നിങ്ങളു​ടെ വിവാ​ഹ​ദി​നം യഹോ​വയെ മഹത്ത്വ​പ്പെ​ടു​ത്തട്ടെ!

1-2. നിങ്ങളു​ടെ വിവാ​ഹ​ദി​വ​സ​ത്തെ​ക്കു​റിച്ച്‌ യഹോ​വ​യു​ടെ ആഗ്രഹം എന്താണ്‌?

നിങ്ങളു​ടെ കല്യാണം ഉറപ്പി​ച്ചോ? എങ്കിൽ അഭിന​ന്ദ​നങ്ങൾ! വിവാഹം പ്ലാൻ ചെയ്യുന്ന തിരക്കി​ലാ​യി​രി​ക്കു​മല്ലേ നിങ്ങൾ? യഹോ​വ​യ്‌ക്കും നിങ്ങളു​ടെ വിവാഹത്തിൽa താത്‌പ​ര്യ​മുണ്ട്‌. അത്‌ സന്തോ​ഷ​ത്തി​ന്റെ ഒരു ദിനമാ​യി​രി​ക്കാ​നും നിങ്ങൾ നല്ലൊരു കുടും​ബ​ജീ​വി​തം തുടർന്ന്‌ ആസ്വദി​ക്കാ​നും ആണ്‌ ദൈവം ആഗ്രഹി​ക്കു​ന്നത്‌.—സുഭാ. 5:18; ഉത്ത. 3:11.

² നിങ്ങളു​ടെ വിവാ​ഹ​ദി​വ​സ​ത്തിൽ യഹോ​വ​യ്‌ക്കു മഹത്ത്വം കിട്ടേ​ണ്ട​തുണ്ട്‌. ദൈവം അതിന്‌ അർഹനാണ്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌? അത്‌ എങ്ങനെ ചെയ്യാ​നാ​കും? ഈ ലേഖനം പ്രധാ​ന​മാ​യും വിവാ​ഹ​ത്തി​നാ​യി തയ്യാ​റെ​ടു​ക്കുന്ന വധൂവ​ര​ന്മാ​രെ ഉദ്ദേശി​ച്ചു​ള്ള​താ​ണെ​ങ്കി​ലും ഇതിലെ തത്ത്വങ്ങൾ നമു​ക്കെ​ല്ലാം പ്രയോ​ജനം ചെയ്യും. നമ്മൾ ഒരു വിവാ​ഹ​ത്തിൽ പങ്കെടു​ക്കു​മ്പോ​ഴോ വിവാ​ഹ​ത്തോട്‌ ബന്ധപ്പെട്ട പ്ലാനു​ക​ളെ​ക്കു​റിച്ച്‌ നമ്മളോട്‌ ഒരു അഭി​പ്രാ​യം ചോദി​ക്കു​മ്പോ​ഴോ യഹോ​വയെ മഹത്ത്വ​പ്പെ​ടു​ത്തുന്ന രീതി​യിൽ കാര്യങ്ങൾ ചെയ്യാൻ ഈ തത്ത്വങ്ങൾ നമ്മളെ​യെ​ല്ലാം സഹായി​ക്കും.

യഹോ​വയെ മഹത്ത്വ​പ്പെ​ടു​ത്തേ​ണ്ടത്‌ എന്തു​കൊണ്ട്‌?

3. വിവാ​ഹ​ദി​വ​സ​ത്തെ​ക്കു​റിച്ച്‌ പ്ലാനുകൾ ഇടു​മ്പോൾ വധൂവ​ര​ന്മാർ ഏതു കാര്യം കണക്കി​ലെ​ടു​ക്കണം, എന്തു​കൊണ്ട്‌?

³ കല്യാ​ണ​ത്തി​നാ​യി ഒരുങ്ങുന്ന ഒരു വധുവും വരനും ദൈവ​വ​ച​ന​ത്തിൽ യഹോവ പറഞ്ഞി​രി​ക്കുന്ന തത്ത്വങ്ങൾക്കു ചേർച്ച​യിൽ വേണം കാര്യങ്ങൾ പ്ലാൻ ചെയ്യാൻ. എന്തു​കൊണ്ട്‌? കാരണം യഹോ​വ​യാണ്‌ വിവാ​ഹ​ക്ര​മീ​ക​രണം തുടങ്ങി​വെ​ച്ചത്‌. ആദാമി​നെ​യും ഹവ്വയെ​യും ഭാര്യാ​ഭർത്താ​ക്ക​ന്മാ​രാ​യി ഒന്നിച്ച്‌ ചേർത്തു​കൊണ്ട്‌ യഹോവ ആദ്യവി​വാ​ഹം നടത്തി. (ഉൽപ. 1:28; 2:24) അതു​കൊണ്ട്‌ വിവാ​ഹ​ദി​വ​സ​ത്തെ​ക്കു​റിച്ച്‌ പ്ലാനുകൾ ഇടു​മ്പോൾ ദൈവ​ത്തി​ന്റെ ചിന്തക​ളാ​യി​രി​ക്കണം നിങ്ങളു​ടെ മനസ്സിൽ മുന്നിൽ നിൽക്കേ​ണ്ടത്‌.

4. വിവാ​ഹ​ദി​വ​സ​ത്തിൽ യഹോ​വ​യ്‌ക്കു മഹത്ത്വം കൊടു​ക്കേ​ണ്ട​തി​ന്റെ മറ്റൊരു കാരണം എന്താണ്‌?

⁴ വിവാ​ഹ​ദി​വ​സ​ത്തെ​ക്കു​റിച്ച്‌ പ്ലാൻ ചെയ്യു​മ്പോൾ യഹോ​വ​യു​ടെ ചിന്തകൾ കണക്കി​ലെ​ടു​ക്കേ​ണ്ട​തി​നു പ്രധാ​ന​പ്പെട്ട മറ്റൊരു കാരണ​മുണ്ട്‌. യഹോവ നിങ്ങളു​ടെ സ്വർഗീ​യ​പി​താ​വും ഏറ്റവും അടുത്ത സുഹൃ​ത്തും ആണ്‌. (എബ്രാ. 12:9) അത്‌ എന്നും അങ്ങനെ ആയിരി​ക്കാൻ നിങ്ങൾ ആഗ്രഹി​ക്കു​ന്നു. അതു​കൊണ്ട്‌ കല്യാ​ണ​ദി​വസം മാത്രമല്ല ജീവി​ത​ത്തി​ലെ ഒരു ദിവസ​വും ആ സുഹൃ​ത്തി​നെ വിഷമി​പ്പി​ക്കുന്ന ഒന്നും ചെയ്യാൻ നിങ്ങൾ ആഗ്രഹി​ക്കില്ല. (സങ്കീ. 25:14) യഹോവ നിങ്ങൾക്കു​വേണ്ടി ഇതുവരെ ചെയ്‌ത​തും ഇനി ചെയ്യാ​നി​രി​ക്കു​ന്ന​തും ആയ കാര്യ​ങ്ങ​ളെ​ക്കു​റിച്ച്‌ ചിന്തി​ക്കു​മ്പോൾ നിങ്ങളു​ടെ വിവാ​ഹ​ദി​വ​സ​ത്തിൽ യഹോ​വ​യ്‌ക്കു മഹത്ത്വം കിട്ടണ​മെന്ന്‌ നിങ്ങൾക്കു തോന്നു​ന്നി​ല്ലേ?—സങ്കീ. 116:12.

യഹോ​വയെ മഹത്ത്വ​പ്പെ​ടു​ത്താൻ എങ്ങനെ കഴിയും?

5. വിവാഹം പ്ലാൻ ചെയ്യാൻ വധൂവ​ര​ന്മാ​രെ ബൈബിൾ സഹായി​ക്കു​ന്നത്‌ എങ്ങനെ​യാണ്‌?

⁵ വിവാ​ഹ​ച്ച​ട​ങ്ങു​ക​ളോ അതു കഴിഞ്ഞുള്ള വിവാ​ഹ​വി​രു​ന്നോ ഒക്കെ എങ്ങനെ നടത്തണ​മെ​ന്ന​തി​നു ബൈബിൾ നിയമങ്ങൾ ഒന്നും വെക്കു​ന്നില്ല. ഓരോ​രു​ത്ത​രു​ടെ സാഹച​ര്യ​വും സംസ്‌കാ​ര​വും ഇഷ്ടങ്ങളും അനുസ​രിച്ച്‌ വധൂവ​ര​ന്മാർക്കു​തന്നെ അതു തീരു​മാ​നി​ക്കാ​വു​ന്ന​താണ്‌. സത്യ​ക്രി​സ്‌ത്യാ​നി​കൾ വിവാ​ഹ​ത്തോട്‌ ബന്ധപ്പെട്ട ഗവൺമെന്റ്‌ നിയമ​ങ്ങ​ളും അനുസ​രി​ക്കും. (മത്താ. 22:21) എങ്കിലും ബൈബിൾത​ത്ത്വ​ങ്ങൾ കണക്കി​ലെ​ടു​ത്താ​യി​രി​ക്കും അവർ വിവാ​ഹ​ദി​ന​ത്തോട്‌ ബന്ധപ്പെട്ട തീരു​മാ​നങ്ങൾ എടുക്കു​ന്നത്‌. അപ്പോ​ഴാണ്‌ അത്‌ യഹോ​വയെ മഹത്ത്വ​പ്പെ​ടു​ത്തു​ക​യും സന്തോ​ഷി​പ്പി​ക്കു​ക​യും ചെയ്യു​ന്നത്‌. അങ്ങനെ​യെ​ങ്കിൽ അവർക്കു മനസ്സിൽപ്പി​ടി​ക്കാ​നാ​കുന്ന ചില തത്ത്വങ്ങൾ എന്തൊ​ക്കെ​യാണ്‌?

6. വിവാ​ഹ​ത്തോ​ടു ബന്ധപ്പെട്ട ഗവൺമെന്റ്‌ നിയമങ്ങൾ അനുസ​രി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (റോമർ 13:1, 2)

⁶ ഗവൺമെന്റ്‌ നിയമങ്ങൾ അനുസ​രി​ക്കുക. (റോമ. 13:1, 2) മിക്ക രാജ്യ​ങ്ങ​ളി​ലും വിവാ​ഹ​ത്തോ​ടു ബന്ധപ്പെട്ട്‌ ഗവൺമെന്റ്‌ വെച്ചി​രി​ക്കുന്ന ചില നിയമ​ങ്ങ​ളു​ണ്ടാ​കും. വിവാഹം കഴിക്കാൻപോ​കു​ന്നവർ തങ്ങൾ താമസി​ക്കു​ന്നി​ടത്തെ നിയമങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കു​ക​യും അത്‌ അനുസ​രി​ക്കു​ക​യും വേണം. അതെക്കു​റിച്ച്‌ നിങ്ങൾക്ക്‌ എന്തെങ്കി​ലും സംശയ​ങ്ങ​ളു​ണ്ടെ​ങ്കിൽ മൂപ്പന്മാ​രോ​ടു സഹായം ചോദി​ക്കുക.b

7. ഒരു വിവാ​ഹ​ദി​വസം എങ്ങനെ​യു​ള്ള​താ​യി​രി​ക്കണം?

⁷ നല്ലൊരു അന്തരീക്ഷം ഒരുക്കുക. (1 കൊരി. 10:31, 32) നിങ്ങളു​ടെ വിവാ​ഹ​പ​രി​പാ​ടി​കൾ ലോക​ത്തി​ന്റെ ആത്മാവി​നെ അല്ല ദൈവാ​ത്മാ​വി​ന്റെ ഗുണങ്ങൾ പ്രതി​ഫ​ലി​പ്പി​ക്കാ​നാണ്‌ നിങ്ങൾ ആഗ്രഹി​ക്കു​ന്നത്‌. (ഗലാ. 5:19-26) കുടും​ബ​ത്തി​ന്റെ തലയാ​കാൻപോ​കു​ന്നതു വരൻ ആയതു​കൊണ്ട്‌ വിവാ​ഹ​പ​രി​പാ​ടി​കൾ സന്തോ​ഷ​ക​ര​വും മാന്യ​വും ആണെന്ന്‌ ഉറപ്പു​വ​രു​ത്താ​നുള്ള ഉത്തരവാ​ദി​ത്വം അദ്ദേഹ​ത്തി​നാണ്‌. അതിന്‌ എന്തു സഹായി​ക്കും? ബൈബി​ളി​നെ അടിസ്ഥാ​ന​മാ​ക്കി, സ്‌നേ​ഹ​ത്തോ​ടെ​യും ആദര​വോ​ടെ​യും നടത്തുന്ന വിവാ​ഹ​പ്ര​സം​ഗം, ദൈവം വെച്ചി​രി​ക്കുന്ന വിവാ​ഹ​ക്ര​മീ​ക​ര​ണത്തെ വിലമ​തി​ക്കാ​നും അതിന്റെ ഗൗരവം മനസ്സി​ലാ​ക്കാ​നും കൂടി​വ​ന്നി​രി​ക്കു​ന്ന​വരെ സഹായി​ക്കും. അതു​കൊ​ണ്ടു​തന്നെ മിക്ക ക്രിസ്‌തീ​യ​ദ​മ്പ​തി​ക​ളും സാധി​ക്കു​മെ​ങ്കിൽ ആ പരിപാ​ടി രാജ്യ​ഹാ​ളിൽവെച്ച്‌ നടത്താ​റുണ്ട്‌. നിങ്ങൾക്കു രാജ്യ​ഹാൾ ഉപയോ​ഗി​ക്കാൻ ആഗ്രഹ​മു​ണ്ടെ​ങ്കിൽ മൂപ്പന്മാ​രു​ടെ സംഘത്തി​നു നേര​ത്തേ​തന്നെ ഒരു അപേക്ഷ കൊടു​ക്കണം.

8. വിവാ​ഹ​വി​രുന്ന്‌ നടക്കു​മ്പോൾ അവിടത്തെ അന്തരീക്ഷം മാന്യ​മാ​ണെന്ന്‌ ഉറപ്പു​വ​രു​ത്താൻ എന്തു ചെയ്യാം? (റോമർ 13:13)

⁸ റോമർ 13:13 വായി​ക്കുക. നിങ്ങൾ ഒരു വിവാ​ഹ​വി​രുന്ന്‌ ഒരുക്കു​ന്നു​ണ്ടെ​ങ്കിൽ അവിടെ ലോക​ത്തി​ന്റെ ആത്മാവ്‌ പ്രതി​ഫ​ലി​ക്കു​ന്നില്ല എന്ന്‌ എങ്ങനെ ഉറപ്പു​വ​രു​ത്താം? ‘വന്യമായ ആഘോ​ഷങ്ങൾ’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പദം, അമിത​കു​ടി​യും ഒരുപാട്‌ രാത്രി​വരെ നീളുന്ന സംഗീ​ത​വും ഒക്കെയുള്ള കൂടി​വ​ര​വു​ക​ളെ​യാണ്‌ അർഥമാ​ക്കു​ന്നത്‌. നിങ്ങൾ മദ്യം വിളമ്പു​ന്നു​ണ്ടെ​ങ്കിൽ, ആരും അമിത​മാ​യി കുടി​ക്കാ​തി​രി​ക്കാൻ വേണ്ട മുൻക​രു​ത​ലു​കൾ എടുക്കുക.c ഇനി സംഗീതം വെക്കു​ന്നെ​ങ്കിൽ വന്നിരി​ക്കു​ന്ന​വർക്കു പരസ്‌പരം ബുദ്ധി​മു​ട്ടി​ല്ലാ​തെ സംസാ​രി​ക്കാൻ പറ്റുന്ന ഒരു ശബ്ദത്തി​ലാ​യി​രി​ക്കണം അതു പ്ലേ ചെയ്യേ​ണ്ടത്‌. അതു​പോ​ലെ ആരെയും ഇടറി​ക്കാ​തി​രി​ക്കാൻ, വെക്കുന്ന പാട്ടുകൾ എങ്ങനെ​യു​ള്ള​താ​ണെ​ന്നും അതിന്റെ വരികൾ എന്തൊ​ക്കെ​യാ​ണെ​ന്നും മുന്നമേ പരി​ശോ​ധിച്ച്‌ ഉറപ്പു​വ​രു​ത്തുക.

9. വിരു​ന്നി​ന്റെ സമയത്തെ പരിപാ​ടി​ക​ളു​ടെ കാര്യ​ത്തിൽ വധൂവ​ര​ന്മാർ എന്തു മനസ്സിൽപ്പി​ടി​ക്കണം?

⁹ ചില വിവാ​ഹ​പ​രി​പാ​ടി​ക​ളിൽ മറ്റുള്ളവർ ചെറു​ക്ക​നെ​യും പെണ്ണി​നെ​യും കുറിച്ച്‌ ഏതാനും വാക്കുകൾ പറഞ്ഞേ​ക്കാം. അല്ലെങ്കിൽ എന്തെങ്കി​ലും വീഡി​യോ​ക​ളോ ചിത്ര​ങ്ങ​ളോ കാണി​ക്കു​ക​യോ മറ്റ്‌ രസകര​മായ പരിപാ​ടി​കൾ അവതരി​പ്പി​ക്കു​ക​യോ ചെയ്‌തേ​ക്കാം. അതൊക്കെ ആ ദിവസ​ത്തി​നു നിറം പകരുന്ന കാര്യ​ങ്ങ​ളാണ്‌. എന്നാൽ അതെല്ലാം മറ്റുള്ള​വരെ ബലപ്പെ​ടു​ത്തു​ന്നത്‌ ആയിരി​ക്കും എന്ന്‌ ഉറപ്പു​വ​രു​ത്തുക. (ഫിലി. 4:8) സ്വയം ചോദി​ക്കുക: ‘ഇതു മറ്റുള്ള​വ​രോട്‌ ആദരവ്‌ കാണി​ക്കുന്ന ഒന്നായി​രി​ക്കു​മോ? വിവാ​ഹ​ക്ര​മീ​ക​ര​ണ​ത്തി​ന്റെ മാന്യത അതു കുറച്ചു​ക​ള​യു​മോ?’ എന്നാൽ അതിലും പ്രധാ​ന​പ്പെട്ട ഒരു ചോദ്യം ഇതാണ്‌: ‘യഹോ​വയെ അതു മഹത്ത്വ​പ്പെ​ടു​ത്തു​മോ?’ കുറച്ച്‌ തമാശ​ക​ളൊ​ക്കെ ഉള്ളത്‌ നല്ലതാ​ണെ​ങ്കി​ലും പറയുന്ന കാര്യങ്ങൾ ലൈം​ഗി​ക​ച്ചുവ ഉള്ളതായി പോക​രുത്‌. (എഫെ. 5:3) കുടും​ബാം​ഗ​ങ്ങ​ളോ കൂട്ടു​കാ​രോ ഏതാനും വാക്കുകൾ പറയു​മെ​ന്നു​ണ്ടെ​ങ്കിൽ, എങ്ങനെ​യുള്ള കാര്യങ്ങൾ ഒഴിവാ​ക്ക​ണ​മെന്ന്‌ അവർക്കു നേര​ത്തേ​തന്നെ വ്യക്തമാ​ക്കി​ക്കൊ​ടു​ക്കുക.

10. വധൂവ​ര​ന്മാർ തങ്ങളുടെ വിവാഹം ലളിത​മാ​യി നടത്താൻ ശ്രമി​ക്കേ​ണ്ടത്‌ എന്തു​കൊണ്ട്‌? (1 യോഹ​ന്നാൻ 2:15-17)

¹⁰ ആർഭാടം ഒഴിവാ​ക്കി, മാന്യ​ത​യോ​ടെ. (1 യോഹ​ന്നാൻ 2:15-17 വായി​ക്കുക.) ദൈവ​ദാ​സർ തങ്ങളി​ലേക്ക്‌ അനാവ​ശ്യ​ശ്രദ്ധ വരുത്തു​ന്ന​തി​നു പകരം യഹോ​വയെ മഹത്ത്വ​പ്പെ​ടു​ത്താൻ ശ്രമി​ക്കു​മ്പോൾ അതിൽ യഹോവ സന്തോ​ഷി​ക്കും. അതു​കൊണ്ട്‌ വിവാ​ഹ​ത്തി​നു​വേണ്ടി അമിത​മാ​യി പണം ചെലവാ​ക്കി ‘പൊങ്ങച്ചം’ കാണി​ക്കു​ന്നതു ക്രിസ്‌ത്യാ​നി​കൾ ഒഴിവാ​ക്കും. വിവാഹം ലളിത​മാ​യി നടത്തു​ന്ന​തു​കൊണ്ട്‌ എന്തൊക്കെ പ്രയോ​ജ​ന​ങ്ങ​ളുണ്ട്‌? നോർവേ​യിൽനി​ന്നുള്ള മൈക്ക്‌ സഹോ​ദരൻ പറയുന്നു: “ഞങ്ങൾക്കു കടം വരുത്തു​ന്നത്‌ ഒഴിവാ​ക്കാ​നും മുൻനി​ര​സേ​വനം തുടരാ​നും ആയി. ഞങ്ങളുടെ വിവാഹം വളരെ ലളിത​മാ​യി​രു​ന്നെ​ങ്കി​ലും അതു മനോ​ഹ​ര​വും നല്ല ഓർമകൾ നിറഞ്ഞ​തും ആയിരു​ന്നു.” ഇന്ത്യയിൽനി​ന്നുള്ള തബീഥ​യു​ടെ അഭി​പ്രാ​യം ഇതാണ്‌: “ഞങ്ങൾക്ക്‌ ഒരുപാട്‌ ടെൻഷൻ ഒഴിവാ​ക്കാ​നാ​യി. വിവാഹം ചെറിയ രീതി​യിൽ നടത്തി​യ​തു​കൊണ്ട്‌ കുറച്ച്‌ കാര്യ​ങ്ങളേ ഞങ്ങൾക്കു പ്ലാൻ ചെയ്യാ​നു​ണ്ടാ​യി​രു​ന്നു​ള്ളൂ. അതു​കൊ​ണ്ടു​തന്നെ അഭി​പ്രാ​യ​വ്യ​ത്യാ​സങ്ങൾ ഉണ്ടാകു​ന്നതു കുറയ്‌ക്കാ​നു​മാ​യി.”

11. തങ്ങളുടെ വസ്‌ത്ര​വും ഒരുക്ക​വും മാന്യ​മാ​ണെന്നു വധൂവ​ര​ന്മാർക്ക്‌ എങ്ങനെ ഉറപ്പു​വ​രു​ത്താം? (ചിത്ര​ങ്ങ​ളും കാണുക.)

¹¹ നിങ്ങൾ ഇടുന്ന വസ്‌ത്രം ഏതാ​ണെന്ന്‌ തീരു​മാ​നി​ച്ചോ? വിവാ​ഹ​ദി​വസം ഭംഗി​യാ​യി ഒരുങ്ങി​വ​രാൻ നിങ്ങൾ ഉറപ്പാ​യും ആഗ്രഹി​ക്കും. ബൈബിൾക്കാ​ല​ങ്ങ​ളി​ലും കല്യാ​ണ​ച്ചെ​റു​ക്ക​നും പെണ്ണും അക്കാര്യ​ത്തിൽ പ്രത്യേ​കം ശ്രദ്ധി​ച്ചി​രു​ന്നു. (യശ. 61:10) വിവാ​ഹ​ദി​വ​സ​ത്തിൽ ധരിക്കുന്ന വസ്‌ത്രം മറ്റ്‌ അവസര​ങ്ങ​ളിൽ ഇടുന്ന വസ്‌ത്ര​ത്തിൽനിന്ന്‌ കുറ​ച്ചൊ​ക്കെ വ്യത്യ​സ്‌ത​മാ​യി​രി​ക്കാം. എന്നാൽ അതു മാന്യ​മാ​ണെന്നു നിങ്ങൾ ഉറപ്പു​വ​രു​ത്തണം. (1 തിമൊ. 2:9) നിങ്ങളു​ടെ വിവാ​ഹ​ദി​വ​സ​ത്തി​ന്റെ ഏറ്റവും വലിയ സവി​ശേഷത നിങ്ങളു​ടെ വസ്‌ത്ര​വും ഒരുക്ക​വും ആയി​പ്പോ​ക​രുത്‌.—1 പത്രോ. 3:3, 4.

12. നിങ്ങളു​ടെ പ്രദേ​ശത്തെ ഒരു ആചാരം തിരു​വെ​ഴു​ത്തു​വി​രു​ദ്ധം ആണെങ്കിൽ അതു വിവാ​ഹ​ത്തിൽനിന്ന്‌ ഒഴിവാ​ക്കേ​ണ്ടത്‌ എന്തു​കൊണ്ട്‌?

¹² തിരു​വെ​ഴു​ത്തു​വി​രു​ദ്ധ​മായ ആചാരങ്ങൾ ഒഴിവാ​ക്കുക. (വെളി. 18:4) സാത്താന്റെ ഈ ലോകത്ത്‌, വിവാ​ഹ​ദി​വ​സത്തെ പല ആചാര​ങ്ങൾക്കും വ്യാജ​മ​ത​വു​മാ​യും ഭൂതവി​ദ്യ​യു​മാ​യും അന്ധവി​ശ്വാ​സ​ങ്ങ​ളു​മാ​യും ബന്ധമുണ്ട്‌. ഇത്തരം അശുദ്ധ​മായ കാര്യ​ങ്ങ​ളിൽനിന്ന്‌ അകന്നു​മാ​റി നിൽക്കാൻ യഹോവ വ്യക്തമായ മുന്നറി​യിപ്പ്‌ തന്നിരി​ക്കു​ന്നു. (2 കൊരി. 6:14-17) നിങ്ങളു​ടെ പ്രദേ​ശത്ത്‌ നാട്ടു​ന​ട​പ്പാ​യി ചെയ്യുന്ന എന്തെങ്കി​ലും ഒരു കാര്യം വിവാ​ഹ​ത്തിൽ ഉൾപ്പെ​ടു​ത്തു​ന്നത്‌ ശരിയാ​ണോ എന്നു സംശയം തോന്നു​ന്നു​ണ്ടെ​ങ്കിൽ അതിന്റെ ഉറവി​ട​ത്തെ​ക്കു​റിച്ച്‌ നന്നായി മനസ്സി​ലാ​ക്കു​ക​യും ബൈബിൾത​ത്ത്വ​ങ്ങൾക്കു ചേർച്ച​യിൽ ഒരു തീരു​മാ​ന​മെ​ടു​ക്കു​ക​യും ചെയ്യുക.

13. സമ്മാനം സ്വീക​രി​ക്കുന്ന കാര്യ​ത്തിൽ വിവാഹം കഴിക്കാൻപോ​കു​ന്ന​വർക്ക്‌ യഹോ​വയെ എങ്ങനെ അനുക​രി​ക്കാം?

¹³ കല്യാ​ണ​ത്തിന്‌ വരുന്നവർ ദമ്പതി​കൾക്ക്‌ സമ്മാനം കൊടു​ക്കുന്ന ഒരു രീതി നിങ്ങളു​ടെ നാട്ടി​ലു​ണ്ടോ? വരുന്ന ഓരോ​രു​ത്ത​രു​ടെ​യും സാമ്പത്തി​കാ​വസ്ഥ അനുസ​രി​ച്ചാ​യി​രി​ക്കും എന്തു സമ്മാനം കൊടു​ക്ക​ണ​മെന്ന്‌ അവർ തീരു​മാ​നി​ക്കു​ന്നത്‌. മറ്റുള്ള​വർക്കു കൊടു​ക്കാൻത​ന്നെ​യാണ്‌ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നത്‌; അതു സന്തോഷം തരുന്ന ഒരു കാര്യ​വു​മാണ്‌. (സുഭാ. 11:25; പ്രവൃ. 20:35) എന്നാൽ സമ്മാനം തന്നേ മതിയാ​കൂ എന്നൊരു തോന്നൽ നമ്മൾ ഒരിക്ക​ലും ക്ഷണിക്കു​ന്ന​വർക്കു കൊടു​ക്കില്ല. അതു​പോ​ലെ ചെറിയ സമ്മാന​മാണ്‌ തരുന്ന​തെ​ങ്കിൽ അതു വിലമ​തി​ക്ക​പ്പെ​ടില്ല എന്ന്‌ അവർക്കു തോന്നാ​നും നമ്മൾ ആഗ്രഹി​ക്കു​ന്നില്ല. ഇക്കാര്യ​ത്തിൽ നമ്മൾ യഹോ​വയെ അനുക​രി​ക്കു​ന്നു; ആളുകൾ അവർക്കു​ള്ളത്‌ മുഴു​ഹൃ​ദ​യ​ത്തോ​ടെ തരു​മ്പോൾ അതിൽ നമ്മൾ സന്തോ​ഷി​ക്കും.—2 കൊരി. 9:7.

പ്രശ്‌നങ്ങൾ ഒഴിവാ​ക്കാം, മറിക​ട​ക്കാം

14. വധൂവ​ര​ന്മാർ എന്തെല്ലാം സമ്മർദങ്ങൾ നേരി​ട്ടേ​ക്കാം?

¹⁴ യഹോ​വയെ മഹത്ത്വ​പ്പെ​ടു​ത്തുന്ന വിവാഹം പ്ലാൻ ചെയ്യു​മ്പോൾ നിങ്ങൾക്കു പല തടസ്സങ്ങ​ളും നേരി​ട്ടേ​ക്കാം. ഉദാഹ​ര​ണ​ത്തിന്‌, ലളിത​മാ​യൊ​രു വിവാഹം നടത്താൻ നിങ്ങൾക്കു ചില​പ്പോൾ ബുദ്ധി​മു​ട്ടാ​യി​രി​ക്കും. സോളമൻ ദ്വീപു​ക​ളിൽനി​ന്നുള്ള ചാർലി പറയുന്നു: “വിവാ​ഹ​വി​രു​ന്നിന്‌ ആരെ​യൊ​ക്കെ ക്ഷണിക്ക​ണ​മെന്നു തീരു​മാ​നി​ക്കാൻ ഒട്ടും എളുപ്പ​മാ​യി​രു​ന്നില്ല. ഞങ്ങൾക്കു കുറെ കൂട്ടു​കാർ ഉണ്ടായി​രു​ന്നു. ഇനി, ഞങ്ങളുടെ സംസ്‌കാ​ര​ത്തി​ലാ​ണെ​ങ്കിൽ എല്ലാവ​രെ​യും വിളി​ക്കാൻ അവർ പ്രതീ​ക്ഷി​ക്കു​ക​യും ചെയ്യും.” നേരത്തേ കണ്ട തബീഥ പറയുന്നു: “ഞങ്ങളുടെ നാട്ടിൽ വിവാഹം എന്നത്‌ പൊതു​വേ വലിയ രീതി​യി​ലുള്ള ഒരു ആഘോ​ഷ​മാണ്‌. അതു​കൊണ്ട്‌ ഏതാണ്ട്‌ നൂറു പേരെ മാത്രം ക്ഷണിക്കാ​നാണ്‌ ഞങ്ങൾ തീരു​മാ​നി​ച്ചി​രി​ക്കു​ന്നത്‌ എന്നു പറഞ്ഞ​പ്പോൾ അത്‌ ഉൾക്കൊ​ള്ളാൻ ഞങ്ങളുടെ മാതാ​പി​താ​ക്കൾക്കു സമയ​മെ​ടു​ത്തു.” ഇന്ത്യയിൽ താമസി​ക്കുന്ന സേറ പറയുന്നു: “ചില ആളുകൾ സമൂഹ​ത്തി​ലെ തങ്ങളുടെ നിലയ്‌ക്കും വിലയ്‌ക്കും ഒരുപാട്‌ പ്രാധാ​ന്യം കൊടു​ക്കു​ന്നുണ്ട്‌. എന്റെ കസിൻസി​ന്റെ ഒക്കെ കല്യാണം വലിയ ആർഭാ​ട​മാ​യി​ട്ടാണ്‌ നടത്തി​യത്‌. അതു​കൊണ്ട്‌ എന്റെ കല്യാണം അതിലും വലിയ രീതി​യിൽ നടത്താ​നുള്ള സമ്മർദം എനിക്കു​ണ്ടാ​യി.” ഇതു​പോ​ലുള്ള തടസ്സങ്ങൾ മറിക​ട​ക്കാൻ നിങ്ങളെ എന്തു സഹായി​ക്കും?

15. വിവാഹം പ്ലാൻ ചെയ്യു​മ്പോൾ പ്രാർഥി​ക്കേ​ണ്ടത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁵ നിങ്ങളു​ടെ പ്ലാനുകൾ പ്രാർഥ​ന​യിൽ ഉൾപ്പെ​ടു​ത്തുക. വിവാ​ഹ​ത്തെ​ക്കു​റിച്ച്‌ പ്ലാൻ ചെയ്യു​മ്പോൾ നിങ്ങൾ നേരി​ടുന്ന പ്രശ്‌ന​ങ്ങ​ളെ​ക്കു​റി​ച്ചും നിങ്ങളു​ടെ വികാ​ര​ങ്ങ​ളെ​ക്കു​റി​ച്ചും യഹോ​വ​യോ​ടു പ്രാർഥ​ന​യിൽ പറയുക. (ഫിലി. 4:6, 7) നല്ല തീരു​മാ​ന​ങ്ങ​ളെ​ടു​ക്കാ​നും ടെൻഷൻ ഉണ്ടാകു​മ്പോൾ ശാന്തമാ​യി​രി​ക്കാ​നും ആവശ്യ​മു​ള്ള​പ്പോൾ ധൈര്യം കാണി​ക്കാ​നും സഹായി​ക്കണേ എന്നു പ്രാർഥി​ക്കുക. (1 പത്രോ. 5:7) യഹോവ നിങ്ങൾക്കു​വേണ്ടി പ്രവർത്തി​ക്കു​ന്നതു കാണു​മ്പോൾ യഹോ​വ​യി​ലുള്ള നിങ്ങളു​ടെ വിശ്വാ​സം കൂടും. മുമ്പ്‌ കണ്ട തബീഥ പറയുന്നു: “ഞങ്ങൾക്കി​ട​യി​ലോ കുടും​ബാം​ഗ​ങ്ങ​ളു​മാ​യോ അഭി​പ്രാ​യ​വ്യ​ത്യാ​സം ഉണ്ടാകു​മോ എന്ന പേടി എനിക്കും എന്നെ വിവാഹം കഴിക്കാൻപോ​കുന്ന ആൾക്കും ഉണ്ടായി​രു​ന്നു. അതു​കൊണ്ട്‌ പ്ലാനു​ക​ളെ​ക്കു​റിച്ച്‌ ഓരോ തവണ ചർച്ച ചെയ്യു​മ്പോ​ഴും ഞങ്ങൾ പ്രാർഥി​ച്ചാണ്‌ തുടങ്ങി​യി​രു​ന്നത്‌. യഹോ​വ​യു​ടെ സഹായം ഉണ്ടായി​രു​ന്ന​തു​കൊണ്ട്‌ എല്ലാം വളരെ സമാധാ​ന​പ​ര​മാ​യി നടന്നു.”

16-17. വിവാ​ഹ​ത്തെ​ക്കു​റിച്ച്‌ പ്ലാനുകൾ ഇടു​മ്പോൾ നല്ല ആശയവി​നി​മയം ഉണ്ടായി​രി​ക്കു​ന്നത്‌ എങ്ങനെ സഹായി​ക്കും?

¹⁶ കാര്യങ്ങൾ വ്യക്തമാ​യും നയത്തോ​ടെ​യും പറയുക. (സുഭാ. 15:22) വിവാ​ഹ​ത്തോട്‌ ബന്ധപ്പെട്ട്‌ നിങ്ങൾക്ക്‌ ഒരുമിച്ച്‌ പല തീരു​മാ​ന​ങ്ങ​ളും എടു​ക്കേ​ണ്ടി​വ​രും. ഒരു തീയതി നിശ്ചയി​ക്കുക, ചെലവ്‌ കണക്കു​കൂ​ട്ടുക, ക്ഷണി​ക്കേ​ണ്ട​വ​രു​ടെ ഒരു ലിസ്റ്റ്‌ ഉണ്ടാക്കുക അങ്ങനെ പലതും. എന്നാൽ ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ നിങ്ങളു​ടെ അഭി​പ്രാ​യങ്ങൾ ഒരുമി​ച്ചി​രുന്ന്‌ ചർച്ച ചെയ്യു​ക​യും, സഹായി​ക്കുന്ന ബൈബിൾത​ത്ത്വ​ങ്ങ​ളെ​ക്കു​റിച്ച്‌ ചിന്തി​ക്കു​ക​യും, പക്വത​യും അനുഭ​വ​പ​രി​ച​യ​വും ഉള്ള ക്രിസ്‌ത്യാ​നി​ക​ളിൽനിന്ന്‌ ലഭിച്ച നിർദേ​ശങ്ങൾ പരിഗ​ണി​ക്കു​ക​യും വേണം. നിങ്ങളു​ടെ വ്യക്തി​പ​ര​മായ ഇഷ്ടങ്ങ​ളെ​ക്കു​റിച്ച്‌ പറയു​മ്പോൾ ദയയും ന്യായ​ബോ​ധ​വും വഴക്കവും കാണി​ക്കുക. മാതാ​പി​താ​ക്കൾ ഉൾപ്പെ​ടെ​യുള്ള അടുത്ത കുടും​ബാം​ഗങ്ങൾ ന്യായ​മായ ഒരു കാര്യം ആവശ്യ​പ്പെ​ടു​മ്പോൾ അത്‌ മാനി​ക്കുക. കാരണം അവരും പ്രതീ​ക്ഷ​യോ​ടെ നോക്കി​യി​രി​ക്കുന്ന ഒരു ദിവസ​മാണ്‌ അത്‌. എന്നാൽ അവർ പറയുന്ന കാര്യം നിങ്ങൾക്കു ചെയ്യാൻ പറ്റാത്ത​താ​ണെ​ങ്കിൽ അതിന്റെ കാരണം നയത്തോ​ടെ വിശദീ​ക​രി​ക്കുക. (കൊലോ. 4:6) നിങ്ങളു​ടെ വിവാഹം യഹോ​വയെ മഹത്ത്വ​പ്പെ​ടു​ത്തുന്ന, സന്തോ​ഷ​ക​ര​മായ ഒരു സന്ദർഭ​മാ​യി​രി​ക്കാ​നാണ്‌ നിങ്ങൾ ആഗ്രഹി​ക്കു​ന്ന​തെന്നു കുടും​ബാം​ഗ​ങ്ങ​ളോ​ടു വ്യക്തമാ​ക്കുക.

¹⁷ നിങ്ങളു​ടെ തീരു​മാ​നങ്ങൾ മാതാ​പി​താ​ക്ക​ളോ​ടു പറയു​ന്നത്‌ എളുപ്പ​മാ​യി​രി​ക്കില്ല; പ്രത്യേ​കിച്ച്‌ അവർ സത്യത്തിൽ ഇല്ലാത്ത​വ​രാ​ണെ​ങ്കിൽ. എങ്കിലും നിങ്ങൾക്ക്‌ അതിൽ വിജയി​ക്കാ​നാ​കും. ഇന്ത്യയിൽനി​ന്നുള്ള സന്തോഷ്‌ സഹോ​ദരൻ പറയുന്നു: “ഹിന്ദു​മ​ത​ത്തി​ലെ പല ആചാര​ങ്ങ​ളും ഞങ്ങളുടെ വിവാ​ഹ​ത്തിൽ ഉൾപ്പെ​ടു​ത്താൻ കുടും​ബാം​ഗ​ങ്ങൾക്ക്‌ ആഗ്രഹ​മു​ണ്ടാ​യി​രു​ന്നു. അവരെ കാര്യങ്ങൾ പറഞ്ഞ്‌ മനസ്സി​ലാ​ക്കാൻ ഞാനും അവളും കുറെ കഷ്ടപ്പെട്ടു. എന്നാൽ അതോ​ടൊ​പ്പം യഹോ​വ​യു​ടെ ഇഷ്ടത്തിന്‌ വിരു​ദ്ധ​മ​ല്ലാത്ത രീതി​യിൽ ചില മാറ്റങ്ങൾ വരുത്താൻ ഞങ്ങളും തയ്യാറാ​യി. ഉദാഹ​ര​ണ​ത്തിന്‌, വിവാ​ഹ​വി​രു​ന്നിൽ എന്തൊക്കെ ഭക്ഷണം വിളമ്പണം എന്നതി​നെ​ക്കു​റിച്ച്‌ ചിന്തി​ച്ച​പ്പോൾ ഞങ്ങളുടെ ഇഷ്ടം മാറ്റി​വെച്ച്‌ അവരുടെ ഇഷ്ടത്തിനു ഞങ്ങൾ പ്രാധാ​ന്യം കൊടു​ത്തു. ഇനി പരിപാ​ടി​യു​ടെ സമയത്ത്‌ പാട്ടും ഡാൻസും ഒന്നും വേണ്ടെ​ന്നു​വെച്ചു. കാരണം അത്‌ അവർക്ക്‌ ഒട്ടും പരിച​യ​മുള്ള ഒരു രീതി​യാ​യി​രു​ന്നില്ല.”

18. വിവാ​ഹ​ദി​വ​സത്തെ പരിപാ​ടി​കൾ നന്നായി നടക്കു​മെന്ന്‌ ഉറപ്പു​വ​രു​ത്താൻ നിങ്ങൾക്ക്‌ എന്തു ചെയ്യാം? (1 കൊരി​ന്ത്യർ 14:40) (ചിത്ര​വും കാണുക.)

¹⁸ ശ്രദ്ധ​യോ​ടെ പ്ലാൻ ചെയ്യുക. കാര്യ​ങ്ങ​ളെ​ല്ലാം നന്നായി പ്ലാൻ ചെയ്യു​ന്നെ​ങ്കിൽ കല്യാ​ണ​ദി​വസം നിങ്ങൾക്കു ടെൻഷൻ കുറവാ​യി​രി​ക്കും. (1 കൊരി​ന്ത്യർ 14:40 വായി​ക്കുക.) തായ്‌വാ​നിൽനി​ന്നുള്ള വെയ്‌ൻ പറയുന്നു: “കല്യാ​ണ​ത്തിന്‌ ഏതാനും ദിവസ​ങ്ങൾക്കു മുമ്പ്‌ പരിപാ​ടി​ക​ളിൽ സഹായി​ക്കാ​നാ​യി മുന്നോ​ട്ടു വന്നവ​രോ​ടൊ​പ്പം ഞങ്ങൾ ഒരു മീറ്റിങ്ങ്‌ നടത്തി. വിവാ​ഹ​ദി​വ​സത്തെ ക്രമീ​ക​ര​ണ​ങ്ങ​ളെ​ക്കു​റിച്ച്‌ ഞങ്ങൾ ചർച്ച ചെയ്യു​ക​യും കാര്യ​ങ്ങ​ളെ​ല്ലാം നന്നായി നടക്കാൻ ചില ഭാഗങ്ങ​ളു​ടെ റിഹേ​ഴ്‌സൽ നോക്കു​ക​യും ചെയ്‌തു.” പരിപാ​ടി​ക​ളെ​ല്ലാം കൃത്യ​സ​മ​യ​ത്തു​തന്നെ നടത്താൻ ശ്രമി​ക്കു​ന്നത്‌ അതിഥി​ക​ളോ​ടുള്ള ആദരവാ​യി​രി​ക്കും.

19. വിവാ​ഹ​വി​രു​ന്നി​ന്റെ സമയത്ത്‌ നടക്കുന്ന കാര്യ​ങ്ങ​ളു​ടെ​മേൽ നിങ്ങൾക്കു നിയ​ന്ത്ര​ണ​മു​ണ്ടെന്ന്‌ ഉറപ്പു​വ​രു​ത്താൻ എന്തു ചെയ്യാ​നാ​കും?

¹⁹ ഉണ്ടാ​യേ​ക്കാ​വുന്ന പ്രശ്‌ന​ങ്ങ​ളെ​ക്കു​റിച്ച്‌ മുൻകൂ​ട്ടി ചിന്തി​ക്കു​ന്നത്‌ അവ ഒഴിവാ​ക്കാൻ നിങ്ങളെ സഹായി​ക്കും. (സുഭാ. 22:3) ഉദാഹ​ര​ണ​ത്തിന്‌, നിങ്ങൾ താമസി​ക്കു​ന്നി​ടത്ത്‌ വിവാ​ഹ​വി​രു​ന്നിന്‌ ക്ഷണിക്കാത്ത അതിഥി​കൾ വരുന്ന ഒരു രീതി​യു​ണ്ടെ​ങ്കിൽ അത്‌ സംഭവി​ക്കാ​തി​രി​ക്കാൻ എന്തു ചെയ്യാ​നാ​കു​മെന്നു ചിന്തി​ക്കുക. കൂടാതെ, സത്യത്തി​ലി​ല്ലാത്ത ബന്ധുക്ക​ളോട്‌ നമ്മുടെ വിവാഹം എങ്ങനെ​യാ​യി​രി​ക്കു​മെ​ന്നും ചില വിവാഹ ആചാര​ങ്ങ​ളെ​ക്കു​റി​ച്ചുള്ള നിങ്ങളു​ടെ കാഴ്‌ച​പ്പാട്‌ എന്താ​ണെ​ന്നും മുൻകൂ​ട്ടി​പ്പ​റ​യുക. jw.org-ലുള്ള “യഹോ​വ​യു​ടെ സാക്ഷി​ക​ളു​ടെ വിവാഹം എങ്ങനെ​യാണ്‌?” എന്ന ലേഖനം അവർക്കു കാണിച്ച്‌ കൊടു​ക്കുക. ഇനി വിവാ​ഹ​വി​രു​ന്നി​ന്റെ സമയത്ത്‌ നടക്കുന്ന പരിപാ​ടി​കൾ നമ്മുടെ നിയ​ന്ത്ര​ണ​ത്തി​ലാ​ണെന്ന്‌ ഉറപ്പു​വ​രു​ത്താൻ, പക്വത​യുള്ള ഒരു സഹോ​ദ​രനെ ‘വിരു​ന്നു​ന​ട​ത്തി​പ്പു​കാ​ര​നാ​യി’ നിയമി​ക്കാ​നാ​കും. (യോഹ. 2:8) വിവാ​ഹ​ത്തെ​ക്കു​റി​ച്ചുള്ള നിങ്ങളു​ടെ പ്ലാനുകൾ അദ്ദേഹ​ത്തി​നു വ്യക്തമാ​യി പറഞ്ഞു​കൊ​ടു​ക്കു​ന്നെ​ങ്കിൽ പരിപാ​ടി​കൾ മാന്യ​മാ​യും പ്ലാൻ ചെയ്‌ത​തു​പോ​ലെ​യും നടക്കു​ന്നു​ണ്ടെന്ന്‌ ഉറപ്പു​വ​രു​ത്താൻ അദ്ദേഹ​ത്തി​നു നിങ്ങളെ സഹായി​ക്കാ​നാ​കും.

20. വിവാ​ഹ​ദി​വ​സ​ത്തെ​ക്കു​റിച്ച്‌ വധൂവ​ര​ന്മാർ എന്ത്‌ ഓർക്കണം?

²⁰ വിവാ​ഹ​ത്തോട്‌ ബന്ധപ്പെട്ട്‌ ഒരുപാട്‌ പ്ലാൻ ചെയ്യാ​നു​ള്ള​തു​കൊണ്ട്‌ നിങ്ങൾക്കു തല പുകയു​ന്നു​ണ്ടാ​കും. എന്നാൽ ഇത്‌ ഒരൊറ്റ ദിവസത്തെ കാര്യ​മാ​ണെന്ന്‌ ഓർക്കുക. ഒരുമിച്ച്‌ യഹോ​വയെ സേവി​ച്ചു​കൊ​ണ്ടുള്ള മനോ​ഹ​ര​മായ ഒരു ജീവി​ത​ത്തി​ന്റെ തുടക്കം മാത്ര​മാണ്‌ അത്‌. മാന്യ​വും ലളിത​വും ആയ ഒരു വിവാഹം നടത്താൻ പരമാ​വധി ശ്രമി​ക്കുക. യഹോ​വ​യിൽ ആശ്രയി​ക്കുക. പിന്തി​രിഞ്ഞ്‌ നോക്കു​മ്പോൾ ഖേദം തോന്നാത്ത, സന്തോ​ഷ​വും നല്ല ഓർമ​ക​ളും മാത്രം നിറഞ്ഞ ഒരു വിവാ​ഹ​ദി​നം പ്ലാൻ ചെയ്യാൻ യഹോ​വ​യു​ടെ സഹായ​ത്താൽ നിങ്ങൾക്കു കഴിയും.—സങ്കീ. 37:3, 4.