1996-ലെ “ദൈവസമാധാന സന്ദേശവാഹകർ” കൺവെൻഷൻ
പുരാതന കാലങ്ങളിൽ യഹോവയുടെ ജനം വർഷത്തിൽ മൂന്നു പ്രമുഖ ഉത്സവങ്ങൾ ആഘോഷിച്ചിരുന്നു. അതിനോട് ഏതാണ്ടു സമാനമായി, ആധുനികകാലങ്ങളിൽ യഹോവയുടെ നാമം വഹിക്കുന്ന ജനം വർഷത്തിൽ ഉത്സവസമാനമായ മൂന്നു സന്ദർഭങ്ങളിൽ കൂടിവരുന്നു. ഏകദിന പ്രത്യേക സമ്മേളന ദിനത്തിനും ദ്വിദിന സർക്കിട്ട് സമ്മേളനത്തിനും ത്രിദിന അല്ലെങ്കിൽ ചതുർദിന ഡിസ്ട്രിക്റ്റ് കൺവെൻഷനുമുള്ള കൂടിവരവ് അവർ ആസ്വദിക്കുന്നു. ഈ വർഷത്തെ ഡിസ്ട്രിക്ററ് കൺവെൻഷന്റെ വിഷയം “ദൈവസമാധാന സന്ദേശവാഹകർ” എന്നതാണ്.
ആ വിഷയം എത്രയോ ഉചിതമാണ്! നമ്മുടെ ദൈവമായ യഹോവ “സമാധാനത്തിന്റെ ദൈവ”മാണ്, അതേ അവൻ “സമാധാനം നൽകുന്ന ദൈവ”മാണ്. നമ്മുടെ നായകനായ യേശുക്രിസ്തു “സമാധാനപ്രഭു”വാണ്, യഹോവയുടെ ദാസന്മാർ എത്തിക്കുന്ന സന്ദേശം ദൈവസമാധനത്തിന്റെ സന്ദേശമാണ്. (ഫിലിപ്പിയർ 4:9; റോമർ 15:33, NW; യെശയ്യാവു 9:6; നഹൂം 1:15) ദൈവസമാധാനത്തിന്റെ പ്രാധാന്യം കൂടുതൽ പൂർണമായി വിലമതിക്കാൻ സകലരെയും സഹായിക്കുന്ന നല്ല കൺവെൻഷൻ പരിപാടികളാണു ക്രമീകരിച്ചിരിക്കുന്നത്.
ഈ വർഷം ഐക്യനാടുകളിൽ മാത്രം 198 കൺവെൻഷനുകളായിരിക്കും നടക്കുക. സാധ്യതയനുസരിച്ച്, നിങ്ങളുടെ അടുത്തും ഒരു കൺവെൻഷൻ ഉണ്ടായിരിക്കും. അത് എപ്പോൾ എവിടെ വച്ചായിരിക്കുമെന്നു കൃത്യമായി അറിയാനും അതിൽ സംബന്ധിക്കുന്നതിന് ആസൂത്രണങ്ങൾ ചെയ്യാനും എന്തുകൊണ്ട് യഹോവയുടെ സാക്ഷികളോട് ആരാഞ്ഞുകൂടാ? യഥാർഥവും നിലനിൽക്കുന്നതുമായ സമാധാനത്തിൽ താത്പര്യമുള്ള എല്ലാവർക്കും ഊഷ്മളമായ സ്വാഗതം ലഭിക്കും.