നിങ്ങൾ എങ്ങനെ കേൾക്കു​ന്നു എന്നതിനു ശ്രദ്ധ കൊടു​ക്കു​ക

1-2. (എ) തന്റെ ജനത്തിന്റെ ആത്മീയാ​വ​ശ്യ​ങ്ങൾക്കു​വേണ്ടി യഹോവ ഇന്നു കരുതു​ന്നത്‌ എങ്ങനെ? (സങ്കീർത്തനം 23:1, 2, 5) (ബി) മീറ്റി​ങ്ങു​ക​ളോ​ടുള്ള ബന്ധത്തിൽ നമ്മൾ എന്തു ചിന്തി​ക്കും?

യഹോവ ഇന്നു സമൃദ്ധ​മായ ആത്മീയാ​ഹാ​രം നമുക്കു തരുന്നു. ദാവീദ്‌ പറഞ്ഞതു​പോ​ലെ നമുക്കും തോന്നു​ന്നു​ണ്ടാ​കും: “യഹോവ എന്റെ ഇടയൻ. എനിക്ക്‌ ഒന്നിനും കുറവു​ണ്ടാ​കില്ല.”—സങ്കീർത്തനം 23:1, 2, 5 വായി​ക്കുക.

² യഹോവ ഇന്നു നമുക്ക്‌ ആത്മീയ​ഭ​ക്ഷണം തരുന്ന ഒരു വിധം ക്രിസ്‌തീ​യ​യോ​ഗ​ങ്ങ​ളി​ലൂ​ടെ​യാണ്‌. മീറ്റി​ങ്ങു​ക​ളിൽ മിക്ക​പ്പോ​ഴും കേൾക്കു​ന്നത്‌, നമുക്ക്‌ അറിയാ​വുന്ന കാര്യങ്ങൾ തന്നെയാ​യി​രി​ക്കും. നമുക്കു “സത്യത്തിൽ . . . നല്ല അടിസ്ഥാ​ന​മു​ണ്ടെ​ങ്കി​ലും” ഈ ഓർമി​പ്പി​ക്ക​ലു​കൾ എപ്പോ​ഴും ആവശ്യ​മാണ്‌. (2 പത്രോ. 1:12) എന്നാൽ പല പ്രാവ​ശ്യം ഒരേ കാര്യ​ങ്ങൾതന്നെ കേൾക്കു​മ്പോൾ ശ്രദ്ധി​ച്ചി​രി​ക്കാൻ നിങ്ങൾക്കു ബുദ്ധി​മുട്ട്‌ തോന്നാ​റു​ണ്ടോ? എങ്കിൽ ഈ ലേഖനം നിങ്ങളെ സഹായി​ക്കും. മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കേ​ണ്ടത്‌ എന്തു​കൊ​ണ്ടാ​ണെന്നു നമ്മൾ നോക്കും. അതു​പോ​ലെ സഭയിൽ പഠിപ്പി​ക്കു​ന്ന​വർക്കു ശ്രദ്ധി​ച്ചി​രി​ക്കാൻ മറ്റുള്ള​വരെ എങ്ങനെ സഹായി​ക്കാ​നാ​കു​മെന്നു നമ്മൾ കാണും. ഇനി നല്ല കേൾവി​ക്കാ​രാ​യി​രി​ക്കാൻ നമ്മളെ സഹായി​ക്കുന്ന ചില കാര്യ​ങ്ങ​ളും ചർച്ച ചെയ്യും. എന്നാൽ അതിനു മുമ്പ്‌ ഈ പരിപാ​ടി​ക​ളിൽ ശരിക്കും നമ്മളോ​ടു സംസാ​രി​ക്കു​ന്നത്‌ ആരാ​ണെന്നു നമുക്കു നോക്കാം.

യഹോ​വ​യാ​ണു നമ്മളോ​ടു സംസാ​രി​ക്കു​ന്ന​തെന്ന്‌ ഓർക്കുക

3. യഹോവ ഇന്നു നമ്മളോ​ടു സംസാ​രി​ക്കു​ന്നത്‌ എങ്ങനെ​യാണ്‌, ദൈവ​ജനം ബൈബിൾ നന്നായി ഉപയോ​ഗി​ക്കു​ന്നത്‌ എങ്ങനെ?

³ യഹോവ തന്റെ വചനമായ ബൈബി​ളി​ലൂ​ടെ നമ്മളോ​ടു സംസാ​രി​ക്കു​ന്നു. (2 തിമൊ. 3:16, 17) ഇത്‌ അറിയാ​മാ​യി​രു​ന്ന​തു​കൊണ്ട്‌ യേശു വിദഗ്‌ധ​മാ​യി ബൈബിൾ ഉപയോ​ഗി​ച്ചു. അതു ശ്രദ്ധിച്ച യേശു​വി​ന്റെ കേൾവി​ക്കാർ ഇങ്ങനെ​പോ​ലും പറഞ്ഞു: “വിദ്യാ​ല​യ​ത്തിൽ പഠിച്ചി​ട്ടി​ല്ലാത്ത യേശു​വി​നു തിരു​വെ​ഴു​ത്തു​ക​ളെ​ക്കു​റിച്ച്‌ ഇത്രമാ​ത്രം അറിവ്‌ എവി​ടെ​നിന്ന്‌ കിട്ടി?” (യോഹ. 7:15) യേശു ദൈവ​വ​ചനം വിശദീ​ക​രി​ക്കു​ന്നതു കേട്ട​പ്പോൾ ആത്മാർഥ​ഹൃ​ദ​യ​രായ ആളുകൾക്ക്‌ ഒരുപാട്‌ ആവേശം തോന്നി. അപ്പോ​സ്‌ത​ല​നായ പൗലോ​സി​നെ​യും അപ്പൊ​ല്ലോ​സി​നെ​യും പോലുള്ള ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളും മറ്റുള്ള​വ​രോ​ടു ന്യായ​വാ​ദം ചെയ്‌ത​പ്പോൾ തിരു​വെ​ഴു​ത്തു​കൾ നന്നായി ഉപയോ​ഗി​ച്ചു. (പ്രവൃ. 17:2, 3; 18:24, 28) യഹോ​വ​യു​ടെ സാക്ഷി​ക​ളായ നമ്മളും ബൈബിൾ നന്നായി ഉപയോ​ഗി​ക്കു​ന്നു. നമ്മുടെ ലേഖന​ങ്ങ​ളു​ടെ​യും പ്രക്ഷേ​പ​ണ​ങ്ങ​ളു​ടെ​യും പ്രസം​ഗ​ബാ​ഹ്യ​രേ​ഖ​ക​ളു​ടെ​യും വീഡി​യോ​ക​ളു​ടെ​യും ഒക്കെ അടിസ്ഥാ​നം ബൈബി​ളാണ്‌. ഇനി യോഗ​ങ്ങ​ളിൽ നമ്മൾ ബൈബി​ളിൽനിന്ന്‌ പഠിപ്പി​ക്കു​ന്നതു കാണു​മ്പോൾ പുതു​താ​യി മീറ്റി​ങ്ങി​നു വരുന്ന​വർക്കു വളരെ അതിശയം തോന്നാ​റുണ്ട്‌. മീറ്റി​ങ്ങു​ക​ളിൽ പരിപാ​ടി​കൾ ഉള്ളവർ ദൈവ​വ​ച​നത്തെ ആധാര​മാ​ക്കി​യാ​ണു പഠിപ്പി​ക്കു​ന്നത്‌. അവർ തിരു​വെ​ഴു​ത്തു​കൾ വായി​ക്കുക മാത്രമല്ല അത്‌ അനുസ​രിച്ച്‌ എങ്ങനെ ജീവി​ക്കാം എന്നു കേൾവി​ക്കാർക്കു പറഞ്ഞു​കൊ​ടു​ക്കു​ക​യും ചെയ്യുന്നു.—ലൂക്കോ. 24:32.

4. “കേൾക്കുക,” “ശ്രദ്ധി​ക്കുക” എന്ന വാക്കു​കൾകൊണ്ട്‌ ഉദ്ദേശി​ക്കു​ന്നത്‌ എന്താണ്‌?

⁴ “കേൾക്കുക,” “ശ്രദ്ധി​ക്കുക” എന്നതു​പോ​ലുള്ള പദങ്ങൾ ബൈബി​ളിൽ മിക്ക​പ്പോ​ഴും ഉപയോ​ഗി​ച്ചി​രി​ക്കു​ന്നത്‌ ആരെ​യെ​ങ്കി​ലും അനുസ​രി​ക്കുക എന്ന അർഥത്തി​ലാണ്‌. നമ്മൾ മീറ്റി​ങ്ങു​ക​ളിൽ ബൈബിൾ പഠിക്കു​മ്പോൾ യഹോവ നമ്മളോ​ടു സംസാ​രി​ക്കു​ക​യാണ്‌. അപ്പോൾ യഹോ​വ​യു​ടെ ഇഷ്ടം എന്താ​ണെ​ന്നും യഹോവ എന്തു​കൊ​ണ്ടാ​ണു ചില കാര്യങ്ങൾ ആവശ്യ​പ്പെ​ടു​ന്ന​തെ​ന്നും മനസ്സി​ലാ​ക്കാൻ നമുക്കു പറ്റും. യഹോ​വയെ അനുസ​രി​ക്കു​ന്നത്‌ അപ്പോൾ എളുപ്പ​മാ​യി​ത്തീ​രും. നമ്മൾ മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കു​ക​യും അതനു​സ​രിച്ച്‌ ജീവി​ക്കു​ക​യും ചെയ്യു​ന്നതു കാണു​മ്പോൾ യഹോവ സന്തോ​ഷി​ക്കു​മെന്ന്‌ ഉറപ്പാണ്‌.—സുഭാ. 27:11.

മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കേ​ണ്ടത്‌ എന്തു​കൊണ്ട്‌?

5. യഹോ​വ​യോ​ടുള്ള സ്‌നേഹം നമ്മളെ എന്തു ചെയ്യാൻ പ്രേരി​പ്പി​ക്കും? (യോഹ​ന്നാൻ 4:23, 24; 1 യോഹ​ന്നാൻ 5:3)

⁵ യഹോ​വയെ സ്‌നേ​ഹി​ക്കു​ന്ന​തു​കൊണ്ട്‌. (മത്താ. 22:37) യഹോ​വ​യെ​ക്കു​റിച്ച്‌ എത്രയ​ധി​കം പഠിക്കു​ന്നോ അത്രയ​ധി​കം യഹോ​വ​യോ​ടുള്ള സ്‌നേ​ഹ​വും കൂടി​ക്കൂ​ടി​വ​രും. ആ സ്‌നേഹം, ദൈവം പറയു​ന്നതു കേൾക്കാ​നും അനുസ​രി​ക്കാ​നും ബൈബി​ളിൽ പറഞ്ഞി​രി​ക്കു​ന്ന​തു​പോ​ലെ യഹോ​വയെ ആരാധി​ക്കാ​നും നമ്മളെ പ്രേരി​പ്പി​ക്കും.—യോഹ​ന്നാൻ 4:23, 24; 1 യോഹ​ന്നാൻ 5:3 വായി​ക്കുക.

6. മീറ്റി​ങ്ങു​ക​ളി​ലൂ​ടെ യഹോവ നമ്മളെ എന്താണു പഠിപ്പി​ക്കു​ന്നത്‌?

⁶ ആളുകളെ സ്‌നേ​ഹി​ക്കു​ന്ന​തു​കൊണ്ട്‌. (മത്താ. 22:39) നമ്മുടെ സഹോ​ദ​ര​ങ്ങ​ളെ​യും യഹോ​വയെ ഇതുവരെ അറിയാ​ത്ത​വ​രെ​യും എങ്ങനെ സഹായി​ക്കാം എന്നു മീറ്റി​ങ്ങു​ക​ളി​ലൂ​ടെ യഹോവ പഠിപ്പി​ക്കു​ന്നു. ഉദാഹ​ര​ണ​ത്തിന്‌ സ്‌നേ​ഹി​ക്കുക, ശിഷ്യ​രാ​ക്കുക എന്ന ലഘുപ​ത്രിക ശുശ്രൂ​ഷ​യിൽ നമുക്കു​വേണ്ട ഗുണങ്ങൾ വളർത്തി​യെ​ടു​ക്കാൻ സഹായി​ച്ചി​രി​ക്കു​ന്നു. ആളുക​ളു​മാ​യി സൗഹൃ​ദ​സം​ഭാ​ഷണം നടത്താൻ നിങ്ങൾക്കു ബുദ്ധി​മുട്ട്‌ തോന്നാ​റു​ണ്ടോ? അങ്ങനെ​യെ​ങ്കിൽ ഇടദി​വ​സത്തെ മീറ്റി​ങ്ങിൽ ‘വയൽസേ​വ​ന​ത്തി​നു സജ്ജരാ​കാം’ എന്ന ഭാഗത്തെ പരിപാ​ടി​കൾ സഹോ​ദ​രങ്ങൾ നടത്തു​മ്പോൾ നന്നായി ശ്രദ്ധി​ച്ചി​രി​ക്കുക.

7. യഹോവ പറയു​ന്നതു ശ്രദ്ധി​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁷ എന്നേക്കും ജീവി​ക്കാൻ ആഗ്രഹി​ക്കു​ന്ന​തു​കൊണ്ട്‌. മുൻകാ​ലത്തെ ദൈവ​ദാ​സ​രോട്‌ യഹോവ പറഞ്ഞതു​പോ​ലെ നമ്മൾ സന്തോ​ഷ​ത്തോ​ടെ നിത്യം ജീവി​ച്ചി​രി​ക്കാൻ ദൈവ​ത്തി​ന്റെ വചനം അനുസ​രി​ക്കേ​ണ്ട​തുണ്ട്‌. (ആവ. 32:44-47) നമ്മൾ മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കു​മ്പോൾ പുതിയ ലോകം വരുന്ന​തു​വരെ സഹിച്ചു​നിൽക്കാ​നും ക്ഷമയോ​ടെ കാത്തി​രി​ക്കാ​നും വേണ്ട പ്രോ​ത്സാ​ഹനം നമുക്കു കിട്ടും. (റോമ. 8:25) ഇന്ന്‌ യഹോവ പറയു​ന്നതു കേൾക്കേ​ണ്ടതു വളരെ പ്രധാ​ന​മാണ്‌. കാരണം, നമ്മൾ ജീവി​ക്കു​ന്നത്‌ അവസാ​ന​കാ​ല​ത്താ​യ​തു​കൊണ്ട്‌ ആത്മീയ​മാ​യി ഉണർന്നി​രി​ക്കണം.—മത്താ. 24:42-44; വെളി. 1:3.

മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കാൻ മറ്റുള്ള​വരെ എങ്ങനെ സഹായി​ക്കാം

8. മീറ്റി​ങ്ങിൽ പഠിപ്പി​ക്കുന്ന സഹോ​ദ​ര​ന്മാർ തങ്ങളുടെ പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്തി​ക്കൊ​ണ്ടേ​യി​രി​ക്കേ​ണ്ടത്‌ എന്തു​കൊണ്ട്‌?

⁸ മീറ്റി​ങ്ങു​ക​ളിൽ പഠിപ്പി​ക്കുന്ന സഹോ​ദ​ര​ന്മാർ, പ്രത്യേ​കിച്ച്‌ പൊതു​പ്ര​സം​ഗം നടത്തു​ന്നവർ തങ്ങളുടെ പഠിപ്പി​ക്കാ​നുള്ള പ്രാപ്‌തി മെച്ച​പ്പെ​ടു​ത്തി​ക്കൊ​ണ്ടേ​യി​രി​ക്കണം. നന്നായി തയ്യാറാ​യി, ബൈബി​ളി​നെ അടിസ്ഥാ​ന​മാ​ക്കി നടത്തുന്ന പ്രസം​ഗങ്ങൾ ആളുക​ളിൽ വലിയ സ്വാധീ​നം ചെലു​ത്തും. അത്‌ ആളുകളെ സത്യത്തി​ലേക്ക്‌ ആകർഷി​ക്കു​ക​യും സഹോ​ദ​ര​ങ്ങളെ സത്യത്തിൽ തുടരാൻ സഹായി​ക്കു​ക​യും ചെയ്യും. നിങ്ങൾ മീറ്റി​ങ്ങിൽ ഒരു പരിപാ​ടി നടത്തു​മ്പോൾ അതു മറ്റുള്ള​വരെ എത്രമാ​ത്രം സഹായി​ക്കു​ന്നു​ണ്ടെന്നു നിങ്ങൾ ഒരുപക്ഷേ അറിയു​ന്നു​ണ്ടാ​കില്ല. അതു​കൊണ്ട്‌ ഒരു പ്രസംഗം കിട്ടു​മ്പോൾ, ഇനി കാണാൻപോ​കുന്ന പോയി​ന്റു​കൾ എങ്ങനെ പ്രാവർത്തി​ക​മാ​ക്കാം എന്നു ചിന്തി​ക്കുക. ഈ പോയി​ന്റു​കൾ പൊതു​പ്ര​സം​ഗങ്ങൾ നടത്തു​ന്ന​വർക്കു വേണ്ടി​യു​ള്ള​താ​ണെ​ങ്കി​ലും ഇതിലെ തത്ത്വം മീറ്റി​ങ്ങിൽ പരിപാ​ടി​യുള്ള ഏതൊ​രാൾക്കും ഉപയോ​ഗി​ക്കാ​നാ​കു​ന്ന​താണ്‌.—2 തിമൊ. 4:2; തീത്തോ. 1:9.

9. എളുപ്പം മനസ്സി​ലാ​കുന്ന രീതി​യിൽ പ്രസം​ഗങ്ങൾ എങ്ങനെ നടത്താ​നാ​കും?

⁹ ആശയങ്ങൾ നന്നായി ചിട്ട​പ്പെ​ടു​ത്തുക. നിങ്ങൾ ഒരു പ്രസംഗം നടത്തു​മ്പോൾ ഒരു ആശയത്തിൽനിന്ന്‌ മറ്റൊ​ന്നി​ലേക്കു പോകു​ന്നതു സദസ്സി​ലു​ള്ള​വർക്ക്‌ എളുപ്പം മനസ്സി​ലാ​ക്കാൻ പറ്റണം. സങ്കീർണ​മാ​യാണ്‌ കാര്യങ്ങൾ അവതരി​പ്പി​ക്കു​ന്ന​തെ​ങ്കിൽ കേൾവി​ക്കാ​രു​ടെ ശ്രദ്ധ മാറി​പ്പോ​യേ​ക്കാം. അങ്ങനെ​യെ​ങ്കിൽ നല്ല അടുക്കും ചിട്ടയും ഉള്ള ഒരു പ്രസംഗം എങ്ങനെ നടത്താം? (1) നിങ്ങളു​ടെ പ്രസം​ഗ​ത്തി​ലെ പ്രധാ​ന​പ്പെട്ട പോയി​ന്റു​കൾ എന്തെല്ലാ​മാ​ണെന്നു തുടക്ക​ത്തിൽത്തന്നെ വ്യക്തമാ​ക്കുക. (2) ഓരോ പോയി​ന്റു​ക​ളാ​യി ചർച്ച ചെയ്യുക. ഒരു പോയി​ന്റിൽനിന്ന്‌ അടുത്ത​തി​ലേക്കു പോകു​മ്പോൾ ഒന്നു നിറുത്തി, അടുത്ത പോയിന്റ്‌ എന്താ​ണെന്നു വ്യക്തമാ​ക്കുക. (3) ഉപസം​ഹാ​ര​ത്തിൽ പ്രധാ​ന​പ്പെട്ട പോയി​ന്റു​കൾ ഒന്നുകൂ​ടി പറയുക.

10. നിങ്ങളു​ടെ പ്രസം​ഗ​ത്തി​ലെ വിവരങ്ങൾ നിങ്ങൾ ഇഷ്ടപ്പെ​ടേ​ണ്ടത്‌ എന്തു​കൊണ്ട്‌?

¹⁰ പ്രസം​ഗ​ത്തി​ലെ വിവരങ്ങൾ ഇഷ്ടപ്പെ​ടുക. ഇഷ്ടമുള്ള ഒരു വിഷയ​ത്തെ​ക്കു​റിച്ച്‌ നിങ്ങൾ ഉത്സാഹ​ത്തോ​ടെ സംസാ​രി​ക്കും. (സുഭാ. 2:4, 5; പ്രവൃ. 4:20) അതു​കൊണ്ട്‌ പ്രസം​ഗ​ത്തിൽ കൊടു​ത്തി​രി​ക്കുന്ന വിവര​ങ്ങ​ളെ​യും വാക്യ​ങ്ങ​ളെ​യും കുറിച്ച്‌ നന്നായി ചിന്തി​ക്കു​ക​യാ​ണെ​ങ്കിൽ നിങ്ങൾക്ക്‌ ആ വിഷയം ഇഷ്ടപ്പെ​ടും. ഐക്യ​നാ​ടു​ക​ളിൽ താമസി​ക്കുന്ന പ്രായ​മുള്ള ഒരു സഹോ​ദരൻ ചെറു​പ്പ​ത്തിൽ കേട്ട ഒരു പ്രസം​ഗ​ത്തെ​ക്കു​റിച്ച്‌ പറയു​ന്നത്‌ ഇങ്ങനെ​യാണ്‌: “ദൈവ​വ​ചനം വായി​ച്ച​തി​നു ശേഷം ധ്യാനി​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ പ്രസംഗം നടത്തിയ സഹോ​ദരൻ വിശദീ​ക​രി​ച്ചത്‌ ഞാൻ ഇപ്പോ​ഴും ഓർക്കു​ന്നു. ബോധ്യ​ത്തോ​ടെ​യാ​ണു സഹോ​ദരൻ സംസാ​രി​ച്ചത്‌. ധ്യാനി​ക്കേ​ണ്ടത്‌ എങ്ങനെ​യാ​ണെന്നു വ്യക്തമാ​യി വിശദീ​ക​രി​ച്ചു​തന്നു. ആ പ്രസംഗം എന്റെ ജീവി​ത​ത്തിൽ ഒരു വഴിത്തി​രി​വാ​യി. എന്റെ ബൈബിൾവാ​യ​ന​യെ​യും യഹോ​വ​യു​മാ​യുള്ള ബന്ധത്തെ​യും അതു ശരിക്കും സ്വാധീ​നി​ച്ചു.”

11. സദസ്സി​ലു​ള്ള​വർക്ക്‌ പ്രയോ​ജനം ചെയ്യുന്ന വിധത്തിൽ ഒരു പ്രസംഗം എങ്ങനെ നടത്താം? (1 തിമൊ​ഥെ​യൊസ്‌ 4:13-16)

¹¹ നിങ്ങളു​ടെ കേൾവി​ക്കാർക്ക്‌ എന്താണു വേണ്ട​തെന്നു മനസ്സി​ലാ​ക്കി പ്രാ​യോ​ഗി​ക​നിർദേ​ശങ്ങൾ കൊടു​ക്കുക. പൊതു​വേ​യുള്ള കുറെ വിവരങ്ങൾ പറയു​ന്ന​തി​നു പകരം തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ കേൾവി​ക്കാർക്ക്‌ ആവശ്യ​മായ നിർദേ​ശ​ങ്ങ​ളും പ്രോ​ത്സാ​ഹ​ന​വും നൽകാം. അപ്പോ​സ്‌ത​ല​നായ പൗലോസ്‌ അതു നന്നായി ചെയ്‌തു. തിമൊ​ഥെ​യൊസ്‌ എഫെ​സൊ​സി​ലെ നിയമനം ചെയ്യു​മ്പോൾ ആത്മീയ​മാ​യി ശക്തനാ​യി​രി​ക്കാൻ സഹായി​ക്കുന്ന ചില നിർദേ​ശങ്ങൾ പൗലോസ്‌ വ്യക്തമാ​യി പറഞ്ഞു​കൊ​ടു​ത്തു. (1 തിമൊ​ഥെ​യൊസ്‌ 4:13-16 വായി​ക്കുക.) ഇതു​പോ​ലെ നിങ്ങളു​ടെ കേൾവി​ക്കാർക്കും എന്താണു വേണ്ടത്‌ എന്നതി​നെ​ക്കു​റിച്ച്‌ ചിന്തി​ക്കുക. നിങ്ങളു​ടെ പ്രസം​ഗ​ത്തി​ലെ വിവരങ്ങൾ അവർക്കു ജീവി​ത​ത്തിൽ എങ്ങനെ പ്രാവർത്തി​ക​മാ​ക്കാ​നാ​കു​മെന്നു വ്യക്തമാ​യി കാണി​ച്ചു​കൊ​ടു​ക്കുക.

12. പ്രസംഗം നടത്തു​മ്പോൾ സ്വാഭാ​വി​ക​മാ​യി സംസാ​രി​ക്കേ​ണ്ടത്‌ എന്തു​കൊണ്ട്‌?

¹² പ്രസംഗം ഉറക്കെ പറഞ്ഞ്‌ പഠിക്കു​ന്നെ​ങ്കിൽ സംഭാ​ഷ​ണ​ശൈ​ലി​യിൽ അതു നടത്താ​നാ​കും. പ്രസം​ഗ​ത്തി​ലെ ഓരോ വാക്കും എഴുതി അത്‌ അങ്ങനെ​തന്നെ നോക്കി വായി​ക്കു​ന്ന​തി​നു പകരം സ്വാഭാ​വി​ക​മാ​യി സംസാ​രി​ക്കു​ക​യാ​ണെ​ങ്കിൽ സദസ്സി​ലു​ള്ള​വർക്ക്‌ അതു കേട്ടി​രി​ക്കാ​നും വിവരങ്ങൾ മനസ്സി​ലാ​ക്കാ​നും എളുപ്പ​മാ​യി​രി​ക്കും. വായി​ക്കു​ന്ന​തി​ലും പഠിപ്പി​ക്കു​ന്ന​തി​ലും അർപ്പി​ത​രാ​യി​രി​ക്കുക എന്ന ലഘുപ​ത്രിക ഇങ്ങനെ പറയുന്നു: “സ്വാഭാ​വി​ക​ശൈ​ലി​യിൽ, ആത്മാർഥ​ത​യോ​ടെ സംസാ​രി​ക്കുക. പറയുന്ന വിഷയ​ത്തി​ലും കേൾവി​ക്കാ​രി​ലും നിങ്ങൾക്കു താത്‌പ​ര്യ​മു​ണ്ടെന്ന്‌ അതു തെളി​യി​ക്കും.” നിങ്ങൾ ഹൃദയ​ത്തിൽനിന്ന്‌ സംസാ​രി​ക്കു​ക​യാ​ണെ​ങ്കിൽ കേൾവി​ക്കാർ അതു ശ്രദ്ധി​ച്ചി​രി​ക്കും. നിങ്ങൾ പറയുന്ന ആശയങ്ങ​ളോട്‌ അവർക്കു താത്‌പ​ര്യം തോന്നു​ക​യും അതിന​നു​സ​രിച്ച്‌ ജീവി​ക്കാൻ അത്‌ അവരെ പ്രേരി​പ്പി​ക്കു​ക​യും ചെയ്യും.

13. ഒരു പ്രസംഗം നടത്തു​ന്ന​തി​നു മുമ്പ്‌ അനുഭ​വ​പ​രി​ച​യ​മുള്ള പ്രസം​ഗ​ക​രോട്‌ സഹായം ചോദി​ക്കേ​ണ്ടത്‌ എന്തു​കൊണ്ട്‌? (ചിത്ര​വും കാണുക.)

¹³ അനുഭ​വ​പ​രി​ച​യ​മുള്ള ഒരു പ്രസം​ഗ​ക​നോട്‌ സഹായം ചോദി​ക്കുക. അതെങ്ങനെ ചെയ്യാം? നിങ്ങൾ തയ്യാറാ​ക്കിയ നോട്ട്‌ ആ സഹോ​ദ​രനു കാണി​ച്ചു​കൊ​ടു​ക്കുക. എന്നിട്ട്‌ അദ്ദേഹം തരുന്ന നിർദേ​ശ​ങ്ങൾകൂ​ടി നിങ്ങളു​ടെ പ്രസം​ഗ​ത്തിൽ ഉൾപ്പെ​ടു​ത്തുക. ഇനി പ്രസംഗം അദ്ദേഹത്തെ ഒന്ന്‌ പറഞ്ഞ്‌ കേൾപ്പി​ക്കാ​നു​മാ​കും. അധ്യാ​പകൻ എന്ന നിലയിൽ മെച്ച​പ്പെ​ടാ​നാ​കുന്ന വശങ്ങൾ അദ്ദേഹം പറഞ്ഞു​ത​ന്നേ​ക്കാം. (സുഭാ. 1:5) മാറ്റം വരുത്തേണ്ട ചില വശങ്ങൾ നമുക്കു സ്വയം കാണാൻ പറ്റണ​മെ​ന്നില്ല. അതു​പോ​ലെ ആളുകൾക്കു വ്യക്തമാ​കുന്ന രീതി​യിൽ, പ്രാ​യോ​ഗി​ക​മായ വിവര​ങ്ങ​ളാ​ണോ നമ്മൾ പറയു​ന്ന​തെ​ന്നും നമുക്കു മനസ്സി​ലാ​കു​ന്നു​ണ്ടാ​കില്ല. അതു​കൊണ്ട്‌ സഹായം സ്വീക​രി​ക്കു​ന്നെ​ങ്കിൽ നല്ല പ്രസം​ഗ​ക​രും അധ്യാ​പ​ക​രും ആകാൻ നമുക്കു കഴിയും. അങ്ങനെ​യാ​കു​മ്പോൾ ദൈവ​വ​ച​ന​ത്തി​ലുള്ള ആത്മീയരത്നങ്ങളിൽനിന്ന്‌ പ്രയോ​ജനം നേടാൻ കേൾവി​ക്കാ​രെ നമുക്കു നന്നായി സഹായി​ക്കാ​നും കഴിയും.a

എങ്ങനെ നല്ല കേൾവി​ക്കാ​രാ​യി​രി​ക്കാം

14. 119-ാം സങ്കീർത്ത​ന​ത്തി​ന്റെ എഴുത്തു​കാ​ര​നു​ണ്ടാ​യി​രുന്ന മനോ​ഭാ​വം നമ്മൾ വളർത്തി​യെ​ടു​ക്കേ​ണ്ടത്‌ എന്തു​കൊണ്ട്‌? (സങ്കീർത്തനം 119:24, 111, 167)

¹⁴ യഹോ​വ​യു​ടെ ഓർമി​പ്പി​ക്ക​ലു​ക​ളോ​ടു വിലമ​തി​പ്പു വളർത്തുക. ‘ബുദ്ധി​മുട്ട്‌ നിറഞ്ഞ ഈ സമയത്ത്‌’ പിടി​ച്ചു​നിൽക്കാൻ ദൈവ​ത്തി​ന്റെ ഓർമി​പ്പി​ക്ക​ലു​കൾ നമുക്ക്‌ ആവശ്യ​മാണ്‌. (2 തിമൊ. 3:1) ചില​പ്പോ​ഴൊ​ക്കെ കേട്ടകാ​ര്യ​ങ്ങൾത​ന്നെ​യാ​ണു വീണ്ടും​വീ​ണ്ടും കേൾക്കു​ന്ന​തെന്ന്‌ തോന്നു​മ്പോൾ ദൈവ​ത്തി​ന്റെ ഓർമി​പ്പി​ക്ക​ലു​ക​ളോട്‌ 119-ാം സങ്കീർത്ത​ന​ത്തി​ന്റെ എഴുത്തു​കാ​ര​നു​ണ്ടാ​യി​രുന്ന മനോ​ഭാ​വ​ത്തെ​ക്കു​റിച്ച്‌ നമ്മൾ ചിന്തി​ക്കണം.—സങ്കീർത്തനം 119:24, 111, 167 വായി​ക്കുക.

15. മീറ്റി​ങ്ങു​ക​ളി​ലൂ​ടെ ലഭിക്കുന്ന ആത്മീയ​ഭ​ക്ഷ​ണ​ത്തോ​ടുള്ള വിലമ​തി​പ്പു നമുക്ക്‌ എങ്ങനെ നിലനി​റു​ത്താം?

¹⁵ നമുക്കു ലഭിക്കുന്ന ആത്മീയ​ഭ​ക്ഷണം യഹോ​വ​യിൽനി​ന്നുള്ള സമ്മാന​മാ​യി കാണണം. വിജന​ഭൂ​മി​യി​ലാ​യി​രു​ന്ന​പ്പോൾ യഹോവ കൊടുത്ത മന്നയോട്‌ ഇസ്രാ​യേ​ല്യർ പ്രതി​ക​രിച്ച രീതി​യിൽനിന്ന്‌ നമുക്കു പലതും പഠിക്കാ​നാ​കും. (പുറ. 16:15, 31) ആദ്യ​മൊ​ക്കെ അവർ അതു വിലമ​തി​ച്ചു. കാരണം അത്‌ യഹോ​വ​യിൽനിന്ന്‌ വന്നതാ​യി​രു​ന്നു. അതിനു നല്ല രുചി ഉണ്ടായി​രു​ന്നു. അത്‌ അവരുടെ ജീവൻ നിലനി​റു​ത്തു​ക​യും ചെയ്‌തു. പക്ഷേ എല്ലാ ദിവസ​വും മന്ന കഴി​ക്കേ​ണ്ടി​വ​ന്ന​പ്പോൾ പതി​യെ​പ്പ​തി​യെ അവരിൽ ചിലർക്കൊ​ക്കെ മടുപ്പു തോന്നി. (സംഖ്യ 21:5) നമുക്കു ലഭിക്കുന്ന ആത്മീയ​ഭ​ക്ഷ​ണ​ത്തോ​ടു ബന്ധപ്പെട്ട്‌ ഇങ്ങനെ തോന്നാ​റു​ണ്ടോ? ഒരേ കാര്യ​ങ്ങ​ളാ​ണു വീണ്ടും​വീ​ണ്ടും കേൾക്കു​ന്നത്‌ എന്നു ചിന്തിച്ച്‌ നമ്മൾ ഒരിക്ക​ലും അതിന്റെ പ്രാധാ​ന്യം കുറച്ച്‌ കാണരുത്‌. നമ്മൾ കണ്ടതു​പോ​ലെ ആത്മീയ​ഭ​ക്ഷണം യഹോ​വ​യിൽനി​ന്നാ​ണു വരുന്ന​തെന്നു തിരി​ച്ച​റിഞ്ഞ്‌ നമ്മൾ അതി​നോ​ടുള്ള വിലമ​തി​പ്പു ശക്തമാ​ക്കി​നി​റു​ത്തേ​ണ്ട​തുണ്ട്‌. യഹോ​വ​യു​ടെ സംഘടന വളരെ ചിന്തിച്ച്‌ തയ്യാറാ​ക്കി​യി​രി​ക്കു​ന്ന​താണ്‌ ആ വിവരങ്ങൾ. അതിൽനിന്ന്‌ ലഭിക്കുന്ന ജ്ഞാനം നമ്മുടെ ജീവൻ സംരക്ഷി​ക്കു​മെന്ന കാര്യ​വും മറന്നു​പോ​ക​രുത്‌. —സുഭാ. 3:13, 16-18; യോഹ. 17:3.

16. മീറ്റി​ങ്ങിൽ നന്നായി ശ്രദ്ധി​ച്ചി​രി​ക്കാൻ യഹോ​വയെ വർഷങ്ങ​ളാ​യി സേവി​ക്കുന്ന ചില സഹോ​ദ​ര​ങ്ങളെ എന്താണു സഹായി​ച്ചി​രി​ക്കു​ന്നത്‌? (“നന്നായി ശ്രദ്ധി​ച്ചി​രി​ക്കാ​നുള്ള വഴികൾ” എന്ന ചതുര​വും കാണുക.)

¹⁶ പ്രാ​യോ​ഗി​ക​മായ ചില കാര്യങ്ങൾ ചെയ്‌തു​നോ​ക്കുക. മീറ്റി​ങ്ങിൽ നന്നായി ശ്രദ്ധി​ച്ചി​രി​ക്കാൻ വർഷങ്ങ​ളാ​യി യഹോ​വയെ സേവി​ക്കുന്ന ചില സഹോ​ദ​ര​ങ്ങളെ സഹായി​ച്ചി​രി​ക്കു​ന്നത്‌ എന്താ​ണെന്നു നോക്കാം. 30-ലധികം വർഷമാ​യി യഹോ​വയെ സേവി​ക്കുന്ന ആഷ്‌ലി സഹോ​ദരി പറയുന്നു: “തയ്യാറാ​യി പോകു​ന്ന​താ​ണു ശ്രദ്ധ​യോ​ടെ ഇരിക്കാ​നുള്ള ഒരു വഴി. ഞാൻ തയ്യാറാ​യി​ട്ടി​ല്ലെ​ങ്കിൽ ഉത്തരം പറയാൻ ബുദ്ധി​മു​ട്ടാ​ണെന്നു മാത്രമല്ല എന്റെ മനസ്സ്‌ അലഞ്ഞു​തി​രി​യു​ക​യും ചെയ്യും.” 52 വർഷമാ​യി ദൈവത്തെ സേവി​ക്കുന്ന യോഷഫ്‌ പറയുന്നു: “ഒരേ വിഷയ​ങ്ങൾതന്നെ വീണ്ടും​വീ​ണ്ടും കേൾക്കു​മ്പോൾ എനിക്കു മടുപ്പ്‌ തോന്നാ​റില്ല. കാരണം ആ വിഷയത്തെ പല വശങ്ങളിൽനിന്ന്‌ കാണാൻ എനിക്കാ​കു​ന്നു. അത്‌ എന്റെ അറിവ്‌ വർധി​പ്പി​ക്കു​ന്നു. ഇനി, അത്ര പഠിപ്പി​ക്കൽപ്രാ​പ്‌തി​യൊ​ന്നും ഇല്ലാത്ത ഒരു സഹോ​ദ​ര​നാ​ണു പ്രസംഗം നടത്തു​ന്ന​തെ​ങ്കിൽ അദ്ദേഹം പ്രസംഗം നടത്തുന്ന രീതിയല്ല ഞാൻ ശ്രദ്ധി​ക്കാ​റു​ള്ളത്‌, പകരം ദൈവ​വ​ച​ന​ത്തിൽനിന്ന്‌ അദ്ദേഹം പറയുന്ന ആശയങ്ങ​ളാണ്‌.”

17. മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കാൻ എന്തെല്ലാം സഹായി​ക്കും? (ചിത്ര​വും കാണുക.)

¹⁷ ശ്രദ്ധി​ച്ചി​രി​ക്കാൻ സഹായി​ക്കുന്ന ചില നിർദേ​ശ​ങ്ങ​ളാണ്‌ ഇനി കാണാൻപോ​കു​ന്നത്‌. നിങ്ങൾക്ക്‌ അതൊന്നു പരീക്ഷിച്ച്‌ നോക്കാ​നാ​കു​മോ? (1) ലഘുവായ ഭക്ഷണം കഴിച്ചിട്ട്‌ വരുന്നതു മീറ്റി​ങ്ങി​ന്റെ സമയത്ത്‌ ഉറങ്ങി​പ്പോ​കാ​തി​രി​ക്കാൻ നിങ്ങളെ സഹായി​ക്കും. (2) നേരത്തേ വരുക, പരിപാ​ടി തുടങ്ങു​ന്ന​തി​നു മുമ്പേ ഒരു സീറ്റ്‌ കണ്ടെത്തുക. (3) ഇല​ക്ട്രോ​ണിക്‌ ഉപകര​ണങ്ങൾ സൈല​ന്റാ​ക്കി വെക്കുക; അവ നിങ്ങളു​ടെ ശ്രദ്ധ കളയു​ന്നി​ല്ലെന്ന്‌ ഉറപ്പാ​ക്കുക. (4) പ്രസം​ഗകൻ പറയാൻപോ​കുന്ന പോയി​ന്റു​കൾ എന്തായി​രി​ക്കു​മെന്നു ചിന്തി​ക്കുക. (5) ചുറ്റു​പാ​ടും നടക്കുന്ന കാര്യ​ങ്ങ​ളി​ലല്ല, പ്രസം​ഗ​ക​നെ​ത്തന്നെ ശ്രദ്ധി​ക്കുക. (6) ഹ്രസ്വ​മാ​യി നോട്ട്‌ എടുക്കുക, അല്ലെങ്കിൽ പ്രധാ​ന​പ്പെട്ട പോയി​ന്റു​കൾ ചെറിയ ചിത്ര​ങ്ങ​ളാ​യി വരയ്‌ക്കുക. (7) അവതരി​പ്പി​ക്കുന്ന വാക്യ​ങ്ങ​ളെ​ക്കു​റി​ച്ചും അവ തമ്മിലുള്ള ബന്ധത്തെ​ക്കു​റി​ച്ചും ചിന്തി​ക്കുക. (8) സ്വയം ചോദി​ക്കുക, ‘ഈ വിവരങ്ങൾ സഭയി​ലുള്ള സഹോ​ദ​ര​ങ്ങ​ളെ​യോ ശുശ്രൂ​ഷ​യിൽ കണ്ടുമു​ട്ടു​ന്ന​വ​രെ​യോ സഹായി​ക്കാൻ എനിക്ക്‌ എങ്ങനെ ഉപയോ​ഗി​ക്കാം?’ (9) സമ്മേള​ന​ങ്ങൾക്കും കൺ​വെൻ​ഷ​നു​കൾക്കും പോകു​ന്ന​തി​നു മുമ്പ്‌, കാര്യ​പ​രി​പാ​ടി​യിൽ അന്നത്തെ ആധാര​വാ​ക്യ​വും പ്രസം​ഗ​ങ്ങ​ളു​ടെ വിഷയ​വും ബൈബിൾവാ​ക്യ​വും നോക്കി​വെ​ക്കുക. (10) പരിപാ​ടി​കൾക്കു മുമ്പുള്ള സംഗീ​ത​വും വീഡി​യോ അവതര​ണ​വും സീറ്റു​ക​ളിൽ ഇരുന്ന്‌ നന്നായി ശ്രദ്ധി​ക്കുക. അതു നിങ്ങളു​ടെ മനസ്സിനെ ഒരുക്കും.

യഹോവ പറയു​ന്നതു തുടർന്നും കേൾക്കുക

18. മീറ്റി​ങ്ങു​ക​ളിൽ ശ്രദ്ധി​ച്ചി​രി​ക്കേ​ണ്ടത്‌ എന്തു​കൊണ്ട്‌?

¹⁸ മീറ്റി​ങ്ങു​ക​ളിൽ നമ്മൾ നന്നായി ശ്രദ്ധി​ച്ചി​രി​ക്കണം. കാരണം അപ്പോൾ യഹോവ നമ്മളെ ‘നീതി​പാ​ത​ക​ളിൽ നടത്തു​ക​യാണ്‌.’ (സങ്കീ. 23:3; 31:3) ആ വഴിന​ട​ത്തി​പ്പാണ്‌ ശരിയാ​യതു ചെയ്യു​ന്ന​തിൽ തുടരാൻ നമ്മളെ സഹായി​ക്കു​ന്നത്‌. അതു​കൊണ്ട്‌ മീറ്റി​ങ്ങു​ക​ളിൽ ആയിരി​ക്കു​മ്പോൾ ‘നിങ്ങൾ എങ്ങനെ കേൾക്കു​ന്നു എന്നതിനു ശ്രദ്ധ കൊടു​ക്കു​ക​യും’ ആ വിവരങ്ങൾ പ്രാവർത്തി​ക​മാ​ക്കു​ക​യും വേണം. (ലൂക്കോ. 8:18) യഹോവ പറയു​ന്നതു കേൾക്കു​ന്ന​വർക്ക്‌ ഇന്നു സന്തോ​ഷ​ത്തോ​ടെ​യി​രി​ക്കാ​നും ഭാവി​യി​ലെ നിത്യ​ജീ​വൻ ആസ്വദി​ക്കാ​നും ഉള്ള അവസരം കിട്ടും.—സങ്കീ. 119:2, 14.