രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

വെറും ഒൻപതു ദിവസ​ങ്ങൾകൊണ്ട്‌!

“അത്ഭുതാ​വഹം!” ആ ഒററ പദമാ​യി​രു​ന്നു 1985, ഓഗസ്‌ററ്‌ 14-ലെ കാനഡ, വാൻകൂ​വർ ഐലണ്ടി​ലെ ഒരു വർത്തമാ​ന​പ്പ​ത്ര​ത്തി​ന്റെ മുഖ പ്രസം​ഗ​ത്ത​ല​ക്കെട്ട്‌. ആ മുഖ​പ്ര​സം​ഗം ഒരു 25,000 ചതുരശ്ര അടി (2,300 ച. മീ.) അസംബ്ലി​ഹോൾ വെറും ഒൻപതു​ദി​വ​സ​ങ്ങൾകൊ​ണ്ടു പണിതീർത്തതു വിവരി​ച്ചു.

കഴിഞ്ഞ പത്തുവർഷ​ങ്ങ​ളി​ലാ​യി, യഹോ​വ​യു​ടെ സാക്ഷികൾ പ്രാ​ദേ​ശിക രാജ്യ​ഹോ​ളു​കൾ പെട്ടെന്നു പണിതീർക്കുന്ന ഒരു സാങ്കേ​തിക വിദ്യ വികസി​പ്പി​ച്ചു. യഹോ​വ​യു​ടെ സാക്ഷി​ക​ളു​ടെ വാൻകൂ​വർ ഐലണ്ട്‌ അസംബ്ലി​ഹോൾ, കാനഡാ​യിൽ സഭാ​ഗ്രൂ​പ്പു​ക​ളു​ടെ അർദ്ധവാർഷിക സർക്കീട്ട്‌ സമ്മേള​ന​ങ്ങൾക്കു​വേണ്ടി പ്രാഥ​മി​ക​മാ​യി, രൂപക​ല്‌പന ചെയ്‌തി​ട്ടുള്ള കെട്ടി​ട​ങ്ങ​ളിൽ രണ്ടാമ​ത്തേ​താണ്‌. ആ തനി പുത്തൻ ഹോൾ, ബ്രിട്ടീഷ്‌ കൊള​മ്പി​യാ​യി​ലെ, കാസി​ഡി​യിൽ, ഒരു എട്ട്‌ ഏക്കർ (3 ഹെ.) സൈറ​റിൽ നിൽക്കു​ന്നു. ഉയരമുള്ള നിത്യ​ഹ​രി​ത​കങ്ങൾ മനോ​ഹ​ര​മായ ഒരു പശ്ചാത്തലം നൽകുന്നു, അതേസ​മയം രമ്യമായ ഒരു അരുവി കെട്ടി​ട​ത്തി​ന്റെ പിൻഭാ​ഗത്ത്‌ വസ്‌തു​വിൽ കൂടി ഒഴുകു​ന്നു. അസംബ്ലി​ഹോ​ളിന്‌, 900 സീററു​ക​ളുള്ള ഒരു ഓഡി​റേ​റാ​റി​യ​വും, 250 സീററു​ക​ളുള്ള ഒരു കാഫി​റ​റീ​രി​യാ​യും, ലഘുഭ​ക്ഷ​ണ​ശാ​ല​ക്കുള്ള സ്ഥലവും, ഒരു ചെറിയ സ്‌നാപന കുളവും, പ്രാ​ദേ​ശിക സഭകൾക്കു​പ​യോ​ഗി​ക്കു​ന്ന​തി​നു 200 സീററു​ക​ളുള്ള ഒരു രാജ്യ​ഹോ​ളും ഉണ്ട്‌. ഒൻപതു​ദി​വ​സങ്ങൾ കൊണ്ട്‌ ഇത്‌ ഉയർത്തു​ക​യും പൂർത്തീ​യാ​ക്കു​ക​യും ചെയ്‌തു​വെന്നു നിർമ്മാ​ണ​വേ​ല​യിൽ പങ്കെടു​ത്ത​വർക്കു​പോ​ലും വിശ്വ​സി​ക്കു​വാൻ വിഷമ​മാ​യി​രു​ന്നു എന്നു പറഞ്ഞു.

തീർച്ച​യാ​യും ഒൻപതു​ദി​വസ നിർമ്മാ​ണ​ത്തി​നു മുമ്പ്‌, വളരെ, പ്രാഥ​മിക വേലകൾ ചെയ്‌തി​രു​ന്നു. സൈറ​റി​ലു​ണ്ടാ​യി​രുന്ന മുൻ കെട്ടിടം പൊളി​ക്ക​യും വൃത്തി​യാ​ക്കു​ക​യും ചെയ്‌തു—കോരി​ച്ചൊ​രി​യുന്ന മഴയത്ത്‌. ദേവദാ​രു ഉരുപ്പ​ടിക്ക്‌—ചുവന്ന പടിഞ്ഞാ​റൻ ദേവദാ​രു​വിൽ നിന്നുള്ള കട്ടിയുള്ള സ്വാഭാ​വിക ഷിങ്കിൾസി​നുള്ള തടിക്കു​വേണ്ടി സ്വമേ​ധയാ സേവകൻമാർ തണുത്തു, വിറക്കുന്ന ഒക്‌ടോ​ബർ കാലാ​വ​സ്ഥയെ ധീരമാ​യി നേരിട്ടു. പൈയ്‌പ്‌ ഇടീൽ, ഹീററിംഗ്‌, എയർക​ണ്ടീ​ഷ​നിംഗ്‌, ഇലക്‌ട്രി​ക്ക​ലും മററു സംവി​ധാ​ന​ങ്ങ​ളും രൂപക​ല്‌പന ചെയ്യേ​ണ്ടി​യി​രു​ന്നു. സ്ഥലം ഒരുക്കു​ക​യും ഒരു 25,000 ചതുരശ്ര അടി കോൺക്രീ​ററ്‌ സ്ലാബ്‌ ഇടുക​യും ചെയ്യേ​ണ്ടി​യി​രു​ന്നു.—മററു​കാ​ര്യ​ങ്ങ​ളു​ടെ കൂട്ടത്തിൽ.

ഒടുവിൽ, എങ്ങനെ​യാ​യാ​ലും, എല്ലാം തയ്യാറാ​യി. ഓഗസ്‌ററ്‌ 3, ശനിയാഴ്‌ച്ച രാവിലെ 8 മണിക്ക്‌ ഒരു ബൈബിൾ വാക്യ പരിഗ​ണ​ന​ക്കു​ശേഷം സ്വമേ​ധയാ സേവകർ ചുററി​ക​ക​ളു​മാ​യി, തയ്യാറാ​യി​ക്ക​ഴി​ഞ്ഞി​രുന്ന കോൺക്രീ​ററ്‌ സ്ലാബിനു ചുററും നിന്നു. ഉച്ചഭാ​ഷി​ണി​യി​ലൂ​ടെ “സഹോ​ദ​രൻമാ​രേ, അടിക്കു​വാൻ ആരംഭി​ക്കുക!” എന്ന വിളി വന്നു. 4,500-ളം സ്വമേ​ധയാ സേവകർ വേലയാ​രം​ഭി​ച്ച​പ്പോൾ വളരെ​യ​ധി​കം ചുററി​കകൾ ആണിക​ളിൽ അടിച്ചു. അധികം സ്വമേ​ധയാ സേവക​രും അവരുടെ കുടും​ബ​ങ്ങ​ളും ഐക്യ​നാ​ടു​ക​ളിൽനി​ന്നാ​യി​രു​ന്നു; ചിലർ ന്യൂഫൗ​ണ്ട്‌ലാൻഡ്‌, നോർവേ, ഇംഗ്ലണ്ട്‌, മുതലാ​യി ദൂര​ദേ​ശ​ത്തു​നി​ന്നു​ള്ള​വ​രാ​യി​രു​ന്നു. ക്യാമ്പു ചെയ്യു​ന്ന​തി​നും, ലോറി​കൾക്കും കാറു​കൾക്കു​മാ​യി, സഹാനു​ഭൂ​തി​യുള്ള അയൽക്കാർ അവരുടെ വയലുകൾ ലഭ്യമാ​ക്കി. സൈറ​റി​നു ചുററു​മാ​യി 35 ഏക്കർ (14 ഹെ.) ഇതിനു, വേണ്ടി​വന്നു.

നിരീ​ക്ഷ​കർക്കു വളരെ മതിപ്പു​ള​വാ​ക്കി. വേല നിരീ​ക്ഷി​ക്കു​ന്ന​തി​നും അന്തരീക്ഷം ആസ്വദി​ക്കു​ന്ന​തി​നു​മാ​യി ഒരു കോൺട്രാ​ക്ടർ അയാളു​ടെ വേലക്കാ​രെ​കൊ​ണ്ടു​വന്നു. ദയാലു​ക്ക​ളായ അയൽക്കാർ ഭക്ഷണം തയ്യാറാ​ക്കുന്ന ഡിപ്പാർട്ടു​മെൻറി​ലേക്കു പച്ചക്കറി​സാ​ധ​നങ്ങൾ സംഭാവന ചെയ്‌തു. ആ ഡിപ്പാർട്ടു​മെൻറ്‌ വേലക്കാർക്കു​വേണ്ടി ക്രമമായ ഭക്ഷണം തയ്യാറാ​ക്കി. മററയൽവാ​സി​കൾ യഥാർത്ഥ വേലയിൽ സഹായി​ക്കാ​നി​റങ്ങി. ഒരു മനുഷ്യൻ സൈററ്‌ സന്ദർശി​ച്ച​ശേഷം പറഞ്ഞു: “ദൈവം നിങ്ങ​ളോ​ടു​കൂ​ടെ​യാ​ണെന്നു എനിക്കു നിശ്ചയ​മാ​യും കാണാൻ കഴിയു​ന്നു.” ഈ മനുഷ്യൻ ഇപ്പോൾ സാക്ഷി​ക​ളു​മാ​യി ബൈബിൾ പഠിക്കു​ന്ന​തിൽ നല്ല പുരോ​ഗതി വരുത്തി​ക്കൊ​ണ്ടി​രി​ക്കു​ന്നു.

ദി ലേഡി​സ്‌മിത്ത്‌ കേലോ​യ്‌നസ്‌ ക്രോ​ണി​ക്കി​ളി​ന്റെ ഒരു മുഖ പ്രസം​ഗ​ത്തിൽ അഭി​പ്രാ​യ​പ്പെട്ടു: “നിങ്ങളു​ടെ മതപര​മായ പ്രേര​ണ​യോ അല്ലെങ്കിൽ അതിന്റെ കുറവോ പരിഗ​ണി​ക്കാ​തെ, തകാസി​ഡി​യിൽ ഒരു 25,000 ചതുരശ്ര അടി അസംബ്ലി​ഹോൾ പണിയു​ന്ന​തിന്‌ കഴിഞ്ഞ ഒന്നുര​ണ്ടാഴ്‌ച്ച അവി​ശ്രാ​ന്തം, വേല ചെയ്‌ത 4,500 യഹോ​വ​യു​ടെ സാക്ഷി​കൾക്കു നിങ്ങൾ അതു​കൊ​ടു​ക്കേ​ണ്ടി​യി​രി​ക്കു​ന്നു . . . വാദ​പ്ര​തി​വാ​ദ​മോ, ഭിന്നി​പ്പോ അഥവാ മഹത്വം പിടി​ച്ചു​പ​റ​റ​ലോ കൂടാതെ സഹർഷം ഇതു ചെയ്യു​ന്നതു സത്യ​ക്രി​സ്‌ത്യാ​നി​ത്വ​ത്തി​ന്റെ ഒരു അടയാളം ഇതാകു​ന്നു.”

ഓഗസ്‌ററ്‌ 11 ഞായറാഴ്‌ച്ച വൈകിട്ട്‌ 6 മണിക്ക്‌ പ്രകൃ​തി​ദൃ​ശ്യ​ത്തോ​ടെ പൂർത്തീ​ക​രി​ക്ക​പ്പെട്ട ഈ അസംബ്ലി​ഹോ​ളിൽ വച്ച്‌ ആദ്യത്തെ മീററിം​ഗു നടത്ത​പ്പെട്ടു! (w86 6/1)