ബൈബിൾകഥാപാത്രം
ബനയയെപ്പോലെ ധൈര്യവും വിശ്വസ്തതയും കാണിക്കുക
ദാവീദ് രാജാവിന്റെയും ശലോമോൻ രാജാവിന്റെയും സൈന്യത്തിലെ ധീരനായ ഒരു പടയാളിയായിരുന്നു ബനയ. അദ്ദേഹം ഒരു പുരോഹിതന്റെ മകനായിരുന്നു. പുരോഹിതന്മാരും ലേവ്യരും പൊതുവേ യുദ്ധത്തിനു പോകുകയോ ആയുധങ്ങൾ ഉപയോഗിക്കുകയോ ചെയ്യാറില്ലായിരുന്നെങ്കിലും ബനയ യഹോവയുടെ യുദ്ധങ്ങളിൽ ഉത്സാഹത്തോടെ പോരാടി. ബനയ വലിയ ധൈര്യം കാണിച്ചു. ഉദാഹരണത്തിന്, അദ്ദേഹം ഒരു കുഴിയിലേക്ക് ഇറങ്ങിച്ചെന്ന് സിംഹത്തെ കൊന്നു. അതുപോലെ ഭീമാകാരനായ ഒരു ശത്രുവിനെ തോൽപ്പിക്കുകയും ചെയ്തു. ദാവീദിന് ബനയയെ നല്ല വിശ്വാസമായിരുന്നു. അതുകൊണ്ടുതന്നെ അദ്ദേഹത്തെ തന്റെ അംഗരക്ഷകരുടെ തലവനായി നിയമിച്ചു.—2 ശമു. 23:20-23.
അബ്ശാലോമും അദോനിയയും ദാവീദിന് എതിരെ പ്രവർത്തിച്ചപ്പോൾ ബനയ ദാവീദിനോട് വിശ്വസ്തനായി നിന്നു. (2 ശമു. 8:18; 15:18; 1 രാജാ. 1:8) ദാവീദിന് പ്രായമായപ്പോഴും, ബനയ വിശ്വസ്തത കാണിച്ചുകൊണ്ട് ശലോമോനെ രാജാവാക്കുന്നതിൽ സഹായിച്ചു. (1 രാജാ. 1:32-40) അതെ, മറ്റുള്ളവർ അവിശ്വസ്തത കാണിച്ചെങ്കിലും ബനയ യഹോവയോടും യഹോവ നിയമിച്ച രാജാക്കന്മാരോടും വിശ്വസ്തമായി പറ്റിനിന്നു.
നമ്മുടെ എതിരാളിയായ സാത്താൻ ശക്തനാണ്. അവനെയും അവന്റെ കൂട്ടാളികളെയും എതിർത്തുനിൽക്കാൻ നമുക്കും ധൈര്യം വേണം. അതുപോലെ യഹോവയുടെ നിലവാരങ്ങൾക്കനുസരിച്ച് തുടർന്നും ജീവിക്കാൻ നമ്മൾ തീരുമാനിച്ചുറയ്ക്കണം. (എഫെ. 6:11; 1 പത്രോ. 5:8, 9) ചിലർ യഹോവയെ ഉപേക്ഷിച്ചുപോയാലും, യഹോവ പ്രതിഫലം തരുമെന്ന ഉറപ്പോടെ നമ്മൾ യഹോവയോട് വിശ്വസ്തമായി പറ്റിനിൽക്കും.—2 ശമു. 22:26.