കു ചേർച്ച​യി​ലെ​ടു​ക്കുന്ന തീരു​മാ​ന​ങ്ങ​ളു​ടെ നല്ല ഫലങ്ങൾ ജീവി​ത​ത്തിൽ അനുഭ​വി​ച്ച​റി​യു​മ്പോൾകൂ​ടി​യാണ്‌. അങ്ങനെ ഒരു വിദ്യാർഥി യഹോ​വയെ കൂടു​തൽക്കൂ​ടു​തൽ അടുത്ത​റി​യു​ക​യും സ്വർഗീ​യ​പി​താവ്‌ തന്നെ സഹായി​ക്കു​ന്നതു രുചി​ച്ച​റി​യു​ക​യും ചെയ്യു​മ്പോൾ ഏതു സാഹച​ര്യ​ത്തി​ലും ശരിയായ തീരു​മാ​ന​മെ​ടു​ക്കാൻ അദ്ദേഹം സജ്ജനാ​യി​ത്തീ​രും.

7. യഹോ​വ​യെ​ക്കു​റി​ച്ചുള്ള അറിവ്‌ ശരിയായ തീരു​മാ​ന​മെ​ടു​ക്കാൻ യോ​സേ​ഫി​നെ എങ്ങനെ​യാ​ണു സഹായി​ച്ചത്‌?

⁷ യോ​സേ​ഫിന്‌ യഹോ​വയെ നന്നായി അറിയാ​മാ​യി​രു​ന്നു. ആ അറിവാ​ണു പോത്തി​ഫ​റി​ന്റെ ഭാര്യ വശീക​രി​ക്കാൻ ശ്രമി​ച്ച​പ്പോൾ ഒഴിഞ്ഞു​മാ​റാൻ യോ​സേ​ഫി​നെ സഹായി​ച്ചത്‌. ചെറു​പ്പ​ത്തിൽ ആദാമി​നെ​യും ഹവ്വയെ​യും കുറി​ച്ചും അബ്രാ​ഹാ​മി​നെ​യും സാറ​യെ​യും കുറി​ച്ചും ഉള്ള കഥകൾ യോ​സേഫ്‌ കേട്ടി​ട്ടുണ്ട്‌. (ഉൽപ. 2:24; 20:3, 6) അതിൽനിന്ന്‌ വിവാ​ഹ​ത്തെ​യും ലൈം​ഗി​കത എന്ന സമ്മാന​ത്തെ​യും കുറി​ച്ചുള്ള യഹോ​വ​യു​ടെ വീക്ഷണം യോ​സേഫ്‌ മനസ്സി​ലാ​ക്കി​യി​ട്ടു​ണ്ടാ​കണം. യോ​സേഫ്‌ യഹോ​വയെ നന്നായി അറിഞ്ഞ​തു​കൊ​ണ്ടാ​ണു പോത്തി​ഫ​റി​ന്റെ ഭാര്യ​യിൽനി​ന്നുള്ള പ്രലോ​ഭനം ചെറു​ത്തു​നിൽക്കാ​നും ഇങ്ങനെ പറയാ​നും കഴിഞ്ഞത്‌: “ഇത്ര വലി​യൊ​രു തെറ്റു ചെയ്‌ത്‌ ഞാൻ ദൈവ​ത്തോ​ടു പാപം ചെയ്യു​ന്നത്‌ എങ്ങനെ?” (ഉൽപ. 39:7-9) യഹോ​വ​യു​ടെ കണ്ണിൽ എന്താണു ശരി​യെ​ന്നും തെറ്റെ​ന്നും യോ​സേ​ഫിന്‌ അറിയാ​മാ​യി​രു​ന്നു. യഹോ​വയെ വേദനി​പ്പി​ക്കുന്ന കാര്യ​ങ്ങ​ളും യോ​സേഫ്‌ മനസ്സി​ലാ​ക്കി. അങ്ങനെ ശരിയായ തീരു​മാ​ന​മെ​ടു​ക്കാൻ അദ്ദേഹ​ത്തി​നു കഴിഞ്ഞു. അതു​കൊണ്ട്‌ യഹോ​വയെ നന്നായി അറിയാ​നും യഹോവ എങ്ങനെ​യുള്ള ദൈവ​മാ​ണെന്നു മനസ്സി​ലാ​ക്കാ​നും വിദ്യാർഥി​കളെ സഹായി​ക്കു​ന്നെ​ങ്കിൽ അവരും യഹോ​വയെ സന്തോ​ഷി​പ്പി​ക്കുന്ന തീരു​മാ​ന​ങ്ങ​ളെ​ടു​ക്കും.

യഹോവ എങ്ങനെ​യുള്ള ഒരാളാ​ണെന്ന്‌ വിദ്യാർഥി​യെ പഠിപ്പി​ക്കു​ക

8. ജീവിതം ആസ്വദി​ക്കാം പുസ്‌തകം ഉപയോ​ഗിച്ച്‌ യഹോ​വയെ അറിയാൻ ബൈബിൾവി​ദ്യാർഥി​യെ എങ്ങനെ സഹായി​ക്കാം?

⁸ യഹോവ എങ്ങനെ​യുള്ള ഒരാളാ​ണെന്ന്‌ അറിയാൻ ബൈബിൾവി​ദ്യാർഥി​യെ എങ്ങനെ സഹായി​ക്കാം? തന്റെ വ്യക്തി​ത്വ​ത്തെ​ക്കു​റിച്ച്‌ ഇയ്യോ​ബി​നെ പഠിപ്പി​ക്കാൻ യഹോവ ചോദ്യ​ങ്ങൾ ചോദി​ച്ചു, ഏതാണ്ട്‌ 50-ലധികം ചോദ്യ​ങ്ങൾ! (ഇയ്യോ. 38:1–41:34) നമുക്കും അതു​പോ​ലെ ചോദ്യ​ങ്ങൾ ചോദി​ക്കാം. ജീവിതം ആസ്വദി​ക്കാം പുസ്‌ത​ക​ത്തിൽ യഹോ​വ​യു​ടെ വ്യക്തി​ത്വ​ത്തെ​ക്കു​റിച്ച്‌ അറിയാൻ വിദ്യാർഥി​യെ സഹായി​ക്കുന്ന ഒരുപാട്‌ ചോദ്യ​ങ്ങ​ളുണ്ട്‌. (“പഠിപ്പി​ക്കാൻ സഹായി​ക്കുന്ന ചോദ്യ​ങ്ങൾ” എന്ന ചതുരം കാണുക.) അതു​കൊണ്ട്‌ ആ ചോദ്യ​ങ്ങൾ ഉപേയാ​ഗി​ച്ചു​കൊണ്ട്‌ യഹോ​വയെ അറിയാൻ വിദ്യാർഥി​യെ സഹായി​ക്കുക.

9-10. (എ) ബൈബിൾവാ​യ​ന​യിൽനിന്ന്‌ പൂർണ​പ്ര​യോ​ജനം നേടാൻ വിദ്യാർഥി​യെ എന്തു സഹായി​ക്കും? (യാക്കോബ്‌ 5:11) (ബി) ഒരു ബൈബിൾഭാ​ഗ​ത്തു​നിന്ന്‌ യഹോ​വ​യ്‌ക്ക്‌ ഇഷ്ടമു​ള്ള​തും ഇഷ്ടമി​ല്ലാ​ത്ത​തും ആയ കാര്യങ്ങൾ എങ്ങനെ കണ്ടെത്താ​മെന്ന്‌ ഉദാഹ​ര​ണ​ത്തി​ലൂ​ടെ പറയുക.

⁹ ബൈബിൾ എന്നും വായി​ക്കാൻ, നമ്മൾ വിദ്യാർഥി​യെ ബൈബിൾപ​ഠനം തുടങ്ങിയ സമയം​മു​തൽ പ്രോ​ത്സാ​ഹി​പ്പി​ക്കാ​റുണ്ട്‌.a ആ വായന​യിൽനിന്ന്‌ പൂർണ​പ്ര​യോ​ജനം നേടാൻ നമുക്കു വിദ്യാർഥി​യെ എങ്ങനെ സഹായി​ക്കാം? ഓരോ ഭാഗം വായി​ക്കു​മ്പോ​ഴും യഹോവ എന്തിനാ​ണു ബൈബി​ളിൽ അത്‌ ഉൾപ്പെ​ടു​ത്തി​യ​തെ​ന്നും യഹോ​വ​യു​ടെ ഏതെല്ലാം ഗുണങ്ങ​ളാണ്‌ ആ ഭാഗത്ത്‌ കാണാ​നാ​കു​ന്ന​തെ​ന്നും ചിന്തി​ക്കാൻ നമുക്കു പ്രോ​ത്സാ​ഹി​പ്പി​ക്കാം. ശിഷ്യ​നായ യാക്കോബ്‌ അതു ചെയ്‌തത്‌ എങ്ങനെ​യാ​ണെന്നു നമുക്കു നോക്കാം. യാക്കോബ്‌ ഇയ്യോ​ബി​ന്റെ കഥ പറഞ്ഞ​പ്പോൾ ഇയ്യോ​ബി​ന്റെ സഹനശ​ക്തി​യെ​ക്കു​റിച്ച്‌ മാത്രമല്ല യഹോ​വ​യു​ടെ ഗുണങ്ങ​ളായ വാത്സല്യ​ത്തെ​ക്കു​റി​ച്ചും കരുണ​യെ​ക്കു​റി​ച്ചും പറഞ്ഞു.—യാക്കോബ്‌ 5:11 വായി​ക്കുക.

¹⁰ ഒരു ബൈബിൾഭാ​ഗം വായി​ക്കു​മ്പോൾ യഹോ​വ​യ്‌ക്ക്‌ ഇഷ്ടമു​ള്ള​തും ഇഷ്ടമി​ല്ലാ​ത്ത​തും എന്താ​ണെന്ന്‌ ബൈബിൾവി​ദ്യാർഥി കണ്ടെത്തണം എന്നാണു നമ്മുടെ ആഗ്രഹം. ഉദാഹ​ര​ണ​ത്തിന്‌, നമ്മുടെ വിദ്യാർഥി ജീവിതം ആസ്വദി​ക്കാം പുസ്‌ത​ക​ത്തി​ലെ “ബൈബിൾ ദിവസ​വും വായി​ക്കാം” എന്ന ഭാഗം നോക്കി​യിട്ട്‌, ദാനി​യേ​ലി​നെ സിംഹ​ക്കു​ഴി​യിൽ ഇട്ട കഥ വായി​ക്കാൻ പോകു​ക​യാ​ണെന്നു നിങ്ങ​ളോ​ടു പറഞ്ഞെന്നു കരുതുക. എങ്കിൽ ഈ ചോദ്യ​ങ്ങൾ ചിന്തി​ക്കാൻ നമുക്ക്‌ വിദ്യാർഥി​യെ പ്രോ​ത്സാ​ഹി​പ്പി​ക്കാം: ‘എന്തു​കൊ​ണ്ടാണ്‌ യഹോവ ദാനി​യേ​ലി​നെ രക്ഷിച്ചത്‌? യഹോ​വ​യ്‌ക്ക്‌ ഇഷ്ടമുള്ള കാര്യം എന്താ​ണെ​ന്നാണ്‌ ഈ ഭാഗം കാണി​ക്കു​ന്നത്‌?’ (ദാനി. 6:10, 22) അതു​പോ​ലെ ‘ദാനി​യേ​ലിന്‌ എതിരെ കുറ്റം ആരോ​പി​ച്ച​വർക്ക്‌ എന്താണു സംഭവി​ച്ചത്‌? യഹോ​വ​യ്‌ക്ക്‌ ഇഷ്ടമി​ല്ലാത്ത ഏതു കാര്യ​മാണ്‌ ഈ ഭാഗം കാണി​ക്കു​ന്നത്‌?’ (ദാനി. 6:4, 5, 24) അവസാനം, ആ വിവര​ണ​ത്തിൽ കാണുന്ന യഹോ​വ​യു​ടെ മറ്റു ഗുണങ്ങ​ളെ​ക്കു​റി​ച്ചും ബൈബിൾവി​ദ്യാർഥി​ക്കു ചിന്തി​ക്കാം.—ദാനി. 6:26, 27.

11. ബൈബിൾപ​ഠനം യഹോ​വ​യിൽനി​ന്നുള്ള ഒരു സമ്മാന​മാ​ണെന്ന്‌ ഓർക്കാൻ വിദ്യാർഥി​യെ നമുക്ക്‌ എങ്ങനെ സഹായി​ക്കാം?

¹¹ ബൈബിൾപ​ഠ​ന​ത്തിൽനിന്ന്‌ ഒരുപാട്‌ പ്രയോ​ജനം കിട്ടു​ന്നു​ണ്ടെന്നു വിദ്യാർഥി മനസ്സി​ലാ​ക്കു​മ്പോൾ നമുക്കു സന്തോഷം തോന്നും. എന്നാൽ അദ്ദേഹം പഠിക്കുന്ന കാര്യങ്ങൾ മഹാനായ ഉപദേ​ഷ്ടാ​വായ യഹോ​വ​യിൽനി​ന്നുള്ള വിവര​ങ്ങ​ളാ​ണെന്നു ഓർക്കാൻ നമ്മൾ സഹായി​ക്കണം. (യശ. 30:20, 21) പഠിക്കുന്ന കാര്യ​ങ്ങൾക്ക്‌ അവർ നമ്മളോ​ടു നന്ദി പറയു​ക​യോ നമ്മൾ വളരെ നല്ലൊരു അധ്യാ​പ​ക​നാ​ണെന്നു പ്രശം​സി​ക്കു​ക​യോ ഒക്കെ ചെയ്‌തേ​ക്കാം. അത്തരം നന്ദിവാ​ക്കു​ക​ളിൽ തെറ്റൊ​ന്നു​മി​ല്ലെ​ങ്കി​ലും എല്ലാ സ്‌തു​തി​യും യഹോ​വ​യി​ലേക്കു തിരി​ച്ചു​വി​ടാൻ നമ്മൾ എപ്പോ​ഴും ശ്രദ്ധി​ക്കണം.

അറിവ്‌ ഉപയോ​ഗി​ക്കാൻ വിദ്യാർഥി​യെ സഹായി​ക്കു​ക

12-13. ഒരു ബൈബിൾവി​വ​രണം മനസ്സി​ലാ​ക്കാൻ ബുദ്ധി​മു​ട്ടാ​യി തോന്നു​മ്പോൾ, യഹോ​വയെ നന്നായി അറിയു​ന്നത്‌ ബൈബിൾവി​ദ്യാർഥി​യെ എങ്ങനെ സഹായി​ക്കും? (ചിത്ര​വും കാണുക.)

¹² ശരിയായ അറിവിൽനിന്ന്‌ പൂർണ​പ്ര​യോ​ജനം നേടാൻ യഹോ​വ​യെ​ക്കു​റിച്ച്‌ അറിയാ​വുന്ന കാര്യങ്ങൾ നമ്മൾ ഉപയോ​ഗി​ക്കേ​ണ്ട​തുണ്ട്‌. അതിനു നമുക്ക്‌ എങ്ങനെ വിദ്യാർഥി​യെ സഹായി​ക്കാം? ഒരു കാര്യം, ഏതെങ്കി​ലും ഒരു ബൈബിൾഭാ​ഗം വായി​ക്കു​മ്പോൾ അതു മനസ്സി​ലാ​ക്കാൻ വിദ്യാർഥിക്ക്‌ ബുദ്ധി​മുട്ട്‌ തോന്നു​ന്നു​ണ്ടെ​ങ്കിൽ യഹോ​വ​യെ​ക്കു​റിച്ച്‌ അതുവരെ അറിയാ​വുന്ന കാര്യങ്ങൾ ചിന്തി​ച്ചെ​ടു​ക്കാൻ നമുക്കു പഠിപ്പി​ക്കാ​നാ​കും. ഉദാഹ​ര​ണ​ത്തിന്‌, മുൻകാ​ല​ങ്ങ​ളിൽ യഹോവ പ്രവർത്തിച്ച വിധ​ത്തെ​ക്കു​റിച്ച്‌ വായി​ക്കു​മ്പോൾ യഹോവ ചിലരെ നശിപ്പി​ച്ച​തും ചിലരെ നശിപ്പി​ക്കാ​തി​രു​ന്ന​തും എന്തു​കൊ​ണ്ടാ​ണെന്നു ബൈബിൾവി​ദ്യാർഥി സംശയി​ച്ചേ​ക്കാം. ഇക്കാര്യ​ത്തിൽ ശരിയാ​യി ചിന്തി​ക്കാൻ നിങ്ങൾക്കു വിദ്യാർഥി​യെ എങ്ങനെ സഹായി​ക്കാ​നാ​കും?

¹³ യഹോ​വ​യെ​ക്കു​റിച്ച്‌ ഇതുവരെ മനസ്സി​ലാ​ക്കി​യി​ട്ടുള്ള കാര്യങ്ങൾ ഓർത്തെ​ടു​ക്കാൻ അവരെ പ്രോ​ത്സാ​ഹി​പ്പി​ക്കാം. ഉദാഹ​ര​ണ​ത്തിന്‌, ഇതു​പോ​ലെ​യുള്ള ചോദ്യ​ങ്ങൾ ചിന്തി​ക്കാൻ നമുക്ക്‌ അവരോ​ടു പറയാം: ജീവനെ എത്ര​ത്തോ​ളം വില​പ്പെ​ട്ട​താ​യാണ്‌ യഹോവ കാണു​ന്നത്‌? (2 പത്രോ. 3:9) പാപി​ക​ളാ​യി​രു​ന്നി​ട്ടും നമ്മളെ സംരക്ഷി​ക്കാ​നാ​യി യഹോവ ഏതറ്റം​വരെ പോയി​ട്ടുണ്ട്‌? (എഫെ. 2:4, 5) ശിക്ഷ അർഹി​ക്കാ​ത്ത​വരെ യഹോവ ശിക്ഷി​ക്കു​മോ? അതേസ​മയം, ശിക്ഷ അർഹി​ക്കു​ന്ന​വരെ യഹോവ വെറുതെ വിടു​മോ? (പുറ. 34:6, 7) ചില​പ്പോ​ഴൊ​ക്കെ, യഹോവ എടുത്ത ഒരു തീരു​മാ​നം പൂർണ​മാ​യി മനസ്സി​ലാ​ക്കാൻ സഹായി​ക്കുന്ന എല്ലാ വസ്‌തു​ത​ക​ളും ഒരു ബൈബിൾവി​വ​ര​ണ​ത്തിൽ ഉണ്ടാക​ണ​മെ​ന്നില്ല. സത്യത്തിൽ, നമുക്ക്‌ എല്ലാ വിശദാം​ശ​ത്തി​ന്റെ​യും ആവശ്യ​മില്ല. കാരണം നമുക്കു നമ്മുടെ ദൈവത്തെ അറിയാം. യഹോവ എപ്പോ​ഴും ശരിയാ​യതേ ചെയ്യൂ.

14. സഭയി​ലുള്ള ആരെങ്കി​ലു​മാ​യി ഒത്തു​പോ​കാൻ വിദ്യാർഥി​ക്കു ബുദ്ധി​മുട്ട്‌ തോന്നു​ന്നു​ണ്ടെ​ങ്കിൽ അദ്ദേഹത്തെ എങ്ങനെ സഹായി​ക്കാം?

¹⁴ ബൈബിൾവി​ദ്യാർഥിക്ക്‌ യഹോ​വ​യെ​ക്കു​റി​ച്ചുള്ള അറിവ്‌ ഉപയോ​ഗി​ക്കാ​നാ​കുന്ന രണ്ടാമത്തെ സാഹച​ര്യം നോക്കാം. നിങ്ങളു​ടെ വിദ്യാർഥി ഇപ്പോൾ മീറ്റി​ങ്ങി​നു വരുന്നു​ണ്ടെന്നു ചിന്തി​ക്കുക. എന്നാൽ സഭയി​ലുള്ള ഒരാളു​മാ​യി അദ്ദേഹ​ത്തി​നു ഒത്തു​പോ​കാൻ ബുദ്ധി​മുട്ട്‌ തോന്നു​ന്നു. ചില​പ്പോൾ ആ സഹോ​ദരൻ അദ്ദേഹത്തെ വിഷമി​പ്പി​ക്കുന്ന എന്തെങ്കി​ലും ചെയ്‌ത​തു​കൊ​ണ്ടാ​യി​രി​ക്കാം അത്‌. അപ്പോൾ യഹോവ എങ്ങനെ​യാ​ണു സഹോ​ദ​ര​ങ്ങളെ കാണു​ന്ന​തെന്നു ചിന്തി​ക്കാൻ വിദ്യാർഥി​യെ പ്രോ​ത്സാ​ഹി​പ്പി​ക്കുക. ഉദാഹ​ര​ണ​ത്തിന്‌, ഈ ചോദ്യ​ങ്ങൾ വിദ്യാർഥി​ക്കു ചിന്തി​ക്കാ​നാ​കും: നമ്മളെ​യെ​ല്ലാം സ്‌നേ​ഹി​ക്കു​ന്നു​ണ്ടെന്നു തെളി​യി​ക്കുന്ന എന്തു ത്യാഗ​മാണ്‌ യഹോവ ചെയ്‌തി​രി​ക്കു​ന്നത്‌? (യോഹ. 3:16) ക്രിസ്‌തീയ ഐക്യം യഹോ​വ​യ്‌ക്ക്‌ എത്ര​ത്തോ​ളം പ്രധാ​ന​പ്പെ​ട്ട​താണ്‌? (സങ്കീ. 133:1) നമ്മൾ ആ ഐക്യം നിലനി​റു​ത്താൻ ശ്രമി​ക്കു​മ്പോൾ യഹോ​വ​യ്‌ക്ക്‌ എന്ത്‌ തോന്നും? (2 കൊരി. 13:11) മറ്റുള്ള​വ​രു​ടെ തെറ്റു​ക​ളി​ലേക്കു നോക്കാ​തെ നല്ല ഗുണങ്ങ​ളി​ലേക്കു ശ്രദ്ധി​ക്കു​മ്പോൾ യഹോ​വ​യ്‌ക്ക്‌ എത്രയ​ധി​കം സന്തോഷം തോന്നു​മെന്നു മനസ്സി​ലാ​ക്കാൻ വിദ്യാർഥി​യെ സഹായി​ക്കുക.

15-16. (എ) ഒരു പ്രധാ​ന​പ്പെട്ട തീരു​മാ​ന​മെ​ടു​ക്കേ​ണ്ടി​വ​രു​മ്പോൾ ബൈബിൾവി​ദ്യാർഥിക്ക്‌ യേശു​വി​നെ എങ്ങനെ അനുക​രി​ക്കാം? (യോഹ​ന്നാൻ 8:29) (ബി) നല്ലൊരു തീരു​മാ​ന​മെ​ടു​ക്കാൻ മര്യാന എങ്ങനെ​യാ​ണു തന്റെ വിദ്യാർഥി​യെ സഹായി​ച്ചത്‌? (ചിത്ര​വും കാണുക.)

¹⁵ മൂന്നാ​മ​താ​യി, യഹോ​വ​യെ​ക്കു​റി​ച്ചുള്ള അറിവ്‌ ഉപയോ​ഗിച്ച്‌ നല്ല തീരു​മാ​ന​ങ്ങ​ളെ​ടു​ക്കാൻ ബൈബിൾവി​ദ്യാർഥി​യെ സഹായി​ക്കുക. ആദ്യം​തന്നെ ജീവിതം ആസ്വദി​ക്കാം പുസ്‌ത​ക​ത്തി​ലെ “നമുക്ക്‌ എങ്ങനെ നല്ല തീരു​മാ​ന​ങ്ങ​ളെ​ടു​ക്കാം” എന്ന 35-ാം പാഠം അവർക്കു കാണി​ച്ചു​കൊ​ടു​ക്കാ​നാ​കും. എന്നാൽ കുറെ പ്രാർഥി​ച്ചി​ട്ടും ഗവേഷണം ചെയ്‌തി​ട്ടും വിദ്യാർഥിക്ക്‌ ഒരു തീരു​മാ​ന​മെ​ടു​ക്കാൻ പറ്റുന്നി​ല്ലെ​ങ്കി​ലോ? ആ വിഷയ​വു​മാ​യി ബന്ധപ്പെട്ട ഒരുപാട്‌ ബൈബിൾത​ത്ത്വ​ങ്ങൾ ഉള്ളതു​കൊണ്ട്‌ ഏതു തിര​ഞ്ഞെ​ടു​ക്കണം എന്ന സംശയ​ത്തി​ലാ​യി​രി​ക്കും വിദ്യാർഥി. അപ്പോൾ യേശു​വി​ന്റെ മാതൃ​ക​യെ​ക്കു​റിച്ച്‌ ചിന്തി​ക്കാൻ നമുക്ക്‌ അവരോ​ടു പറയാം. യേശു തീരു​മാ​ന​ങ്ങ​ളെ​ടു​ത്തത്‌ എങ്ങനെ​യാണ്‌? യേശു പറഞ്ഞു: ‘ഞാൻ എപ്പോ​ഴും (പിതാ​വിന്‌) ഇഷ്ടമു​ള്ളതു ചെയ്യുന്നു.’ (യോഹ​ന്നാൻ 8:29 വായി​ക്കുക.) ഇങ്ങനെ ചിന്തി​ക്കാൻ വിദ്യാർഥി​യോ​ടു പറയുക: ‘പ്രസി​ദ്ധീ​ക​ര​ണ​ങ്ങ​ളിൽനിന്ന്‌ പഠിച്ച​തും യഹോ​വ​യെ​ക്കു​റിച്ച്‌ മനസ്സി​ലാ​ക്കി​യ​തും ആയ കാര്യങ്ങൾ വെച്ചു​നോ​ക്കു​മ്പോൾ ഞാൻ ഏതു തീരു​മാ​ന​മെ​ടു​ത്താ​ലാ​യി​രി​ക്കും യഹോ​വ​യ്‌ക്കു സന്തോ​ഷ​മാ​കുക?’ യഹോ​വയെ സന്തോ​ഷി​പ്പി​ക്കുന്ന ഏതൊരു തീരു​മാ​ന​വും നല്ല തീരു​മാ​ന​മാ​യി​രി​ക്കും.

¹⁶ ചിലി​യിൽ ബൈബിൾ പഠിച്ചു​കൊ​ണ്ടി​രുന്ന ഒരു സ്‌ത്രീക്ക്‌ പ്രധാ​ന​പ്പെട്ട ഒരു തീരു​മാ​ന​മെ​ടു​ക്കേ​ണ്ടി​വന്നു. ഉയർന്ന ശമ്പളമുള്ള ഒരു ജോലി സ്വീക​രി​ക്കാൻ കുടും​ബാം​ഗങ്ങൾ അവളെ നിർബ​ന്ധി​ച്ചു. എന്നാൽ ആ ജോലി​ക്കു പോയാൽ മീറ്റി​ങ്ങു​കൾ മുട​ക്കേ​ണ്ടി​വ​രു​മാ​യി​രു​ന്നു. ആ സ്‌ത്രീ​യെ ബൈബിൾ പഠിപ്പി​ച്ചു​കൊ​ണ്ടി​രുന്ന മര്യാന സഹോ​ദരി പറയുന്നു: “അവളുടെ തീരു​മാ​നം യഹോ​വയെ എങ്ങനെ ബാധി​ക്കു​മെന്നു ചിന്തി​ക്കാൻ ഞാൻ പറഞ്ഞു. അത്‌ യഹോ​വയെ സന്തോ​ഷി​പ്പി​ക്കു​മോ അതോ വിഷമി​പ്പി​ക്കു​മോ? ഈ വിഷയ​ത്തെ​ക്കു​റിച്ച്‌ എടുത്തു​പ​റഞ്ഞ്‌ പ്രാർഥി​ക്കാ​നും യഹോവ എങ്ങനെ​യാണ്‌ ഉത്തരം തരുന്ന​തെന്നു നോക്കാ​നും ഞാൻ അവളെ പ്രോ​ത്സാ​ഹി​പ്പി​ച്ചു. അങ്ങനെ ആ ജോലി അവൾ വേണ്ടെ​ന്നു​വെച്ചു. എന്നാൽ പെട്ടെ​ന്നു​തന്നെ മീറ്റി​ങ്ങു​കൾക്ക്‌ പോകാൻ പറ്റുന്ന മറ്റൊരു ജോലി അവൾക്കു കണ്ടെത്താ​നാ​യി.” എന്തു തീരു​മാ​ന​മെ​ടു​ക്ക​ണ​മെന്ന്‌ നേരിട്ട്‌ പറഞ്ഞു​കൊ​ടു​ക്കു​ന്ന​തി​നു പകരം അതി​നോ​ടകം യഹോ​വ​യെ​ക്കു​റിച്ച്‌ അറിയാ​വുന്ന കാര്യ​ങ്ങ​ളെ​പ്പറ്റി ചിന്തി​ക്കാ​നാ​ണു മര്യാന വിദ്യാർഥി​യെ സഹായി​ച്ചത്‌. ഈയൊ​രു അനുഭ​വം​കൊണ്ട്‌ വിദ്യാർഥിക്ക്‌ മര്യാ​ന​യു​മാ​യുള്ള ബന്ധം മാത്രമല്ല യഹോ​വ​യു​മാ​യുള്ള ബന്ധവും ശക്തമാ​ക്കാ​നാ​യി. മര്യാന പറയുന്നു: “ആരാധ​ന​യ്‌ക്ക്‌ എപ്പോ​ഴും ഒന്നാം സ്ഥാനം കൊടു​ക്കു​ക​യാ​ണെ​ങ്കിൽ യഹോവ നമുക്കു​വേണ്ടി കരുതു​മെന്ന്‌ അവൾ പഠിച്ചു.”

യഹോ​വയെ നന്നായി അറിയു​ന്ന​വർക്കു കിട്ടുന്ന അനു​ഗ്ര​ഹ​ങ്ങൾ

17. കുറെ വിവരങ്ങൾ പഠിക്കു​ന്ന​തി​നെ​ക്കാ​ളും നമ്മുടെ ബൈബിൾവി​ദ്യാർഥി​കൾ എന്തു ചെയ്യണം എന്നാണു നമ്മുടെ ആഗ്രഹം?

¹⁷ ബൈബിൾപ​ഠ​ന​ത്തി​ലൂ​ടെ വിദ്യാർഥി​കൾ പ്രധാ​ന​പ്പെട്ട പല കാര്യ​ങ്ങ​ളും പഠിക്കു​ന്നു. ഉദാഹ​ര​ണ​ത്തിന്‌, മരിച്ച​വ​രു​ടെ അവസ്ഥ, മോച​ന​വില, ദൈവ​രാ​ജ്യം എന്നിങ്ങ​നെ​യുള്ള അടിസ്ഥാ​ന​പ​ഠി​പ്പി​ക്ക​ലു​ക​ളെ​ക്കു​റി​ച്ചെ​ല്ലാം അവർ മനസ്സി​ലാ​ക്കും. അതു​പോ​ലെ മീറ്റി​ങ്ങു​കൾ, മൂപ്പന്മാ​രു​ടെ ഉത്തരവാ​ദി​ത്വം, ഭരണസം​ഘ​ത്തി​ന്റെ പ്രവർത്തനം പോലുള്ള സംഘട​നാ​പ​ര​മായ കാര്യ​ങ്ങ​ളെ​ക്കു​റി​ച്ചും അവർ പഠിക്കു​ന്നു. എന്നാൽ നമ്മുടെ ആഗ്രഹം വിദ്യാർഥി​കൾ ഇങ്ങനെ കുറെ വിവരങ്ങൾ പഠിക്കണം എന്നു മാത്രമല്ല, അവർ യഹോ​വയെ അടുത്ത​റി​യണം എന്നുകൂ​ടി​യാണ്‌.

18. യഹോ​വയെ അറിയു​ന്ന​വരെ എന്തെല്ലാം അനു​ഗ്ര​ഹ​ങ്ങ​ളാ​ണു കാത്തി​രി​ക്കു​ന്നത്‌?

¹⁸ യഹോ​വയെ അറിയാൻ മറ്റുള്ള​വരെ സഹായി​ക്കു​ന്ന​തി​നുള്ള എത്ര മഹത്തായ അവസര​മാ​ണു നമുക്കു കിട്ടി​യി​രി​ക്കു​ന്നത്‌. യഹോ​വയെ അറിയു​ക​യും ആരാധി​ക്കു​ക​യും ചെയ്യു​ന്ന​വർക്ക്‌, ഇപ്പോൾ കിട്ടാ​വു​ന്ന​തി​ലും​വെച്ച്‌ ഏറ്റവും സന്തോ​ഷ​മുള്ള ജീവിതം ആസ്വദി​ക്കാ​നാ​കു​ന്നു. (സങ്കീ. 25:12-15) ഇനി ‘സത്യ​ദൈ​വ​മായ യഹോ​വ​യെ​ക്കു​റിച്ച്‌ അറിവ്‌ നേടു​ന്ന​വർക്ക്‌’ ഭാവി​യിൽ നിത്യ​ജീ​വ​നും ലഭിക്കും. (1 യോഹ. 5:20) എന്നാൽ അതു മാത്രമല്ല, തന്നെ അറിയാൻ ശ്രമി​ക്കു​ന്ന​വ​രെ​യും തന്നെ സ്‌നേ​ഹി​ക്കു​ന്ന​വ​രെ​യും യഹോവ “അറിയു​ന്നു” എന്നാണു ബൈബിൾ പറയു​ന്നത്‌. (1 കൊരി. 8:3) അതെ, സർവശ​ക്ത​നായ ദൈവം നമ്മളെ ശ്രദ്ധി​ക്കു​ക​യും തന്റെ സുഹൃ​ത്തു​ക്ക​ളാ​യി നമ്മളെ കാണു​ക​യും ചെയ്യുന്നു. സത്യ​ദൈ​വത്തെ അറിയു​ന്ന​വർക്കുള്ള എത്ര മഹത്തായ ഒരു പ്രതി​ഫലം!