ആരാണു യഥാർഥ സമാധാന സന്ദേശ​വാ​ഹകർ?

പ്രത്യ​ക്ഷ​ത്തിൽ സമാധാന സന്ദേശ​മെന്നു തോന്നിയ ഒന്നാണ്‌ 1996 മേയ്‌ 31-ന്‌ വാർത്താ​കേ​ന്ദ്രങ്ങൾ പ്രഘോ​ഷി​ച്ചത്‌. അതിന്റെ തലേന്ന്‌, ഇസ്രാ​യേ​ലി​ന്റെ പ്രധാ​ന​മ​ന്ത്രി ആയിത്തീ​രാൻ പോകു​ക​യാ​യി​രുന്ന ബന്യാ​മിൻ നെതന്യാ​ഹൂ, “ഇസ്രാ​യേ​ലും പാലസ്‌തീൻ ഉൾപ്പെ​ടെ​യുള്ള അതിന്റെ അയൽരാ​ജ്യ​ങ്ങ​ളും തമ്മിലുള്ള സമാധാ​ന​പ്ര​ക്രിയ, സുരക്ഷി​ത​ത്വ​ത്തോ​ടെ​യുള്ള സമാധാ​നം, തുടരു​ന്ന​തിന്‌ വളരെ​യ​ധി​കം കടപ്പെ​ട്ടി​രി​ക്കു​ന്നു” എന്നു സ്ഥിരീ​ക​രി​ച്ചു​കൊണ്ട്‌ ഒരു ഔദ്യോ​ഗിക പ്രസ്‌താ​വന പുറത്തി​റ​ക്കു​ക​യു​ണ്ടാ​യി.

വളരെ​യ​ധി​കം കൊട്ടി​ഘോ​ഷി​ക്ക​പ്പെട്ട നെതന്യാ​ഹൂ​വി​ന്റെ തെര​ഞ്ഞെ​ടു​പ്പു വിജയം, മധ്യപൂർവ​ദേ​ശത്തു സമാധാ​നം യാഥാർഥ്യ​മാ​യി​ത്തീ​രു​മോ എന്നു ചിന്തി​ക്കാൻ പലർക്കും കാരണ​മേകി. അതു സാധ്യ​മെ​ങ്കിൽ, ഭിന്നതകൾ മറന്നു​കൊണ്ട്‌ മറ്റു രാഷ്‌ട്രങ്ങൾ അത്‌ അനുക​രി​ക്കു​മോ?

തീർച്ച​യാ​യും, സമാധാ​നം നേടി​യെ​ടു​ക്കു​ന്ന​തി​നെ​ക്കാൾ എളുപ്പ​മാണ്‌ അതു വാഗ്‌ദാ​നം ചെയ്യു​ന്നത്‌. ഇതു തിരി​ച്ച​റിഞ്ഞ പലരും സംശയാ​ലു​ക്ക​ളാ​യി​രു​ന്നു. ഹെമി ഷാലേവ്‌ എന്ന പത്ര​പ്ര​വർത്തകൻ പറഞ്ഞതു​പോ​ലെ, “വിടുതൽ അടുത്തി​രി​ക്കു​ന്നു എന്ന തോന്ന​ലാണ്‌ ഇസ്രാ​യേ​ലി​ലെ പകുതി​പ്പേർക്കു​മു​ള്ളത്‌, മറ്റേ പകുതി​പ്പേർ വിശ്വ​സി​ക്കു​ന്ന​തോ ഇസ്രാ​യേൽ ഭൂമി​യി​ലെ ഒരു നരകത്തിൽ കുരു​ങ്ങി​പ്പോ​യി​രി​ക്കു​ന്നു​വെ​ന്നും.” ചുരു​ക്ക​ത്തിൽ, അദ്ദേഹം ഇങ്ങനെ പ്രസ്‌താ​വി​ച്ചു: “ചിലർ സന്തോ​ഷി​ക്കു​ന്നു; മറ്റു ചിലർ സന്താപി​ക്കു​ന്നു.”

സമാധാ​നം കൈവ​രു​ത്താൻ മനുഷ്യൻ ശ്രമി​ക്കു​മ്പോ​ഴുള്ള അവസ്ഥയാ​ണിത്‌. ഒരു നേതാ​വും അയാളു​ടെ പിന്തു​ണ​ക്കാ​രും നേടുന്ന വിജയം എതിർക​ക്ഷി​ക്കു പരാജ​യ​മാ​യി മാറുന്നു. അതൃപ്‌തി മിഥ്യാ​ബോ​ധ​ത്തി​ലേ​ക്കും മിഥ്യാ​ബോ​ധം മിക്ക​പ്പോ​ഴും മത്സരത്തി​ലേ​ക്കും നയിക്കു​ന്നു. മധ്യപൂർവ​ദേ​ശ​ത്തോ ലാറ്റി​ന​മേ​രി​ക്ക​യി​ലോ പൂർവ യൂറോ​പ്പി​ലോ മറ്റെവി​ടെ​യെ​ങ്കി​ലു​മോ ആയിരു​ന്നാ​ലും സമാധാ​നം കൈവ​രി​ക്കാ​നുള്ള മനുഷ്യ​വർഗ​ത്തി​ന്റെ ശ്രമങ്ങൾ തീർത്തും പൊള്ള​യാണ്‌.

യഥാർഥ സമാധാ​നം സമീപി​ച്ചി​രി​ക്കു​ന്നു!

മധ്യപൂർവ​ദേ​ശത്തെ സമാധാ​നം പ്രത്യേ​കി​ച്ചും ഒരു ചൂടുള്ള വാർത്ത​യാ​യി​രുന്ന സമയത്ത്‌, മറ്റൊരു സമാധാന സന്ദേശം കേൾക്കാ​മാ​യി​രു​ന്നു. വളരെ കൊട്ടി​ഘോ​ഷിച്ച ഒരു രാഷ്‌ട്രീയ പ്രസം​ഗ​മോ രാഷ്‌ട്രങ്ങൾ തമ്മിലുള്ള സമാധാന ഉടമ്പടി​യോ ഒന്നുമാ​യി​രു​ന്നില്ല അത്‌. മറിച്ച്‌, ദൈവ​രാ​ജ്യ​ത്തി​ലൂ​ടെ മാത്രം വരാനി​രി​ക്കുന്ന സമാധാ​ന​ത്തെ​ക്കു​റി​ച്ചാണ്‌ ആ സന്ദേശം പ്രഘോ​ഷി​ച്ചത്‌. ഈ സന്ദേശം എവി​ടെ​യാ​ണു കേട്ടത്‌? 1996/97-ൽ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി നടത്തിയ 1,900-ത്തിലധി​കം “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളി​ലാണ്‌ അതു കേട്ടത്‌.

യാതൊ​രു മാനുഷ ഗവൺമെൻറി​നും യഥാർഥ സമാധാ​ന​വും സുരക്ഷി​ത​ത്വ​വും കൈവ​രു​ത്താൻ കഴിയു​ക​യി​ല്ലെന്ന്‌ ഈ കൺ​വെൻ​ഷ​നു​ക​ളിൽ വ്യക്തമാ​ക്കു​ക​യു​ണ്ടാ​യി. എന്തു​കൊണ്ട്‌? പ്രതി​ദി​നം നമ്മുടെ സമാധാ​നത്തെ കവർന്നു​ക​ള​യുന്ന കാര്യ​ങ്ങൾക്ക്‌ അറുതി വരു​ത്തേ​ണ്ടത്‌ അത്‌ ആവശ്യ​മാ​ക്കി​ത്തീർക്കും എന്നതു​തന്നെ കാരണം. യഥാർഥ സമാധാ​ന​മെ​ന്നാൽ, യുദ്ധത്തി​ന്റെ​യോ അക്രമ​ത്തി​ന്റെ​യോ ഭീഷണി കൂടാതെ ഓരോ പ്രഭാ​ത​ത്തി​ലും ഉണർന്നെ​ഴു​ന്നേൽക്കാൻ കഴിയുക എന്നാണർഥം. അപ്പോൾ കുറ്റകൃ​ത്യ​മു​ണ്ടാ​യി​രി​ക്കു​ക​യില്ല, വാതി​ലു​കൾ പൂട്ടേ​ണ്ടി​വ​രു​ക​യില്ല, തെരു​വിൽ നടക്കാൻ ഭയപ്പെ​ടേ​ണ്ട​തില്ല, കുടും​ബങ്ങൾ ഛിദ്രി​ത​മാ​യി​ത്തീ​രു​ക​യില്ല. ഭൂമി​യി​ലെ ഏതു ഗവൺമെൻറി​നാണ്‌ ഇതെല്ലാം നിവർത്തി​ക്കാൻ സാധി​ക്കുക? അതു വാഗ്‌ദാ​നം ചെയ്യാ​നെ​ങ്കി​ലും ഭൂമി​യി​ലെ ഏതു ഗവൺമെൻറാ​ണു ധൈര്യ​പ്പെ​ടുക?

എന്നാൽ, ദൈവ​രാ​ജ്യ​ത്തിന്‌ ഇത്തരം കാര്യങ്ങൾ കൈവ​രു​ത്താൻ കഴിയു​മെന്നു മാത്രമല്ല, അവ കൈവ​രു​ത്തു​ക​യും ചെയ്യും. ബൈബിൾ ഇങ്ങനെ വാഗ്‌ദത്തം ചെയ്യുന്നു: “ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.” (വെളി​പ്പാ​ടു 21:3-5) യാതന അനുഭ​വി​ക്കുന്ന മനുഷ്യ​വർഗ​ത്തിന്‌ എന്തൊരു ആശ്വാ​സ​മാ​യി​രി​ക്കു​മത്‌!

യഹോ​വ​യാം ദൈവ​ത്തി​ന്റെ വാഗ്‌ദത്തം പൊള്ള​യായ ഒന്നല്ല. ബൈബിൾ നമുക്ക്‌ ഈ ഉറപ്പു തരുന്നു: “വ്യാജം പറവാൻ ദൈവം മനുഷ്യ​നല്ല; അനുത​പി​പ്പാൻ അവൻ മനുഷ്യ​പു​ത്ര​നു​മല്ല; താൻ കല്‌പി​ച്ചതു ചെയ്യാ​തി​രി​ക്കു​മോ? താൻ അരുളി​ച്ചെ​യ്‌തതു നിവർത്തി​ക്കാ​തി​രി​ക്കു​മോ?” (സംഖ്യാ​പു​സ്‌തകം 23:19) അതേ, ദൈവം അരുളി​ച്ചെ​യ്‌തതു നിവൃ​ത്തി​യാ​കു​ക​തന്നെ ചെയ്യും, അവന്റെ പക്ഷത്തു നിലയു​റ​പ്പി​ക്കുന്ന ഏവർക്കും അത്‌ അനു​ഗ്ര​ഹ​ങ്ങ​ളും കൈവ​രു​ത്തും.

ദൈവ​ത്തി​ന്റെ സമാധാന സന്ദേശ​വാ​ഹ​കർ

തീക്ഷ്‌ണ​ത​യോ​ടെ ദൈവ​രാ​ജ്യം പ്രസം​ഗി​ക്കു​ന്ന​തി​നു പേരു​കേ​ട്ട​വ​രാ​ണു യഹോ​വ​യു​ടെ സാക്ഷികൾ. ബൈബി​ളി​ന്റെ ഹൃദ​യോ​ഷ്‌മള സന്ദേശം മറ്റുള്ള​വ​രു​മാ​യി പങ്കു​വെ​ച്ചു​കൊണ്ട്‌ അവർ മൊത്ത​ത്തിൽ 100 കോടി​യി​ല​ധി​കം മണിക്കൂർ ഓരോ വർഷവും ചെലവ​ഴി​ക്കു​ന്നു. അത്‌ യേശു​വി​ന്റെ വാക്കു​ക​ളു​ടെ നിവൃ​ത്തി​യാ​യാണ്‌: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) സാക്ഷികൾ അറിയി​ക്കുന്ന സന്ദേശം തീർച്ച​യാ​യും “സുവി​ശേഷ”മാണ്‌. കാരണം, മനുഷ്യ​വർഗ​ത്തി​ന്റെ ഏക പ്രത്യാശ ദൈവ​ത്തി​ന്റെ സ്വർഗീയ രാജ്യ​മാ​ണെന്ന്‌ അതു പ്രസി​ദ്ധ​പ്പെ​ടു​ത്തു​ന്നു. ഭാവി സംബന്ധിച്ച്‌ എന്തൊരു ഉറപ്പുള്ള പ്രതീ​ക്ഷ​യാ​ണത്‌!

ദൈവ​രാ​ജ്യം ഇപ്പോൾപോ​ലും അതിന്റെ പ്രജക​ളിൽ സമാധാ​ന​ത്തി​ന്റെ​യും സഹോദര സ്‌നേ​ഹ​ത്തി​ന്റെ​യും ഒരു യഥാർഥ ബന്ധം വളർത്തി​യെ​ടു​ത്തു​കൊ​ണ്ടി​രി​ക്കു​ന്നു. യേശു പറഞ്ഞു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും” (യോഹ​ന്നാൻ 13:35) സത്യ​ക്രി​സ്‌ത്യാ​നി​ത്വ​ത്തി​ന്റെ ഈ അടിസ്ഥാന വ്യവസ്ഥ​യ്‌ക്കു ചേർച്ച​യിൽ ജീവി​ക്കാൻ യഹോ​വ​യു​ടെ സാക്ഷികൾ പരി​ശ്ര​മി​ക്കു​ന്നു. തത്‌ഫ​ല​മാ​യി, യഹൂദ​രെ​യും അറബി​ക​ളെ​യും, ക്രൊ​യേ​ഷ്യ​ക്കാ​രെ​യും സെർബി​യ​ക്കാ​രെ​യും, ഹൂട്ടു​വി​നെ​യും ടൂട്‌സി​യെ​യും കോർത്തി​ണ​ക്കുന്ന അത്ഭുതാ​വ​ഹ​മായ ഒരു സാഹോ​ദ​ര്യ​മാണ്‌ അവരു​ടേത്‌. മനുഷ്യ​വർഗ​ത്തി​ന്റെ ഭൂരി​ഭാ​ഗ​ത്തി​നും ഇപ്പോൾ സ്വപ്‌നം മാത്ര​മാ​യി​രി​ക്കുന്ന ഈ സമാധാ​നം ലോക​വ്യാ​പ​ക​മാ​യി ലക്ഷക്കണ​ക്കി​നു യഹോ​വ​യു​ടെ സാക്ഷികൾ ആസ്വദി​ക്കു​ന്നു.

ബൈബിൾ തത്ത്വങ്ങൾക്ക​നു​സ​രി​ച്ചു തുടർന്നു ജീവി​ക്കാ​നും ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ച്ചു​കൊ​ണ്ടി​രി​ക്കാ​നു​മുള്ള പ്രോ​ത്സാ​ഹ​ന​മാ​യി​രു​ന്നു “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷൻ പരിപാ​ടി​യു​ടെ സവി​ശേഷത. ലക്ഷക്കണ​ക്കി​നാ​ളു​കൾ ആസ്വദിച്ച, പ്രോ​ത്സാ​ഹ​ജ​ന​ക​മായ ത്രിദിന കൺ​വെൻ​ഷ​നെ​ക്കു​റി​ച്ചുള്ള പിൻവ​രുന്ന റിപ്പോർട്ടു വായി​ക്കാൻ ഞങ്ങൾ നിങ്ങളെ ക്ഷണിക്കു​ന്നു.