സമ്പത്തി​ന്റെ​യും ദാരി​ദ്ര്യ​ത്തി​ന്റെ​യും അപകടങ്ങൾ

ബൈബിൾ സമ്പത്തിനെ അന്യാ​യ​മാ​യി കുററ​പ്പെ​ടു​ത്തു​ക​യും ദാരി​ദ്ര്യ​ത്തെ പ്രോൽസാ​ഹി​പ്പി​ക്കു​ക​യും ചെയ്യു​ന്നു​വോ? അനേകം ആളുക​ളും അങ്ങനെ വിചാ​രി​ക്കു​ന്നു. എന്നാൽ ബന്ധപ്പെട്ട രണ്ടു സദൃശ​വാ​ക്യ​ങ്ങൾ ഇതു വ്യക്തമാ​ക്കാൻ സഹായി​ക്കും.

സദൃശ​വാ​ക്യ​ങ്ങൾ 10:15 ഇപ്രകാ​രം പറയുന്നു: “ഒരു ധനികന്റെ വില​യേ​റിയ വസ്‌തു​ക്കൾ അവന്റെ ഉറപ്പുള്ള പട്ടണമാണ്‌. എളിയ​വ​രു​ടെ നാശം അവരുടെ ദാരി​ദ്ര്യം ആണ്‌.” പിന്നീട്‌ 16-ാം വാക്യം ഇങ്ങനെ കൂട്ടി​ച്ചേർക്കു​ന്നു: “നീതി​മാ​ന്റെ പ്രവർത്തനം ജീവനിൽ കലാശി​ക്കു​ന്നു; ദുഷ്ടന്റെ ഉൽപ്പന്നം പാപത്തിൽ കലാശി​ക്കു​ന്നു.” ഇവ രണ്ടും പരസ്‌പര പൂരക​ങ്ങ​ളാ​യി​രി​ക്കു​ന്ന​തെ​ങ്ങ​നെ​യെന്നു ശ്രദ്ധി​ക്കുക.

സമ്പത്തിന്‌ അതിന്റെ സൗകര്യ​ങ്ങ​ളും ദാരി​ദ്ര്യ​ത്തി​നു അതിന്റെ അസൗക​ര്യ​ങ്ങ​ളും ഉണ്ടെന്ന്‌ വാക്യം 15 വ്യക്തമാ​ക്കു​ന്നു. സ്വത്തുക്കൾ ഒരു ആളുടെ ജീവി​ത​ത്തി​ലെ ചില അനിശ്ചി​ത​ത്വ​ങ്ങ​ളിൽ നിന്നു സംരക്ഷി​ക്കു​ന്ന​തി​നു സഹായി​ച്ചേ​ക്കാം. ദരി​ദ്ര​നായ ഒരുവന്‌ അപ്രതീ​ക്ഷി​ത​മായ വികാ​സ​ങ്ങളെ സാമ്പത്തി​ക​മാ​യി അഭിമു​ഖീ​ക​രി​ക്കാൻ കഴിവി​ല്ലാ​ത്ത​തി​നാൽ കൂടു​ത​ലായ പ്രശ്‌നങ്ങൾ ഉണ്ടായി​രു​ന്നേ​ക്കാം. ഇതിൽ ബൈബിൾ യഥാത​ഥ​മാണ്‌.—സഭാ​പ്ര​സം​ഗി 7:12.

എന്നിരു​ന്നാ​ലും, 15-ാം വാക്യം സമ്പത്തും ദാരി​ദ്ര്യ​വും ഉൾപ്പെ​ടുന്ന ഒരു അപകടത്തെ സൂചി​പ്പി​ക്കു​ന്ന​താ​യും മനസ്സി​ലാ​ക്കാൻ കഴിയും. അനേകം ധനിക​രും തങ്ങളുടെ പൂർണ്ണാ​ശ്രയം തങ്ങളുടെ പണത്തിൽ വെക്കുന്നു; തങ്ങൾക്കാ​വ​ശ്യ​മായ മുഴു സംരക്ഷ​ണ​വു​മാ​യി അവർ അതിനെ വീക്ഷി​ക്കു​ന്നു. (സദൃശ​വാ​ക്യ​ങ്ങൾ 18:11) എന്നിരു​ന്നാ​ലും, സമ്പത്തിന്‌ ദൈവ​മു​മ്പാ​കെ ഒരു നല്ല പേരു ലഭിക്കു​ന്ന​തി​നൊ തങ്ങളുടെ നിലനിൽക്കുന്ന സന്തോഷം ഉറപ്പു​വ​രു​ത്തു​ന്ന​തി​നൊ അവരെ സഹായി​ക്കാൻ കഴിയു​ക​യില്ല. യഥാർത്ഥ​ത്തിൽ, സമ്പത്തിനു അതിനെ കൂടുതൽ പ്രയാ​സ​ക​ര​മാ​ക്കാൻ കഴിയും. തന്റെ കളപ്പു​രയെ കൂടുതൽ വലിപ്പ​പ്പെ​ടു​ത്തി​പ്പ​ണി​ത​വ​നും എന്നാൽ ദൈവി​ക​മാ​യി സമ്പന്നന​ല്ലാ​ഞ്ഞ​വ​നു​മാ​യി​രുന്ന ധനികനെ സംബന്ധിച്ച യേശു​വി​ന്റെ ദൃഷ്ടാന്തം ഇതു വ്യക്തമാ​ക്കു​ന്നു. (ലൂക്കോസ്‌ 12:16-21; 18:24-25) നേരേ​മ​റിച്ച്‌ അനേകം ദരി​ദ്ര​രും തങ്ങളുടെ ദാരി​ദ്ര്യം തങ്ങളുടെ ഭാവി ആശയറ​റ​താ​ക്കി​ത്തീർക്കു​ന്നു എന്ന്‌ തെററാ​യി വീക്ഷി​ക്കു​ന്നു.

വാക്യം 16 കാര്യത്തെ എങ്ങനെ സുവ്യ​ക്ത​മാ​ക്കു​ന്നു എന്ന്‌ ശ്രദ്ധി​ക്കുക. നീതി​മാ​നായ ഒരുവന്‌ സാമ്പത്തി​ക​മാ​യി അധിക​മൊ കുറച്ചൊ ഉണ്ടായി​രു​ന്നാ​ലും തന്റെ വേലക്കു ഉല്ലാസം കൈവ​രു​ത്താൻ കഴിയും. അവൻ തന്റെ വേലയിൽ നിന്നു ലഭിക്കുന്ന സാമ്പത്തിക നേട്ടത്തെ തനിക്കു ദൈവ​മു​മ്പാ​കെ​യുള്ള നല്ല നിലപാ​ടി​നെ ബാധി​ക്കാൻ അനുവ​ദി​ക്കു​ന്നില്ല. പകരം, ഒരു നീതി​മാ​നായ മമനു​ഷ്യ​ന്റെ ജീവി​ത​ത്തി​ലെ യത്‌ന​ങ്ങൾക്കു ഇപ്പോ​ഴത്തെ സന്തുഷ്ടി​ക്കു​പ​രി​യാ​യി ഭാവി​യി​ലെ നിത്യ​ജീ​വന്റെ ഉറപ്പും കൈവ​രു​ത്താൻ കഴിയും. (ഇയ്യോബ്‌ 42:10-13) ദുഷ്‌ടന്‌ ധാരാളം പണം ലഭിക്കു​ന്നെ​ങ്കിൽത​ന്നെ​യും പ്രയോ​ജ​ന​പ്പെ​ടു​ന്നില്ല. അയാൾ പണത്തിന്റെ സംരക്ഷക മൂല്യം വിലമ​തി​ക്ക​യും ദൈ​വേ​ഷ്ട​ത്തി​നു ചേർച്ച​യാ​യി ജീവി​ക്ക​യും ചെയ്യു​ന്ന​തി​നു പകരം തന്റെ ധനം ഒരു പാപ ജീവിതം നയിക്കാൻ ഉപയോ​ഗി​ക്കു​ന്നു. (w87 9/15)