കോഡ​ക്‌സ്‌ സൈനാ​റ​റി​ക്ക​സി​നെ രക്ഷിക്കു​ന്നു

കോഡ​ക്‌സ്‌ സൈനാ​റ​റി​ക്കസ്‌, “നിലവി​ലുള്ള ഏററവും പ്രധാ​ന​പ്പെ​ട്ട​തും ആവേശ​ജ​ന​ക​വും മൂല്യ​വ​ത്തു​മായ പുസ്‌തകം” എന്ന്‌ വർണ്ണി​ക്ക​പ്പെ​ട്ടി​രി​ക്കു​ന്നു. ഇത്‌, കുറഞ്ഞ​പക്ഷം 1,600 വർഷങ്ങൾ പഴക്കമു​ള്ള​താ​ക​യാൽ മാത്രമല്ല, പിന്നെ​യോ നമ്മുടെ ബൈബി​ളി​ന്റെ കൈ​യ്യെ​ഴു​ത്തു​പ്ര​തി​ക​ളു​ടെ കാററ്‌ലോ​ഗിൽ ഒരു സുപ്ര​ധാന കണ്ണിയാ​യി​രി​ക്കു​ന്ന​തു​കൊ​ണ്ടു​മാണ്‌. കേവലം നൂറിൽപരം വർഷങ്ങൾക്കു മുമ്പ്‌ തിഷെൻഡോർഫ്‌ അതു വീണ്ടും കണ്ടെടു​ത്തത്‌ ഹൃദയ​ഹാ​രി​യായ ഒരു കഥയാണ്‌.

കോൺസ്‌റ​റാൻറിൻ വോൺ തിഷെൻഡോർഫ്‌ വടക്കൻയൂ​റോ​പ്പി​ലെ സാക്‌സ​ണിൽ 1815-ൽ ജനിച്ചു, ഗ്രീസി​ലെ ലെയ്‌പ്‌സിഗ്‌ യൂണി​വേ​ഴ്‌സി​റ​റി​യിൽ വിദ്യാ​ഭ്യാ​സം നേടു​ക​യും ചെയ്‌തു. അദ്ദേഹ​ത്തി​ന്റെ പഠനകാ​ലത്ത്‌ ക്രിസ്‌തീ​യ​ഗ്രീക്ക്‌ തിരു​വെ​ഴു​ത്തു​കൾ ആധികാ​ര​ക​മാ​യ​വയല്ല എന്ന്‌ തെളി​യി​ക്കാൻ ശ്രമി​ച്ചു​കൊ​ണ്ടി​രുന്ന പ്രസി​ദ്ധ​രായ ജർമ്മൻ ദൈവ​ശാ​സ്‌ത്ര​ജ്ഞൻമാർ ബൈബി​ളി​നെ സംബന്ധി​ച്ചു നടത്തിയ വലിയ വിമർശ​ന​ങ്ങ​ളിൽ അദ്ദേഹം അസ്വസ്ഥ​നാ​യി​രു​ന്നു. എന്നിരു​ന്നാ​ലും, ആദിമ കൈ​യ്യെ​ഴു​ത്തു​പ്ര​തി​കൾ സംബന്ധിച്ച ഒരു പഠനം ബൈബിൾ പാഠത്തി​ന്റെ സത്യതയെ തെളി​യി​ക്കു​മെന്ന്‌ തിഷെൻഡോർഫി​നു ബോധ്യ​പ്പെട്ടു. അതിന്റെ ഫലമായി അറിയ​പ്പെ​ടുന്ന എല്ലാ കൈ​യ്യെ​ഴു​ത്തു​പ്ര​തി​ക​ളും ഗവേഷണം ചെയ്യാൻ അദ്ദേഹം തീരു​മാ​നി​ച്ചു, അദ്ദേഹ​ത്തി​ന്റെ യാത്ര​കൾക്കി​ട​യിൽ മററുള്ളവ കണ്ടുപി​ടി​ക്കാ​നാ​വു​മെ​ന്നുള്ള പ്രത്യാ​ശ​യിൽ തന്നെ.

തിഷെൻഡോർഫ്‌, യൂറോ​പ്പി​ലെ ഏററവും മെച്ചപ്പെട്ട ലൈ​ബ്ര​റി​ക​ളിൽ അന്വേ​ഷി​ച്ചു​കൊണ്ട്‌ നാലു​വർഷം ചെലവ​ഴിച്ച ശേഷം 1844 മെയ്യിൽ സീനാ​യിൽ ചെങ്കട​ലിന്‌ 4,500 അടി മുകളിൽ സ്ഥിതി​ചെ​യ്‌തി​രുന്ന സെൻറ്‌ കാതറിൻ എന്ന സന്യാ​സാ​ശ്ര​മ​ത്തിൽ എത്തി​ച്ചേർന്നു. സന്യാ​സി​മാ​രു​ടെ കോട്ട​തു​ല്യ​മായ ഏകാന്ത​സ്ഥ​ല​ത്തേ​ക്കുള്ള പ്രവേ​ശനം ഭിത്തി​യി​ലെ ഒരു ചെറിയ കവാട​ത്തി​ലൂ​ടെ ഒരു കയറിൽ കെട്ടി​ത്തൂ​ക്കി​യി​ട്ടി​രുന്ന കൊട്ട​യി​ലൂ​ടെ​യാ​യി​രു​ന്നു.

പ്രയോ​ജ​ന​പ്ര​ദ​മായ കണ്ടുപി​ടു​ത്ത​ങ്ങൾ

ഏതാനും ദിവസ​ങ്ങ​ളി​ലേക്ക്‌ അദ്ദേഹത്തെ അവരുടെ മൂന്നു ലൈ​ബ്ര​റി​ക​ളിൽ പരി​ശോ​ധ​ന​ന​ട​ത്തു​ന്ന​തിന്‌ അനുവ​ദി​ച്ചു. എന്നാൽ വിജയ​മു​ണ്ടാ​യില്ല. പിന്നീട്‌ അദ്ദേഹം സ്ഥലംവി​ടു​ന്ന​തിന്‌ തൊട്ടു​മുമ്പ്‌ അദ്ദേഹം അന്വേ​ഷി​ച്ചു​കൊ​ണ്ടി​രു​ന്ന​വ​യിൽ—പുരാതന ചർമ്മപ​ത്ര​ലി​ഖി​ത​ങ്ങ​ളിൽ—അദ്ദേഹ​ത്തി​ന്റെ കണ്ണുകൾ പതിഞ്ഞു! അവ പ്രധാന ലൈ​ബ്ര​റി​ഹോ​ളിൽ വെച്ചി​രുന്ന കൊട്ട നിറയെ ഉണ്ടായി​രു​ന്നു. ലൈ​ബ്രേ​റി​യൻ അദ്ദേഹ​ത്തോട്‌, നേരത്തെ നിറഞ്ഞ രണ്ടു കൊട്ടകൾ കത്തിച്ചു​ക​ള​ഞ്ഞ​തു​പോ​ലെ അവയും കത്തിച്ചു​ക​ള​യാൻപോ​ക​യാ​ണെന്ന്‌ പറഞ്ഞു. ഈ ചർമ്മപ​ത്ര​ലി​ഖി​ത​ങ്ങ​ളിൽ, തിഷെൻഡോർഫ്‌ കണ്ടിട്ടു​ള്ള​തി​ലേ​ക്കും ഏററം പഴക്കമുള്ള കയ്യെഴു​ത്തു​പ്രതി, എബ്രായ തിരു​വെ​ഴു​ത്തു​ക​ളു​ടെ ഭാഗത്തി​ന്റെ ഒരു ഗ്രീക്ക്‌വി​വർത്ത​ന​ത്തി​ന്റെ 129 താളുകൾ കണ്ടെത്തി​യ​തിൽ അദ്ദേഹം അത്ഭുത​സ്‌ത​ബ്ധ​നാ​യി​ത്തീർന്നു. അദ്ദേഹ​ത്തിന്‌ 43 താളുകൾ നൽകി, എന്നാൽ ശേഷിച്ചവ കൊടു​ത്തില്ല.

തിഷെൻഡോർഫ്‌ 1853-ൽ വീണ്ടും ഈ സന്യാ​സാ​ശ്രമം സന്ദർശി​ച്ച​പ്പോൾ നാലാം​നൂ​റ​റാ​ണ്ടി​ലെ അതേ കയ്യെഴു​ത്തു​പ്ര​തി​യിൽനിന്ന്‌ ഉൽപ്പത്തി​യി​ലെ ഒരു ഭാഗം​മാ​ത്രമേ കണ്ടുകി​ട്ടി​യു​ള്ളു. “ആ കയ്യെഴു​ത്തു​പ്ര​തി​യിൽ ആദ്യം പഴയനി​യമം മുഴുവൻ ഉണ്ടായി​രു​ന്നു​വെ​ന്നും എന്നാൽ പിന്നീട്‌ അധിക​ഭാ​ഗ​വും നശിപ്പി​ക്ക​പ്പെ​ട്ടിട്ട്‌ ഏറെ നാളാ​യെ​ന്നും” അദ്ദേഹ​ത്തി​നു ബോധ്യ​മാ​യി. സാധ്യ​ത​യ​നു​സ​രിച്ച്‌ മുഴു കയ്യെഴു​ത്തു​പ്ര​തി​യും 730 താളുകൾ ഉൾപ്പെ​ട്ട​താ​യി​രു​ന്നു. അത്‌ ചർമ്മപ​ത്ര​ത്തിൽ (ചെമ്മരി​യാ​ടി​ന്റെ​യും കോലാ​ടി​ന്റെ​യും നല്ല തോലിൽ) ഗ്രീക്ക്‌വ​ലി​യ​ക്ഷ​ര​ത്തിൽ രേഖ​പ്പെ​ടു​ത്ത​പ്പെ​ട്ട​താ​യി​രു​ന്നു.

ആറുവർഷ​ങ്ങൾക്കു​ശേഷം തിഷെൻഡോർഫ്‌ സീനാ​യി​ലെ സന്യാ​സി​കളെ മൂന്നാ​മതു സന്ദർശി​ച്ചു. അദ്ദേഹം പിരി​യാൻതു​ട​ങ്ങി​യ​പ്പോൾ യാദൃ​ച്ഛി​ക​മാ​യി 15 വർഷം മുമ്പ്‌ ദഹിപ്പി​ച്ചു കളയാതെ അദ്ദേഹം രക്ഷിച്ചി​രുന്ന താളുകൾ മാത്രമല്ല പിന്നെ​യോ മററ്‌ അനേക​വും കാണി​ക്ക​പ്പെട്ടു. അവയിൽ മുഴു ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളും എബ്രായ തിരു​വെ​ഴു​ത്തു​ക​ളു​ടെ ഗ്രീക്കു​വി​വർത്ത​ന​ത്തി​ന്റെ ഏതാനും ഭാഗവും ഉൾപ്പെ​ട്ടി​രു​ന്നു.

ആ കയ്യെഴു​ത്തു​പ്രതി ഈജി​പ്‌റ​റി​ലെ കെയ്‌റൊ​യി​ലേക്ക്‌ കൊണ്ടു​പോ​യി പകർപ്പെ​ടു​ക്കു​ന്ന​തി​നും ഒടുവിൽ അത്‌ സന്യാ​സി​മാ​രു​ടെ ഒരു സമ്മാന​മെന്ന നിലയിൽ റഷ്യയി​ലെ സാർച​ക്ര​വർത്തി​ക്കു കൊണ്ടു​പോ​യി​കൊ​ടു​ക്കു​ന്ന​തി​നും തിഷെൻഡോർഫ്‌ അനുവ​ദി​ക്ക​പ്പെട്ടു. ഇന്ന്‌ അത്‌ ബ്രിട്ടീ​ഷ്‌കാ​ഴ്‌ച​ബം​ഗ്ലാ​വിൽ സ്ഥാപി​ച്ചി​രി​ക്കു​ന്നു, കോഡ​ക്‌സ്‌ അലക്‌സാൻഡ്രി​യാ​യു​ടെ സമീപം പ്രദർശി​പ്പി​ച്ചു​മി​രി​ക്കു​ന്നു. നേരത്തത്തെ 43 താളുകൾ ജർമ്മൻ ജനാധി​പ​ത്യ​റി​പ്പ​ബ്ലി​ക്കി​ലെ ലെയ്‌പ്‌സി​ഗി​ലെ യൂണി​വേ​ഴ്‌സി​ററി ലൈ​ബ്ര​റി​യിൽ ഉണ്ട്‌.

നാം തിഷെൻഡോർഫി​നോട്‌, തന്റെ ജീവി​ത​വും കഴിവു​ക​ളും പുരാതന ബൈബിൾ കയ്യെഴു​ത്തു​പ്ര​തി​കൾ അന്വേ​ഷി​ക്കു​ന്ന​തി​നു​വേണ്ടി, വിശേ​ഷിച്ച്‌ വലിയ കോഡ​ക്‌സ്‌ സൈനാ​റ​റി​ക്ക​സി​നെ നാശത്തിൽനിന്ന്‌ രക്ഷിക്കു​ന്ന​തി​നു​വേണ്ടി അർപ്പി​ച്ച​തിൽ നന്ദിയു​ള്ള​വ​രാ​യി​രി​ക്കണം. എന്നാൽ ഇന്ന്‌ നമ്മുടെ പ്രയോ​ജ​ന​ത്തി​നു​വേണ്ടി തന്റെ വചനം വളരെ കൃത്യ​മാ​യി സൂക്ഷി​ക്ക​ത്ത​ക്ക​വണ്ണം ശ്രദ്ധിച്ച യഹോ​വ​യാം ദൈവ​ത്തിന്‌ നമ്മുടെ ഏററവും വലിയ നന്ദി പോകു​ന്നു. (w88 10/15)

[30-ാം പേജിലെ ചതുരം]

കോഡക്‌സ്‌ ഉപയോ​ഗി​ക്കു​ന്നു

കോഡ​ക്‌സ്‌ സൈനാ​റ​റി​ക്കസ്‌ എന്നതിന്റെ ചിഹ്നം א എന്ന എബ്രായ അക്ഷരമാണ്‌. ആ പുരാതന കയ്യെഴു​ത്തു​പ്രതി ബൈബി​ളി​ന്റെ കുറേ​ക്കൂ​ടി ആധുനി​ക​മായ പേപ്പി​റസ്‌ കയ്യെഴു​ത്തു​പ്ര​തി​ക​ളു​ടെ കൃത്യ​തയെ സ്ഥിരീ​ക​രി​ക്കു​ന്നു. അത്‌ പിൽക്കാല പ്രതി​ക​ളിൽ നുഴഞ്ഞു​ക​യ​റിയ പ്രച്ഛന്ന​മായ തെററു​കൾ ചൂണ്ടി​ക്കാ​ണി​ച്ചു​കൊണ്ട്‌ ആധുനിക ബൈബിൾപാ​ണ്ഡി​ത്യ​ത്തിന്‌ സഹായ​ക​മാ​ക​യും ചെയ്യുന്നു.

ദൃഷ്ടാ​ന്ത​ത്തിന്‌ യോഹ​ന്നാൻ 1:18 ഇപ്രകാ​രം വായി​ക്ക​പ്പെ​ടു​ന്നു: “ദൈവത്തെ ഒരു മനുഷ്യ​നും ഒരിക്ക​ലും കണ്ടിട്ടില്ല; പിതാ​വി​നോ​ടു​കൂ​ടെ അവന്റെ മടിയിൽ ഇരിക്കുന്ന ഏകജാ​ത​നായ ദൈവം അവനെ​സം​ബ​ന്ധിച്ച്‌ വിശദീ​ക​രി​ച്ചി​രി​ക്കു​ന്നു.” “പുതി​യ​ലോ​ക​ഭാ​ഷാ​ന്തരം റഫറൻസ്‌ ബൈബി​ളി​ന്റെ” ഫുട്ട്‌നോട്ട്‌, “ഏകജാ​ത​നായ പുത്രൻ” എന്ന പകരം ഭാഷാ​ന്ത​ര​ത്തെ​ക്കാൾ “ഏകജാ​ത​നായ ദൈവം” എന്നതി​നെ​യാണ്‌ കോഡ​ക്‌സ്‌ സൈനാ​റ​റി​ക്ക​സും മററു പുരാതന കയ്യെഴു​ത്തു​പ്ര​തി​ക​ളും പിൻതാ​ങ്ങു​ന്നത്‌ എന്ന്‌ വെളി​പ്പെ​ടു​ത്തു​ന്നു. א-ന്റെ ഫുട്ട്‌നോട്ട്‌ പരാമർശനം “ഏകജാ​ത​നായ ദൈവം” എന്നതിലെ നിശ്ച​യോ​പ​പ​ദ​ത്തി​ന്റെ പുനസ്ഥി​തീ​ക​ര​ണത്തെ തെളി​യി​ക്കു​ന്ന​തിന്‌ കോഡ​ക്‌സി​ന്റെ ഒരു തിരു​ത്ത​ലു​കാ​ര​നെ​യും സൂചി​പ്പി​ക്കു​ന്നു. ഈ തിരു​വെ​ഴുത്ത്‌ സാക്ഷ്യ​പ്പെ​ടു​ത്തു​ന്ന​ത​നു​സ​രിച്ച്‌ യേശു​ക്രി​സ്‌തു​വി​ന്റെ സ്ഥാനം അനുപ​മ​മാണ്‌.

[31-ാം പേജിലെ ചിത്രം]

പരമ്പരാഗത സീനാ​യ്‌മ​ല​യു​ടെ അടിവാ​ര​ത്തി​ലെ സെൻറ്‌ കാതറിൻ സന്യാ​സാ​ശ്രമം. [ഇൻസെ​ററ്‌] അതിന്റെ ഇപ്പോ​ഴത്തെ ലൈ​ബ്ര​റി

[കടപ്പാട]

Pictorial Archive (Near Eastern History) Est.

[കടപ്പാട]

Pictorial Archive (Near Eastern History) Est.

[31-ാം പേജിലെ ചിത്ര​ത്തിന്‌ കടപ്പാട]

Courtesy of the British Museum, London