കൂടു​ത​ലായ വിദ്യാ​ഭ്യാ​സം നേടു​മ്പോ​ഴും ആത്മീയ​മാ​യി ശക്തരാ​യി​രി​ക്കു​ക

1-2. (എ) കൂടു​ത​ലായ വിദ്യാ​ഭ്യാ​സം നേടാൻ നിങ്ങൾ തീരു​മാ​നി​ച്ചി​ട്ടു​ണ്ടെ​ങ്കിൽ ഏതു കാര്യം തുടർന്നും ചെയ്യണം? (ബി) “ഇനിയും ചിട്ട​യോ​ടെ നടക്കാം” എന്നതിന്റെ അർഥം എന്താണ്‌? (ഫിലി​പ്പി​യർ 3:16)

ഗവൺമെന്റ്‌ ആവശ്യ​പ്പെ​ട്ടി​രി​ക്കുന്ന അടിസ്ഥാന വിദ്യാ​ഭ്യാ​സ​ത്തി​നു പുറമേ കൂടു​ത​ലായ വിദ്യാ​ഭ്യാ​സം നേടാൻ യഹോ​വ​യു​ടെ സാക്ഷി​ക​ളിൽ ചിലർ തീരു​മാ​നി​ച്ചി​രി​ക്കു​ന്നു. കാരണം തങ്ങളുടെ ആവശ്യങ്ങൾ നടന്നു​പോ​കാ​നും യഹോ​വയെ നന്നായി സേവി​ക്കാ​നും സഹായി​ക്കുന്ന ഒരു ജോലി കണ്ടെത്താൻ അവർ ആഗ്രഹി​ക്കു​ന്നു. കൂടു​ത​ലായ വിദ്യാ​ഭ്യാ​സം നേടാൻ നിങ്ങൾ തീരു​മാ​നി​ച്ചി​ട്ടു​ണ്ടെ​ങ്കിൽ യഹോ​വ​യിൽനിന്ന്‌ അകന്നു​പോ​കു​ന്നി​ല്ലെന്ന്‌ എങ്ങനെ ഉറപ്പു വരുത്താം? (യാക്കോ. 4:8എ) സ്‌കൂ​ളിൽ പഠിച്ച​പ്പോൾ വിശ്വാ​സ​ത്തി​ന്റെ പേരിൽ നിങ്ങൾക്കു​ണ്ടായ പരി​ശോ​ധ​ന​കളെ നിങ്ങൾ വിജയ​ക​ര​മാ​യി നേരി​ട്ടി​ട്ടു​ണ്ടാ​കും. മുന്നോ​ട്ടും നമുക്ക്‌ അതുതന്നെ ചെയ്യാം; “കൈവ​രിച്ച പുരോ​ഗ​തി​ക്കു ചേർച്ച​യിൽത്തന്നെ നമുക്ക്‌ ഇനിയും ചിട്ട​യോ​ടെ നടക്കാം.” അതായത്‌ യഹോ​വയെ തുടർന്നും വിശ്വ​സ്‌ത​മാ​യി സേവി​ക്കാം.—ഫിലി​പ്പി​യർ 3:16 വായി​ക്കുക.

² “ഇനിയും ചിട്ട​യോ​ടെ നടക്കാം” എന്ന പദപ്ര​യോ​ഗ​ത്തി​ലെ ഗ്രീക്ക്‌ ക്രിയാ​പദം, ഐക്യ​ത്തോ​ടെ പട്ടാള​ക്കാർ മാർച്ച്‌ ചെയ്യു​ന്ന​തി​നെ കുറി​ക്കാ​നാണ്‌ പൊതു​വേ ഉപയോ​ഗി​ച്ചി​രി​ക്കു​ന്നത്‌. നിങ്ങൾ കൂടു​ത​ലായ വിദ്യാ​ഭ്യാ​സം നേടാൻ തീരു​മാ​നി​ച്ചി​ട്ടു​ണ്ടെ​ങ്കിൽ യഹോ​വ​യു​ടെ സേവന​ത്തിൽ നിങ്ങളും മുന്നോ​ട്ടു​തന്നെ “മാർച്ച്‌ ചെയ്യണം.” വെറുതേ നിൽക്കു​ക​യോ പിന്മാ​റു​ക​യോ ചെയ്യരുത്‌. അങ്ങനെ മുന്നോ​ട്ടു​പോ​കാൻ സഹായി​ക്കുന്ന നാലു ബൈബിൾത​ത്ത്വ​ങ്ങൾ ഈ ലേഖന​ത്തിൽ നമ്മൾ ചർച്ച ചെയ്യും. നിങ്ങൾ ഇതി​നോ​ടകം ചെയ്‌തി​ട്ടുള്ള, നിങ്ങൾക്ക്‌ അറിയാ​വുന്ന തത്ത്വങ്ങൾത​ന്നെ​യാണ്‌ ഇവയെ​ല്ലാം. എന്നാൽ കൂടു​ത​ലായ വിദ്യാ​ഭ്യാ​സം നേടുന്ന സമയത്തും അതിനു​ശേ​ഷ​വും ഈ തത്ത്വങ്ങൾ അനുസ​രി​ക്കു​ന്നത്‌ പ്രയോ​ജനം ചെയ്യും.

ആത്മീയ​ദി​ന​ചര്യ നിലനി​റു​ത്തു​ക

3. കൂടു​ത​ലായ വിദ്യാ​ഭ്യാ​സം നേടു​മ്പോൾ ആത്മീയ​കാ​ര്യ​ങ്ങൾക്ക്‌ എന്തു സംഭവി​ച്ചേ​ക്കാം?

³ പ്രശ്‌നം. കൂടു​ത​ലായ വിദ്യാ​ഭ്യാ​സം നേടുന്ന സമയത്ത്‌ നിങ്ങളു​ടെ ജീവിതം വളരെ തിരക്കു​ള്ള​താ​യി​രി​ക്കും. ഓരോ ദിവസ​വും ഒരുപാ​ടു കാര്യങ്ങൾ ചെയ്യാ​നു​ണ്ടാ​കും. പഠനം നന്നായി കൊണ്ടു​പോ​കാൻ ശ്രമി​ക്കു​മ്പോൾ നിങ്ങളു​ടെ ജീവി​ത​ത്തിൽ ആത്മീയ​കാ​ര്യ​ങ്ങ​ളു​ടെ പ്രാധാ​ന്യം കുറഞ്ഞു​പോ​യേ​ക്കാം. ബൈബിൾവാ​യന, പ്രാർഥന, മീറ്റി​ങ്ങു​കൾ എന്നിവ​യൊ​ക്കെ മുടക്കാ​നോ പേരി​നു​മാ​ത്രം ശുശ്രൂ​ഷ​യ്‌ക്കു പോകാ​നോ ഒക്കെ തുടങ്ങി​യേ​ക്കാം.—വെളി. 2:4.

4. ‘കർത്താ​വി​ന്റെ വേലയിൽ തിരക്കു​ള്ള​വ​രാ​യി​രി​ക്കേ​ണ്ടത്‌’ എന്തു​കൊണ്ട്‌? (1 കൊരി​ന്ത്യർ 15:58)

⁴ 1 കൊരി​ന്ത്യർ 15:58 വായി​ക്കുക. ഒരു സൈക്കിൾ വീഴാതെ മുന്നോ​ട്ടു​പോ​ക​ണ​മെ​ങ്കിൽ അത്‌ നമ്മൾ ചവിട്ടി​ക്കൊ​ണ്ടി​രി​ക്കണം. അതു​പോ​ലെ നമ്മളും ആത്മീയ​മാ​യി ശക്തരായി മുന്നോ​ട്ടു​പോ​ക​ണ​മെ​ങ്കിൽ ‘കർത്താ​വി​ന്റെ വേലയിൽ എപ്പോ​ഴും തിരക്കു​ള്ള​വ​രാ​യി​രി​ക്കണം.’ അതിനർഥം ആത്മീയ​പ്ര​വർത്ത​ന​ങ്ങൾക്കാ​യി വെറുതേ കുറച്ച്‌ സമയം മാറ്റി​വെ​ക്ക​ണ​മെന്നല്ല. പകരം, നമ്മൾ അത്‌ എന്തു​കൊണ്ട്‌ ചെയ്യുന്നു എന്നും ചിന്തി​ക്കേ​ണ്ട​താണ്‌. ആദ്യം നിങ്ങൾ നിങ്ങ​ളെ​ത്തന്നെ കാണേ​ണ്ടത്‌ യഹോ​വ​യു​ടെ ഒരു ദാസനാ​യി​ട്ടാണ്‌, പിന്നെ വേണം ഒരു വിദ്യാർഥി​യാ​യി കാണാൻ. (മത്താ. 22:37) ഒരു യുവസ​ഹോ​ദ​രി​യായ സാമന്ത പറയുന്നു: “എന്റെ വിദ്യാ​ഭ്യാ​സം എപ്പോ​ഴെ​ങ്കി​ലും ദൈവ​സേ​വ​ന​ത്തിന്‌ ഒരു തടസ്സമാ​യാൽ ഞാൻ പഠനം ഉപേക്ഷി​ക്കു​മെന്ന്‌ നേര​ത്തേ​തന്നെ തീരു​മാ​നി​ച്ചി​രു​ന്നു.”

5. യഹോ​വ​യു​ടെ സേവന​ത്തിൽ തിരക്കു​ള്ള​വ​രാ​യി തുടരാൻ നിങ്ങൾക്ക്‌ എന്തു ചെയ്യാം?

⁵ കൂടു​ത​ലായ വിദ്യാ​ഭ്യാ​സം തുടങ്ങു​ന്ന​തി​നു മുമ്പു​തന്നെ എന്തു ചെയ്യാം? ഏതു കാര്യ​ത്തി​നു മുൻഗണന കൊടു​ക്കു​മെന്നു നേര​ത്തേ​തന്നെ ചിന്തി​ക്കാ​നാ​കും. സ്വയം ചോദി​ക്കുക: ‘മീറ്റി​ങ്ങും ശുശ്രൂ​ഷ​യും വ്യക്തി​പ​ര​മായ പഠനവും മുടങ്ങു​ന്നില്ല എന്ന്‌ ഉറപ്പാ​ക്കാൻ ഞാൻ എന്താണ്‌ ചെയ്‌തി​രി​ക്കു​ന്നത്‌?’ (യോശു. 1:8; മത്താ. 28:19, 20; എബ്രാ. 10:25) ഇനി പുറ​കോ​ട്ടും ചിന്തി​ക്കുക: സ്‌കൂ​ളിൽ പഠിച്ചി​രുന്ന സമയത്ത്‌ ഈ കാര്യ​ങ്ങ​ളൊ​ക്കെ മുടങ്ങാ​തി​രി​ക്കാൻ നിങ്ങൾ എന്താണ്‌ ചെയ്‌തി​രു​ന്നത്‌? അന്ന്‌ കാര്യങ്ങൾ കുറച്ചു​കൂ​ടി നന്നായി ചെയ്യാ​മാ​യി​രു​ന്നെന്നു തോന്നു​ന്നെ​ങ്കിൽ ഇപ്പോൾ എന്ത്‌ മാറ്റം വരുത്താ​നാണ്‌ നിങ്ങൾ ആഗ്രഹി​ക്കു​ന്നത്‌? കൂടു​ത​ലായ വിദ്യാ​ഭ്യാ​സം നേടു​മ്പോൾ യഹോ​വ​യു​ടെ സേവന​ത്തിൽ തിര​ക്കോ​ടെ​തന്നെ തുടരാൻ തീരു​മാ​നി​ച്ചു​റ​യ്‌ക്കുക. പഠനത്തി​നു വേണ്ട ശ്രദ്ധ കൊടു​ക്കണം എന്നതു ശരിയാണ്‌. പക്ഷേ അത്‌ നിങ്ങളു​ടെ ആരാധന ബലി കഴിച്ചു​കൊ​ണ്ടാ​ക​രുത്‌.a—മത്താ. 6:24.

6. സ്വയം വിലയി​രു​ത്തു​മ്പോൾ ഏതൊക്കെ ചോദ്യ​ങ്ങൾ ചോദി​ക്കാ​നാ​കും? (ചിത്ര​വും കാണുക.)

⁶ കൂടു​ത​ലായ വിദ്യാ​ഭ്യാ​സം നേടു​മ്പോൾ പതിവാ​യി, മാസത്തിൽ ഒരിക്ക​ലെ​ങ്കി​ലും സ്വയം വിലയി​രു​ത്തുക. നിങ്ങൾക്ക്‌ ഇങ്ങനെ ചിന്തി​ക്കാ​നാ​കും: ‘ഇപ്പോ​ഴും യഹോ​വ​യ്‌ക്കു​ത​ന്നെ​യാ​ണോ ഞാൻ ജീവി​ത​ത്തിൽ ഒന്നാം സ്ഥാനം കൊടു​ക്കു​ന്നത്‌?’ അങ്ങനെ​യ​ല്ലെന്ന്‌ കാണി​ക്കുന്ന എന്തെങ്കി​ലും സൂചന​ക​ളു​ണ്ടോ? ഉദാഹ​ര​ണ​ത്തിന്‌, നിങ്ങൾ മീറ്റിങ്ങ്‌ മുടക്കാ​നോ അതിന്‌ താമസി​ച്ചു​വ​രാ​നോ തുടങ്ങി​യി​ട്ടു​ണ്ടോ? മീറ്റി​ങ്ങി​ലാ​യി​രി​ക്കു​മ്പോൾ ക്ലാസിലെ അസൈൻമെ​ന്റു​ക​ളെ​ക്കു​റി​ച്ചാ​ണോ നിങ്ങൾ ചിന്തി​ക്കു​ന്നത്‌? സൂമി​ലൂ​ടെ​യാ​ണോ നിങ്ങൾ മീറ്റിങ്ങ്‌ കൂടു​ന്നത്‌? ഇനി ബൈബിൾവാ​യ​ന​യും പ്രാർഥ​ന​യും കുറഞ്ഞു​പോ​യി​ട്ടു​ണ്ടോ? നിങ്ങൾ ശുശ്രൂ​ഷ​യ്‌ക്കു പോകു​ന്നത്‌ ഒരു ചടങ്ങു​പോ​ലെ​യാ​ണോ? എത്രയും പെട്ടെന്ന്‌ അതു തീർത്തിട്ട്‌ വരണ​മെ​ന്നാ​ണോ നിങ്ങളു​ടെ ചിന്ത? ഇങ്ങനെ​യുള്ള സൂചനകൾ എന്തെങ്കി​ലും കാണു​ന്നെ​ങ്കിൽ പെട്ടെന്ന്‌ പ്രവർത്തി​ക്കുക. വിദ്യാ​ഭ്യാ​സം നേടുന്നു എന്നതു​കൊണ്ട്‌, യഹോ​വയെ സേവി​ക്കു​ന്നതു രണ്ടാം സ്ഥാനത്താ​യി പോക​രുത്‌.

“ചിന്താ​ശേഷി കാത്തു​സൂ​ക്ഷി​ക്കാം”

7. കൂടു​ത​ലായ വിദ്യാ​ഭ്യാ​സം നേടു​മ്പോൾ നമ്മുടെ ചിന്താ​രീ​തി​യിൽ എന്തു മാറ്റം വന്നേക്കാം?

⁷ പ്രശ്‌നം. നിങ്ങൾ എടുക്കുന്ന കോഴ്‌സ​നു​സ​രിച്ച്‌, ലോക​ത്തി​ന്റെ ‘തത്ത്വജ്ഞാ​ന​വും വഞ്ചകവും കഴമ്പി​ല്ലാ​ത്ത​തും ആയ ആശയങ്ങ​ളും’ നിങ്ങളു​ടെ ഉള്ളിൽ നിറ​ഞ്ഞേ​ക്കാം. അതിൽ ചിലതാണ്‌ പരിണാ​മ​വും നിരീ​ശ്വ​ര​വാ​ദ​വും. (കൊലോ. 2:8) ഇനി നമ്മുടെ കഴിവു​ക​ളിൽത്തന്നെ ആശ്രയി​ക്കാ​നും അതു നമ്മളെ പ്രേരി​പ്പി​ച്ചേ​ക്കാം. ഒരു ചെറു​പ്പ​ക്കാ​ര​നായ സഹോ​ദരൻ തന്റെ പഠനകാ​ല​ത്തെ​ക്കു​റിച്ച്‌ ഇങ്ങനെ പറയുന്നു: “ഞങ്ങളെ വൈദ​ഗ്‌ധ്യ​ങ്ങൾ മാത്രമല്ല പഠിപ്പി​ച്ചത്‌, ഒരു ചിന്താ​രീ​തി കൂടി​യാണ്‌. അതു പലപ്പോ​ഴും യഹോ​വ​യു​ടെ ചിന്തകൾക്കു ചേർച്ച​യി​ലു​ള്ള​താ​യി​രു​ന്നില്ല. ഉദാഹ​ര​ണ​ത്തിന്‌, നമ്മുടെ ജീവി​ത​വി​ജയം നമ്മളിൽത്തന്നെ ആശ്രയി​ച്ചാ​ണി​രി​ക്കു​ന്നത്‌ എന്ന്‌ അവിടെ പഠിപ്പി​ച്ചു. അങ്ങനെ​യാ​കു​മ്പോൾ യഹോ​വ​യ്‌ക്കു വലിയ റോൾ ഇല്ലാത്ത​തു​പോ​ലെ​യാ​കും. ദൈവ​ത്തിൽ ആശ്രയി​ക്കാൻ എനിക്ക്‌ അപ്പോൾ കൂടുതൽ ബുദ്ധി​മു​ട്ടു തോന്നി.”

8. നിങ്ങളു​ടെ ‘ചിന്താ​ശേഷി കാത്തു​സൂ​ക്ഷി​ക്കേ​ണ്ടത്‌’ എന്തു​കൊണ്ട്‌? (സുഭാ​ഷി​തങ്ങൾ 5:1, 2)

⁸ സുഭാ​ഷി​തങ്ങൾ 5:1, 2 വായി​ക്കുക. നിങ്ങളു​ടെ ‘ചിന്താ​ശേഷി കാത്തു​സൂ​ക്ഷി​ക്കാൻ’ ബൈബിൾ മുന്നറി​യി​പ്പു തരുന്നു. ഒരു കാര്യം നമ്മൾ കാത്തു​സൂ​ക്ഷി​ക്കു​ന്നത്‌ അത്‌ ആരെങ്കി​ലും നശിപ്പി​ക്കാ​നോ തട്ടി​യെ​ടു​ക്കാ​നോ ശ്രമി​ക്കു​മ്പോ​ഴാണ്‌. ചിന്താ​ശേ​ഷി​യു​ടെ കാര്യ​ത്തി​ലും ഇത്‌ സത്യമാണ്‌. (1 പത്രോ. 5:8) ധാർമി​കത, ജീവന്റെ ഉത്ഭവം, ദൈവ​ത്തി​ന്റെ അസ്‌തി​ത്വം എന്നിവ​യു​മാ​യി ബന്ധപ്പെട്ട നമ്മുടെ വിശ്വാ​സങ്ങൾ ഇല്ലാതാ​ക്കാ​നാണ്‌ ലോക​ത്തി​ന്റെ ആത്മാവ്‌ ശ്രമി​ക്കു​ന്നത്‌. ആളുകൾ പൊതു​വേ ഇത്തരം ചിന്തകളെ വളരെ ഉന്നതമാ​യി കാണുന്നു. എന്നാൽ ശരിക്കും അതു താഴ്‌ന്ന ചിന്തക​ളാണ്‌, “ദൈവ​ത്തി​ന്റെ കണ്ണിൽ വിഡ്ഢിത്തമാണ്‌.”—1 കൊരി. 3:18-20.

9. ചിന്താ​ശേഷി കാത്തു​സൂ​ക്ഷി​ക്കാൻ നിങ്ങൾക്ക്‌ എന്തു ചെയ്യാ​നാ​കും?

⁹ കൂടു​ത​ലായ വിദ്യാ​ഭ്യാ​സം തുടങ്ങു​ന്ന​തി​നു മുമ്പു​തന്നെ എന്തു ചെയ്യാം? ചിന്താ​ശേഷി കാത്തു​സൂ​ക്ഷി​ക്ക​ണ​മെ​ങ്കിൽ, കൂടു​ത​ലായ വിദ്യാ​ഭ്യാ​സം നേടു​ന്ന​തി​നു മുമ്പു​തന്നെ ബൈബിൾ പഠിപ്പി​ക്കുന്ന കാര്യ​ങ്ങ​ളി​ലുള്ള നിങ്ങളു​ടെ വിശ്വാ​സം ശക്തമാ​ക്കണം. ഇത്തരം ചോദ്യ​ങ്ങൾ സ്വയം ചോദി​ക്കുക: ‘ഞാൻ ദൈവ​ത്തിൽ വിശ്വ​സി​ക്കു​ന്നത്‌ എന്തു​കൊ​ണ്ടാണ്‌? ബൈബിൾ ദൈവ​ത്തി​ന്റെ വചനമാ​ണെന്ന്‌ എനിക്ക്‌ ഉറപ്പു​ള്ളത്‌ എന്തു​കൊണ്ട്‌? ബൈബിൾ പറയുന്ന ധാർമി​ക​നി​ല​വാ​രങ്ങൾ ലോക​ത്തി​ന്റെ നിലവാ​ര​ങ്ങ​ളെ​ക്കാൾ ഉന്നതമാ​ണെന്നു ഞാൻ വിശ്വ​സി​ക്കു​ന്നത്‌ എന്തു​കൊണ്ട്‌?’ ഇനി പുറ​കോ​ട്ടും ചിന്തി​ക്കാ​നാ​കും: മുമ്പ്‌ സ്‌കൂ​ളിൽ എങ്ങനെ​യാ​യി​രു​ന്നു? മറ്റുള്ളവർ പരിണാ​മ​ത്തിൽ വിശ്വ​സി​ക്കു​ന്നതു കണ്ടപ്പോൾ ദൈവ​ത്തി​ലുള്ള നിങ്ങളു​ടെ വിശ്വാ​സം കുറഞ്ഞു​പോ​യി​രു​ന്നോ? മറ്റു കുട്ടി​ക​ളു​ടെ മോശ​മായ ജീവി​ത​രീ​തി നിങ്ങളെ എളുപ്പം സ്വാധീ​നി​ച്ചി​രു​ന്നോ? അന്ന്‌ കുറച്ചു​കൂ​ടി നന്നായി കാര്യങ്ങൾ ചെയ്യാ​മാ​യി​രു​ന്നു എന്നു തോന്നു​ന്നെ​ങ്കിൽ എന്തു മാറ്റം വരുത്താ​നാണ്‌ നിങ്ങൾ ആഗ്രഹി​ക്കു​ന്നത്‌? ഇപ്പോൾ വിശ്വാ​സം ശക്തമാ​ക്കാൻ നിങ്ങൾക്ക്‌ എന്തു ചെയ്യാ​നാ​കും? കൂടു​ത​ലായ വിദ്യാ​ഭ്യാ​സം നേടു​മ്പോൾ ചിന്താ​ശേഷി കാത്തു​സൂ​ക്ഷി​ക്കു​മെന്നു തീരു​മാ​നി​ച്ചു​റ​യ്‌ക്കുക.—2 തിമൊ. 2:16-18.b

10. നിങ്ങൾക്ക്‌ എങ്ങനെ തുടർന്നും നിങ്ങളു​ടെ ചിന്താ​ശേഷി സംരക്ഷി​ക്കാ​നാ​കും?

¹⁰ കൂടു​ത​ലായ വിദ്യാ​ഭ്യാ​സം നേടു​മ്പോൾ ഇടയ്‌ക്കി​ടെ സ്വയം വിലയി​രു​ത്തുക. നിങ്ങൾക്ക്‌ ഇങ്ങനെ ചോദി​ക്കാ​നാ​കും: ‘ചുറ്റു​മുള്ള ആളുക​ളു​ടെ മോശം സ്വഭാ​വ​രീ​തി​കൾ എന്നെ സ്വാധീ​നി​ക്കു​ന്നു​ണ്ടോ? ഒരു കാര്യം കേൾക്കു​മ്പോൾ അതു ലോക​ത്തി​ന്റെ ആശയമാ​ണോ എന്ന്‌ എനിക്ക്‌ തിരി​ച്ച​റി​യാ​നാ​കു​ന്നു​ണ്ടോ? മനുഷ്യ​രു​ടെ പ്രശ്‌ന​ങ്ങൾക്കുള്ള ഒരേ​യൊ​രു പരിഹാ​രം ദൈവ​രാ​ജ്യ​മാ​ണെന്ന്‌ എനിക്ക്‌ പൂർണ​ബോ​ധ്യ​മു​ണ്ടോ?’ നിങ്ങളു​ടെ ചിന്താ​ശേഷി സംരക്ഷി​ക്ക​ണ​മെ​ങ്കിൽ ദൈവ​വ​ചനം വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും വായിച്ച കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​ക​യും വേണം. അങ്ങനെ​യാ​കു​മ്പോൾ ബൈബിൾ പറയു​ന്ന​താണ്‌ സത്യം എന്ന നിങ്ങളു​ടെ വിശ്വാ​സം കൂടുതൽ ഉറപ്പു​ള്ള​താ​കും.—1 തിമൊ. 4:15.

സമയം നന്നായി ഉപയോ​ഗി​ക്കു​ക

11. കൂടു​ത​ലായ വിദ്യാ​ഭ്യാ​സം നേടു​മ്പോൾ സമയം ഉപയോ​ഗി​ക്കുന്ന കാര്യ​ത്തിൽ നിങ്ങൾക്ക്‌ എന്ത്‌ ബുദ്ധി​മുട്ട്‌ തോന്നി​യേ​ക്കാം?

¹¹ പ്രശ്‌നം. കൂടു​ത​ലായ വിദ്യാ​ഭ്യാ​സം നിങ്ങളു​ടെ സമയം ഒരുപാട്‌ കവർന്നെ​ടു​ത്തേ​ക്കാം, പ്രത്യേ​കി​ച്ചും പരീക്ഷ​യു​ള്ള​പ്പോ​ഴോ ഒരു പ്രോ​ജക്ട്‌ പെട്ടെ​ന്നു​തന്നെ ചെയ്‌ത്‌ തീർക്കേ​ണ്ടി​വ​രു​മ്പോ​ഴോ ഒക്കെ. നിങ്ങൾ സമയം നന്നായിട്ട്‌ ഉപയോ​ഗി​ച്ചി​ല്ലെ​ങ്കിൽ ടെൻഷ​ന​ടിച്ച്‌ ആകെ മടുത്തു​പോ​കാൻ സാധ്യ​ത​യുണ്ട്‌. അതു​കൊണ്ട്‌ നിങ്ങളു​ടെ ശാരീ​രി​ക​വും മാനസി​ക​വും ആയ ആരോ​ഗ്യം പ്രത്യേ​കം ശ്രദ്ധി​ക്കണം.

12. ഏതെല്ലാം കാര്യ​ങ്ങൾക്കു​വേണ്ടി നിങ്ങൾ സമയം മാറ്റി​വെ​ക്കണം? (എഫെസ്യർ 5:15, 16)

¹² എഫെസ്യർ 5:15, 16 വായി​ക്കുക. ‘സമയം ഏറ്റവും നന്നായി ഉപയോ​ഗി​ക്കാൻ’ നിങ്ങൾക്ക്‌ അത്ര എളുപ്പ​മാ​യി​രി​ക്കില്ല. ഇക്കാര്യ​ത്തിൽ സമനില വേണം. ഉദാഹ​ര​ണ​ത്തിന്‌, നിങ്ങൾ പഠനത്തിൽ ശ്രദ്ധി​ക്കേ​ണ്ട​തു​ണ്ടെ​ങ്കി​ലും കുടും​ബ​ത്തോ​ടും സഭയിലെ സഹോ​ദ​ര​ങ്ങ​ളോ​ടും ഒപ്പം സമയം ചെലവ​ഴി​ക്കേ​ണ്ടത്‌ അതിലും പ്രധാ​ന​മാണ്‌. (സങ്കീ. 133:1; സുഭാ. 18:1) നിങ്ങളു​ടെ ആത്മീയ ആവശ്യ​ങ്ങൾക്കാ​യി​രി​ക്കണം ഏറ്റവും മുൻഗണന നൽകേ​ണ്ടത്‌. (മത്താ. 6:33) അതു​പോ​ലെ നിങ്ങൾക്കു കുടും​ബ​ത്തിൽ ഉത്തരവാ​ദി​ത്വ​ങ്ങൾ ഉണ്ടായി​രി​ക്കും, അല്ലെങ്കിൽ പഠന​ത്തോ​ടൊ​പ്പം ജോലി ചെയ്യു​ന്നു​ണ്ടാ​യി​രി​ക്കും. ഇനി, നിങ്ങളു​ടെ ആരോ​ഗ്യ​വും ശ്രദ്ധി​ക്കേ​ണ്ടി​വ​രും. ആവശ്യ​ത്തി​നു വിശ്ര​മി​ക്കു​ക​യും വ്യായാ​മം ചെയ്യു​ക​യും വേണം. (സഭാ. 4:6; 1 തിമൊ. 4:8) ഇതെല്ലാം ചെയ്യാൻ നിങ്ങൾക്കു നല്ലൊരു പട്ടിക ആവശ്യ​മാണ്‌.

13. സമയം ഏറ്റവും നന്നായി ഉപയോ​ഗി​ക്കാൻ നിങ്ങൾക്ക്‌ എങ്ങനെ കഴിയും?

¹³ കൂടു​ത​ലായ വിദ്യാ​ഭ്യാ​സം തുടങ്ങു​ന്ന​തി​നു മുമ്പു​തന്നെ എന്തു ചെയ്യാം? നന്നായി പ്ലാൻ ചെയ്യു​ന്നതു വിജയി​ക്കാൻ സഹായി​ക്കു​മെന്നു ബൈബിൾ പറയുന്നു. (സുഭാ. 21:5) അതു​കൊണ്ട്‌ കൂടു​ത​ലായ വിദ്യാ​ഭ്യാ​സം തുടങ്ങു​ന്ന​തി​നു മുമ്പു​തന്നെ, എത്തി​ച്ചേ​രാ​നാ​കുന്ന ഒരു പട്ടിക ഉണ്ടാക്കുക. അതിനാ​യി നിങ്ങൾക്കു പുറ​കോട്ട്‌ ചിന്തി​ക്കാ​നാ​കും: മുമ്പ്‌ സ്‌കൂ​ളി​ലാ​യി​രു​ന്ന​പ്പോൾ പ്രധാ​ന​പ്പെട്ട കാര്യ​ങ്ങൾക്കാ​യി സമയം മാറ്റി​വെ​ക്കാൻ നിങ്ങൾക്കു പറ്റിയി​രു​ന്നോ? അന്ന്‌ കുറച്ചു​കൂ​ടി നന്നായി കാര്യങ്ങൾ ചെയ്യാ​മാ​യി​രു​ന്നെന്നു തോന്നു​ന്നെ​ങ്കിൽ, ഇപ്പോൾ എന്ത്‌ മാറ്റം വരുത്താ​നാണ്‌ നിങ്ങൾ ആഗ്രഹി​ക്കു​ന്നത്‌? സമയം നിങ്ങ​ളെയല്ല നിങ്ങൾ സമയത്തെ നിയ​ന്ത്രി​ക്കു​മെന്നു തീരു​മാ​നി​ച്ചു​റ​യ്‌ക്കുക.c

14. സ്വയം വിലയി​രു​ത്താൻ ഏതെല്ലാം ചോദ്യ​ങ്ങൾ സഹായി​ക്കും?

¹⁴ കൂടു​ത​ലായ വിദ്യാ​ഭ്യാ​സം നേടു​മ്പോൾ ഇടയ്‌ക്കി​ടെ സ്വയം വിലയി​രു​ത്തുക. നിങ്ങൾക്ക്‌ ഇങ്ങനെ ചിന്തി​ക്കാ​നാ​കും: ‘ആവശ്യ​ത്തി​നു വിശ്ര​മി​ക്കാ​നും വ്യായാ​മം ചെയ്യാ​നും ഉള്ള സമയം എനിക്ക്‌ കിട്ടു​ന്നു​ണ്ടോ? സഹോ​ദ​ര​ങ്ങ​ളോ​ടൊ​പ്പം സമയം ചെലവ​ഴി​ക്കാൻ എനിക്ക്‌ കഴിയു​ന്നു​ണ്ടോ? കൃത്യ​സ​മ​യ​ത്തു​തന്നെ ഹോം​വർക്ക്‌ ചെയ്‌തു​തീർക്കാൻ എനിക്ക്‌ പറ്റുന്നു​ണ്ടോ? പറ്റുന്നി​ല്ലെ​ങ്കിൽ അത്‌ ഒരുപാട്‌ ഉള്ളതു​കൊ​ണ്ടാ​ണോ അതോ ഞാൻ കാര്യങ്ങൾ നീട്ടി​വെ​ച്ചി​ട്ടാ​ണോ? ഈ ചോദ്യ​ങ്ങൾക്കുള്ള എന്റെ ഉത്തരം കുടും​ബാം​ഗങ്ങൾ ഉൾപ്പെടെ മറ്റുള്ളവർ അംഗീ​ക​രി​ക്കു​മോ?’ പട്ടിക​യിൽ മാറ്റം വരുത്ത​ണ​മെ​ന്നോ ആത്മശി​ക്ഷണം വളർത്തി​യെ​ടു​ക്ക​ണ​മെ​ന്നോ നിങ്ങൾക്കു തോന്നു​ന്നു​ണ്ടെ​ങ്കിൽ പെട്ടെന്നു പ്രവർത്തി​ക്കുക. സമയം നന്നായി ഉപയോ​ഗി​ക്കുന്ന മറ്റുള്ള​വ​രോ​ടു നിങ്ങൾക്കു സംസാ​രി​ക്കാ​നു​മാ​യേ​ക്കും.—സുഭാ. 11:14.

‘ജ്ഞാനി​ക​ളു​ടെ​കൂ​ടെ നടക്കുക’

15. കൂടു​ത​ലായ വിദ്യാ​ഭ്യാ​സം നേടു​മ്പോൾ നിങ്ങൾക്ക്‌ എന്തു പ്രശ്‌നം നേരി​ട്ടേ​ക്കാം?

¹⁵ പ്രശ്‌നം. കൂടു​ത​ലായ വിദ്യാ​ഭ്യാ​സം നേടു​മ്പോൾ, കൂടെ പഠിക്കുന്ന കുട്ടികൾ ക്ലാസ്‌ കഴിഞ്ഞും അവരു​ടെ​കൂ​ടെ സമയം ചെലവ​ഴി​ക്കാൻ നിങ്ങളെ വിളി​ച്ചേ​ക്കാം. അവരോ​ടൊ​പ്പം കൂടാൻ ചില​പ്പോൾ നിങ്ങൾക്കും തോന്നും. കാരണം ക്ലാസിന്റെ സമയത്ത്‌ നിങ്ങൾ ഒരുമിച്ച്‌ ഒരുപാട്‌ സമയം ചെലവ​ഴി​ക്കു​ന്നുണ്ട്‌. അതു​പോ​ലെ നിങ്ങൾക്ക്‌ ഒരേ പ്രായ​മാ​യ​തു​കൊണ്ട്‌ നിങ്ങളു​ടെ ഇഷ്ടങ്ങളും ഒരു​പോ​ലെ​യാ​യി​രി​ക്കും. സഹോ​ദ​ര​ങ്ങ​ളെ​ക്കാ​ളും കൂടുതൽ നിങ്ങളു​ടെ ഇഷ്ടങ്ങളും താത്‌പ​ര്യ​ങ്ങ​ളും ഒക്കെ മനസ്സി​ലാ​കു​ന്നതു കൂട്ടു​കാർക്കാ​ണെ​ന്നു​പോ​ലും തോന്നി​യേ​ക്കാം. അങ്ങനെ​യൊ​ക്കെ തോന്നി​യാ​ലും കൂട്ടു​കൂ​ടുന്ന കാര്യ​ത്തിൽ നിങ്ങൾ പ്രത്യേ​കം ശ്രദ്ധി​ക്കണം. നിങ്ങൾ ഒരേ ക്ലാസി​ലാ​ണെ​ങ്കി​ലും നിങ്ങ​ളെ​പ്പോ​ലെ യഹോ​വയെ സന്തോ​ഷി​പ്പി​ക്കാൻ ആഗ്രഹി​ക്കു​ന്ന​വരല്ല അവർ. എത്ര കൂടുതൽ അവരോ​ടൊ​പ്പം സമയം ചെലവ​ഴി​ക്കു​ന്നോ അത്രയ​ധി​കം നിങ്ങൾ അവരെ​പ്പോ​ലെ ചിന്തി​ച്ചു​തു​ട​ങ്ങും. (1 കൊരി. 15:33) ഇലക്ട്രീ​ഷ്യൻ ആകാനുള്ള നാലു വർഷത്തെ ഒരു കോഴ്‌സ്‌ പഠിച്ച മൈക്കിൾ അതു സത്യമാ​ണെന്ന്‌ മനസ്സി​ലാ​ക്കി. അദ്ദേഹം പറയുന്നു: “ട്രെയി​നി​ങ്ങി​ന്റെ സമയത്ത്‌ ആഴ്‌ച​യിൽ 40-ലധികം മണിക്കൂർ കൂടെ​യു​ള്ള​വ​രോ​ടൊ​പ്പം എനിക്ക്‌ ചെലവ​ഴി​ക്കേ​ണ്ടി​വന്നു. എതിർലിം​ഗ​ത്തിൽപ്പെ​ട്ട​വ​രോ​ടുള്ള അവരുടെ വീക്ഷണ​വും അവർക്ക്‌ ഇഷ്ടമുള്ള സംഗീ​ത​വും അവരുടെ മോശം ഭാഷയും ഒക്കെ എന്റെ ചിന്തക​ളെ​യും സ്വാധീ​നി​ക്കാൻ തുടങ്ങി.”

16. ‘ജ്ഞാനി​ക​ളു​ടെ​കൂ​ടെ നടക്കുക’ എന്നു പറഞ്ഞാൽ എന്താണ്‌ അർഥം? (സുഭാ​ഷി​തങ്ങൾ 13:20)

¹⁶ സുഭാ​ഷി​തങ്ങൾ 13:20 വായി​ക്കുക. മോശ​മായ കൂട്ടു​കെ​ട്ടി​ന്റെ അപകട​ങ്ങ​ളെ​ക്കു​റിച്ച്‌ ബൈബിൾ നമുക്കു മുന്നറി​യിപ്പ്‌ തരുന്നു. എന്നാൽ അതേസ​മയം “ജ്ഞാനി​ക​ളു​ടെ​കൂ​ടെ നടക്കു​ന്നവൻ ജ്ഞാനി​യാ​കും” എന്നും ബൈബിൾ പറയുന്നു. അപ്പോൾ പാഠം ഇതാണ്‌: നമ്മൾ ആരുടെ കൂടെ​യാ​ണോ സമയം ചെലവ​ഴി​ക്കു​ന്നത്‌ അവർക്ക്‌ നമ്മളെ നല്ല രീതി​യി​ലോ മോശ​മായ രീതി​യി​ലോ സ്വാധീ​നി​ക്കാ​നാ​കും. അതു​കൊണ്ട്‌ നമ്മുടെ നന്മ ആഗ്രഹി​ക്കു​ന്ന​വരെ, നമ്മളെ​പ്പോ​ലെ​തന്നെ യഹോ​വയെ മുഴു​ഹൃ​ദ​യ​ത്തോ​ടെ സേവി​ക്കു​ന്ന​വരെ അടുത്ത കൂട്ടു​കാ​രാ​ക്കുക.—സങ്കീ. 101:6, 7; 119:63.

17. മോശ​മായ കൂട്ടു​കെട്ട്‌ ഒഴിവാ​ക്കാൻ നിങ്ങൾക്ക്‌ എന്തു ചെയ്യാ​നാ​കും?

¹⁷ കൂടു​ത​ലായ വിദ്യാ​ഭ്യാ​സം തുടങ്ങു​ന്ന​തി​നു മുമ്പു​തന്നെ എന്തു ചെയ്യാം? കൂടെ പഠിക്കു​ന്ന​വ​രു​മാ​യുള്ള കൂട്ടു​കെ​ട്ടിന്‌ എവിടെ പരിധി​കൾ വെക്കണ​മെന്നു തീരു​മാ​നി​ക്കുക. ട്രെന്റൺ എന്ന സഹോ​ദരൻ പറയു​ന്നത്‌ ഇങ്ങനെ​യാണ്‌: “ഞാൻ എന്റെ കൂടെ പഠിക്കു​ന്ന​വ​രോ​ടു നല്ല രീതി​യി​ലാണ്‌ ഇടപെ​ടു​ന്നത്‌. പക്ഷേ ക്ലാസ്‌ കഴിഞ്ഞ്‌ ഞാൻ അവരോ​ടൊ​പ്പം സമയം ചെലവ​ഴി​ക്കാ​റില്ല. അവരെ ഞാൻ സഹപാ​ഠി​ക​ളാ​യി​ട്ടാണ്‌ കാണു​ന്നത്‌, അല്ലാതെ അടുത്ത കൂട്ടു​കാ​രാ​യി​ട്ടല്ല.” അങ്ങനെ​യെ​ങ്കിൽ നിങ്ങൾ എന്ത്‌ പരിധി​കൾ വെക്കും? ആ ചോദ്യ​ത്തി​നുള്ള ഉത്തരം കണ്ടെത്താ​നാ​യി പുറ​കോ​ട്ടൊ​ന്നു ചിന്തി​ക്കാ​നാ​കും: സ്‌കൂ​ളിൽ പഠിച്ച സമയത്ത്‌ നിങ്ങൾ എന്ത്‌ പരിധി​ക​ളാണ്‌ വെച്ചി​രു​ന്നത്‌? അന്ന്‌ കുറച്ചു​കൂ​ടെ നന്നായി കാര്യങ്ങൾ ചെയ്യാ​മാ​യി​രു​ന്നെന്നു തോന്നു​ന്നെ​ങ്കിൽ ഇപ്പോൾ എന്തു മാറ്റം വരുത്താ​നാണ്‌ നിങ്ങൾ ആഗ്രഹി​ക്കു​ന്നത്‌? ‘ജ്ഞാനി​ക​ളു​ടെ​കൂ​ടെ നടക്കാ​നും’ യഹോ​വയെ ഇഷ്ടപ്പെ​ടാത്ത ആളുക​ളോ​ടൊ​പ്പ​മുള്ള സഹവാസം ഒഴിവാ​ക്കാ​നും തീരു​മാ​നി​ച്ചു​റ​യ്‌ക്കുക.d

18. ഏതു ചോദ്യ​ങ്ങൾ സ്വയം ചോദി​ക്കാ​നാ​കും? (ചിത്ര​വും കാണുക.)

¹⁸ ഇടയ്‌ക്കി​ടെ സ്വയം വിലയി​രു​ത്തുക. നിങ്ങ​ളോ​ടു​തന്നെ ഇങ്ങനെ ചോദി​ക്കാ​നാ​കും: ‘എന്റെ കൂടെ പഠിക്കു​ന്ന​വ​രോട്‌ ഞാൻ ഒരുപാട്‌ അടുക്കു​ന്നു​ണ്ടോ? ഞാൻ അവരെ​പ്പോ​ലെ സംസാ​രി​ക്കാ​നും ചിന്തി​ക്കാ​നും പെരു​മാ​റാ​നും തുടങ്ങി​യി​ട്ടു​ണ്ടോ? ഈ ചോദ്യ​ങ്ങൾക്കുള്ള എന്റെ ഉത്തരങ്ങ​ളോട്‌ യഹോവ യോജി​ക്കു​മോ?’ (സങ്കീ. 1:1) എന്തെങ്കി​ലും മാറ്റങ്ങൾ വരു​ത്തേ​ണ്ട​താ​യി നിങ്ങൾക്കു തോന്നു​ന്നെ​ങ്കിൽ പെട്ടെ​ന്നു​തന്നെ പ്രവർത്തി​ക്കുക. നിങ്ങ​ളെ​പ്പോ​ലെ​തന്നെ യഹോ​വയെ സ്‌നേ​ഹി​ക്കു​ന്ന​വരെ മാത്രം അടുത്ത കൂട്ടു​കാ​രാ​ക്കുക. അതു​പോ​ലെ ക്ലാസി​ലു​ള്ള​വ​രോട്‌ സാക്ഷീ​ക​രി​ക്കാ​നും മടിക്ക​രുത്‌. കാരണം അവരെ സത്യം അറിയി​ക്കാ​നുള്ള ഒരു പ്രത്യേക അവസരം നിങ്ങൾക്കുണ്ട്‌.

തയ്യാറാ​യി​രി​ക്കുക

19. കൂടു​ത​ലായ വിദ്യാ​ഭ്യാ​സം നേടു​മ്പോൾ ആത്മീയ അപകട​ത്തി​ലേക്കു പോകാ​തി​രി​ക്കാൻ നിങ്ങൾക്ക്‌ എങ്ങനെ തയ്യാ​റെ​ടു​ക്കാം? ഒരു ദൃഷ്ടാന്തം പറയുക.

¹⁹ മല കയറാൻ പോകുന്ന ഒരാ​ളെ​ക്കു​റിച്ച്‌ ചിന്തി​ക്കുക. അദ്ദേഹം ആ യാത്ര തുടങ്ങു​ന്ന​തി​നു മുമ്പ്‌ അതിനു​വേണ്ടി നന്നായി തയ്യാ​റെ​ടു​ക്കും. ഉണ്ടാകാൻ സാധ്യ​ത​യുള്ള എല്ലാ പ്രശ്‌ന​ങ്ങ​ളും അദ്ദേഹ​ത്തി​നു മുൻകൂ​ട്ടി കാണാൻ കഴിയി​ല്ലെ​ങ്കി​ലും തനിക്ക്‌ നല്ല ആരോ​ഗ്യം ഉണ്ടെന്നും ആ യാത്ര​യ്‌ക്കു വേണ്ട തരത്തി​ലുള്ള വസ്‌ത്രങ്ങൾ ഉണ്ടെന്നും അദ്ദേഹം ഉറപ്പു വരുത്തും. ഇനി, ലക്ഷ്യസ്ഥാ​ന​ത്തെ​ക്കു​റിച്ച്‌ അദ്ദേഹ​ത്തിന്‌ വ്യക്തമായ പ്ലാനും ഉണ്ടായി​രി​ക്കും. കൂടു​ത​ലായ വിദ്യാ​ഭ്യാ​സം നേടു​മ്പോൾ നിങ്ങൾക്കും ഇതുതന്നെ ചെയ്യാ​നാ​കും. വിശ്വാ​സ​ത്തിൽ ശക്തരാ​യി​രി​ക്കുക. ദൈവ​ത്തിൽനി​ന്നുള്ള “സമ്പൂർണ​പ​ട​ക്കോപ്പ്‌” ധരിക്കുക. ഇനി, വ്യക്തമായ ലക്ഷ്യവും ഉണ്ടായി​രി​ക്കണം. ആ ലക്ഷ്യം, ലോകം “വിജയം” എന്നു പറയുന്ന കാര്യ​ങ്ങൾക്കു പിന്നാലെ പോകു​ന്നതല്ല പകരം എല്ലാ കാര്യ​ങ്ങ​ളി​ലും യഹോ​വ​യ്‌ക്കു മഹത്ത്വം കൊടു​ക്കുക എന്നതാ​യി​രി​ക്കണം.—എഫെ. 6:11-13; 1 കൊരി. 9:26, 27; 10:31.

20. ‘നിങ്ങൾ വിശ്വാ​സ​ത്തിൽത്ത​ന്നെ​യാ​ണോ എന്നു പരി​ശോ​ധി​ച്ചു​കൊ​ണ്ടി​രി​ക്കാൻ’ എന്തു ചെയ്യാ​നാ​കും?

²⁰ ബൈബിൾ നമ്മളോട്‌ ഇങ്ങനെ പറയുന്നു: “നിങ്ങൾ വിശ്വാ​സ​ത്തിൽത്ത​ന്നെ​യാ​ണോ എന്നു പരി​ശോ​ധി​ച്ചു​കൊ​ണ്ടി​രി​ക്കണം. നിങ്ങൾ എങ്ങനെ​യു​ള്ള​വ​രാ​ണെന്ന്‌ എപ്പോ​ഴും പരീക്ഷിച്ച്‌ ഉറപ്പു​വ​രു​ത്തുക.” (2 കൊരി. 13:5) കൂടു​ത​ലായ വിദ്യാ​ഭ്യാ​സം നേടു​മ്പോൾ നിങ്ങൾക്ക്‌ ഇതു ചെയ്യാ​നാ​കും. എങ്ങനെ? പിൻവ​രുന്ന കാര്യ​ങ്ങ​ളിൽ നിങ്ങൾ എങ്ങനെ​യു​ണ്ടെന്നു പതിവാ​യി വിലയി​രു​ത്തുക: നിങ്ങൾക്കു നല്ലൊരു ആത്മീയ​ദി​ന​ചര്യ ഉണ്ടോ? ലോകം ജ്ഞാന​മെന്ന്‌ വിളി​ക്കുന്ന കാര്യ​ങ്ങ​ളിൽനിന്ന്‌ നിങ്ങളു​ടെ ചിന്തകളെ സംരക്ഷി​ക്കാ​നാ​കു​ന്നു​ണ്ടോ? നിങ്ങൾ സമയം നന്നായി ഉപയോ​ഗി​ക്കു​ന്നു​ണ്ടോ? നിങ്ങൾ മോശ​മായ സഹവാസം ഒഴിവാ​ക്കു​ക​യും സഹോ​ദ​ര​ങ്ങളെ അടുത്ത കൂട്ടു​കാ​രാ​ക്കു​ക​യും ചെയ്യു​ന്നു​ണ്ടോ? സ്‌കൂ​ളി​ലാ​ണെ​ങ്കി​ലും ജോലി​സ്ഥ​ല​ത്താ​ണെ​ങ്കി​ലും മറ്റെവി​ടെ​യാ​ണെ​ങ്കി​ലും ഒരു ക്രിസ്‌ത്യാ​നി സ്വയം ചോദി​ക്കേണ്ട ചോദ്യ​ങ്ങ​ളാണ്‌ ഇതെല്ലാം. നിങ്ങളു​ടെ സാഹച​ര്യം എന്തു തന്നെയാ​ണെ​ങ്കി​ലും വിശ്വാ​സ​ത്തിൽ ശക്തരാ​യി​രി​ക്കു​മെന്ന്‌ ഉറച്ച തീരു​മാ​ന​മെ​ടു​ക്കുക. അപ്പോൾ നിങ്ങളു​ടെ ശ്രമങ്ങളെ യഹോവ അനു​ഗ്ര​ഹി​ക്കു​മെന്ന്‌ ഉറപ്പാണ്‌.—സുഭാ. 3:5, 6.