“സംസാ​രി​ക്കാൻ ഒരു സമയം”—എപ്പോൾ?

മേരി ഒരു ആശുപ​ത്രി​യിൽ മെഡിക്കൽ അസിസ്‌റ​റൻറാ​യി ജോലി ചെയ്യുന്നു. അവൾ തന്റെ ജോലി​യിൽ അനുസ​രി​ക്കേണ്ട ഒരു വ്യവസ്ഥ രഹസ്യം സൂക്ഷി​ക്കുക എന്നതാണ്‌. അവളുടെ ജോലി​യോ​ടു ബന്ധപ്പെട്ട രേഖക​ളും വിവര​ങ്ങ​ളും അനധി​കൃ​ത​രായ ആളുക​ളി​ലേക്ക്‌ പോകാ​തെ സൂക്ഷി​ക്കണം. അവളുടെ സംസ്ഥാ​നത്തെ നിയമ​സം​ഹി​ത​യും രോഗി​ക​ളു​ടെ രഹസ്യ വിവരങ്ങൾ വെളി​പ്പെ​ടു​ത്തു​ന്ന​തി​നെ നിയ​ന്ത്രി​ക്കു​ന്നു.

ഒരു ദിവസം മേരി ഒരു വിഷമ​സ്ഥി​തി​യെ അഭിമു​ഖീ​ക​രി​ച്ചു. മെഡിക്കൽ രേഖകൾ കൈകാ​ര്യം​ചെ​യ്‌ത​പ്പോൾ, ഒരു സഹക്രി​സ്‌ത്യാ​നി​യായ ഒരു രോഗി ഗർഭഛി​ദ്ര​ത്തി​നു വിധേ​യ​യാ​യി​യെന്നു സൂചി​പ്പി​ക്കുന്ന വിവരം അവൾ കണ്ടെത്തി. തന്റെ ജോലി​യു​ടെ നഷ്ടത്തി​ലേ​ക്കോ വ്യവഹാ​ര​ത്തി​ലേ​ക്കോ അല്ലെങ്കിൽ അവളുടെ തൊഴി​ലു​ട​മയെ നിയമ പ്രശ്‌ന​ങ്ങ​ളി​ലേ​ക്കോ നയി​ച്ചേ​ക്കാ​മെ​ങ്കിൽ പോലും അവൾക്കു ഈ വിവരം സഭയിലെ മൂപ്പൻമാ​രെ അറിയി​ക്കാ​നുള്ള ഒരു തിരു​വെ​ഴു​ത്തു​പ​ര​മായ ഉത്തരവാ​ദി​ത്ത​മു​ണ്ടാ​യി​രു​ന്നോ? അല്ലെങ്കിൽ സദൃശ​വാ​ക്യ​ങ്ങൾ 11:13 ഈ കാര്യം മറച്ചു​വെ​ക്കു​ന്ന​തി​നെ നീതീ​ക​രി​ക്കു​മാ​യി​രു​ന്നോ? അതു ഇങ്ങനെ വായി​ക്കു​ന്നു: “അപവാദം പറഞ്ഞു നടക്കു​ന്നവൻ രഹസ്യ​സം​സാ​രം വെളി​പ്പെ​ടു​ത്തു​ന്നു, എന്നാൽ ആത്മാവിൽ വിശ്വ​സ്‌ത​നാ​യവൻ കാര്യം മറച്ചു​വെ​ക്കു​ന്നു.”—സദൃശ​വാ​ക്യ​ങ്ങൾ 25:9,10 താരത​മ്യ​പ്പെ​ടു​ത്തുക.

യഹോ​വ​യു​ടെ സാക്ഷികൾ പലപ്പോ​ഴും ഇതു​പോ​ലെ​യുള്ള സാഹച​ര്യ​ങ്ങളെ അഭിമു​ഖീ​ക​രി​ക്കു​ന്നു. മേരി​യെ​പ്പോ​ലെ അവർ ശലോ​മോൻ രാജാവ്‌ നിരീ​ക്ഷി​ച്ച​തി​നെ​ക്കു​റിച്ച്‌ തീവ്ര​മാ​യി ബോധ​മു​ള്ള​വ​രാ​യി​ത്തീ​രു​ന്നു: “എല്ലാറ​റി​നും ഒരു നിയമി​ക്ക​പ്പെട്ട സമയമുണ്ട്‌, ആകാശ​ത്തിൻകീ​ഴി​ലുള്ള ഓരോ കാര്യ​ത്തി​നും​തന്നേ ഒരു സമയം ഉണ്ട്‌: . . . നിശബ്ദ​മാ​യി​രി​ക്കാൻ ഒരു സമയവും സംസാ​രി​ക്കാൻ ഒരു സമയവും.” (സഭാ​പ്ര​സം​ഗി 3:1,7) മേരിക്ക്‌ ഇതു നിശബ്ദ​മാ​യി​രി​ക്കു​ന്ന​തി​നുള്ള ഒരു സമയമാ​യി​രു​ന്നോ, അഥവാ അവൾ മനസ്സി​ലാ​ക്കി​യ​തി​നെ​ക്കു​റി​ച്ചു സംസാ​രി​ക്കു​ന്ന​തി​നുള്ള സമയമാ​യി​രു​ന്നോ?a

സാഹച​ര്യ​ങ്ങൾ വളരെ വ്യത്യ​സ്‌ത​മാ​യി​രി​ക്കാൻ കഴിയും. അതു​കൊണ്ട്‌ മേരി കൈകാ​ര്യം ചെയ്‌ത​തു​പോ​ലെ ഓരോ​രു​ത്ത​രും കാര്യങ്ങൾ ചെയ്യണ​മെ​ന്ന​തു​പോ​ലെ ഓരോ സംഗതി​യി​ലും പിൻതു​ട​രേണ്ട ഒരു പ്രാമാ​ണിക നടപടി​ക്രമം വെക്കു​ന്നതു അസാദ്ധ്യ​മാ​യി​രി​ക്കും. തീർച്ച​യാ​യും ഓരോ ക്രിസ്‌ത്യാ​നി​യും എപ്പോ​ഴെ​ങ്കി​ലും ഈ സ്വഭാ​വ​ത്തി​ലുള്ള ഒരു സാഹച​ര്യ​ത്തെ അഭിമു​ഖീ​ക​രി​ക്കു​ന്നു​വെ​ങ്കിൽ, ഉൾപ്പെ​ട്ടി​രി​ക്കുന്ന എല്ലാ വസ്‌തു​ത​ക​ളും തൂക്കി നോക്കാൻ തയ്യാറാ​ക​യും ബൈബിൾ തത്വങ്ങ​ളും എല്ലാ നിയമ​വ​ശ​ങ്ങ​ളും പരിഗ​ണി​ച്ചു​കൊ​ണ്ടുള്ള ഒരു തീരു​മാ​ന​ത്തി​ലെ​ത്തു​ക​യും വേണം. അതു അവനെ അല്ലെങ്കിൽ അവളെ യഹോ​വ​യു​ടെ മുമ്പാകെ ഒരു ശുദ്ധമായ മനസ്സാ​ക്ഷി​യോ​ടെ നിർത്തു​ക​യും ചെയ്യും. (1 തിമൊഥെയൊസ്‌ 1:5,19) പാപങ്ങൾ ലഘുവും മാനു​ഷിക അപൂർണ്ണ​ത​കൊ​ണ്ടു​ള്ള​വ​യും ആയിരി​ക്കു​മ്പോൾ, “സ്‌നേഹം പാപങ്ങ​ളു​ടെ ബഹുത്വ​ത്തെ മറയ്‌ക്കു​ന്നു” എന്ന തത്വം ബാധക​മാ​കു​ന്നു. (1 പത്രോസ്‌ 4:8) എന്നാൽ ഗുരു​ത​ര​മായ തെററ്‌ ഉണ്ടെന്നു തോന്നു​മ്പോൾ ഒരു വിശ്വസ്‌ത ക്രിസ്‌ത്യാ​നി ദൈവ​ത്തോ​ടും തന്റെ സഹ ക്രിസ്‌ത്യാ​നി​യോ​ടു​മുള്ള സ്‌നേ​ഹ​ത്തിൽ നിന്ന്‌, പാപി​യെന്നു വിചാ​രി​ക്ക​പ്പെ​ടുന്ന ആൾക്കു സഹായം ലഭിക്കാൻ കഴി​യേ​ണ്ട​തി​നും സഭയുടെ ശുദ്ധി കാത്തു​സൂ​ക്ഷി​ക്കു​ന്ന​തി​നും അയാൾക്കു അറിവു​ള്ളതു വെളി​പ്പെ​ടു​ത്തു​മോ?

ബൈബിൾത​ത്വ​ങ്ങൾ ബാധക​മാ​ക്കു​ക

ബാധക​മാ​കുന്ന ചില അടിസ്ഥാന ബൈബിൾ തത്വങ്ങൾ ഏവയാണ്‌? ഒന്നാമത്‌, ഗുരു​ത​ര​മായ തെററു ചെയ്യുന്ന ആരും അതു മറച്ചു​വെ​ക്കാൻ ശ്രമി​ക്ക​രുത്‌. “തന്റെ ലംഘന​ങ്ങളെ മറച്ചു​വെ​ക്കു​ന്നവൻ വിജയി​ക്കു​ക​യില്ല, എന്നാൽ അവയെ ഏററു​പ​റഞ്ഞ്‌ ഉപേക്ഷി​ക്കു​ന്ന​വ​നോട്‌ കരുണ കാണി​ക്കും.” (സദൃശ​വാ​ക്യ​ങ്ങൾ 28:13) യഹോ​വ​യു​ടെ ശ്രദ്ധയിൽ നിന്ന്‌ യാതൊ​ന്നും ഒഴിഞ്ഞി​രി​ക്കു​ന്നില്ല. മറയ്‌ക്ക​പ്പെട്ട ലംഘന​ങ്ങൾക്കു കാല​ക്ര​മ​ത്തിൽ കണക്കു​ബോ​ധി​പ്പി​ക്കേണ്ടി വരും. (സദൃശ​വാ​ക്യ​ങ്ങൾ 15:3; 1തിമൊഥെയോസ്‌ 5:24,25) ചില​പ്പോൾ യഹോവ മറച്ചു​വെ​ച്ചി​രി​ക്കുന്ന കുററ​കൃ​ത്യ​ത്തെ അതിനു ഉചിത​മായ ശ്രദ്ധ നൽകേ​ണ്ട​തിന്‌ സഭയിലെ ഒരു അംഗത്തി​ന്റെ ശ്രദ്ധയിൽ കൊണ്ടു​വ​രും.—യോശുവ 7:1-26.

മറെറാ​രു ബൈബിൾ മാർഗ്ഗ​നിർദ്ദേശം ലേവ്യർ 5:1-ൽ കാണ​പ്പെ​ടു​ന്നു: “ഇപ്പോൾ ഒരു ദേഹി ഒരു പരസ്യ ശാപം കേട്ടിട്ട്‌ അയാൾ ഒരു സാക്ഷി​യാ​യി​രി​ക്ക​യൊ അതു കണ്ടിരി​ക്ക​യൊ അതി​നെ​ക്കു​റി​ച്ച​റി​ഞ്ഞി​രി​ക്ക​യൊ ചെയ്‌തിട്ട്‌ അയാൾ അതു അറിയി​ക്കാ​ത്ത​തിൽ പാപം ചെയ്യു​ന്നു​വെ​ങ്കിൽ അപ്പോൾ അയാൾ തന്റെ അകൃത്യ​ത്തി​നു ഉത്തരം പറയേ​ണ്ട​താണ്‌.” ഈ “പരസ്യ ശാപം” ദുഷി​യൊ ദൈവ ദൂഷണ​മൊ ആയിരു​ന്നില്ല. പകരം ദുഷ്‌പെ​രു​മാ​റ​റ​ത്തി​നു ഇരയാ​ക്ക​പ്പെട്ട ആരെങ്കി​ലും, തനിക്കു നീതി ലഭിക്കു​ന്ന​തി​നു വേണ്ടി സാധ്യ​ത​യുള്ള ഏതെങ്കി​ലും സാക്ഷി​യോട്‌ സഹായി​ക്കു​ന്ന​തി​നാ​വ​ശ്യ​പ്പെ​ടു​മ്പോൾ, ഒരുപക്ഷെ ഇതുവരെ തിരി​ച്ച​റി​യ​പ്പെ​ടാത്ത, തന്നോട്‌ അകൃത്യം ചെയ്‌ത​വനെ സാധ്യ​ത​യ​നു​സ​രിച്ച്‌ യഹോ​വ​യിൽ നിന്നുള്ള ശാപ വാക്കുകൾ വിളി​ക്കവെ അതു മിക്ക​പ്പോ​ഴും സംഭവി​ച്ചി​രു​ന്നു. അതു മററു​ള്ള​വരെ സത്യ​പ്ര​തി​ജ്ഞ​യിൻ കീഴിൽ വെക്കുന്ന ഒരു വിധമാ​യി​രു​ന്നു. തെററി​ന്റെ ഏതു സാക്ഷി​യ്‌ക്കും ഒരു അനീതി​ക്കു വിധേ​യ​നാ​യതു ആരാ​ണെന്നു അറിയാ​മാ​യി​രി​ക്കും, അയാൾക്കു കുററം തെളി​യി​ക്കാൻ മുന്നോ​ട്ടു വരുന്ന​തി​നുള്ള ചുമത​ല​യു​മുണ്ട്‌. അല്ലെങ്കിൽ അവർ ‘തങ്ങളുടെ അകൃത്യ​ത്തി​നു യഹോ​വ​യു​ടെ മുമ്പാകെ ഉത്തരം പറയേ​ണ്ട​താ​യി വരും.’b

അഖിലാ​ണ്ഡ​ത്തി​ലെ ഏററവും ഉന്നതതല അധികാ​രി​യിൽനി​ന്നുള്ള ഈ കല്‌പന ഓരോ യിസ്രാ​യേ​ല്യ​നെ​യും താൻ നിരീ​ക്ഷിച്ച ഏതൊരു ഗുരു​ത​ര​മായ കുററ​കൃ​ത്യ​വും കൈകാ​ര്യം ചെയ്യ​പ്പെ​ടേ​ണ്ട​തിന്‌ ന്യായാ​ധി​പൻമാ​രെ അറിയി​ക്കാ​നുള്ള ഉത്തരവാ​ദി​ത്ത​ത്തിൽ നിർത്തി. ക്രിസ്‌ത്യാ​നി​കൾ കർശന​മാ​യും മോ​ശൈക ന്യായ​പ്ര​മാ​ണ​ത്തിൻകീ​ഴി​ല​ല്ലെ​ങ്കി​ലും അതിന്റെ തത്വങ്ങൾ ഇപ്പോ​ഴും ക്രിസ്‌തീയ സഭയിൽ ബാധക​മാണ്‌. അതു​കൊണ്ട്‌, ഒരു ക്രിസ്‌ത്യാ​നി ഒരു കാര്യം മൂപ്പൻമാ​രു​ടെ ശ്രദ്ധയിൽ കൊണ്ടു​വ​രാൻ കടപ്പാ​ടുള്ള സമയങ്ങൾ ഉണ്ടായി​രു​ന്നേ​ക്കാം. അനേകം രാജ്യ​ങ്ങ​ളി​ലും അനധി​കൃ​ത​രാ​യ​വ​രോ​ടു സ്വകാ​ര്യ​രേ​ഖ​യിൽ കണ്ടുപി​ടി​ക്ക​പ്പെട്ട കാര്യങ്ങൾ വെളി​പ്പെ​ടു​ത്തു​ന്നതു നിയമ​വി​രു​ദ്ധ​മാണ്‌ എന്നതു സത്യം തന്നെ. എന്നാൽ ഒരു ക്രിസ്‌ത്യാ​നി, പ്രാർത്ഥ​നാ​പൂർവ​ക​മായ പരിഗ​ണ​നക്കു ശേഷം, താഴ്‌ന്ന അധികാ​രി​ക​ളു​ടെ തടസ്സമു​ണ്ടെ​ങ്കി​ലും അയാൾ അറിഞ്ഞ കാര്യം അറിയി​ക്കാൻ ദൈവ​ത്തി​ന്റെ നിയമം ആവശ്യ​പ്പെ​ടുന്ന ഒരു സാഹച​ര്യ​ത്തെ അയാൾ അഭിമു​ഖീ​ക​രി​ക്കു​ന്നു​വെന്നു വിചാ​രി​ക്കു​ന്നു​വെ​ങ്കിൽ അപ്പോൾ അതു അയാൾ യഹോ​വ​യു​ടെ മുമ്പാകെ ഏറെറ​ടു​ക്കുന്ന ഒരു ഉത്തരവാ​ദി​ത്ത​മാണ്‌. ഒരു ക്രിസ്‌ത്യാ​നി “മനുഷ്യ​രെ​ക്കാൾ അധികം ദൈവത്തെ ഭരണാ​ധി​പ​നാ​യി അനുസ​രി​ക്കേണ്ട” അവസരങ്ങൾ ഉണ്ട്‌.—പ്രവൃ​ത്തി​കൾ 5:29.

പ്രതി​ജ്ഞ​ക​ളൊ ഗൗരവ​മുള്ള വാഗ്‌ദാ​ന​ങ്ങ​ളൊ ഒരിക്ക​ലും നിസ്സാ​ര​മാ​യി എടുക്ക​രുത്‌ എന്നിരി​ക്കെ, നാം നമ്മുടെ ദൈവ​ത്തി​നു അനന്യ​മായ ഭക്തി നൽകു​ന്ന​തി​നുള്ള നിബന്ധന മനുഷ്യർ ആവശ്യ​പ്പെ​ടുന്ന വാഗ്‌ദാ​ന​ങ്ങ​ളു​മാ​യി വൈരു​ദ്ധ്യ​ത്തിൽ വരുന്ന സന്ദർഭങ്ങൾ ഉണ്ടാ​യേ​ക്കാം. ആരെങ്കി​ലും ഒരു ഗൗരവ​മുള്ള പാപം ചെയ്യു​മ്പോൾ അയാൾ ഫലത്തിൽ, ആർക്കെ​തി​രെ അകൃത്യം ചെയ്‌തു​വോ ആ യഹോ​വ​യാം ദൈവ​ത്തിൽ നിന്നുള്ള ഒരു ‘പരസ്യ ശാപത്തിൻ’ കീഴിൽ വരുന്നു. (ആവർത്തനം 27:26; സദൃശ​വാ​ക്യ​ങ്ങൾ 3:33) ക്രിസ്‌തീ​യ​സ​ഭ​യു​ടെ ഭാഗമാ​യി​ത്തീ​രുന്ന എല്ലാവ​രും, അവർ വ്യക്തി​പ​ര​മാ​യി ചെയ്യു​ന്ന​തി​നാ​ലും മററു​ള്ളവർ ശുദ്ധി​യു​ള്ള​വ​രാ​യി സ്ഥിതി​ചെ​യ്യാൻ അവർ സഹായി​ക്കുന്ന വിധത്താ​ലും തങ്ങളെ​ത്തന്നെ, സഭയെ ശുദ്ധി​യു​ള്ള​താ​യി സൂക്ഷി​ക്കു​ന്ന​തി​നുള്ള “പ്രതിജ്ഞ”യിൻകീ​ഴിൽ ആക്കിത്തീർക്കു​ന്നു.

വ്യക്തി​പ​ര​മായ ഉത്തരവാ​ദി​ത്തം

മേരി തന്റെ വ്യക്തി​പ​ര​മായ തീരു​മാ​ന​മെ​ടു​ക്കു​ന്ന​തി​നു പ്രായേണ പരിഗ​ണിച്ച ബൈബിൾ തത്വങ്ങ​ളിൽ ചിലവ ഇവയാണ്‌. കാര്യങ്ങൾ വളരെ ശ്രദ്ധാ​പൂർവം തൂക്കി​നോ​ക്കാ​തെ വേഗത്തിൽ പ്രവർത്തി​ക്ക​രു​തെന്ന്‌ ജ്ഞാനം അവളെ ഗ്രഹി​പ്പി​ച്ചു. ബൈബിൾ ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “കാരണങ്ങൾ ഇല്ലാതെ നിന്റെ സഹമനു​ഷ്യ​നെ​തി​രെ ഒരു സാക്ഷി​യാ​യി​രി​ക്ക​രുത്‌. അങ്ങനെ ചെയ്‌താൽ നീ നിന്റെ അധരങ്ങൾ കൊണ്ട്‌ ഭോഷ​നാ​യി​ത്തീ​രേണ്ടി വരും.” (സദൃശ​വാ​ക്യ​ങ്ങൾ 24:28) ഒരു കാര്യം അന്തിമ​മാ​യി സ്ഥാപി​ക്കു​ന്ന​തി​നു കുറഞ്ഞ​പക്ഷം രണ്ടു ദൃക്‌സാ​ക്ഷി​ക​ളു​ടെ സാക്ഷ്യം ആവശ്യ​മാണ്‌. (ആവർത്തനം 19:15) മേരി ഗർഭഛി​ദ്രം സംബന്ധിച്ച്‌ ഒരു ഹ്രസ്വ പരാമർശനം മാത്രമേ കണ്ടിരു​ന്നു​ള്ളു​വെ​ങ്കിൽ അവൾ മനസ്സാ​ക്ഷി​പൂർവം, കുററം സംബന്ധിച്ച തെളിവ്‌ തീരെ അപര്യാ​പ്‌ത​മാ​ക​യാൽ കൂടുതൽ മുന്നോ​ട്ടു​പോ​കണ്ട എന്ന്‌ തീരു​മാ​നി​ക്കു​മാ​യി​രു​ന്നു. ബില്ലെ​ഴു​തി​യ​തിൽ ഒരു പിശകു സംഭവി​ച്ചി​രി​ക്ക​യൊ മറേറ​തെ​ങ്കി​ലും വിധത്തിൽ രേഖകൾ സാഹച​ര്യ​ത്തെ ഉചിത​മാ​യി പ്രതി​ഫ​ലി​പ്പി​ക്കാ​തി​രി​ക്ക​യൊ ചെയ്‌തി​രി​ക്കാം.

എന്നിരു​ന്നാ​ലും, ഈ സംഗതി​യിൽ മേരിക്ക്‌ മററു ചില നിർണ്ണാ​യക വിവരങ്ങൾ ഉണ്ടായി​രു​ന്നു. ദൃഷ്ടാ​ന്ത​ത്തിന്‌, ആ സഹോ​ദരി ബില്ലിന്റെ പണം അടച്ചി​രു​ന്നു എന്ന്‌ അവൾക്ക​റി​യാ​മാ​യി​രു​ന്നു, അതു പ്രത്യ​ക്ഷ​ത്തിൽ അതിൽ നിർദ്ദേ​ശി​ക്ക​പ്പെ​ട്ടി​രുന്ന സേവനം അവൾക്കു ലഭിച്ചി​രു​ന്നു എന്നു സ്ഥാപി​ക്കു​ന്നു. ആ സഹോ​ദരി അവിവാ​ഹി​ത​യാ​യി​രു​ന്നു​വെ​ന്നും, അപ്രകാ​രം വ്യഭി​ചാ​ര​ത്തി​ന്റെ സാദ്ധ്യത ഉളവാ​ക്കു​ന്നു എന്നും അവൾ വ്യക്തി​പ​ര​മാ​യി അറിഞ്ഞി​രു​ന്നു. മേരിക്ക്‌, “ഒരു യഥാർത്ഥ സാക്ഷി ദേഹി​കളെ വിടു​വി​ക്കു​ന്നു, എന്നാൽ ഒരു വഞ്ചകൻ വെറും ഭോഷ്‌ക്കു​കൾ തൊടു​ത്തു​വി​ടു​ന്നു” എന്ന്‌ സദൃശ​വാ​ക്യ​ങ്ങൾ 14:25-ൽ പറഞ്ഞി​രി​ക്കു​ന്നത്‌ ഓർമ്മി​ച്ചു​കൊണ്ട്‌ തെററു​ചെ​യ്‌തി​രു​ന്നേ​ക്കാ​മാ​യി​രുന്ന ആളെ സ്‌നേ​ഹ​പൂർവം സഹായി​ക്കു​ന്ന​തി​നും യഹോ​വ​യു​ടെ സ്ഥാപന​ത്തി​ന്റെ ശുദ്ധി സംരക്ഷി​ക്കു​ന്ന​തി​നു​മുള്ള ഒരു ആഗ്രഹം തോന്നി.

മേരി നിയമ​പ​ര​മായ വശങ്ങൾ സംബന്ധിച്ച്‌ ഏതാണ്ട്‌ ഭയമു​ള്ളവൾ ആയിരു​ന്നു, എന്നാൽ ഈ സാഹച​ര്യ​ത്തിൽ ബൈബിൾ തത്വങ്ങൾ അവൾ മെഡിക്കൽ രേഖക​ളി​ലെ രഹസ്യം സൂക്ഷി​ക്ക​ണ​മെന്ന നിബന്ധ​ന​യെ​ക്കാൾ അധികം മുൻതൂ​ക്കം വഹിക്കു​ന്നു​വെന്ന്‌ വിചാ​രി​ച്ചു. നിശ്ചയ​മാ​യും ആ സഹോ​ദ​രി​യെ ശല്യം ചെയ്‌തു​കൊണ്ട്‌ അവൾ നീരസ​മു​ള്ള​വ​ളാ​യി​ത്തീ​രു​ക​യും പ്രതി​കാ​രം ചെയ്യാൻ ശ്രമി​ക്ക​യും ചെയ്യാൻ ആഗ്രഹി​ക്ക​യ​ല്ലെന്ന്‌ അവൾ ന്യായ​വാ​ദം ചെയ്‌തു. അതു​കൊണ്ട്‌ മേരി അവൾക്കു ലഭ്യമായ എല്ലാ വസ്‌തു​ത​ക​ളും അപഗ്ര​ഥി​ച്ച​ശേഷം അവൾ മനസ്സാ​ക്ഷി​പൂർവം ഇതു “സംസാ​രി​ക്കു​ന്ന​തി​നുള്ള” ഒരു സമയമാ​യി​രു​ന്നു, “നിശബ്‌ദ​മാ​യി​രി​ക്കു​ന്ന​തി​നുള്ള” സമയമാ​യി​രു​ന്നില്ല എന്നു തീരു​മാ​നി​ച്ചു.

ഇപ്പോൾ മേരി മറെറാ​രു ചോദ്യ​ത്തെ അഭിമു​ഖീ​ക​രി​ച്ചു: അവൾ ആരോടു സംസാ​രി​ക്കണം, വിവേ​ച​ന​യോ​ടെ അവൾക്കു അതു എപ്രകാ​രം ചെയ്യാൻ കഴിയും? അവൾക്കു നേരിട്ടു മൂപ്പൻമാ​രു​ടെ അടുക്ക​ലേക്കു പോകാൻ കഴിയു​മാ​യി​രു​ന്നു, എന്നാൽ അവൾ ആദ്യം സ്വകാ​ര്യ​മാ​യി ആ സഹോ​ദ​രി​യെ സമീപി​ക്കാൻ തീരു​മാ​നി​ച്ചു. ഇതൊരു സ്‌നേ​ഹ​പൂർവ​ക​മായ സമീപ​ന​മാ​യി​രു​ന്നു. സംശയ​ത്തിൻ കീഴി​ലുള്ള ഈ വ്യക്തി കാര്യങ്ങൾ വ്യക്തമാ​ക്കു​ന്ന​തി​നുള്ള അവസരത്തെ സ്വാഗതം ചെയ്യും, അഥവാ കുററ​ക്കാ​രി​യെ​ങ്കിൽ സംശയത്തെ ഉറപ്പി​ക്കും എന്നു മേരി ന്യായ​വാ​ദം ചെയ്‌തു. ഈ കാര്യം സംബന്ധിച്ച്‌ ആ സഹോ​ദരി മൂപ്പൻമാ​രോ​ടു സംസാ​രി​ച്ചു കഴി​ഞ്ഞെ​ങ്കിൽ സാദ്ധ്യ​ത​യ​നു​സ​രിച്ച്‌ അവൾ ആ വിവരം പറയും, മേരിക്കു അതു സംബന്ധിച്ച്‌ മുന്നോ​ട്ടു പോകേണ്ട കാര്യ​വു​മില്ല. ആ സഹോ​ദരി ഒരു ഗർഭഛി​ദ്ര​ത്തി​നു വിധേ​യ​യാ​യി​ട്ടു​ണ്ടാ​യി​രു​ന്നി​രി​ക്ക​യും ദൈവ​നി​യ​മ​ത്തി​ന്റെ ഈ ഗുരു​ത​ര​മായ ലംഘനം ഏററു പറഞ്ഞി​ട്ടി​ല്ലാ​തി​രി​ക്ക​യും ആണെങ്കിൽ അവൾ അപ്രകാ​രം ചെയ്യാൻ അവളെ പ്രോൽസാ​ഹി​പ്പി​ക്ക​ണ​മെന്ന്‌ ന്യായ​വാ​ദം ചെയ്‌തു. അപ്പോൾ മൂപ്പൻമാർക്ക്‌ യാക്കോബ്‌ 5:13-20-നു ചേർച്ച​യാ​യി അവളെ സഹായി​ക്കാൻ കഴിയും. സന്തോ​ഷ​ക​ര​മാ​യി കാര്യങ്ങൾ അങ്ങനെ​യാ​ണു നീങ്ങി​യത്‌. ആ സഹോ​ദരി വലിയ സമ്മർദ്ദ​ത്തിൻ കീഴി​ലും ആത്മീയ ബലഹീനത നിമി​ത്ത​വു​മാ​യി​രു​ന്നു ഒരു ഗർഭഛി​ദ്ര​ത്തി​നു വിധേ​യ​യാ​യത്‌ എന്ന്‌ മേരി കണ്ടെത്തി. ലജ്ജയും ഭയവും തന്റെ പാപത്തെ മൂടി​വെ​ക്കാൻ അവളെ പ്രേരി​പ്പി​ച്ചി​രു​ന്നു, എന്നാൽ ആത്മീയ പുന:സ്ഥിതീ​ക​ര​ണ​ത്തി​നു​വേണ്ടി മൂപ്പൻമാ​രു​ടെ സഹായം ലഭിക്കു​ന്ന​തിൽ അവൾ സന്തുഷ്ട​യാ​യി​രു​ന്നു.

മേരി ആദ്യം മൂപ്പൻമാ​രു​ടെ സംഘത്തെ അറിയി​ച്ചി​രു​ന്നെ​ങ്കിൽ അവരും സമാന​മായ ഒരു തീരു​മാ​നത്തെ അഭിമു​ഖീ​ക​രി​ക്കു​മാ​യി​രു​ന്നു. തങ്ങളുടെ അടുക്കൽ വന്ന രഹസ്യ വിവരത്തെ അവർ എങ്ങനെ കൈകാ​ര്യം ചെയ്യും? ആട്ടിൻകൂ​ട്ട​ത്തി​ന്റെ ഇടയൻമാർ എന്ന നിലയിൽ യഹോ​വ​യും അവന്റെ വചനവും തങ്ങളോ​ടാ​വ​ശ്യ​പ്പെ​ടു​ന്ന​തെന്ത്‌ എന്നു അവർ വിചാ​രി​ക്കു​ന്ന​തി​ന്റെ അടിസ്ഥാ​ന​ത്തിൽ ഒരു തീരു​മാ​നം ചെയ്യേണ്ടി വരുമാ​യി​രു​ന്നു. സഭയോ​ടൊ​ത്തു സജീവ​മാ​യി സഹവസി​ച്ചു​കൊ​ണ്ടി​രുന്ന സ്‌നാ​ന​മേററ ഒരു ക്രിസ്‌ത്യാ​നി​യാണ്‌ ആ റിപ്പോർട്ടിൽ ഉൾപ്പെ​ട്ടി​രു​ന്നത്‌ എങ്കിൽ തങ്ങൾ കൂടു​ത​ലാ​യി മുന്നോ​ട്ടു നീങ്ങണ​മൊ എന്നു തീരു​മാ​നി​ക്കു​ന്ന​തി​നു മേരി​യെ​പ്പോ​ലെ തെളി​വു​കൾ തൂക്കി​നോ​ക്കേ​ണ്ടി​വ​രു​മാ​യി​രു​ന്നു. സഭയിൽ “പുളി​പ്പി​ന്റെ” അവസ്ഥയു​ടെ ഒരു ശക്തമായ സാദ്ധ്യത സ്ഥിതി​ചെ​യ്‌തി​രു​ന്നു എന്ന്‌ അവർ നിഗമനം ചെയ്‌തി​രു​ന്നു​വെ​ങ്കിൽ കാര്യം കൈകാ​ര്യം ചെയ്യു​ന്ന​തിന്‌ ഒരു നീതി​ന്യാ​യ കമ്മററി​യെ നിയമി​ക്കു​ന്നത്‌ തിര​ഞ്ഞെ​ടു​ക്കു​മാ​യി​രു​ന്നു. (ഗലാത്യർ 5:9,10) സംശയി​ക്ക​പ്പെ​ടുന്ന വ്യക്തി കുറെ​ക്കാ​ല​മാ​യി മീററിം​ഗിൽ സംബന്ധി​ക്കാ​തെ​യും തന്നെ ഒരു യഹോ​വ​യു​ടെ സാക്ഷി​യാ​യി തിരി​ച്ച​റി​യി​ക്കാ​തെ​യും ഇരുന്നു​കൊണ്ട്‌ ഫലത്തിൽ ഒരു അംഗമെന്ന നിലയിൽനി​ന്നു രാജി​വെ​ച്ചി​രു​ന്നു​വെ​ങ്കിൽ, അവൾ തന്നെതന്നെ ഒരു സാക്ഷി​യാ​യി വീണ്ടും തിരി​ച്ച​റി​യി​ക്കാൻ തുടങ്ങുന്ന സമയം വരെ കാര്യം മാററി​വെ​ക്കാൻ അവർ തീരു​മാ​നി​ച്ചേ​ക്കാം.

മുന്നോ​ട്ടു ചിന്തി​ക്കു​ക

തൊഴി​ലു​ട​മ​കൾക്ക്‌ ക്രിസ്‌ത്യാ​നി​ക​ളായ തങ്ങളുടെ തൊഴി​ലാ​ളി​കൾ രഹസ്യം സൂക്ഷി​ക്കു​ന്ന​തി​നുള്ള നിയമങ്ങൾ ഉൾപ്പെടെ ‘നല്ല വിശ്വാ​സ്യത പൂർണ്ണ​മാ​യി’ പ്രകട​മാ​ക്കണം എന്ന്‌ പ്രതീ​ക്ഷി​ക്കു​ന്ന​തി​നുള്ള അവകാശം ഉണ്ട്‌. (തീത്തോസ്‌ 2:9,10) ഒരു പ്രതിജ്ഞ ചെയ്‌തി​ട്ടു​ണ്ടെ​ങ്കിൽ അതു നിസ്സാ​ര​മാ​യി എടുക്ക​രുത്‌. ഒരു പ്രതിജ്ഞ ഒരു വാഗ്‌ദാ​നത്തെ കൂടുതൽ ദൃഢവും ബന്ധിത​വും ആക്കുന്നു. (സങ്കീർത്തനം 24:4) നിയമം രഹസ്യം സംബന്ധിച്ച വ്യവസ്ഥയെ ദൃഢത​ര​മാ​ക്കു​ന്ന​ടത്ത്‌ സംഗതി പിന്നെ​യും ഗുരു​ത​ര​മാ​യി​ത്തീ​രു​ന്നു. അതു​കൊണ്ട്‌ ഒരു ക്രിസ്‌ത്യാ​നി ഒരു പ്രതി​ജ്ഞ​യെ​ടു​ക്കു​ക​യൊ തന്നെത്തന്നെ രഹസ്യം സൂക്ഷി​ക്കു​ന്ന​തി​നുള്ള ഒരു നിയ​ന്ത്ര​ണ​ത്തിൽ വെക്കു​ക​യൊ ചെയ്യു​ന്ന​തി​നു​മുമ്പ്‌, ജോലി​യോ​ടൊ മറെറ​ന്തി​നോ​ടെ​ങ്കി​ലു​മോ ഉള്ള ബന്ധത്തി​ലാ​യാ​ലും, ബൈബിൾ നിബന്ധ​ന​ക​ളോ​ടുള്ള ഏതെങ്കി​ലും വൈരു​ദ്ധ്യം ഹേതു​വാ​യി ഇതു ഏതു പ്രശ്‌നങ്ങൾ ഉളവാ​ക്കി​യേ​ക്കാ​മെന്നു സാദ്ധ്യ​മാ​കു​ന്ന​ട​ത്തോ​ളം തിട്ട​പ്പെ​ടു​ത്തു​ന്നത്‌ ബുദ്ധി​യാ​യി​രി​ക്കും. ഒരു സഹോ​ദ​ര​നൊ സഹോ​ദ​രി​യൊ ഒരു കക്ഷിയാ​യി​ത്തീ​രു​മ്പോൾ ഒരുവൻ കാര്യം എങ്ങനെ കൈകാ​ര്യം ചെയ്യും? സാധാ​ര​ണ​യാ​യി ഡോക്ടർമാ​രോ​ടു​കൂ​ടി​യും ആശുപ​ത്രി​ക​ളി​ലും കോട​തി​ക​ളി​ലും വക്കീലൻമാ​രോ​ടു​കൂ​ടി​യു​മുള്ള ജോലി​കൾ പോലു​ള്ള​വ​യി​ലാണ്‌ ഒരു പ്രശ്‌നം പൊന്തി വന്നേക്കാ​വു​ന്നത്‌. നമുക്കു കൈസ​റു​ടെ നിയമ​മൊ ഒരു പ്രതി​ജ്ഞ​യു​ടെ ഗൗരവ​മൊ അവഗണി​ക്കാൻ സാദ്ധ്യമല്ല, എന്നാൽ യഹോ​വ​യു​ടെ നിയമ​മാണ്‌ പരമോ​ന്നതം.

പ്രശ്‌നത്തെ മുൻകൂ​ട്ടി​ക്കാ​ണു​ന്ന​തി​നു വക്കീലൻമാ​രും ഡോക്ട​റൻമാ​രും കണക്കെ​ഴു​ത്തു​കാ​രും മററു​മായ ചില സഹോ​ദ​രൻമാർ മാർഗ്ഗ​നിർദ്ദേ​ശങ്ങൾ എഴുതി​ത​യ്യാ​റാ​ക്കി​യി​ട്ടുണ്ട്‌. അവരെ സമീപി​ച്ചേ​ക്കാ​വുന്ന സഹോ​ദ​രൻമാ​രോ​ടു എന്തെങ്കി​ലും രഹസ്യം വെളി​പ്പെ​ടു​ത്തു​ന്ന​തി​നു​മുമ്പ്‌ അവ വായി​ക്കു​ന്ന​തി​നു ആവശ്യ​പ്പെ​ട്ടി​ട്ടു​മുണ്ട്‌. അപ്രകാ​രം, ഗൗരവ​മുള്ള കുററ​കൃ​ത്യം വെളി​ച്ച​ത്തു​വ​ന്നെ​ങ്കിൽ ആ കാര്യം സംബന്ധിച്ച്‌ അയാളു​ടെ സഭയിലെ മൂപ്പൻമാ​രെ സമീപി​ക്കാൻ കുററ​ക്കാ​രനെ പ്രോൽസാ​ഹി​പ്പി​ക്കു​മെ​ന്നു​ള്ള​തു​സം​ബ​ന്ധി​ച്ചു മുൻകൂ​ട്ടി​യുള്ള ധാരണ ആവശ്യ​മാണ്‌. അയാൾ അപ്രകാ​രം ചെയ്യു​ന്നി​ല്ലെ​ങ്കിൽ ഉപദേ​ഷ്‌ടാ​വി​നു തന്നെ മൂപ്പൻമാ​രെ സമീപി​ക്കു​ന്ന​തി​നുള്ള ഒരു കടപ്പാടു തോന്ന​ണ​മെന്നു മനസ്സി​ലാ​ക്കേ​ണ്ട​താണ്‌.

ഒരു വിശ്വസ്‌ത ദൈവ​ദാ​സൻ ദൈവ​വ​ചനം സംബന്ധിച്ച തന്റെ അറിവി​ന്റെ അടിസ്ഥാ​ന​ത്തിൽ ദിവ്യ​നി​യ​മ​ത്തി​ന്റെ ശ്രേഷ്‌ഠ​മായ ആവശ്യങ്ങൾ നിമിത്തം തന്റെ വ്യക്തി​പ​ര​മായ ബോദ്ധ്യ​ങ്ങ​ളാൽ രഹസ്യം സംബന്ധിച്ച വ്യവസ്ഥ​കളെ വലിച്ചു നീട്ടു​ന്ന​തി​നൊ ലംഘി​ക്കു​ന്ന​തി​നു​പോ​ലു​മൊ പ്രേരി​ത​നാ​കുന്ന സന്ദർഭങ്ങൾ ഉണ്ടായി​രി​ക്കാം. ധൈര്യ​വും വിവേ​ച​ന​യും ആവശ്യ​മാ​യി​രി​ക്കും. മറെറാ​രാ​ളു​ടെ സ്വാത​ന്ത്ര്യ​ത്തിൻമേൽ ചാരവൃ​ത്തി നടത്തുക എന്നതാ​യി​രി​ക്ക​രുത്‌ ലക്ഷ്യം, പകരം തെററി​ല​ക​പ്പെ​ട്ട​യാ​ളെ സഹായി​ക്കു​ക​യും ക്രിസ്‌തീയ സഭയെ ശുദ്ധമാ​യി സൂക്ഷി​ക്കു​ക​യും ചെയ്യുക എന്നതാ​യി​രി​ക്കണം. പാപം​മൂ​ല​മുള്ള നിസ്സാര ലംഘന​ങ്ങളെ അവഗണി​ക്കണം. ഇവിടെ, “സ്‌നേഹം പാപങ്ങ​ളു​ടെ ബഹുത്വ​ത്തെ മറയ്‌ക്കു​ന്നു,” നാം “എഴുപ​ത്തേഴു വട്ടം വരെ” ക്ഷമിക്ക​യും വേണം. (മത്തായി 18:21,22) ഇതു “നിശബ്ദ​മാ​യി​രി​ക്കു​ന്ന​തി​നുള്ള” സമയമാണ്‌. എന്നാൽ വലിയ പാപങ്ങൾ മറയ്‌ക്കു​ന്ന​തി​നുള്ള ഒരു ശ്രമമു​ള്ള​പ്പോൾ, അതു “സംസാ​രി​ക്കു​ന്ന​തി​നുള്ള” സമയമാ​യി​രു​ന്നേ​ക്കാം. (w87 9/1)

[അടിക്കു​റി​പ്പു​കൾ]

[31-ാം പേജിലെ ചിത്രം]

ഒരു കുററം ചെയ്‌ത സാക്ഷിയെ, മൂപ്പൻമാർ ആ പ്രശ്‌നം ദയയോ​ടും ഗ്രാഹ്യ​ത്തോ​ടും കൂടെ കൈകാ​ര്യം ചെയ്യു​മെ​ന്നുള്ള ബോധ്യ​ത്തോ​ടെ അവരോ​ടു സംസാ​രി​ക്കു​ന്ന​തി​നു പ്രോൽസാ​ഹി​പ്പി​ക്കു​ന്നത്‌ ശരിയും സ്‌നേ​ഹ​പൂർവ​ക​വു​മായ ഗതിയാണ്‌.