ഇയ്യോ​ബി​ന്റെ പുസ്‌തകം ഉപദേശം കൊടു​ക്കു​മ്പോൾ നിങ്ങളെ സഹായി​ക്കും

1-2. ഇയ്യോ​ബി​ന്റെ മൂന്നു കൂട്ടു​കാ​രും എലീഹു​വും ഏത്‌ പ്രശ്‌നത്തെ നേരിട്ടു?

ഞെട്ടി​ക്കുന്ന ആ വാർത്ത ആ ദേശ​ത്തെ​ങ്ങും കാട്ടു​തീ​പോ​ലെ പടർന്നു: സമ്പദ്‌സ​മൃ​ദ്ധി​യിൽ കഴിഞ്ഞി​രുന്ന ഇയ്യോ​ബിന്‌ ഇപ്പോൾ എല്ലാം നഷ്ടപ്പെ​ട്ടി​രി​ക്കു​ന്നു! ഈ വാർത്ത കേട്ട്‌ ഇയ്യോ​ബി​ന്റെ മൂന്നു കൂട്ടു​കാ​രായ എലീഫ​സും ബിൽദാ​ദും സോഫ​രും അദ്ദേഹത്തെ ആശ്വസി​പ്പി​ക്കാ​നാ​യി ഊസ്‌ ദേശ​ത്തേക്കു വരുക​യാണ്‌. എന്നാൽ അവർ അവിടെ എത്തിയ​പ്പോൾ കണ്ട കാഴ്‌ചകൾ പ്രതീ​ക്ഷി​ച്ച​തി​ലും കഷ്ടമാ​യി​രു​ന്നു!

² ഇയ്യോ​ബിന്‌ തനിക്കു​ള്ള​തെ​ല്ലാം​തന്നെ നഷ്ടപ്പെട്ടു. ഉണ്ടായി​രുന്ന വലിയ കൂട്ടം ആടുമാ​ടു​ക​ളും ഒട്ടകങ്ങ​ളും കഴുത​ക​ളും ഒക്കെ പോയി. ഇയ്യോ​ബി​ന്റെ മക്കളും ദാസന്മാ​രിൽ മിക്കവ​രും കൊല്ല​പ്പെട്ടു. മക്കളുടെ ജീവൻ അപഹരിച്ച വീട്‌ തകർന്നു​കി​ട​ക്കു​ന്നു. ഇതെല്ലാം പോരാ​ഞ്ഞിട്ട്‌ ഇയ്യോ​ബിന്‌ ഇപ്പോൾ ഗുരു​ത​ര​മായ ഒരു രോഗ​വും വന്നു. അദ്ദേഹ​ത്തി​ന്റെ ശരീരം മുഴുവൻ വേദനി​പ്പി​ക്കുന്ന പരുക്ക​ളാണ്‌. കടുത്ത നിരാ​ശ​യിൽ, ചാരത്തിൽ ഇരിക്കുന്ന ഇയ്യോ​ബി​നെ ആ മൂന്നു കൂട്ടു​കാർ ദൂരെ​നിന്ന്‌ കണ്ടു. അവർ എങ്ങനെ​യാണ്‌ പ്രതി​ക​രി​ച്ചത്‌? വേദന​യാൽ പുളയുന്ന ഇയ്യോ​ബി​നോട്‌, നീണ്ട ഏഴു ദിവസ​ത്തേക്ക്‌ അവർ ഒന്നും സംസാ​രി​ച്ചില്ല. (ഇയ്യോ. 2:12, 13) അതിനി​ട​യിൽ എപ്പോ​ഴോ ചെറു​പ്പ​ക്കാ​ര​നായ എലീഹു​വും അവരുടെ അടുത്താ​യി വന്നിരി​ക്കു​ന്നു. അവസാനം, നിശബ്ദ​തയെ കീറി​മു​റി​ച്ചു​കൊണ്ട്‌ ഇയ്യോബ്‌ സംസാ​രി​ച്ചു​തു​ടങ്ങി. അദ്ദേഹം താൻ ജനിച്ച ദിവസത്തെ ശപിക്കു​ക​യും മരിക്കാൻ ആഗ്രഹി​ക്കു​ക​യും ചെയ്‌തു. (ഇയ്യോ. 3:1-3, 11) ഇയ്യോ​ബിന്‌ ശരിക്കും പ്രോ​ത്സാ​ഹനം ആവശ്യ​മാ​യി​രു​ന്നു. വന്നിരി​ക്കുന്ന ആ പുരു​ഷ​ന്മാർ ഇയ്യോ​ബി​നോട്‌ എന്തു പറയും, എങ്ങനെ പറയും എന്നത്‌ അവർ ഇയ്യോ​ബി​ന്റെ നല്ല സുഹൃ​ത്തു​ക്ക​ളാ​ണോ എന്നും അവർക്ക്‌ അദ്ദേഹ​ത്തി​ന്റെ കാര്യ​ത്തിൽ ആത്മാർഥ​താ​ത്‌പ​ര്യ​മു​ണ്ടോ എന്നും തെളി​യി​ക്കു​മാ​യി​രു​ന്നു.

3. ഈ ലേഖന​ത്തിൽ നമ്മൾ എന്തു ചർച്ച ചെയ്യും?

³ ഇയ്യോ​ബി​ന്റെ മൂന്നു കൂട്ടു​കാ​രും എലീഹു​വും പറഞ്ഞതും ചെയ്‌ത​തും ആയ കാര്യങ്ങൾ യഹോവ മോശ​യി​ലൂ​ടെ എഴുതി​വെച്ചു. നമുക്ക​റി​യാ​വു​ന്ന​തു​പോ​ലെ എലീഹു പറഞ്ഞ കാര്യങ്ങൾ യഹോ​വ​യിൽനി​ന്നു​ള്ള​താ​യി​രു​ന്നു. എന്നാൽ എലീഫസ്‌ പറഞ്ഞ ചില കാര്യങ്ങൾ, സാധ്യ​ത​യ​നു​സ​രിച്ച്‌ ഒരു ദുഷ്ട ആത്മവ്യക്തി പറഞ്ഞു​കൊ​ടു​ത്ത​താ​യി​രി​ക്കണം. (ഇയ്യോ. 4:12-16; 33:24, 25) അതു​കൊ​ണ്ടാണ്‌ ഇയ്യോ​ബി​ന്റെ പുസ്‌ത​ക​ത്തിൽ, ഏറ്റവും നല്ല ചില ഉപദേ​ശ​ങ്ങ​ളും ഏറ്റവും മോശ​മായ ചില ഉപദേ​ശ​ങ്ങ​ളും കാണാ​നാ​കു​ന്നത്‌. ഒരാൾക്ക്‌ ഉപദേശം കൊടു​ക്കേ​ണ്ടി​വ​രു​മ്പോൾ അത്‌ ഏറ്റവും നന്നായി എങ്ങനെ ചെയ്യാ​മെന്ന്‌ ഈ പുസ്‌ത​ക​ത്തിൽനിന്ന്‌ നമുക്കു പഠിക്കാ​നാ​കും. ആദ്യം, ഇയ്യോ​ബി​ന്റെ മൂന്നു കൂട്ടു​കാ​രു​ടെ മോശം മാതൃ​ക​ക​ളെ​ക്കു​റിച്ച്‌ നോക്കാം. എന്നിട്ട്‌ എലീഹു​വി​ന്റെ നല്ല മാതൃ​ക​യെ​ക്കു​റിച്ച്‌ ചർച്ച ചെയ്യാം. ഓരോ​ന്നിൽനി​ന്നു​മുള്ള പാഠങ്ങൾ ഇസ്രാ​യേ​ല്യർക്ക്‌ എങ്ങനെ പ്രയോ​ജനം ചെയ്‌തു​കാ​ണു​മെ​ന്നും അത്‌ ഇന്ന്‌ നമുക്ക്‌ എങ്ങനെ പ്രയോ​ജനം ചെയ്യു​മെ​ന്നും നമ്മൾ നോക്കും.

മൂന്നു കൂട്ടു​കാ​രു​ടെ ഉപദേശം

4. ഇയ്യോ​ബി​ന്റെ മൂന്നു കൂട്ടു​കാർക്ക്‌ അദ്ദേഹത്തെ ആശ്വസി​പ്പി​ക്കാൻ കഴിയാ​തെ​പോ​യത്‌ എന്തു​കൊണ്ട്‌? (ചിത്ര​വും കാണുക.)

⁴ ഇയ്യോ​ബി​നു​ണ്ടായ ദുരന്ത​ങ്ങ​ളെ​ക്കു​റിച്ച്‌ കേട്ട​പ്പോൾ ഇയ്യോ​ബി​നെ കണ്ട്‌ “ദുഃഖം അറിയി​ക്കാ​നും ആശ്വസി​പ്പി​ക്കാ​നും” ആണ്‌ ആ മൂന്നു കൂട്ടു​കാർ ചെന്ന​തെന്നു ബൈബിൾ പറയുന്നു. (ഇയ്യോ. 2:11) എന്നാൽ അവർക്ക്‌ അതിനു കഴിഞ്ഞില്ല. എന്തു​കൊണ്ട്‌? കുറഞ്ഞത്‌ മൂന്നു കാരണ​ങ്ങ​ളുണ്ട്‌. ഒന്നാമ​താ​യി, അവർ എടുത്തു​ചാ​ടി തെറ്റായ നിഗമ​ന​ങ്ങ​ളിൽ എത്തി. ഉദാഹ​ര​ണ​ത്തിന്‌, ഇയ്യോബ്‌ ചെയ്‌ത തെറ്റു​ക​ളു​ടെ ശിക്ഷയാ​യി​ട്ടാണ്‌ അദ്ദേഹം ദുരി​തങ്ങൾ അനുഭ​വി​ക്കു​ന്ന​തെന്ന്‌ അവർ തെറ്റി​ദ്ധ​രി​ച്ചു.a (ഇയ്യോ. 4:7; 11:14) രണ്ടാമ​താ​യി, അവർ കൊടുത്ത ചില ഉപദേ​ശങ്ങൾ ജ്ഞാനമു​ള്ള​താ​യി തോന്നാ​മെ​ങ്കി​ലും അതിൽ മിക്കതും ഇയ്യോ​ബി​നെ സഹായി​ക്കു​ന്നവ ആയിരു​ന്നില്ല. (ഇയ്യോ. 13:12) ഇയ്യോ​ബി​നെ വേദനി​പ്പി​ക്കുന്ന, ദയയി​ല്ലാത്ത വാക്കു​ക​ളും അവർ പറഞ്ഞു. ഉദാഹ​ര​ണ​ത്തിന്‌, ഇയ്യോബ്‌ ആവശ്യ​ത്തി​ലേറെ സംസാ​രി​ച്ച​താ​യി ബിൽദാദ്‌ രണ്ടു തവണ പറയു​ന്നുണ്ട്‌. (ഇയ്യോ. 8:2; 18:2) ചില സമയത്ത്‌ അവരുടെ സംസാരം വളരെ ക്രൂര​വു​മാ​യി​രു​ന്നു. ഉദാഹ​ര​ണ​ത്തിന്‌, ഇയ്യോബ്‌ ഒരു ‘വിഡ്ഢിയാണെന്ന്‌’ സോഫർ സൂചി​പ്പി​ച്ചു. (ഇയ്യോ. 11:12) മൂന്നാ​മ​താ​യി, അവർ ഇയ്യോ​ബി​നു നേരെ ശബ്ദം ഉയർത്തി​യി​ല്ലെ​ങ്കി​ലും അവർ സംസാ​രിച്ച രീതി മിക്ക​പ്പോ​ഴും താഴ്‌ത്തി​ക്കെ​ട്ടു​ന്ന​തും പരിഹ​സി​ക്കു​ന്ന​തും കുറ്റ​പ്പെ​ടു​ത്തു​ന്ന​തും ആയിരു​ന്നു. (ഇയ്യോ. 15:7-11) ശരിക്കും പറഞ്ഞാൽ ഇയ്യോ​ബി​നെ ആശ്വസി​പ്പി​ക്കാ​നോ അദ്ദേഹ​ത്തി​ന്റെ വിശ്വാ​സം ശക്തി​പ്പെ​ടു​ത്താ​നോ ശ്രമി​ക്കു​ന്ന​തി​നെ​ക്കാൾ ഇയ്യോബ്‌ ഒരു തെറ്റു​കാ​ര​നാ​ണെന്ന്‌ തെളി​യി​ക്കാ​നാണ്‌ അവർ ശ്രമി​ച്ചു​കൊ​ണ്ടി​രു​ന്നത്‌.

5. ഇയ്യോ​ബി​ന്റെ മൂന്നു കൂട്ടു​കാർ നൽകിയ ഉപദേശം എന്തു ഫലമാ​ണു​ണ്ടാ​ക്കി​യത്‌?

⁵ എലീഫ​സും ബിൽദാ​ദും സോഫ​രും സംസാ​രിച്ച്‌ കഴിഞ്ഞ​പ്പോൾ ഇയ്യോബ്‌ മുമ്പ​ത്തേ​തി​ലും തകർന്നു​പോ​യി. (ഇയ്യോ. 19:2) സ്വന്തം ഭാഗം ന്യായീ​ക​രി​ക്കാൻ ഇയ്യോബ്‌ ശ്രമി​ച്ചു​പോ​യ​തിൽ അത്ഭുത​മില്ല. ശരിയായ രീതി​യിൽ ചിന്തി​ക്കാ​നും സംസാ​രി​ക്കാ​നും അദ്ദേഹ​ത്തിന്‌ പറ്റാ​തെ​പോ​യത്‌ അതു​കൊ​ണ്ടാണ്‌. (ഇയ്യോ. 6:3, 26) ഇയ്യോ​ബി​ന്റെ മൂന്നു സുഹൃ​ത്തു​ക്കൾ പറഞ്ഞ കാര്യ​ങ്ങ​ളൊ​ന്നും യഹോ​വ​യു​ടെ ചിന്തകൾക്ക്‌ ചേർച്ച​യി​ലു​ള്ള​താ​യി​രു​ന്നില്ല. അവർ ഇയ്യോ​ബി​നോട്‌ അനുകമ്പ കാണി​ക്കു​ക​യും ചെയ്‌തില്ല. അങ്ങനെ അവർപോ​ലും അറിയാ​തെ അവർ സാത്താന്റെ കൈക​ളി​ലെ ഉപകര​ണ​ങ്ങ​ളാ​യി​ത്തീർന്നു. (ഇയ്യോ. 2:4, 6) ഈ വിവരണം മുൻകാ​ല​ങ്ങ​ളി​ലു​ള്ള​വർക്ക്‌ എങ്ങനെ പ്രയോ​ജനം ചെയ്യു​മാ​യി​രു​ന്നു? ഇന്ന്‌ നമുക്ക്‌ അത്‌ എങ്ങനെ പ്രയോ​ജനം ചെയ്യും?

6. ഇയ്യോ​ബി​ന്റെ മൂന്നു കൂട്ടു​കാ​രു​ടെ മോശം മാതൃ​ക​യിൽനിന്ന്‌ ഇസ്രാ​യേ​ലി​ലെ മൂപ്പന്മാർക്ക്‌ എന്തു പഠിക്കാ​നാ​കു​മാ​യി​രു​ന്നു?

⁶ ഇസ്രാ​യേ​ല്യർക്ക്‌ എങ്ങനെ പ്രയോ​ജനം ചെയ്‌തു​കാ​ണും? ഇസ്രാ​യേ​ല്യർക്കു നിയമങ്ങൾ കൊടു​ത്ത​ശേഷം അതിനു ചേർച്ച​യിൽ ജനത്തെ ന്യായം​വി​ധി​ക്കാൻ യഹോവ യോഗ്യ​രായ പുരു​ഷ​ന്മാ​രെ അഥവാ മൂപ്പന്മാ​രെ നിയമി​ച്ചു. (ആവ. 1:15-18; 27:1) ഈ പുരു​ഷ​ന്മാർ ഒരു ഉപദേ​ശ​മോ ന്യായ​വി​ധി​യോ പറയു​ന്ന​തി​നു മുമ്പ്‌ ആളുകൾക്കു പറയാ​നു​ള്ളതു ശ്രദ്ധിച്ച്‌ കേൾക്ക​ണ​മാ​യി​രു​ന്നു. (2 ദിന. 19:6) അതു​പോ​ലെ തങ്ങൾക്ക്‌ എല്ലാ വസ്‌തു​ത​ക​ളും അറിയാ​മെന്ന്‌ ചിന്തി​ക്കു​ന്ന​തി​നു പകരം അവർ കാര്യങ്ങൾ ചോദിച്ച്‌ മനസ്സി​ലാ​ക്ക​ണ​മാ​യി​രു​ന്നു. (ആവ. 19:18) തങ്ങളുടെ അടുത്ത്‌ സഹായ​ത്തി​നാ​യി വരുന്ന​വ​രോട്‌ അവർ ദയയി​ല്ലാ​തെ സംസാ​രി​ക്കാ​നും പാടി​ല്ലാ​യി​രു​ന്നു. കാരണം അങ്ങനെ പരുഷ​മാ​യി ഇടപെ​ട്ടാൽ ഹൃദയം​തു​റന്ന്‌ സംസാ​രി​ക്കാൻ ആളുകൾക്ക്‌ പറ്റാതെ വരും. (പുറ. 22:22-24) ഇയ്യോ​ബി​ന്റെ ജീവി​ത​ത്തിൽനിന്ന്‌ ഇസ്രാ​യേ​ലി​ലെ മൂപ്പന്മാർക്കു പഠിക്കാ​നാ​കു​മാ​യി​രുന്ന ചില പാഠങ്ങ​ളാണ്‌ ഇവയെ​ല്ലാം.

7. ഇസ്രാ​യേ​ല്യർക്ക്‌ ഇയ്യോ​ബി​ന്റെ വിവര​ണ​ത്തിൽനിന്ന്‌ എന്തു പഠിക്കാ​നാ​കു​മാ​യി​രു​ന്നു? (സുഭാ​ഷി​തങ്ങൾ 27:9)

⁷ ഇസ്രാ​യേ​ലി​ലുള്ള മൂപ്പന്മാർക്കു മാത്രമല്ല ഉപദേശം കൊടു​ക്കാൻ കഴിയു​മാ​യി​രു​ന്നത്‌. പുരു​ഷ​ന്മാർക്കും സ്‌ത്രീ​കൾക്കും, അവർ ചെറു​പ്പ​ക്കാ​രാ​യാ​ലും പ്രായ​മു​ള്ള​വ​രാ​യാ​ലും അവർക്കെ​ല്ലാം തങ്ങളുടെ കൂട്ടു​കാർക്ക്‌ ഉപദേശം കൊടു​ക്കാ​നാ​കു​മാ​യി​രു​ന്നു. യഹോ​വ​യു​മാ​യുള്ള സൗഹൃദം ശക്തമാ​ക്കാ​നുള്ള സഹായ​വും വേണ്ട തിരു​ത്ത​ലും കൊടു​ക്കാൻ അവർക്കെ​ല്ലാം കഴിയു​മാ​യി​രു​ന്നു. (സങ്കീ. 141:5) ആത്മാർഥ​മായ ഇത്തരം ഉപദേ​ശങ്ങൾ ഒരു യഥാർഥ​സൗ​ഹൃ​ദ​ത്തി​ന്റെ തെളി​വാണ്‌. (സുഭാ​ഷി​തങ്ങൾ 27:9 വായി​ക്കുക.) ഇയ്യോ​ബി​ന്റെ മൂന്നു കൂട്ടു​കാ​രു​ടെ മോശം മാതൃ​ക​ക​ളെ​ക്കു​റിച്ച്‌ ചിന്തി​ക്കു​ന്നത്‌ ഒരു ഉപദേശം കൊടു​ക്കു​മ്പോൾ എന്തു പറയരുത്‌, എന്തു ചെയ്യരുത്‌ എന്ന്‌ മനസ്സി​ലാ​ക്കാൻ ഇസ്രാ​യേ​ല്യ​രെ സഹായി​ക്കു​മാ​യി​രു​ന്നു.

8. ഉപദേശം കൊടു​ക്കു​മ്പോൾ നമ്മൾ എന്തൊക്കെ ഒഴിവാ​ക്കണം? (ചിത്ര​ങ്ങ​ളും കാണുക.)

⁸ നമുക്ക്‌ എങ്ങനെ പ്രയോ​ജനം ചെയ്യും? പ്രശ്‌നങ്ങൾ നേരി​ടുന്ന നമ്മുടെ സഹോ​ദ​ര​ങ്ങളെ സഹായി​ക്കാൻ നമ്മൾ ആഗ്രഹി​ക്കു​ന്നുണ്ട്‌. എന്നാൽ അതിന്‌ ശ്രമി​ക്കു​മ്പോൾ ഇയ്യോ​ബി​ന്റെ മൂന്നു കൂട്ടു​കാർ ചെയ്‌ത​തു​പോ​ലെ ആയി​പ്പോ​ക​രുത്‌. എന്തൊ​ക്കെ​യാണ്‌ നമ്മൾ ശ്രദ്ധി​ക്കേ​ണ്ടത്‌? ഒന്നാമ​താ​യി, പെട്ടെന്ന്‌ ഒരു നിഗമ​ന​ത്തിൽ എത്തരുത്‌; എന്തെങ്കി​ലും പറയു​ന്ന​തി​നു മുമ്പ്‌ എല്ലാ വസ്‌തു​ത​ക​ളും മനസ്സി​ലാ​ക്കണം. രണ്ടാമ​താ​യി, എലീഫസ്‌ പലപ്പോ​ഴും ചെയ്‌ത​തു​പോ​ലെ സ്വന്തം അനുഭ​വ​ങ്ങ​ളു​ടെ അടിസ്ഥാ​ന​ത്തിൽ ആയിരി​ക്ക​രുത്‌ നമ്മൾ ഉപദേശം കൊടു​ക്കു​ന്നത്‌, പകരം ദൈവ​വ​ച​ന​ത്തി​ന്റെ ശക്തമായ അടിസ്ഥാ​ന​ത്തി​ലാ​യി​രി​ക്കണം. (ഇയ്യോ. 4:8; 5:3, 27) മൂന്നാ​മ​താ​യി, ദയയി​ല്ലാത്ത, കുറ്റ​പ്പെ​ടു​ത്തുന്ന വാക്കുകൾ നമ്മൾ ഒഴിവാ​ക്കണം. ഓർക്കുക: ആ മൂന്നു കൂട്ടു​കാർ പറഞ്ഞ ചില കാര്യങ്ങൾ സത്യമാ​യി​രു​ന്നു. എലീഫസ്‌ പറഞ്ഞ ഒരു കാര്യം പിന്നീട്‌ അപ്പോ​സ്‌ത​ല​നായ പൗലോസ്‌ എടുത്ത്‌ എഴുതു​ക​പോ​ലും ചെയ്‌തി​ട്ടുണ്ട്‌. (ഇയ്യോബ്‌ 5:13-നെ 1 കൊരി​ന്ത്യർ 3:19-മായി താരത​മ്യം ചെയ്യുക.) എന്നാൽ അവർ പറഞ്ഞ മിക്ക കാര്യ​ങ്ങ​ളും ദൈവത്തെ തെറ്റായി ചിത്രീ​ക​രി​ക്കു​ക​യും ഇയ്യോ​ബി​നെ വേദനി​പ്പി​ക്കു​ക​യും ചെയ്‌തു. അതു​കൊ​ണ്ടാണ്‌ അവർ പറഞ്ഞതു സത്യമ​ല്ലെന്ന്‌ യഹോവ വിധി​ച്ചത്‌. (ഇയ്യോ. 42:7, 8) ഒരു നല്ല ഉപദേശം ഒരിക്ക​ലും ദൈവത്തെ കടും​പി​ടു​ത്ത​ക്കാ​ര​നാ​യി ചിത്രീ​ക​രി​ക്കു​ക​യോ ദൈവ​ദാ​സർ ദൈവ​ത്തി​ന്റെ സ്‌നേ​ഹ​ത്തിന്‌ അർഹര​ല്ലെന്നു ചിന്തി​ക്കാൻ ഇടയാ​ക്കു​ക​യോ ഇല്ല. ഇനി എലീഹു​വി​ന്റെ മാതൃ​ക​യിൽനിന്ന്‌ നമുക്ക്‌ എന്തു പഠിക്കാ​മെന്നു നോക്കാം.

എലീഹു​വി​ന്റെ ഉപദേശം

9. മൂന്നു കൂട്ടു​കാർ സംസാ​രിച്ച്‌ കഴിഞ്ഞും ഇയ്യോ​ബി​നു സഹായം ആവശ്യ​മാ​യി​വ​ന്നത്‌ എന്തു​കൊണ്ട്‌, യഹോവ എങ്ങനെ​യാണ്‌ അതു കൊടു​ത്തത്‌?

⁹ ഇപ്പോൾ ഇയ്യോ​ബും മൂന്നു കൂട്ടു​കാ​രും തമ്മിലുള്ള വാദ​പ്ര​തി​വാ​ദം കഴിഞ്ഞു. അവിടത്തെ അന്തരീക്ഷം നിങ്ങൾക്ക്‌ ഊഹി​ക്കാ​നാ​കു​ന്നു​ണ്ടോ? അത്‌ ഒട്ടും സുഖക​ര​മ​ല്ലാ​യി​രു​ന്നി​രി​ക്കാം. ബൈബി​ളി​ലെ 28 അധ്യാ​യങ്ങൾ നിറയാൻമാ​ത്രം കാര്യങ്ങൾ അവർ പറഞ്ഞു. എന്നാൽ അതിൽ മിക്കതും ദേഷ്യ​ത്തി​ന്റെ​യോ അസ്വസ്ഥ​ത​യു​ടെ​യോ പുറത്ത്‌ പറഞ്ഞ വാക്കു​ക​ളാണ്‌. ഇയ്യോബ്‌ നിരാ​ശ​യിൽത്തന്നെ ആയിരി​ക്കു​ന്ന​തിൽ അത്ഭുത​മില്ല. അദ്ദേഹ​ത്തിന്‌ ഇപ്പോ​ഴും ആശ്വാ​സ​വും തിരു​ത്ത​ലും ആവശ്യ​മാണ്‌. യഹോവ എങ്ങനെ​യാണ്‌ ഇയ്യോ​ബി​നെ സഹായി​ച്ചത്‌? ഇയ്യോ​ബിന്‌ ഉപദേശം കൊടു​ക്കാൻ യഹോവ എലീഹു​വി​നെ ഉപയോ​ഗി​ക്കു​ന്നു. എന്തു​കൊ​ണ്ടാണ്‌ എലീഹു ഇതുവരെ സംസാ​രി​ക്കാ​തി​രു​ന്നത്‌? അദ്ദേഹം പറയുന്നു: “ഞാൻ ചെറു​പ്പ​മാണ്‌; നിങ്ങ​ളെ​ല്ലാം പ്രായ​മു​ള്ളവർ. അതു​കൊണ്ട്‌ ഞാൻ ആദര​വോ​ടെ മിണ്ടാതെ നിന്നു.” (ഇയ്യോ. 32:6, 7) തന്നെക്കാൾ കൂടുതൽ കാലം ജീവി​ക്കു​ക​യും ഒരുപാട്‌ അനുഭ​വ​പ​രി​ചയം നേടു​ക​യും ചെയ്‌ത​തു​കൊണ്ട്‌ പ്രായ​മു​ള്ളവർ മിക്ക​പ്പോ​ഴും ജ്ഞാനി​ക​ളാ​ണെന്ന്‌ എലീഹു​വിന്‌ അറിയാ​മാ​യി​രു​ന്നു. എന്നാൽ ഇയ്യോ​ബും കൂട്ടു​കാ​രും സംസാ​രി​ക്കു​ന്നത്‌ ക്ഷമയോ​ടെ കേട്ടതി​നു ശേഷം എലീഹു​വി​നു മിണ്ടാ​തെ​യി​രി​ക്കാൻ പറ്റിയില്ല. അദ്ദേഹം പറഞ്ഞു: “പ്രായ​മു​ള്ള​തു​കൊണ്ട്‌ മാത്രം ഒരാൾ ജ്ഞാനി​യാ​ക​ണ​മെ​ന്നില്ല; ശരി എന്തെന്നു മനസ്സി​ലാ​ക്കാ​നാ​കു​ന്നതു വൃദ്ധർക്കു മാത്രമല്ല.” (ഇയ്യോ. 32:9) എലീഹു അടുത്ത​താ​യി എന്താണ്‌ പറയു​ന്നത്‌, എങ്ങനെ​യാണ്‌ അതു പറയു​ന്നത്‌?

10. ഇയ്യോ​ബിന്‌ ഉപദേശം കൊടു​ക്കു​ന്ന​തി​നു മുമ്പ്‌ എലീഹു എന്തു ചെയ്‌തു? (ഇയ്യോബ്‌ 33:6, 7)

¹⁰ ഇയ്യോ​ബിന്‌ ഉപദേശം കൊടു​ക്കു​ന്ന​തി​നു മുമ്പ്‌ എലീഹു ആദ്യം നല്ലൊരു അന്തരീക്ഷം സൃഷ്ടിച്ചു. എങ്ങനെ? ആദ്യം അദ്ദേഹം സ്വന്തം വികാ​രങ്ങൾ നിയ​ന്ത്രി​ച്ചു. കാരണം എലീഹു​വി​നു തുടക്ക​ത്തിൽ വല്ലാതെ ദേഷ്യം വന്നതായി ബൈബിൾ പറയു​ന്നുണ്ട്‌. (ഇയ്യോ. 32:2-5) എന്നാൽ ഒറ്റത്തവ​ണ​പോ​ലും ആ ദേഷ്യ​ത്തി​ന്റെ പുറത്ത്‌ ഇയ്യോ​ബി​നോട്‌ അദ്ദേഹം എടുത്ത​ടിച്ച്‌ സംസാ​രി​ച്ചില്ല, പകരം ബലപ്പെ​ടു​ത്തുന്ന രീതി​യി​ലാണ്‌ സംസാ​രി​ച്ചത്‌. ഉദാഹ​ര​ണ​ത്തിന്‌ എലീഹു ഇയ്യോ​ബി​നോട്‌ ഇങ്ങനെ പറഞ്ഞു: “ഇതാ! ദൈവ​മു​മ്പാ​കെ ഞാനും ഇയ്യോ​ബി​നെ​പ്പോ​ലെ​ത​ന്നെ​യാണ്‌.” (ഇയ്യോബ്‌ 33:6, 7 വായി​ക്കുക.) അതിനു ശേഷം ഇയ്യോബ്‌ പറഞ്ഞ​തെ​ല്ലാം താൻ ശ്രദ്ധിച്ച്‌ കേട്ടെന്ന്‌ എലീഹു വ്യക്തമാ​ക്കി. ഇയ്യോബ്‌ പലപ്പോ​ഴാ​യി പറഞ്ഞ കാര്യ​ങ്ങ​ളി​ലെ പ്രധാ​നാ​ശ​യങ്ങൾ എലീഹു ചുരു​ക്കി​പ്പ​റ​ഞ്ഞ​തിൽനിന്ന്‌ നമുക്ക്‌ അതു മനസ്സി​ലാ​ക്കാം. (ഇയ്യോ. 32:11; 33:8-11) ഇയ്യോ​ബിന്‌ ഉപദേശം കൊടു​ത്ത​പ്പോൾ പല തവണ എലീഹു അങ്ങനെ ചെയ്യു​ന്നുണ്ട്‌.—ഇയ്യോ. 34:5, 6, 9; 35:1-4.

11. എലിഹൂ ഇയ്യോ​ബിന്‌ എങ്ങനെ​യാണ്‌ ഉപദേശം കൊടു​ത്തത്‌? (ഇയ്യോബ്‌ 33:1)

¹¹ ഉപദേശം നൽകിയ സമയത്ത്‌ എലീഹൂ, വിശ്വ​സ്‌ത​മ​നു​ഷ്യ​നായ ഇയ്യോ​ബിന്‌ അർഹമായ ബഹുമാ​നം കൊടു​ത്തു. ഉദാഹ​ര​ണ​ത്തിന്‌, എലീഹു ഇയ്യോ​ബി​ന്റെ പേരു വിളി​ച്ചാണ്‌ സംസാ​രി​ച്ചത്‌; മറ്റു മൂന്നു പേർ അങ്ങനെ ചെയ്‌ത​താ​യി തോന്നു​ന്നില്ല. (ഇയ്യോബ്‌ 33:1 വായി​ക്കുക.) ഇയ്യോ​ബും മൂന്നു കൂട്ടു​കാ​രും സംസാ​രി​ച്ചു​കൊ​ണ്ടി​രു​ന്ന​പ്പോൾ എലീഹു​വി​നും സംസാ​രി​ക്കാൻ ആഗ്രഹം തോന്നി​യി​രു​ന്നു. അത്‌ ഓർത്തി​ട്ടാ​യി​രി​ക്കാം അദ്ദേഹം ഉപദേശം നൽകിയ സമയത്ത്‌ ഇയ്യോ​ബി​നും പ്രതി​ക​രി​ക്കാൻ അവസരം കൊടു​ത്തത്‌. (ഇയ്യോ. 32:4; 33:32) ഇനി, ഇയ്യോബ്‌ നടത്തിയ തെറ്റായ ചില വാദങ്ങ​ളു​ടെ അപകട​ങ്ങ​ളെ​ക്കു​റിച്ച്‌ എലീഹു അദ്ദേഹ​ത്തിന്‌ മുന്നറി​യിപ്പ്‌ കൊടു​ത്തു. കൂടാതെ യഹോ​വ​യു​ടെ ജ്ഞാനം, ശക്തി, നീതി, അചഞ്ചല​സ്‌നേഹം എന്നീ ഗുണങ്ങ​ളെ​ക്കു​റിച്ച്‌ ദയയോ​ടെ ഓർമി​പ്പി​ക്കു​ക​യും ചെയ്‌തു. (ഇയ്യോ. 36:18, 21-26; 37:23, 24) അങ്ങനെ എലീഹു​വി​ന്റെ ഈ നല്ല ഉപദേശം, തുടർന്ന്‌ സ്രഷ്ടാ​വിൽനിന്ന്‌ നേരിട്ട്‌ ലഭിക്കാ​നി​രുന്ന തിരുത്തൽ സ്വീക​രി​ക്കാൻ ഇയ്യോ​ബി​നെ ഒരുക്കി. (ഇയ്യോ. 38:1-3) എലീഹു​വി​ന്റെ മാതൃക മുൻകാ​ല​ങ്ങ​ളി​ലു​ള്ള​വർക്ക്‌ എങ്ങനെ പ്രയോ​ജനം ചെയ്യു​മാ​യി​രു​ന്നു? ഇന്ന്‌ നമുക്ക്‌ അത്‌ എങ്ങനെ പ്രയോ​ജനം ചെയ്യും?

12. തന്റെ ജനത്തെ സഹായി​ക്കാൻ യഹോവ പ്രവാ​ച​ക​ന്മാ​രെ എങ്ങനെ​യാണ്‌ ഉപയോ​ഗി​ച്ചത്‌, എലീഹൂ​വി​ന്റെ നല്ല മാതൃക ഇസ്രാ​യേ​ല്യ​രെ എങ്ങനെ സഹായി​ച്ചി​ട്ടു​ണ്ടാ​കും?

¹² ഇസ്രാ​യേ​ല്യർക്ക്‌ എങ്ങനെ പ്രയോ​ജനം ചെയ്‌തു​കാ​ണും? ഇസ്രാ​യേ​ലി​ന്റെ ചരി​ത്ര​ത്തി​ലു​ട​നീ​ളം തന്റെ ഉദ്ദേശ്യം അവരെ അറിയി​ക്കാ​നാ​യി യഹോവ പ്രവാ​ച​ക​ന്മാ​രെ ഉപയോ​ഗി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ന്യായാ​ധി​പ​ന്മാ​രു​ടെ കാലത്ത്‌ ദബോര ഒരു അമ്മയെ​പ്പോ​ലെ ജനത്തെ ആത്മീയ​മാ​യി വഴിന​യി​ച്ചു. അതു​പോ​ലെ, ശമുവേൽ ചെറു​പ്പം​മു​തൽ യഹോ​വ​യു​ടെ സന്ദേശങ്ങൾ തീക്ഷ്‌ണ​ത​യോ​ടെ അവരെ അറിയി​ച്ചു. (ന്യായാ. 4:4-7; 5:7; 1 ശമു. 3:19, 20) ഇനി രാജാ​ക്ക​ന്മാ​രു​ടെ കാലത്ത്‌, ഏതാണ്ട്‌ എല്ലാ സമയത്തും​തന്നെ യഹോവ പ്രവാ​ച​ക​ന്മാ​രെ അയച്ചി​ട്ടുണ്ട്‌. ജനത്തെ ആത്മീയ​മാ​യി ശക്തരാ​ക്കാ​നും ശുദ്ധാ​രാ​ധ​ന​യിൽനിന്ന്‌ അകന്നു​പോ​യ​വർക്ക്‌ വേണ്ട ഉപദേശം കൊടു​ക്കാ​നും യഹോവ അവരെ ഉപയോ​ഗി​ച്ചു. (2 ശമു. 12:1-4; പ്രവൃ. 3:24) ഇയ്യോ​ബി​ന്റെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രി​ക്കുന്ന എലീഹു​വി​ന്റെ മാതൃക, ഒരു ഉപദേശം കൊടു​ക്കു​മ്പോൾ എന്തു പറയണം, എങ്ങനെ പറയണം എന്നു മനസ്സി​ലാ​ക്കാൻ പ്രവാ​ച​ക​ന്മാർ ഉൾപ്പെ​ടെ​യുള്ള അന്നത്തെ വിശ്വ​സ്‌ത​രായ സ്‌ത്രീ​പു​രു​ഷ​ന്മാ​രെ സഹായി​ച്ചി​ട്ടു​ണ്ടാ​കും.

13. ക്രിസ്‌ത്യാ​നി​കൾക്ക്‌ ഇന്ന്‌ എങ്ങനെ സഹാരാ​ധ​കരെ പ്രോ​ത്സാ​ഹി​പ്പി​ക്കാൻ കഴിയും?

¹³ നമുക്ക്‌ എങ്ങനെ പ്രയോ​ജനം ചെയ്യും? ക്രിസ്‌ത്യാ​നി​കൾ എന്ന നിലയിൽ നമ്മളും ബൈബി​ളി​ലുള്ള ദൈവ​ത്തി​ന്റെ ഇഷ്ടം മറ്റുള്ള​വരെ അറിയി​ക്കു​ന്നു. അതോ​ടൊ​പ്പം ശരിയായ വാക്കുകൾ ഉപയോ​ഗി​ച്ചു​കൊണ്ട്‌ നമ്മൾ സഹോ​ദ​ര​ങ്ങളെ ആശ്വസി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്യുന്നു. (1 കൊരി. 14:3) മൂപ്പന്മാർ ഇക്കാര്യ​ത്തിൽ പ്രത്യേ​കം ശ്രദ്ധി​ക്കേ​ണ്ട​തുണ്ട്‌. അവർ സഹോ​ദ​ര​ങ്ങ​ളോട്‌ ‘ആശ്വാസം തോന്നുന്ന രീതി​യിൽ സംസാ​രി​ക്കും,’ പ്രത്യേ​കിച്ച്‌ വിഷമി​ച്ചി​രി​ക്കു​ന്ന​വ​രോ​ടോ “ചിന്തി​ക്കാ​തെ” സംസാ​രി​ക്കു​ന്ന​വ​രോ​ടോ പോലും.—1 തെസ്സ. 5:14; ഇയ്യോ. 6:3.

14-15. ഒരു മൂപ്പന്‌ എങ്ങനെ എലീഹു​വി​നെ അനുക​രി​ക്കാ​മെന്ന്‌ ഒരു ഉദാഹ​ര​ണ​ത്തി​ലൂ​ടെ വിവരി​ക്കുക.

¹⁴ ഇങ്ങനെ​യൊ​രു സാഹച​ര്യം ഭാവന​യിൽ കാണുക. തന്റെ സഭയിലെ ഒരു സഹോ​ദരി നിരാ​ശ​യി​ലാ​ണെന്ന്‌ മനസ്സി​ലാ​ക്കിയ ഒരു മൂപ്പൻ മറ്റൊരു സഹോ​ദ​ര​നെ​യും കൂട്ടി ആ സഹോ​ദ​രി​യെ പ്രോ​ത്സാ​ഹി​പ്പി​ക്കാ​നാ​യി ചെല്ലുന്നു. അപ്പോൾ സഹോ​ദരി തന്റെ ചിന്തകൾ എല്ലാം തുറന്നു​പ​റ​യു​ന്നു. മീറ്റി​ങ്ങു​കൾക്കും ശുശ്രൂ​ഷ​യ്‌ക്കും ഒക്കെ പോകു​ന്നു​ണ്ടെ​ങ്കി​ലും തനിക്കു സന്തോഷം കിട്ടു​ന്നി​ല്ലെ​ന്നാണ്‌ സഹോ​ദരി പറയു​ന്നത്‌. ഇപ്പോൾ ആ മൂപ്പൻ എങ്ങനെ പ്രതി​ക​രി​ക്കും?

¹⁵ ആദ്യം​തന്നെ, സഹോ​ദ​രി​യു​ടെ വിഷമ​ത്തി​ന്റെ കാരണം മനസ്സി​ലാ​ക്കാൻ മൂപ്പൻ ശ്രമി​ക്കും. അതിന്‌, സഹോ​ദരി പറയു​ന്നത്‌ അദ്ദേഹം ക്ഷമയോ​ടെ കേൾക്കേ​ണ്ട​തുണ്ട്‌. ദൈവ​ത്തി​ന്റെ സ്‌നേ​ഹ​ത്തിന്‌ താൻ അർഹയ​ല്ലെന്ന്‌ സഹോ​ദരി ചിന്തി​ക്കു​ന്നു​ണ്ടോ? അല്ലെങ്കിൽ ‘ജീവി​ത​ത്തി​ലെ ഉത്‌ക​ണ്‌ഠ​ക​ളാ​ണോ’ സഹോ​ദ​രി​യെ തളർത്തു​ന്നത്‌? (ലൂക്കോ. 21:34) രണ്ടാമ​താ​യി, സഹോ​ദ​രി​യെ അഭിന​ന്ദി​ക്കാൻ കഴിയുന്ന കാര്യങ്ങൾ കണ്ടെത്താൻ അദ്ദേഹം ശ്രമി​ക്കും. ഉദാഹ​ര​ണ​ത്തിന്‌, വിഷമ​ങ്ങ​ളൊ​ക്കെ​യു​ണ്ടാ​യി​ട്ടും സഹോ​ദരി മീറ്റി​ങ്ങു​കൾക്കും ശുശ്രൂ​ഷ​യ്‌ക്കും വരുന്നു​ണ്ട​ല്ലോ എന്ന്‌ അദ്ദേഹ​ത്തിന്‌ ഓർക്കാ​നാ​കും. മൂന്നാ​മ​താ​യി, സാഹച​ര്യം നന്നായി മനസ്സി​ലാ​ക്കു​ക​യും സഹോ​ദ​രി​യു​ടെ വിഷമ​ത്തി​ന്റെ കാരണം തിരി​ച്ച​റി​യു​ക​യും ചെയ്‌തു​ക​ഴി​ഞ്ഞാൽപ്പി​ന്നെ, യഹോവ സഹോ​ദ​രി​യെ വ്യക്തി​പ​ര​മാ​യി സ്‌നേ​ഹി​ക്കു​ന്നു​ണ്ടെന്ന്‌ അദ്ദേഹം ബൈബിൾ ഉപയോ​ഗിച്ച്‌ ഉറപ്പു​കൊ​ടു​ക്കും.—ഗലാ. 2:20.

ഇയ്യോ​ബി​ന്റെ പുസ്‌ത​ക​ത്തിൽനിന്ന്‌ തുടർന്നും പ്രയോ​ജനം നേടുക

16. ഇയ്യോ​ബി​ന്റെ പുസ്‌ത​ക​ത്തിൽനിന്ന്‌ നമുക്ക്‌ എങ്ങനെ തുടർന്നും പ്രയോ​ജനം നേടാം?

¹⁶ എത്ര​യെത്ര നല്ല പാഠങ്ങ​ളാണ്‌ ഇയ്യോ​ബി​ന്റെ പുസ്‌ത​ക​ത്തി​ലു​ള്ളത്‌. അതിൽ ചിലത്‌ നമ്മൾ കഴിഞ്ഞ ലേഖന​ത്തിൽ പഠിച്ചു. ദൈവം കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊ​ണ്ടാ​ണെന്നു മാത്രമല്ല അത്‌ എങ്ങനെ സഹിച്ചു​നിൽക്കാ​മെ​ന്നും ഇയ്യോ​ബി​ന്റെ പുസ്‌തകം പഠിപ്പി​ക്കു​ന്നു​ണ്ടെന്ന്‌ നമ്മൾ കണ്ടു. ഇനി ഈ ലേഖന​ത്തിൽ, നമു​ക്കെ​ല്ലാം എങ്ങനെ നല്ല ഉപദേശം കൊടു​ക്കാ​മെ​ന്നും മനസ്സി​ലാ​ക്കി. ഇയ്യോ​ബി​ന്റെ മൂന്നു കൂട്ടു​കാ​രു​ടെ മോശം മാതൃ​കയല്ല എലീഹു​വി​ന്റെ നല്ല മാതൃ​ക​യാണ്‌ നമ്മൾ അനുക​രി​ക്കേ​ണ്ടത്‌. ഭാവി​യിൽ ആർക്കെ​ങ്കി​ലും ഉപദേശം കൊടു​ക്കേ​ണ്ടി​വ​രു​മ്പോൾ ഇയ്യോ​ബി​ന്റെ പുസ്‌ത​ക​ത്തിൽനി​ന്നുള്ള പാഠങ്ങ​ളെ​ക്കു​റിച്ച്‌ നിങ്ങൾക്ക്‌ ഒന്നുകൂ​ടി ചിന്തി​ച്ചു​കൂ​ടെ? മനോ​ഹ​ര​മായ ഈ പുസ്‌തകം നിങ്ങൾ വായി​ച്ചിട്ട്‌ കുറച്ച്‌ നാളാ​യെ​ങ്കിൽ അതു വീണ്ടും വായി​ക്കാൻ ഒരു ലക്ഷ്യം വെക്കാ​നാ​കും. അത്‌ എഴുതി​യത്‌ ഒരുപാട്‌ കാലം മുമ്പാ​ണെ​ങ്കി​ലും അന്നത്തെ​പ്പോ​ലെ അത്‌ ഇന്നും പ്രയോ​ജനം ചെയ്യു​ന്ന​താ​ണെന്ന്‌ നിങ്ങൾ അപ്പോൾ തിരി​ച്ച​റി​യും.