നരകത്തി​ന്റെ ഉത്ഭവം

“നരകം ശിക്ഷക്കു വിധി​ക്ക​പ്പെ​ട്ട​വ​രു​ടെ സ്ഥലത്തെ അർത്ഥമാ​ക്കാൻ ഉപയോ​ഗി​ക്ക​പ്പെ​ടുന്ന പദമാണ്‌” എന്ന്‌ ന്യൂ കാത്തലിക്ക്‌ എൻ​സൈ​ക്ലോ​പ്പീ​ഡിയ വിശദീ​ക​രി​ക്കു​ന്നു.a നരകം “ദുഷ്ടൻമാ​രു​ടെ ഭാവി​ശി​ക്ഷ​ക്കുള്ള സ്ഥലമാ​കു​ന്നു”വെന്ന്‌ ഒരു പ്രോ​ട്ട​സ്‌റ​റൻറ്‌ എൻ​സൈ​ക്ലോ​പ്പീ​ഡി​യാ നിർവ​ചി​ക്കു​ന്നു. എന്നാൽ മരണാ​ന​ന്ത​ര​മുള്ള അങ്ങനെ​യുള്ള ഒരു ശിക്ഷാ​സ്ഥ​ല​ത്തി​ലുള്ള വിശ്വാ​സം ക്രൈ​സ്‌ത​വ​ലോ​ക​ത്തി​ലെ മുഖ്യ​ധാ​രാ​സ​ഭ​ക​ളിൽ പരിമി​ത​പ്പെ​ട്ടി​രി​ക്കു​ന്നില്ല. ക്രൈ​സ്‌ത​വ​ലോ​കം അസ്‌തി​ത്വ​ത്തിൽവ​രു​ന്ന​തി​നു അനേകം നൂററാ​ണ്ടു​കൾക്കു മുമ്പു​തന്നെ അത്‌ ഉത്ഭവിച്ചു.

മെസോ​പ്പ​ത്തേ​മ്യൻ നരകം

യേശു​വി​ന്റെ ജനനത്തിന്‌ ഏതാണ്ട്‌ 2,000 വർഷം മുമ്പ്‌ സുമേ​റി​യ​ക്കാ​രും ബാബി​ലോ​ന്യ​രും മടങ്ങി​വ​ര​വി​ല്ലാ​ത്ത​ദേശം എന്ന്‌ അവർ വിളിച്ച ഒരു അധോ​ലോ​ക​ത്തിൽ വിശ്വ​സി​ച്ചു. “ഗിൽഗാ​മേശ്‌ മഹാകാ​വ്യം” എന്നും “അധോ​ലോ​ക​ത്തി​ലേ​ക്കുള്ള ഇഷ്ടാറി​ന്റെ ഇറക്കം” എന്നും അറിയ​പ്പെ​ടുന്ന സുമേ​റി​യൻ കവിത​യി​ലും അക്കാഡി​യൻ കവിത​യി​ലും ഈ പുരാതന വിശ്വാ​സം പ്രതി​ഫ​ലി​ക്കു​ന്നു. മരിച്ച​വ​രു​ടെ ഈ പാർപ്പി​ടത്തെ അവർ “പ്രവേ​ശി​ച്ചി​ട്ടുള്ള ആരും ഇറങ്ങി​പ്പോ​കാത്ത ഭവനമായ” അന്ധകാ​ര​ഭ​വ​ന​മെന്നു വർണ്ണി​ക്കു​ന്നു.

അവിടെ നിലവി​ലുള്ള അവസ്ഥകളെ സംബന്ധിച്ച്‌ “അധോ​ലോ​ക​ത്തിൽ ഭീകരത നിറഞ്ഞി​രി​ക്കു​ന്നു”വെന്ന്‌ ഒരു പുരാതന അസ്സീറി​യൻ പാഠം പറയുന്നു. സങ്കല്‌പ​മ​നു​സ​രിച്ച്‌ മരിച്ച​വ​രു​ടെ ഈ ഭൂഗർഭ​വ​സ​തി​യു​ടെ ഒരു വീക്ഷണം അനുവ​ദി​ക്ക​പ്പെട്ട അസ്സീറി​യൻ രാജകു​മാ​രൻ താൻ കണ്ട കാഴ്‌ച​യിൽ തന്റെ കാലുകൾ വിറച്ചു​പോ​യെന്ന്‌ സാക്ഷ്യ​പ്പെ​ടു​ത്തി. അധോ​ലോക രാജാ​വായ നെർഗാ​ലി​നെ വർണ്ണി​ച്ചു​കൊണ്ട്‌ “ഒരു ഉഗ്രമായ കൊടു​ങ്കാ​റ​റു​പോ​ലെ, ക്രോ​ധ​പൂർവം അയാൾ ഒരു ഭയങ്കര​മായ ആക്രോ​ശ​ത്തോ​ടെ എന്റെ നേരെ അലറി”യെന്ന്‌ അയാൾ രേഖ​പ്പെ​ടു​ത്തി.

ഈജി​പ്‌റ​റി​ലെ​യും പൗരസ്‌ത്യ​ദേ​ശ​ങ്ങ​ളി​ലെ​യും മതങ്ങൾ

പുരാതന ഈജി​പ്‌റ​റു​കാർ ദേഹി​യു​ടെ അമർത്ത്യ​ത​യിൽ വിശ്വ​സി​ച്ചു. അവർക്ക്‌ അധോ​ലോ​ക​ത്തെ​ക്കു​റി​ച്ചുള്ള സ്വന്തമായ ധാരണ​യു​ണ്ടാ​യി​രു​ന്നു. ദി ന്യൂ എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ ഇങ്ങനെ പറയുന്നു: “അടുത്ത ലോക​ത്തി​ലേ​ക്കുള്ള വഴി ഭയങ്കര അപകടങ്ങൾ നിറഞ്ഞ​താ​യി ഈജി​പ്‌റ​റി​ലെ ശവസം​സ്‌ക്കാ​ര​സം​ബ​ന്ധ​മായ പാഠങ്ങൾ വരച്ചു​കാ​ട്ടു​ന്നു. ഭയംജ​നി​പ്പി​ക്കുന്ന ഭീകര​രൂ​പി​കൾ, തീത്തടാ​കങ്ങൾ, മാന്ത്രി​ക​വി​ധി​ക​ളു​ടെ ഉപയോ​ഗം​കൂ​ടാ​തെ​യ​ല്ലാ​തെ കടക്കാൻക​ഴി​യാത്ത പടിവാ​തി​ലു​കൾ, മന്ത്രവി​ദ്യ​യാൽ ധ്വംസി​ക്കേണ്ട ദുഷ്ട ഉദ്ദേശ്യ​ത്തോ​ടു​കൂ​ടിയ ഒരു ദ്രോ​ഹി​യായ കടത്തു​കാ​രൻ.”

ഇൻഡോ-ഇറാനി​യൻ മതങ്ങൾ മരണാ​ന​ന്ത​ര​ശി​ക്ഷ​യെ​ക്കു​റി​ച്ചുള്ള അനേകം വിശ്വാ​സങ്ങൾ വികസി​പ്പി​ച്ചെ​ടു​ത്തു. ഹിന്ദു​മ​ത​ത്തെ​ക്കു​റിച്ച്‌ ഫ്രഞ്ച്‌ എൻ​സൈ​ക്ലോ​പ്പീ​ഡി​യാ യൂണി​വേ​ഴ്‌സാ​ലിസ്‌ (യൂണി​വേ​ഴ്‌സൽ എൻ​സൈ​ക്ലോ​പ്പീ​ഡി​യാ) ഇങ്ങനെ പ്രസ്‌താ​വി​ക്കു​ന്നു: “ഹിന്ദുക്കൾ സങ്കല്‌പ്പി​ച്ചി​രി​ക്കുന്ന 21 നരകങ്ങ​ളെ​ക്കു​റി​ച്ചുള്ള അസംഖ്യം വർണ്ണന​ക​ളുണ്ട്‌. പാപികൾ കാട്ടു​മൃ​ഗ​ങ്ങ​ളാ​ലും പാമ്പു​ക​ളാ​ലും വിഴു​ങ്ങ​പ്പെ​ടു​ക​യും വേദനാ​ജ​ന​ക​മാ​യി വറക്ക​പ്പെ​ടു​ക​യും അറുത്തു​മു​റി​ക്ക​പ്പെ​ടു​ക​യും ദാഹത്താ​ലും വിശപ്പി​നാ​ലും ദണ്ഡിപ്പി​ക്ക​പ്പെ​ടു​ക​യും എണ്ണയിൽ പൊള്ളി​ക്ക​പ്പെ​ടു​ക​യും ഇരുമ്പു​പാ​ത്ര​ങ്ങ​ളി​ലോ കല്‌പാ​ത്ര​ങ്ങ​ളി​ലോ അരച്ചു​പൊ​ടി​ക്ക​പ്പെ​ടു​ക​യും ചെയ്യുന്നു.”

ജൈന​മ​ത​ത്തി​നും ബുദ്ധമ​ത​ത്തി​നും നരക​ത്തെ​ക്കു​റി​ച്ചുള്ള അവയുടെ ഭാഷ്യ​ങ്ങ​ളുണ്ട്‌, അവിടെ അനുതാ​പ​മി​ല്ലാത്ത പാപികൾ ദണ്ഡിപ്പി​ക്ക​പ്പെ​ടു​ന്നു. ഇറാനിൽ അല്ലെങ്കിൽ പേർഷ്യ​യിൽ സ്ഥാപി​ക്ക​പ്പെട്ട സൊ​രോ​ഷ്‌ട്ര്യൻമ​ത​ത്തി​നും ഒരു നരകമുണ്ട്‌—അത്‌ പാപി​ക​ളു​ടെ ദേഹികൾ ദണ്ഡിപ്പി​ക്ക​പ്പെ​ടുന്ന ദുർഗന്ധം വമിക്കുന്ന ഒരു തണുത്ത സ്ഥലമാണ്‌.

ഈജി​പ്‌ഷ്യൻ, ഹൈന്ദവ, ജൈന, ബൗദ്ധ, സൊ​രോ​ഷ്‌ട്ര്യൻ മതങ്ങളു​ടെ നരകഭാ​ഷ്യ​ങ്ങ​ളി​ലെ ദണ്ഡനങ്ങൾ നിത്യ​മ​ല്ലെന്നു തോന്നു​ന്നത്‌ കൗതു​ക​ക​ര​മാണ്‌. ഈ മതങ്ങള​നു​സ​രിച്ച്‌, യാതന​യു​ടെ ഒരു കാലഘ​ട്ട​ത്തി​നു​ശേഷം പാപി​ക​ളു​ടെ ദേഹികൾ മാനു​ഷ​ഭാ​വി​യെ​ക്കു​റി​ച്ചുള്ള ആ പ്രത്യേക മതത്തിന്റെ ധാരണയെ ആശ്രയിച്ച്‌ വേറെ ഏതോ സ്ഥലത്തേക്ക്‌ അല്ലെങ്കിൽ അവസ്ഥയി​ലേക്കു നീങ്ങുന്നു. നരക​ത്തെ​ക്കു​റി​ച്ചുള്ള അവരുടെ ആശയങ്ങൾക്ക്‌ കത്തോ​ലി​ക്കാ മതത്തിന്റെ ശുദ്ധീ​ക​ര​ണ​സ്ഥ​ല​ത്തോ​ടു സാദൃ​ശ​മുണ്ട്‌.

ഗ്രീക്ക്‌, എട്രൂ​സ്‌കൻ, റോമൻ നരകങ്ങൾ

പുരാതന ഗ്രീക്കു​കാർ ഒരു ദേഹി​യു​ടെ (സൈക്കി, ചിത്ര​ശ​ല​ഭ​ത്തി​നും അവർ ഈ പദമാ​ണു​പ​യോ​ഗി​ച്ചത്‌) അതിജീ​വ​ന​ത്തിൽ വിശ്വ​സി​ച്ചു. അവർ ഹേഡീ​സി​നെ മരിച്ച​വ​രു​ടെ മണ്ഡല​മെന്ന്‌ വിളി​ക്കു​ക​യും അതിൻമേൽ അതേ പേരുള്ള ഒരു ദൈവം ഭരിച്ചി​രു​ന്ന​താ​യി വിശ്വ​സി​ക്കു​ക​യും ചെയ്‌തു. ഓർഫ്യൂസ്‌—മതങ്ങളു​ടെ ഒരു പൊതു ചരിത്രം എന്ന തന്റെ പുസ്‌ത​ക​ത്തിൽ ഫ്രഞ്ച്‌ പണ്ഡിത​നായ സോളമൻ റെയ്‌നാക്ക്‌ ഗ്രീക്കു​കാ​രെ​ക്കു​റിച്ച്‌ ഇങ്ങനെ എഴുതി: “വൃദ്ധ കടത്തു​കാ​ര​നായ ചാരോ​ന്റെ വള്ളത്തിൽ സ്‌ററി​ക്‌സ്‌ നദി കടന്ന​ശേഷം [ദേഹി] ഇൻഫേർണോ​യു​ടെ പ്രദേ​ശ​ങ്ങ​ളി​ലെ​ത്തു​ന്നു​വെ​ന്ന​താ​യി​രു​ന്നു പരക്കെ വ്യാപി​ച്ചി​രുന്ന ഒരു വിശ്വാ​സം. അയാൾ കടത്തു​കൂ​ലി​യാ​യി ഒരു ഓബോ​ലസ്‌ (നാണയം) ഈടാ​ക്കി​യി​രു​ന്നു, അതു വെച്ചി​രു​ന്നത്‌ മരിച്ച​യാ​ളി​ന്റെ വായി​ലാ​യി​രു​ന്നു. ഇൻഫേ​ണോ പ്രദേ​ശ​ങ്ങ​ളിൽ അത്‌ ആ സ്ഥലത്തെ മൂന്ന്‌ ന്യായാ​ധി​പൻമാ​രു​ടെ മുമ്പാകെ ഹാജരാ​യി . . . ; അതിന്റെ കുററ​കൃ​ത്യ​ങ്ങൾക്ക്‌ ശിക്ഷവി​ധി​ക്ക​പ്പെ​ട്ടി​രു​ന്നെ​ങ്കിൽ, അത്‌ ററാർട്ട​റ​സിൽ യാതന​യ​നു​ഭ​വി​ക്ക​ണ​മാ​യി​രു​ന്നു. . . . ശൈശ​വ​ത്തിൽ മരിച്ച കുട്ടി​ക​ളു​ടെ പാർപ്പി​ട​മായ ഒരു ലിംബോ പോലും ഗ്രീക്കു​കാർ കണ്ടുപി​ടി​ച്ചി​രു​ന്നു, ഏതോ ലഘുവായ ശിക്ഷ ദേഹി​കളെ ശുദ്ധീ​ക​രി​ച്ച​ട​മായ ശുദ്ധീ​ക​ര​ണ​സ്ഥ​ല​വും.” ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡി​യാ പറയു​ന്ന​ത​നു​സ​രിച്ച്‌ ററാർട്ട​റ​സിൽ എത്തുന്ന ദേഹികൾ “നിത്യ​ദ​ണ്ഡ​ന​മ​നു​ഭ​വി​ച്ചു.”

ഇററലി​യിൽ റോമാ​ക്കാർക്കു മുമ്പത്തെ സംസ്‌കാ​ര​മു​ണ്ടാ​യി​രുന്ന എട്രൂ​സ്‌കൻസും മരണാ​നന്തര ശിക്ഷയിൽ വിശ്വ​സി​ച്ചു. ഡിക്‌ഷ്‌നെ​യെർ ഡെസ്‌ റിലി​ജി​യൻസ്‌ (മതങ്ങളു​ടെ നിഘണ്ടു) ഇങ്ങനെ പ്രസ്‌താ​വി​ക്കു​ന്നു: “എട്രൂ​സ്‌കൻസ്‌ അവരുടെ മതങ്ങളിൽ കാണിച്ച അങ്ങേയ​റ​റത്തെ ശ്രദ്ധയു​ടെ കാരണം അധോ​ലോക മണ്ഡലങ്ങ​ളെ​ക്കു​റി​ച്ചുള്ള അവരുടെ സങ്കല്‌പ​ന​മാ​യി​രു​ന്നു. ബാബി​ലോ​ന്യ​രെ​പ്പോ​ലെ, ഇവ മരിച്ച​വ​രു​ടെ ആത്മാക്കൾക്ക്‌ ദണ്ഡനങ്ങ​ളു​ടെ​യും നിരാ​ശ​യു​ടെ​യും സ്ഥലങ്ങളാ​ണെന്ന്‌ അവർ പരിഗ​ണി​ച്ചു. അവരുടെ സന്തതികൾ അർപ്പി​ക്കുന്ന പ്രായ​ശ്ചിത്ത യാഗങ്ങ​ളിൽനി​ന്നു​മാ​ത്രമേ അവർക്ക്‌ ഏക ആശ്വാസം ലഭിക്കു​മാ​യി​രു​ന്നു​ള്ളു.” മറെറാ​രു സംശോ​ധ​ക​ഗ്രന്ഥം ഇങ്ങനെ പ്രഖ്യാ​പി​ക്കു​ന്നു: “എട്രൂ​സ്‌കൻ ശവകു​ടീ​രങ്ങൾ ക്രിസ്‌തീയ ചിത്ര​ര​ച​ന​കൾക്കു പ്രചോ​ദ​ന​മേ​കിയ ഭീകര​രം​ഗങ്ങൾ കാണി​ക്കു​ന്നു.”

റോമാ​ക്കാർ എട്രൂ​സ്‌കൻ നരകത്തെ സ്വീക​രി​ക്കു​ക​യും അതിനെ ഓർക്കസ്‌ അഥവാ ഇൻഫേർണസ്‌ എന്നു വിളി​ക്കു​ക​യും ചെയ്‌തു. അവർ അധോ​ലോക രാജാ​വായ ഹേഡീ​സി​നെ​ക്കു​റി​ച്ചുള്ള ഗ്രീക്ക്‌ കെട്ടു​ക​ഥ​ക​ളും കടമെ​ടു​ക്കു​ക​യും അവനെ ഓർക്കസ്‌ അഥവാ പ്ലൂട്ടോ എന്നു വിളി​ക്കു​ക​യും ചെയ്‌തു.

യഹൂദൻമാ​രും എബ്രാ​യ​തി​രു​വെ​ഴു​ത്തു​ക​ളും

യേശു​വി​ന്റെ നാളിനു മുമ്പത്തെ യഹൂദൻമാ​രെ സംബന്ധി​ച്ചെന്ത്‌? അവരെ സംബന്ധിച്ച്‌ നാം എൻ​സൈ​ക്ലോ​പ്പീ​ഡി​യാ ബ്രിട്ടാ​നി​ക്കാ​യിൽ (1970) ഇങ്ങനെ വായി​ക്കു​ന്നു: “ക്രി. മു. 5-ാം നൂററാ​ണ്ടു മുതൽ യഹൂദൻമാർ പേർഷ്യ​ക്കാ​രും ഗ്രീക്കു​കാ​രു​മാ​യി അടുത്ത സമ്പർക്ക​ത്തി​ലാ​യി​രു​ന്നു, ഇരു കൂട്ടർക്കും സുവി​ക​സി​ത​മായ മരണാ​നന്തര ആശയങ്ങൾ ഉണ്ടായി​രു​ന്നു. . . . ക്രിസ്‌തു​വി​ന്റെ കാലമാ​യ​പ്പോ​ഴേക്ക്‌ ദുഷ്ട​ദേ​ഹി​കൾ മരണാ​ന​ന്തരം ഗിഹെ​ന്നാ​യിൽ ശിക്ഷി​ക്ക​പ്പെ​ടു​മെ​ന്നുള്ള ഒരു വിശ്വാ​സം യഹൂദൻമാർ സമ്പാദി​ച്ചി​രു​ന്നു.” എന്നിരു​ന്നാ​ലും, എൻ​സൈ​ക്ലോ​പ്പീ​ഡി​യാ ജൂഡാ​യി​ക്കാ ഇങ്ങനെ പ്രസ്‌താ​വി​ക്കു​ന്നു: “ഗിഹെ​ന്നാ​യെ​ക്കു​റി​ച്ചുള്ള ഈ പിൽക്കാല ധാരണയെ സംബന്ധിച്ച സൂചന തിരു​വെ​ഴു​ത്തിൽ കാണാ​നില്ല.”

ഈ ഒടുവിൽ പറഞ്ഞ പ്രസ്‌താ​വന ശരിയാണ്‌. ദേഹിക്ക്‌ ഒരു അഗ്നിന​ര​ക​ത്തിൽ ഒരു മരണാ​ന​ന്ത​ര​ശി​ക്ഷ​യു​ണ്ടെന്ന്‌ എബ്രായ തിരു​വെ​ഴു​ത്തു​ക​ളിൽ സൂചന​യില്ല. ഈ പേടി​പ്പെ​ടു​ത്തുന്ന ഉപദേശം ഉണ്ടായത്‌ ബാബി​ലോ​ണി​യാ​യി​ലെ പ്രളയാ​നന്തര മതങ്ങളി​ലാണ്‌, ബൈബി​ളി​ലല്ല. ക്രൈ​സ്‌ത​വ​ലോ​ക​ത്തി​ന്റെ നരകശി​ക്ഷ​യു​ടെ ഉപദേശം ആദിമ ബാബി​ലോ​ന്യ​രിൽനി​ന്നാണ്‌ ഉത്‌ഭ​വി​ച്ചത്‌. ശുദ്ധീ​ക​ര​ണ​സ്ഥ​ലത്തെ പാപപ​രി​ഹാ​ര​പ​ര​മായ യാതന​യു​ടെ കത്തോ​ലി​ക്കാ ആശയം ആദിമ ഈജി​പ്‌റ​റു​കാ​രി​ലേ​ക്കും പൗരസ്‌ത്യ​മ​ത​ങ്ങ​ളി​ലേ​ക്കും പിന്നോ​ക്കം പോകു​ന്നു. ലിംബോ ഗ്രീക്ക്‌ പുരാ​ണ​ത്തിൽനിന്ന്‌ പകർത്തി​യ​താണ്‌. മരിച്ച​വർക്കു​വേ​ണ്ടി​യുള്ള പ്രാർത്ഥ​ന​ക​ളും വഴിപാ​ടു​ക​ളും എട്രൂ​സ്‌കൻസി​നാൽ ആചരി​ക്ക​പ്പെ​ട്ടി​രു​ന്നു.

എന്നാൽ മരണാ​ന​ന്ത​ര​മുള്ള ബോധ​പൂർവ​ക​മായ ശിക്ഷയു​ടെ ഈ ഉപദേ​ശങ്ങൾ ഏത്‌ അടിസ്ഥാന സങ്കല്‌പ​ത്തി​ലാണ്‌ അധിഷ്‌ഠി​ത​മാ​യി​രി​ക്കു​ന്നത്‌? (w89 10⁄1)

[അടിക്കു​റിപ്പ്‌]

[5-ാം പേജിലെ ചിത്രം]

ഡാൻറിയുടെ ഇൻഫേർണോ​യിൽ വർണ്ണി​ച്ചി​രി​ക്കുന്ന സ്‌ററി​ക്‌സ്‌ കടക്കുന്നു

[കടപ്പാട്‌]

Dover Publications, Inc.