കൂടു​ത​ലായ വിദ്യാ​ഭ്യാ​സ​വു​മാ​യി ബന്ധപ്പെട്ട്‌ നല്ല തീരു​മാ​ന​ങ്ങ​ളെ​ടു​ക്കുക

1-2. (എ) ചെറു​പ്പ​ക്കാർക്ക്‌ ഏതൊക്കെ തീരു​മാ​ന​ങ്ങ​ളെ​ടു​ക്കേ​ണ്ടി​വ​രും? (ബി) “കൂടു​ത​ലായ വിദ്യാ​ഭ്യാ​സം” എന്നതു​കൊണ്ട്‌ എന്താണ്‌ ഉദ്ദേശി​ക്കു​ന്നത്‌? (“പദപ്ര​യോ​ഗ​ത്തി​ന്റെ വിശദീ​ക​രണം” കാണുക.)

ചെറു​പ്പ​ക്കാ​രേ, ഈ ചോദ്യം നിങ്ങൾ പല തവണ കേട്ടി​ട്ടു​ണ്ടാ​കും: “വലുതാ​കു​മ്പോൾ ഏതു ജോലി ചെയ്യാ​നാണ്‌ നിങ്ങൾക്ക്‌ ഇഷ്ടം?” യഹോ​വയെ മുഴു​സ​മയം സേവി​ക്കാൻ ജീവിതം വിട്ടു​കൊ​ടു​ക്കു​ന്ന​താ​ണു നിങ്ങൾക്ക്‌ എടുക്കാൻ പറ്റുന്ന ഏറ്റവും നല്ല തീരു​മാ​നം. എങ്കിലും നിങ്ങളു​ടെ ആവശ്യ​ങ്ങ​ളെ​ല്ലാം നടന്നു​പോ​കാൻ ഒരു ജോലി​യും പണവു​മൊ​ക്കെ ആവശ്യ​മാണ്‌. (2 തെസ്സ. 3:10) അതു​കൊ​ണ്ടു​തന്നെ ഭാവി​യിൽ ഏതു ജോലി ചെയ്യണ​മെ​ന്ന​തി​നെ​ക്കു​റിച്ച്‌ നിങ്ങൾ ചിന്തി​ച്ചി​ട്ടു​ണ്ടാ​കും.

² അങ്ങനെ​യൊ​രു നല്ല ജോലി കണ്ടെത്താൻ പല ചെറു​പ്പ​ക്കാ​രും മാതാ​പി​താ​ക്ക​ളു​മാ​യി ആലോ​ചി​ച്ച​ശേഷം അടിസ്ഥാ​ന​വി​ദ്യാ​ഭ്യാ​സം കഴിഞ്ഞ്‌ കൂടു​ത​ലായ വിദ്യാ​ഭ്യാ​സ​ത്തി​നു പോകാൻ തീരു​മാ​നി​ച്ചി​രി​ക്കു​ന്നു.a നിങ്ങൾക്കും അങ്ങനെ​യൊ​രു പ്ലാനു​ണ്ടോ? ഉണ്ടെങ്കിൽ ഏതു കോഴ്‌സാ​യി​രി​ക്കും നിങ്ങൾ തിര​ഞ്ഞെ​ടു​ക്കു​ന്നത്‌? വിദ്യാ​ഭ്യാ​സ​വു​മാ​യി ബന്ധപ്പെട്ട നല്ല തീരു​മാ​ന​ങ്ങ​ളെ​ടു​ക്കാൻ സഹായി​ക്കുന്ന ബൈബിൾത​ത്ത്വ​ങ്ങൾ ഈ ലേഖന​ത്തിൽ നമ്മൾ കണ്ടെത്തും. ഈ ലേഖനം പ്രധാ​ന​മാ​യും ചെറു​പ്പ​ക്കാർക്കു​വേണ്ടി ഉള്ളതാ​ണെ​ങ്കി​ലും ഇതിലെ തത്ത്വങ്ങൾ കൂടു​ത​ലായ വിദ്യാ​ഭ്യാ​സം നേടാൻ ആഗ്രഹി​ക്കുന്ന ഏതൊരു ക്രിസ്‌ത്യാ​നി​ക്കും പ്രയോ​ജനം ചെയ്യും. അതു​പോ​ലെ കുട്ടി​കളെ സഹായി​ക്കാൻ മാതാ​പി​താ​ക്കൾക്കും ഈ തത്ത്വങ്ങൾ ഉപകാ​ര​പ്പെ​ടും.

നിങ്ങൾ കൂടു​ത​ലായ വിദ്യാ​ഭ്യാ​സം നേടണോ?

3. കൂടു​ത​ലായ വിദ്യാ​ഭ്യാ​സം നേടാൻ ചില ക്രിസ്‌ത്യാ​നി​കൾ തീരു​മാ​നി​ച്ചേ​ക്കാ​വു​ന്നത്‌ എന്തു​കൊണ്ട്‌?

³ ചില സ്ഥലങ്ങളിൽ കൂടു​ത​ലായ വിദ്യാ​ഭ്യാ​സം ഇല്ലാ​തെ​തന്നെ ഒരു ജോലി കണ്ടെത്താൻ പറ്റി​യേ​ക്കും. എന്നാൽ മറ്റു ചില സ്ഥലങ്ങളിൽ അത്യാ​വ​ശ്യം ശമ്പളം കിട്ടുന്ന, അധിക​സ​മയം ചെലവ​ഴി​ക്കേ​ണ്ടാത്ത ഒരു ജോലി കണ്ടെത്താൻ കൂടു​ത​ലായ വിദ്യാ​ഭ്യാ​സം വേണ്ടി​വ​ന്നേ​ക്കാം. ഒരു ക്രിസ്‌ത്യാ​നി​യെ സംബന്ധിച്ച്‌ അങ്ങനെ​യൊ​രു ജോലി കിട്ടി​യാൽ പ്രസം​ഗ​പ്ര​വർത്ത​ത്തി​ലോ മറ്റ്‌ ദിവ്യാ​ധി​പ​ത്യ​പ്ര​വർത്ത​ന​ങ്ങ​ളി​ലോ കൂടുതൽ ചെയ്യാൻ അദ്ദേഹത്തിനുb കഴി​ഞ്ഞേ​ക്കും. എങ്കിലും കൂടു​ത​ലായ വിദ്യാ​ഭ്യാ​സ​ത്തിന്‌ അതി​ന്റേ​തായ പ്രശ്‌ന​ങ്ങ​ളും വെല്ലു​വി​ളി​ക​ളും ഉണ്ട്‌.

4. ഒരു ക്രിസ്‌ത്യാ​നി കൂടു​ത​ലായ വിദ്യാ​ഭ്യാ​സം നേടണോ എന്ന കാര്യ​ത്തിൽ ആരാണു തീരു​മാ​ന​മെ​ടു​ക്കേ​ണ്ടത്‌? (അടിക്കു​റി​പ്പും കാണുക.)

⁴ ഓരോ​രു​ത്ത​രും ‘സ്വന്തം ചുമടു ചുമക്കണം’ എന്നാണു ബൈബിൾ പറയു​ന്നത്‌. (ഗലാ. 6:5) അതു​കൊണ്ട്‌ കൂടു​ത​ലായ വിദ്യാ​ഭ്യാ​സം നേടണോ എന്ന്‌ പ്രായ​പൂർത്തി​യായ ഓരോ ക്രിസ്‌ത്യാ​നി​യു​മാണ്‌ തീരു​മാ​നി​ക്കേ​ണ്ടത്‌.c കുട്ടി​ക​ളു​ടെ വിദ്യാ​ഭ്യാ​സ​ത്തി​ന്റെ കാര്യ​ത്തിൽ മാതാ​പി​താ​ക്കൾക്കും ഉത്തരവാ​ദി​ത്വ​മുണ്ട്‌. (എഫെ. 6:1) മാതാ​പി​താ​ക്കൾ ഇക്കാര്യ​ത്തിൽ കുട്ടി​കളെ സഹായി​ക്കു​ന്നെ​ങ്കിൽ, മക്കൾ വളർന്ന്‌ കഴിയു​മ്പോൾ അവർക്കു നല്ല തീരു​മാ​ന​മെ​ടു​ക്കാൻ കഴിയും.—സുഭാ. 22:6.

5. കൂടു​ത​ലായ വിദ്യാ​ഭ്യാ​സ​ത്തെ​ക്കു​റിച്ച്‌ ഒരു വ്യക്തി ചിന്തിച്ച്‌ തുട​ങ്ങേ​ണ്ടത്‌ എപ്പോൾ, എന്തു​കൊണ്ട്‌? (ചിത്ര​വും കാണുക.)

⁵ ചെറു​പ്പ​ക്കാർ തങ്ങളുടെ അടിസ്ഥാ​ന​വി​ദ്യാ​ഭ്യാ​സം തീരു​ന്ന​തി​നു മുമ്പു​തന്നെ, കൂടു​ത​ലായ വിദ്യാ​ഭ്യാ​സം വേണോ എന്ന കാര്യ​ത്തിൽ ചില​പ്പോൾ തീരു​മാ​ന​മെ​ടു​ത്തേ​ക്കാം. അങ്ങനെ​യൊ​രു തീരു​മാ​ന​മെ​ടു​ക്കു​ന്ന​തി​നു മുമ്പ്‌ അവർ മാതാ​പി​താ​ക്ക​ളു​മാ​യി സംസാ​രി​ക്കു​ന്നതു നല്ലതാണ്‌. അപ്പോൾ വ്യത്യസ്‌ത കോഴ്‌സു​ക​ളെ​ക്കു​റിച്ച്‌ ഒരുമി​ച്ചി​രുന്ന്‌ ചിന്തി​ക്കാൻ അവർക്കു കഴിയും. ഇനി ഭാവി​യിൽ തിര​ഞ്ഞെ​ടു​ക്കാൻ ആഗ്രഹി​ക്കുന്ന കോഴ്‌സി​നോ​ടോ ജോലി​യോ​ടോ ബന്ധപ്പെട്ട പഠനവി​ഷ​യങ്ങൾ സ്‌കൂ​ളിൽവെ​ച്ചു​തന്നെ തിര​ഞ്ഞെ​ടു​ക്കാ​നു​മാ​യേ​ക്കും. എന്നാൽ എപ്പോ​ഴും അടിസ്ഥാ​ന​വി​ദ്യാ​ഭ്യാ​സം തീരു​ന്ന​തി​നു മുമ്പു​തന്നെ ഇക്കാര്യ​ത്തിൽ ഒരു തീരു​മാ​ന​മെ​ടു​ക്കണം എന്നുണ്ടോ? അങ്ങനെ ഇല്ല. (സുഭാ. 21:5) ചില ചെറു​പ്പ​ക്കാർ അടിസ്ഥാ​ന​വി​ദ്യാ​ഭ്യാ​സം കഴിഞ്ഞ്‌ ഒരു ജോലി കണ്ടെത്തി, മുൻനി​ര​സേ​വനം ഒക്കെ തുടങ്ങി​യിട്ട്‌ കൂടു​ത​ലായ വിദ്യാ​ഭ്യാ​സം വേണോ എന്ന കാര്യ​ത്തിൽ തീരു​മാ​ന​മെ​ടു​ത്തി​ട്ടുണ്ട്‌. ഇനി മറ്റു ചിലർ കുറെ കാലം കഴിഞ്ഞാ​യി​രി​ക്കും അതെക്കു​റിച്ച്‌ ചിന്തി​ക്കു​ന്നത്‌.

6. കൂടു​ത​ലായ വിദ്യാ​ഭ്യാ​സ​ത്തി​ന്റെ കാര്യ​ത്തിൽ നല്ല തീരു​മാ​ന​മെ​ടു​ക്കാൻ നമ്മളെ എന്തു സഹായി​ക്കും?

⁶ കൂടു​ത​ലായ വിദ്യാ​ഭ്യാ​സ​ത്തോ​ടു ബന്ധപ്പെട്ട്‌ നല്ല തീരു​മാ​ന​മെ​ടു​ക്കാൻ നിങ്ങൾക്ക്‌ എങ്ങനെ കഴിയും? അതെക്കു​റിച്ച്‌ പ്രാർഥി​ക്കുക. (യാക്കോ. 1:5) ഒപ്പം രണ്ടു കാര്യ​ങ്ങ​ളും കൂടി ചെയ്യാം. ഒന്ന്‌, നിങ്ങൾ വിദ്യാ​ഭ്യാ​സം നേടു​ന്ന​തി​ന്റെ ഉദ്ദേശ്യം സത്യസ​ന്ധ​മാ​യി വിലയി​രു​ത്തുക. (സങ്കീ. 26:2) രണ്ട്‌, നേടാൻപോ​കുന്ന വിദ്യാ​ഭ്യാ​സ​ത്തെ​ക്കു​റിച്ച്‌ നന്നായി മനസ്സി​ലാ​ക്കുക. (സുഭാ. 14:15) നമുക്ക്‌ ഇത്‌ ഓരോ​ന്നാ​യി നോക്കാം.

നിങ്ങളു​ടെ ഉദ്ദേശ്യം വിലയി​രു​ത്തു​ക

7. കൂടു​ത​ലായ വിദ്യാ​ഭ്യാ​സം നേടാൻ ആഗ്രഹി​ക്കുന്ന ഒരു ക്രിസ്‌ത്യാ​നി ഏതു കാര്യ​ത്തെ​ക്കു​റിച്ച്‌ ചിന്തി​ക്കണം?

⁷ കൂടു​ത​ലായ വിദ്യാ​ഭ്യാ​സം നേടാൻ ആഗ്രഹി​ക്കുന്ന ഒരാളാ​ണോ നിങ്ങൾ? എങ്കിൽ സ്വയം ഇങ്ങനെ ചോദി​ക്കേ​ണ്ടതു പ്രധാ​ന​മാണ്‌: ‘ഞാൻ എന്തിനാണ്‌ ഈ വിദ്യാ​ഭ്യാ​സം നേടു​ന്നത്‌?’ പലരും കൂടു​ത​ലായ വിദ്യാ​ഭ്യാ​സം നേടു​ന്നത്‌ അവർക്ക്‌ ഇഷ്ടമുള്ള ഒരു ജോലി ചെയ്യാ​നോ നല്ല ശമ്പളം കിട്ടാ​നോ വേണ്ടി​യാണ്‌. ഈ ചിന്ത തെറ്റാ​ണോ? അങ്ങനെ​യാ​ക​ണ​മെ​ന്നില്ല. (1 തിമൊ. 5:8) എന്നാൽ ഈ വ്യവസ്ഥി​തി​യിൽ പണത്തിനു പിന്നാലെ പോകു​ന്ന​തി​ന്റെ​യും അതു നമ്മളെ സംരക്ഷി​ക്കു​മെന്നു ചിന്തി​ക്കു​ന്ന​തി​ന്റെ​യും അപകട​ങ്ങ​ളെ​ക്കു​റിച്ച്‌ ബൈബിൾ മുന്നറി​യിപ്പ്‌ തരുന്നുണ്ട്‌. (സുഭാ. 23:4, 5; 1 തിമൊ. 6:8-10; 1 യോഹ. 2:17) നിങ്ങളു​ടെ ഉദ്ദേശ്യം സമ്പത്തു നേടു​ന്ന​തോ സമൂഹ​ത്തിൽ ഒരു പേരു​ണ്ടാ​ക്കു​ന്ന​തോ ആണെങ്കിൽ ശരിക്കുള്ള സന്തോഷം ഉണ്ടാകി​ല്ലെന്നു മാത്രമല്ല നിങ്ങൾ യഹോ​വ​യിൽനിന്ന്‌ അകന്നു​പോ​കാ​നും സാധ്യ​ത​യുണ്ട്‌.

8-9. (എ) ക്രിസ്‌ത്യാ​നി​കൾ വിദ്യാ​ഭ്യാ​സത്തെ എങ്ങനെ കാണണം? (മത്തായി 6:33) (ബി) ജോസ​ഫീന, മൊറീൻ, ഐറിസ്‌ എന്നിവ​രു​ടെ അഭി​പ്രാ​യ​ങ്ങ​ളിൽനിന്ന്‌ നിങ്ങൾ എന്താണു പഠിച്ചത്‌?

⁸ യഹോ​വയെ സേവി​ക്കു​ന്ന​തി​നെ​ക്കാൾ പ്രധാ​ന​പ്പെ​ട്ട​താ​യി നമ്മുടെ ജീവി​ത​ത്തിൽ ഒന്നുമില്ല. (മത്താ. 22:37, 38; ഫിലി. 3:8) എങ്കിൽ നിങ്ങൾ വിദ്യാ​ഭ്യാ​സത്തെ എങ്ങനെ​യാ​ണു കാണേ​ണ്ടത്‌? യഹോ​വയെ നമുക്കു മുഴു​ഹൃ​ദ​യ​ത്തോ​ടെ സേവി​ക്കാൻ പറ്റണം; അതിനു നിങ്ങളെ പിന്തു​ണ​യ്‌ക്കാൻ സഹായി​ക്കുന്ന ഒരു മാർഗ​മാ​യി​ട്ടാണ്‌ വിദ്യാ​ഭ്യാ​സത്തെ കാണേ​ണ്ടത്‌.—മത്തായി 6:33 വായി​ക്കുക.

⁹ കൂടു​ത​ലായ വിദ്യാ​ഭ്യാ​സ​ത്തെ​ക്കു​റിച്ച്‌ ശരിയായ ഒരു വീക്ഷണ​മു​ണ്ടാ​യി​രി​ക്കാൻ ചില ചെറു​പ്പ​ക്കാ​രെ എന്താണു സഹായി​ച്ചി​രി​ക്കു​ന്നത്‌? ചിലി​യിൽനി​ന്നുള്ള ജോസ​ഫീന പറയുന്നു: “യഹോ​വയെ പരമാ​വധി സേവി​ക്കാ​നുള്ള ഒരു സഹായ​മാ​യി​ട്ടാ​ണു ഞാൻ വിദ്യാ​ഭ്യാ​സത്തെ കണ്ടത്‌. പഠനത്തി​നല്ല ഞാൻ ജീവി​ത​ത്തിൽ ഒന്നാം സ്ഥാനം കൊടു​ത്തത്‌, യഹോ​വ​യു​മാ​യുള്ള സൗഹൃ​ദ​ത്തി​നാണ്‌.” ഇനി മൊറീൻ സഹോ​ദരി, മുടി​വെ​ട്ടാ​നും അതു സ്റ്റൈൽ ചെയ്യാ​നും പഠിപ്പി​ക്കുന്ന ഒരു വർഷത്തെ കോഴ്‌സാ​ണെ​ടു​ത്തത്‌. സഹോ​ദരി പറയുന്നു: “ആവശ്യം അധിക​മു​ള്ളി​ടത്ത്‌ പ്രവർത്തി​ക്കുക എന്നതാ​യി​രു​ന്നു എന്റെ ലക്ഷ്യം. അതിനു സഹായി​ക്കുന്ന ഒരു കോഴ്‌സാ​ണു ഞാൻ തിര​ഞ്ഞെ​ടു​ത്തത്‌. പഠനം കഴിഞ്ഞ്‌ ഞാൻ കുറച്ച്‌ നാൾ ജോലി ചെയ്‌തു. ആ കാശു​കൊണ്ട്‌ ആവശ്യം അധിക​മുള്ള സ്ഥലത്തേക്കു എനിക്കു പോകാ​നാ​യി. ഈ കോഴ്‌സ്‌ പഠിച്ച​തു​കൊണ്ട്‌ അവിടെ ചെന്ന​ശേ​ഷ​വും എനി​ക്കൊ​രു ജോലി കിട്ടി.” ഇനി ഐറിസ്‌ സഹോ​ദരി ദന്തഡോ​ക്ട​റാ​കാ​നുള്ള നീണ്ട കാലത്തെ ഒരു കോഴ്‌സാണ്‌ പഠിച്ചത്‌. സഹോ​ദരി പറയുന്നു: “കൂടു​ത​ലായ വിദ്യാ​ഭ്യാ​സ​ത്തി​നു ചില പ്രയോ​ജ​നങ്ങൾ ഉണ്ടായി​രി​ക്കാം. പക്ഷേ, അതൊ​രി​ക്ക​ലും യഥാർഥ​വി​ജ​യ​വും സംതൃ​പ്‌തി​യും നിങ്ങൾക്കു തരില്ല. നിങ്ങൾ ഇത്രയും ചെയ്‌താൽ മതി, യഹോ​വയെ ജീവി​ത​ത്തിൽ ഒന്നാമതു വെക്കുക. അപ്പോൾ സംതൃ​പ്‌തി​യും വിജയ​വും താനേ​വ​രും.” അതെ, യഹോ​വ​യു​മാ​യുള്ള സൗഹൃ​ദ​ത്തി​നാണ്‌ ഏറ്റവും പ്രാധാ​ന്യം കൊടു​ക്കു​ന്ന​തെ​ങ്കിൽ നിലനിൽക്കുന്ന സന്തോഷം തരുന്ന തീരു​മാ​നങ്ങൾ നമ്മൾ എടുക്കും.

നേടാൻ ആഗ്രഹി​ക്കുന്ന വിദ്യാ​ഭ്യാ​സം വിലയി​രു​ത്തു​ക

10. കൂടു​ത​ലായ വിദ്യാ​ഭ്യാ​സ​ത്തോ​ടു ബന്ധപ്പെട്ട ഒരു തീരു​മാ​നം എടു​ക്കേ​ണ്ടി​വ​രു​മ്പോൾ ആവർത്തനം 32:29-ലെ തത്ത്വം നിങ്ങളെ എങ്ങനെ സഹായി​ക്കും?

¹⁰ ഇപ്പോൾ നിങ്ങളു​ടെ മനസ്സിൽ എടുക്കാൻ ആഗ്രഹി​ക്കുന്ന ഒരു കോഴ്‌സ്‌ ഉണ്ടായി​രി​ക്കാം. എന്നാൽ അതെക്കു​റിച്ച്‌ മാത്രം ചിന്തി​ക്കാ​തെ മറ്റു സാധ്യ​ത​ക​ളെ​ക്കു​റി​ച്ചും ചിന്തി​ക്കാ​നാ​യേ​ക്കും. അതു നിങ്ങൾ ഇപ്പോൾത്തന്നെ ആഗ്രഹി​ക്കുന്ന മേഖല​യി​ലോ അല്ലെങ്കിൽ മറ്റൊരു മേഖല​യി​ലോ ഉള്ളതാ​യി​രി​ക്കാം. (സുഭാ​ഷി​തങ്ങൾ 18:17 താരത​മ്യം ചെയ്യുക.) ഓൺലൈൻ കോഴ്‌സു​കൾപോ​ലെ മുമ്പി​ല്ലാ​തി​രുന്ന പല പുതിയ അവസര​ങ്ങ​ളും ഇപ്പോൾ നിങ്ങളു​ടെ മുന്നി​ലുണ്ട്‌. ഇനി കൂടു​ത​ലായ വിദ്യാ​ഭ്യാ​സ​ത്തി​നു പോകാ​തെ​തന്നെ സ്വന്തം ചെലവു​കൾക്കു വേണ്ടത്‌ കണ്ടെത്താ​നാ​കു​മോ എന്നു ചിന്തി​ക്കാ​നും മറന്നു​പോ​ക​രുത്‌. ഉദാഹ​ര​ണ​ത്തിന്‌, ഫിൻലൻഡിൽനി​ന്നുള്ള ജൊഹാന കൂടു​ത​ലായ വിദ്യാ​ഭ്യാ​സ​ത്തി​നു പോ​കേണ്ടാ എന്നു തീരു​മാ​നി​ച്ചു. സഹോ​ദരി പറയുന്നു: “സ്‌കൂൾപ​ഠ​ന​ത്തി​നു ശേഷം പാർട്ട്‌-ടൈം ജോലി​യും മുൻനി​ര​സേ​വ​ന​വും ഞാൻ ഒരുമിച്ച്‌ ചെയ്യാൻതു​ടങ്ങി. ഞാൻ പല തരത്തി​ലുള്ള ജോലി​കൾ ചെയ്‌തു. അപ്പോൾ, നമുക്കു​വേണ്ടി കരുതു​മെന്ന തന്റെ വാക്ക്‌ യഹോവ പാലി​ക്കു​ന്നതു ഞാൻ ശരിക്കും കണ്ടറിഞ്ഞു.” കൂടു​ത​ലായ വിദ്യാ​ഭ്യാ​സ​ത്തി​നു പോക​ണോ, ഇനി പോകു​ന്നു​ണ്ടെ​ങ്കിൽത്തന്നെ ഏതു തിര​ഞ്ഞെ​ടു​ക്കണം എന്നിങ്ങ​നെ​യുള്ള എല്ലാ തീരു​മാ​ന​ങ്ങൾക്കും ഗുണവും ദോഷ​വും ഉണ്ട്‌. അതു​കൊണ്ട്‌ തീരു​മാ​ന​മെ​ടു​ക്കു​ന്ന​തി​നു മുമ്പ്‌ സ്വയം ചോദി​ക്കുക: ‘അതിന്റെ ഗുണവും ദോഷ​വും ഒന്നു വിലയി​രു​ത്തി​യാൽ, ഏതാണു മുന്നിൽ നിൽക്കു​ന്നത്‌?’ (ആവർത്തനം 32:29 വായി​ക്കുക; 1 കൊരി. 10:23) അതിന്‌ ഉത്തരം കണ്ടെത്താൻ നിങ്ങളെ സഹായി​ക്കുന്ന ചില കാര്യങ്ങൾ നോക്കാം.

11. പഠനത്തി​നാ​യി ആഴ്‌ച​യിൽ ചെലവ​ഴി​ക്കേ​ണ്ടി​വ​രുന്ന സമയ​ത്തെ​ക്കു​റിച്ച്‌ ചിന്തി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹¹ ചെലവ​ഴി​ക്കേ​ണ്ടി​വ​രുന്ന സമയം. ക്ലാസിൽ പോകാ​നും പഠിക്കാ​നും ഹോം​വർക്ക്‌ ചെയ്യാ​നും ഒക്കെയാ​യി ഓരോ ദിവസ​വും എത്ര മണിക്കൂ​റു​കൾ ചെലവ​ഴി​ക്കേ​ണ്ടി​വ​രു​മെന്നു ചിന്തി​ക്കുക. അതിനു ശേഷവും ആത്മീയ​കാ​ര്യ​ങ്ങൾക്കാ​യും കുടും​ബ​ത്തി​ലെ നിങ്ങളു​ടെ ഉത്തരവാ​ദി​ത്വ​ങ്ങൾക്കാ​യും സമയം ബാക്കി​യു​ണ്ടാ​കു​മോ? (ഫിലി. 1:10) മീറ്റി​ങ്ങി​നു തയ്യാറാ​കാ​നോ വ്യക്തി​പ​ര​മാ​യി പഠിക്കാ​നോ പറ്റാത്ത അത്രയും നിങ്ങൾ മടുത്തു​പോ​കു​മോ? ഇന്ത്യയിൽനി​ന്നുള്ള ജെറോ​സിന്‌ അതാണു സംഭവി​ച്ചത്‌. അവൻ പറയുന്നു: “ആത്മീയ​കാ​ര്യ​ങ്ങ​ളിൽ ശ്രദ്ധി​ക്കാൻ എനിക്കു വളരെ ബുദ്ധി​മുട്ട്‌ തോന്നി. ചില​പ്പോ​ഴൊ​ക്കെ ഞാൻ മീറ്റി​ങ്ങു​കൾ മുടക്കി. ആ കോഴ്‌സി​നു​വേണ്ടി ഞാൻ അത്രയും സമയവും ഊർജ​വും കളയേ​ണ്ടി​യി​രു​ന്നില്ല എന്ന്‌ എനിക്ക്‌ ഇപ്പോൾ തോന്നു​ന്നു.” എന്നാൽ ചില കോഴ്‌സു​കൾക്ക്‌ ഇത്രയും സമയം ആവശ്യ​മാ​യി വരില്ല. അത്‌ ആഴ്‌ച​യിൽ കുറച്ചു ദിവസങ്ങൾ മാത്ര​മു​ള്ള​തോ അധികം ഹോം​വർക്കി​ല്ലാ​ത്ത​തോ ആയിരി​ക്കാം. അങ്ങനെ​യൊ​രു കോഴ്‌സ്‌ തിര​ഞ്ഞെ​ടുത്ത മൊസാ​മ്പി​ക്കിൽനി​ന്നുള്ള റിബേക്ക പറയുന്നു: “ദിവസ​ത്തിൽ രണ്ട്‌ മണിക്കൂ​റേ എനിക്ക്‌ ക്ലാസ്‌ ഉണ്ടായി​രു​ന്നു​ള്ളൂ. അതു​കൊണ്ട്‌ മുൻനി​ര​സേ​വനം തുടരാൻ എനിക്കു കഴിഞ്ഞു.”

12. വിദ്യാ​ഭ്യാ​സം തിര​ഞ്ഞെ​ടു​ക്കു​മ്പോൾ സമയം ഏറ്റവും നന്നായി ഉപയോ​ഗി​ക്കു​ന്നു​ണ്ടെന്ന്‌ ഒരു വ്യക്തിക്ക്‌ എങ്ങനെ ഉറപ്പാ​ക്കാം? (സഭാ​പ്ര​സം​ഗകൻ 12:1)

¹² കോഴ്‌സി​ന്റെ ദൈർഘ്യം. നിങ്ങൾ ഉദ്ദേശി​ക്കുന്ന കോഴ്‌സ്‌ പൂർത്തി​യാ​കാൻ എത്ര മാസം അല്ലെങ്കിൽ എത്ര വർഷം വേണ്ടി​വ​രും എന്നു ചിന്തി​ക്കുക. നിങ്ങൾ ഈ വിദ്യാ​ഭ്യാ​സം തിര​ഞ്ഞെ​ടു​ക്കു​ന്ന​തി​ലൂ​ടെ സമയം ഏറ്റവും നന്നായി ഉപയോ​ഗി​ക്കു​ക​യാ​യി​രി​ക്കു​മോ? (എഫെ. 5:15-17) ഈ തിര​ഞ്ഞെ​ടുപ്പ്‌ നടത്തി​യാൽ ചെറു​പ്പ​ത്തിൽത്തന്നെ യഹോ​വ​യ്‌ക്ക്‌ ഏറ്റവും നല്ലതു കൊടു​ക്കാൻ, ഒരുപക്ഷേ മുഴു​സ​മ​യ​സേ​വ​ന​ത്തി​ലേക്ക്‌ വരാൻ നിങ്ങൾക്കു കഴിയു​മോ? (സഭാ​പ്ര​സം​ഗകൻ 12:1 വായി​ക്കുക.) നിങ്ങൾക്ക്‌ ഇഷ്ടമുള്ള മേഖല​യിൽത്തന്നെ പഠിക്കാ​നാ​കുന്ന ഹ്രസ്വ​കാല കോഴ്‌സു​ക​ളു​ണ്ടോ? ഉദാഹ​ര​ണ​ത്തിന്‌, ചില തൊഴി​ല​ധി​ഷ്‌ഠിത കോഴ്‌സു​കൾ ഏതെങ്കി​ലു​മൊ​രു പ്രത്യേക വൈദ​ഗ്‌ധ്യം പഠിപ്പി​ക്കു​ന്ന​താ​യി​രി​ക്കും. അത്‌ യൂണി​വേ​ഴ്‌സി​റ്റി​യിൽ പഠിക്കു​ന്ന​തി​നെ​ക്കാൾ കുറഞ്ഞ ചെലവിൽ, കുറച്ച്‌ സമയം​കൊണ്ട്‌ പൂർത്തി​യാ​ക്കാ​നാ​യേ​ക്കും. ചിലി​യിൽനി​ന്നുള്ള മരിയോ പറയുന്നു: “ഞാൻ രണ്ടു വർഷത്തെ ഒരു ടെക്‌നി​ക്കൽ കോഴ്‌സാണ്‌ തിര​ഞ്ഞെ​ടു​ത്തത്‌. യൂണി​വേ​ഴ്‌സി​റ്റി കോഴ്‌സി​നെ​ക്കാൾ ചെലവ്‌ കുറവാ​യി​രു​ന്നു അതിന്‌. ആഴ്‌ച​യിൽ നാലു ദിവസമേ ക്ലാസ്‌ ഉണ്ടായി​രു​ന്നു​ള്ളൂ. അതു​കൊ​ണ്ടു​തന്നെ പഠിക്കു​ന്ന​തി​നോ​ടൊ​പ്പം എനിക്കു മുൻനി​ര​സേ​വനം ചെയ്യാ​നു​മാ​യി.”

13. വീട്ടിൽനിന്ന്‌ ഒരുപാട്‌ അകലെ​യാണ്‌ പഠിക്കു​ന്ന​തെ​ങ്കിൽ എന്തു സംഭവി​ച്ചേ​ക്കാം?

¹³ പഠിക്കുന്ന സ്ഥലം. ചില​പ്പോൾ നിങ്ങൾക്കു വീടിന്റെ അടുത്തു​തന്നെ ഒരു കോഴ്‌സ്‌ കണ്ടെത്താൻ പറ്റി​യേ​ക്കും. എന്നാൽ നിങ്ങളു​ടെ മനസ്സി​ലുള്ള കോഴ്‌സ്‌ ദൂരെ​യുള്ള ഒരു സ്ഥലത്താ​ണെ​ങ്കി​ലോ? അല്ലെങ്കിൽ നിങ്ങൾക്കു ഹോസ്റ്റ​ലിൽനിന്ന്‌ പഠി​ക്കേ​ണ്ടി​വ​രു​ന്നെ​ങ്കി​ലോ? ഓർക്കുക, വീട്ടിൽനിന്ന്‌ മാറി​ത്താ​മ​സി​ക്കു​ന്നത്‌ ഗുരു​ത​ര​മായ ആത്മീയ അപകടങ്ങൾ വരുത്തി​വെ​ച്ചേ​ക്കാം; പ്രത്യേ​കിച്ച്‌ വിശ്വാ​സ​ത്തിൽ ഇല്ലാത്ത​വ​രോട്‌ ഒപ്പമാണ്‌ താമസി​ക്കു​ന്ന​തെ​ങ്കിൽ. (സുഭാ. 22:3; 1 കൊരി. 15:33) മൊസാ​മ്പി​ക്കിൽനി​ന്നുള്ള മത്യാസ്‌, ഒരു വർഷത്തെ ചെലവ്‌ കുറഞ്ഞ ഒരു കോഴ്‌സാ​ണെ​ടു​ത്തത്‌. എന്നിട്ടും അതെക്കു​റിച്ച്‌ ഓർക്കു​മ്പോൾ അദ്ദേഹ​ത്തി​നു കുറ്റ​ബോ​ധം തോന്നു​ന്നു. അതിന്റെ കാരണം അദ്ദേഹം പറയുന്നു: “ആ ഒരു വർഷം മുഴുവൻ എനിക്ക്‌ ഹോസ്റ്റ​ലിൽത്തന്നെ ചെലവ​ഴി​ക്കേ​ണ്ടി​വന്നു. തെറ്റായ കാര്യങ്ങൾ ചെയ്യാ​നുള്ള പ്രലോ​ഭ​നങ്ങൾ എന്നും ഉണ്ടാകു​മാ​യി​രു​ന്നു. അതു​കൊണ്ട്‌ വീട്ടിൽനിന്ന്‌ പോയി​വ​രാ​വുന്ന ഒരു കോഴ്‌സ്‌ തിര​ഞ്ഞെ​ടു​ക്കാ​നേ ഞാൻ പറയൂ.” റഷ്യയിൽനി​ന്നുള്ള ഒരു സഹോ​ദരി ഇങ്ങനെ പറയുന്നു: “കോ​ളേജ്‌ ഹോസ്റ്റ​ലിൽ താമസി​ക്കാ​തെ കുടും​ബാം​ഗ​ങ്ങ​ളോ​ടൊ​പ്പം വീട്ടിൽത്തന്നെ നിന്നതു​കൊണ്ട്‌ പല അപകട​ങ്ങ​ളും പ്രലോ​ഭ​ന​ങ്ങ​ളും ഒഴിവാ​ക്കാൻ എനിക്കു പറ്റി.” ഇനി നിങ്ങൾക്ക്‌ ഒരു ഓൺലൈൻ കോഴ്‌സ്‌ കണ്ടെത്താ​നും പറ്റി​യേ​ക്കും.

14. കൂടു​ത​ലായ വിദ്യാ​ഭ്യാ​സ​ത്തെ​ക്കു​റിച്ച്‌ ചിന്തി​ക്കു​മ്പോൾ ലൂക്കോസ്‌ 14:28-ലെ തത്ത്വം നിങ്ങളെ എങ്ങനെ സഹായി​ക്കും?

¹⁴ ചെലവ്‌ കണക്കു​കൂ​ട്ടി നോക്കുക. ചില കോഴ്‌സു​കൾക്കു വലിയ പണച്ചെ​ല​വു​ണ്ടാ​കില്ല. അല്ലെങ്കിൽ ആ ചെലവ്‌ ഗവൺമെന്റ്‌ വഹി​ച്ചേ​ക്കാം. അത്തരം സാഹച​ര്യ​ങ്ങ​ളിൽ വലിയ പൈസ മുടക്കി​ല്ലാ​തെ, ഒരു ജോലി കണ്ടെത്തു​ന്ന​തിന്‌ ആവശ്യ​മായ അറിവും വൈദ​ഗ്‌ധ്യ​വും നേടാൻ നമുക്കു കഴി​ഞ്ഞേ​ക്കും. എന്നാൽ മറ്റു ചില കോഴ്‌സു​കൾ നല്ല പണച്ചെ​ല​വു​ള്ള​താ​യി​രി​ക്കാം. ഫീസിനു പുറമേ വേറെ ചെലവു​കൾ വരാനും സാധ്യ​ത​യുണ്ട്‌. ഉദാഹ​ര​ണ​ത്തിന്‌ അഡ്‌മി​ഷൻ കിട്ടാ​നുള്ള യോഗ്യത നേടു​ന്ന​തിന്‌, പുറത്ത്‌ പ്രൈ​വറ്റ്‌ ക്ലാസു​കൾക്കൊ​ക്കെ നമുക്കു പോ​കേ​ണ്ടി​വ​ന്നേ​ക്കാം. വലിയ പണച്ചെ​ല​വുള്ള കോഴ്‌സ്‌ പഠിച്ചിട്ട്‌ വർഷങ്ങ​ളോ​ളം കടബാ​ധ്യ​ത​യി​ലായ കുട്ടി​ക​ളുണ്ട്‌. മൊസാ​മ്പി​ക്കിൽനി​ന്നുള്ള അഡിൽസന്‌ താൻ തിര​ഞ്ഞെ​ടുത്ത കോഴ്‌സി​നെ​ക്കു​റിച്ച്‌ ഓർത്ത്‌ വിഷമം തോന്നു​ന്നു. അദ്ദേഹം പറയുന്നു: “എന്റെ കുടും​ബം ഭക്ഷണവും മറ്റ്‌ അവശ്യ​കാ​ര്യ​ങ്ങ​ളും വേണ്ടെന്നു വെച്ചി​ട്ടാണ്‌ നാലു വർഷത്തെ ആ കോഴ്‌സ്‌ എന്നെ പഠിപ്പി​ച്ചത്‌.” അതു​കൊണ്ട്‌ വിദ്യാ​ഭ്യാ​സ​ത്തി​ന്റെ കാര്യ​ത്തിൽ ഒരു തീരു​മാ​ന​മെ​ടു​ക്കു​മ്പോൾ സ്വയം ചോദി​ക്കുക: ‘ഇതിന്‌ എന്തു ചെലവ്‌ വരും? എനിക്കും എന്റെ കുടും​ബ​ത്തി​നും താങ്ങാൻ പറ്റുന്ന​താ​ണോ അത്‌? ഇതി​നെ​ക്കാൾ ചെലവ്‌ കുറഞ്ഞ മറ്റ്‌ ഓപ്‌ഷ​നു​ക​ളു​ണ്ടോ?’ ‘കടമെ​ടു​ത്താൽ എത്ര നാൾകൊണ്ട്‌ എനിക്ക്‌ അത്‌ അടച്ചു​തീർക്കാ​നാ​കും? ഭാവി​യിൽ കിട്ടാൻപോ​കുന്ന ജോലി​കൊണ്ട്‌ എന്റെ ആവശ്യങ്ങൾ നടത്താ​നും ഒപ്പം ലോൺ അടച്ചു​തീർക്കാ​നും എനിക്കു പറ്റുമോ?’—ലൂക്കോസ്‌ 14:28 വായി​ക്കുക; സുഭാ. 22:7.

15. വിദ്യാ​ഭ്യാ​സം തിര​ഞ്ഞെ​ടു​ക്കു​ന്ന​തി​നു മുമ്പ്‌ അതിന്റെ ജോലി സാധ്യ​ത​ക​ളെ​ക്കു​റിച്ച്‌ ചിന്തി​ക്കേ​ണ്ടത്‌ എന്തു​കൊണ്ട്‌?

¹⁵ ജോലി സാധ്യ​തകൾ. നിങ്ങൾ ഇപ്പോൾ താമസി​ക്കുന്ന സ്ഥലത്തെ​യോ താമസി​ക്കാൻ ആഗ്രഹി​ക്കുന്ന സ്ഥലത്തെ​യോ ജോലി സാധ്യ​ത​ക​ളെ​ക്കു​റിച്ച്‌ ചിന്തി​ക്കുക. ഈ വിദ്യാ​ഭ്യാ​സം ഒരു ജോലി കണ്ടെത്താൻ നിങ്ങളെ ശരിക്കും സഹായി​ക്കു​മോ? ചില കോഴ്‌സു​കൾ തിയറി​ക്കു മാത്ര​മാ​ണു പ്രാധാ​ന്യം കൊടു​ക്കു​ന്നത്‌. കുറെ വിവര​ങ്ങ​ളും ആശയങ്ങ​ളും പഠിപ്പി​ക്കു​ന്ന​ത​ല്ലാ​തെ ഒരു ജോലി​ക്കു​വേണ്ട കഴിവ്‌ വളർത്താൻ അതു വിദ്യാർഥി​കളെ അധികം സഹായി​ക്കു​ന്നില്ല. (കൊലോ. 2:8) ഇന്ത്യയിൽനി​ന്നുള്ള ഒരു സഹോ​ദരി പറയുന്നു: “ഞാൻ തിര​ഞ്ഞെ​ടുത്ത കോഴ്‌സ്‌ ഒരു ജോലിക്ക്‌ ആവശ്യ​മായ വൈദ​ഗ്‌ധ്യം വളർത്താൻ എന്നെ സഹായി​ച്ചില്ല. അതു​കൊ​ണ്ടു​തന്നെ പഠിച്ച​തി​നോ​ടു ബന്ധപ്പെട്ട ഒരു ജോലി കണ്ടെത്താ​നും എനിക്കു കഴിഞ്ഞില്ല.” ഇനി മറ്റു ചില വിദ്യാ​ഭ്യാ​സ​ത്തി​ന്റെ കാര്യ​ത്തിൽ ജോലി സാധ്യ​തകൾ കുറവാ​യി​രി​ക്കും. എ.സി നന്നാക്കാ​നുള്ള കോഴ്‌സാണ്‌ മധ്യാ​ഫ്രി​ക്കൻ റിപ്പബ്ലി​ക്കിൽനി​ന്നുള്ള സുബ്ലൈം പഠിച്ചത്‌. എന്നിട്ടും അവൻ പറയു​ന്നത്‌ ഇങ്ങനെ​യാണ്‌: “ഞാൻ താമസി​ക്കു​ന്നി​ടത്ത്‌ മിക്കവ​രും, ഒരു സാധനം കേടാ​യാൽ സ്വന്തമാ​യി​ട്ടാണ്‌ നന്നാക്കു​ന്നത്‌. അതു​കൊ​ണ്ടു​തന്നെ ജോലി കണ്ടെത്തു​ന്നത്‌ അത്ര എളുപ്പമല്ല.”

16. നിങ്ങളു​ടെ കോഴ്‌സിന്‌ ഏതു തരത്തി​ലുള്ള ജോലി കിട്ടാ​നാണ്‌ സാധ്യ​ത​യു​ള്ള​തെന്നു ചിന്തി​ക്കേ​ണ്ടത്‌ എന്തു​കൊണ്ട്‌?

¹⁶ ഏതു തരം ജോലി കിട്ടാ​നാ​ണു സാധ്യ​ത​യു​ള്ള​തെ​ന്നും ചിന്തി​ക്കുക. അതു നിങ്ങൾക്ക്‌ ആസ്വദി​ക്കാൻ പറ്റുന്ന​താ​യി​രി​ക്കു​മോ? (സഭാ. 3:12, 13) ജോലി​സ്ഥ​ലത്തെ സാഹച​ര്യ​ങ്ങൾ എങ്ങനെ​യാ​യി​രി​ക്കും? ആ ജോലി അപകടം പിടി​ച്ച​തോ മത്സരമ​നോ​ഭാ​വം നിറഞ്ഞ​തോ നിങ്ങൾക്കു വളരെ​യ​ധി​കം സമ്മർദം തരുന്ന​തോ ആയിരി​ക്കു​മോ? അത്തരം ജോലിക്ക്‌ സാധാരണ കിട്ടുന്ന ശമ്പളം എത്രയാണ്‌? നിങ്ങളു​ടെ ആവശ്യങ്ങൾ നടത്താൻ അതു മതിയാ​കു​മോ? ആ ജോലി നിലനി​റു​ത്തു​ന്ന​തി​നു നിങ്ങൾക്കു കൂടു​തൽക്കൂ​ടു​തൽ പഠി​ക്കേ​ണ്ടി​വ​രു​മോ? ഏറ്റവും പ്രധാ​ന​മാ​യി ആ ജോലി ചെയ്യു​മ്പോൾ ദൈവ​രാ​ജ്യം ഒന്നാമതു വെക്കാൻ നിങ്ങൾക്കു കഴിയു​മോ? (സഭാ. 12:13) ജോലി സാധ്യ​തകൾ കുറവാ​ണെ​ങ്കിൽ, നമുക്ക്‌ ഇഷ്ടപ്പെ​ടുന്ന ജോലി​തന്നെ എപ്പോ​ഴും കിട്ടണ​മെ​ന്നില്ല. എങ്കിലും ഒരു പരിധി​വരെ ഇപ്പോൾ നിങ്ങൾ തിര​ഞ്ഞെ​ടു​ക്കുന്ന വിദ്യാ​ഭ്യാ​സം ഭാവി​യിൽ നിങ്ങൾ ഏതു ജോലി ചെയ്യും എന്നതിനെ സ്വാധീ​നി​ച്ചേ​ക്കാം. ഇന്ത്യയിൽനി​ന്നുള്ള തബീഥ ആറു മാസത്തെ ഒരു തയ്യൽ കോഴ്‌സാ​ണു പഠിച്ചത്‌. സഹോ​ദരി പറയുന്നു: “ഒരു തയ്യൽക്കാ​രി ആയിക്ക​ഴി​ഞ്ഞാൽ മുൻനി​ര​സേ​വനം ചെയ്യാൻ എളുപ്പ​മാ​യി​രി​ക്കു​മെന്ന്‌ എനിക്ക്‌ തോന്നി. നല്ല ഡിമാൻഡു​ള്ള​തും നമുക്കു സമയം ക്രമീ​ക​രി​ക്കാ​വു​ന്ന​തും വലിയ മുതൽ മുടക്കി​ല്ലാ​ത്ത​തും ആയ ഒരു ജോലി​യാണ്‌ അത്‌.” മുൻനി​ര​സേ​വ​ന​ത്തി​നു​വേണ്ട പണം കണ്ടെത്താൻ ആ കോഴ്‌സ്‌ പഠിച്ച​തി​ലൂ​ടെ തബീഥ​യ്‌ക്കു കഴിയു​ന്നു.

17. (എ) ഒരു കോഴ്‌സു​മാ​യി ബന്ധപ്പെട്ട്‌ നല്ല തീരു​മാ​ന​മെ​ടു​ക്കാൻ സഹായി​ക്കുന്ന കൂടുതൽ വിവരങ്ങൾ നിങ്ങൾക്ക്‌ എങ്ങനെ കണ്ടെത്താം? (ബി) ഈ കാര്യ​ത്തിൽ നല്ലൊരു തീരു​മാ​ന​മെ​ടു​ക്കാൻ ഏതു ബൈബിൾത​ത്ത്വ​ങ്ങൾ നിങ്ങളെ സഹായി​ക്കും? (“ചിന്തി​ക്കാ​നാ​കുന്ന ബൈബിൾത​ത്ത്വ​ങ്ങൾ” എന്ന ചതുരം കാണുക.)

¹⁷ ചിന്തി​ക്കാ​നാ​കുന്ന കുറെ കാര്യങ്ങൾ ഈ ലേഖന​ത്തിൽ നമ്മൾ പഠിച്ചു. ഒരു കോഴ്‌സു​മാ​യി ബന്ധപ്പെട്ട്‌ നല്ല തീരു​മാ​ന​മെ​ടു​ക്കാൻ സഹായി​ക്കുന്ന കൂടുതൽ വിവരങ്ങൾ നിങ്ങൾക്ക്‌ എങ്ങനെ കണ്ടെത്താ​നാ​കും? ആ കോഴ്‌സ്‌ പഠിപ്പി​ക്കുന്ന വിദ്യാ​ഭ്യാ​സ​സ്ഥാ​പനം സന്ദർശി​ക്കാ​നോ അവരുടെ വെബ്‌​സൈറ്റ്‌ നോക്കാ​നോ നിങ്ങൾക്കാ​കും. ഇനി ആ മേഖല​യിൽ എത്രമാ​ത്രം തൊഴി​ല​വ​സ​ര​ങ്ങ​ളു​ണ്ടെന്ന്‌ പരസ്യ​ങ്ങ​ളി​ലൊ​ക്കെ നോക്കാം. അതു​പോ​ലെ​യുള്ള കോഴ്‌സ്‌ പഠിച്ച​വ​രോ​ടോ ആ മേഖല​യിൽ ജോലി ചെയ്യു​ന്ന​വ​രോ​ടോ നിങ്ങൾക്കു സംസാ​രി​ക്കാ​നു​മാ​കും. (സുഭാ. 13:10) അവരോട്‌ ഇങ്ങനെ ചോദി​ക്കുക: “ആ കോഴ്‌സി​ന്റെ അല്ലെങ്കിൽ ജോലി​യു​ടെ ഗുണവും ദോഷ​വും എന്തൊ​ക്കെ​യാണ്‌?” ഇനി യഹോ​വയെ സന്തോ​ഷ​ത്തോ​ടെ സേവി​ക്കുന്ന മറ്റു സഹോ​ദ​ര​ങ്ങ​ളോ​ടും നിങ്ങൾക്കു സംസാ​രി​ക്കാം. (സുഭാ. 15:22) അവർക്ക്‌ മറ്റേ​തെ​ങ്കി​ലും കോഴ്‌സി​നെ​ക്കു​റി​ച്ചോ ജോലി​യെ​ക്കു​റി​ച്ചോ നിങ്ങ​ളോ​ടു പറയാ​നു​ണ്ടോ? ഒരുപക്ഷേ നിങ്ങൾ ഇതുവരെ ചിന്തി​ച്ചി​ട്ടി​ല്ലാത്ത ഒരു മേഖല​യെ​ക്കു​റിച്ച്‌ അവർ പറഞ്ഞേ​ക്കാം.

18. ഏതു കാര്യം നമ്മൾ ഓർക്കണം?

¹⁸ നമ്മൾ കണ്ടതു​പോ​ലെ കൂടു​ത​ലായ വിദ്യാ​ഭ്യാ​സ​ത്തിന്‌ അതി​ന്റേ​തായ ഗുണങ്ങ​ളും ദോഷ​ങ്ങ​ളും ഉണ്ട്‌. അതു​കൊണ്ട്‌ മനസ്സി​ലുള്ള പ്ലാനു​ക​ളെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കുക. കൂടു​ത​ലായ വിദ്യാ​ഭ്യാ​സം ഒരു പരിധി​വരെ സാമ്പത്തി​ക​ഭ​ദ്രത നേടി​ത്ത​ന്നേ​ക്കാം. പക്ഷേ, യഥാർഥ​സ​ന്തോ​ഷം കണ്ടെത്താ​നുള്ള ഒരേ​യൊ​രു വഴി യഹോ​വ​യു​മാ​യുള്ള അടുത്ത ബന്ധമാ​ണെന്ന്‌ ഓർക്കാം. (സങ്കീ. 16:9, 11) യഹോവ എല്ലായ്‌പോ​ഴും തന്റെ ജനത്തി​നു​വേണ്ടി കരുതും എന്ന്‌ ഉറപ്പാണ്‌. അവരുടെ വിദ്യാ​ഭ്യാ​സ​യോ​ഗ്യ​ത​യൊ​ന്നും യഹോവ നോക്കു​ന്നില്ല. (എബ്രാ. 13:5) എങ്കിൽ കൂടു​ത​ലായ വിദ്യാ​ഭ്യാ​സം നേടാൻ നിങ്ങൾ തീരു​മാ​നി​ക്കു​ക​യാ​ണെ​ങ്കി​ലോ? പഠനത്തി​ന്റെ സമയത്തും യഹോ​വ​യു​മാ​യുള്ള അടുത്ത ബന്ധം നിലനി​റു​ത്താൻ നിങ്ങളെ എന്തു സഹായി​ക്കും? അതെക്കു​റിച്ച്‌ അടുത്ത ലേഖന​ത്തിൽ ചർച്ച ചെയ്യും.