പ്രായ​മു​ള്ള​വരേ, നിങ്ങൾ സഭയ്‌ക്ക്‌ ഒരു സ്വത്താണ്‌

ഒരുപക്ഷേ നിങ്ങൾക്കും മുമ്പ്‌ ചെയ്‌തി​രുന്ന അത്ര​യൊ​ന്നും ഇപ്പോൾ ചെയ്യാൻ പറ്റുന്നി​ല്ലാ​യി​രി​ക്കും. നിങ്ങൾ വർഷങ്ങ​ളാ​യി യഹോ​വയെ വിശ്വ​സ്‌ത​മാ​യി സേവി​ക്കു​ന്ന​വ​രാ​ണെന്നു നിങ്ങൾക്ക്‌ അറിയാ​മെ​ങ്കി​ലും ഇപ്പോൾ പണ്ടത്തെ അത്ര ചെയ്യാൻ പറ്റുന്നി​ല്ല​ല്ലോ എന്നു ചിന്തിച്ച്‌ തുടങ്ങി​യാൽ നിരു​ത്സാ​ഹം തോന്നി​യേ​ക്കാം. നിങ്ങളു​ടെ സാഹച​ര്യം ഇതാ​ണെ​ങ്കിൽ സന്തോഷം നിലനി​റു​ത്താൻ എങ്ങനെ കഴിയും?

യഹോവ നിങ്ങളിൽനിന്ന്‌ പ്രതീ​ക്ഷി​ക്കു​ന്നത്‌

നിങ്ങ​ളോ​ടു​തന്നെ ചോദി​ക്കുക, ‘യഹോവ എന്നിൽനിന്ന്‌ എന്താണു പ്രതീ​ക്ഷി​ക്കു​ന്നത്‌?’ ആവർത്തനം 6:5-ലെ വാക്കുകൾ നിങ്ങളെ ആശ്വസി​പ്പി​ക്കു​ന്ന​താണ്‌. അവിടെ ഇങ്ങനെ പറയുന്നു: “നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​ശ​ക്തി​യോ​ടും കൂടെ സ്‌നേ​ഹി​ക്കണം.”

ഈ വാക്യ​ത്തിൽ കാണു​ന്ന​തു​പോ​ലെ നിങ്ങൾ നിങ്ങളു​ടെ മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും മുഴു​ശ​ക്തി​യോ​ടും കൂടെ, തന്നെ സേവി​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌. ഈ കാര്യ​ത്തെ​ക്കു​റിച്ച്‌ ചിന്തി​ക്കു​ന്നത്‌, നിങ്ങളെ മറ്റുള്ള​വ​രു​മാ​യി താരത​മ്യം ചെയ്യാ​തി​രി​ക്കാ​നും നിങ്ങൾ ഇപ്പോൾ ചെയ്യുന്ന കാര്യ​ങ്ങളെ മുമ്പു ചെയ്‌തി​രുന്ന കാര്യ​ങ്ങ​ളു​മാ​യി താരത​മ്യം ചെയ്യു​ന്നത്‌ ഒഴിവാ​ക്കാ​നും സഹായി​ക്കും.

ഇങ്ങനെ​യൊ​ന്നു ചിന്തി​ക്കുക: ചെറു​പ്പ​മാ​യി​രു​ന്ന​പ്പോൾ നിങ്ങൾ നിങ്ങളു​ടെ പരമാ​വധി യഹോ​വ​യ്‌ക്കു കൊടു​ത്തി​ട്ടു​ണ്ടാ​കും. അന്നത്തെ സാഹച​ര്യ​ത്തിൽ നിങ്ങളു​ടെ പരമാ​വധി നിങ്ങൾ ചെയ്‌തു. എന്നാൽ ഇപ്പോ​ഴത്തെ സാഹച​ര്യ​ത്തി​ലും നിങ്ങൾ യഹോ​വ​യ്‌ക്കു കൊടു​ക്കു​ന്നതു നിങ്ങളു​ടെ ഏറ്റവും നല്ലതു​ത​ന്നെ​യാ​യി​രി​ക്കും. അങ്ങനെ ചിന്തി​ക്കു​മ്പോൾ ഒരു കാര്യം മനസ്സി​ലാ​കും: നിങ്ങൾ മുമ്പ്‌ യഹോ​വ​യ്‌ക്കു കൊടു​ത്ത​തു​ത​ന്നെ​യാണ്‌ ഇപ്പോ​ഴും കൊടു​ക്കു​ന്നത്‌. അന്നു നിങ്ങളു​ടെ പരമാ​വധി നിങ്ങൾ കൊടു​ത്തു; ഇന്നും നിങ്ങളു​ടെ പരമാ​വധി നിങ്ങൾ കൊടു​ക്കു​ന്നു.

നിങ്ങൾക്കു മറ്റുള്ള​വരെ സഹായി​ക്കാ​നാ​കും

നമുക്കു ചിന്തി​ക്കാ​നാ​കുന്ന വേറൊ​രു കാര്യം നോക്കാം. നിങ്ങളു​ടെ പ്രായത്തെ ഒരു പരിമി​തി​യാ​യി കാണു​ന്ന​തി​നു പകരം അതിനെ ഒരു അവസര​മാ​യി കാണുക. ചെറു​പ്പ​ത്തിൽ നിങ്ങൾക്കു ചെയ്യാൻ പറ്റാത്ത പല കാര്യ​ങ്ങ​ളും ഒരു പ്രായ​മായ വ്യക്തി എന്ന നിലയിൽ ഇപ്പോൾ നിങ്ങൾക്കു ചെയ്യാൻ പറ്റും. അതിന്‌ ഒരു ഉദാഹ​രണം നോക്കാം:

നിങ്ങളു​ടെ ജീവി​താ​നു​ഭ​വങ്ങൾ മറ്റുള്ള​വ​രോ​ടു പറയുക. പിൻവ​രുന്ന വാക്യ​ങ്ങ​ളിൽ പറയുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കാം:

ദാവീദ്‌ രാജാവ്‌: “ഞാൻ ഒരിക്കൽ ചെറു​പ്പ​മാ​യി​രു​ന്നു, ഇപ്പോ​ഴോ പ്രായം ചെന്നി​രി​ക്കു​ന്നു; എന്നാൽ, ഒരു നീതി​മാൻപോ​ലും ഉപേക്ഷി​ക്ക​പ്പെ​ട്ട​താ​യോ അവന്റെ മക്കൾ ആഹാരം ഇരക്കു​ന്ന​താ​യോ ഇതുവരെ കണ്ടിട്ടില്ല.”—സങ്കീ. 37:25.

യോശുവ: “ഇപ്പോൾ ഇതാ, ഞാൻ മരിക്കാ​റാ​യി. നിങ്ങളു​ടെ ദൈവ​മായ യഹോവ നിങ്ങൾക്കു തന്ന എല്ലാ നല്ല വാഗ്‌ദാ​ന​ങ്ങ​ളി​ലെ​യും ഒറ്റ വാക്കു​പോ​ലും നിറ​വേ​റാ​തി​രു​ന്നി​ട്ടില്ല എന്ന കാര്യം നിങ്ങൾക്കു നന്നായി അറിയാ​മ​ല്ലോ. അവയെ​ല്ലാം നിങ്ങളു​ടെ കാര്യ​ത്തിൽ അങ്ങനെ​തന്നെ സംഭവി​ച്ചു, ഒന്നും നിറ​വേ​റാ​തി​രു​ന്നി​ട്ടില്ല.”—യോശു. 23:14.

നിങ്ങളും ചില​പ്പോൾ ഇതു​പോ​ലുള്ള വാക്കുകൾ ചെറു​പ്പ​ത്തിൽ പറഞ്ഞി​ട്ടു​ണ്ടാ​കും. എന്നാൽ ദാവീ​ദും യോശു​വ​യും പറഞ്ഞ വാക്കു​കൾക്കു കൂടുതൽ വിലയുണ്ട്‌. കാരണം അനേകം വർഷങ്ങ​ളി​ലെ സ്വന്തം ജീവി​താ​നു​ഭ​വ​ങ്ങ​ളിൽനി​ന്നാണ്‌ അവർ അതു പറഞ്ഞത്‌.

നിങ്ങൾ യഹോ​വയെ ഒരുപാ​ടു കാലമാ​യി സേവി​ക്കു​ന്ന​വ​രാ​ണെ​ങ്കിൽ അതിൽനിന്ന്‌ കിട്ടിയ അനു​ഗ്ര​ഹ​ങ്ങ​ളെ​ക്കു​റിച്ച്‌ നിങ്ങൾക്കും പറയാ​നാ​കും. യഹോവ തന്റെ ദാസരെ ഏതെങ്കി​ലും പ്രത്യേ​ക​വി​ധ​ത്തിൽ സഹായി​ച്ച​തി​നെ​ക്കു​റി​ച്ചുള്ള എന്തെങ്കി​ലും ഓർമകൾ നിങ്ങളു​ടെ മനസ്സി​ലു​ണ്ടോ? അതു മറ്റുള്ള​വ​രോ​ടു പറയുക. അത്‌ അവർക്കു വലി​യൊ​രു പ്രോ​ത്സാ​ഹ​ന​മാ​യി​രി​ക്കും, നിങ്ങൾക്കും അതു സന്തോഷം തരും.—റോമ. 1:11, 12.

മറ്റുള്ള​വ​രെ പ്രോ​ത്സാ​ഹി​പ്പി​ക്കാ​നാ​കുന്ന വേറൊ​രു വിധം, സാധി​ക്കു​ന്നി​ട​ത്തോ​ളം നേരിട്ടു മീറ്റി​ങ്ങി​നു പോകു​ന്ന​താണ്‌. അതു നിങ്ങൾക്കും സഹോ​ദ​ര​ങ്ങൾക്കും പ്രയോ​ജനം ചെയ്യും. മുമ്പ്‌ കണ്ട കോനി പറയുന്നു: “നിരാ​ശ​പ്പെ​ട്ടു​പോ​കാ​തി​രി​ക്കാൻ മീറ്റി​ങ്ങു​കൾക്കു പോകു​ന്നത്‌ എന്നെ സഹായി​ക്കു​ന്നു. രാജ്യ​ഹാ​ളിൽ ചെല്ലു​മ്പോൾ സഹോ​ദ​രങ്ങൾ എന്നെ സ്‌നേ​ഹം​കൊണ്ട്‌ പൊതി​യും. പിന്നെ ഞാൻ എങ്ങനെ സങ്കട​പ്പെ​ട്ടി​രി​ക്കാ​നാണ്‌? ചെറിയ സമ്മാനങ്ങൾ കൊടു​ത്തു​കൊണ്ട്‌ ഞാൻ അവരോ​ടുള്ള വിലമ​തി​പ്പു കാണി​ക്കാ​റുണ്ട്‌. അതു​പോ​ലെ എന്റെ സഹോ​ദ​ര​ങ്ങ​ളോ​ടൊ​പ്പം ആത്മീയ​പ്ര​വർത്ത​ന​ങ്ങ​ളിൽ ഉൾപ്പെ​ടു​ന്നു​ണ്ടെ​ന്നും ഞാൻ ഉറപ്പു​വ​രു​ത്തു​ന്നു.”

നിങ്ങളു​ടെ വിശ്വ​സ്‌ത​സേ​വനം യഹോവ വിലമ​തി​ക്കു​ന്നു

നിങ്ങൾക്കു പ്രോ​ത്സാ​ഹനം പകരുന്ന അനേക​രു​ടെ അനുഭ​വങ്ങൾ ബൈബി​ളി​ലുണ്ട്‌. സാഹച​ര്യ​ങ്ങൾ കാരണം പണ്ടത്തെ അത്രയും ചെയ്യാൻ പറ്റുന്നി​ല്ലാ​യി​രു​ന്നെ​ങ്കി​ലും യഹോവ അവരെ സ്‌നേ​ഹി​ച്ചു. അതിൽ ഒരാളാ​യി​രു​ന്നു ശിമെ​യോൻ. യേശു ജനിച്ച സമയത്ത്‌ ജീവി​ച്ചി​രുന്ന പ്രായ​മുള്ള ഒരു ഇസ്രാ​യേ​ല്യ​നാണ്‌ അദ്ദേഹം. ശിമെ​യോൻ ആലയത്തിൽ പോകു​മ്പോൾ ചെറു​പ്പ​ക്കാ​രായ ആളുകൾ അവിടത്തെ പ്രധാ​ന​പ്പെട്ട പല ജോലി​ക​ളും ചെയ്യു​ന്നത്‌ അദ്ദേഹം കണ്ടിട്ടു​ണ്ടാ​കും. എന്നാൽ അവരുടെ അത്ര​യൊ​ന്നും ചെയ്യാൻ പറ്റാത്ത​തു​കൊണ്ട്‌ യഹോ​വ​യ്‌ക്ക്‌ ഇനി തന്നെ​ക്കൊണ്ട്‌ വലിയ ഉപയോ​ഗ​മി​ല്ലെന്നു ശിമെ​യോൻ ചിന്തി​ച്ചി​ട്ടു​ണ്ടാ​കും. എന്നാൽ യഹോവ അദ്ദേഹത്തെ കണ്ടത്‌ അങ്ങനെയല്ല. ശിമെ​യോ​നെ “നീതി​മാ​നും ദൈവ​ഭ​ക്ത​നും” ആയി യഹോവ കണ്ടു. കുഞ്ഞാ​യി​രുന്ന യേശു​വി​നെ കാണാ​നുള്ള പദവി കൊടു​ക്കു​ക​യും ഭാവി​മി​ശി​ഹ​യെ​ക്കു​റി​ച്ചുള്ള ഒരു പ്രവചനം നടത്താൻ അദ്ദേഹത്തെ ഉപയോ​ഗി​ക്കു​ക​യും ചെയ്‌തു​കൊണ്ട്‌ യഹോവ ശിമെ​യോ​നെ അനു​ഗ്ര​ഹി​ച്ചു. (ലൂക്കോ. 2:25-35) അതെ, ശിമെ​യോ​ന്റെ ചുളി​വു​കൾ വന്ന ശരീരമല്ല യഹോവ കണ്ടത്‌; പകരം അദ്ദേഹ​ത്തി​ന്റെ ശക്തമായ വിശ്വാ​സ​മാണ്‌. “പരിശു​ദ്ധാ​ത്മാവ്‌ ശിമെ​യോ​ന്റെ മേലു​ണ്ടാ​യി​രു​ന്നു.”

അതു​കൊണ്ട്‌ പരിമി​തി​ക​ളു​ണ്ടെ​ങ്കി​ലും നിങ്ങൾ യഹോ​വയെ വിശ്വ​സ്‌ത​മാ​യി സേവി​ക്കു​ന്നതു കാണു​മ്പോൾ യഹോവ അതു മൂല്യ​മു​ള്ള​താ​യി കാണു​മെന്ന്‌ ഉറപ്പു​ണ്ടാ​യി​രി​ക്കാം. ‘ഒരാൾ തന്റെ കഴിവിന്‌ അപ്പുറമല്ല, കഴിവ​നു​സ​രിച്ച്‌ കൊടു​ക്കു​ന്ന​താണ്‌’ യഹോ​വ​യ്‌ക്കു കൂടുതൽ സ്വീകാ​ര്യം.—2 കൊരി. 8:12.

ഇതു മനസ്സിൽപ്പി​ടി​ച്ചു​കൊണ്ട്‌ നിങ്ങൾക്കു ചെയ്യാ​നാ​കുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കുക. ഉദാഹ​ര​ണ​ത്തിന്‌, കുറച്ച്‌ സമയ​ത്തേ​ക്കാ​ണെ​ങ്കി​ലും ശുശ്രൂ​ഷ​യു​ടെ ഏതെല്ലാം മേഖല​ക​ളിൽ നിങ്ങൾക്ക്‌ ഇപ്പോ​ഴും പ്രവർത്തി​ക്കാ​നാ​കും? ഒന്നു ഫോൺ വിളി​ച്ചു​കൊ​ണ്ടോ ഒരു കാർഡ്‌ അയച്ചു​കൊ​ണ്ടോ നിങ്ങൾക്കു മറ്റുള്ള​വരെ പ്രോ​ത്സാ​ഹി​പ്പി​ക്കാ​നാ​കു​മോ? സ്‌നേ​ഹ​ത്തോ​ടെ ചെയ്യുന്ന ഇത്തരം ചെറിയ കാര്യ​ങ്ങൾപോ​ലും സഹോ​ദ​ര​ങ്ങളെ വളരെ​യ​ധി​കം സ്വാധീ​നി​ക്കും, പ്രത്യേ​കിച്ച്‌ വർഷങ്ങ​ളാ​യി യഹോ​വയെ സേവി​ക്കുന്ന നിങ്ങ​ളെ​പ്പോ​ലെ ഒരാൾ അങ്ങനെ ചെയ്യു​മ്പോൾ.

ശാരീ​രി​ക പരിമി​തി​കൾ ഉണ്ടെങ്കി​ലും യഹോ​വ​യ്‌ക്കു​വേണ്ടി നിങ്ങൾക്ക്‌ ഒരുപാ​ടു കാര്യങ്ങൾ ചെയ്യാ​നാ​കും. “അത്‌ അവളുടെ ജീവൻ രക്ഷിച്ചു” എന്ന ചതുര​ത്തി​ലെ, കിഴക്കൻ ആഫ്രി​ക്ക​യിൽനി​ന്നുള്ള ഒരു അനുഭവം കാണുക.

വർഷങ്ങ​ളാ​യു​ള്ള നിങ്ങളു​ടെ വിശ്വസ്‌ത ജീവി​ത​വും ഇപ്പോൾ നിങ്ങൾ കാണി​ക്കുന്ന വിശ്വ​സ്‌ത​ത​യും മറ്റുള്ള​വരെ വളരെ​യേറെ പ്രോ​ത്സാ​ഹി​പ്പി​ക്കും. ഇക്കാല​മ​ത്ര​യും നിങ്ങൾ സഹിച്ചു​നി​ന്നത്‌ എല്ലാവർക്കും ഒരു മാതൃ​ക​യാണ്‌. അതു​പോ​ലെ “വിശു​ദ്ധരെ ശുശ്രൂ​ഷി​ച്ച​തി​ലൂ​ടെ​യും ഇപ്പോ​ഴും അവരെ ശുശ്രൂ​ഷി​ക്കു​ന്ന​തി​ലൂ​ടെ​യും നിങ്ങൾ ദൈവ​നാ​മ​ത്തോ​ടു കാണി​ക്കുന്ന സ്‌നേ​ഹ​വും നിങ്ങൾ ചെയ്യുന്ന സേവന​വും മറന്നു​ക​ള​യാൻ ദൈവം അനീതി​യു​ള്ള​വനല്ല” എന്ന കാര്യ​ത്തിൽ നിങ്ങൾക്ക്‌ ഉറപ്പു​ണ്ടാ​യി​രി​ക്കാം.—എബ്രാ. 6:10.

എപ്പോ​ഴും എന്തെങ്കി​ലു​മൊ​ക്കെ ചെയ്‌തു​കൊ​ണ്ടി​രി​ക്കുക

മറ്റുള്ള​വരെ സഹായി​ക്കാൻ ശ്രമി​ക്കുന്ന, പ്രായ​മുള്ള പലർക്കും കുറെ​ക്കൂ​ടെ ആരോ​ഗ്യ​മു​ള്ള​താ​യും നന്നായി ചിന്തി​ക്കാൻ പറ്റുന്ന​താ​യും കൂടുതൽ ആയുസ്സു​ള്ള​താ​യും പഠനങ്ങൾ കാണി​ക്കു​ന്നു.

മറ്റുള്ള​വർക്കു നന്മ ചെയ്യു​ന്നതു പ്രായാ​ധി​ക്യ​ത്തി​ന്റെ എല്ലാ ബുദ്ധി​മു​ട്ടു​ക​ളും ഇല്ലാതാ​ക്കില്ല എന്നു നമുക്ക്‌ അറിയാം. കാരണം അതു സാധ്യ​മാ​ക​ണ​മെ​ങ്കിൽ പ്രായ​മാ​കു​ന്ന​തി​ന്റെ​യും മരിക്കു​ന്ന​തി​ന്റെ​യും യഥാർഥ​കാ​ര​ണത്തെ, അഥവാ പാപാ​വ​സ്ഥയെ നമ്മളിൽനിന്ന്‌ നീക്കി​ക്ക​ള​യേ​ണ്ട​തുണ്ട്‌. (റോമ. 5:12) ദൈവ​രാ​ജ്യ​ത്തി​നു മാത്രമേ അതിനു കഴിയൂ.

എങ്കിലും ദൈവ​ത്തെ​ക്കു​റിച്ച്‌ അറിയാൻ മറ്റുള്ള​വരെ സഹായി​ക്കു​ന്നത്‌ ഉൾപ്പെടെ യഹോ​വ​യ്‌ക്കു​വേണ്ടി നിങ്ങൾ ചെയ്യു​ന്ന​തെ​ല്ലാം നിങ്ങൾക്കു​തന്നെ പ്രയോ​ജനം ചെയ്യും. അതു നിങ്ങളു​ടെ പ്രത്യാശ ശക്തമാ​ക്കി​നി​റു​ത്തും. നിങ്ങളു​ടെ ആരോ​ഗ്യം മെച്ച​പ്പെ​ടു​ത്തു​ക​പോ​ലും ചെയ്‌തേ​ക്കാം. അതു​കൊണ്ട്‌ പ്രായ​മാ​യ​വരേ, നിങ്ങൾ ദൈവ​സേ​വ​ന​ത്തിൽ ചെയ്യുന്ന കാര്യ​ങ്ങ​ളെ​ല്ലാം യഹോവ വില​യേ​റി​യ​താ​യി കാണു​ന്നെ​ന്നും നിങ്ങളു​ടെ വിശ്വാ​സ​ത്തി​ന്റെ മാതൃക സഭയ്‌ക്ക്‌ ഒരു നിധി​യാ​ണെ​ന്നും എപ്പോ​ഴും ഓർക്കുക.