നരക​ത്തെ​സം​ബ​ന്ധി​ച്ച ​സ​ത്യം

പ്രസ്‌പ​ഷ്‌ട​മാ​യി മരണാ​നന്തര ശിക്ഷ​യെ​ക്കു​റി​ച്ചുള്ള വിശ്വാ​സ​ത്തിൽ അന്തർഭ​വി​ച്ചി​രി​ക്കുന്ന ഉപദേശം ജഡിക​ശ​രീ​രം മരിക്കു​മ്പോൾ യഥാർത്ഥ മനുഷ്യൻ മരിക്കു​ന്നി​ല്ലെ​ന്നും എന്നാൽ മിക്ക​പ്പോ​ഴും ദേഹി എന്നു വിളി​ക്ക​പ്പെ​ടുന്ന എന്തോ ഒന്ന്‌ ശരീര​ത്തി​ന്റെ മരണത്തെ അതിജീ​വി​ക്കു​ന്നു​വെ​ന്നു​മുള്ള വിശ്വാ​സ​മാണ്‌. നാം മുൻ ലേഖന​ത്തിൽ കണ്ടതു​പോ​ലെ, ഈ വിശ്വാ​സം ആദിമ സുമേ​റി​യ​ക്കാ​രും മെസോ​പ്പൊ​ട്ടേ​മി​യാ​യി​ലെ ബാബി​ലോ​ന്യ​രും വരെ പിന്നോ​ട്ടു​പോ​കു​ന്നു. പിന്നീട്‌ അത്‌ ഗ്രീക്കു​കാ​രാൽ സ്വീക​രി​ക്ക​പ്പെട്ടു. പ്ലേറേ​റാ​യെ​പ്പോ​ലെ​യുള്ള അവരുടെ തത്വചി​ന്തകർ ഈ സിദ്ധാ​ന്തത്തെ മിനു​ക്കി​യെ​ടു​ത്തു. “ശരീര​ത്തി​ലും ദേഹി​യി​ലു”മുള്ള അവരുടെ നവീക​രി​ക്ക​പ്പെട്ട ദ്വൈ​ത​വി​ശ്വാ​സം വിശ്വാ​സ​ത്യാ​ഗം ഭവിച്ച യഹൂദ​വി​ശ്വാ​സ​ത്തി​ന്റെ ഭാഗമാ​യി​ത്തീർന്നു.

ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ട്ടവർ അങ്ങനെ​യുള്ള മരണാ​ന​ന്ത​ര​ജീ​വി​ത​ത്തി​ലുള്ള വിശ്വാ​സം സ്വീക​രി​ച്ച​തെ​പ്പോ​ഴാ​യി​രു​ന്നു? തീർച്ച​യാ​യും യേശു​വി​ന്റെ​യും അവന്റെ അപ്പോ​സ്‌ത​ലൻമാ​രു​ടെ​യും കാലത്ത​ല്ലാ​യി​രു​ന്നു. ഫ്രഞ്ച്‌ എൻ​സൈ​ക്ലോ​പ്പീ​ഡി​യാ യൂണി​വേ​ഴ്‌സ​ലിസ്‌ ഇങ്ങനെ പ്രസ്‌താ​വി​ക്കു​ന്നു: (ക്രി.വ. 2-ാം നൂററാ​ണ്ടി​ലെ പത്രോ​സി​ന്റെ വെളി​പ്പാട്‌ എന്ന [അപ്പോ​ക്രി​പ്പാ] പുസ്‌ത​ക​മാ​യി​രു​ന്നു പാപി​ക​ളു​ടെ നരകത്തി​ലെ ശിക്ഷ​യെ​യും ദണ്ഡന​ത്തെ​യും കുറിച്ച്‌ വർണ്ണിച്ച ആദ്യ ക്രിസ്‌തീയ കൃതി.”

യഥാർത്ഥ​ത്തിൽ, ആദിമ സഭാപി​താ​ക്കൻമാ​രു​ടെ ഇടയിൽ നരക​ത്തെ​പ്പ​ററി വളരെ​യ​ധി​ക​മായ വിയോ​ജി​പ്പു​ണ്ടാ​യി​രു​ന്നു​വെന്നു തോന്നു​ന്നു. ജസ്‌റ​റിൻ മാർട്ട​റും അലക്‌സാ​ണ്ട്രി​യാ​യി​ലെ ക്ലെമൻറും തെർത്തു​ല്യ​നും സിപ്രി​യ​നും അഗ്നിന​ര​കത്തെ അനുകൂ​ലി​ച്ചു. നരകത്തി​ലെ പാപികൾ ഒടുവിൽ രക്ഷിക്ക​പ്പെ​ടു​മെന്ന്‌ അവകാ​ശ​പ്പെ​ട്ടു​കൊണ്ട്‌ നരകത്തിന്‌ ഒരു പാപപ​രി​ഹാ​ര​പ​ര​മായ അർത്ഥമാ​ററം കൊടു​ക്കാൻ ഓറിജൻ ശ്രമിച്ചു. നാസി​യാൻസി​ലെ ഗ്രിഗ​റി​യും നിസ്സാ​യി​ലെ ഗ്രിഗ​റി​യും ഏറിയ അളവി​ലോ കുറഞ്ഞ അളവി​ലോ അദ്ദേഹത്തെ അനുഗ​മി​ച്ചു. എന്നാൽ അഗസ്‌റ​റിൻ നരക​ത്തെ​സം​ബ​ന്ധിച്ച അങ്ങനെ​യുള്ള മയമുള്ള വീക്ഷണ​ങ്ങൾക്ക്‌ അറുതി​വ​രു​ത്തി. ആദിമ ക്രിസ്‌തീയ ഉപദേ​ശങ്ങൾ എന്ന തന്റെ പുസ്‌ത​ക​ത്തിൽ ഓക്‌സ്‌ഫോർഡ്‌ പ്രൊ​ഫ​സ്സ​റായ ജെ. എൻ. ഡി കെല്ലി ഇങ്ങനെ എഴുതു​ന്നു: “അഞ്ചാം നൂററാ​ണ്ടാ​യ​പ്പോ​ഴേക്ക്‌ പാപി​കൾക്ക്‌ ഈ ജീവി​ത​ത്തി​നു​ശേഷം രണ്ടാമ​തൊ​രു അവസരം കിട്ടു​ക​യി​ല്ലെ​ന്നും അവരെ വിഴു​ങ്ങി​ക്ക​ള​യുന്ന തീ ഒരിക്ക​ലും കെടു​ത്ത​പ്പെ​ടു​ക​യി​ല്ലെ​ന്നു​മുള്ള ഉറച്ച ഉപദേശം എല്ലായി​ട​ത്തും സർവ​പ്ര​ധാ​ന​മാ​യി​രു​ന്നു.”

ശുദ്ധീ​ക​ര​ണ​ത്തെ സംബന്ധിച്ച്‌, ഓർഫ്യൂസ്‌—മതങ്ങളു​ടെ ഒരു പൊതു​ച​രി​ത്രം എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “ഭാവി അനു​ഗ്ര​ഹ​ത്തി​നും ശിക്ഷാ​വി​ധി​ക്കു​മി​ട​യിൽ ഒരു പരീക്ഷ​ണ​കാ​ല​മു​ണ്ടെന്ന്‌ സെൻറ്‌ അഗസ്‌റ​റിൻ വാദി​ച്ചി​രു​ന്നു, അതാണ്‌ അഗ്നിയാ​ലുള്ള ദേഹി​ക​ളു​ടെ ശുദ്ധീ​ക​രണം. ഇതാണ്‌ ശുദ്ധീ​ക​ര​ണ​ത്തെ​സം​ബ​ന്ധിച്ച്‌ പുറജാ​തി ഗ്രീക്ക്‌ ഉപദേ​ശ​വും പുറജാ​തി റോമൻ ഉപദേ​ശ​വും; തിരു​വെ​ഴു​ത്തു​ക​ളിൽ അതുസം​ബ​ന്ധിച്ച്‌ യാതൊ​ന്നും പറയു​ന്നില്ല. . . . ശുദ്ധീ​ക​ര​ണ​സ്ഥ​ല​ത്തി​ന്റെ ഉപദേശം . . . രൂപ​പ്പെ​ടു​ത്തി​യത്‌ ആറാം നൂററാ​ണ്ടി​ലാ​യി​രു​ന്നു, അത്‌ സഭയുടെ ഒരു സിദ്ധാ​ന്ത​മാ​യി ഫ്‌ളോ​റൻസി​ലെ കൗൺസി​ലി​നാൽ പ്രഖ്യാ​പി​ക്ക​പ്പെ​ടു​ക​യും ചെയ്‌തു (1439).” ദി ന്യൂ കാത്തലിക്ക്‌ എൻ​സൈ​ക്ലോ​പ്പീ​ഡിയ ഇങ്ങനെ സമ്മതി​ക്കു​ന്നു: “ശുദ്ധീ​ക​ര​ണ​സ്ഥ​ലത്തെ സംബന്ധിച്ച കത്തോ​ലി​ക്കാ ഉപദേശം വിശുദ്ധ തിരു​വെ​ഴു​ത്തു​ക​ളി​ലല്ല പാരമ്പ​ര്യ​ത്തി​ലാണ്‌ അധിഷ്‌ഠി​ത​മാ​യി​രി​ക്കു​ന്നത്‌. ലിം​ബോ​യെ​സം​ബ​ന്ധിച്ച്‌, അത്‌ “ദൈവ​ശാ​സ്‌ത്ര​പ​ര​മായ ഒരു പരിക​ല്‌പന മാത്ര​മാണ്‌” എന്ന്‌ റോമി​ലെ കാർഡി​നൽ റാററ്‌സിം​ഗർ സമ്മതി​ക്കു​ന്നു.

മരണ​ശേഷം ശിക്ഷയില്ല

എന്നാൽ ബൈബി​ളി​നെ സംബന്ധിച്ച്‌ എന്ത്‌? മരണത്തി​ങ്കൽ ദേഹി ശരീരത്തെ അതിജീ​വി​ക്കു​ന്നു​വെ​ന്നും അതു​കൊണ്ട്‌ ഒരു അഗ്നിന​ര​ക​ത്തി​ലോ ശുദ്ധീ​ക​ര​ണ​സ്ഥ​ല​ത്തോ ശിക്ഷി​ക്ക​പ്പെ​ടാൻക​ഴി​യു​മെ​ന്നും അതു പറയു​ന്നു​ണ്ടോ? ദി ന്യൂ കാത്തലിക്ക്‌ എൻ​സൈ​ക്ലോ​പ്പീ​ഡി​യാ ഇങ്ങനെ പ്രസ്‌താ​വി​ക്കു​ന്നു: “ദേഹി മരണാ​ന​ന്തരം അതിജീ​വി​ക്കു​ന്നു​വെന്ന ആശയം ബൈബി​ളിൽ അനായാ​സം ദൃശ്യമല്ല. . . . പഴയ നിയമ​ത്തി​ലെ ദേഹി ഒരു മമനു​ഷ്യ​ന്റെ ഭാഗത്തെ അർത്ഥമാ​ക്കു​ന്നില്ല, പിന്നെ​യോ മുഴു മനുഷ്യ​നെ​യു​മാണ്‌ അർത്ഥമാ​ക്കു​ന്നത്‌—ഒരു ജീവി​യെന്ന നിലയി​ലുള്ള മനുഷ്യ​നെ. സമാന​മാ​യി, പുതിയ നിയമ​ത്തിൽ അത്‌ മനുഷ്യ​ജീ​വനെ: ഒരു വ്യക്തി​യു​ടെ ജീവനെ അർത്ഥമാ​ക്കു​ന്നു.”

അങ്ങനെ മരണാ​നന്തര ശിക്ഷയിൽ അന്തർഭ​വി​ച്ചി​രി​ക്കുന്ന പ്രമേയം പൊളി​യു​ന്നു. “പാപം​ചെ​യ്യുന്ന ദേഹി മരിക്കു​ന്നു”വെന്ന്‌ ബൈബിൾ പ്രസ്‌താ​വി​ക്കു​ന്നു. (യെഹെ​സ്‌ക്കേൽ 18:4, റി​വൈ​സ്‌ഡ്‌ സ്‌ററാൻഡേർഡ്‌ വേർഷൻ, കത്തോ​ലി​ക്കാ പതിപ്പ്‌) “പാപത്തി​ന്റെ ശമ്പളം മരണമാ​കു​ന്നു”വെന്നും അതു പറയുന്നു. (റോമർ 6:23, RSV) അതു​കൊണ്ട്‌, അനുതാ​പ​മി​ല്ലാത്ത ദുഷ്ടൻമാർ “ഗിഹെന്നാ”യിൽ, “നിത്യാ​ഗ്നി”യിൽ, അഥവാ “തീത്തടാക”ത്തിൽ, വീഴു​ന്ന​തി​നെ​ക്കു​റിച്ച്‌ ബൈബിൾ പറയു​മ്പോൾ അത്‌ അവർ സ്ഥിരമായ മരണമായ “രണ്ടാം മരണ”ത്തിന്‌ വിധേ​യ​മാ​കു​ന്ന​തി​നെ​ക്കു​റിച്ച്‌ പറയാൻ പ്രതീ​കാ​ത്മ​ക​ഭാഷ ഉപയോ​ഗി​ക്കു​ന്നു​വെ​ന്നേ​യു​ള്ളു.—മത്തായി 23:33; 25:41, 46; വെളി​പ്പാട്‌ 20:14; 21:8;a 2 തെസ്സ​ലോ​നീ​ക്യർ 1:7-9 താരത​മ്യം​ചെ​യ്യുക.

നരകം പുനരു​ത്ഥാ​ന​ത്താൽ ഒഴിപ്പി​ക്ക​പ്പെ​ടു​ന്നു

അപ്പോൾ നരകത്തിൽ ചൂടാ​ണോ? ബൈബി​ള​നു​സ​രിച്ച്‌ അല്ല. തീർച്ച​യാ​യും, ചില ബൈബി​ളു​ക​ളിൽ “നരകം” എന്ന്‌ വിവർത്ത​നം​ചെ​യ്യ​പ്പെ​ട്ടി​രി​ക്കുന്ന എബ്രായ, ഗ്രീക്ക്‌, പദങ്ങൾ മനുഷ്യ​വർഗ്ഗ​ത്തി​ന്റെ പൊതു ശവക്കു​ഴി​യെ നിർദ്ദേ​ശി​ക്കു​ന്നു. അത്‌ ഒരു ദണ്ഡനസ്ഥ​ലമല്ല. പകരം, അത്‌ ഒരു വിശ്ര​മ​സ്ഥ​ല​മാണ്‌, മരിച്ചവർ അതിൽനിന്ന്‌ പുനരു​ത്ഥാ​ന​ത്തിൽ വരും. (സഭാ​പ്ര​സം​ഗി 9:10; പ്രവൃ​ത്തി​കൾ 24:15) സ്വിറ​റ്‌സർല​ണ്ടി​ലെ ബാസൽ യൂണി​വേ​ഴ്‌സി​റ​റി​യി​ലെ​യും പാരീ​സി​ലെ സോർബോ​ണി​ലെ​യും ദൈവ​ശാ​സ്‌ത്ര​പ്രൊ​ഫ​സ്സ​റായ ഓസ്‌കാർ കൾമാൻ “മരിച്ച​വ​രു​ടെ പുനരു​ത്ഥാ​നത്തെ സംബന്ധിച്ച ക്രിസ്‌തീയ പ്രതീ​ക്ഷ​യും ദേഹി​യു​ടെ അമർത്ത്യ​ത​യി​ലുള്ള ഗ്രീക്ക്‌ വിശ്വാ​സ​വും തമ്മിലുള്ള സമൂല വ്യത്യാ​സത്തെ”ക്കുറിച്ച്‌ പറയുന്നു. “പിൽക്കാല ക്രിസ്‌ത്യാ​നി​ത്വം രണ്ടു വിശ്വാ​സ​ങ്ങ​ളും തമ്മിൽ ഒരു ബന്ധം സ്ഥാപി​ച്ചു​വെന്ന വസ്‌തുത യഥാർത്ഥ​ത്തിൽ ഒരു ബന്ധമേയല്ല, പിന്നെ​യോ ഒന്നിനെ [മനുഷ്യ​ദേ​ഹി​യു​ടെ അമർത്ത്യ​ത​യി​ലുള്ള പുറജാ​തി​വി​ശ്വാ​സത്തെ] അനുകൂ​ലി​ച്ചു​കൊ​ണ്ടുള്ള മറേറ​തി​ന്റെ [പുനരു​ത്ഥാ​ന​ത്തി​ന്റെ ബൈബി​ളു​പ​ദേ​ശ​ത്തി​ന്റെ] നിരസി​ക്ക​ലാ​യി​രു​ന്നു”വെന്ന്‌ ശരിയാ​യി​ത്തന്നെ അദ്ദേഹം പറയുന്നു.—ഇററാ​ലി​ക്‌സ്‌ ഞങ്ങളു​ടേത്‌.

യഹോ​വ​യു​ടെ സാക്ഷികൾ ദേഹി​യു​ടെ അമർത്ത്യത എന്ന ആശയത്തെ അനുകൂ​ലി​ച്ചു​കൊണ്ട്‌ പുനരു​ത്ഥാ​ന​ത്തി​ലുള്ള തങ്ങളുടെ വിശ്വാ​സത്തെ നിരസി​ച്ചി​ട്ടില്ല. തങ്ങളുടെ സന്തുഷ്‌ട പ്രത്യാശ നിങ്ങൾക്കു പങ്കു​വെ​ക്കു​ന്ന​തി​നും നരകത്തിന്‌ ചൂടില്ല എന്ന സത്യം നിങ്ങൾക്ക്‌ തെളി​യി​ച്ചു​ത​രു​ന്ന​തി​നും അവർക്ക്‌ സന്തോ​ഷ​മു​ണ്ടാ​യി​രി​ക്കും. (w89 10⁄1)

[അടിക്കു​റിപ്പ്‌]