ഏറ്റവും പ്രധാ​ന​പ്പെട്ട കാര്യ​ത്തിൽനിന്ന്‌ നിങ്ങളു​ടെ ശ്രദ്ധ മാറി​പ്പോ​ക​രുത്‌

1-2. പ്രധാ​ന​പ്പെട്ട ഒരു കാര്യം നമ്മുടെ ശ്രദ്ധ പതറി​ച്ചേ​ക്കാ​വു​ന്നത്‌ എങ്ങനെ?

നിങ്ങൾ വണ്ടി ഓടി​ക്കു​ക​യാ​ണെന്നു ചിന്തി​ക്കുക. പെട്ടെന്ന്‌ ഒരു ഫോൺകോൾ വരുന്നു. അതു പ്രധാ​ന​പ്പെട്ട ഒരു കോൾ ആയിരി​ക്കാം. എങ്കിലും ആ സമയത്ത്‌ ശ്രദ്ധിച്ച്‌ വണ്ടി ഓടി​ക്കു​ന്ന​താ​ണു കൂടുതൽ പ്രധാനം എന്നു നിങ്ങൾക്ക്‌ അറിയാം. ഇതു​പോ​ലെ, ചെയ്യേണ്ട ഏറ്റവും പ്രധാ​ന​പ്പെട്ട കാര്യം എന്താണ്‌ എന്നു തീരു​മാ​നി​ക്കേണ്ട സാഹച​ര്യ​ങ്ങൾ ജീവി​ത​ത്തിൽ പലപ്പോ​ഴും നമുക്കു​ണ്ടാ​യേ​ക്കാം.

² ജീവി​ത​ത്തിൽ പ്രധാ​ന​പ്പെട്ട ഒരുപാ​ടു കാര്യങ്ങൾ നമുക്കു ചെയ്യാ​നുണ്ട്‌. അതിൽ ആത്മീയപ്രവർത്തനങ്ങൾക്കാണ്‌a ഏറ്റവും പ്രാധാ​ന്യം എന്നു നമുക്ക്‌ അറിയാം. (മത്താ. 6:33) ശ്രദ്ധിച്ച്‌ വണ്ടി ഓടി​ക്കുന്ന ഡ്രൈ​വർമാ​രെ​പ്പോ​ലെ യഹോ​വ​യു​ടെ ജനവും മുന്നോ​ട്ടുള്ള പാതയിൽനിന്ന്‌ തങ്ങളുടെ ശ്രദ്ധ പതറി​ക്കുന്ന കാര്യങ്ങൾ തിരി​ച്ച​റി​യാൻ ശ്രമി​ക്കു​ന്നു.—സുഭാ. 4:25; മത്താ. 6:22.

3. ഈ ലേഖനം നമ്മളെ എങ്ങനെ സഹായി​ക്കും?

³ ആത്മീയ​കാ​ര്യ​ങ്ങ​ളിൽനിന്ന്‌ ശ്രദ്ധ പതറി​പ്പോ​കാൻ നമ്മൾ ആരും ആഗ്രഹി​ക്കു​ന്നില്ല. എങ്കിലും ശ്രദ്ധ മാറ്റി​ക്ക​ള​യുന്ന പല കാര്യങ്ങൾ നമ്മൾ എല്ലാവ​രും ജീവി​ത​ത്തിൽ നേരി​ടു​ന്നുണ്ട്‌. (ലൂക്കോ. 21:34-36) അതു​കൊണ്ട്‌ യഹോ​വയെ സേവി​ക്കു​ന്ന​തിന്‌ ഒന്നാം സ്ഥാനം കൊടു​ക്കാൻ നമ്മളെ സഹായി​ക്കുന്ന പിൻവ​രുന്ന കാര്യങ്ങൾ നമുക്കു ചർച്ച ചെയ്യാം: (1) നമ്മുടെ ശ്രദ്ധ പതറി​ക്കുന്ന കാര്യങ്ങൾ എന്തൊ​ക്കെ​യാണ്‌? (2) ശ്രദ്ധ മാറ്റി​ക്ക​ള​യുന്ന കാര്യ​ങ്ങളെ യേശു എങ്ങനെ​യാ​ണു നേരി​ട്ടത്‌? (3) ഇന്നു നമ്മുടെ ശ്രദ്ധ പതറി​ക്കുന്ന കാര്യ​ങ്ങ​ളോ​ടു നമുക്ക്‌ എങ്ങനെ പോരാ​ടാം?

നമ്മുടെ ശ്രദ്ധ മാറ്റി​ക്ക​ള​യുന്ന കാര്യങ്ങൾ

4-6. നമ്മുടെ ശ്രദ്ധ എളുപ്പം പതറി​ച്ചേ​ക്കാ​വുന്ന കാര്യങ്ങൾ എന്തൊ​ക്കെ​യാണ്‌?

⁴ നമ്മുടെ ശ്രദ്ധ ആവശ്യ​മായ പല കാര്യ​ങ്ങ​ളും നമ്മു​ടെ​യെ​ല്ലാം ജീവി​ത​ത്തി​ലുണ്ട്‌. ഉദാഹ​ര​ണ​ത്തിന്‌, നമുക്കു ചില​പ്പോൾ ആരോ​ഗ്യ​പ്ര​ശ്‌ന​ങ്ങ​ളു​ണ്ടാ​കാം. അല്ലെങ്കിൽ കുടും​ബ​ത്തി​ലോ നമ്മു​ടെ​തന്നെ ജീവി​ത​ത്തി​ലോ ചെയ്യേണ്ട വ്യക്തി​പ​ര​മായ പല കാര്യ​ങ്ങ​ളും ഉണ്ടാ​യേ​ക്കാം. ഇതെല്ലാം നമ്മുടെ ശ്രദ്ധ അർഹി​ക്കുന്ന പ്രധാ​ന​പ്പെട്ട കാര്യ​ങ്ങൾത​ന്നെ​യാണ്‌. എന്നാൽ ഇതൊക്കെ നമ്മുടെ ശ്രദ്ധ പതറി​ക്കുന്ന കാര്യ​ങ്ങ​ളാ​യി​ത്തീ​രാൻ സാധ്യ​ത​യു​ണ്ടോ? ഉണ്ട്‌. അതി​നെ​ക്കു​റി​ച്ചു​തന്നെ നമ്മൾ എപ്പോ​ഴും ചിന്തി​ക്കു​ക​യും നമ്മുടെ മുഴുവൻ സമയവും ഊർജ​വും അതിനു​വേണ്ടി ചെലവ​ഴി​ക്കു​ക​യും ചെയ്യു​ന്നെ​ങ്കിൽ അങ്ങനെ സംഭവി​ച്ചേ​ക്കാം.

⁵ കൂടാതെ, രാഷ്ട്രീ​യ​ക​ലാ​പ​ങ്ങ​ളോ അക്രമ​ങ്ങ​ളോ സാമ്പത്തി​ക​പ്ര​തി​സ​ന്ധി​യോ അല്ലെങ്കിൽ പകർച്ച​വ്യാ​ധി​യോ ഒക്കെയുള്ള സ്ഥലത്താ​യി​രി​ക്കാം നമ്മളിൽ പലരും ജീവി​ക്കു​ന്നത്‌. (2 തിമൊ. 3:1) അത്തരം സാഹച​ര്യ​ങ്ങൾ നേരി​ടേ​ണ്ടി​വ​രു​മ്പോൾ, വലിയ ഉത്‌കണ്‌ഠ തോന്നാ​നും അതി​നെ​ക്കു​റി​ച്ചു​തന്നെ എപ്പോ​ഴും ചിന്തി​ച്ചു​കൊ​ണ്ടി​രി​ക്കാ​നും സാധ്യ​ത​യുണ്ട്‌.

⁶ ഇത്തരം സംഭവങ്ങൾ കാരണം ജീവിതം കീഴ്‌മേൽമ​റിഞ്ഞ പലരെ​യും നമുക്ക്‌ അറിയാ​മാ​യി​രി​ക്കും. അവർക്കു​ണ്ടായ മാനസി​ക​ത​കർച്ച നമുക്കു മനസ്സി​ലാ​ക്കാ​വു​ന്ന​തേ​യു​ള്ളൂ. തുടർച്ച​യാ​യി ഇങ്ങനെ സമ്മർദം താങ്ങാൻ പറ്റുന്ന രീതി​യി​ലല്ല യഹോവ മനുഷ്യ​രെ സൃഷ്ടി​ച്ചി​രി​ക്കു​ന്നത്‌. അതു​കൊ​ണ്ടാണ്‌ പ്രശ്‌ന​ങ്ങ​ളി​ലൂ​ടെ കടന്നു​പോ​കു​മ്പോൾ തങ്ങൾക്കു സ്വസ്ഥമാ​യൊ​രു സാധാരണ ജീവിതം ഇല്ലല്ലോ എന്നു ചിലർ ചിന്തി​ച്ചു​പോ​കു​ന്നത്‌. അവരിൽ ചിലർ, പ്രശ്‌നങ്ങൾ എല്ലാം ഒന്നു മറക്കാ​നാ​യി ഉള്ള സമയ​മെ​ല്ലാം വിനോ​ദ​ത്തി​നാ​യും മറ്റു രസകര​മായ കാര്യ​ങ്ങൾക്കാ​യും ചെലവ​ഴി​ക്കു​ന്നു. ഇതിൽ ഏതെങ്കി​ലും ഒരു സാഹച​ര്യ​ത്തി​ലാ​ണോ നിങ്ങൾ? എങ്കിൽ ആരാധ​ന​യിൽനിന്ന്‌ ശ്രദ്ധ പതറി​പ്പോ​കാ​തി​രി​ക്കാൻ യേശു​വി​ന്റെ മാതൃക എങ്ങനെ സഹായി​ക്കു​മെന്നു നോക്കാം.

ശ്രദ്ധ മാറ്റി​ക്ക​ള​യുന്ന കാര്യ​ങ്ങ​ളോട്‌ യേശു പോരാ​ടി​യത്‌ എങ്ങനെ?

7. യേശു​വി​ന്റെ ശ്രദ്ധ മാറ്റി​ക്ക​ള​യാ​മാ​യി​രുന്ന ചില കാര്യങ്ങൾ എന്തൊ​ക്കെ​യാണ്‌?

⁷ സാമൂ​ഹി​ക​വും രാഷ്ട്രീ​യ​വും ആയ പ്രശ്‌നങ്ങൾ ഉൾപ്പെടെ യേശു​വി​ന്റെ ശ്രദ്ധ പതറി​ച്ചേ​ക്കാ​വുന്ന പല കാര്യ​ങ്ങ​ളും അന്നുണ്ടാ​യി​രു​ന്നു. അക്കാലത്ത്‌ മിക്കവ​രും പാവ​പ്പെ​ട്ട​വ​രും രോഗി​ക​ളും ആയിരു​ന്നു. (മത്താ. 14:14; മർക്കോ. 14:7) റോമാ​ക്കാ​രിൽനി​ന്നും സഹജൂ​ത​ന്മാ​രിൽനി​ന്നും അവർക്ക്‌ അനീതി നേരിട്ടു. അത്ഭുതങ്ങൾ കാണി​ക്കാ​നുള്ള ശക്തിയും കഴിവും യേശു​വി​നു​ണ്ടെന്ന്‌ കണ്ടപ്പോൾ ആളുകൾ യേശു​വി​നെ രാജാ​വാ​ക്കാൻ നോക്കി. (യോഹ. 6:14, 15) ഇനി, ലോക​ഭ​ര​ണാ​ധി​കാ​രി ആകാനുള്ള കുറു​ക്കു​വഴി പറഞ്ഞു​കൊ​ടു​ത്തു​കൊണ്ട്‌ സാത്താൻ യേശു​വി​നെ പ്രലോ​ഭി​പ്പി​ക്കാൻ ശ്രമിച്ചു. (മത്താ. 4:8, 9) അതു​പോ​ലെ യേശു​വി​ന്റെ ഒരു അടുത്ത സുഹൃ​ത്തായ പത്രോസ്‌ അപ്പോ​സ്‌തലൻ ഒരിക്കൽ, “കർത്താവേ, അങ്ങനെ പറയരുത്‌” എന്നു പറഞ്ഞു​കൊണ്ട്‌ യേശു​വി​ന്റെ ശ്രദ്ധ മാറ്റാൻ നോക്കി. അതിലൂ​ടെ അദ്ദേഹം, ബുദ്ധി​മു​ട്ടു​ക​ളൊ​ന്നും ഇല്ലാ​ത്തൊ​രു ജീവിതം നയിക്കാൻ യേശു​വി​നെ പ്രോ​ത്സാ​ഹി​പ്പി​ക്കു​ക​യാ​യി​രു​ന്നു.—മത്താ. 16:21, 22.

8. ശ്രദ്ധ പതറി​ക്കു​മാ​യി​രുന്ന കാര്യ​ങ്ങ​ളോട്‌ യേശു എങ്ങനെ​യാ​ണു പോരാ​ടി​യത്‌?

⁸ തന്റെ ശ്രദ്ധ പതറി​ച്ചേ​ക്കാ​വുന്ന കാര്യ​ങ്ങ​ളോട്‌ യേശു എങ്ങനെ​യാ​ണു പോരാ​ടി​യത്‌? മൂന്നു വിധങ്ങ​ളിൽ. ഒന്നാമ​താ​യി, യഹോ​വ​യു​ടെ ചിന്ത യേശു പകർത്തി. (യോഹ. 8:28; 14:9) രണ്ടാമ​താ​യി, ആത്മീയ​കാ​ര്യ​ങ്ങ​ളിൽ തിര​ക്കോ​ടെ ഏർപ്പെട്ടു. (മത്താ. 9:35) മൂന്നാ​മ​താ​യി, ഏറ്റവും പ്രധാ​ന​പ്പെട്ട കാര്യം എന്താണ്‌ എന്നതു സംബന്ധിച്ച്‌ യേശു​വി​നു വ്യക്തമായ ധാരണ​യു​ണ്ടാ​യി​രു​ന്നു. (യോഹ. 4:34) സാത്താന്റെ പ്രലോ​ഭ​ന​ങ്ങ​ളെ​യും, നല്ല ഉദ്ദേശ്യ​ത്തോ​ടെ​യാ​ണെ​ങ്കി​ലും പത്രോസ്‌ പറഞ്ഞ ഉചിത​മ​ല്ലാത്ത ഉപദേ​ശ​ത്തെ​യും യേശു അപ്പാടെ തള്ളിക്ക​ളഞ്ഞു. (മത്താ. 4:10; 16:23) ആളുകൾ ചിന്തി​ച്ച​തും പറഞ്ഞതും ചെയ്‌ത​തും ആയ കാര്യങ്ങൾ ഒന്നും ദൈവ​ത്തി​ന്റെ ഉദ്ദേശ്യം നിറ​വേ​റ്റു​ന്ന​തിൽനിന്ന്‌ തന്റെ ശ്രദ്ധ പതറി​ക്കാൻ യേശു അനുവ​ദി​ച്ചില്ല. യേശു​വിന്‌ അന്നു നേരിട്ട അതേ പ്രശ്‌നങ്ങൾ ആയിരി​ക്കില്ല ചില​പ്പോൾ നമുക്ക്‌ ഇന്ന്‌ നേരി​ടു​ന്നത്‌. എന്നാൽ യേശു ചെയ്‌ത മൂന്നു കാര്യങ്ങൾ ചെയ്യു​ന്നെ​ങ്കിൽ നമ്മുടെ ശ്രദ്ധ പതറി​ക്കുന്ന കാര്യ​ങ്ങ​ളോ​ടു നമുക്കും പോരാ​ടാൻ കഴിയും.

ശ്രദ്ധ മാറ്റി​ക്ക​ള​യുന്ന കാര്യ​ങ്ങ​ളോ​ടു നമുക്ക്‌ എങ്ങനെ പോരാ​ടാം?

9. ‘എപ്പോ​ഴും യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കുക’ എന്നതിന്റെ അർഥം എന്താണ്‌? (എഫെസ്യർ 5:17)

⁹ യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാൻ പഠിക്കുക. അങ്ങനെ ചെയ്യു​ന്നെ​ങ്കിൽ നിങ്ങൾ ‘എപ്പോ​ഴും യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കും.’ (എഫെസ്യർ 5:17 വായി​ക്കുക.) യഹോ​വയെ സന്തോ​ഷി​പ്പി​ക്കുന്ന കാര്യങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കാൻ ദൈവ​വ​ചനം വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും വേണം. നമ്മുടെ അതേ സാഹച​ര്യം വിവരി​ക്കുന്ന ഒരു ഭാഗം ബൈബി​ളിൽ ഇല്ലെങ്കിൽപ്പോ​ലും ആ കാര്യ​ത്തെ​ക്കു​റി​ച്ചുള്ള യഹോ​വ​യു​ടെ ഇഷ്ടം മനസ്സി​ലാ​ക്കാൻ നമുക്കു പറ്റും. എങ്ങനെ? യഹോവ ചിന്തി​ക്കുന്ന രീതി മനസ്സി​ലാ​ക്കു​ക​യും അതിനു ചേർച്ച​യിൽ തീരു​മാ​ന​ങ്ങ​ളെ​ടു​ക്കാൻ മനസ്സു​കാ​ണി​ക്കു​ക​യും ചെയ്യു​ന്നെ​ങ്കിൽ.

10. നമുക്ക്‌ എങ്ങനെ യഹോ​വ​യു​ടെ ചിന്താ​രീ​തി മനസ്സി​ലാ​ക്കാം?

¹⁰ ബൈബിൾ പഠിക്കു​ക​യും യഹോവ മനുഷ്യ​രോട്‌ ഇടപെട്ട വിധങ്ങ​ളെ​ക്കു​റിച്ച്‌ ചിന്തി​ക്കു​ക​യും ചെയ്‌തു​കൊണ്ട്‌ നമുക്ക്‌ യഹോ​വ​യു​ടെ ചിന്താ​രീ​തി മനസ്സി​ലാ​ക്കാ​നാ​കും. (യിരെ. 45:5) അത്തരം വിവര​ണങ്ങൾ വായി​ക്കു​മ്പോൾ, ഇങ്ങനെ​യുള്ള ചോദ്യ​ങ്ങൾ സ്വയം ചോദി​ക്കുക: ‘ഇത്‌ യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌? യഹോ​വ​യെ​പ്പോ​ലെ ചിന്തി​ക്കാൻ ഞാൻ എന്റെ ചിന്തയിൽ എന്തു മാറ്റമാ​ണു വരു​ത്തേ​ണ്ടത്‌?’ ദൈവ​ത്തി​ന്റെ ചിന്തകൾ നമ്മു​ടേ​തിൽനി​ന്നും വളരെ ഉയർന്ന​താ​ണെന്നു നമുക്ക്‌ അറിയാം. (യശ. 55:9) അതു​കൊണ്ട്‌ യഹോ​വ​യു​ടെ ഇഷ്ടം ചെയ്യാൻ പഠിപ്പി​ക്കണേ എന്നു നമ്മൾ പ്രാർഥി​ക്കണം. (സങ്കീ. 143:10) ദൈവ​ത്തി​ന്റെ ചിന്താ​രീ​തി മനസ്സി​ലാ​ക്കാ​നും അതു​പോ​ലെ ചിന്തി​ക്കാ​നും ഉള്ള സഹായ​ത്തി​നാ​യി പ്രാർഥി​ക്കു​മ്പോൾ യഹോവ അതു കേൾക്കു​മെന്ന്‌ ഉറപ്പാണ്‌.—1 യോഹ. 5:14.

11. യഹോവ നമ്മുടെ കാര്യ​ത്തിൽ എന്താണ്‌ ആഗ്രഹി​ക്കു​ന്നത്‌?

¹¹ യഹോ​വ​യെ​പ്പോ​ലെ ചിന്തി​ക്കാൻ പഠിക്കു​മ്പോൾ നമു​ക്കൊ​രു കാര്യം മനസ്സി​ലാ​കും. ശ്രദ്ധ പതറി​ക്കുന്ന കാര്യങ്ങൾ ഒഴിവാ​ക്കി​ക്കൊണ്ട്‌ നമ്മൾ അവസാ​ന​ത്തി​നാ​യി ഒരുങ്ങി​യി​രി​ക്കാ​നാണ്‌ യഹോവ ആഗ്രഹി​ക്കു​ന്നത്‌. (മത്താ. 24:44) ജീവി​ത​ത്തി​ലെ ഉത്‌ക​ണ്‌ഠകൾ കാരണം നമ്മൾ ഭാര​പ്പെ​ട്ടു​പോ​കാൻ യഹോവ ആഗ്രഹി​ക്കു​ന്നില്ല. (മത്താ. 6:31, 32) അതു​കൊ​ണ്ടാണ്‌ ആരോ​ഗ്യം, ജോലി, വീട്‌, കുടും​ബം, മറ്റു വ്യക്തി​പ​ര​മായ കാര്യങ്ങൾ എന്നിവ​യെ​ക്കു​റി​ച്ചുള്ള ഉത്‌ക​ണ്‌ഠകൾ നമ്മളെ വരിഞ്ഞു​മു​റു​ക്കു​മ്പോൾ എന്തു ചെയ്യണ​മെന്ന്‌ യഹോവ നമുക്കു പറഞ്ഞു​ത​ന്നി​രി​ക്കു​ന്നത്‌. അത്തരം സാഹച​ര്യ​ങ്ങ​ളിൽ ജ്ഞാനത്തി​നും ശക്തിക്കും ആയി നമ്മൾ യഹോ​വ​യോ​ടു ചോദി​ക്കു​ന്നെ​ങ്കിൽ യഹോവ നമ്മളെ സഹായി​ക്കും.—സങ്കീ. 55:22; സുഭാ. 3:5-7.

12. ലോക​സം​ഭ​വ​ങ്ങ​ളെ​ക്കു​റി​ച്ചുള്ള ഉത്‌കണ്‌ഠ മറിക​ട​ക്കാൻ നമുക്ക്‌ എന്തു ചെയ്യാം? (മത്തായി 5:3)

¹² ആത്മീയ​കാ​ര്യ​ങ്ങ​ളിൽ തിരക്കു​ള്ള​വ​രാ​യി​രി​ക്കുക. ലോക​സം​ഭ​വങ്ങൾ കാണു​മ്പോൾ നമു​ക്കെ​ല്ലാം ഒരു പരിധി​വരെ ടെൻഷൻ തോന്നി​യേ​ക്കാം. എന്നാൽ നമ്മുടെ നിയ​ന്ത്ര​ണ​ത്തിൽ അല്ലാത്ത ഈ കാര്യങ്ങൾ കാരണം ശ്രദ്ധ പതറി​പ്പോ​കാ​തി​രി​ക്കാൻ നമ്മൾ ആത്മീയ​കാ​ര്യ​ങ്ങ​ളിൽ തിര​ക്കോ​ടെ ഏർപ്പെ​ടണം. യഹോവ നമ്മളെ സൃഷ്ടി​ച്ചി​രി​ക്കു​ന്നത്‌ ഒരു ആത്മീയ​ദാ​ഹ​ത്തോ​ടെ​യാണ്‌. അതു​കൊ​ണ്ടു​തന്നെ അതു തൃപ്‌തി​പ്പെ​ടു​ത്തു​മ്പോൾ നമുക്കു സന്തോഷം കിട്ടും. (മത്തായി 5:3 വായി​ക്കുക.) അതിനു നമ്മൾ എന്താണു ചെയ്യേ​ണ്ടത്‌? ദൈവ​വ​ച​ന​മായ ബൈബി​ളിൽനിന്ന്‌ യഹോ​വ​യെ​ക്കു​റിച്ച്‌ മനസ്സി​ലാ​ക്കു​ക​യും ദൈവ​സേ​വ​ന​ത്തിൽ നമ്മളെ​ക്കൊ​ണ്ടാ​കു​ന്ന​തെ​ല്ലാം ചെയ്യു​ക​യും വേണം. അങ്ങനെ സമയം ജ്ഞാന​ത്തോ​ടെ ഉപയോ​ഗി​ക്കു​മ്പോൾ നമ്മൾ യഹോ​വയെ സന്തോ​ഷി​പ്പി​ക്കു​ക​യു​മാ​യി​രി​ക്കും.—സുഭാ. 23:15.

13. നമുക്ക്‌ എങ്ങനെ ‘സമയം ഏറ്റവും നന്നായി ഉപയോ​ഗി​ക്കാം?’

¹³ ക്രിസ്‌ത്യാ​നി​ക​ളായ നമ്മൾ ‘സമയം ഏറ്റവും നന്നായി ഉപയോ​ഗി​ക്കാ​നാണ്‌’ ആഗ്രഹി​ക്കു​ന്നത്‌. (എഫെ. 5:15, 16) ഓരോ ദിവസ​ത്തെ​യും കാര്യങ്ങൾ ചെയ്യു​മ്പോൾ നമ്മൾ സമയം നന്നായി ഉപയോ​ഗി​ക്കു​ന്ന​തി​നെ​ക്കു​റിച്ച്‌ മാത്രമല്ല ഈ വാക്യം പറയു​ന്നത്‌. അവസാനം വരുന്ന​തി​നു മുമ്പുള്ള ഈ സമയം നമ്മൾ എത്ര നന്നായി ഉപയോ​ഗി​ക്കു​ന്നു എന്നു ചിന്തി​ക്കാ​നും ആ വാക്യം പ്രേരി​പ്പി​ക്കു​ന്നു. നമുക്ക്‌ എങ്ങനെ സമയം ഏറ്റവും നന്നായി ഉപയോ​ഗി​ക്കാം? ചുറ്റും നടക്കുന്ന മോശം കാര്യ​ങ്ങ​ളെ​ക്കു​റി​ച്ചുള്ള വാർത്തകൾ അപ്പപ്പോൾ അറിയാ​നാ​യി നമ്മൾ ഒരുപാട്‌ സമയം കളയു​ന്നെ​ങ്കിൽ അതു നമ്മുടെ ശ്രദ്ധ മാറ്റി​ക്ക​ള​യു​ക​യും നമ്മളെ നിരു​ത്സാ​ഹ​പ്പെ​ടു​ത്തു​ക​യും ദൈവ​സേ​വ​ന​ത്തി​ലെ നമ്മുടെ തീക്ഷ്‌ണത കുറയ്‌ക്കു​ക​യും ചെയ്‌തേ​ക്കാം. അതു​കൊണ്ട്‌, എന്തു മാത്രം വാർത്തകൾ കാണു​ക​യും വായി​ക്കു​ക​യും ചെയ്യു​ന്നെന്ന കാര്യ​ത്തി​നു നമ്മൾ പരിധി വെക്കു​ന്നതു നല്ലതാണ്‌. അങ്ങനെ​യാ​കു​മ്പോൾ നമ്മളെ ബലപ്പെ​ടു​ത്തുന്ന ആത്മീയ​കാ​ര്യ​ങ്ങൾ കൂടുതൽ ചെയ്യാ​നാ​യി നമുക്കു സമയവും ഊർജ​വും ഉണ്ടായി​രി​ക്കും. കൂടുതൽ മടക്കസ​ന്ദർശ​നങ്ങൾ നടത്തു​ന്ന​തു​പോ​ലുള്ള ലക്ഷ്യങ്ങൾ വെച്ചു​കൊണ്ട്‌ ശുശ്രൂ​ഷ​യിൽ കൂടുതൽ ചെയ്യാൻ നമ്മൾ ശ്രമി​ക്കണം. ‘രക്ഷ കിട്ടാ​നും സത്യത്തി​ന്റെ ശരിയായ അറിവ്‌ നേടാ​നും’ ആളുകളെ സഹായി​ക്കു​ന്ന​തി​നുള്ള എല്ലാ അവസര​ങ്ങ​ളും പ്രയോ​ജ​ന​പ്പെ​ടു​ത്തേ​ണ്ടതു വളരെ പ്രധാ​ന​മാ​ണെന്നു നമുക്ക്‌ അറിയാം.—1 തിമൊ. 2:4.

14. ആത്മീയ​പ്ര​വർത്ത​ന​ങ്ങ​ളിൽ തിര​ക്കോ​ടെ ഏർപ്പെ​ടു​ന്ന​തു​കൊ​ണ്ടുള്ള പ്രയോ​ജനം എന്താണ്‌? (ചിത്ര​വും കാണുക.)

¹⁴ ആത്മീയ​പ്ര​വർത്ത​ന​ങ്ങ​ളിൽ തിര​ക്കോ​ടെ ഏർപ്പെ​ടു​ന്ന​തു​കൊണ്ട്‌ മറ്റൊരു പ്രയോ​ജ​ന​വു​മുണ്ട്‌. ഇന്ന്‌ ഇത്ര​യേറെ പ്രശ്‌നങ്ങൾ ഉള്ളതിന്റെ കാരണം നമ്മൾ മറന്നു​പോ​കില്ല. രാഷ്ട്രീ​യ​ക​ലാ​പ​ങ്ങ​ളും സാമ്പത്തി​ക​പ്ര​ശ്‌ന​ങ്ങ​ളും പകർച്ച​വ്യാ​ധി​ക​ളും ഒക്കെയു​ള്ളതു ബൈബിൾപ്ര​വ​ച​ന​ത്തി​ന്റെ നിവൃ​ത്തി​യാ​ണെന്നു നമ്മൾ ഓർക്കും. ഇത്തരം സംഭവങ്ങൾ കാണു​മ്പോൾ അനാവ​ശ്യ​മാ​യി പേടി​ക്കു​ന്ന​തി​നു പകരം ഭാവി​യെ​ക്കു​റി​ച്ചുള്ള യഹോ​വ​യു​ടെ ഉദ്ദേശ്യം നിറ​വേ​റാൻ പോകു​ക​യാ​ണ​ല്ലോ എന്ന്‌ ഓർത്ത്‌ നമുക്കു ധൈര്യം തോന്നും. അതുവരെ പിടി​ച്ചു​നിൽക്കാൻ യഹോവ നമ്മളെ സഹായി​ക്കു​മെന്ന്‌ ഉറപ്പു​ണ്ടാ​യി​രി​ക്കാം. അതു നമ്മുടെ മനസ്സിനു ശാന്തത തരും.—സങ്കീ. 16:8; 112:1, 6-8.

15. ‘സുബോ​ധ​മു​ള്ള​വ​രാ​യി​രി​ക്കു​ന്നതു’ നമ്മളെ എന്തിനു സഹായി​ക്കും? (1 പത്രോസ്‌ 4:7)

¹⁵ ഏറ്റവും പ്രധാ​ന​പ്പെ​ട്ടത്‌ എന്താ​ണെന്നു മറന്നു​പോ​ക​രുത്‌. ലോക​ത്തി​ലെ മിക്ക ആളുക​ളും ഏറ്റവും പ്രാധാ​ന്യം കൊടു​ക്കു​ന്നതു വിനോ​ദ​ത്തി​നാണ്‌; തൊട്ട്‌ അടു​ത്തെ​ത്തി​യി​രി​ക്കുന്ന ഈ വ്യവസ്ഥി​തി​യു​ടെ അവസാ​ന​ത്തി​നല്ല. രസകര​മായ കാര്യങ്ങൾ ചെയ്യു​ന്ന​തിൽ തെറ്റൊ​ന്നു​മില്ല. എന്നാൽ ഇക്കാര്യ​ത്തിൽ ലോക​ത്തി​ന്റെ മനോ​ഭാ​വം നമ്മളെ സ്വാധീ​നി​ക്കാ​തി​രി​ക്ക​ണ​മെ​ങ്കിൽ നമ്മൾ ‘സുബോ​ധ​മു​ള്ള​വ​രാ​യി​രി​ക്കണം.’ (1 പത്രോസ്‌ 4:7 വായി​ക്കുക.) എന്താണ്‌ അതിന്റെ അർഥം? ‘സുബോ​ധം’ എന്നതു കാര്യങ്ങൾ ശരിയാ​യി വിലയി​രു​ത്താ​നുള്ള കഴിവാണ്‌. മറ്റു കാര്യ​ങ്ങ​ളിൽ എന്നപോ​ലെ വിനോ​ദ​ത്തി​ന്റെ കാര്യ​ത്തി​ലും സമനി​ല​യുള്ള ഒരു വീക്ഷണം ഉണ്ടായി​രി​ക്കാ​നും നല്ല തീരു​മാ​ന​ങ്ങ​ളെ​ടു​ക്കാ​നും ഒരാൾ സുബോ​ധം വളർത്തി​യെ​ടു​ക്കണം. അങ്ങനെ​യെ​ടു​ക്കുന്ന തീരു​മാ​നങ്ങൾ യഹോ​വ​യു​ടെ ചിന്ത പ്രതി​ഫ​ലി​പ്പി​ക്കും. ശരിക്കും പ്രധാ​ന​പ്പെ​ട്ടത്‌ എന്താ​ണെന്നു നമുക്ക്‌ അറിയാ​മെന്നു തെളി​യി​ക്കും.—2 തിമൊ. 1:7.

16. തന്റെ മരണം അടുത്തി​രുന്ന സമയത്തും യേശു​വി​ന്റെ ശ്രദ്ധ എന്തിലാ​യി​രു​ന്നു?

¹⁶ ശരിക്കും പ്രധാ​ന​പ്പെ​ട്ടത്‌ എന്താ​ണെന്ന്‌ യേശു എപ്പോ​ഴും ഓർത്തു. തന്റെ മരണത്തി​നു മുമ്പുള്ള സമയത്തു​പോ​ലും, യഹോ​വ​യോ​ടു വിശ്വ​സ്‌ത​നാ​യി​രി​ക്കു​ന്ന​തി​ലും ദൈവ​ത്തി​ന്റെ ഇഷ്ടം ചെയ്യു​ന്ന​തി​ലും ആയിരു​ന്നു യേശു​വി​ന്റെ മുഴുവൻ ശ്രദ്ധയും. അതു​കൊ​ണ്ടാണ്‌ യേശു തീവ്ര​മാ​യി പ്രാർഥി​ച്ചത്‌. എന്നാൽ യേശു​വി​നെ​പ്പോ​ലെ ജാഗ്ര​ത​യോ​ടെ​യി​രി​ക്കു​ന്ന​തിൽ പരാജ​യ​പ്പെട്ട ശിഷ്യ​ന്മാർ ഉറങ്ങി​പ്പോ​യി. അവർ ‘സങ്കടം​കൊണ്ട്‌ തളർന്നു​പോ​യി​രു​ന്നു.’—ലൂക്കോ. 22:39-46; യോഹ. 19:30.

17. എന്തു​കൊ​ണ്ടാണ്‌ പലരും സോഷ്യൽമീ​ഡിയ ഉപയോ​ഗി​ക്കു​ന്നത്‌, അതു നമ്മുടെ ശ്രദ്ധ മാറ്റി​ക്ക​ള​ഞ്ഞേ​ക്കാ​വു​ന്നത്‌ എങ്ങനെ? (ചിത്ര​വും കാണുക.)

¹⁷ യേശു​വി​ന്റെ ശിഷ്യ​ന്മാ​രെ​പ്പോ​ലെ നമ്മളും ചില​പ്പോ​ഴൊ​ക്കെ തളർന്നു​പോ​യേ​ക്കാം. ഈ അവസാ​ന​കാ​ലത്ത്‌ നടക്കുന്ന സംഭവങ്ങൾ കാരണം നമുക്കു വല്ലാത്ത ടെൻഷൻ തോന്നാ​നി​ട​യുണ്ട്‌. അതു​കൊണ്ട്‌ പലരും ടെൻഷൻ മറക്കാ​നാ​യി സോഷ്യൽമീ​ഡി​യ​യി​ലേ​ക്കാ​ണു തിരി​യു​ന്നത്‌. കുടും​ബാം​ഗ​ങ്ങ​ളോ​ടും കൂട്ടു​കാ​രോ​ടും സംസാ​രി​ക്കാ​നും, അവർക്കു ഫോ​ട്ടോ​ക​ളും മറ്റും അയയ്‌ക്കാ​നും ആളുകൾ അത്‌ ഉപയോ​ഗി​ക്കു​ന്നു. അവർ വീഡി​യോ​കൾ കാണാ​നോ ഗെയിം കളിക്കാ​നോ ഒക്കെയാ​യും സോഷ്യൽമീ​ഡിയ ഉപയോ​ഗി​ക്കാ​റുണ്ട്‌. എന്നാൽ എത്ര വായി​ച്ചാ​ലും കണ്ടാലും തീരാ​ത്തത്ര വിവര​ങ്ങ​ളാണ്‌ ഓരോ ദിവസ​വും അതിൽ വന്നുനി​റ​യു​ന്നത്‌. അതെല്ലാം അപ്പപ്പോൾ അറിയാൻ ശ്രമി​ച്ചു​കൊ​ണ്ടി​രു​ന്നാൽ നമ്മുടെ ഊർജ​വും സമയവും നമ്മൾ മുഴു​വ​നാ​യും ചെലവ​ഴി​ക്കു​ന്നതു സോഷ്യൽമീ​ഡി​യ​യിൽ ആയിരി​ക്കും. നമ്മൾ ഇക്കാര്യ​ത്തിൽ എങ്ങനെ​യാ​ണെന്ന്‌ അറിയാൻ സ്വയം ചിന്തി​ക്കുക, ‘സോഷ്യൽമീ​ഡിയ ഉപയോ​ഗിച്ച്‌ കഴിയു​മ്പോൾ എനിക്ക്‌ ഉന്മേഷ​മാ​ണോ തോന്നു​ന്നത്‌, അതോ ശരിക്കും പ്രധാ​ന​പ്പെട്ട കാര്യ​ത്തിൽനിന്ന്‌ അത്‌ എന്റെ ശ്രദ്ധ മാറ്റി​ക്ക​ള​യു​ന്നു​ണ്ടോ?’

18. വിനോ​ദ​പ​രി​പാ​ടി​കൾ തിര​ഞ്ഞെ​ടു​ക്കു​മ്പോൾ കാര്യങ്ങൾ നന്നായി വിലയി​രു​ത്തേ​ണ്ടത്‌ എന്തു​കൊണ്ട്‌?

¹⁸ ഇടയ്‌ക്കൊ​ക്കെ രസമുള്ള കാര്യങ്ങൾ ചെയ്യു​ന്നതു നല്ലതു​ത​ന്നെ​യാണ്‌. എന്നാൽ ടിവി​യി​ലോ ഇന്റർനെ​റ്റി​ലോ നമ്മൾ കാണുന്ന സിനി​മ​ക​ളും സീരീ​സു​ക​ളും ചെറി​യ​ചെ​റിയ വീഡി​യോ​ക​ളും കളിക്കുന്ന ഗെയി​മു​ക​ളും ഒക്കെ എങ്ങനെ​യു​ള്ള​താണ്‌, അതിനു​വേണ്ടി എത്ര സമയ​മെ​ടു​ക്കു​ന്നു എന്നതെ​ല്ലാം വളരെ പ്രധാ​ന​മാണ്‌. നന്നായി വിലയി​രു​ത്തി വേണം ഇക്കാര്യ​ത്തിൽ ഒരു തീരു​മാ​ന​മെ​ടു​ക്കാൻ. കാരണം നമ്മൾ ഒരു വീഡി​യോ കണ്ടുക​ഴി​ഞ്ഞാൽ ഉടനെ​തന്നെ, അതു​പോ​ലെ​യുള്ള മറ്റു വീഡി​യോ​കൾ അവർ ഒന്നിനു​പു​റകേ ഒന്നായി കാണി​ച്ചു​കൊ​ണ്ടി​രി​ക്കും. അതു ചില​പ്പോൾ അക്രമ​മോ അധാർമി​ക​ത​യോ ഉള്ളതാ​യി​രി​ക്കാം. ഏഷ്യയി​ലുള്ള ഒരു സഹോ​ദരൻ ആ കെണി​യിൽ വീണു​പോ​യി. ഓൺ​ലൈ​നിൽ സിനി​മ​ക​ളു​ടെ പ്രധാ​ന​ഭാ​ഗങ്ങൾ കാണി​ക്കുന്ന വീഡി​യോ​കൾ കണ്ടാണ്‌ അദ്ദേഹം തുടങ്ങി​യത്‌. ഒരു വീഡി​യോ കണ്ടുക​ഴി​യു​മ്പോൾ അതിനു പുറകേ പൊങ്ങി​വ​രുന്ന വീഡി​യോ​ക​ളും അദ്ദേഹം കാണു​മാ​യി​രു​ന്നു. അങ്ങനെ സഹോ​ദരൻ അധാർമി​ക​ത​യുള്ള സീനുകൾ കാണാൻതു​ടങ്ങി. അത്‌ അവസാനം അശ്ലീലം കാണു​ന്ന​തി​ലേക്ക്‌ അദ്ദേഹത്തെ നയിച്ചു. എന്നാൽ, മൂപ്പന്മാ​രു​ടെ​യും സുഹൃ​ത്തു​ക്ക​ളു​ടെ​യും സഹായ​ത്തോ​ടെ സഹോ​ദരൻ ശക്തമായ പടിക​ളെ​ടു​ത്തു. അത്തരം ചില ആപ്പുകൾ ഡിലീറ്റ്‌ ചെയ്യു​ക​യും മൊ​ബൈൽ ഉപയോ​ഗി​ക്കു​ന്ന​തി​നു സമയപ​രി​ധി വെക്കു​ക​യും ചെയ്‌തു. വിനോ​ദ​പ​രി​പാ​ടി​കൾ തിര​ഞ്ഞെ​ടു​ക്കു​മ്പോൾ നമ്മൾ എത്ര നന്നായി കാര്യങ്ങൾ വിലയി​രു​ത്തണം എന്നല്ലേ ഈ അനുഭവം കാണി​ക്കു​ന്നത്‌.

19. വിനോ​ദ​ത്തെ​യും ഉല്ലാസ​ത്തെ​യും കുറിച്ച്‌ മാത്ര​മാണ്‌ നമ്മുടെ ചിന്ത​യെ​ങ്കിൽ എന്തു സംഭവി​ച്ചേ​ക്കാം?

¹⁹ ഉല്ലാസ​ത്തി​നു​വേണ്ടി യാത്ര​ക​ളോ മറ്റ്‌ എന്തെങ്കി​ലു​മോ പ്ലാൻ ചെയ്യു​മ്പോ​ഴും നമ്മൾ കാര്യങ്ങൾ നന്നായി വിലയി​രു​ത്തണം. നമു​ക്കെ​ല്ലാം തിരക്കു​പി​ടിച്ച ഈ ജീവി​ത​ത്തിൽ വിശ്ര​മി​ക്കാ​നും സന്തോ​ഷി​ക്കാ​നും സമയം ആവശ്യ​മാണ്‌. അതു നമ്മുടെ ആരോ​ഗ്യ​ത്തി​നും ഗുണം ചെയ്യും. എന്നാൽ എപ്പോ​ഴും അത്തരം കാര്യ​ങ്ങ​ളെ​ക്കു​റി​ച്ചാണ്‌ നമ്മുടെ ചിന്ത​യെ​ങ്കിൽ ഏറ്റവും പ്രധാ​ന​പ്പെട്ട കാര്യങ്ങൾ ചെയ്യാൻ നമുക്കു സമയം കിട്ടാതെ വന്നേക്കാം. (ഫിലി. 1:10) അതു​കൊണ്ട്‌ നമ്മൾ ഏതെല്ലാം കാര്യ​ങ്ങ​ളിൽ ഉൾപ്പെ​ടണം, അതിന്‌ എത്ര​ത്തോ​ളം സമയം ചെലവ​ഴി​ക്കണം എന്നൊക്കെ നന്നായി ചിന്തിച്ച്‌ തീരു​മാ​നി​ക്കണം. അത്തരം തീരു​മാ​ന​ങ്ങ​ളെ​ടു​ക്കു​മ്പോൾ സ്വയം ഇങ്ങനെ ചോദി​ക്കുക: “വിനോ​ദ​ത്തി​നാ​യും ഉല്ലാസ​ത്തി​നാ​യും ഞാൻ ചെലവ​ഴി​ക്കുന്ന സമയം, ഞാൻ കാര്യങ്ങൾ ശരിയാ​യി വിലയി​രു​ത്തി​യാണ്‌ തീരു​മാ​ന​മെ​ടു​ക്കു​ന്ന​തെന്നു കാണി​ക്കു​ന്നു​ണ്ടോ? ഏറ്റവും പ്രധാ​ന​പ്പെട്ട കാര്യ​ത്തി​നു​ത​ന്നെ​യാ​ണോ ഞാൻ ഒന്നാം സ്ഥാനം കൊടു​ക്കു​ന്നത്‌? ‘എല്ലാത്തി​ന്റെ​യും അവസാ​നത്തെ’ നേരി​ടാൻ ഞാൻ ഒരുങ്ങി​യി​രി​ക്കു​ക​യാ​ണോ?”

20. ശ്രദ്ധ പതറി​ക്കുന്ന കാര്യ​ങ്ങ​ളോട്‌ പോരാ​ടു​ന്ന​തു​കൊണ്ട്‌ നമുക്ക്‌ എന്തു പ്രയോ​ജ​ന​മാ​ണു​ള്ളത്‌?

²⁰ ആത്മീയ​പ്ര​വർത്ത​ന​ങ്ങ​ളിൽനിന്ന്‌ നമ്മുടെ ശ്രദ്ധ പതറി​ക്കുന്ന കാര്യ​ങ്ങ​ളോ​ടു പോരാ​ടു​ന്നെ​ങ്കിൽ അതു നമുക്കു​തന്നെ പ്രയോ​ജനം ചെയ്യും. (യശ. 48:17) യഹോ​വ​യു​ടെ സഹായ​ത്താൽ ജീവി​ത​ത്തിൽ ഉണ്ടാ​യേ​ക്കാ​വുന്ന പ്രശ്‌ന​ങ്ങളെ കൂടുതൽ നന്നായി നേരി​ടാൻ നമുക്കാ​കും. ലോക​സം​ഭ​വങ്ങൾ കേട്ട്‌ നമ്മൾ പേടി​ച്ചു​പോ​കില്ല. കൂടാതെ വിനോ​ദ​ത്തി​നും ഉല്ലാസ​ത്തി​നും വേണ്ടി നമ്മൾ ഒരുപാ​ടു സമയം കളയു​ക​യു​മില്ല. അതു​കൊണ്ട്‌ യഹോ​വ​യെ​പ്പോ​ലെ ചിന്തി​ക്കാ​നും ആത്മീയ​പ്ര​വർത്ത​ന​ങ്ങ​ളിൽ തിരക്കു​ള്ള​വ​രാ​യി​രി​ക്കാ​നും ശരിക്കും പ്രധാ​ന​പ്പെട്ട കാര്യം എന്താ​ണെന്നു മറന്നു​ക​ള​യാ​തി​രി​ക്കാ​നും നമുക്കു പ്രത്യേ​കം ശ്രദ്ധി​ക്കാം. അങ്ങനെ ചെയ്യു​മ്പോൾ, ശ്രദ്ധ മാറ്റി​ക്ക​ള​യുന്ന കാര്യ​ങ്ങ​ളോ​ടു പോരാ​ടാൻ മാത്രമല്ല “യഥാർഥ​ജീ​വ​നിൽ പിടി​യു​റ​പ്പി​ക്കാ​നും” നമുക്കു കഴിയും.—1 തിമൊ. 6:19.