മറ്റുള്ള​വ​രു​ടെ തീരു​മാ​ന​ങ്ങളെ മാനി​ക്കു​ക

1-2. ചില​പ്പോൾ നമ്മൾ എടുക്കുന്ന തീരു​മാ​നങ്ങൾ മറ്റു സഹോ​ദ​ര​ങ്ങ​ളു​ടേ​തിൽനിന്ന്‌ വ്യത്യ​സ്‌ത​മാ​യി​രി​ക്കു​ന്നത്‌ എന്തു​കൊണ്ട്‌?

നിങ്ങൾ എടുത്ത ഒരു തീരു​മാ​ന​ത്തി​ന്റെ പേരിൽ ആരെങ്കി​ലും നിങ്ങളെ കുറ്റ​പ്പെ​ടു​ത്തി​യി​ട്ടു​ണ്ടോ? ഇനി ഏതെങ്കി​ലും ഒരു സഹോ​ദ​ര​നോ സഹോ​ദ​രി​യോ എടുത്ത തീരു​മാ​നത്തെ നിങ്ങൾ വിധി​ച്ചി​ട്ടു​ണ്ടോ? ഈ ചോദ്യ​ങ്ങൾക്കുള്ള നമ്മളിൽ മിക്കവ​രു​ടെ​യും ഉത്തരം ഉണ്ടെന്നാ​യി​രി​ക്കും.

² ചില​പ്പോൾ നമ്മൾ എടുക്കുന്ന തീരു​മാ​നങ്ങൾ മറ്റു സഹോ​ദ​ര​ങ്ങ​ളു​ടേ​തിൽനിന്ന്‌ വ്യത്യ​സ്‌ത​മാ​യി​രു​ന്നേ​ക്കാം. കാരണം നമ്മളെ​ല്ലാം പല വീക്ഷണ​ങ്ങ​ളുള്ള വ്യത്യ​സ്‌ത​രായ ആളുക​ളാണ്‌. നമ്മുടെ സംസ്‌കാ​രം, കുടും​ബ​പ​ശ്ചാ​ത്തലം, അനുഭ​വങ്ങൾ എന്നിവ​യെ​ല്ലാം നമ്മുടെ ചിന്തകളെ സ്വാധീ​നി​ക്കും. പക്ഷേ, നമ്മുടെ ഈ വ്യത്യ​സ്‌ത​മായ അഭി​പ്രാ​യങ്ങൾ ഒന്നും സഭയുടെ ഐക്യ​വും സമാധാ​ന​വും തകർക്കാൻ നമ്മൾ ഒരിക്ക​ലും അനുവ​ദി​ക്ക​രുത്‌.—എഫെ. 4:3.

3. ഒരു സഹവി​ശ്വാ​സി നമുക്ക്‌ യോജി​ക്കാൻ കഴിയാത്ത ഒരു തീരു​മാ​ന​മെ​ടു​ക്കു​മ്പോൾ നമ്മൾ എന്തു ചെയ്യാൻ ശ്രമി​ച്ചേ​ക്കാം?

³ നമുക്കു യോജി​ക്കാൻ കഴിയാത്ത ഒരു തീരു​മാ​നം ഒരു സഹവി​ശ്വാ​സി എടുക്കു​മ്പോൾ, ഒന്നുകിൽ അവരോ​ടു സംസാ​രിച്ച്‌ അവരുടെ മനസ്സു മാറ്റാ​നോ അല്ലെങ്കിൽ നമ്മുടെ ആ വിഷമ​ത്തെ​ക്കു​റിച്ച്‌ മറ്റുള്ള​വ​രോ​ടു പറയാ​നോ നമുക്കു തോന്നി​യേ​ക്കാം. നല്ല ഉദ്ദേശ്യ​ത്തോ​ടെ ആയിരി​ക്കാം നമ്മൾ ഇതെല്ലാം ചെയ്യു​ന്നത്‌. കാരണം, നമ്മൾ സഹോ​ദ​ര​ങ്ങളെ സ്‌നേ​ഹി​ക്കു​ക​യും അവർക്കു നന്മ വന്നുകാ​ണാൻ ആഗ്രഹി​ക്കു​ക​യും ചെയ്യുന്നു. (സുഭാ. 17:17) അവർ തെറ്റായ ഒരു തീരു​മാ​ന​മെ​ടുത്ത്‌ പിന്നീടു വിഷമി​ക്കു​ന്നതു കാണാ​നോ അവർക്ക്‌ ആത്മീയ​മാ​യി എന്തെങ്കി​ലും കുഴപ്പം സംഭവി​ക്കു​ന്നതു കാണാ​നോ നമ്മൾ ആഗ്രഹി​ക്കു​ന്നില്ല.

4-5. ഒരു ക്രിസ്‌ത്യാ​നി നമ്മു​ടേ​തിൽനിന്ന്‌ വ്യത്യ​സ്‌ത​മായ ഒരു തീരു​മാ​ന​മെ​ടു​ക്കു​മ്പോൾ നമ്മൾ എന്തു ചെയ്യണം?

⁴ ഒരു വ്യക്തി എടുക്കുന്ന തീരു​മാ​ന​ത്തോ​ടു നമുക്ക്‌ യോജി​ക്കാൻ പറ്റുന്നി​ല്ലെ​ങ്കിൽ നമ്മൾ അതെക്കു​റിച്ച്‌ അവരോ​ടു സംസാ​രി​ക്ക​ണോ? അതു പല കാര്യ​ങ്ങളെ ആശ്രയി​ച്ചാ​ണി​രി​ക്കു​ന്നത്‌. ഉദാഹ​ര​ണ​ത്തിന്‌, ആ വ്യക്തി ചെയ്യാൻപോ​കുന്ന കാര്യം ഒരു ബൈബിൾനി​യ​മ​ത്തി​ന്റെ ലംഘന​മാ​ണെ​ങ്കിൽ ആ വ്യക്തിയെ തിരു​ത്താൻ നമ്മൾ ശ്രമി​ക്കും. കാരണം നമ്മൾ അദ്ദേഹത്തെ സ്‌നേ​ഹി​ക്കു​ന്നു. (സുഭാ. 27:5, 6) എന്നാൽ ഒരു സഹോ​ദരൻ എടുക്കുന്ന തീരു​മാ​ന​ത്തിൽ ബൈബിൾനി​യ​മ​ങ്ങ​ളു​ടെ ലംഘന​മൊ​ന്നും ഉൾപ്പെ​ട്ടി​ട്ടി​ല്ലെ​ങ്കി​ലോ? അതു നമ്മൾ എടുക്കു​മാ​യി​രുന്ന ഒരു തീരു​മാ​നം അല്ല എന്നു മാത്രമേ ഉള്ളെങ്കി​ലോ? അപ്പോൾ എന്തു ചെയ്യണം എന്നതിന്റെ ഉത്തരം നമ്മുടെ ആധാര​വാ​ക്യ​ത്തി​ലുണ്ട്‌: “അയാൾക്കു മറ്റൊരു അഭി​പ്രാ​യ​മുണ്ട്‌ എന്നതിന്റെ പേരിൽ അയാളെ വിധി​ക്ക​രുത്‌.”—റോമ. 14:1.

⁵ അങ്ങനെ​യൊ​ക്കെ​യാ​ണെ​ങ്കി​ലും സഹോ​ദ​രങ്ങൾ എടുക്കുന്ന തീരു​മാ​ന​ങ്ങളെ മാനി​ക്കാൻ ചില​പ്പോൾ നമുക്കു ബുദ്ധി​മുട്ട്‌ തോന്നി​യേ​ക്കാം. ഈ ലേഖന​ത്തിൽ മറ്റുള്ള​വ​രു​ടെ തീരു​മാ​ന​ങ്ങളെ മാനി​ക്കേ​ണ്ടത്‌ എന്തു​കൊ​ണ്ടാ​ണെ​ന്നും അത്‌ എങ്ങനെ ചെയ്യാ​മെ​ന്നും നമ്മൾ ചർച്ച ചെയ്യും. എന്നാൽ അതിനു മുമ്പ്‌, സഹോ​ദ​രങ്ങൾ എടുക്കുന്ന തീരു​മാ​ന​ങ്ങളെ കുറ്റ​പ്പെ​ടു​ത്താൻ തോന്നി​യേ​ക്കാ​വുന്ന ചില സാഹച​ര്യ​ങ്ങൾ നമുക്കു നോക്കാം.

മറ്റുള്ള​വരെ വിധി​ക്കാൻ തോന്നുന്ന ചില സാഹച​ര്യ​ങ്ങൾ

6-7. മറ്റുള്ള​വ​രു​ടെ തീരു​മാ​ന​ങ്ങളെ നമ്മൾ വിധി​ച്ചേ​ക്കാ​വുന്ന സാഹച​ര്യ​ങ്ങൾ വിശദീ​ക​രി​ക്കുക.

⁶ നേരത്തേ കണ്ടതു​പോ​ലെ നമ്മുടെ പശ്ചാത്ത​ല​മോ അനുഭ​വ​ങ്ങ​ളോ കാരണം ചില കാര്യ​ങ്ങ​ളിൽ നമുക്കു വ്യക്തമായ നിലപാ​ടു​കൾ ഉണ്ടായി​രി​ക്കും. മറ്റുള്ള​വർക്കും അതേ നിലപാ​ടാ​ണു​ള്ള​തെന്നു നമുക്കു തോന്നി​യേ​ക്കാം. എന്നാൽ അങ്ങനെ​യാ​യി​രി​ക്കണം എന്നില്ല. അത്തരം ചില സാഹച​ര്യ​ങ്ങൾ നോക്കാം. സാഹച​ര്യം 1: അമിത​മ​ദ്യ​പാ​നി​യായ പിതാ​വി​നെ കണ്ടുവ​ളർന്ന ഒരു വ്യക്തി പിന്നീടു സത്യം പഠിക്കു​ന്നു. എന്നാൽ ഒരു കൂടി​വ​ര​വിൽവെച്ച്‌ സഹോ​ദ​രങ്ങൾ മദ്യപി​ക്കു​ന്നത്‌ അദ്ദേഹം കാണുന്നു. അപ്പോൾ അദ്ദേഹ​ത്തി​നു വിഷമം തോന്നു​ക​യും അതു തെറ്റാ​ണെന്ന്‌ അവരോ​ടു പറയു​ക​യും ചെയ്യുന്നു. സാഹച​ര്യം 2: ഒരു സഹോ​ദ​രി​ക്കു ഗുരു​ത​ര​മായ ഒരു ആരോ​ഗ്യ​പ്ര​ശ്‌നം വരുക​യും അതു സുഖ​പ്പെ​ടു​ക​യും ചെയ്യുന്നു. പിന്നീട്‌, മറ്റൊരു സഹോ​ദ​രിക്ക്‌ ഇതേ രോഗം വരുന്നു. ആദ്യത്തെ സഹോ​ദരി ഈ സഹോ​ദ​രി​യോ​ടുള്ള സ്‌നേ​ഹം​കൊണ്ട്‌, താൻ ചെയ്‌ത അതേ ചികി​ത്സാ​രീ​തി​തന്നെ തിര​ഞ്ഞെ​ടു​ക്കാൻ സഹോ​ദ​രി​യെ നിർബ​ന്ധി​ക്കു​ന്നു. അതു ചില​പ്പോൾ ഏതെങ്കി​ലും ഒരു പ്രത്യേക ഭക്ഷണരീ​തി​യോ അല്ലെങ്കിൽ പ്രത്യേ​ക​തരം മരുന്നോ ചികി​ത്സാ​രീ​തി​യോ ആയിരി​ക്കാം. സാഹച​ര്യം 3: മുമ്പ്‌ വ്യാജ​മ​ത​ത്തി​ന്റെ ഭാഗമാ​യി​രുന്ന ഒരു സഹോ​ദരൻ തന്റെ ആ ജീവി​ത​രീ​തി പൂർണ​മാ​യി ഉപേക്ഷി​ക്കു​ക​യും അതു വെറു​ക്കു​ക​യും ചെയ്യുന്നു. അപ്പോ​ഴാണ്‌ ഒരു സഹക്രി​സ്‌ത്യാ​നി പള്ളിയിൽവെച്ച്‌ നടന്ന ഒരു ശവസം​സ്‌കാ​ര​ച്ച​ട​ങ്ങിൽ പങ്കെടു​ത്ത​താ​യി അദ്ദേഹം അറിയു​ന്നത്‌. അത്‌ അദ്ദേഹത്തെ വിഷമി​പ്പി​ക്കു​ന്നു.a

⁷ നമുക്കു ചില ഉദാഹ​ര​ണ​ങ്ങൾകൂ​ടെ നോക്കാം. സാഹച​ര്യം 4: ഒരു സഹോ​ദരൻ വളർന്നു​വ​ന്നതു പുരു​ഷ​ന്മാർ താടി വെക്കു​ന്ന​തും സ്‌ത്രീ​കൾ കൂടി​വ​ര​വു​ക​ളിൽ പാന്റ്‌സ്‌ ധരിക്കു​ന്ന​തും ശരിയ​ല്ലെന്നു മിക്കവ​രും ചിന്തി​ച്ചി​രുന്ന ഒരു സമയത്താണ്‌. ഈ വിഷയ​ത്തെ​ക്കു​റിച്ച്‌ അടുത്തി​ടെ വന്ന മാറ്റം അദ്ദേഹ​ത്തിന്‌ അറിയാ​മെ​ങ്കി​ലും സഹോ​ദ​ര​ന്മാർ താടി വെക്കരു​തെ​ന്നും സഹോ​ദ​രി​മാർ ആത്മീയ​പ്ര​വർത്ത​ന​ങ്ങ​ളിൽ ആയിരി​ക്കു​മ്പോൾ പാന്റ്‌സ്‌ ധരിക്ക​രു​തെ​ന്നും അദ്ദേഹം മറ്റുള്ള​വ​രോ​ടു വീണ്ടും​വീ​ണ്ടും പറയുന്നു. സാഹച​ര്യം 5: യൂണി​വേ​ഴ്‌സി​റ്റി വിദ്യാ​ഭ്യാ​സം നേടു​ക​യും പിന്നീടു സത്യം ഉപേക്ഷി​ച്ചു​പോ​കു​ക​യും ചെയ്‌ത ഒരു സഹോ​ദ​ര​നെ​ക്കു​റിച്ച്‌ ഒരു മൂപ്പന്‌ അറിയാം. ഇപ്പോൾ ഈ മൂപ്പന്റെ സഭയി​ലുള്ള ഒരു യുവസ​ഹോ​ദരൻ കൂടു​ത​ലായ വിദ്യാ​ഭ്യാ​സം നേടാൻ തീരു​മാ​നി​ക്കു​ന്നു. മൂപ്പന്‌ അതിൽ ടെൻഷൻ തോന്നു​ക​യും ഇക്കാര്യ​ത്തിൽ ഈ ചെറു​പ്പ​ക്കാ​ര​ന്റെ​യും അവന്റെ മാതാ​പി​താ​ക്ക​ളു​ടെ​യും മനസ്സു​മാ​റ്റാൻ ശ്രമി​ക്കു​ക​യും ചെയ്യുന്നു.

8. (എ) മാതാ​പി​താ​ക്കൾ മറ്റു മാതാ​പി​താ​ക്കളെ കുറ്റ​പ്പെ​ടു​ത്തി​യേ​ക്കാ​വു​ന്നത്‌ എപ്പോ​ഴാണ്‌? (ബി) മറ്റുള്ള​വ​രെ​ക്കു​റിച്ച്‌ മോശ​മാ​യി ചിന്തി​ക്കു​ന്നതു സഭയെ എങ്ങനെ ബാധി​ച്ചേ​ക്കാം?

⁸ ഇനി മാതാ​പി​താ​ക്കളെ ബാധി​ക്കുന്ന ഒരു സാഹച​ര്യം നോക്കാം. സാഹച​ര്യം 6: മാതാ​പി​താ​ക്ക​ളെന്ന നിലയിൽ നിങ്ങളു​ടെ മക്കളെ ‘യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും വളർത്തി​ക്കൊ​ണ്ടു​വ​രാൻ’ നിങ്ങൾ നന്നായി അധ്വാ​നി​ക്കു​ന്നു. (എഫെ. 6:4) എന്നാൽ മക്കളുടെ കാര്യ​ത്തിൽ നിങ്ങൾ അനുവ​ദി​ക്കാത്ത പല കാര്യ​ങ്ങ​ളും മറ്റു മാതാ​പി​താ​ക്കൾ അനുവ​ദി​ക്കു​ന്ന​താ​യി നിങ്ങൾ കാണുന്നു. ഉദാഹ​ര​ണ​ത്തിന്‌, അവർ ചില​പ്പോൾ മക്കളെ രാത്രി അൽപ്പം വൈകി വരാനോ അക്രമം ഇല്ലാത്ത വീഡി​യോ ഗെയി​മു​കൾ കളിക്കാ​നോ സമ്മതി​ച്ചേ​ക്കാം. അല്ലെങ്കിൽ ചെറിയ പ്രായ​ത്തിൽത്തന്നെ അവർക്കു ഫോൺ മേടിച്ച്‌ കൊടു​ത്തേ​ക്കാം. അപ്പോൾ നിങ്ങളു​ടെ കുട്ടിക്കു നിങ്ങൾ കടും​പി​ടു​ത്തം പിടി​ക്കു​ക​യാ​ണെന്നു തോന്നാ​നി​ട​യുണ്ട്‌. ‘എന്റെ കൂട്ടു​കാ​രു​ടെ പപ്പയും മമ്മിയും ഒക്കെ ഇത്‌ അനുവ​ദി​ക്കു​ന്നു​ണ്ട​ല്ലോ?’ എന്ന്‌ അവർ ചോദി​ച്ചേ​ക്കാം. അങ്ങനെ​യൊ​രു സാഹച​ര്യ​ത്തിൽ ആ മാതാ​പി​താ​ക്കളെ വിധി​ക്കാൻ ചില​പ്പോൾ നിങ്ങൾക്കു തോന്നും. ഇനി ഒരു ക്രിസ്‌ത്യാ​നി പണം ചെലവാ​ക്കുന്ന രീതി, കൂടെ​ക്കൂ​ടെ യാത്രകൾ പോകു​ന്നത്‌, അല്ലെങ്കിൽ തിര​ഞ്ഞെ​ടു​ക്കുന്ന വിനോ​ദം എന്നിവ​യു​ടെ കാര്യ​ത്തി​ലെ​ല്ലാം നമുക്കു ചില​പ്പോൾ ഇഷ്ടക്കേട്‌ തോന്നി​യേ​ക്കാം. ഒരു ക്രിസ്‌ത്യാ​നി എടുക്കുന്ന ഇത്തരം വ്യക്തി​പ​ര​മായ തീരു​മാ​നങ്ങൾ നമ്മു​ടേ​തിൽനിന്ന്‌ വ്യത്യ​സ്‌ത​മാ​ണെ​ങ്കിൽ നമ്മൾ അവരെ​ക്കു​റിച്ച്‌ മോശ​മാ​യി ചിന്തി​ക്കാൻ സാധ്യ​ത​യുണ്ട്‌. എന്നാൽ നമ്മുടെ ഈ ചിന്തക​ളോ അഭി​പ്രാ​യ​ങ്ങ​ളോ ഒന്നും സഭയുടെ ഐക്യ​ത്തെ​ക്കാൾ പ്രധാ​ന​പ്പെ​ട്ട​താ​യി വരരുത്‌.

9. എല്ലാ ക്രിസ്‌ത്യാ​നി​ക​ളും ഒരേ തീരു​മാ​ന​ങ്ങൾതന്നെ എടുക്ക​ണ​മെ​ന്നു​ണ്ടോ? (ചിത്ര​വും കാണുക.)

⁹ ഒരു കാര്യ​ത്തിൽ രണ്ടു പേർ വ്യത്യസ്‌ത തീരു​മാ​ന​ങ്ങ​ളെ​ടു​ക്കു​ന്നു എന്നതു​കൊണ്ട്‌ അതി​ലൊ​ന്നു ശരിയും മറ്റേതു തെറ്റും ആകണ​മെ​ന്നില്ല. (റോമ. 14:5) “ചിന്തക​ളിൽ യോജി​പ്പു​ള്ള​വ​രാ​യി​രി​ക്കുക” എന്നു ബൈബിൾ പറയു​ന്നതു ദൈവം വെച്ചി​രി​ക്കുന്ന നിലവാ​ര​ങ്ങ​ളു​ടെ കാര്യ​ത്തി​ലാണ്‌. വ്യക്തി​പ​ര​മായ കാര്യ​ങ്ങ​ളോ​ടു ബന്ധപ്പെട്ട്‌ എല്ലാവ​രും ഒരേ രീതി​യിൽ ചിന്തി​ക്കണം എന്നല്ല അതിന്റെ അർഥം. (2 കൊരി. 13:11) അതു മനസ്സി​ലാ​ക്കാൻ നമു​ക്കൊ​രു ദൃഷ്ടാന്തം നോക്കാം. നമ്മൾ ഒരു സ്ഥലത്തേക്കു യാത്ര ചെയ്യു​ക​യാ​ണെന്നു വിചാ​രി​ക്കുക. ആ ലക്ഷ്യസ്ഥാ​നത്ത്‌ എത്താൻ പല മാർഗ​ങ്ങ​ളു​ണ്ടാ​കും. ഓരോ​രു​ത്ത​രു​ടെ ഇഷ്ടവും സാഹച​ര്യ​വും അനുസ​രിച്ച്‌ അവർ അതിൽ ഒരെണ്ണം തിര​ഞ്ഞെ​ടു​ക്കും. ഇതു​പോ​ലെ ക്രിസ്‌ത്യാ​നി​കൾക്കും വ്യക്തി​പ​ര​മായ കാര്യ​ങ്ങ​ളോ​ടു ബന്ധപ്പെട്ട്‌ പല തിര​ഞ്ഞെ​ടു​പ്പു​കൾ ഉണ്ടായി​രി​ക്കും: എന്നാൽ നമ്മു​ടെ​യെ​ല്ലാം ലക്ഷ്യസ്ഥാ​നം യഹോ​വയെ സന്തോ​ഷി​പ്പി​ക്കുക എന്നതു​ത​ന്നെ​യാണ്‌. അതു​കൊണ്ട്‌ മറ്റുള്ളവർ വ്യക്തി​പ​ര​മാ​യി എടുക്കുന്ന തീരു​മാ​ന​ങ്ങളെ നമ്മൾ വിധി​ക്കു​ന്നില്ല.—മത്താ. 7:1; 1 തെസ്സ. 4:11.

മറ്റുള്ള​വ​രു​ടെ തീരു​മാ​ന​ങ്ങളെ മാനി​ക്കേ​ണ്ടത്‌ എന്തു​കൊണ്ട്‌?

10. യാക്കോബ്‌ 4:12 അനുസ​രിച്ച്‌ നമുക്ക്‌ എന്തിനുള്ള അധികാ​ര​മില്ല, എന്തു​കൊണ്ട്‌?

¹⁰ മറ്റുള്ളവർ എടുക്കുന്ന തീരു​മാ​ന​ങ്ങളെ നമ്മൾ മാനി​ക്കേ​ണ്ട​തി​ന്റെ പല കാരണങ്ങൾ ബൈബി​ളിൽ പറയു​ന്നുണ്ട്‌. നമുക്കു അതിൽ ചിലതു നോക്കാം. വ്യക്തി​പ​ര​മായ കാര്യ​ങ്ങ​ളു​ടെ പേരിൽ മറ്റുള്ള​വരെ വിധി​ക്കാ​നുള്ള അധികാ​രം നമുക്കില്ല. (യാക്കോബ്‌ 4:12 വായി​ക്കുക.) യഹോ​വ​യാ​ണു നീതി​യുള്ള നിയമ​നിർമാ​താ​വും ന്യായാ​ധി​പ​നും. നമുക്കു​വേണ്ട നിയമ​ങ്ങ​ളും നിലവാ​ര​ങ്ങ​ളും വെക്കാ​നുള്ള അവകാശം യഹോ​വ​യ്‌ക്കു മാത്ര​മേ​യു​ള്ളൂ. അതു​കൊണ്ട്‌, സഹോ​ദ​രങ്ങൾ കണക്കു ബോധി​പ്പി​ക്കേ​ണ്ടത്‌ യഹോ​വ​യോ​ടാണ്‌, നമ്മളോ​ടല്ല. (റോമ. 14:10) നമ്മുടെ അഭി​പ്രാ​യ​ങ്ങ​ളു​ടെ​യോ നിലവാ​ര​ങ്ങ​ളു​ടെ​യോ അടിസ്ഥാ​ന​ത്തിൽ മറ്റുള്ള​വരെ കുറ്റ​പ്പെ​ടു​ത്താ​നോ വിധി​ക്കാ​നോ നമുക്ക്‌ അവകാ​ശ​മില്ല.b

11. നമുക്ക്‌ എങ്ങനെ സഭയുടെ ഐക്യ​ത്തി​നു​വേണ്ടി പ്രവർത്തി​ക്കാം? (ചിത്ര​വും കാണുക.)

¹¹ യഹോവ തന്റെ ആരാധ​കർക്കി​ട​യിൽ പ്രതീ​ക്ഷി​ക്കു​ന്നത്‌ ഐക്യ​മാണ്‌, അല്ലാതെ അവർ ഒരു​പോ​ലെ ആയിരി​ക്കാ​നല്ല. യഹോവ വ്യത്യ​സ്‌തത ഇഷ്ടപ്പെ​ടു​ന്നു! അതു സൃഷ്ടികൾ നോക്കി​യാൽ നമുക്കു മനസ്സി​ലാ​കും. ഉദാഹ​ര​ണ​ത്തിന്‌ ശരീര​ത്തിൽ ഒരേ​പോ​ലെ വരകളുള്ള രണ്ടു സീബ്ര​ക​ളില്ല. ഇനി മനുഷ്യ​രു​ടെ കാര്യം എടുത്താ​ലോ? ഭൂമി​യി​ലെ 800 കോടി​യി​ല​ധി​കം ആളുക​ളിൽ, കാഴ്‌ച​യി​ലും വ്യക്തി​ത്വ​ത്തി​ലും ഒരേ​പോ​ലെ​ത​ന്നെ​യുള്ള ആരുമില്ല. അതെ, വ്യത്യാ​സ​ങ്ങ​ളോ​ടെ​യാണ്‌ യഹോവ നമ്മളെ സൃഷ്ടി​ച്ചത്‌. നമ്മൾ മറ്റൊ​രാ​ളു​ടെ തനിപ്പ​കർപ്പാ​കാൻ ദൈവം ആഗ്രഹി​ക്കു​ന്നില്ല. എന്നാൽ അതേസ​മയം നമുക്കി​ട​യിൽ ഐക്യ​മു​ണ്ടാ​യി​രി​ക്കാൻ ദൈവം പ്രതീ​ക്ഷി​ക്കു​ന്നുണ്ട്‌. അതു​കൊണ്ട്‌ മറ്റൊ​രാൾ വ്യത്യ​സ്‌ത​മായ രീതി​യിൽ ഒരു കാര്യം ചെയ്യു​മ്പോൾ അതിൽ കുഴപ്പം കണ്ടുപി​ടി​ക്കു​ന്ന​തി​നു പകരം സമാധാ​നം നിലനിർത്തുക. നമ്മുടെ അഭി​പ്രാ​യ​ങ്ങ​ളെ​ക്കാ​ളും ഇഷ്ടങ്ങ​ളെ​ക്കാ​ളും പ്രധാനം സഭയുടെ ഐക്യം ആണെന്നു നമുക്ക്‌ എപ്പോ​ഴും ഓർക്കാം.—റോമ. 14:19.

മറ്റുള്ള​വ​രു​ടെ തീരു​മാ​ന​ങ്ങളെ എങ്ങനെ മാനി​ക്കാം?

12-13. ഒരാൾ ‘തെറ്റായ ഒരു ചുവടു വെക്കു​ന്നെന്നു’ തോന്നു​ന്നെ​ങ്കിൽ നമ്മൾ എന്താണു മനസ്സിൽപ്പി​ടി​ക്കേ​ണ്ടത്‌? (ഗലാത്യർ 6:1; “നിങ്ങൾക്ക്‌ യോജി​ക്കാൻ പറ്റുന്നി​ല്ലെ​ങ്കിൽ” എന്ന ചതുര​വും കാണുക.)

¹² വ്യക്തി​പ​ര​മായ കാര്യ​ങ്ങ​ളിൽ മറ്റുള്ളവർ തീരു​മാ​ന​മെ​ടു​ക്കു​മ്പോൾ. സ്വയം ചോദി​ക്കുക: ‘ആ വ്യക്തി “തെറ്റാ​യൊ​രു ചുവടാ​ണോ” വെക്കു​ന്നത്‌? അതോ വ്യത്യ​സ്‌ത​മായ ഒരു ചുവടു വെക്കുന്നു എന്നേയു​ള്ളോ?’ ഒരു ബൈബിൾനി​യമം ലംഘി​ച്ചു​കൊണ്ട്‌ തെറ്റാ​യൊ​രു ചുവടാ​ണു വെക്കു​ന്ന​തെ​ങ്കിൽത്തന്നെ നിങ്ങൾ ഇങ്ങനെ ചിന്തി​ക്കുക, ‘അദ്ദേഹത്തെ തിരു​ത്താ​നുള്ള തിരു​വെ​ഴു​ത്തു​യോ​ഗ്യത എനിക്കു​ണ്ടോ? അതോ അതു ചെയ്യാൻ യോഗ്യ​ത​യു​ള്ളതു മറ്റാർക്കെ​ങ്കി​ലും ആണോ?’ ഇനി നിങ്ങൾക്ക്‌ യോഗ്യ​ത​യു​ണ്ടെ​ങ്കിൽ അദ്ദേഹ​ത്തോ​ടു സൗമ്യ​ത​യു​ടെ ആത്മാവിൽ സംസാ​രി​ക്കുക. (ഗലാത്യർ 6:1 വായി​ക്കുക.) എന്നാൽ മിക്ക സാഹച​ര്യ​ങ്ങ​ളി​ലും നമ്മു​ടേ​തിൽനിന്ന്‌ വ്യത്യ​സ്‌ത​മായ ഒരു തീരു​മാ​നം അദ്ദേഹം എടു​ത്തെ​ന്നേ​യു​ണ്ടാ​കൂ. അങ്ങനെ​യാ​ണെ​ങ്കിൽ അദ്ദേഹ​ത്തെ​ക്കു​റിച്ച്‌ തെറ്റായി ചിന്തി​ക്കു​ക​യോ ആ തീരു​മാ​ന​ത്തെ​ക്കു​റിച്ച്‌ മോശ​മാ​യി സംസാ​രി​ക്കു​ക​യോ ചെയ്യരുത്‌. വിധി​ക്കു​ന്ന​തി​നു പകരം സ്വന്തമാ​യി തീരു​മാ​ന​മെ​ടു​ക്കാ​നുള്ള ആ വ്യക്തി​യു​ടെ അവകാ​ശത്തെ മാനി​ക്കുക.—റോമ. 14:2-4.

¹³ നമു​ക്കൊ​രു ഉദാഹ​രണം നോക്കാം. നമ്മൾ ഒരു കൂട്ടു​കാ​രന്റെ കൂടെ ഹോട്ട​ലിൽ ഭക്ഷണം കഴിക്കാൻ വന്നിരി​ക്കു​ക​യാ​ണെന്നു ചിന്തി​ക്കുക. നമ്മൾ ഓർഡർ ചെയ്‌ത അതേ ഭക്ഷണം​തന്നെ വാങ്ങി​ക്കാൻ നമ്മൾ കൂട്ടു​കാ​ര​നെ​യും നിർബ​ന്ധി​ക്കു​മോ? ഇല്ല. ഇഷ്ടത്തി​ന​നു​സ​രിച്ച്‌ ഭക്ഷണം തിര​ഞ്ഞെ​ടു​ക്കാ​നുള്ള അദ്ദേഹ​ത്തി​ന്റെ സ്വാത​ന്ത്ര്യ​ത്തെ നമ്മൾ മാനി​ക്കും. മാത്രമല്ല അദ്ദേഹം കഴിക്കാൻ എന്തു തിര​ഞ്ഞെ​ടു​ത്താ​ലും അതു നമ്മളെ അധികം ബാധി​ക്കുന്ന കാര്യ​വു​മല്ല. ഇനി തിരിച്ച്‌ ഒന്നു ചിന്തി​ച്ചു​നോ​ക്കുക: നിങ്ങൾക്കു കഴിക്കാൻവേണ്ട ഭക്ഷണം കൂട്ടു​കാ​രൻ സ്വന്തം ഇഷ്ടത്തി​ന​നു​സ​രിച്ച്‌ ഓർഡർ ചെയ്യാ​നും നിങ്ങൾ പ്രതീ​ക്ഷി​ക്കില്ല. അതു​കൊണ്ട്‌ നമ്മുടെ തീരു​മാ​നങ്ങൾ മറ്റുള്ള​വരെ അടി​ച്ചേൽപ്പി​ക്കു​ന്ന​തി​നു പകരം സ്വന്തമാ​യി തീരു​മാ​ന​ങ്ങ​ളെ​ടു​ക്കാൻ അവരെ അനുവ​ദി​ക്കാം. അങ്ങനെ അവരെ ബഹുമാ​നി​ക്കു​ന്നു​ണ്ടെന്നു കാണി​ക്കാ​നാ​കും.

14. വ്യക്തി​പ​ര​മായ തീരു​മാ​ന​ങ്ങ​ളെ​ടു​ക്കു​മ്പോൾ നമുക്കു സഭയുടെ ഐക്യം എങ്ങനെ കാത്തു​സൂ​ക്ഷി​ക്കാം? (1 കൊരി​ന്ത്യർ 8:12, 13)

¹⁴ വ്യക്തി​പ​ര​മായ കാര്യ​ങ്ങ​ളിൽ നിങ്ങൾ തീരു​മാ​ന​മെ​ടു​ക്കു​മ്പോൾ. മറ്റുള്ള​വരെ അസ്വസ്ഥ​രാ​ക്കാ​തി​രി​ക്കാൻ കഴിവി​ന്റെ പരമാ​വധി ശ്രമി​ച്ചു​കൊണ്ട്‌ നിങ്ങൾക്കു സഭയുടെ ഐക്യം കാത്തു​സൂ​ക്ഷി​ക്കാ​നാ​കും. (1 കൊരി​ന്ത്യർ 8:12, 13 വായി​ക്കുക.) ചില​പ്പോൾ നമ്മൾ എടുക്കാൻ പോകുന്ന തീരു​മാ​നം ‘അനുവ​ദ​നീ​യ​മാ​യി​രി​ക്കും.’ പക്ഷേ അതൊരു സഹോ​ദ​രനെ വേദനി​പ്പി​ക്കു​ന്നെ​ങ്കിൽ അതു​കൊണ്ട്‌ എന്തു ‘പ്രയോ​ജ​ന​മാ​ണു​ള്ളത്‌?’c (1 കൊരി. 10:23, 24) അത്തരം സാഹച​ര്യ​ങ്ങ​ളിൽ നിങ്ങളു​ടെ അവകാ​ശ​ങ്ങ​ളിൽ കടിച്ചു​തൂ​ങ്ങു​ന്ന​തി​നു പകരം നിങ്ങളു​ടെ ഇഷ്ടങ്ങൾ ഒന്നു മാറ്റി​വെ​ക്കാൻ ശ്രമി​ക്കുക. (റോമ. 15:1) എന്നാൽ വ്യക്തി​പ​ര​മാ​യി നമ്മൾ എടുക്കുന്ന തീരു​മാ​ന​ങ്ങളെ മറ്റുള്ളവർ മാനി​ക്ക​ണ​മെ​ന്നല്ലേ നമ്മൾ ഇപ്പോൾ പഠിച്ചത്‌? അതു ശരിയാണ്‌. നമ്മൾ മറ്റുള്ള​വ​രു​ടെ തീരു​മാ​ന​ങ്ങളെ മാനി​ക്കു​ന്ന​തു​പോ​ലെ അവർ നമ്മുടെ തീരു​മാ​ന​ങ്ങ​ളെ​യും മാനി​ക്കേ​ണ്ട​താണ്‌. എന്നാൽ റോമർ 12:18-ൽ കാണുന്ന ഈ തത്ത്വം നമ്മൾ മനസ്സിൽപ്പി​ടി​ക്കണം: “എല്ലാവ​രു​മാ​യി സമാധാ​ന​ത്തി​ലാ​യി​രി​ക്കാൻ നിങ്ങളു​ടെ കഴിവി​ന്റെ പരമാ​വധി ശ്രമി​ക്കുക.” അതു​കൊണ്ട്‌ സമാധാ​നം നിലനി​റു​ത്താൻ നമുക്കു പറ്റുന്ന​തെ​ല്ലാം ചെയ്യാം. മറ്റുള്ള​വരെ അനാവ​ശ്യ​മാ​യി അസ്വസ്ഥ​രാ​ക്കു​ന്നത്‌ ഒഴിവാ​ക്കാം.

15. മൂപ്പന്മാർക്ക്‌ എങ്ങനെ സഭയുടെ ഐക്യ​ത്തി​നു​വേണ്ടി പ്രവർത്തി​ക്കാ​നാ​കും? (1 കൊരി​ന്ത്യർ 4:6)

¹⁵ മൂപ്പന്മാർ മറ്റുള്ള​വ​രു​ടെ തീരു​മാ​ന​ങ്ങളെ മാനി​ക്കു​ന്നു. വ്യക്തി​പ​ര​മായ കാര്യ​ങ്ങ​ളിൽ നിയമങ്ങൾ ഉണ്ടാക്കാ​തി​രു​ന്നു​കൊ​ണ്ടും ബൈബി​ളിൽ ‘എഴുതി​യി​രി​ക്കു​ന്ന​തിന്‌ അപ്പുറം പോകാ​തി​രു​ന്നു​കൊ​ണ്ടും’ മൂപ്പന്മാർ സഭയുടെ ഐക്യ​ത്തി​നു​വേണ്ടി പ്രവർത്തി​ക്കു​ന്നു. (1 കൊരി​ന്ത്യർ 4:6 വായി​ക്കുക.) അതിന്റെ അർഥം ബൈബി​ളി​നെ അടിസ്ഥാ​ന​മാ​ക്കി നമ്മുടെ പ്രസി​ദ്ധീ​ക​ര​ണ​ങ്ങ​ളിൽ കൊടു​ത്തി​രി​ക്കുന്ന നിർദേ​ശ​ങ്ങൾക്ക്‌ അപ്പുറ​വും അവർ പോകു​ന്നില്ല എന്നാണ്‌. ഇനി ഒരു സഹക്രി​സ്‌ത്യാ​നി ഉപദേശം ചോദി​ക്കു​മ്പോൾ മൂപ്പന്മാർ തങ്ങളുടെ സ്വന്തം അനുഭ​വ​പ​രി​ച​യ​ത്തി​ന്റെ അടിസ്ഥാ​ന​ത്തിൽ മാത്രം അവർക്ക്‌ ഉപദേശം കൊടു​ക്കില്ല. പകരം അവർ ദൈവ​വ​ച​നത്തെ അടിസ്ഥാ​ന​മാ​ക്കി​യാ​യി​രി​ക്കും അതു ചെയ്യു​ന്നത്‌.—യശ. 48:17, 18.

16. മൂപ്പന്മാ​രു​ടെ സംഘം എടുത്ത തീരു​മാ​നത്തെ താൻ മാനി​ക്കു​ന്നു​ണ്ടെന്ന്‌ ഒരു മൂപ്പന്‌ എങ്ങനെ കാണി​ക്കാം?

¹⁶ ഇനി മൂപ്പന്മാർ ഒരു സംഘമെന്ന നിലയിൽ എടുക്കുന്ന തീരു​മാ​ന​ത്തി​ന്റെ കാര്യ​ത്തി​ലോ? ഒരു മൂപ്പനു ചില​പ്പോൾ വ്യത്യ​സ്‌ത​മാ​യൊ​രു അഭി​പ്രാ​യ​മു​ണ്ടാ​യി​രു​ന്നേ​ക്കാം. എന്നാൽ മൂപ്പന്മാർ ഒരുമി​ച്ചി​രുന്ന്‌ പരിശു​ദ്ധാ​ത്മാ​വി​നു​വേണ്ടി പ്രാർഥി​ക്കു​ക​യും തിരു​വെ​ഴു​ത്തു​കൾ ഒക്കെ നോക്കി ഒരു തീരു​മാ​ന​ത്തിൽ എത്തുക​യും ചെയ്‌തു​ക​ഴി​ഞ്ഞാൽ ഓരോ മൂപ്പനും അതിനെ പിന്തു​ണ​യ്‌ക്കേ​ണ്ട​തുണ്ട്‌. (എഫെ. 5:17) ഇനി ബൈബി​ളി​ലോ പ്രസി​ദ്ധീ​ക​ര​ണ​ങ്ങ​ളി​ലോ ഉള്ള ഒരു നിർദേ​ശ​ത്തി​നു ശരിക്കു​മു​ള്ള​തി​നെ​ക്കാൾ കൂടുതൽ അർഥം കൊടു​ക്കാ​തി​രി​ക്കാ​നും മൂപ്പന്മാർ ശ്രദ്ധി​ക്കും. ഉദാഹ​ര​ണ​ത്തിന്‌ ഒരു ലേഖന​ത്തി​ന്റെ മൊത്തം ആശയം നോക്കാ​തെ അതിൽ ഏതെങ്കി​ലും ഒരു വാചകം മാത്രം എടുത്തിട്ട്‌, താൻ പറയു​ന്നതു ശരിയാ​ണെന്നു വാദി​ക്കാ​നും ഒരു മൂപ്പൻ ശ്രമി​ക്കില്ല.

17. മറ്റുള്ള​വ​രു​ടെ തീരു​മാ​ന​ങ്ങളെ നമ്മൾ മാനി​ച്ചാൽ എന്തു പ്രയോ​ജ​ന​മാ​ണു​ള്ളത്‌?

¹⁷ നേരത്തേ കണ്ടതു​പോ​ലെ നമ്മൾ ഓരോ​രു​ത്ത​രും വ്യത്യ​സ്‌ത​രാണ്‌. എല്ലാവർക്കും അവരു​ടേ​തായ അഭി​പ്രാ​യ​ങ്ങ​ളും ഇഷ്ടങ്ങളും ഉണ്ട്‌. ആ വൈവി​ധ്യം ശരിക്കും നല്ലതാണ്‌. നമ്മുടെ വ്യത്യ​സ്‌ത​മായ പശ്ചാത്ത​ല​വും വ്യക്തി​ത്വ​വും ഒക്കെ സഭയെ എല്ലാവ​രും ഇഷ്ടപ്പെ​ടുന്ന മനോ​ഹ​ര​മായ ഒരു ഇടമാക്കി മാറ്റുന്നു. അതു​കൊണ്ട്‌ ഈ വ്യത്യ​സ്‌ത​തകൾ നമ്മളെ തമ്മിൽ അകറ്റു​കയല്ല അടുപ്പി​ക്കു​ക​യാ​ണു വേണ്ടത്‌. മറ്റുള്ള​വരെ ഇടറി​ക്കാ​തി​രി​ക്കാ​നും സമാധാ​ന​മു​ണ്ടാ​ക്കാ​നും നമുക്കു ശ്രമി​ക്കാം. അതു​പോ​ലെ വ്യക്തി​പ​ര​മായ കാര്യ​ങ്ങ​ളിൽ മറ്റുള്ളവർ എടുക്കുന്ന തീരു​മാ​ന​ങ്ങളെ നമുക്കു മാനി​ക്കു​ക​യും ചെയ്യാം. അങ്ങനെ ചെയ്യു​മ്പോൾ നമ്മുടെ ശ്രമങ്ങൾക്ക്‌ യഹോവ പ്രതി​ഫലം തരും. ഐക്യ​മുള്ള ഒരു സഭയിൽ സന്തോ​ഷ​ത്തോ​ടെ സേവി​ക്കാൻ നമുക്കാ​കും.—സങ്കീ. 133:1; മത്താ. 5:9.