വായന​ക്കാ​രിൽ നിന്നുള്ള ചോദ്യ​ങ്ങൾ

◼ യുദ്ധം തീരു​ന്ന​തി​നു​മുമ്പ്‌ ഭക്ഷക്കുന്ന ഏതൊരു പടയാ​ളി​യെ​യും ശൗൽ രാജാവു ശപിച്ച​ശേഷം കുറച്ചു തേൻ കഴിച്ച യോനാ​ഥാന്‌ ദൈവ​പ്രീ​തി നഷ്ടപ്പെ​ട്ടോ?

ശൗലിന്റെ ദ്രുത​ഗ​തി​യി​ലുള്ള ശപഥം യിസ്രാ​യേ​ലി​നെ ഒരു ശാപത്തി​ന്റെ പാതയിൽ എത്തിച്ചു, എന്നാൽ യോനാ​ഥാൻ ആ ശാപത്തി​നെ​തി​രെ പോയ​തി​നാൽ യഹോ​വ​യു​ടെ അപ്രീ​തിക്ക്‌ ഇരയായി എന്നു പ്രകട​മാ​ക്കു​ന്നില്ല.

1 ശമുവേൽ 14:24-45 ഈ സംഭവം വർണ്ണി​ക്കു​ന്നു. യോനാ​ഥാ​ന്റെ പരാ​ക്ര​മ​ണ​ങ്ങ​ളാൽ ധൈര്യ​പ്പെ​ടു​ത്ത​പ്പെട്ട യിസ്ര​യേ​ല്യർ ശത്രു​ക്ക​ളായ ഫെലി​സ്‌ത്യ​രോ​ടു പോരാ​ടു​ക​യാ​യി​രു​ന്നു. ശൗൽ രാജാവ്‌ ഇങ്ങനെ പറഞ്ഞു: “സന്ധ്യക്കു മുമ്പാ​യും ഞാൻ എന്റെ ശത്രു​ക്ക​ളോ​ടു പ്രതി​കാ​രം ചെയ്യു​വോ​ള​വും ആഹാരം കഴിക്കു​ന്നവൻ ശപിക്ക​പ്പെ​ട്ടവൻ!” (24-ാം വാക്യം) തന്റെ പിതാ​വി​ന്റെ ശപഥം അറിയാ​തെ യോനാ​ഥാൻ കുറച്ചു തേൻ ഭക്ഷിച്ച്‌ തന്നെത്തന്നെ ശക്തീക​രി​ച്ചു. ക്ഷീണി​ത​രാ​യി​രുന്ന മററു യിസ്രാ​യേല്യ ഭടൻമാ​രും കന്നുകാ​ലി​കളെ കൊന്ന്‌ രക്തം ഊററി​ക്ക​ള​യാ​തെ ആർത്തി​യോ​ടെ മാംസം ഭക്ഷിച്ച്‌ പാപം ചെയ്‌തി​രു​ന്നു. ആ പാപം സംബന്ധിച്ച്‌ ശൗൽ ഒരു യാഗപീ​ഠം പണിതു, എന്നാൽ തന്റെ പുത്രൻ ചെയ്‌തത്‌ അവൻ അറിഞ്ഞില്ല.

യുദ്ധം ഊററ​മാ​യി മുമ്പോ​ട്ടു കൊണ്ടു​പോ​കു​ന്നതു സംബന്ധിച്ച്‌ ശൗൽ ദൈവ​ത്തി​ന്റെ മാർഗ്ഗ​നിർദ്ദേശം അന്വേ​ഷി​ച്ച​പ്പോൾ യഹോവ മറുപടി നൽകി​യില്ല. തുമ്മീ​മി​ന്റെ (ഒരു പക്ഷേ വിശു​ദ്ധ​മായ ചീട്ടിടൽ ഉൾപ്പെ​ടുന്ന) ഉപയോ​ഗ​ത്തോ​ടെ ശൗൽ തന്റെ വിവേ​ക​ശൂ​ന്യ​മായ ശപഥം തന്റെ മകൻ ലംഘിച്ചു എന്നു മനസ്സി​ലാ​ക്കി. എന്നാൽ, യഥാർത്ഥ​ത്തിൽ യോനാ​ഥാൻ എത്രമാ​ത്രം കുററ​ക്കാ​ര​നാ​യി​രു​ന്നു?

ആദ്യം ശപഥം ചെയ്‌ത​പ്പോൾ രാജാ​വി​ന്റെ മനോ​ഭാ​വ​മെ​ന്താ​യി​രു​ന്നു എന്നു പരിചി​ന്തി​ക്കുക. ഫെലി​സ്‌ത്യ​രു​ടെ​മേൽ ഒരു വിജയം വരിക്കു​ന്ന​തിൽ യഹോ​വയെ ബഹുമാ​നി​ക്കു​ന്ന​തി​നു ആഗ്രഹ​മു​ണ്ടാ​യി​രു​ന്ന​താ​യി തെളിവു നൽകി​യില്ല. പകരം, ശൗൽ, “ഞാൻ എന്റെ ശത്രു​ക്ക​ളോ​ടു പ്രതി​കാ​രം ചെയ്യു​വോ​ളം!” ആരെങ്കി​ലും ഭക്ഷിച്ചാൽ അയാൾക്കെ​തി​രെ​യാ​യി​രു​ന്നു തിടു​ക്ക​ത്തിൽ ശാപം ഉച്ചരി​ച്ചത്‌. അതെ, ആ ശപഥം രാജകീയ ശക്തിയെ സംബന്ധി​ച്ചുള്ള ഒരു തെററായ വീക്ഷണ​ത്തിൽ നിന്നോ ഒരു വ്യാജ​മായ തീക്ഷ്‌ണ​ത​യിൽ നിന്നോ ആയിരു​ന്നു ഉത്ഭവി​ച്ചത്‌. ആ ശപഥത്തിന്‌ ദൈവ​ത്തി​ന്റെ പിൻതു​ണ​യു​ണ്ടാ​യി​രു​ന്നില്ല. മൃഗ രക്തം സംബന്ധിച്ച്‌ യിസ്രാ​യേല്യ പടയാ​ളി​കൾ പാപം ചെയ്‌ത​തി​ന്റെ ഒരു കാരണം ആ ശപഥമാ​യി​രു​ന്നു. അവർ ആ ശപഥത്താൽ പ്രതി​ബ​ന്ധ​പ്പെ​ടു​ത്ത​പ്പെ​ട്ടി​ല്ലാ​യി​രു​ന്നെ​ങ്കിൽ അവർക്കു ഭക്ഷണം കണ്ടെത്തു​ന്ന​തി​നും ഫെലി​സ്‌ത്യ​രു​ടെ​മേൽ പൂർണ്ണ​മാ​യി വിജയം വരിക്കു​ന്ന​തു​വരെ അവരെ പിൻതു​ട​രു​ന്ന​തി​നും കഴിയു​മാ​യി​രു​ന്നു.

യോനാ​ഥാൻ (അറിവു കൂടാതെ) ശൗലിന്റെ ശപഥത്തെ ലംഘിച്ചു എന്നു തീരു​മാ​നി​ക്കു​ന്ന​തി​നു ദൈവം തുമ്മീ​മി​ന്റെ ഉപയോ​ഗത്തെ അനുവ​ദി​ക്കു​ക​തന്നെ ചെയ്‌തു, എന്നാൽ അവൻ ഈ തിടു​ക്ക​ത്തി​ലുള്ള ശപഥത്തെ അംഗീ​ക​രി​ച്ചു എന്ന്‌ അർത്ഥമാ​ക്കു​ന്നില്ല. ദൈവം യോനാ​ഥാ​നെ കുററ​ക്കാ​ര​നാ​ണെന്നു വീക്ഷി​ച്ച​താ​യി രേഖ ഒരിട​ത്തും പറയു​ന്നില്ല. യഥാർത്ഥ​ത്തിൽ, യോനാ​ഥാൻ തന്റെ പിതാവു തിടു​ക്ക​ത്തിൽ ചെയ്‌ത ശപഥം ലംഘി​ച്ച​തി​നുള്ള അനന്തര ഫലങ്ങൾ സ്വീക​രി​ക്കാൻ തയ്യാറാ​യി​രു​ന്നെ​ങ്കി​ലും, സാഹച​ര്യ​ങ്ങൾ യോനാ​ഥാ​ന്റെ ജീവൻ രക്ഷി​ക്കേ​ണ്ടത്‌ ആവശ്യ​മാ​ക്കി​ത്തീർത്തു. യിസ്രാ​യേല്യ പടയാ​ളി​കൾ, യോനാ​ഥാൻ “ദൈവ​ത്തോ​ടു​കൂ​ടെ” നിന്നു​കൊണ്ട്‌ ശ്രമസാ​ദ്ധ്യ​മായ വീരകൃ​ത്യം നിർവ്വ​ഹി​ച്ചു എന്നു പറയു​ക​യും അവർ യോനാ​ഥാ​നെ ഒരു വിധത്തിൽ വീണ്ടെ​ടു​ക്കു​ക​യും ചെയ്‌തു. തുടർന്നുള്ള വർഷങ്ങ​ളിൽ ശൗൽ ഒന്നിനു​പു​റകെ ഒന്നായി തെററു ചെയ്‌തു​കൊ​ണ്ടി​രു​ന്ന​പ്പോൾ യോനാ​ഥാ​നാ​യി​രു​ന്നു യഹോ​വ​യു​ടെ അംഗീ​കാ​ര​മു​ള്ള​വ​നാ​യി തുടർന്നത്‌.

◼ ശിം​ശോ​നെ​യും ഗിദെ​യോ​നെ​യും പോലെ എത്ര ന്യായാ​ധി​പൻമാർ ഉണ്ടായി​രു​ന്നു?

ന്യായാ​ധി​പൻമാ​രെ എണ്ണു​മ്പോൾ നിങ്ങൾ ചില യിസ്രാ​യേ​ല്യ​രെ എങ്ങനെ വീക്ഷി​ക്കു​ന്നു എന്നതിനെ ആശ്രയി​ച്ചാണ്‌ എണ്ണം തിട്ട​പ്പെ​ടു​ത്തു​ന്നത്‌. യോശു​വ​ക്കും ശമൂ​വേ​ലി​നും ഇടയ്‌ക്കു 12 പുരു​ഷൻമാർ ന്യായാ​ധി​പൻമാ​രാ​യി സേവിച്ചു എന്നു നിസം​ശ​യ​മാ​യി പറയാൻ കഴിയും.

മോ​ശെ​യു​ടെ​യും യോശു​വ​യു​ടെ​യും കാലത്ത്‌ സഭയിലെ ചില പ്രായ​മേ​റിയ പുരു​ഷൻമാർ നിയമ​പ​ര​മായ കേസുകൾ കേൾക്കു​ക​യും തീരു​മാ​നി​ക്ക​യും ചെയ്യു​ന്ന​തിന്‌ തിര​ഞ്ഞെ​ടു​ത്തി​രു​ന്നവർ എന്ന അർത്ഥത്തിൽ അവൻ ന്യായാ​ധി​പൻമാ​രാ​യി​രു​ന്നു. (പുറപ്പാട്‌ 18:21, 22; യോശുവ 8:33; 23:2) യോശു​വ​യു​ടെ മരണത്തി​നു​ശേഷം യിസ്രാ​യേ​ല്യർ സത്യാ​രാ​ധ​ന​യിൽനി​ന്നു വീണു​പോ​വു​ക​യും മറ്റു ജനതക​ളാൽ പീഡി​പ്പി​ക്ക​പ്പെ​ടു​ക​യും ചെയ്‌തു. ന്യായാ​ധി​പൻമാർ 2:16 ഇപ്രകാ​രം പറയുന്നു: “അതു​കൊണ്ട്‌ യഹോവ ന്യായാ​ധി​പൻമാ​രെ എഴു​ന്നേൽപ്പി​ക്ക​യും അവർ കൊള്ള​ക്കാ​രു​ടെ കയ്യിൽനി​ന്നു രക്ഷിക്ക​യും ചെയ്‌തി​രു​ന്നു.” യഹോവ ആദ്യായി ഒഥനി​യേൽ എന്നു പേരുള്ള പുരു​ഷനെ ഒരു ന്യായ​ധി​പൻ അഥവാ ‘രക്ഷകൻ’ എന്ന നിലയിൽ എഴു​ന്നേൽപ്പി​ച്ചു. (ന്യായാ​ധി​പൻമാർ 3:9) അതിനു​ശേഷം ഏഹൂദ്‌, ശങ്കർ, ബാരക്ക്‌, ഗിദെ​യോൻ, തോല, യായേർ, യിപ്‌താഹ്‌, ഇബ്‌സാൻ, ഏലോൻ, അബ്ദോൻ, ശിം​ശോൻ എന്നിവർ വന്നു.

ഈ 12 പേരെ കൂടാതെ ബൈബിൾ, ദബോര, ഏലി, ശമൂവേൽ എന്നിവ​രെ​യും ന്യായ​പാ​ല​ന​ത്തോ​ടു ബന്ധപ്പെട്ട്‌ പരാമർശി​ക്കു​ന്നുണ്ട്‌. (ന്യായാ​ധി​പൻമാർ 4:4; 1 ശമൂവേൽ 4:16-18; 7: 15, 16) എന്നിരു​ന്നാ​ലും ദബോര ആദ്യം ഒരു പ്രവാ​ചകി എന്നു വിളി​ക്ക​പ്പെ​ടു​ക​യും ജനത്തെ ഞെരു​ക്ക​ത്തിൽ നിന്നു വിടു​വി​ക്കു​ന്ന​തി​നു പ്രത്യേ​കാൽ നേതൃ​ത്വ​മെ​ടുത്ത ന്യായാ​ധി​പ​നായ ബാരാ​ക്കി​നോ​ടു ബന്ധപ്പെ​ടു​ത്തു​ക​യും ചെയ്യുന്നു. അതു​പോ​ലെ, ഏലി പ്രധാ​ന​മാ​യും ഒരു മഹാപു​രോ​ഹി​ത​നാ​യി​രു​ന്നു, യിസ്രാ​യേ​ലി​നെ യുദ്ധത്തി​ലൂ​ടെ സ്വാത​ന്ത്ര്യ​ത്തി​ലേക്കു നയിച്ച ഒരു ‘രക്ഷകൻ’ ആയിരു​ന്നില്ല. (നെഹെ​മ്യാവ്‌ 9:27) അതു​കൊണ്ട്‌, ദബോ​ര​ക്കും ഏലിക്കും യിസ്രാ​യേ​ലിൽ ന്യായ​പാ​ലനം ചെയ്യു​ന്ന​തിൽ ഒരു പങ്കുണ്ടാ​യി​രു​ന്നെ​ങ്കി​ലും വ്യക്തമാ​യും പ്രാഥ​മി​ക​മാ​യും പ്രത്യേ​കാൽ ന്യായ​ധി​പൻമാർ ആയി ‘എഴു​ന്നേൽപ്പി​ച്ചി​രുന്ന’ 12 പുരു​ഷൻമാ​രു​ടെ കൂടെ പട്ടിക​പ്പെ​ടു​ത്താ​തി​രി​ക്കാൻ കാരണ​മുണ്ട്‌. പ്രവൃ​ത്തി​കൾ 13:20 “ശമൂവേൽ പ്രവാ​ചകൻ വരെ ന്യായ​ധി​പൻമാർ [നൽക​പ്പെ​ട്ടി​രു​ന്നു] എന്നു പറയുന്നു. ഇതു ന്യായ​ധി​പൻമാ​രു​ടെ കാലഘട്ടം എന്നറി​യ​പ്പെ​ട്ടി​രു​ന്ന​തി​നെ പരിമി​ത​പ്പെ​ടു​ത്തു​ക​യും ശമൂ​വേ​ലി​നെ​യും അവന്റെ പുത്രൻമാ​രെ​യും സാധാ​ര​ണ​യാ​യി ന്യായാ​ധി​പൻമാ​രു​ടെ കൂട്ടത്തിൽ എണ്ണാതി​രി​ക്ക​യും ചെയ്യു​ന്ന​തി​ന്റെ കാരണം കാണി​ക്ക​യും ചെയ്യുന്നു.—1 ശമൂവേൽ 8:1.