‘ആശ്വാസം തരുന്ന ദൈവ​ത്തിൽനിന്ന്‌’ പഠിക്കുക

1. നമ്മൾ മറ്റുള്ള​വരെ ആശ്വസി​പ്പി​ക്കേ​ണ്ടത്‌ എന്തു​കൊണ്ട്‌?

നമ്മളെ​ല്ലാ​വ​രും ‘പല തരം പരീക്ഷ​ണ​ങ്ങ​ളി​ലൂ​ടെ’ കടന്നു​പോ​കു​ന്ന​വ​രാണ്‌. അതു​കൊ​ണ്ടു​തന്നെ നമു​ക്കെ​ല്ലാം ആശ്വാ​സ​വും പ്രോ​ത്സാ​ഹ​ന​വും ആവശ്യ​മാണ്‌. (1 പത്രോ. 1:6) നമുക്ക്‌ ഒരു പ്രശ്‌ന​മു​ണ്ടാ​കു​മ്പോൾ മറ്റുള്ളവർ ആശ്വസി​പ്പി​ക്കു​ന്നതു നമ്മൾ ഒത്തിരി വിലമ​തി​ക്കാ​റുണ്ട്‌. അങ്ങനെ​യെ​ങ്കിൽ പ്രശ്‌ന​ങ്ങ​ളി​ലൂ​ടെ കടന്നു​പോ​കുന്ന മറ്റുള്ള​വരെ നമ്മളും പെട്ടെ​ന്നു​തന്നെ ആശ്വസി​പ്പി​ക്കേ​ണ്ട​തല്ലേ? (മത്താ. 7:12) ‘ഏതു സാഹച​ര്യ​ത്തി​ലും ആശ്വാസം തരുന്ന ദൈവ​മായ’ യഹോവ ‘ഏതുതരം കഷ്ടതകൾ അനുഭ​വി​ക്കു​ന്ന​വ​രെ​യും ആശ്വസി​പ്പി​ക്കേ​ണ്ടത്‌’ എങ്ങനെ​യെന്നു നമുക്കു കാണി​ച്ചു​ത​രു​ന്നു. ‘പരസ്‌പരം ആശ്വസി​പ്പി​ച്ചു​കൊണ്ട്‌’ ആ മാതൃക അനുക​രി​ക്കാൻ നമുക്കു കഴിയും. (2 കൊരി. 1:3, 4; 1 തെസ്സ. 4:18) നമ്മൾ അങ്ങനെ ചെയ്യു​ന്നത്‌ ഒരു കടമയു​ടെ പുറത്തല്ല, പകരം സഹോ​ദ​ര​ങ്ങളെ ആത്മാർഥ​മാ​യി സ്‌നേ​ഹി​ക്കു​ന്ന​തു​കൊ​ണ്ടാണ്‌. ഈ ലേഖന​ത്തിൽ, (1) ബൈബി​ളിൽ പറഞ്ഞി​രി​ക്കുന്ന ആശ്വാ​സ​ത്തി​ന്റെ അർഥം എന്താ​ണെ​ന്നും (2) നമുക്ക്‌ എങ്ങനെ മറ്റുള്ള​വരെ ആശ്വസി​പ്പി​ക്കാ​മെ​ന്നും (3) നമുക്ക്‌ ആശ്വാസം വേണ്ട​പ്പോൾ എന്തു ചെയ്യാ​മെ​ന്നും ചർച്ച ചെയ്യും.

ബൈബി​ളിൽ പറഞ്ഞി​രി​ക്കുന്ന ആശ്വാ​സ​ത്തി​ന്റെ അർഥം

2. ബൈബി​ളിൽ “ആശ്വാസം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​വാ​ക്കിന്‌ എന്തെല്ലാം അർഥങ്ങ​ളാ​ണു​ള്ളത്‌?

² ബൈബി​ളിൽ പറഞ്ഞി​രി​ക്കുന്ന “ആശ്വാസം” എന്നതിന്റെ ഗ്രീക്കു​വാ​ക്കി​നു സാഹച​ര്യ​ങ്ങൾക്ക​നു​സ​രിച്ച്‌ വ്യത്യസ്‌ത അർഥങ്ങളെ കുറി​ക്കാ​നാ​കും. “പ്രോ​ത്സാ​ഹി​പ്പി​ക്കുക,” “പ്രേരി​പ്പി​ക്കുക,” “അഭ്യർഥി​ക്കുക” എന്നൊ​ക്കെ​യുള്ള അർഥങ്ങൾ വരാം. (റോമ. 12:8) ആ ഗ്രീക്കു​വാ​ക്കി​ന്റെ അക്ഷരാർഥം “സഹായ​ത്തി​നാ​യി ഒരാളെ അടു​ത്തേക്കു വിളി​ക്കുക” എന്നാണ്‌. ഇപ്പോൾ നമ്മുടെ മനസ്സി​ലേക്കു വരുന്നതു വിഷമി​ച്ചി​രി​ക്കുന്ന ഒരാളു​ടെ അടു​ത്തേക്കു പെട്ടെന്ന്‌ ഓടി​ച്ചെന്ന്‌ അദ്ദേഹ​ത്തി​നു വേണ്ട സഹായ​മെ​ല്ലാം ചെയ്‌തു​കൊ​ടു​ക്കുന്ന ഒരു സുഹൃ​ത്തി​ന്റെ ചിത്ര​മാ​യി​രി​ക്കും. ആ സുഹൃത്ത്‌ കൊടു​ക്കുന്ന ആശ്വാസം ഏതു രീതി​യി​ലു​ള്ള​താ​ണെ​ങ്കി​ലും അതു​കൊ​ണ്ടു​ണ്ടാ​കുന്ന ഫലം ഒന്നുത​ന്നെ​യാണ്‌—വിഷമി​ച്ചി​രി​ക്കുന്ന വ്യക്തിക്കു ശക്തി വീണ്ടെ​ടു​ക്കാ​നാ​കും.

3. മറ്റുള്ള​വരെ ആശ്വസി​പ്പി​ക്കുന്ന കാര്യ​ത്തിൽ ബർന്നബാസ്‌ എന്തു മാതൃക വെച്ചു? (ചിത്ര​വും കാണുക.)

³ നമുക്കു ബൈബി​ളി​ലെ ഒരു ഉദാഹ​രണം ചിന്തി​ക്കാം. യോ​സേഫ്‌ എന്നു പേരുള്ള ഒരു ക്രിസ്‌ത്യാ​നി മറ്റുള്ള​വരെ ആശ്വസി​പ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യു​ന്ന​തിൽ നല്ലൊരു മാതൃ​ക​യാ​യി​രു​ന്നു. അതു​കൊണ്ട്‌ അപ്പോ​സ്‌ത​ല​ന്മാർ അദ്ദേഹത്തെ ബർന്നബാസ്‌ എന്നു വിളിച്ചു. ആ പേരിന്റെ അർഥം “ആശ്വാ​സ​പു​ത്രൻ” എന്നാണ്‌. (പ്രവൃ. 4:36, 37) അദ്ദേഹ​ത്തി​നു ശരിക്കും ചേരു​ന്ന​താ​യി​രു​ന്നു ആ പേര്‌. അതു​കൊ​ണ്ടു​തന്നെ യോ​സേഫ്‌ എന്ന പേര്‌ പിന്നെ ബൈബി​ളിൽ എവി​ടെ​യും ഉപയോ​ഗി​ച്ചി​ട്ടില്ല. സഹോ​ദ​ര​ങ്ങളെ സഹായി​ച്ചു​കൊണ്ട്‌ ബർന്നബാസ്‌ തന്റെ പേരിനു ചേർച്ച​യിൽ പ്രവർത്തിച്ച പല സാഹച​ര്യ​ങ്ങ​ളെ​ക്കു​റി​ച്ചും ബൈബി​ളിൽ പറയു​ന്നുണ്ട്‌. ഉദാഹ​ര​ണ​ത്തിന്‌, ക്രിസ്‌ത്യാ​നി​യാ​യി​ത്തീർന്ന ഉടനെ യരുശ​ലേ​മി​ലേക്കു പോയ ശൗൽ അവി​ടെ​യുള്ള സഹോ​ദ​ര​ങ്ങളെ കാണാൻ ആഗ്രഹി​ച്ചു. പക്ഷേ ശൗൽ മുമ്പ്‌ സഹോ​ദ​ര​ങ്ങളെ ഉപദ്ര​വി​ച്ചി​രുന്ന ആളായി​രു​ന്ന​തു​കൊണ്ട്‌ അവി​ടെ​യു​ള്ള​വർക്ക്‌ അദ്ദേഹത്തെ പേടി​യാ​യി​രു​ന്നു. അപ്പോൾ ബർന്നബാസ്‌ ശൗലിന്റെ സഹായ​ത്തി​നെത്തി. അദ്ദേഹം ശൗലിനെ അപ്പോ​സ്‌ത​ല​ന്മാർക്കു പരിച​യ​പ്പെ​ടു​ത്തി​ക്കൊ​ടു​ത്തു.—പ്രവൃ. 9:26-28.

മറ്റുള്ള​വരെ എങ്ങനെ ആശ്വസി​പ്പി​ക്കാം

4. മറ്റുള്ള​വർക്ക്‌ ആശ്വാസം കൊടു​ക്കാ​നുള്ള ഒരു നല്ല വഴി ഏതാണ്‌? (റോമർ 1:11, 12)

⁴ സാധി​ക്കു​മെ​ങ്കിൽ നേരി​ട്ടു​പോ​യി കാണുക. മറ്റുള്ള​വരെ ആശ്വസി​പ്പി​ക്കാ​നാ​യി യഹോവ തന്റെ ദാസന്മാ​രെ ഉപയോ​ഗി​ക്കാ​റുണ്ട്‌. ഉദാഹ​ര​ണ​ത്തിന്‌, ഏലിയ പ്രവാ​ചകൻ വിഷമി​ച്ചി​രു​ന്ന​പ്പോൾ യഹോവ തന്റെ ദൂതനെ അയച്ച്‌ അദ്ദേഹത്തെ പ്രോ​ത്സാ​ഹി​പ്പി​ച്ചു. (1 രാജാ. 19:4-7) അപ്പോ​സ്‌ത​ല​നായ പൗലോ​സും തന്റെ സഹോ​ദ​ര​ങ്ങളെ നേരിൽ കണ്ട്‌ പ്രോ​ത്സാ​ഹി​പ്പി​ക്കു​ന്ന​തി​ന്റെ പ്രാധാ​ന്യം തിരി​ച്ച​റി​ഞ്ഞി​രു​ന്നു. (റോമർ 1:11, 12 വായി​ക്കുക.) ആരെ​യെ​ങ്കി​ലും നമ്മൾ നേരിട്ട്‌ കാണാൻ ചെല്ലു​മ്പോൾ പെട്ടെന്നു പോരാ​തെ, ആശ്വസി​പ്പി​ക്കാൻവേണ്ട അത്രയും സമയം അവരോ​ടൊ​പ്പം ചെലവ​ഴി​ക്കുക. (1 കൊരി. 16:7) എന്നാൽ നേരിൽ കാണാൻ പറ്റാത്ത സാഹച​ര്യ​മാ​ണെ​ങ്കി​ലോ? ഒന്നു ഫോൺ വിളി​ച്ചു​കൊ​ണ്ടോ ഒരു കാർഡോ മെസ്സേ​ജോ അയച്ചു​കൊ​ണ്ടോ നിങ്ങൾക്ക്‌ അവരെ ബലപ്പെ​ടു​ത്താ​നാ​കും. അങ്ങനെ മറ്റുള്ള​വരെ സഹായി​ക്കാ​നാ​യി നിങ്ങൾ മനസ്സ്‌ കാണി​ക്കു​മ്പോൾ യഹോ​വ​യ്‌ക്കു നിങ്ങളെ ഉപയോ​ഗി​ക്കാ​നാ​കും.

5. നമ്മുടെ സഹോ​ദ​ര​ങ്ങളെ ആശ്വസി​പ്പി​ക്കു​ന്നതു ചില​പ്പോൾ ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊണ്ട്‌?

⁵ അവസാ​ന​ത്തോട്‌ അടുക്കും​തോ​റും സഹോ​ദ​ര​ങ്ങളെ നേരിട്ട്‌ കണ്ട്‌ ആശ്വസി​പ്പി​ക്കു​ന്നതു കൂടുതൽ ബുദ്ധി​മു​ട്ടാ​യി​വ​രും. പൗലോസ്‌ റോമി​ലെ ജയിലി​ലാ​യി​രു​ന്ന​പ്പോൾ എഫെ​സൊ​സിൽനി​ന്നുള്ള ഒനേസി​ഫൊ​രൊസ്‌ പൗലോ​സി​നെ കാണാൻ ചെന്നു. അങ്ങനെ ചെയ്‌താൽ ജയിലി​ലാ​കാ​നോ ജീവൻ നഷ്ടപ്പെ​ടാ​നോ​പോ​ലും സാധ്യ​ത​യു​ണ്ടാ​യി​രു​ന്നു. (2 തിമൊ. 1:16-18) റഷ്യയി​ലെ നമ്മുടെ സഹോ​ദ​ര​ങ്ങ​ളും ഇതേ മാതൃ​ക​യാ​ണു പിൻപ​റ്റു​ന്നത്‌. വിചാ​ര​ണ​യ്‌ക്കു​വേണ്ടി സഹോ​ദ​ര​ങ്ങളെ കോട​തി​യി​ലേക്കു കൊണ്ടു​പോ​കു​മ്പോൾ അവരെ പ്രോ​ത്സാ​ഹി​പ്പി​ക്കാ​നാ​യി മറ്റു സഹോ​ദ​രങ്ങൾ അവിടെ ചെല്ലാ​റുണ്ട്‌. തങ്ങളെ അറസ്റ്റ്‌ ചെയ്യാ​നുള്ള സാധ്യ​ത​യു​ണ്ടെ​ങ്കിൽപ്പോ​ലും അവർ ധൈര്യ​ത്തോ​ടെ അങ്ങനെ ചെയ്യുന്നു. ഇതു​പോ​ലെ നമ്മുടെ സഹോ​ദ​ര​ങ്ങളെ ആശ്വസി​പ്പി​ക്കാൻ നമുക്ക്‌ എങ്ങനെ തയ്യാ​റെ​ടു​ക്കാം? പണ്ടുകാ​ല​ത്തെ​യും ഇപ്പോ​ഴ​ത്തെ​യും ദൈവ​ദാ​സർ എങ്ങനെ​യാണ്‌ പരസ്‌പരം പ്രോ​ത്സാ​ഹി​പ്പി​ച്ച​തെ​ന്നും ഉപദ്ര​വ​ങ്ങ​ളു​ണ്ടാ​യ​പ്പോൾ സന്തോഷം നിലനി​റു​ത്തി​യ​തെ​ന്നും പഠിക്കുക.

6. ആശ്വസി​പ്പി​ക്കുന്ന കാര്യ​ത്തിൽ നമുക്ക്‌ എങ്ങനെ യഹോ​വയെ അനുക​രി​ക്കാം? (ചിത്ര​വും കാണുക.)

⁶ ശ്രദ്ധി​ച്ചു​കേൾക്കുക. ജീവനു ഭീഷണി നേരി​ട്ട​പ്പോൾ ഏലിയ പ്രവാ​ചകൻ തന്റെ മനസ്സിൽ തോന്നിയ കാര്യ​ങ്ങ​ളെ​ല്ലാം യഹോ​വ​യോട്‌ തുറന്നു​പ​റഞ്ഞു. ചില കാര്യങ്ങൾ വീണ്ടും​വീ​ണ്ടും അദ്ദേഹം ആവർത്തിച്ച്‌ പറഞ്ഞു. ഏലിയ​യു​ടെ സാഹച​ര്യം മുഴു​വ​നും യഹോ​വ​യ്‌ക്ക്‌ അറിയാ​മാ​യി​രു​ന്നി​ട്ടും ഏലിയ പറഞ്ഞ കാര്യ​ങ്ങ​ളെ​ല്ലാം സ്‌നേ​ഹ​വാ​നായ ദൈവം ക്ഷമയോ​ടെ കേട്ടി​രു​ന്നു. (1 രാജാ. 19:9, 10, 14) ഹബക്കൂക്ക്‌ പ്രവാ​ച​ക​നും തന്റെ മനസ്സിൽ തോന്നിയ ചിന്തക​ളും സംശയ​ങ്ങ​ളും എല്ലാം യഹോ​വ​യോ​ടു തുറന്നു​പ​റഞ്ഞു. ഹബക്കൂ​ക്കി​ന്റെ വാക്കുകൾ ദൈവ​ത്തി​ന്റെ അധികാ​രത്തെ ചോദ്യം ചെയ്യു​ന്ന​തു​പോ​ലെ തോന്നി​യേ​ക്കാ​മാ​യി​രു​ന്നി​ട്ടും യഹോവ അതെല്ലാം ശ്രദ്ധി​ച്ചു​കേട്ടു. (ഹബ. 1:2, 3) ഇന്നും നമുക്കു വേണ്ടത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാ​മെ​ങ്കി​ലും നമ്മൾ അതെക്കു​റിച്ച്‌ പ്രാർഥി​ക്കു​മ്പോൾ യഹോവ ശ്രദ്ധി​ച്ചു​കേൾക്കു​ന്നു. നമുക്ക്‌ എങ്ങനെ യഹോ​വയെ അനുക​രി​ക്കാം? നമ്മുടെ സഹോ​ദ​രങ്ങൾ മനസ്സു​തു​റ​ക്കു​മ്പോൾ അവരെ ആദര​വോ​ടെ ശ്രദ്ധി​ക്കുക. ‘കേൾക്കാൻ തിടു​ക്ക​മു​ള്ള​വ​രാ​യി​രി​ക്കുക.’ ഒരുപക്ഷേ അവർ ഒരേ കാര്യങ്ങൾ തന്നെയും​പി​ന്നെ​യും പറഞ്ഞാ​ലോ പരുക്കൻ രീതി​യിൽ സംസാ​രി​ച്ചാ​ലോ​പോ​ലും അവരോ​ടു ദേഷ്യ​പ്പെ​ട​രുത്‌. അവരെ തടസ്സ​പ്പെ​ടു​ത്താ​തെ നമുക്കു ശ്രദ്ധി​ച്ചു​കേ​ട്ടി​രി​ക്കാം.—യാക്കോ. 1:19; സഭാ. 7:9.

7. വിഷമി​ച്ചി​രി​ക്കുന്ന ഒരാൾക്ക്‌ എന്താണു വേണ്ട​തെന്ന്‌ എങ്ങനെ കണ്ടെത്താം?

⁷ എന്തു സഹായ​മാണ്‌ കൊടു​ക്കേ​ണ്ട​തെന്നു കണ്ടെത്തുക. യഹോ​വ​യെ​പ്പോ​ലെ ആളുക​ളു​ടെ ഹൃദയം വായി​ക്കാൻ നമുക്കു കഴിയില്ല. അതു​കൊണ്ട്‌ നമ്മുടെ സഹോ​ദ​രങ്ങൾ സംസാ​രി​ക്കു​മ്പോൾ ശ്രദ്ധി​ച്ചു​കേ​ട്ടാ​ലേ, അവർക്കു​വേണ്ട ആശ്വാസം എന്താ​ണെന്നു കണ്ടെത്താൻ പറ്റൂ. ബുദ്ധി​മു​ട്ടുള്ള ഒരു സാഹച​ര്യ​ത്തിൽ നമ്മൾ എന്താണോ പ്രതീ​ക്ഷി​ക്കു​ന്നത്‌ അതുത​ന്നെ​യാ​യി​രി​ക്കും അതേ സാഹച​ര്യ​ത്തിൽ അവർക്കും വേണ്ട​തെന്നു നമ്മൾ നിഗമനം ചെയ്യരുത്‌. നമ്മളെ​ല്ലാം വ്യത്യ​സ്‌ത​രാ​ണെന്ന്‌ ഓർക്കുക. അതു​കൊണ്ട്‌ സമയ​മെ​ടുത്ത്‌ ശ്രദ്ധി​ച്ചു​കേൾക്കാം. നയപൂർവം നല്ല ചോദ്യ​ങ്ങൾ ചോദിച്ച്‌ അവരുടെ ഉള്ളിലു​ള്ളത്‌ എന്താ​ണെന്നു കണ്ടെത്താൻ ശ്രമി​ക്കുക.—സുഭാ. 20:5.

8. മാർത്ത​യെ​യും മറിയ​യെ​യും യേശു എങ്ങനെ​യാണ്‌ ആശ്വസി​പ്പി​ച്ചത്‌? (ചിത്ര​ങ്ങ​ളും കാണുക.)

⁸ മാർത്ത​യു​ടെ​യും മറിയ​യു​ടെ​യും ആങ്ങളയായ ലാസർ മരിച്ച​പ്പോൾ യേശു അവരെ ആശ്വസി​പ്പി​ച്ച​തി​നെ​ക്കു​റിച്ച്‌ ചിന്തി​ക്കുക. അവർക്കു രണ്ടു പേർക്കും ഉണ്ടായ നഷ്ടം ഒന്നുത​ന്നെ​യാ​യി​രു​ന്നു. പക്ഷേ യേശു അവരെ ആശ്വസി​പ്പി​ച്ചതു വ്യത്യ​സ്‌ത​രീ​തി​യി​ലാണ്‌. മാർത്ത സംസാ​രിച്ച്‌ കഴിഞ്ഞ​പ്പോൾ യേശു പുനരു​ത്ഥാ​ന​ത്തെ​ക്കു​റി​ച്ചുള്ള സത്യങ്ങൾ പങ്കു​വെ​ക്കു​ക​യും അതിലുള്ള അവളുടെ വിശ്വാ​സം ശക്തി​പ്പെ​ടു​ത്താൻ സഹായി​ക്കു​ക​യും ചെയ്‌തു. എന്നാൽ മറിയ യേശു​വി​ന്റെ അടുത്ത്‌ കരഞ്ഞു​കൊണ്ട്‌ വന്നപ്പോൾ യേശു പുനരു​ത്ഥാ​ന​ത്തെ​പ്പറ്റി ഒന്നും പറഞ്ഞതാ​യി ബൈബി​ളിൽ കാണു​ന്നില്ല. പകരം മറിയ​യോ​ടൊ​പ്പം കരയു​ക​യും ലാസറി​നെ എവി​ടെ​യാണ്‌ അടക്കി​യ​തെന്നു ചോദി​ക്കു​ക​യും ആണ്‌ ചെയ്‌തത്‌. (യോഹ. 11:20-35) എന്താണു നമുക്കുള്ള പാഠം? വിഷമി​ച്ചി​രി​ക്കു​ന്ന​വരെ നമ്മൾ ആശ്വസി​പ്പി​ക്കു​മ്പോൾ അവർക്ക്‌ എന്തു സഹായ​മാ​ണു വേണ്ട​തെന്നു കണ്ടെത്തണം. അല്ലാതെ എല്ലാവർക്കും ഒരേ സഹായ​മാണ്‌ എപ്പോ​ഴും വേണ്ട​തെന്നു ചിന്തി​ക്ക​രുത്‌.

9. മറ്റുള്ള​വർക്ക്‌ ആശ്വാസം നൽകാൻ ബൈബിൾ എങ്ങനെ ഉപയോ​ഗി​ക്കാം? (റോമർ 15:4, 5)

⁹ ബൈബിൾ ഉപയോ​ഗി​ക്കുക. ‘തിരു​വെ​ഴു​ത്തു​കൾ നൽകുന്ന ആശ്വാസം’ ഒരാൾക്കു കൊടു​ക്കു​മ്പോൾ പ്രത്യാശ ശക്തമാ​ക്കാൻ ആ വ്യക്തിയെ നിങ്ങൾ സഹായി​ക്കു​ക​യാണ്‌. (റോമർ 15:4, 5 വായി​ക്കുക.) ആ പ്രത്യാശ അദ്ദേഹ​ത്തി​നു വേണ്ട കൂടു​ത​ലായ ആശ്വാ​സ​വും പ്രോ​ത്സാ​ഹ​ന​വും നൽകും. (യശ. 40:31) എങ്കിൽ മറ്റുള്ള​വരെ ആശ്വസി​പ്പി​ക്കാൻ പറ്റുന്ന ഒരു തിരു​വെ​ഴുത്ത്‌ എങ്ങനെ കണ്ടെത്താ​നാ​കും? ചില സഹോ​ദ​രങ്ങൾ ആശ്വാസം പകരുന്ന തിരു​വെ​ഴു​ത്തു​ക​ളു​ടെ ഒരു ലിസ്റ്റ്‌ സൂക്ഷി​ക്കു​ന്നു. ക്രിസ്‌തീയ ജീവി​ത​ത്തി​നുള്ള ബൈബിൾത​ത്ത്വ​ങ്ങൾ എന്ന പുസ്‌ത​ക​ത്തി​ലെ “ആശ്വാസം” എന്ന തലക്കെ​ട്ടി​ന്റെ കീഴി​ലുള്ള തിരു​വെ​ഴു​ത്തു​കൾ നിങ്ങൾക്ക്‌ ഉപയോ​ഗി​ക്കാ​നാ​യേ​ക്കും. ഇനി ബൈബി​ളി​ലൂ​ടെ സഹോ​ദ​ര​ങ്ങളെ ഏറ്റവും നന്നായി പ്രോ​ത്സാ​ഹി​പ്പി​ക്കാൻവേണ്ട സഹായ​ത്തി​നാ​യി പ്രാർഥി​ക്കുക. ആശ്വസി​പ്പി​ക്കുന്ന തിരു​വെ​ഴു​ത്തു​കൾ ഓർത്തെ​ടു​ക്കാൻ യഹോ​വ​യു​ടെ ആത്മാവി​നു നിങ്ങളെ സഹായി​ക്കാ​നാ​കും.—യോഹ. 14:26.

10. മറ്റുള്ള​വരെ പ്രോ​ത്സാ​ഹി​പ്പി​ക്കു​മ്പോൾ ദയയോ​ടെ സംസാ​രി​ക്കേ​ണ്ടത്‌ എന്തു​കൊണ്ട്‌?

¹⁰ ദയയോ​ടെ സംസാ​രി​ക്കുക. മറ്റുള്ള​വരെ ആശ്വസി​പ്പി​ക്കു​മ്പോൾ ചില​പ്പോ​ഴെ​ങ്കി​ലും അവരുടെ ചിന്തയിൽ മാറ്റം​വ​രു​ത്താൻ അവരെ സഹായി​ക്കേ​ണ്ട​താ​യി വന്നേക്കാം. അങ്ങനെ സംസാ​രി​ക്കേ​ണ്ടി​വ​ന്നാൽ നമ്മൾ വളരെ ചിന്തി​ച്ചു​വേണം വാക്കുകൾ തിര​ഞ്ഞെ​ടു​ക്കാൻ. അല്ലെങ്കിൽ അതു ഗുണ​ത്തെ​ക്കാ​ളേറെ ദോഷം ചെയ്യും. (സുഭാ. 12:18) ഇക്കാര്യ​ത്തിൽ ഏറ്റവും നല്ല മാതൃക വെച്ചി​രി​ക്കു​ന്നത്‌ യഹോ​വ​യാണ്‌. ഉദാഹ​ര​ണ​ത്തിന്‌, ഒരിക്കൽ ഏലിയ യഹോ​വയെ സേവി​ക്കു​ന്നതു താൻ മാത്ര​മാ​ണെ​ന്നും ദൈവ​ത്തി​ന്റെ ഒരു പ്രവാ​ചകൻ എന്ന നിലയിൽ തന്റെ സേവനം ഒരു പരാജ​യ​മാ​ണെ​ന്നും തെറ്റായി ചിന്തിച്ചു. അപ്പോൾ ഏലിയ ചിന്തി​ക്കുന്ന രീതി ശരിയ​ല്ലെന്നു നേരിട്ട്‌ പറയു​ന്ന​തി​നു പകരം യഹോവ ദയയോ​ടെ ചിന്തക​ളിൽ മാറ്റം വരുത്താൻ ഏലിയയെ സഹായി​ച്ചു. (1 രാജാ. 19:15-18) ഇതു​പോ​ലെ ചിന്തിച്ച്‌, ദയയോ​ടെ സംസാ​രി​ക്കു​ന്നെ​ങ്കിൽ നിങ്ങൾക്കും യഹോ​വ​യു​ടെ മാതൃക അനുക​രി​ക്കാ​നാ​കും. ക്രിസ്‌തീയ യോഗ​ങ്ങ​ളിൽ പരിപാ​ടി​കൾ നടത്തു​ക​യോ ഉത്തരം പറയു​ക​യോ ചെയ്യു​മ്പോൾ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്യുന്ന രീതി​യിൽ സംസാ​രി​ക്കുക.

11. ബുദ്ധി​മു​ട്ടി​ലാ​യി​രി​ക്കു​ന്ന​വർക്ക്‌ മിക്ക​പ്പോ​ഴും എന്ത്‌ ആവശ്യ​മാ​യി​വ​ന്നേ​ക്കാം? (1 യോഹ​ന്നാൻ 3:18)

¹¹ പ്രാ​യോ​ഗി​ക​മായ സഹായം കൊടു​ക്കുക. ബുദ്ധി​മു​ട്ടി​ലാ​യി​രി​ക്കുന്ന നമ്മുടെ സഹോ​ദ​ര​ങ്ങൾക്കു മിക്ക​പ്പോ​ഴും ആശ്വാ​സ​വാ​ക്കു​കൾ മാത്രം മതിയാ​കില്ല; അവർക്കു പ്രാ​യോ​ഗി​ക​സ​ഹാ​യ​വും വേണ്ടി​വ​ന്നേ​ക്കാം. (1 യോഹ​ന്നാൻ 3:18 വായി​ക്കുക.) ഇക്കാര്യ​ത്തിൽ ബർന്നബാസ്‌ നല്ലൊരു മാതൃ​ക​യാണ്‌. ബുദ്ധി​മു​ട്ടി​ലാ​യി​രുന്ന സഹോ​ദ​ര​ങ്ങളെ സഹായി​ക്കാ​നാ​യി അദ്ദേഹം തന്റെ കുറച്ച്‌ സ്ഥലം വിൽക്കു​ക​യും പണം കൊടു​ക്കു​ക​യും ചെയ്‌തു. (പ്രവൃ. 4:36, 37) ബർന്നബാ​സി​ന്റെ മാതൃക അനുക​രി​ച്ചു​കൊണ്ട്‌ ഇന്നും പല ക്രിസ്‌ത്യാ​നി​ക​ളും ബുദ്ധി​മു​ട്ടി​ലാ​യി​രി​ക്കുന്ന സഹോ​ദ​ര​ങ്ങൾക്ക്‌ ആവശ്യ​മായ പ്രാ​യോ​ഗി​ക​സ​ഹാ​യം ചെയ്യുന്നു. പോള​ണ്ടിൽനി​ന്നുള്ള ഗബ്രി​യേല സഹോ​ദ​രി​യു​ടെ അനുഭവം അതാണു കാണി​ക്കു​ന്നത്‌. ഒരു വെള്ള​പ്പൊ​ക്ക​ത്തിൽ സഹോ​ദ​രി​യു​ടെ വീടിനു കാര്യ​മായ കേടു​പാ​ടു​കൾ പറ്റി. സഹോ​ദരി പറയുന്നു: “ഞാനും എന്റെ മാതാ​പി​താ​ക്ക​ളും ശരിക്കും പേടി​ച്ചു​പോ​യി. ഞങ്ങൾ ആകെ സങ്കടത്തി​ലാ​യി. ഇനി, ഇതൊക്കെ എങ്ങനെ നന്നാക്കി​യെ​ടു​ക്കു​മെന്നു ഞാൻ ചിന്തിച്ചു. എന്നാൽ അടുത്തുള്ള സഭകളി​ലെ സഹോ​ദ​രങ്ങൾ വന്ന്‌ എന്റെ വീടിന്റെ പണിക​ളെ​ല്ലാം ചെയ്‌തു​തന്നു; അതും ഒറ്റ ദിവസം​കൊണ്ട്‌! ആ അനുഭവം എന്റെ വിശ്വാ​സം ശക്തമാക്കി. തന്റെ ജനത്തെ ഉപയോ​ഗി​ച്ചു​കൊണ്ട്‌ യഹോ​വ​യ്‌ക്കു നമ്മളെ സഹായി​ക്കാ​നാ​കു​മെന്ന്‌ എനിക്ക്‌ ഉറപ്പായി.”

12. പ്രശ്‌നങ്ങൾ ഉള്ളപ്പോൾ നിങ്ങൾ വിശ്വ​സ്‌ത​രാ​യി​രി​ക്കു​ന്നതു മറ്റുള്ള​വരെ എങ്ങനെ സഹായി​ക്കും?

¹² നിങ്ങൾ യഹോ​വ​യോ​ടു വിശ്വ​സ്‌ത​രാ​യി​രി​ക്കുക. ഉപദ്ര​വ​ങ്ങ​ളു​ണ്ടാ​യ​പ്പോൾ തെസ്സ​ലോ​നി​ക്യ​യി​ലെ ക്രിസ്‌ത്യാ​നി​കൾ വിശ്വ​സ്‌ത​രാ​ണെന്നു കേട്ടതു പൗലോ​സി​നു കരുത്തു​പ​കർന്നു. അവരെ സഹായി​ക്കാ​നാ​യി മുമ്പ്‌ പൗലോസ്‌ ഒരുപാ​ടു കഷ്ടപ്പെ​ട്ടി​ട്ടു​ള്ള​താണ്‌. ഇപ്പോ​ഴും അവർ യഹോ​വയെ വിശ്വ​സ്‌ത​മാ​യി സേവി​ക്കു​ന്നു എന്ന്‌ അറിഞ്ഞത്‌ അദ്ദേഹത്തെ ശരിക്കും സന്തോ​ഷി​പ്പി​ച്ചു. (1 തെസ്സ. 3:5-8) അതു​പോ​ലെ പ്രശ്‌ന​ങ്ങ​ളു​ണ്ടാ​കു​മ്പോൾ താനും യഹോ​വ​യോ​ടു വിശ്വ​സ്‌ത​നാ​യി തുടർന്നാൽ എല്ലാ സഹോ​ദ​ര​ങ്ങൾക്കും, തന്നെ നേരിൽ കണ്ടിട്ടി​ല്ലാ​ത്ത​വർക്കു​പോ​ലും അതൊരു പ്രോ​ത്സാ​ഹ​ന​മാ​യി​രി​ക്കും എന്നു പൗലോസ്‌ തിരി​ച്ച​റി​ഞ്ഞു. (കൊലോ. 2:1, 2) അതു​പോ​ലെ​തന്നെ പ്രശ്‌ന​ങ്ങ​ളു​ണ്ടാ​കു​മ്പോൾ നമ്മളും വിശ്വ​സ്‌ത​രാ​യി​രി​ക്കണം. സഹിച്ചു​നിൽക്കാൻ യഹോവ നമ്മളെ സഹായി​ക്കു​ന്നതു നമ്മുടെ സഹോ​ദ​രങ്ങൾ കാണു​മ്പോൾ അത്‌ അവർക്കു വലി​യൊ​രു പ്രോ​ത്സാ​ഹ​ന​മാ​യി​രി​ക്കും.

13. മറ്റുള്ള​വരെ പ്രോ​ത്സാ​ഹി​പ്പി​ക്കു​മ്പോൾ നമ്മൾ എന്തുകൂ​ടി ഓർക്കണം?

¹³ ക്ഷമ കാണി​ക്കുക. വിഷമി​ച്ചി​രി​ക്കുന്ന സഹോ​ദ​ര​ങ്ങളെ ആശ്വസി​പ്പി​ക്കാൻ ശ്രമി​ക്കു​മ്പോൾ നമ്മുടെ സഹായ​ത്തോട്‌ അവർ പെട്ടെന്നു പ്രതി​ക​രി​ക്ക​ണ​മെ​ന്നില്ല. എന്നാൽ തിരു​വെ​ഴു​ത്തു​കൾ പറയു​ന്നത്‌ “പരസ്‌പരം ആശ്വസി​പ്പി​ച്ചു​കൊ​ണ്ടി​രി​ക്കുക” എന്നാണ്‌. “ആശ്വസി​പ്പി​ച്ചു​കൊ​ണ്ടി​രി​ക്കുക” എന്നു പറഞ്ഞാൽ അതു തുടർച്ച​യാ​യി ചെയ്യേ​ണ്ട​താണ്‌. (1 തെസ്സ. 4:18) അതു​കൊണ്ട്‌ സഹോ​ദ​ര​ങ്ങളെ സഹായി​ക്കു​മ്പോൾ ക്ഷമയു​ള്ള​വ​രാ​യി​രി​ക്കുക. വീണ്ടും​വീ​ണ്ടും അവരെ ആശ്വസി​പ്പി​ക്കാൻ ശ്രമി​ക്കുക. (1 തെസ്സ. 5:14) എന്നാൽ ചില സമയം നമുക്കാ​യി​രി​ക്കാം ആശ്വാസം വേണ്ടി​വ​രു​ന്നത്‌. അപ്പോൾ നമ്മൾ എന്തു ചെയ്യണം?

നിങ്ങൾക്ക്‌ ആശ്വാസം വേണ്ടി​വ​രു​മ്പോൾ

14-15. നമുക്കു സങ്കടം തോന്നു​മ്പോൾ എന്തു ചെയ്യാ​നാ​കും?

¹⁴ യഹോ​വ​യോ​ടു പ്രാർഥി​ക്കുക. നിരാ​ശ​യോ ഉത്‌ക​ണ്‌ഠ​യോ തോന്നു​മ്പോൾ നമ്മളെ ആശ്വസി​പ്പി​ക്കണേ എന്ന്‌ യഹോ​വ​യോ​ടു പ്രാർഥി​ക്കാ​നാ​കും. (സങ്കീ. 94:19) നമുക്ക്‌ എന്താണോ തോന്നു​ന്നത്‌ അത്‌ അതു​പോ​ലെ​തന്നെ യഹോ​വ​യോ​ടു തുറന്നു​പ​റ​യുക. (സങ്കീ. 62:8) നമ്മൾ പ്രാർഥി​ക്കു​ന്ന​തി​നു മുമ്പു​തന്നെ നമ്മുടെ ഹൃദയ​ത്തി​ലു​ള്ള​തെ​ല്ലാം യഹോ​വ​യ്‌ക്ക്‌ അറിയാം എന്നതു ശരിയാണ്‌. പക്ഷേ, ഉള്ളിലു​ള്ള​തെ​ല്ലാം തുറന്നു​പ​റ​യു​മ്പോൾ യഹോ​വ​യി​ലുള്ള വിശ്വാ​സ​മാ​ണു നമ്മൾ കാണി​ക്കു​ന്നത്‌. നമ്മൾ അങ്ങനെ വിശ്വാ​സ​ത്തോ​ടെ പ്രാർഥി​ക്കു​മ്പോൾ യഹോവ ഏതെങ്കി​ലും വിധത്തിൽ ഉറപ്പാ​യും നമ്മളെ സഹായി​ക്കും. (മർക്കോ. 11:24) ഫിലി​പ്പി​യർ 4:6, 7 ഇങ്ങനെ​യാ​ണു പ്രോ​ത്സാ​ഹി​പ്പി​ക്കു​ന്നത്‌: “നിങ്ങളു​ടെ അപേക്ഷകൾ . . . ദൈവത്തെ അറിയി​ക്കുക. അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും ക്രിസ്‌തു​യേശു മുഖാ​ന്തരം കാക്കും.”

¹⁵ മറ്റുള്ള​വ​രോ​ടു സഹായം ചോദി​ക്കുക. നിങ്ങൾ മനസ്സ്‌ തുറക്കാൻ ആഗ്രഹി​ക്കുന്ന ഒരു സുഹൃ​ത്തി​നോ​ടോ മൂപ്പ​നോ​ടോ നിങ്ങളു​ടെ സങ്കടങ്ങ​ളെ​ല്ലാം പറയാ​നാ​കും. സഹോ​ദ​രങ്ങൾ തീർച്ച​യാ​യും നിങ്ങളെ സഹായി​ക്കും. പക്ഷേ ബുദ്ധി​മു​ട്ടു​ക​ളും സങ്കടങ്ങ​ളും അവരോ​ടു തുറന്നു​പ​റ​ഞ്ഞാ​ലേ അവർക്കു നിങ്ങളെ ആശ്വസി​പ്പി​ക്കാൻ കഴിയൂ. (സുഭാ. 14:10) നിങ്ങളു​ടെ സങ്കടങ്ങ​ളൊ​ക്കെ ഒന്നു ശ്രദ്ധി​ച്ചു​കേൾക്കാ​നും ആശ്വാസം പകരുന്ന ഒരു തിരു​വെ​ഴു​ത്തോ ലേഖന​മോ പങ്കു​വെ​ക്കാ​നും നിങ്ങൾക്ക്‌ അവരോ​ടു പറയാം.

16. സഹോ​ദ​രങ്ങൾ നിങ്ങളെ പ്രോ​ത്സാ​ഹി​പ്പി​ക്കാൻ ശ്രമി​ക്കു​മ്പോൾ എന്തു സംഭവി​ച്ചേ​ക്കാം, എന്നാൽ നിങ്ങൾ എന്ത്‌ ഓർക്കണം?

¹⁶ ക്ഷമിക്കു​ന്ന​വ​രാ​യി​രി​ക്കുക. സഹോ​ദ​രങ്ങൾ നിങ്ങളെ ആശ്വസി​പ്പി​ക്കാൻ ശ്രമി​ക്കു​മ്പോൾ അവർക്ക്‌ അറിയാ​തെ ചില തെറ്റുകൾ ഒക്കെ പറ്റി​യേ​ക്കാം. ഉദാഹ​ര​ണ​ത്തിന്‌, നിങ്ങളെ വിഷമി​പ്പി​ക്കുന്ന രീതി​യിൽ എന്തെങ്കി​ലും സംസാ​രി​ക്കു​ക​യോ പ്രവർത്തി​ക്കു​ക​യോ ചെയ്‌തേ​ക്കാം. അങ്ങനെ സംഭവി​ച്ചാൽ അവരോ​ടു ക്ഷമിക്കുക. (1 കൊരി. 13:4, 7) യാക്കോബ്‌ 3:2 ഇങ്ങനെ പറയുന്നു: ‘വാക്കു പിഴയ്‌ക്കാത്ത ആരെങ്കി​ലു​മു​ണ്ടെ​ങ്കിൽ അയാൾ പൂർണ​മ​നു​ഷ്യ​നാണ്‌.’ അതു​കൊണ്ട്‌ നിങ്ങളെ സഹായി​ക്കാൻ വന്ന സഹോ​ദ​ര​ങ്ങ​ളു​ടെ നല്ല ഉദ്ദേശ്യ​ത്തിൽ ശ്രദ്ധി​ക്കുക. “ആത്മാവ്‌ തയ്യാറാ​ണെ​ങ്കി​ലും ശരീരം ബലഹീ​ന​മാണ്‌” എന്ന കാര്യം ഓർക്കാം.—മത്താ. 26:41.

17. എന്തു ചെയ്യാൻ നമ്മൾ തീരു​മാ​നി​ച്ചു​റ​യ്‌ക്കണം?

¹⁷ ഈ കാലത്ത്‌ ജീവി​ക്കുന്ന നമു​ക്കെ​ല്ലാം ആശ്വാ​സ​വും പ്രോ​ത്സാ​ഹ​ന​വും ആവശ്യ​മാണ്‌. അവസാ​ന​ത്തോട്‌ അടുക്കും​തോ​റും നമുക്ക്‌ അതു കൂടുതൽ ആവശ്യ​മാ​യി​വ​രും. ദൈവ​ജ​ന​ത്തിന്‌ എതി​രെ​യുള്ള ആക്രമണം സാത്താൻ ശക്തമാ​ക്കി​ക്കൊ​ണ്ടി​രി​ക്കു​ക​യാണ്‌. അതു​കൊണ്ട്‌ പരസ്‌പരം ആശ്വസി​പ്പി​ക്കാൻ കഴിയു​ന്ന​തെ​ല്ലാം ചെയ്യാൻ നമുക്കു തീരു​മാ​നി​ച്ചു​റ​യ്‌ക്കാം.