ദമ്പതി​കളേ, എപ്പോ​ഴും നല്ല കൂട്ടു​കാ​രാ​യി​രി​ക്കുക

1. നല്ല സുഹൃ​ത്തു​ക്കൾ യഹോ​വ​യിൽനി​ന്നുള്ള ഒരു സമ്മാന​മാ​യി​രി​ക്കു​ന്നത്‌ എന്തു​കൊണ്ട്‌?

നല്ല സുഹൃ​ത്തു​ക്കൾ യഹോ​വ​യിൽനി​ന്നുള്ള സമ്മാന​മാണ്‌. (യാക്കോ. 1:17) അവർ ദൈവത്തെ സ്‌നേ​ഹി​ക്കു​ന്നു; നമ്മളെ​യും സ്‌നേ​ഹി​ക്കു​ന്നു. നമ്മുടെ സന്തോ​ഷ​ത്തി​ലും സങ്കടത്തി​ലും അവർ കൂടെ​യു​ണ്ടാ​കും. വേണ്ട സമയത്ത്‌ സത്യസ​ന്ധ​മായ ഉപദേശം തരാനും അവർ മടിക്കില്ല. ഇനി, നല്ല സുഹൃ​ത്തു​ക്കൾ വിശ്വ​സ്‌ത​രാ​യി​രി​ക്കും. നമുക്ക്‌ അവരെ ആശ്രയി​ക്കാം. അങ്ങനെ​യുള്ള സുഹൃ​ത്തു​ക്കൾ “ഹൃദയ​ത്തി​നു സന്തോ​ഷ​മേ​കു​ന്നു.”—സുഭാ. 27:9.

2. ദമ്പതികൾ തങ്ങൾക്കി​ട​യി​ലെ സൗഹൃദം ശക്തമാക്കി നിറു​ത്തേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (മത്തായി 19:6)

² ഭാര്യ​യും ഭർത്താ​വും നല്ല കൂട്ടു​കാ​രാ​യി​രി​ക്കണം. എന്നാൽ ആ കൂട്ടു​കെട്ട്‌ ശക്തമായി നിൽക്ക​ണ​മെ​ങ്കിൽ നല്ല ശ്രമം ആവശ്യ​മാണ്‌. അങ്ങനെ ചെയ്‌തി​ല്ലെ​ങ്കിൽ അവർക്ക്‌ ഏകാന്ത​ത​യും നിരാ​ശ​യും ദേഷ്യ​വും ഒക്കെ തോന്നി​യേ​ക്കാം. പക്ഷേ ആ സുഹൃ​ദ്‌ബന്ധം ശക്തമാ​ണെ​ങ്കിൽ, രണ്ടു പേർക്കി​ട​യിൽ ഉണ്ടായി​രി​ക്കാ​വു​ന്ന​തി​ലും വെച്ച്‌ ഏറ്റവും അടുത്ത ഒരു ബന്ധം അവർക്ക്‌ ആസ്വദി​ക്കാ​നാ​കും. (മത്തായി 19:6 വായി​ക്കുക.) ഈ ലേഖന​ത്തിൽ, ദമ്പതി​കൾക്ക്‌ എങ്ങനെ തങ്ങളുടെ സൗഹൃദം ശക്തമാ​ക്കി​ക്കൊ​ണ്ടി​രി​ക്കാ​മെന്ന്‌ ചിന്തി​ക്കും. എന്നാൽ അതിനു മുമ്പ്‌, ഏകാകി​യായ ഒരു ക്രിസ്‌ത്യാ​നിക്ക്‌ തന്റെ അടുത്ത സുഹൃ​ത്താ​കാൻ പോകുന്ന ജീവി​ത​പ​ങ്കാ​ളി​യെ എങ്ങനെ തിര​ഞ്ഞെ​ടു​ക്കാ​മെന്നു നോക്കാം.

എപ്പോ​ഴും കൂടെ​യു​ണ്ടാ​യി​രി​ക്കേണ്ട സുഹൃ​ത്തി​നെ എങ്ങനെ കണ്ടെത്താം?

3-4. നല്ലൊരു വിവാഹ ഇണയെ കണ്ടെത്താൻ ഒരു വ്യക്തിയെ എന്തു സഹായി​ക്കും? (സുഭാ​ഷി​തങ്ങൾ 18:22)

³ നമ്മൾ പ്രധാ​ന​പ്പെട്ട തീരു​മാ​നങ്ങൾ എടുക്കു​ന്ന​തി​നു മുമ്പ്‌ നന്നായി ചിന്തി​ക്കണം. ആ തീരു​മാ​ന​മെ​ടു​ത്താൽ ഉണ്ടാകാ​വുന്ന പ്രയോ​ജ​നങ്ങൾ, അപകടങ്ങൾ എല്ലാം വിലയി​രു​ത്തണം. പ്രധാ​ന​പ്പെട്ട തീരു​മാ​നങ്ങൾ ജീവി​ത​കാ​ലം മുഴുവൻ നമ്മളെ ബാധി​ച്ചേ​ക്കാം. അതു​കൊണ്ട്‌ നന്നായി ചിന്തി​ക്കേ​ണ്ടത്‌ പ്രധാ​ന​മാണ്‌.

⁴ ജീവി​ത​കാ​ലം മുഴുവൻ കൂടെ​യു​ണ്ടാ​യി​രി​ക്കേണ്ട സുഹൃ​ത്തി​നെ, നിങ്ങളു​ടെ വിവാഹ ഇണയെ കണ്ടെത്തു​ന്നത്‌ ജീവി​ത​ത്തി​ലെ ഏറ്റവും വലിയ തീരു​മാ​ന​ങ്ങ​ളിൽ ഒന്നാണ്‌. വിവാഹം എന്ന ക്രമീ​ക​രണം തുടങ്ങി​വെ​ച്ചത്‌ യഹോ​വ​യാ​യ​തു​കൊണ്ട്‌ ഇണയെ തിര​ഞ്ഞെ​ടു​ക്കു​മ്പോൾ നിർദേ​ശ​ത്തി​നാ​യി യഹോ​വ​യി​ലേക്കു നോക്കണം. ഒരു പുരു​ഷനു നല്ലൊരു ഭാര്യയെ കിട്ടണ​മെ​ന്നും ഒരു സ്‌ത്രീ​ക്കു നല്ലൊരു ഭർത്താ​വി​നെ കിട്ടണ​മെ​ന്നും ആണ്‌ യഹോ​വ​യു​ടെ ആഗ്രഹം. നമുക്ക്‌ വേണ്ടത്‌ എന്താ​ണെന്ന്‌ യഹോ​വ​യ്‌ക്കു നന്നായി അറിയാം. (സുഭാ​ഷി​തങ്ങൾ 18:22 വായി​ക്കുക; യശ. 48:17, 18.) യോജിച്ച ഒരു ഇണയെ കണ്ടെത്താൻ ദൈവ​വ​ച​ന​ത്തി​ലെ തത്ത്വങ്ങൾക്ക്‌ ഒരു ക്രിസ്‌ത്യാ​നി​യെ സഹായി​ക്കാ​നാ​കും.

5. സ്‌നാ​ന​മേറ്റ ഒരു വ്യക്തിയെ വിവാഹ ഇണയായി തിര​ഞ്ഞെ​ടു​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁵ നമ്മൾ സ്‌നാ​ന​മേൽക്കു​മ്പോൾ ദൈവ​ത്തി​ന്റെ സുഹൃ​ത്തു​ക്ക​ളാ​യി​ത്തീ​രു​ക​യാണ്‌. (സങ്കീ. 25:14) നിങ്ങൾ വിവാഹം കഴിക്കാൻ ആഗ്രഹി​ക്കു​ന്നെ​ങ്കിൽ ദൈവ​ത്തി​ന്റെ ആ സുഹൃ​ത്തു​ക്ക​ളിൽനിന്ന്‌ വേണം ഒരാളെ കണ്ടെത്താൻ. (1 കൊരി. 7:39) അങ്ങനെ ചെയ്യു​മ്പോൾ യഹോവ വെച്ചി​രി​ക്കുന്ന നിലവാ​ര​ങ്ങ​ളോട്‌ ആദരവു​ണ്ടെന്നു നിങ്ങൾ കാണി​ക്കു​ക​യാണ്‌. അതു​പോ​ലെ​തന്നെ നിങ്ങൾക്കു കിട്ടുന്ന ഇണയെ യഹോ​വ​യിൽനി​ന്നുള്ള ഒരു സമ്മാന​മാ​യി കാണാ​നും കഴിയും. (സുഭാ. 19:14) മാത്രമല്ല ഒരു അവിശ്വാ​സി​യോ​ടൊ​പ്പം “ഒരേ നുകത്തിൻകീ​ഴിൽ” വരുന്ന​തി​ന്റെ പ്രശ്‌നങ്ങൾ ഒഴിവാ​ക്കാ​നും നിങ്ങൾക്കാ​കും. (2 കൊരി. 6:14) അതു​കൊണ്ട്‌ യഹോ​വ​യു​ടെ സാക്ഷി​കൾക്കി​ട​യിൽ പറ്റിയ ഒരാൾ ഇല്ല എന്നു ചിന്തിച്ച്‌ പുറത്തുള്ള ഒരാളു​മാ​യി പ്രണയ​ത്തി​ലാ​കു​ന്നത്‌ എത്ര വലി​യൊ​രു മണ്ടത്തര​മാ​യി​രി​ക്കും! അതു​പോ​ലെ ആ വ്യക്തി ഭാവി​യിൽ എപ്പോ​ഴെ​ങ്കി​ലും സാക്ഷി​യാ​യി​ത്തീർന്നേ​ക്കും എന്നു ന്യായീ​ക​രി​ക്കു​ന്ന​തും ബുദ്ധി​മോ​ശ​മാണ്‌.

6-7. ഡേറ്റി​ങ്ങി​ന്റെ സമയത്ത്‌ ഏതെല്ലാം ചോദ്യ​ങ്ങൾ ചിന്തി​ക്കണം?

⁶ എന്നാൽ സാക്ഷി​യാ​യി​രി​ക്കുന്ന ഏതൊ​രാ​ളും നിങ്ങൾക്ക്‌ യോജിച്ച ഒരു വിവാഹ ഇണ ആയിരി​ക്ക​ണ​മെ​ന്നില്ല. അതു​കൊണ്ട്‌ നിങ്ങൾ ഒരാളെ കണ്ടെത്തു​മ്പോൾ ഈ ചോദ്യ​ങ്ങൾ സ്വയം ചോദി​ക്കണം:a ‘അദ്ദേഹം സ്വന്തം കുടും​ബാം​ഗ​ങ്ങ​ളോട്‌ എങ്ങനെ​യാണ്‌ ഇടപെ​ടു​ന്നത്‌? മറ്റുള്ള​വ​രോ​ടു പരിഗ​ണ​ന​യും ആദരവും ഉള്ള ആളാണോ? ആരാണ്‌ അദ്ദേഹ​ത്തി​ന്റെ കൂട്ടു​കാർ? അദ്ദേഹം എങ്ങനെ​യാണ്‌ അഭി​പ്രാ​യ​വ്യ​ത്യാ​സങ്ങൾ കൈകാ​ര്യം ചെയ്യു​ന്നത്‌? എല്ലാം സ്വന്തം ഇഷ്ടത്തിനു നടക്കണ​മെന്നു വാശി​പി​ടി​ക്കുന്ന ആളാണോ? അതോ തിരു​വെ​ഴു​ത്തു​ക​ളു​ടെ ലംഘന​മൊ​ന്നും ഉൾപ്പെ​ടാത്ത സാഹച​ര്യ​ങ്ങ​ളിൽ മറ്റുള്ള​വ​രു​ടെ അഭി​പ്രാ​യ​ങ്ങ​ളും ശ്രദ്ധി​ക്കാ​റു​ണ്ടോ? പണത്തെ അദ്ദേഹം എങ്ങനെ​യാണ്‌ കാണു​ന്നത്‌?’

⁷ ഈ ചോദ്യ​ങ്ങ​ളെ​ക്കു​റി​ച്ചും നിങ്ങൾക്കു ചിന്തി​ക്കാ​നാ​കും: ‘ഈ വ്യക്തിക്ക്‌ യഹോ​വ​യോട്‌ ആഴമായ സ്‌നേ​ഹ​മു​ണ്ടോ? അദ്ദേഹം “പുതിയ വ്യക്തി​ത്വം” ധരിക്കുന്ന ഒരാളാ​ണോ? യഹോ​വയെ നന്നായി സേവി​ക്കാൻ അദ്ദേഹം എന്നെ സഹായി​ക്കു​മോ? ഞങ്ങൾക്കു രണ്ടു പേർക്കും ഒരേ ആത്മീയ​ല​ക്ഷ്യ​ങ്ങ​ളാ​ണോ ഉള്ളത്‌? വിവാഹം കഴിഞ്ഞ്‌ വെറും കൂട്ടു​കാ​രല്ല, നല്ല അടുത്ത കൂട്ടു​കാ​രാ​കാൻ ഞങ്ങൾക്കു പറ്റു​മെന്നു തോന്നു​ന്നു​ണ്ടോ?’ (കൊലോ. 3:9, 10) നിങ്ങൾ ഒരു സഹോ​ദ​രി​യാ​ണെ​ങ്കിൽ, നിങ്ങൾ ഡേറ്റിങ്ങ്‌ ചെയ്യുന്ന വ്യക്തി നല്ല ഒരു കൂട്ടു​കാ​ര​നും നല്ല ഒരു കുടും​ബ​നാ​ഥ​നും ആയിരി​ക്കു​മോ എന്ന്‌ ചിന്തി​ക്കുക. (1 കൊരി. 11:3) ഇനി നിങ്ങൾ ഒരു സഹോ​ദ​ര​നാ​ണെ​ങ്കിൽ, നിങ്ങൾക്കു കുറവു​ക​ളൊ​ക്കെ ഉണ്ടെങ്കി​ലും നിങ്ങൾ ഡേറ്റിങ്ങ്‌ ചെയ്യുന്ന സഹോ​ദരി നിങ്ങളു​ടെ ശിരഃ​സ്ഥാ​ന​ത്തിന്‌ കീഴ്‌പെ​ടുന്ന ഒരാളാ​യി​രി​ക്കു​മോ എന്ന്‌ ചിന്തി​ക്കുക. ഈ ചോദ്യ​ങ്ങൾക്കെ​ല്ലാം ഉത്തരം കണ്ടെത്താൻ സമയ​മെ​ടു​ക്കും. അതു​കൊണ്ട്‌ ആ വ്യക്തിയെ അടുത്ത​റി​യാൻ ഡേറ്റി​ങ്ങി​ന്റെ സമയം നന്നായി ഉപയോ​ഗി​ക്കുക.

8-9. ഡേറ്റി​ങ്ങിൽ ആയിരി​ക്കുന്ന വ്യക്തിക്ക്‌ എങ്ങനെ നല്ലൊരു തീരു​മാ​ന​മെ​ടു​ക്കാൻ കഴിയും? (ചിത്ര​വും കാണുക.)

⁸ ഡേറ്റി​ങ്ങി​ന്റെ സമയത്ത്‌ നല്ലൊരു തീരു​മാ​ന​മെ​ടു​ക്കാൻ ആ വ്യക്തി ശരിക്കും എങ്ങനെ​യുള്ള ഒരാളാണ്‌ എന്നു നിങ്ങൾ മനസ്സി​ലാ​ക്കേ​ണ്ട​തുണ്ട്‌. അതിനാ​യി ആ വ്യക്തിയെ മറ്റുള്ളവർ എങ്ങനെ​യാണ്‌ കാണു​ന്ന​തെന്ന്‌ കണ്ടെത്താൻ ശ്രമി​ക്കുക. ആളുകൾക്കി​ട​യിൽ ആ വ്യക്തിക്ക്‌ എന്ത്‌ പേരാ​ണു​ള്ള​തെ​ന്നും അദ്ദേഹ​ത്തിന്‌ എന്തെല്ലാം ഗുണങ്ങ​ളാ​ണു​ള്ള​തെ​ന്നും ചോദി​ച്ച​റി​യുക. ഉദാഹ​ര​ണ​ത്തിന്‌, ആ വ്യക്തി അറിയ​പ്പെ​ടു​ന്നതു താഴ്‌മ​യുള്ള, ദയയുള്ള, വിട്ടു​വീഴ്‌ച ചെയ്യാൻ മനസ്സുള്ള ഒരാളാ​യി​ട്ടാ​ണോ? ഫ്രഞ്ച്‌ ഗയാന​യിൽനി​ന്നുള്ള സാറ, ഡാനി​യേ​ലു​മാ​യുള്ള വിവാ​ഹ​ത്തി​നു മുമ്പ്‌ എന്താണ്‌ ചെയ്‌ത​തെന്നു നോക്കുക. സഹോ​ദരി പറയുന്നു: “ഡാനി​യേ​ലി​നെ​ക്കു​റിച്ച്‌ ഞാൻ പലരോ​ടും ചോദി​ച്ച​റി​ഞ്ഞു. അദ്ദേഹ​ത്തി​ന്റെ കൂടെ താമസിച്ച സഹോ​ദ​ര​നോ​ടും അദ്ദേഹ​ത്തി​ന്റെ സഭയിലെ ഒരു മൂപ്പ​നോ​ടും ഞങ്ങളെ രണ്ടു പേരെ​യും അറിയാ​വുന്ന സുഹൃ​ത്തു​ക്ക​ളോ​ടും സഭയിലെ സഹോ​ദ​രി​മാ​രോ​ടും ഒക്കെ ചോദി​ച്ചു.” ഇനി നിങ്ങൾ അറിയേണ്ട എന്തെങ്കി​ലും കാര്യങ്ങൾ ആ വ്യക്തി​യു​ടെ ജീവി​ത​ത്തിൽ നടന്നി​ട്ടു​ണ്ടോ എന്നു ദയയോ​ടെ അദ്ദേഹ​ത്തോ​ടു ചോദി​ച്ച​റി​യുക. കാരണം ഇത്തരം ചില കാര്യ​ങ്ങ​ളോ ശീലങ്ങ​ളോ പിന്നീടു നിങ്ങളു​ടെ വിവാ​ഹ​ജീ​വി​ത​ത്തിൽ ഗുരു​ത​ര​മായ പ്രശ്‌നങ്ങൾ ഉണ്ടാക്കി​യേ​ക്കാം.

⁹ നിങ്ങൾ ഡേറ്റിങ്ങ്‌ ചെയ്യുന്ന വ്യക്തി നിങ്ങൾക്കു പറ്റിയ ഒരാളാ​ണോ എന്നു കാര്യ​മായ സംശയം തോന്നി​യാൽ അത്‌ അവഗണി​ക്ക​രുത്‌. ഇനി പക്വത​യുള്ള സഹോ​ദ​രങ്ങൾ ആ വ്യക്തി​യു​ടെ ചില കുറവു​കൾ ചൂണ്ടി​ക്കാ​ണി​ച്ചാൽ അതും കണ്ടി​ല്ലെന്നു വെക്കരുത്‌. ഇതെക്കു​റി​ച്ചെ​ല്ലാം നന്നായി ചിന്തി​ച്ചാൽ നിങ്ങൾക്കു ഡേറ്റിങ്ങ്‌ തുടര​ണോ വേണ്ടയോ എന്നു തീരു​മാ​നി​ക്കാ​നാ​കും.b ഇനി, വിവാ​ഹി​ത​രാ​യ​വർക്കു പഠിക്കാ​നുള്ള ചില പാഠങ്ങൾ നോക്കാം.

ഒരുമിച്ച്‌ സമയം ചെലവ​ഴി​ക്കു​ക

10. ദമ്പതികൾ ഒരുമിച്ച്‌ സമയം ചെലവ​ഴി​ക്കു​ന്നത്‌ നല്ലതാ​യി​രി​ക്കു​ന്നത്‌ എന്തു​കൊണ്ട്‌?

¹⁰ എത്ര തിരക്കു​ണ്ടെ​ങ്കി​ലും ദമ്പതികൾ ഒരുമി​ച്ചാ​യി​രി​ക്കാ​നുള്ള സമയം കണ്ടെത്തണം. അപ്പോൾ അവർക്കി​ട​യി​ലെ ഇഴയടു​പ്പം ശക്തമാ​കും. അങ്ങനെ​യാ​കു​മ്പോൾ ഓരോ ദിവസത്തെ വിശേ​ഷങ്ങൾ പറയാ​നും, അവരുടെ ഉള്ളി​ന്റെ​യു​ള്ളി​ലെ ചിന്തക​ളും വികാ​ര​ങ്ങ​ളും തുറന്ന്‌ പ്രകടി​പ്പി​ക്കാ​നും, സ്‌നേഹം കാണി​ക്കാ​നും, ഇഷ്ടമുള്ള രസകര​മായ കാര്യങ്ങൾ ഒരുമിച്ച്‌ ചെയ്യാ​നും അവർക്കു കഴിയും.

11. ദമ്പതി​കൾക്കി​ട​യി​ലെ സൗഹൃദം തകർക്കാൻ എന്ത്‌ ഇടയാ​ക്കി​യേ​ക്കാം?

¹¹ നല്ല സുഹൃ​ത്തു​ക്ക​ളായ ഒരു ഭാര്യ​യും ഭർത്താ​വും എപ്പോ​ഴും ഒരുമി​ച്ചാ​യി​രി​ക്കാ​നാണ്‌ ആഗ്രഹി​ക്കു​ന്നത്‌. എന്നാൽ ചില​പ്പോ​ഴൊ​ക്കെ അവർക്കു മാറി​നിൽക്കേ​ണ്ട​താ​യി വന്നേക്കാം. പക്ഷേ കുറച്ച​ധി​കം കാലം അങ്ങനെ കഴിയു​ന്നത്‌ അപകടം ചെയ്യും. ഉദാഹ​ര​ണ​ത്തിന്‌, മറ്റൊരു രാജ്യ​ത്തു​പോ​യി ജോലി ചെയ്യാൻ ചിലർ തീരു​മാ​നി​ക്കു​ന്നു. അപ്പോൾ അവർക്ക്‌ കുറെ നാൾ കുടും​ബ​ത്തിൽനിന്ന്‌ അകന്ന്‌ നിൽക്കേ​ണ്ടി​വ​രും. ഒരുപാട്‌ പണമു​ണ്ടാ​ക്കാൻ അവർക്കു പറ്റി​യേ​ക്കും. പക്ഷേ കുറെ നാള​ത്തേക്ക്‌ ഇണയിൽനിന്ന്‌ അകന്ന്‌ നിൽക്കു​മ്പോൾ അവരുടെ വിവാ​ഹ​ജീ​വി​ത​ത്തിൽ വലിയ പ്രശ്‌നങ്ങൾ ഉണ്ടാ​യേ​ക്കാം.

12-13. (എ) ഇണയോ​ടൊ​പ്പം സമയം ചെലവ​ഴി​ക്കാൻ ചില ദമ്പതികൾ എന്താണ്‌ ചെയ്‌തി​രി​ക്കു​ന്നത്‌? (ചിത്ര​വും കാണുക.) (ബി) ഇണയു​മാ​യുള്ള ബന്ധം നിങ്ങളു​ടെ ജീവി​ത​ത്തിൽ എത്ര​ത്തോ​ളം പ്രധാ​ന​പ്പെ​ട്ട​താ​യി​രി​ക്കണം? (“നിങ്ങളു​ടെ ജീവി​ത​ത്തിൽ ഇണയ്‌ക്കുള്ള സ്ഥാനം” എന്ന ചതുരം കാണുക.)

¹² ഒരുമിച്ച്‌ സമയം ചെലവ​ഴി​ക്കു​ന്നു​ണ്ടെന്ന്‌ ഉറപ്പാ​ക്കാ​നാ​യി ചില ദമ്പതികൾ എന്താണ്‌ ചെയ്‌തി​രി​ക്കു​ന്ന​തെന്നു നമുക്കു നോക്കാം. ഗ്വാമിൽ നിന്നുള്ള ലിയ പറയുന്നു: “പല കാര്യ​ങ്ങ​ളും ഒരുമിച്ച്‌ ചെയ്യു​ന്നത്‌ ഞങ്ങൾക്ക്‌ ഒരുപാട്‌ ഇഷ്ടമാണ്‌. ഞങ്ങൾ ഒറ്റയ്‌ക്കു പോകുന്ന പരിപാ​ടി​ക​ളോ കൂടി​വ​ര​വു​ക​ളോ ഒക്കെ കുറവാണ്‌. മിക്ക​പ്പോ​ഴും ഒരുമി​ച്ചാ​യി​രി​ക്കും പോകു​ന്നത്‌.” ഐക്യ​നാ​ടു​ക​ളിൽനി​ന്നുള്ള റൊക്‌സാൻ പറയു​ന്നത്‌ ഇങ്ങനെ​യാണ്‌: “തിരക്കു​കൾ കൂടി​ക്കൂ​ടി വന്നപ്പോൾ, പ്രധാ​ന​പ്പെട്ട മറ്റു പല കാര്യ​ങ്ങ​ളും പോ​ലെ​തന്നെ ഒരുമി​ച്ചാ​യി​രി​ക്കാ​നും സമയം ക്രമീ​ക​രി​ക്കണം എന്നു ഞങ്ങൾക്കു തോന്നി.” (ആമോസ്‌ 3:3 താരത​മ്യം ചെയ്യുക.) ഇനി, ഫ്രാൻസിൽനി​ന്നുള്ള ഡാമിയൻ പറയു​ന്നതു നോക്കുക: “അവൾക്കു ചെയ്യാൻ ഇഷ്ടമുള്ള കാര്യങ്ങൾ ഞാനും ഇഷ്ടപ്പെ​ടാൻ തുടങ്ങി; അതു​പോ​ലെ അവളും.” (മത്താ. 7:12) ഐക്യ​നാ​ടു​ക​ളിൽനി​ന്നുള്ള ക്യാറ്റി പറയുന്നു: “ഞങ്ങൾ ഒരുമി​ച്ചാ​യി​രി​ക്കുന്ന സമയത്ത്‌ ചില​പ്പോ​ഴൊ​ക്കെ ഫോൺ മാറ്റി​വെ​ക്കും.”

¹³ ഏറ്റവും പ്രധാ​ന​മാ​യി ആത്മീയ​കാ​ര്യ​ങ്ങ​ളിൽ ദമ്പതികൾ ഒരുമിച്ച്‌ സമയം ചെലവ​ഴി​ക്കണം. ഫ്രാൻസിൽനി​ന്നുള്ള മിരിയം പറയുന്നു: “ഞങ്ങൾ ദിവസം തുടങ്ങു​ന്നത്‌ ബൈബിൾ വായി​ച്ചു​കൊ​ണ്ടാണ്‌. എന്നിട്ട്‌ അതിൽ ഞങ്ങൾക്ക്‌ ഇഷ്ടപ്പെ​ട്ട​തും ജീവി​ത​ത്തിൽ പ്രാവർത്തി​ക​മാ​ക്കാൻ കഴിയു​ന്ന​തും ആയ കാര്യ​ങ്ങ​ളെ​ക്കു​റിച്ച്‌ ഒരുമി​ച്ചി​രുന്ന്‌ സംസാ​രി​ക്കും. ആ സമയം എനിക്ക്‌ ഒരുപാട്‌ ഇഷ്ടമാണ്‌. ഇനി ഞങ്ങൾ ഒരുമി​ച്ചി​രുന്ന്‌ പ്രാർഥി​ക്കു​മ്പോൾ യഹോ​വ​യോട്‌ അദ്ദേഹ​ത്തിന്‌ എത്രമാ​ത്രം സ്‌നേ​ഹ​മു​ണ്ടെന്ന്‌ അദ്ദേഹ​ത്തി​ന്റെ വാക്കു​ക​ളിൽനിന്ന്‌ എനിക്കു മനസ്സി​ലാ​കു​ന്നു.” മുമ്പു കണ്ട ക്യാറ്റി പറയു​ന്നത്‌ ഇങ്ങനെ​യാണ്‌: “ശുശ്രൂ​ഷ​യ്‌ക്ക്‌ ഒരുമിച്ച്‌ പോകു​ന്ന​താണ്‌ ഞങ്ങൾക്ക്‌ ഏറ്റവും ഇഷ്ടമുള്ള സമയം. നമ്മുടെ ഇണ യഹോ​വ​യെ​ക്കു​റിച്ച്‌ സംസാ​രി​ക്കു​ന്നതു കേൾക്കു​മ്പോൾ നമുക്ക്‌ അവരോട്‌ അടുപ്പം തോന്നും. അതു​പോ​ലെ ഞങ്ങൾക്കു പരസ്‌പരം പുതിയ പല കാര്യ​ങ്ങ​ളും പഠിക്കാ​നും പറ്റുന്നു.”—സുഭാ. 27:17.

പ്രശ്‌നങ്ങൾ ഉണ്ടാകു​മ്പോൾ ഒന്നിച്ചു​നിൽക്കു​ക

14-15. വിവാ​ഹ​ബ​ന്ധ​ത്തി​ലു​ണ്ടാ​കുന്ന പ്രശ്‌നങ്ങൾ പരിഹ​രി​ക്കാൻ ദമ്പതികൾ പരമാ​വധി ശ്രമി​ക്കേ​ണ്ടത്‌ എന്തു​കൊണ്ട്‌? ഒരു ഉദാഹ​രണം പറയുക.

¹⁴ അപൂർണ​രാ​യ​തു​കൊണ്ട്‌ ദമ്പതി​കൾക്ക്‌ അവരുടെ ജീവി​ത​ത്തിൽ പല പ്രശ്‌ന​ങ്ങ​ളു​ണ്ടാ​കും. വിവാഹം കഴിക്കു​ന്ന​വർക്ക്‌ “ജഡത്തിൽ കഷ്ടപ്പാ​ടു​കൾ ഉണ്ടാകും” എന്നു ബൈബിൾ പറയു​ന്നുണ്ട്‌. (1 കൊരി. 7:28) ആ പദപ്ര​യോ​ഗം, ദമ്പതി​കൾക്കു പൊതു​വേ ഉണ്ടാകുന്ന പ്രശ്‌ന​ങ്ങളെ അർഥമാ​ക്കു​ന്നു. അങ്ങനെ പ്രശ്‌നങ്ങൾ ഉണ്ടാകു​മ്പോൾ അതിനെ മറിക​ട​ക്കാ​നും ഒന്നിച്ചു​നിൽക്കാ​നും അവർ പരമാ​വധി ശ്രമി​ക്കേ​ണ്ടത്‌ എന്തു​കൊ​ണ്ടാണ്‌?

¹⁵ നമുക്ക്‌ ഒരു ഉദാഹ​രണം നോക്കാം. വളരെ പ്രശസ്‌ത​മായ ഒരു കെട്ടി​ട​ത്തി​നോ കലാസൃ​ഷ്ടി​ക്കോ എന്തെങ്കി​ലും കേടു​പാട്‌ പറ്റിയാൽ അതിന്റെ ഉടമസ്ഥൻ എന്തായി​രി​ക്കും ചെയ്യുക? അതു നന്നാക്കാൻ ശ്രമി​ക്കും. അതിനു​വേണ്ടി എത്ര പണം ചെലവ​ഴി​ക്കേ​ണ്ടി​വ​ന്നാ​ലും അദ്ദേഹം അതു ചെയ്യും. വർഷങ്ങൾ എടുത്താൽപ്പോ​ലും മടുത്തു​പി​ന്മാ​റില്ല. എന്തു​കൊണ്ട്‌? കാരണം അത്‌ ആ വ്യക്തിക്ക്‌ അത്രയ്‌ക്ക്‌ വിലപ്പെട്ട ഒന്നാണ്‌. ഇതു​പോ​ലെ ഓരോ വിവാ​ഹ​ബ​ന്ധ​വും വളരെ വില​പ്പെ​ട്ട​താണ്‌. നല്ല അടുപ്പ​മുള്ള ദമ്പതി​കൾക്കി​ട​യിൽപ്പോ​ലും പ്രശ്‌ന​ങ്ങ​ളു​ണ്ടാ​കും. എന്നാൽ കേടു​പാട്‌ സംഭവിച്ച ഒരു കെട്ടി​ട​ത്തി​ന്റെ​യോ കലാസൃ​ഷ്ടി​യു​ടെ​യോ കാര്യ​ത്തി​ലെ​ന്ന​പോ​ലെ പ്രശ്‌ന​ങ്ങ​ളുള്ള ഒരു വിവാ​ഹ​ബ​ന്ധത്തെ തകർച്ച​യു​ടെ വക്കിൽനിന്ന്‌ രക്ഷിക്കാ​നാ​കും. അതിനു ചില​പ്പോൾ നല്ല സമയവും ശ്രമവും ആവശ്യ​മാ​യി​വ​ന്നേ​ക്കാം. പക്ഷേ വിവാ​ഹ​ബന്ധം ശക്തമാ​ക്കാ​നും ഒരുമിച്ച്‌ നിൽക്കാ​നും ദമ്പതികൾ കഠിനാ​ധ്വാ​നം ചെയ്യു​മ്പോൾ അതിൽ യഹോവ സന്തോ​ഷി​ക്കും. (മലാ. 2:16) അങ്ങനെ ചെയ്യു​മ്പോൾ ദമ്പതികൾ പരസ്‌പരം മാത്രമല്ല വിവാ​ഹ​ബന്ധം ഏർപ്പെ​ടു​ത്തിയ യഹോ​വ​യോ​ടും സ്‌നേ​ഹ​വും ആദരവും കാണി​ക്കു​ക​യാ​യി​രി​ക്കും.

16. വിവാ​ഹ​ബ​ന്ധ​ത്തിൽ വലിയ പ്രശ്‌നങ്ങൾ നേരി​ടുന്ന ദമ്പതി​കളെ 1 കൊരി​ന്ത്യർ 13:4-8എ സഹായി​ക്കു​ന്നത്‌ എങ്ങനെ? (ചിത്ര​വും “നിങ്ങളു​ടെ സൗഹൃദം ശക്തമാ​ക്കാൻ. . . ” എന്ന ചതുര​വും കാണുക.)

¹⁶ വിവാ​ഹ​ജീ​വി​ത​ത്തിൽ പ്രശ്‌ന​ങ്ങ​ളു​ണ്ടാ​യാൽ പിരി​യു​ന്ന​തി​നെ​ക്കു​റിച്ച്‌ പെട്ടെന്ന്‌ ചിന്തി​ക്ക​രുത്‌. (1 കൊരി. 7:10, 11) പകരം സ്വയം ചോദി​ക്കുക: ‘ഞങ്ങളുടെ സൗഹൃദം ശക്തമാ​ക്കാൻ ഇനിയും എന്തെങ്കി​ലും എനിക്കു ചെയ്യാ​നു​ണ്ടോ?’ സ്‌നേഹം പ്രകടി​പ്പി​ക്കു​ന്ന​തി​നെ​ക്കു​റിച്ച്‌ ബൈബി​ളിൽ പറഞ്ഞി​രി​ക്കുന്ന കാര്യങ്ങൾ നിങ്ങൾക്കു പഠിക്കാ​നാ​കും. അതു​പോ​ലെ 1 കൊരി​ന്ത്യർ 13:4-8എ (വായി​ക്കുക.) വരെ പറഞ്ഞി​രി​ക്കുന്ന സ്‌നേ​ഹ​ത്തി​ന്റെ വ്യത്യസ്‌ത വശങ്ങളിൽ നിങ്ങൾ പുരോ​ഗ​മി​ക്കേണ്ട എന്തെങ്കി​ലു​മു​ണ്ടോ എന്നു ചിന്തി​ക്കുക. വിവാ​ഹ​ബ​ന്ധ​ത്തിൽനിന്ന്‌ എങ്ങനെ​യും പുറത്തു​ക​ട​ക്കാൻ നോക്കു​ന്ന​തി​നു പകരം ഇണയുടെ മനസ്സിൽ വീണ്ടും ഒരു ഇടം നേടാൻ ശ്രമി​ക്കുക. വിവാ​ഹ​ബന്ധം ശക്തമാ​ക്കാൻ നിങ്ങൾക്കു ചെയ്യാ​നാ​കുന്ന കാര്യ​ങ്ങ​ളിൽ ശ്രദ്ധി​ക്കുക. സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക. ഇനി, നമ്മുടെ പ്രസി​ദ്ധീ​ക​ര​ണ​ങ്ങ​ളിൽനി​ന്നും വീഡി​യോ​ക​ളിൽനി​ന്നും മൂപ്പന്മാ​രിൽനി​ന്നും മറ്റു പക്വത​യുള്ള ക്രിസ്‌ത്യാ​നി​ക​ളിൽനി​ന്നും വേണ്ട സഹായം സ്വീക​രി​ക്കുക. വിവാ​ഹ​ബന്ധം ഒരു “മുപ്പി​രി​ച്ച​രട്‌” പോ​ലെ​യാണ്‌. അതിലെ ഏറ്റവും ശക്തമായ മൂന്നാ​മത്തെ ഇഴ യഹോ​വ​യാണ്‌. അതു​കൊണ്ട്‌ യഹോ​വ​യിൽ ആശ്രയി​ക്കു​ന്നെ​ങ്കിൽ നിങ്ങളു​ടെ വിവാ​ഹ​ബന്ധം “എളുപ്പം പൊട്ടി​ക്കാ​നാ​കില്ല.”—സഭാ. 4:12.

17. വിവാ​ഹ​ത്തെ​ക്കു​റിച്ച്‌ ചിന്തി​ക്കു​ന്ന​വർക്കും വിവാഹം കഴിഞ്ഞ​വർക്കും എങ്ങനെ സന്തോഷം കണ്ടെത്താം?

¹⁷ വിവാ​ഹ​ത്തെ​ക്കു​റിച്ച്‌ ചിന്തി​ക്കു​ന്ന​വ​രും വിവാ​ഹി​ത​രും ഉൾപ്പെടെ തന്റെ എല്ലാ ദാസരും സന്തോ​ഷ​ത്തോ​ടെ​യി​രി​ക്കാ​നാണ്‌ യഹോവ ആഗ്രഹി​ക്കു​ന്നത്‌. നിങ്ങൾ വിവാഹം കഴിക്കാൻ ആഗ്രഹി​ക്കുന്ന ഒരാളാ​ണെ​ങ്കിൽ ജീവി​ത​കാ​ലം മുഴുവൻ കൂടെ​യു​ണ്ടാ​യി​രി​ക്കേണ്ട ആ സുഹൃ​ത്തി​നെ ശ്രദ്ധിച്ച്‌ തിര​ഞ്ഞെ​ടു​ക്കുക. ഇനി, നിങ്ങൾ വിവാ​ഹി​ത​രാ​ണെ​ങ്കിൽ നിങ്ങൾക്കി​ട​യി​ലെ സൗഹൃദം ശക്തമാ​ക്കി​ക്കൊ​ണ്ടേ​യി​രി​ക്കുക. ജീവി​ത​ത്തിൽ പ്രശ്‌ന​ങ്ങ​ളു​ണ്ടാ​കു​മ്പോൾ യഹോ​വ​യിൽ ആശ്രയി​ച്ചു​കൊണ്ട്‌ അതു പരിഹ​രി​ക്കാൻ ശ്രമി​ക്കുക. ഇങ്ങനെ​യൊ​ക്കെ ചെയ്യു​മ്പോൾ നിങ്ങളു​ടെ പങ്കാളി​യോ​ടൊ​പ്പ​മുള്ള ‘ജീവിതം ആസ്വദി​ക്കാൻ’ നിങ്ങൾക്കാ​കും!—സഭാ. 9:9.