നമ്മളെ വെറു​ക്കു​മ്പോ​ഴും നമുക്കു സന്തോ​ഷി​ക്കാം

1. വെറുപ്പു നേരി​ടു​ന്ന​തി​നെ​ക്കു​റിച്ച്‌ അതിശ​യി​പ്പി​ക്കുന്ന എന്തു കാര്യ​മാണ്‌ യേശു പറഞ്ഞത്‌?

മലയിലെ പ്രസം​ഗ​ത്തിൽ യേശു ഇങ്ങനെ പറഞ്ഞു: ‘ആളുകൾ നിങ്ങളെ വെറു​ക്കു​മ്പോൾ നിങ്ങൾ സന്തുഷ്ടർ.’ (ലൂക്കോ. 6:22) അതു കേട്ട​പ്പോൾ അവിടെ കൂടി​യി​രു​ന്ന​വർക്ക്‌ അതിശയം തോന്നി​ക്കാ​ണും. മറ്റുള്ളവർ തങ്ങളെ വെറു​ക്ക​ണ​മെന്ന്‌ ആരും ആഗ്രഹി​ക്കു​ന്നി​ല്ല​ല്ലോ. യേശു എന്തു​കൊ​ണ്ടാണ്‌ അങ്ങനെ പറഞ്ഞത്‌? ആ ചോദ്യ​ത്തെ​ക്കു​റിച്ച്‌ ചിന്തി​ക്കു​ന്നതു നല്ലതാണ്‌. കാരണം, ഇന്നുള്ള യേശു​വി​ന്റെ അനുഗാ​മി​കൾ വെറു​പ്പിന്‌ ഇരയാ​കു​ന്നുണ്ട്‌. നമുക്ക്‌ ഇപ്പോൾ, മറ്റുള്ളവർ നമ്മളെ വെറു​ക്കു​ന്ന​തി​ന്റെ ചില കാരണങ്ങൾ എന്താ​ണെ​ന്നും അപ്പോൾപ്പോ​ലും നമുക്ക്‌ സന്തോ​ഷി​ക്കാൻ കഴിയു​ന്നത്‌ എന്തു​കൊ​ണ്ടാ​ണെ​ന്നും നോക്കാം.

നമ്മളെ വെറു​ക്കു​ന്നത്‌ എന്തു​കൊണ്ട്‌?

2-3. സത്യ​ക്രി​സ്‌ത്യാ​നി​കൾ ഉപദ്ര​വി​ക്ക​പ്പെ​ടു​ന്ന​തി​ന്റെ ഒരു കാരണം എന്താണ്‌, അത്‌ ഓർക്കു​ന്നതു നമ്മളെ എതിർക്കു​ന്ന​വ​രെ​ക്കു​റിച്ച്‌ നല്ലൊരു മനോ​ഭാ​വം നിലനി​റു​ത്താൻ സഹായി​ക്കു​ന്നത്‌ എങ്ങനെ? (യോഹ​ന്നാൻ 16:2, 3)

² യഹോ​വയെ ആരാധി​ക്കു​ന്ന​തു​കൊണ്ട്‌ ആളുകൾ നമ്മളെ വെറു​ക്കു​ന്നു. തന്റെ അനുഗാ​മി​കളെ ഉപദ്ര​വി​ക്കാ​നും അവരിൽ ചിലരെ കൊല്ലാ​നും പോകു​ന്ന​വ​രെ​ക്കു​റിച്ച്‌ യേശു ഇങ്ങനെ പറഞ്ഞു: ‘പിതാ​വി​നെ​യോ എന്നെയോ അവർ അറിയു​ന്നില്ല.’ (യോഹ​ന്നാൻ 16:2, 3 വായി​ക്കുക.) അങ്ങനെ​യെ​ങ്കിൽ ദൈവ​ജനം അനുഭ​വി​ക്കുന്ന എതിർപ്പി​നു പിന്നിൽ ശരിക്കും ആരാണ്‌? ‘ഈ വ്യവസ്ഥി​തി​യു​ടെ ദൈവ​മായ’ സാത്താൻ. (2 കൊരി. 4:3, 4) അവൻ യഹോ​വ​യെ​ക്കു​റി​ച്ചുള്ള സത്യം ആളുകൾ അറിയാ​തി​രി​ക്കാൻ അവരെ അന്ധരാ​ക്കി​യി​രി​ക്കു​ന്നു. ഇനി ദൈവത്തെ അറിയു​ക​യും സ്‌നേ​ഹി​ക്കു​ക​യും ചെയ്യു​ന്ന​വരെ എതിർക്കാ​നും ആളുകളെ പ്രേരി​പ്പി​ക്കു​ന്നു. (യോഹ. 8:42-44) അതെ, ആളുകൾ നമ്മളെ എതിർക്കു​ന്നതു സാത്താൻ അവരെ വഞ്ചിച്ചി​രി​ക്കു​ന്ന​തു​കൊ​ണ്ടാണ്‌. ഇത്‌ ഓർക്കു​ന്നത്‌ അവരെ തിരിച്ച്‌ വെറു​ക്കാ​തി​രി​ക്കാൻ നമ്മളെ സഹായി​ക്കും.

³ പാവെലിന്റെa അനുഭവം നോക്കാം. നമ്മുടെ പ്രവർത്ത​ന​ത്തി​നു നിരോ​ധ​ന​മുള്ള ഒരു രാജ്യ​ത്താണ്‌ അദ്ദേഹം താമസി​ക്കു​ന്നത്‌. യഹോ​വയെ വിശ്വ​സ്‌ത​മാ​യി ആരാധി​ച്ച​തു​കൊണ്ട്‌ സഹോ​ദ​രനെ അറസ്റ്റ്‌ ചെയ്‌തു. അദ്ദേഹത്തെ ക്രൂര​മാ​യി അടിക്കു​ക​യും മാസങ്ങ​ളോ​ളം ഏകാന്ത​ത​ട​വിൽ ഇടുക​യും ചെയ്‌തു. അദ്ദേഹം ഇപ്പോൾ പറയുന്നു: “ജയില​ധി​കാ​രി​ക​ളിൽ മിക്കവർക്കും നമ്മളോട്‌ എന്തെങ്കി​ലും വിരോ​ധ​മു​ള്ള​താ​യി തോന്നു​ന്നില്ല. അവർ അവരുടെ ജോലി ചെയ്യു​ന്നെന്നേ ഉള്ളൂ. നമ്മൾ അനുഭ​വി​ക്കുന്ന ഉപദ്ര​വ​ങ്ങൾക്കു കാരണം സാത്താ​നും ഭൂതങ്ങ​ളും ശുദ്ധാ​രാ​ധ​ന​യ്‌ക്ക്‌ എതിരെ പ്രവർത്തി​ക്കു​ന്ന​തു​കൊ​ണ്ടാ​ണെന്ന്‌ എനിക്ക്‌ ഇപ്പോൾ ശരിക്കും മനസ്സി​ലാ​കു​ന്നു.” അവിശ്വാ​സി​ക​ളായ മാതാ​പി​താ​ക്ക​ളിൽനിന്ന്‌ ക്രൂര​മായ പെരു​മാ​റ്റം സഹി​ക്കേ​ണ്ടി​വന്ന ക്രൊ​യേ​ഷ്യ​യി​ലെ ഒരു സഹോ​ദരൻ പറഞ്ഞു: “മാതാ​പി​താ​ക്കളല്ല, സാത്താ​നാണ്‌ എന്റെ യഥാർഥ ശത്രു​വെന്നു ഞാൻ ഇപ്പോൾ മനസ്സി​ലാ​ക്കു​ന്നു.”—എഫെ. 6:12.

4. യേശു​വി​ന്റെ​യും ശിഷ്യ​നായ സ്‌തെ​ഫാ​നൊ​സി​ന്റെ​യും മാതൃ​ക​യിൽനിന്ന്‌ നമുക്ക്‌ എന്തു പഠിക്കാം? (ചിത്ര​വും കാണുക.)

⁴ അതെ, നമ്മളെ എതിർക്കു​ന്ന​വരെ നമ്മൾ വെറു​ക്കു​ന്നില്ല. അവർക്കു​വേണ്ടി പ്രാർഥി​ക്കാ​നാ​യി​രി​ക്കും നമുക്കു തോന്നു​ന്നത്‌. (മത്താ. 5:44) ഈ കാര്യ​ത്തിൽ യേശു​വും ശിഷ്യ​നായ സ്‌തെ​ഫാ​നൊ​സും നല്ലൊരു മാതൃ​ക​യാണ്‌. ദണ്ഡനസ്‌തം​ഭ​ത്തിൽ കിടന്ന​പ്പോൾ യേശു ഇങ്ങനെ പ്രാർഥി​ച്ചു: “പിതാവേ, . . . ഇവരോ​ടു ക്ഷമി​ക്കേ​ണമേ.” (ലൂക്കോ. 23:34) തന്നെ സ്‌തം​ഭ​ത്തിൽ തറച്ച്‌ കൊല്ലാ​നാ​യി നിയമി​ത​രായ പടയാ​ളി​ക​ളോട്‌ ക്ഷമിക്കണേ എന്ന്‌ യേശു അപേക്ഷി​ക്കു​ക​യാ​യി​രു​ന്നു. ആ സമയത്ത്‌ യേശു​വി​ന്റെ മനസ്സിൽ തന്റെ മരണത്തി​നു​വേണ്ടി മുറവി​ളി കൂട്ടിയ ജനക്കൂ​ട്ട​വും ഉണ്ടായി​രു​ന്നി​രി​ക്കാം. അവരെ യേശു​വി​ന്റെ ശത്രു​ക്ക​ളായ മതനേ​താ​ക്ക​ന്മാർ സ്വാധീ​നി​ച്ച​താണ്‌. ആ ജനത്തി​നും തങ്ങൾ എന്താണു ചെയ്യു​ന്ന​തെന്നു ശരിക്കും അറിയി​ല്ലാ​യി​രു​ന്നു. ഇക്കാര്യം യേശു മനസ്സി​ലാ​ക്കി. ശിഷ്യ​നായ സ്‌തെ​ഫാ​നൊ​സും തന്നെ കൊല്ലു​ന്ന​വ​രോ​ടു ക്ഷമിക്കണേ എന്ന്‌ ദൈവ​ത്തോട്‌ അപേക്ഷി​ച്ചു. (പ്രവൃ. 7:58-60) യഹോവ യേശു​വി​ന്റെ​യും സ്‌തെ​ഫാ​നൊ​സി​ന്റെ​യും പ്രാർഥ​ന​കൾക്ക്‌ ഉത്തരം കൊടു​ത്തോ? കൊടു​ത്തു. യേശു​വി​നെ കൊല്ലാൻ ആഗ്രഹിച്ച പലരും പിന്നീടു മാനസാ​ന്ത​ര​പ്പെ​ടു​ക​യും യേശു​വിൽ വിശ്വ​സി​ക്കു​ക​യും സ്‌നാ​ന​പ്പെ​ടു​ക​യും ചെയ്‌തു. (പ്രവൃ. 2:36-41) സ്‌തെ​ഫാ​നൊ​സി​ന്റെ കാര്യ​ത്തിൽ, അദ്ദേഹ​ത്തി​ന്റെ കൊല​പാ​ത​ക​ത്തിൽ ഉൾപ്പെ​ട്ടി​രുന്ന ഒരാ​ളെ​ങ്കി​ലും പിന്നീടു ക്രിസ്‌ത്യാ​നി​യാ​യി. തർസൊ​സു​കാ​ര​നായ ശൗലാ​യി​രു​ന്നു അത്‌. അറിവി​ല്ലാ​യ്‌മ​കൊണ്ട്‌ ചെയ്‌ത ക്രൂര​മായ കാര്യങ്ങൾ ഓർത്ത്‌ അദ്ദേഹ​ത്തി​നു പിന്നീടു വലിയ കുറ്റ​ബോ​ധം തോന്നി.—1 തിമൊ. 1:13.

5. സെസ്സാ​റി​ന്റെ അനുഭ​വ​ത്തിൽനിന്ന്‌ നിങ്ങൾ എന്തെല്ലാം പഠിച്ചു?

⁵ നമ്മളെ എതിർക്കു​ന്ന​വർക്കു​വേണ്ടി പ്രാർഥി​ക്കു​മ്പോൾ യഹോവ ഇന്നും ഉത്തരം തരുന്നുണ്ട്‌. വെന​സ്വേ​ല​യിൽ താമസി​ക്കുന്ന സെസ്സാ​റി​ന്റെ അനുഭവം നോക്കാം. അദ്ദേഹ​ത്തി​ന്റെ പപ്പ സത്യത്തെ വളരെ ശക്തമായി എതിർത്തി​രു​ന്നു. സെസ്സാർ പറയുന്നു: “എന്റെ അമ്മ പപ്പയ്‌ക്കു നല്ലൊരു ഭാര്യ​യും മക്കൾക്കു നല്ലൊരു അമ്മയും ആയിരു​ന്നു. ആത്മീയ​കാ​ര്യ​ങ്ങൾക്ക്‌ അമ്മ എപ്പോ​ഴും ഒന്നാം സ്ഥാനം കൊടു​ത്തെ​ങ്കി​ലും പപ്പയുടെ കാര്യങ്ങൾ ഒരിക്ക​ലും അവഗണി​ച്ചില്ല. പപ്പയെ ബഹുമാ​നി​ക്കാൻ മക്കളെ​യെ​ല്ലാം പഠിപ്പി​ച്ചു. ദൈവം പറയു​ന്ന​തിന്‌ എതിര​ല്ലാ​ത്തി​ട​ത്തോ​ളം പപ്പ എന്തു പറഞ്ഞാ​ലും അനുസ​രി​ക്ക​ണ​മെ​ന്നും അമ്മ ഞങ്ങളോ​ടു പറഞ്ഞു.” കുറച്ച്‌ വർഷം കഴിഞ്ഞ​പ്പോൾ സെസ്സാ​റി​ന്റെ പപ്പയുടെ മനോ​ഭാ​വ​ത്തിന്‌ മാറ്റം വരാൻതു​ടങ്ങി. സെസ്സാർ പറയുന്നു: “ഒരു ദിവസം ഹൃദയം തുറന്ന്‌ പ്രാർഥി​ച്ച​ശേഷം ഞാൻ പപ്പയോട്‌ ഒരുമിച്ച്‌ ബൈബിൾ പഠിച്ചാ​ലോ എന്നു ചോദി​ച്ചു. പപ്പ സമ്മതി​ച്ച​പ്പോൾ എനിക്കു​ണ്ടായ സന്തോഷം പറഞ്ഞറി​യി​ക്കാ​നാ​കില്ല.” പിന്നീടു സെസ്സാ​റി​ന്റെ പപ്പ സ്‌നാ​ന​പ്പെട്ടു. നമ്മളെ എതിർക്കു​ന്ന​വ​രെ​ല്ലാം ഇതു​പോ​ലെ ബൈബിൾ പഠിച്ച്‌ ക്രിസ്‌ത്യാ​നി​ക​ളാ​ക​ണ​മെ​ന്നില്ല. പക്ഷേ നമ്മുടെ ആദര​വോ​ടെ​യുള്ള സംസാ​ര​വും നല്ല പെരു​മാ​റ്റ​വും കാണു​മ്പോൾ അവരിൽ ചിലരു​ടെ മനോ​ഭാ​വ​ത്തി​നു മാറ്റം​വ​രും. അതു കാണു​മ്പോൾ നമുക്ക്‌ എത്ര സന്തോഷം തോന്നു​മല്ലേ! ‘സർവഭൂ​മി​യു​ടെ​യും ന്യായാ​ധി​പ​നായ,’ കരുണാ​മ​യ​നായ യഹോവ അത്തരം ആളുകളെ തന്നി​ലേക്ക്‌ ആകർഷി​ച്ചേ​ക്കാ​വു​ന്നത്‌ എങ്ങനെ​യെന്ന്‌ കാണാൻ നമ്മൾ നോക്കി​യി​രി​ക്കു​ക​യാണ്‌.—ഉൽപ. 18:25.

6. മർക്കോസ്‌ 13:13 അനുസ​രിച്ച്‌ നമ്മളെ ആളുകൾ വെറു​ക്കു​ന്ന​തി​ന്റെ മറ്റൊരു കാരണം എന്താണ്‌?

⁶ യേശു​വി​നെ പിന്തു​ണ​യ്‌ക്കു​ന്ന​തു​കൊണ്ട്‌ ആളുകൾ നമ്മളെ വെറു​ക്കു​ന്നു. ‘തന്റെ പേര്‌ നിമിത്തം’ എല്ലാവ​രും തന്റെ അനുഗാ​മി​കളെ വെറു​ക്കു​മെന്ന്‌ യേശു പറഞ്ഞു. (മർക്കോസ്‌ 13:13 വായി​ക്കുക.) യേശു​വി​ന്റെ “പേര്‌” പ്രതീ​ക​പ്പെ​ടു​ത്തു​ന്നത്‌, ദൈവ​രാ​ജ്യ​ത്തി​ന്റെ രാജാവ്‌ എന്ന നിലയി​ലുള്ള യേശു​വി​ന്റെ അധികാ​ര​ത്തെ​യും സ്ഥാന​ത്തെ​യും ആണ്‌. ഭരണം നടത്താ​നാ​യി യഹോവ നിയമി​ച്ചി​രി​ക്കുന്ന യേശു​ക്രി​സ്‌തു​വി​ലാ​ണു നമ്മൾ വിശ്വാ​സം അർപ്പി​ക്കു​ന്നത്‌. എന്നാൽ മനുഷ്യ​നേ​താ​ക്ക​ളിൽ ആശ്രയി​ക്കുന്ന ആളുകൾ നമ്മളെ വെറു​ക്കു​ന്നു. പക്ഷേ ഈ അവസ്ഥ എല്ലാ കാലവും ഇങ്ങനെ തുടരില്ല. 1914-ൽ ഭരണം തുടങ്ങിയ യേശു​ക്രി​സ്‌തു പെട്ടെ​ന്നു​തന്നെ തന്റെ അധികാ​രത്തെ എതിർക്കുന്ന എല്ലാ ഗവൺമെ​ന്റു​ക​ളെ​യും നീക്കം ചെയ്യും.

7-8. നമ്മളെ വെറു​ക്കു​ന്ന​തി​ന്റെ വേറൊ​രു കാരണം എന്താണ്‌? (യോഹ​ന്നാൻ 15:18-20) (ചിത്ര​ങ്ങ​ളും കാണുക.)

⁷ സാത്താന്റെ ലോക​ത്തിൽനിന്ന്‌ വ്യത്യ​സ്‌ത​രാ​യി നിൽക്കു​ന്ന​തു​കൊണ്ട്‌ ആളുകൾ നമ്മളെ വെറു​ക്കു​ന്നു. ‘ലോക​ത്തി​ന്റെ ഭാഗമ​ല്ലാ​ത്ത​തു​കൊണ്ട്‌’ തന്റെ അനുഗാ​മി​കളെ മറ്റുള്ളവർ വെറു​ക്കു​മെന്ന്‌ യേശു പറഞ്ഞു. (യോഹ​ന്നാൻ 15:18-20 വായി​ക്കുക.) ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ക​ളെ​പ്പോ​ലെ നമ്മളും ഈ ലോക​ത്തി​ന്റെ തെറ്റായ മനോ​ഭാ​വ​ങ്ങ​ളും പെരു​മാ​റ്റ​രീ​തി​ക​ളും സംസാ​ര​വും ഒഴിവാ​ക്കു​ന്നു. അതുകാ​രണം ജോലി​സ്ഥ​ല​ത്തും സ്‌കൂ​ളി​ലും ഒക്കെ പല സഹോ​ദ​ര​ങ്ങ​ളും പരിഹാ​സ​ത്തിന്‌ ഇരകളാ​കു​ന്നുണ്ട്‌. (1 പത്രോ. 4:3, 4) എന്നാൽ സന്തോ​ഷ​മുള്ള ഒരു കാര്യം, നമ്മളെ എതിർക്കുന്ന ചിലർക്കു പിന്നീടു മാറ്റം വരുന്നുണ്ട്‌ എന്നതാണ്‌. അവർ നമ്മുടെ നിലപാ​ടി​നെ ആദരി​ക്കാൻ തുടങ്ങി​യി​രി​ക്കു​ന്നു.

⁸ മധ്യ അമേരി​ക്ക​യി​ലെ ഇഗ്‌നാ​ഷി​യോ​യു​ടെ അനുഭവം നോക്കുക. ഉയർന്ന ധാർമി​ക​നി​ല​വാ​രങ്ങൾ പിൻപ​റ്റി​യ​തി​ന്റെ പേരിൽ സ്‌കൂ​ളി​ലെ ഒരു അധ്യാ​പകൻ വർഷങ്ങ​ളോ​ളം ഇഗ്‌നാ​ഷി​യോ​യെ കളിയാ​ക്കു​മാ​യി​രു​ന്നു. പക്ഷേ സ്‌കൂൾപ​ഠനം കഴിയാ​റായ സമയത്ത്‌ ആ അധ്യാ​പകൻ വന്ന്‌, ഇത്രയ​ധി​കം കളിയാ​ക്ക​ലു​കൾ സഹി​ക്കേ​ണ്ടി​വ​ന്നി​ട്ടും എങ്ങനെ​യാ​ണു ബൈബിൾത​ത്ത്വ​ങ്ങൾക്കു ചേർച്ച​യിൽ ജീവി​ക്കാൻ കഴിഞ്ഞ​തെന്ന്‌ ഇഗ്‌നാ​ഷി​യോ​യോട്‌ ചോദി​ച്ചു. ദൈവ​ത്തി​ന്റെ നിയമ​ങ്ങളെ താനൊ​രു സംരക്ഷ​ണ​മാ​യി​ട്ടാ​ണു കാണു​ന്ന​തെന്ന്‌ ഇഗ്‌നാ​ഷി​യോ അപ്പോൾ പറഞ്ഞു. എന്നിട്ട്‌ അദ്ദേഹത്തെ നമ്മുടെ ഒരു മീറ്റി​ങ്ങി​നു ക്ഷണിച്ചു. അദ്ദേഹം വരു​മെന്ന്‌ ഇഗ്‌നാ​ഷി​യോ ഒട്ടും പ്രതീ​ക്ഷി​ച്ചില്ല; പക്ഷേ വന്നു. നമ്മുടെ സഹോ​ദ​ര​ങ്ങ​ളു​ടെ സ്‌നേഹം കണ്ടപ്പോൾ അധ്യാ​പ​കനു വളരെ​യ​ധി​കം മതിപ്പു തോന്നി. തുടർന്നും മീറ്റി​ങ്ങി​നു വരാൻ തീരു​മാ​നി​ച്ചു. പിന്നീടു ബൈബിൾ പഠിക്കു​ന്ന​തി​ന്റെ പേരിൽ അദ്ദേഹ​ത്തി​നു​തന്നെ ഒരുപാട്‌ എതിർപ്പു​കൾ നേരി​ടേ​ണ്ടി​വന്നു. പക്ഷേ അദ്ദേഹം അതൊ​ന്നും കാര്യ​മാ​ക്കി​യില്ല, ആത്മീയ​പു​രോ​ഗതി വരുത്തു​ക​യും സ്‌നാ​ന​പ്പെ​ടു​ക​യും ചെയ്‌തു.

9-10. (എ) സാത്താന്റെ ലോക​ത്തി​ലെ ആളുക​ളിൽനിന്ന്‌ ക്രിസ്‌ത്യാ​നി​കളെ വ്യത്യ​സ്‌ത​രാ​ക്കുന്ന മറ്റൊരു കാര്യം എന്താണ്‌? (ബി) അപ്പോ​സ്‌ത​ല​നായ പൗലോ​സി​ന്റെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാം?

⁹ രാഷ്ട്രീ​യ​ത്തിൽനി​ന്നും യുദ്ധത്തിൽനി​ന്നും മാറി​നി​ന്നു​കൊ​ണ്ടും നമ്മൾ സാത്താന്റെ ലോക​ത്തിൽ വ്യത്യ​സ്‌ത​രാ​യി നിൽക്കും. (യോഹ. 18:36) റോമർ 13:1-നു ചേർച്ച​യിൽ നമ്മൾ രാജ്യത്തെ നിയമങ്ങൾ അനുസ​രി​ക്കാൻ പരമാ​വധി ശ്രമി​ക്കു​ന്ന​വ​രാണ്‌. എങ്കിലും ക്രിസ്‌ത്യാ​നി​ക​ളാ​യ​തു​കൊണ്ട്‌ രാഷ്ട്രീ​യ​കാ​ര്യ​ങ്ങ​ളിൽ നമ്മൾ നിഷ്‌പ​ക്ഷ​രാ​യി​രി​ക്കും. നമ്മൾ യഹോ​വ​യോ​ടും ക്രിസ്‌തു​വി​ന്റെ നേതൃ​ത്വ​ത്തി​ലുള്ള ദൈവ​രാ​ജ്യ​ത്തോ​ടും ആണ്‌ വിശ്വ​സ്‌ത​രാ​യി​രി​ക്കാൻ ആഗ്രഹി​ക്കു​ന്നത്‌. അതു​കൊണ്ട്‌ നമ്മൾ ഇലക്ഷനു നിൽക്കാ​നോ വോട്ടു ചെയ്യാ​നോ പോകില്ല. വിശ്വാ​സ​ത്തി​ന്റെ പേരിൽ യഹോ​വ​യു​ടെ സാക്ഷി​ക​ളിൽപ്പെട്ട പലർക്കും ജയിലിൽ കഴി​യേ​ണ്ടി​വ​രു​ന്നുണ്ട്‌. എങ്കിലും തടവി​ലാ​യി​രി​ക്കു​മ്പോ​ഴും സഹോ​ദ​രങ്ങൾ സന്തോ​ഷ​വാർത്ത അറിയി​ക്കു​ന്നതു നിറു​ത്തു​ന്നില്ല. അങ്ങനെ ചെയ്യു​മ്പോൾ അവർ, വീട്ടു​ത​ട​ങ്ക​ലി​ലും ജയിലി​ലും വർഷങ്ങ​ളോ​ളം കഴിഞ്ഞ പൗലോസ്‌ അപ്പോ​സ്‌ത​ലനെ അനുക​രി​ക്കു​ക​യാണ്‌. (പ്രവൃ. 24:27; 28:16, 30) കേൾക്കാൻ മനസ്സുള്ള എല്ലാവ​രെ​യും പൗലോസ്‌ തുടർന്നും സന്തോ​ഷ​വാർത്ത അറിയി​ച്ചു. അതിൽ കാവൽക്കാ​രും കോട​തി​യി​ലെ ഉദ്യോ​ഗ​സ്ഥ​രും ഗവർണർമാ​രും രാജാ​ക്ക​ന്മാ​രും ഒരുപക്ഷേ റോമൻ ചക്രവർത്തി​യായ നീറോ​യു​ടെ ഉദ്യോ​ഗ​സ്ഥർപോ​ലും ഉണ്ടായി​രു​ന്നു.—പ്രവൃ. 9:15.

¹⁰ അതു​പോ​ലെ ജയിലിൽ കഴിയുന്ന ഇക്കാലത്തെ സഹോ​ദ​ര​ങ്ങ​ളും ജഡ്‌ജി​മാർ, ഗവൺമെന്റ്‌ ഉദ്യോ​ഗസ്ഥർ, കാവൽ നിൽക്കുന്ന പോലീ​സു​കാർ അങ്ങനെ കേൾക്കാൻ മനസ്സുള്ള എല്ലാവ​രെ​യും സന്തോ​ഷ​വാർത്ത അറിയി​ക്കു​ന്നു. നിഷ്‌പ​ക്ഷ​ത​യു​ടെ പേരിൽ ആറില​ധി​കം വർഷം ജയിലിൽ കഴിഞ്ഞ ഒരു സഹോ​ദരൻ പറഞ്ഞത്‌, താൻ അതിനെ ഒരു ശിക്ഷയാ​യി​ട്ടല്ല, പകരം ചെമ്മരി​യാ​ടു​തു​ല്യ​രായ ആളുകളെ കണ്ടെത്തു​ന്ന​തി​നു​വേണ്ടി യഹോവ തന്ന ഒരു നിയമ​ന​മാ​യി​ട്ടാണ്‌ കണ്ടത്‌ എന്നാണ്‌. അത്തരം ആളുകളെ സന്തോ​ഷ​വാർത്ത അറിയി​ക്കാൻ യഹോവ നമ്മളെ ഉപയോ​ഗി​ക്കു​ക​യാ​ണെ​ങ്കിൽ അതിൽ തീർച്ച​യാ​യും സന്തോ​ഷി​ക്കാം. (കൊലോ. 4:3) നമുക്ക്‌ ഇനി, വിശ്വാ​സ​ത്തി​ന്റെ പേരിൽ വെറു​പ്പിന്‌ ഇരയാ​കു​മ്പോ​ഴും സന്തോ​ഷി​ക്കാൻ കഴിയു​ന്ന​തി​ന്റെ മറ്റു ചില കാരണങ്ങൾ നോക്കാം.

നമ്മളെ വെറു​ക്കു​മ്പോ​ഴും സന്തോ​ഷി​ക്കാ​നാ​കു​ന്നത്‌ എന്തു​കൊണ്ട്‌?

11. ഉപദ്ര​വങ്ങൾ നമ്മുടെ വിശ്വാ​സം കൂടുതൽ ശക്തമാ​ക്കു​ന്നത്‌ എങ്ങനെ? ഒരു ഉദാഹ​രണം പറയുക.

¹¹ ലോകം നമ്മളെ വെറു​ക്കു​ന്നതു ബൈബിൾപ്ര​വ​ച​ന​ത്തി​ന്റെ നിവൃ​ത്തി​യാ​ണെന്നു നമുക്ക്‌ അറിയാം. ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ആദ്യ പ്രവച​ന​ത്തിൽത്തന്നെ സാത്താ​നും അവന്റെ കൂട്ടാ​ളി​ക​ളും യഹോ​വയെ സ്‌നേ​ഹി​ക്കു​ക​യും സേവി​ക്കു​ക​യും ചെയ്യു​ന്ന​വരെ വെറു​ക്കു​മെന്ന്‌ മുൻകൂ​ട്ടി​പ്പ​റ​ഞ്ഞി​രു​ന്നു. (ഉൽപ. 3:15) യഹോ​വയെ സേവി​ക്കു​ന്നവർ മറ്റുള്ള​വ​രു​ടെ വെറുപ്പു സമ്പാദി​ക്കു​മെന്ന്‌ യേശു​വും കൂടെ​ക്കൂ​ടെ പറഞ്ഞു. നാലു സുവി​ശേ​ഷ​ങ്ങ​ളി​ലും അതു കാണാം. (മത്താ. 10:22; മർക്കോ. 13:9-12; ലൂക്കോ. 6:22, 23; യോഹ. 15:20) മറ്റു ബൈബി​ളെ​ഴു​ത്തു​കാ​രും അങ്ങനെ​തന്നെ പറഞ്ഞി​ട്ടുണ്ട്‌. (2 തിമൊ. 3:12; യാക്കോ. 1:2; 1 പത്രോ. 4:12-14; യൂദ 3, 17-19) അതു​കൊണ്ട്‌, ഉപദ്രവം ഉണ്ടാകു​മ്പോൾ നമ്മൾ അത്ഭുത​പ്പെ​ടു​ന്നില്ല, പകരം സന്തോ​ഷി​ക്കു​ന്നു. കാരണം ബൈബിൾപ്ര​വ​ചനം നിറ​വേ​റു​ക​യാണ്‌. നമ്മൾ ശരിക്കും സത്യ​ദൈ​വ​ത്തെ​യാണ്‌ ആരാധി​ക്കു​ന്നത്‌ എന്നതിന്റെ വ്യക്തമായ തെളി​വാണ്‌ അത്‌. നമ്മുടെ പ്രവർത്ത​ന​ത്തി​നു നിയ​ന്ത്ര​ണ​മുള്ള ഒരു രാജ്യത്ത്‌ താമസി​ക്കുന്ന ഒരു സഹോ​ദരി പറയുന്നു: “ജീവിതം യഹോ​വ​യ്‌ക്കു സമർപ്പി​ച്ച​പ്പോൾ എനിക്ക്‌ അറിയാ​മാ​യി​രു​ന്നു, ഇന്നല്ലെ​ങ്കിൽ നാളെ ഉപദ്രവം സഹി​ക്കേ​ണ്ടി​വ​രു​മെന്ന്‌. അതു​കൊണ്ട്‌ പരി​ശോ​ധ​നകൾ ഉണ്ടായ​പ്പോൾ എനിക്കു പേടി​യോ അതിശ​യ​മോ തോന്നി​യില്ല.” സഹോ​ദ​രി​യെ ഭർത്താ​വും എതിർത്തി​രു​ന്നു. അദ്ദേഹം സഹോ​ദ​രി​യോ​ടു മോശ​മാ​യി പെരു​മാ​റു​ക​യും ബൈബി​ളും പ്രസി​ദ്ധീ​ക​ര​ണ​ങ്ങ​ളും കത്തിച്ചു​ക​ള​യു​ക​യും ചെയ്‌തു. പക്ഷേ പേടിച്ച്‌ പിന്മാ​റു​ന്ന​തി​നു പകരം സഹോ​ദരി വിശ്വാ​സ​ത്തിൽ കൂടുതൽ ശക്തയാ​കു​ക​യാ​ണു ചെയ്‌തത്‌. (എബ്രാ. 10:39) സഹോ​ദരി പറയുന്നു: “ഉപദ്ര​വങ്ങൾ ഉണ്ടാകു​മെന്ന്‌ ബൈബി​ളിൽ പ്രവചി​ച്ചി​ട്ടുണ്ട്‌. അതു​കൊണ്ട്‌ അതു സംഭവി​ക്കു​ന്നു​മെന്ന്‌ എനിക്ക്‌ അറിയാം. നേരിട്ട്‌ അതു അനുഭ​വി​ക്കേ​ണ്ടി​വ​ന്ന​പ്പോൾ ഇതാണ്‌ സത്യമ​ത​മെന്ന്‌ എനിക്കു കൂടൂതൽ ബോധ്യ​മാ​യി.”

12. ഉപദ്ര​വങ്ങൾ സഹിക്കാൻ ഒരു സഹോ​ദ​രനെ എന്താണു സഹായി​ച്ചത്‌?

¹² ശരിയാണ്‌, ഉപദ്ര​വങ്ങൾ ഉണ്ടാകും; അതു നമ്മൾ പ്രതീ​ക്ഷി​ക്കു​ന്നു. എങ്കിലും സഹിച്ചു​നിൽക്കാൻ ചില​പ്പോൾ ബുദ്ധി​മു​ട്ടു തോന്നി​യേ​ക്കാം. ജയിലിൽ കഴിഞ്ഞ ഒരു സഹോ​ദരൻ ഇങ്ങനെ എഴുതി: “ചില സമയത്ത്‌ എനിക്കു വല്ലാത്ത നിരാ​ശ​യും വിഷമ​വും ഒക്കെ തോന്നു​മാ​യി​രു​ന്നു. അപ്പോൾ ഞാൻ കരഞ്ഞു​പോ​കും.” പിടി​ച്ചു​നിൽക്കാൻ ഈ സഹോ​ദ​രനെ എന്താണു സഹായി​ച്ചത്‌? സഹോ​ദരൻ പറയുന്നു: “ഞാൻ എപ്പോ​ഴും പ്രാർഥി​ക്കു​മാ​യി​രു​ന്നു. ജയിലിൽ ഞാൻ ഒരു ദിവസം തുടങ്ങു​ന്നതു പ്രാർഥ​ന​യോ​ടെ​യാ​യി​രു​ന്നു. അന്നേ ദിവസം ബുദ്ധി​മു​ട്ടുള്ള സാഹച​ര്യ​ങ്ങൾ വരു​മ്പോ​ഴെ​ല്ലാം പ്രാർഥി​ക്കും. മറ്റുള്ള​വ​രു​ടെ മോശ​മായ പെരു​മാ​റ്റം എന്നെ ദേഷ്യം പിടി​പ്പി​ക്കു​മ്പോൾ ഞാൻ ബാത്ത്‌റൂ​മിൽ പോയി കതക്‌ അടച്ചി​രുന്ന്‌ പ്രാർഥി​ക്കും.” ബൈബിൾക്കാ​ല​ങ്ങ​ളി​ലെ​യും ഇക്കാല​ത്തെ​യും വിശ്വ​സ്‌ത​രായ മനുഷ്യ​രു​ടെ മാതൃ​ക​ക​ളെ​ക്കു​റിച്ച്‌ സഹോ​ദരൻ ആഴമായി ചിന്തി​ക്കു​ക​യും ചെയ്‌തു. ഉപദ്ര​വങ്ങൾ സഹിക്കാ​നും യേശു തന്റെ അനുഗാ​മി​കൾക്കു കൊടു​ക്കു​മെന്നു പറഞ്ഞ സമാധാ​നം അനുഭ​വി​ച്ച​റി​യാ​നും ഇതു സഹോ​ദ​രനെ സഹായി​ച്ചു.—യോഹ. 14:27; 16:33.

13. മറ്റുള്ളവർ വെറു​ക്കു​മ്പോ​ഴും അതു സഹിച്ചു​നിൽക്കാൻ നമ്മളെ എന്തു സഹായി​ക്കും?

¹³ മറ്റുള്ള​വ​രു​ടെ വെറു​പ്പി​നെ​ക്കാൾ വലുതാണ്‌ സ്‌നേ​ഹ​ത്തി​ന്റെ ശക്തി. അവസാ​ന​ശ്വാ​സം​വരെ യേശു തന്റെ പിതാ​വി​നെ മുഴു​ഹൃ​ദ​യ​വും കൊടു​ത്തു​കൊണ്ട്‌ സ്‌നേ​ഹി​ച്ചു. യേശു തന്റെ സുഹൃ​ത്തു​ക്ക​ളെ​യും സ്‌നേ​ഹി​ച്ചു. (യോഹ. 13:1; 15:13) നമ്മളും അതു​പോ​ലെ യഹോ​വ​യോ​ടും സഹോ​ദ​ര​ങ്ങ​ളോ​ടും സ്‌നേഹം വളർത്തി​യെ​ടു​ക്കു​മ്പോൾ മറ്റുള്ള​വ​രു​ടെ വെറു​പ്പെ​ല്ലാം സഹിച്ചു​നിൽക്കാൻ നമുക്കാ​കും. എങ്ങനെ? അതിന്റെ ഉത്തരത്തി​നാ​യി പൗലോസ്‌ അപ്പോ​സ്‌ത​ലന്റെ ജീവിതം നമുക്ക്‌ ഒന്നു നോക്കാം.

14. മരണത്തെ മുഖാ​മു​ഖം കണ്ടപ്പോ​ഴും ഉറച്ചു​നിൽക്കാൻ പൗലോ​സി​നെ എന്താണു സഹായി​ച്ചത്‌?

¹⁴ വധിക്ക​പ്പെ​ടു​ന്ന​തി​നു തൊട്ടു​മുമ്പ്‌ പൗലോസ്‌ തന്റെ പ്രിയ​സ്‌നേ​ഹി​ത​നായ തിമൊ​ഥെ​യൊ​സിന്‌ ഇങ്ങനെ എഴുതി: “ഭീരു​ത്വ​ത്തി​ന്റെ ആത്മാവി​നെയല്ല, ശക്തിയു​ടെ​യും സ്‌നേ​ഹ​ത്തി​ന്റെ​യും സുബോ​ധ​ത്തി​ന്റെ​യും ആത്മാവി​നെ​യാ​ണ​ല്ലോ ദൈവം നമുക്കു തന്നത്‌.” (2 തിമൊ. 1:7) പൗലോസ്‌ എന്താണ്‌ അർഥമാ​ക്കി​യത്‌? യഹോ​വ​യോ​ടുള്ള ശക്തമായ സ്‌നേഹം തീവ്ര​മായ പരീക്ഷ​ണങ്ങൾ സഹിച്ചു​നിൽക്കാൻ ഒരു ക്രിസ്‌ത്യാ​നി​യെ സഹായി​ക്കും. (2 തിമൊ. 1:8) മരണത്തെ മുഖാ​മു​ഖം കണ്ടപ്പോ​ഴും ധൈര്യം കൈവി​ടാ​തെ സത്യാ​രാ​ധന മുറു​കെ​പ്പി​ടി​ക്കാൻ യഹോ​വ​യോ​ടുള്ള സ്‌നേഹം പൗലോ​സി​നെ ഉറപ്പാ​യും സഹായി​ച്ചു.—പ്രവൃ. 20:22-24.

15. സഹോ​ദ​രങ്ങൾ എങ്ങനെ​യാണ്‌ ഇക്കാലത്ത്‌ പരസ്‌പരം നിസ്വാർഥ​സ്‌നേഹം കാണി​ച്ചി​രി​ക്കു​ന്നത്‌? (ചിത്ര​വും കാണുക.)

¹⁵ ഉപദ്ര​വ​ങ്ങ​ളു​ടെ സമയത്ത്‌ ഉറച്ചു​നിൽക്കുന്ന സഹവി​ശ്വാ​സി​ക​ളോ​ടു നമുക്കു ശരിക്കും സ്‌നേ​ഹ​മുണ്ട്‌. ഒന്നാം നൂറ്റാ​ണ്ടിൽ അക്വി​ല​യും പ്രിസ്‌കി​ല്ല​യും പൗലോ​സി​നോട്‌ അത്തരം സ്‌നേഹം കാണിച്ചു. അതു​പോ​ലെ ഇക്കാല​ത്തും പലരും തങ്ങളുടെ സഹോ​ദ​ര​ങ്ങൾക്കു​വേണ്ടി സ്വന്തം ജീവൻ പണയ​പ്പെ​ടു​ത്തി​യി​രി​ക്കു​ന്നു. (റോമ. 16:3, 4) ഉദാഹ​ര​ണ​ത്തിന്‌, റഷ്യയിൽ അറസ്റ്റ്‌ ചെയ്യ​പ്പെ​ടുന്ന സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നാ​യി പലരും കോട​തി​ക​ളിൽ പോകാ​റുണ്ട്‌. ഒരു സംഭവം നോക്കാം. അറസ്റ്റി​ലായ ഒരു സഹോ​ദരി, വലിയ ഒരു കൂട്ടം സഹോ​ദ​ര​ങ്ങളെ കോട​തി​മു​റി​യിൽ കണ്ടപ്പോൾ അതു സഹോ​ദ​രി​യു​ടെ ഹൃദയത്തെ ആഴമായി സ്‌പർശി​ച്ചു. കുറച്ച്‌ സമയ​ത്തേക്ക്‌ എന്ത്‌ പറയണ​മെ​ന്ന​റി​യാ​തെ സഹോ​ദരി നിന്നു​പോ​യി. സഹാരാ​ധകർ കാണിച്ച നിസ്വാർഥ​സ്‌നേഹം സഹോ​ദ​രി​യെ ശരിക്കും ശക്തി​പ്പെ​ടു​ത്തി. സഹോ​ദ​രിക്ക്‌ അത്‌ ഏറ്റവും ആവശ്യ​മുള്ള ഒരു സമയമാ​യി​രു​ന്നു അത്‌. അതെ, വെറു​പ്പി​നെ​ക്കാൾ ശക്തമായ സ്‌നേ​ഹ​മു​ള്ള​തിൽ നമുക്കു സന്തോ​ഷി​ക്കാം.

16. ദൈവത്തെ സേവി​ക്കു​ന്ന​തി​ന്റെ പേരിൽ മോശ​മായ പെരു​മാ​റ്റം സഹി​ക്കേ​ണ്ടി​വ​രു​ന്ന​വർക്കു സന്തോ​ഷി​ക്കാ​നാ​കു​മെന്നു പത്രോസ്‌ പറഞ്ഞത്‌ എന്തു​കൊണ്ട്‌? (1 പത്രോസ്‌ 4:14)

¹⁶ മറ്റുള്ളവർ വെറു​ത്താ​ലും ദൈവ​ത്തി​ന്റെ അംഗീ​കാ​ര​മു​ണ്ടെന്നു നമുക്ക്‌ അറിയാം. (1 പത്രോസ്‌ 4:14 വായി​ക്കുക.) ദൈവത്തെ സേവി​ക്കു​ന്ന​തി​ന്റെ പേരിൽ മോശ​മായ പെരു​മാ​റ്റം സഹി​ക്കേ​ണ്ടി​വ​രു​ന്നതു സന്തോ​ഷ​ത്തി​നുള്ള ഒരു കാരണ​മാ​ണെ​ന്നാ​ണു പത്രോസ്‌ പറഞ്ഞത്‌. അത്‌ എങ്ങനെ​യാണ്‌? കാരണം, അത്തരം ദുഷ്‌പെ​രു​മാ​റ്റം ദൈവ​ത്തി​ന്റെ ആത്മാവ്‌ “(നമ്മുടെ) മേൽ വസിക്കു​ന്നുണ്ട്‌” എന്നതിന്റെ തെളി​വാണ്‌. ഉപദ്ര​വങ്ങൾ സഹിക്കു​ന്ന​തും ദൈവ​ത്തി​ന്റെ അംഗീ​കാ​രം ഉണ്ടായി​രി​ക്കു​ന്ന​തും പത്രോസ്‌ നേരിട്ട്‌ അനുഭ​വി​ച്ച​റി​ഞ്ഞ​താണ്‌. എ.ഡി. 33-ലെ പെന്തി​ക്കോ​സ്‌തി​നു ശേഷം പെട്ടെ​ന്നു​തന്നെ, സന്തോ​ഷ​വാർത്ത അറിയി​ച്ച​തി​നു പത്രോ​സി​നെ​യും മറ്റ്‌ അപ്പോ​സ്‌ത​ല​ന്മാ​രെ​യും ദേവാ​ല​യ​ത്തി​ലെ ജൂതഭ​ട​ന്മാർ അറസ്റ്റ്‌ ചെയ്‌തു. പക്ഷേ, പത്രോസ്‌ ധൈര്യ​ത്തോ​ടെ വിശ്വാ​സ​ത്തി​നു​വേണ്ടി സംസാ​രി​ച്ചു. (പ്രവൃ. 5:24-29) അടി കിട്ടി​യി​ട്ടും പത്രോ​സും മറ്റ്‌ അപ്പോ​സ്‌ത​ല​ന്മാ​രും പ്രസം​ഗി​ക്കു​ന്നതു നിറു​ത്തി​യില്ല. പകരം “യേശു​വി​ന്റെ പേരി​നു​വേണ്ടി അപമാനം സഹിക്കാൻ പദവി ലഭിച്ച​തിൽ” അവർ സന്തോ​ഷി​ക്കു​ക​യാ​ണു ചെയ്‌തത്‌. ഉപദ്ര​വങ്ങൾ നേരി​ടു​മ്പോൾ നമുക്കും ഇതു​പോ​ലെ സന്തോ​ഷി​ക്കാം.—പ്രവൃ. 5:40-42.

17. മരണത്തി​ന്റെ തലേരാ​ത്രി​യിൽ യേശു ശിഷ്യ​ന്മാ​രോട്‌ എന്താണു പറഞ്ഞത്‌?

¹⁷ മരണത്തി​ന്റെ തലേരാ​ത്രി​യിൽ യേശു ശിഷ്യ​ന്മാ​രോട്‌ പറഞ്ഞു: ‘എന്നെ സ്‌നേ​ഹി​ക്കു​ന്ന​വനെ എന്റെ പിതാ​വും സ്‌നേ​ഹി​ക്കും. ഞാനും അവനെ സ്‌നേ​ഹി​ക്കും.’ (യോഹ. 14:21) യഹോ​വയെ സേവി​ക്കു​ന്ന​വരെ ആരും വെറു​ക്കി​ല്ലാത്ത, അതിന്റെ പേരിൽ സ്‌നേഹം മാത്രം ലഭിക്കുന്ന ആ സമയത്തി​നാ​യി നമ്മൾ നോക്കി​യി​രി​ക്കു​ക​യാണ്‌. (2 തെസ്സ. 1:6-8) ആ കാലം വരുന്ന​തു​വരെ മറ്റുള്ള​വ​രു​ടെ വെറു​പ്പിന്‌ ഇരയാ​കു​മ്പോ​ഴും സന്തോ​ഷി​ക്കാൻ നമുക്കു പല കാരണ​ങ്ങ​ളുണ്ട്‌. അതു നമ്മിൽ ആശ്വാ​സ​വും ശക്തിയും നിറയ്‌ക്കട്ടെ!