ഒരു ക്രിയാ​ത്മക മനോ​ഭാ​വം വച്ചുപു​ലർത്തു​ക

അതു വേനൽക്കാ​ലാ​രം​ഭ​ത്തി​ലെ ഒരു പ്രഭാ​ത​മാ​യി​രു​ന്നു. എന്നാൽ മദ്ധ്യ പൗരസ്‌ത്യ സൂര്യൻ ശോഭാ​യ​മാ​ന​മാ​യി പ്രകാ​ശി​ച്ചു കഴിഞ്ഞി​രു​ന്നു, അപ്പോൾ ഒരു പിതാ​വി​നു ശോകാ​കു​ല​മായ ആ വാർത്ത ലഭിച്ചു. ആ രാത്രി​യിൽ അയാളു​ടെ 22 വയസ്സു​ണ്ടാ​യി​രുന്ന മൂത്ത മകൻ കാറപ​ക​ട​ത്തിൽ മരണ മടഞ്ഞു.

അത്തരം ഒരു വാർത്തയെ നിങ്ങൾ എങ്ങനെ പ്രതി​ക​രി​ക്കു​മാ​യി​രു​ന്നു. മദ്ധ്യ പൗരസ്‌ത്യ​ദേ​ശ​ത്തി​ലാ​യി​രു​ന്ന​തി​നാൽ കുടും​ബാം​ഗങ്ങൾ വളരെ അടുപ്പ​മു​ള്ള​വ​രാ​യി​രു​ന്നു. അതു​കൊണ്ട്‌ മാതാ​പി​താ​ക്കൾ നിശ്ചയ​മാ​യും സംഭ്രാ​ന്ത​രാ​യി​രു​ന്നി​രി​ക്കും. പെട്ടെ​ന്നുള്ള ഈ ദു:ഖ പര്യവ​സാ​ന​ത്തിൽ അവർ വളരെ വേദന​യു​ള്ള​വ​രാ​യി​ത്തീ​രുക എന്നത്‌ സ്വാഭാ​വി​ക​മാ​യി തോന്നി​യി​രു​ന്നു. എന്നിരു​ന്നാ​ലും, ആ സമുദാ​യത്തെ അതിശ​യി​പ്പി​ക്കു​മാറ്‌ ആദ്യദി​വസം തന്നെ അവർ ഒരു ക്രിയാ​ത്മക മനോ​ഭാ​വം കാണിച്ചു. വളരെ ദു:ഖമുണ്ടാ​യി​രു​ന്നെ​ങ്കി​ലും യഹോ​വ​യു​ടെ നിയമിത സമയത്ത്‌ തങ്ങളുടെ മകനെ പുനരു​ത്ഥാ​ന​പ്പെ​ടു​ത്തു​ന്ന​തി​നുള്ള അവന്റെ കഴിവിൽ അവർക്കു പൂർണ്ണ​മായ വിശ്വാ​സ​മു​ണ്ടാ​യി​രു​ന്നു. “മേലാൽ മരണമി​ല്ലാത്ത” ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ വ്യവസ്ഥി​തി​ക്കു​വേണ്ടി അവർ നോക്കി​പ്പാർത്തു. (വെളി​പ്പാട്‌ 21:4) വർഷങ്ങൾക്കു​ശേഷം, ഇന്നു​പോ​ലും, ആ കുടും​ബത്തെ അറിയാ​വുന്ന ആളുകൾ ആ മാതാ​പി​താ​ക്ക​ളു​ടെ മനോ​ഭാ​വ​ത്തെ​ക്കു​റി​ച്ചും അവരുടെ മാതൃ​കാ​പ​ര​മായ വിശ്വാ​സ​ത്തെ​ക്കു​റി​ച്ചും സംസാ​രി​ക്കു​ന്നു.

ഒരു ക്രിയാ​ത്മക മനോ​ഭാ​വ​മു​ണ്ടാ​യി​രിക്ക എന്നതിന്റെ അർത്ഥ​മെന്ത്‌? ഒരു ക്രിയാ​ത്മക മനോ​ഭാ​വ​മുള്ള ആൾ മാറി​വ​രുന്ന സാഹച​ര്യ​ങ്ങ​ളി​ലും തന്നെത്തന്നെ സമനി​ല​യു​ള്ള​വ​നാ​യി നിലനിർത്തും. പരി​ശോ​ധ​നാ​ഘ​ട്ട​ത്തിൻ കീഴി​ലും അയാൾ നിഷേ​ധാ​ത്മക ചിന്തകൾ അയാളെ ഭരിക്കാൻ അനുവ​ദി​ച്ചു​കൊണ്ട്‌ പരുഷ​നാ​യി​ത്തീ​രു​ക​യില്ല. ഇത്‌ എങ്ങനെ സാധി​ക്കും? കുറെ പ്രതി​വി​ധി​കൾ കണ്ടുപി​ടി​ക്കു​ന്ന​തി​നു നമുക്കു ചില ബൈബിൾ ദൃഷ്ടാ​ന്തങ്ങൾ പരിഗ​ണി​ക്കാം.

മാനുഷ ഭയത്തെ അഭിമു​ഖീ​ക​രി​ക്കു​മ്പോൾ

ക്രി. മു. 1512-ൽ യിസ്രാ​യേൽ ജനം പാരാൻ മരുഭൂ​മി​യി​ലാ​യി​രു​ന്ന​പ്പോൾ വാഗ്‌ദ​ത്ത​ദേശം പരി​ശോ​ധി​ക്കു​ന്ന​തിന്‌ 12 ഒററു​കാ​രെ അയച്ചു. (സംഖ്യാ​പു​സ്‌തകം 13:17-20) ഈ ഒററു​കാ​രെ​ല്ലാം അതതു ഗോ​ത്ര​ത്തി​ലെ പ്രഭു​ക്കൻമാർ—നല്ല മാതൃ​ക​ക​ളാ​യി​രി​ക്ക​ണ​മെന്നു സങ്കൽപ്പി​ക്ക​പ്പെ​ട്ടി​രുന്ന സ്വാധീ​ന​മുള്ള പുരു​ഷൻമാർ ആയിരു​ന്നു. (സംഖ്യാ​പു​സ്‌തകം 13:1, 2) എന്നാൽ എത്ര ലജ്ജാകരം! 40 ദിവസ​ങ്ങൾക്കു​ശേഷം, യിസ്രാ​യേ​ല്യർ യഹോ​വ​യു​ടെ മാർഗ്ഗ​നിർദ്ദേ​ശ​ത്തി​നു എതിരെ മത്സരി​ക്ക​യും ഈജി​പ്‌റ​റി​ലേക്കു മടങ്ങി​പ്പോ​കാൻ ആഗ്രഹി​ക്ക​യും ചെയ്യത്ത​ക്ക​വണ്ണം അവരിൽ പത്തുപേർ പ്രതി​കൂ​ല​മായ ഒരു റിപ്പോർട്ടു നൽകി! ഒററു​കാർ ഇപ്രകാ​രം പറഞ്ഞു: “ആ ദേശത്തു വസിക്കു​ന്നവർ ബലവാൻമാ​രാണ്‌. നമുക്ക്‌ ആ ജനത്തിന്‌ എതിരെ ചെല്ലാൻ സാദ്ധ്യമല്ല.”—സംഖ്യാ​പു​സ്‌തകം 13:28, 31)

എത്ര നിഷേ​ധാ​ത്മ​ക​മായ മനോ​ഭാ​വം! ശേഷിച്ച രണ്ടു ഒററു​കാ​രായ യോശു​വ​യു​ടെ​യും കാലേ​ബി​ന്റെ​യും ക്രിയാ​ത്മ​ക​മായ മനോ​ഭാ​വ​ത്തിൽ എത്ര വൈപ​രീ​ത്യ​വും കാണുന്നു: “ഞങ്ങൾ സഞ്ചരിച്ചു ഒററു​നോ​ക്കിയ ദേശം വളരെ വളരെ നല്ല ഒരു ദേശമാണ്‌. യഹോവ നമ്മിൽ പ്രസാദം കണ്ടെത്തു​ന്നു എങ്കിൽ അവൻ നമ്മെ നിശ്ചയ​മാ​യും പാലും തേനും ഒഴുകുന്ന ആ ദേശ​ത്തെക്കു കൊണ്ടു​പോ​ക​യും അതു നമുക്കു നൽകു​ക​യും ചെയ്യും.” (സംഖ്യാ​പു​സ്‌തകം 14:7, 8; 13:30) ദേശം ഒററു​നോ​ക്കി​യ​പ്പോൾ രണ്ടു കൂട്ടരും ഒരേ കാര്യങ്ങൾ തന്നെയാണ്‌ കണ്ടിരു​ന്നത്‌. എന്നാൽ മനോ​ഭാ​വ​ത്തിൽ എത്ര വ്യത്യാ​സം! പത്തു ഒററു​കാ​രു​ടെ നിഷേ​ധാ​ത്മക മനോ​ഭാ​വം മുഴു ജനത​യെ​യും ബാധി​ക്ക​യും അവർ പിറു​പി​റു​ക്കാൻ തുടങ്ങു​ക​യും ചെയ്‌തു. അതു അവരിൽ 20 വയസ്സിൽ കവിഞ്ഞ എല്ലാവ​രും മരുഭൂ​മി​യിൽ മരിക്കു​ന്ന​തിൽ കലാശി​ച്ചു. യോശു​വ​യു​ടെ​യും കാലേ​ബി​ന്റെ​യും യഹോ​വ​യി​ങ്ക​ലുള്ള ക്രിയാ​ത്മ​ക​മായ ആശ്രയ​ത്വം മൂലം അവർ മാത്രം വാഗ്‌ദ​ത്ത​ദേ​ശത്തു പ്രവേ​ശി​ക്കു​ന്ന​തി​നു പദവി​യു​ള്ള​വ​രാ​യി​ത്തീർന്നു. (സംഖ്യാ​പു​സ്‌തകം 14:22-30) അവരുടെ ദൃഷ്ടാന്തം, പീഡന​മോ എതിർപ്പോ ഉണ്ടാക​യോ വർദ്ധി​ക്ക​യോ ചെയ്യു​മ്പോൾ വിശ്വാ​സ​ത്തിൽ നിലനിൽക്കു​ന്ന​തി​നും ക്രിയാ​ത്മക മനോ​ഭാ​വം പുലർത്തു​ന്ന​തി​നും ഈ കാലത്ത്‌ നമ്മെ പ്രോ​ത്സാ​ഹി​പ്പി​ക്കണം.

അനേക വർഷങ്ങ​ളാ​യി നിരോ​ധ​ന​ത്തിൻ കീഴി​ലാ​യി​രുന്ന ഒരു രാജ്യത്ത്‌ ഒരു പ്രത്യേക പയനി​യറെ തടവിൽ ആക്കയും വളരെ മോശ​മാ​യി പെരു​മാ​റു​ക​യും ചെയ്‌തു. അയാൾ ഇപ്രകാ​രം ഓർമ്മി​ക്കു​ന്നു: “ഉദ്യോ​ഗ​സ്ഥൻമാർ എത്ര കഠിന​രാ​യി​ത്തീർന്നോ അത്രക്കു കൂടുതൽ ഞാൻ യഹോ​വ​യോട്‌ അടുത്ത​താ​യി അനുഭ​വ​പ്പെട്ടു. ഞാൻ രാജ്യ ഗീതങ്ങൾ പാടി. എനിക്ക​റി​യാ​മാ​യി​രുന്ന എല്ലാ തിരു​വെ​ഴു​ത്തു​ക​ളും ഞാൻ ഓർമ്മി​ച്ചു. ഇതു സംഭവി​ക്കാൻ യഹോവ അനുവ​ദി​ച്ചി​രു​ന്നെ​ങ്കി​ലും ഏതു നിമി​ഷ​ത്തി​ലും എന്നെ വിടു​വി​ക്കാൻ അവനു കഴിയു​മെന്നു ഞാൻ തിരി​ച്ച​റി​ഞ്ഞി​രു​ന്നു. ഇവയെ​ല്ലാം ഒരു ക്രിയാ​ത്മക മനോ​ഭാ​വ​മു​ണ്ടാ​യി​രി​ക്കാൻ എന്നെ സഹായി​ച്ചു. അപ്പോ​സ്‌ത​ലൻമാ​രെ​പ്പോ​ലെ, യഹോ​വ​യു​ടെ സർവ്വശ​ക്തി​യുള്ള നാമത്തി​നു​വേണ്ടി അടി ഏൽക്കേ​ണ്ടി​വ​ന്ന​തിൽ ഞാൻ സന്തോ​ഷി​ച്ചു. എന്നെ ശക്തി​പ്പെ​ടു​ത്തു​ന്ന​തി​നു​വേണ്ടി ഞാൻ നിരന്തരം യഹോ​വ​യോട്‌ പ്രാർത്ഥി​ച്ചു. അവൻ എന്റെ സഹായ​ത്തി​നു വന്നതി​നാൽ ആദ്യത്തെ അടി മാത്രമേ വ്രണ​പ്പെ​ടു​ത്തി​യു​ള്ളു. ഞാൻ മററു തടവു​കാ​രോട്‌ പ്രസം​ഗി​ക്കു​ന്ന​തി​നു എല്ലാ അവസര​വും ഉപയോ​ഗി​ച്ചു.”

തടവിൽ നിന്നു മോചി​ത​നാ​യ​ശേഷം ഈ ക്രിസ്‌ത്യാ​നി ഇങ്ങനെ പറഞ്ഞു: “നാം നമ്മുടെ ജീവൻ യഹോ​വ​യ്‌ക്കു സമർപ്പി​ച്ചി​രി​ക്കു​ന്ന​തി​നാ​ലും അവനോ​ടു വിശ്വ​സ്‌ത​രാ​യി നിൽക്കാ​മെന്നു വാഗ്‌ദാ​നം ചെയ്‌തി​രി​ക്കു​ന്ന​തി​നാ​ലും ഏതു പ്രയാ​സ​ങ്ങ​ളി​ലും നാം അവനെ സേവി​ക്കു​ന്ന​തിൽ തുടരണം. അവൻ നമ്മുടെ ആരാധ​ന​യും പൂർണ്ണ​മായ ഭക്തിയും അർഹി​ക്കു​ന്നു.”

നാമും ഭാവി​യിൽ സമാന​മായ എതിർപ്പു അഭിമു​ഖീ​ക​രി​ച്ചേ​ക്കാം. നമുക്കും അതു​പോ​ലെ മനുഷ്യ​രെ ഭയപ്പെ​ടു​ക​യി​ല്ലെ​ന്നുള്ള ദൃഢ തീരു​മാ​നം ചെയ്യാം. ഒരു ക്രിയാ​ത്മത മനോ​ഭാ​വം. വെച്ചു​പു​ലർത്തുക, യോശു​വ​യു​ടെ​യും കാലേ​ബി​ന്റെ​യും കാര്യ​ത്തി​ലെ​ന്ന​പോ​ലെ അനേക അനു​ഗ്ര​ഹ​ങ്ങ​ളും പ്രതി​ഫ​ല​ങ്ങ​ളും നമുക്കും നൽകും.

സേവന പദവികൾ നഷ്ടപ്പെ​ടു​മ്പോൾ

യിസ്രാ​യേൽ ജനതയു​ടെ നേതാ​വെ​ന്ന​നി​ല​യിൽ മോ​ശെ​യാ​യി​രു​ന്നു 12 ഒററു​കാ​രെ അയച്ചത്‌. അവൻ ആ ജനങ്ങളെ ഈജി​പ്‌റ​റിൽ നിന്നു നയിച്ചു, നിസ്സം​ശ​യ​മാ​യി വാഗ്‌ദത്ത ദേശ​ത്തേക്കു അവരെ നയിക്കു​ന്നത്‌ അവനാ​യി​രി​ക്കു​മെന്ന്‌ പ്രതീ​ക്ഷി​ക്ക​യും ചെയ്‌തി​രു​ന്നു. എന്നിരു​ന്നാ​ലും, പ്രകോ​പ​ന​ത്തി​ന്റെ ഒരു നിമി​ഷ​ത്തിൽ മോശെ യഹോ​വ​യു​ടെ നാമം മഹത്വ​പ്പെ​ടു​ത്തു​ന്ന​തിൽ പരാജ​യ​പ്പെ​ട്ട​തി​നാൽ അവന്‌ ആ പദവി നഷ്ടപ്പെട്ടു. (സംഖ്യാ​പു​സ്‌തകം 20:2-13) അപ്പോൾ മോശെ എങ്ങനെ പ്രതി​ക​രി​ച്ചു? അവൻ പിന്നീട്‌ രചിച്ച ഒരു ഗീതത്തിൽ ഇപ്രകാ​രം വർണ്ണിച്ചു: “ഞാൻ യഹോ​വ​യു​ടെ നാമം ഘോഷി​ക്കും . . . പാറ, അവന്റെ പ്രവൃ​ത്തി​കൾ പൂർണ്ണ​ത​യു​ള്ള​വ​യാ​കു​ന്നു. എന്തു​കൊ​ണ്ടെ​ന്നാൽ അവന്റെ എല്ലാ വഴിക​ളും നീതി​യു​ള്ള​വ​യാ​കു​ന്നു. വിശ്വ​സ്‌ത​ത​യുള്ള ഒരു ദൈവം, അനീതി അവനിൽ ഇല്ല; അവൻ നീതി​യും ന്യായ​വും ഉള്ളവനാ​കു​ന്നു.” (ആവർത്തനം 32:3, 4) മോ​ശെക്ക്‌ സേവന​ത്തി​ന്റെ ഒരു പ്രധാന പദവി നഷ്ടപ്പെ​ട്ടെ​ങ്കി​ലും അവന്‌ എത്ര നല്ല മനോ​ഭാ​വ​മാണ്‌ ഉണ്ടായി​രു​ന്നത്‌!

നമുക്ക്‌ എന്നെങ്കി​ലും സമാന​മായ ഒരു സാഹച​ര്യ​ത്തെ അഭിമു​ഖീ​ക​രി​ക്കേണ്ടി വന്നാൽ, മോ​ശെ​യു​ടെ ഈ അനുഭവം ഓർമ്മി​ക്കു​ന്നതു നമ്മെ സഹായി​ക്കും. ഒരു സഭയിലെ മൂപ്പൻമാ​രു​ടെ സംഘം, ഒരു മൂപ്പനോ ശുശ്രൂ​ഷാ​ദാ​സ​നോ, ഒരുപക്ഷേ അയാളു​ടെ ഈ സേവന​പ​ദ​വി​ക്കാ​വ​ശ്യ​മായ ഒന്നോ രണ്ടോ തിരു​വെ​ഴു​ത്തു യോഗ്യ​ത​ക​ളിൽ കുറവു​ള്ള​വ​നാ​യി​ത്തീർന്ന​തി​നാൽ അയാളെ നീക്കു​ന്ന​തി​നു ശുപാർശ ചെയ്‌തേ​ക്കാം. ആ സഹോ​ദരൻ നീക്കം ചെയ്യൽ അർഹി​ക്കു​ന്നി​ല്ലെന്നു വിചാ​രി​ക്ക​യും തകരാ​റി​ലാ​യി​ത്തീ​രു​ക​യും അനാവ​ശ്യ​മാ​യി ആകുല​ത​ക്കി​ട​യാ​ക്ക​യും ചെയ്‌തേ​ക്കാം. ഒരു നിഷേ​ധാ​ത്മക ചിന്തയിൽ അയാൾ മററു​ള്ള​വ​രിൽ തെററു കണ്ടുപി​ടി​ച്ചു​കൊണ്ട്‌ പിറു​പി​റു​ക്കാ​നും അപവാദം പറയാൽപോ​ലു​മോ തുടങ്ങി​യേ​ക്കാം. ക്രമേണ അയാൾ മീററിം​ഗി​നു ഹാജരാ​ക​ലും പ്രസം​ഗ​പ്ര​വർത്ത​ന​വും നിർത്തി​യേ​ക്കാം. എത്ര മോശ​മായ അവസ്ഥയിൽ വന്നു ചേരുന്നു. ഒരു ക്രിയാ​ത്മക മനോ​ഭാ​വം വെച്ചു​പു​ലർത്തു​ക​യും യഹോ​വ​യു​ടെ ഒരു മെച്ചപ്പെട്ട ദാസനാ​യി​ത്തീ​രു​ന്ന​തി​നുള്ള ഒരു പരിശീ​ല​ന​മാ​യോ ശിക്ഷണ​മാ​യോ നീക്കലി​നെ പരിഗ​ണി​ക്ക​യും ചെയ്യു​ന്നതു എത്രയി​ധി​കം മെച്ചമാ​യി​രി​ക്കും. അയാൾക്ക്‌ ദൈവത്തെ പൂർണ്ണ​മാ​യി സേവി​ക്കു​ന്ന​തി​നാ​വ​ശ്യ​മായ യോഗ്യ​തകൾ വീണ്ടെ​ടു​ക്കു​ന്ന​തി​നു ദൈവ​ത്തി​ന്റെ വചനം പഠിക്കു​ന്ന​തി​നും ധ്യാനി​ക്കു​ന്ന​തി​നും ആ അവസരത്തെ പിടി​ച്ചെ​ടു​ക്കാൻ കഴിയും. അപ്രകാ​രം ചെയ്‌ത പലരും പിന്നീട്‌ സേവന​ത്തി​ന്റെ അതിലും വലിയ പദവി​ക​ളാൽ അനു​ഗ്ര​ഹി​ക്ക​പ്പെ​ട്ടി​ട്ടുണ്ട്‌.—എബ്രായർ 12:11.

അവിചാ​രിത മാററങ്ങൾ സംഭവി​ക്കു​മ്പോൾ

ചിലർ നിരാ​ശി​ത​രാ​യി​ത്തീ​രു​ന്ന​തി​നും ഒരു നിഷേ​ധാ​ത്മക മനോ​ഭാ​വം അനുവർത്തി​ക്കു​ന്ന​തി​നും ഇടയാ​ക്കി​യേ​ക്കാ​വുന്ന അവിചാ​രിത മാററങ്ങൾ കൊണ്ട്‌ നിറഞ്ഞ​താണ്‌ ജീവിതം. നിങ്ങൾ ആശിച്ച​തു​പോ​ലെ​തന്നെ ചിലത്‌ നടക്കാ​തി​രുന്ന ഒടുവി​ലത്തെ സന്ദർഭത്തെ നിങ്ങൾ എങ്ങനെ പ്രതി​ക​രി​ച്ചു? നാം അനുവ​ദി​ക്കു​ന്നെ​ങ്കിൽ നിസാര സംഭവ​ങ്ങൾക്കു​പോ​ലും നമ്മെ നിരു​ത്സാ​ഹി​ത​രാ​ക്കാൻ കഴിയും. എന്നാൽ ഇതു ഒരിക്ക​ലും മറക്കരുത്‌: ഒരു ക്രിയാ​ത്മത മനോ​ഭാ​വം വെച്ചു​പു​ലർത്തു​ന്നത്‌ മാററം വന്ന സാഹച​ര്യ​ത്തെ അഭിമു​ഖീ​ക​രി​ക്കാൻ നിങ്ങളെ സഹായി​ക്കും.

ഓർമ്മി​ക്കു​ന്ന​തി​നുള്ള ഒരു നല്ല ദൃഷ്ടാന്തം രൂത്തി​ന്റെ​താണ്‌. ചെറു​പ്പ​ത്തി​ലെ വിധവ​യാ​യി​ത്തീർന്ന അവൾ തന്റെ അമ്മാവി​യ​മ്മ​യാ​യി​രുന്ന നവോ​മി​യോ​ടൊത്ത്‌, യെരൂ​ശ​ലേ​മി​ലെ ക്ഷാമം അവസാ​നി​ച്ച​പ്പോൾ അങ്ങോട്ടു മടങ്ങി​പ്പോ​യി. പ്രാഥ​മിക ആവശ്യങ്ങൾ പോലും പ്രദാനം ചെയ്യാൻ ഒരു ഭർത്താ​വി​ല്ലാ​തി​രു​ന്നി​ട്ടു​കൂ​ടി​യും രൂത്ത്‌ ഒരു ക്രിയാ​ത്മക മനോ​ഭാ​വം വെച്ചു​പു​ലർത്തി. സന്തോ​ഷ​ത്തോ​ടെ, അവൾക്കും അവളുടെ അമ്മാവി​അ​മ്മ​ക്കും ആഹാര​സാ​ധനം ലഭ്യമാ​ക്കു​ന്ന​തി​നു കൊയ്‌ത്തു​കാ​രു​ടെ പിന്നാലെ വയലിൽ കാലാ പെറു​ക്കാൻ പോയി. ആ കഠിന​വേല അവളെ നിരാ​ശി​ത​യാ​ക്കി​യില്ല. അവൾ തന്റെ ഭർത്താവു നഷ്ടപ്പെട്ടു എന്നും ഇപ്പോൾ തന്റെ കുടും​ബ​ത്തിൽനി​ന്നും കൂട്ടു​കാ​രിൽ നിന്നും വളരെ അകലെ​യാ​ണെ​ന്നും ഉള്ള വസ്‌തുത സംബന്ധി​ച്ചു വിലപി​ച്ചു​കൊണ്ട്‌ ഒരു നിഷേ​ധാ​ത്മക മനോ​ഭാ​വം അനുവർത്തി​ച്ചില്ല. രേഖ കാണി​ക്കു​ന്ന​ത​നു​സ​രി​ച്ചു യഹോവ അവളുടെ നല്ല ഗതിക്ക്‌ സമൃദ്ധ​മാ​യി പ്രതി​ഫലം നൽകി.—രൂത്ത്‌ 4:13-17.

ഒരു ക്രിയാ​ത്മക മനോ​ഭാ​വം വെച്ചു​പു​ലർത്തു​ന്ന​വി​ധം

ഒരു ക്രിയാ​ത്മക മനോ​ഭാ​വം വെച്ചു​പു​ലർത്തു​ന്നതു ചിലർക്കു പ്രയാ​സ​ക​ര​മാണ്‌. ജീവി​തോൽക്ക​ണ്‌ഠ​കൾക്ക്‌, പ്രത്യേ​കി​ച്ചു നാം ജീവി​ക്കുന്ന ഈ കുഴപ്പം നിറഞ്ഞ കാലത്ത്‌, ഒരുവന്റെ സന്തോ​ഷത്തെ കെടു​ത്തി​ക്ക​ള​യാൻ കഴിയും—പ്രത്യേ​കി​ച്ചും വേദന​പ്പെ​ടു​ത്തി​ക്കൊ​ണ്ടി​രി​ക്കുന്ന പ്രശ്‌നങ്ങൾ നിലവി​ലു​ള്ള​പ്പോൾ. എന്നിരു​ന്നാ​ലും പ്രതി​കൂല സാഹച​ര്യ​ങ്ങ​ളിൽപോ​ലും ഒരുവനു ക്രിയാ​ത്മ​ക​മായ മനോ​ഭാ​വം വെച്ചു​പു​ലർത്താൻ കഴിയും. ഏററം വിഷമി​പ്പി​ക്കുന്ന ഘട്ടങ്ങളിൽപോ​ലും അനേകർ അപ്രകാ​രം ചെയ്‌തി​രി​ക്കു​ന്നു. നമുക്കും എപ്രകാ​രം അങ്ങനെ ചെയ്യാൻ കഴിയും?

നിഷേ​ധാ​ത്മക കാര്യ​ങ്ങ​ളിൽ തങ്ങിനിൽക്കാൻ പരി​ശ്ര​മി​ക്കാ​തി​രി​ക്കുക. വലിയ വിഷമ​ഘ​ട്ട​ങ്ങ​ളിൽ പോലും ക്രിയാ​ത്മക വശങ്ങൾ കണ്ടെത്താൻ കഴിയും. അപ്പോ​സ്‌ത​ലൻമാർ മിക്ക​പ്പോ​ഴും പീഡി​പ്പി​ക്ക​പ്പെ​ടു​ക​യോ ജയിലി​ല​ട​ക്ക​പ്പെ​ടു​ക​യോ ചെയ്‌തെ​ങ്കി​ലും അവർ അപ്പോ​ഴും യഹോ​വയെ സ്‌തു​തി​ക്കാൻ സാധി​ച്ച​തിൽ സന്തുഷ്ട​രാ​യി​രു​ന്നു. (പ്രവൃ​ത്തി​കൾ 13:5-52; 14:19-22; 16:22-25) നമുക്ക്‌ അവരും യഹോ​വ​യു​ടെ മററു വിശ്വസ്‌ത ദാസൻമാ​രും പരി​ശോ​ധ​നാ​ഘ​ട്ട​ങ്ങ​ളിൽ ചെയ്‌ത​തു​സം​ബ​ന്ധി​ച്ചു ധ്യാനി​ക്കു​ന്ന​തി​നും നമ്മുടെ സ്വന്തം ജീവി​ത​ത്തി​നു​വേണ്ടി പാഠങ്ങൾ തേടു​ന്ന​തി​നും കഴിയും. അവർ സന്തുഷ്ട​രും ക്രിയാ​ത്മക ചിന്തയു​ള്ള​വ​രും ആയിരു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അവർക്ക്‌ യഹോ​വ​യിൽ പൂർണ്ണ​മായ ഉറപ്പും വിശ്വാ​സ​വും ഉണ്ടായി​രു​ന്നു. പുനരു​ത്ഥാ​നം നൽകു​ന്ന​തി​നും പ്രതി​ഫലം നൽകു​ന്ന​തി​നും ഉള്ള അവന്റെ കഴിവിൽ അവർ ആശ്രയി​ച്ചി​രു​ന്നു. (വെളി​പ്പാട്‌ 2:10) അതു​പോ​ലെ, യഹോ​വ​യു​ടെ നീതി​യുള്ള നൂതന​ക്ര​മ​ത്തി​ലുള്ള നിങ്ങളു​ടെ പ്രത്യാ​ശയെ വ്യക്തമാ​യി മനസ്സിൽ സൂക്ഷി​ക്കുക.—എബ്രായർ 12:2 താരത​മ്യ​പ്പെ​ടു​ത്തുക.

നാം നമ്മെത്തന്നെ സൂക്ഷ്‌മ​മാ​യി പരി​ശോ​ധി​ച്ചു​കൊ​ണ്ടി​രി​ക്ക​യും വേണം, അല്ലാത്ത​പക്ഷം നിഷേ​ധാ​ത്മക ചിന്തകൾ കടന്നാ​ക്ര​മണം നടത്തു​ക​യും നമ്മുടെ ഹൃദയ​ങ്ങ​ളിൽ വേരൂ​ന്നു​ക​യും ചെയ്യും. നാം നിരാ​ശി​ത​രാ​യി​ത്തീ​രു​ന്നെ​ങ്കിൽ യഹോ​വ​യോട്‌ അടുത്തു നിൽക്കു​ന്ന​തും അവന്റെ സഹായ​ത്തി​നു​വേണ്ടി പ്രാർത്ഥി​ക്കു​ന്ന​തും എത്ര പ്രയോ​ജ​ന​പ്ര​ദ​മാ​യി​രി​ക്കും! (സങ്കീർത്തനം 62:8) മൂപ്പൻമാ​രിൽ നിന്നും കെട്ടു​പണി ചെയ്യുന്ന സഹായം തേടാൻ കഴിയും. വിനയ​ത്തി​ന്റെ​യും അനുസ​ര​ണ​ത്തി​ന്റെ​യും ആത്മാവ്‌ നട്ടുവ​ളർത്തുക. (സങ്കീർത്തനം 119:69, 70) ജീവി​ത​ത്തിൽ ആരോ​ഗ്യാ​വ​ഹ​മായ, എത്തി​ച്ചേ​രാൻ കഴിയുന്ന ലക്ഷ്യങ്ങൾ വെക്കുക. ഈ നിർദ്ദേ​ശങ്ങൾ എല്ലാം ഒരു ക്രിയാ​ത്മക മനോ​ഭാ​വം വെച്ചു​പു​ലർത്തു​ന്ന​തി​നും ‘നമ്മുടെ ഹൃദയ​ങ്ങ​ളെ​യും നമ്മുടെ മാനസ്സിക പ്രാപ്‌തി​ക​ളെ​യും കാക്കുന്ന’ “ദൈവ സമാധാ​നം” ഉണ്ടായി​രി​ക്കു​ന്ന​തി​നും നമ്മെ സഹായി​ക്കും.—ഫിലി​പ്യർ 4:6, 7.

ഒരു ക്രിയാ​ത്മക മനോ​ഭാ​വ​മു​ണ്ടാ​യി​രിക്ക എന്നത്‌ എപ്പോ​ഴും എളുപ്പമല്ല എന്നതു സത്യം​തന്നെ. എന്നിരു​ന്നാ​ലും, തീക്ഷ്‌ണ​മായ ശ്രമത്താ​ലും ശക്തമായ വിശ്വാ​സ​ത്താൽ പ്രേരി​ത​മാ​യും അത്തരം മനോ​ഭാ​വം നട്ടുവ​ളർത്താൻ കഴിയും. അതു​കൊണ്ട്‌, നമ്മുടെ സാഹച​ര്യ​ങ്ങൾ എന്തുത​ന്നെ​യാ​യി​രു​ന്നാ​ലും നമു​ക്കെ​ല്ലാം ഒരു ക്രിയാ​ത്മക വീക്ഷണം വെച്ചു​പു​ലർത്തു​ന്ന​തി​നു തീരു​മാ​നം ചെയ്യാം. അതു നമുക്കു നഷ്ടം കൈവ​രു​ത്തു​ക​യില്ല, എന്നാൽ, പകരം, ഇപ്പോ​ഴും ഭാവി​യി​ലും അനേകം സന്തുഷ്ട​പ്ര​തി​ഫ​ല​ങ്ങ​ളി​ലേക്കു നയിക്കും. (w86 6/1)

[29-ാം പേജിലെ ചിത്രം]

ഒരു ക്രിയാ​ത്മക മനോ​ഭാ​വം വെച്ചു​പു​ലർത്തുക, അനേകം അനു​ഗ്ര​ഹ​ങ്ങ​ളും പ്രതി​ഫ​ല​ങ്ങ​ളും നിങ്ങൾക്കു വന്നു​ചേ​രു​ക​യും ചെയ്യും