പാറ​പോ​ലെ ഉറപ്പു​ള്ള​വ​നാ​യി

ശിമോ​നെ കണ്ടപ്പോൾ യേശു പറഞ്ഞു: “നീ യോഹ​ന്നാ​ന്റെ മകനായ ശിമോ​നാ​ണ​ല്ലോ. നീ കേഫ എന്ന്‌ അറിയ​പ്പെ​ടും.” “കേഫ” (ഗ്രീക്കിൽ “പത്രോസ്‌”) എന്ന പേരിന്റെ അർഥം “പാറക്ക​ഷണം” എന്നാണ്‌. എന്തു​കൊ​ണ്ടാ​യി​രി​ക്കും യേശു ആ പേര്‌ തിര​ഞ്ഞെ​ടു​ത്തത്‌? പാറ പൊതു​വേ ഉറപ്പു​ള്ള​തും നിലനിൽക്കു​ന്ന​തും ആണ്‌. എന്തെങ്കി​ലും പണിയാൻ ഉപയോ​ഗി​ക്കുന്ന വസ്‌തു​വാണ്‌ അത്‌. പത്രോസ്‌ ഭാവി​യിൽ ധൈര്യ​മു​ള്ള​വ​നും സഹോ​ദ​ര​ങ്ങളെ ബലപ്പെ​ടു​ത്തു​ന്ന​വ​നും ആയിത്തീ​രു​മെ​ന്നാ​ണു യേശു ഉദ്ദേശി​ച്ചത്‌.

പത്രോസ്‌ ആ പേരിനു ചേർച്ച​യിൽ ജീവി​ച്ചോ? നമ്മൾ 45-ാം അധ്യാ​യ​ത്തിൽ കണ്ടതു​പോ​ലെ പത്രോസ്‌ എപ്പോ​ഴും അങ്ങനെ​യാ​യി​രു​ന്നില്ല. ഇടയ്‌ക്കൊ​ക്കെ അദ്ദേഹ​ത്തി​ന്റെ വിശ്വാ​സം കുറഞ്ഞു​പോ​യി​ട്ടുണ്ട്‌. ചില​പ്പോ​ഴൊ​ക്കെ പേടി തോന്നി​യിട്ട്‌ തെറ്റായ തീരു​മാ​ന​ങ്ങ​ളെ​ടു​ത്തി​ട്ടുണ്ട്‌. എങ്കിലും യേശു​വി​നു തന്റെ ഈ കൂട്ടു​കാ​ര​നിൽ നല്ല വിശ്വാ​സ​മു​ണ്ടാ​യി​രു​ന്നു. പത്രോസ്‌ പതി​യെ​പ്പ​തി​യെ ധൈര്യ​ശാ​ലി​യാ​യി​ത്തീ​രു​മെന്നു യേശു​വിന്‌ ഉറപ്പാ​യി​രു​ന്നു. യേശു​വി​ന്റെ ആ ചിന്ത ശരിയാ​യി​രു​ന്നോ?

യേശു മരിച്ച്‌ ഉയിർത്തെ​ഴു​ന്നേറ്റ്‌ കഴിഞ്ഞ്‌ അപ്പോ​സ്‌ത​ല​ന്മാർക്കു സന്തോ​ഷ​വാർത്ത പ്രസം​ഗി​ക്കാ​നുള്ള പ്രധാ​ന​പ്പെട്ട ഉത്തരവാ​ദി​ത്വം കൊടു​ത്തു. അതു ചെയ്യാൻ പത്രോ​സി​നു നല്ല ഉത്സാഹ​മാ​യി​രു​ന്നു. ശരിക്കും അതിനു​വേണ്ടി പത്രോസ്‌ പല സാഹച​ര്യ​ങ്ങ​ളി​ലും ധൈര്യം കാണി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, യരുശ​ലേ​മിൽ വലി​യൊ​രു ഉത്സവം നടക്കുന്ന സമയത്ത്‌ പത്രോസ്‌ ആയിര​ക്ക​ണ​ക്കി​നു​വ​രുന്ന ജൂതന്മാ​രു​ടെ മുന്നിൽ എഴു​ന്നേ​റ്റു​നി​ന്നിട്ട്‌ അവരാണു മിശി​ഹയെ കൊന്ന​തിന്‌ ഉത്തരവാ​ദി​കൾ എന്നു പറഞ്ഞു. ധൈര്യ​ത്തോ​ടെ​യുള്ള പത്രോ​സി​ന്റെ വാക്കുകൾ കേട്ട്‌ പലർക്കും “മനസ്സാ​ക്ഷി​ക്കു​ത്തു” തോന്നി. അങ്ങനെ ആ ദിവസം ഏകദേശം 3,000 പേരാണു മാനസാ​ന്ത​ര​പ്പെട്ട്‌ യേശു​വി​ന്റെ ശിഷ്യ​രാ​യി സ്‌നാ​ന​മേ​റ്റത്‌.

സന്തോ​ഷ​വാർത്ത പ്രസം​ഗി​ക്കുക എന്നതു പത്രോ​സി​ന്റെ ജീവി​ത​ത്തിൽ ഏറ്റവും പ്രധാ​ന​പ്പെട്ട കാര്യ​മാ​യി​രു​ന്നു. യേശു “സ്വർഗ​രാ​ജ്യ​ത്തി​ന്റെ താക്കോ​ലു​കൾ” പത്രോ​സി​നെ ഏൽപ്പിച്ചു. അതായത്‌ സ്വർഗ​രാ​ജ്യ​ത്തി​ലേ​ക്കുള്ള അവസരം മൂന്നു വ്യത്യ​സ്‌ത​കൂ​ട്ടർക്കു തുറന്നു​കൊ​ടു​ക്കാ​നുള്ള ഒരു നിയമ​ന​മാ​യി​രു​ന്നു അത്‌. പത്രോസ്‌ ധൈര്യ​ത്തോ​ടെ, ഒരു പക്ഷപാ​ത​വും കാണി​ക്കാ​തെ ആദ്യം ജൂതന്മാ​രോ​ടും പിന്നെ ശമര്യ​ക്കാ​രോ​ടും അവസാനം ജനതക​ളിൽപ്പെ​ട്ട​വ​രോ​ടും സന്തോ​ഷ​വാർത്ത അറിയി​ച്ചു. അദ്ദേഹം പല സ്ഥലങ്ങളി​ലും പോയി പ്രസം​ഗി​ക്കു​ക​യും സഹോ​ദ​ര​ങ്ങളെ ബലപ്പെ​ടു​ത്തു​ക​യും ചെയ്‌തു. ഇടയ്‌ക്കൊ​ക്കെ ഭാര്യ​യും കൂടെ പോയി​രു​ന്നു. അങ്ങ്‌ അകലെ ബാബി​ലോ​ണിൽപ്പോ​ലും താമസിച്ച്‌ അദ്ദേഹം സന്തോ​ഷ​വാർത്ത അറിയി​ച്ചു.

പിന്നീട്‌ വർഷങ്ങ​ളോ​ളം സന്തോ​ഷ​വാർത്ത പ്രസം​ഗി​ച്ച​തി​ന്റെ പേരിൽ പത്രോ​സി​നു ശക്തമായ എതിർപ്പും ഉപദ്ര​വ​ങ്ങ​ളും സഹി​ക്കേ​ണ്ടി​വന്നു. ഒന്നില​ധി​കം തവണ പത്രോ​സും മറ്റ്‌ അപ്പോ​സ്‌ത​ല​ന്മാ​രും ജയിലി​ലാ​യി. ജൂതമ​ത​നേ​താ​ക്ക​ന്മാർ പ്രസം​ഗ​പ്ര​വർത്തനം നിറു​ത്താൻ കല്പിച്ചപ്പോൾ, “ഞങ്ങൾ മനുഷ്യ​രെയല്ല, ദൈവ​ത്തെ​യാണ്‌ അനുസ​രി​ക്കേ​ണ്ടത്‌” എന്നു പത്രോസ്‌ ധൈര്യ​ത്തോ​ടെ മറുപടി പറഞ്ഞു. അതിന്റെ പേരിൽ അടി കിട്ടി​യി​ട്ടും പത്രോസ്‌ ധൈര്യ​ത്തോ​ടെ ദൈവ​രാ​ജ്യ​ത്തെ​ക്കു​റി​ച്ചും ആ രാജ്യ​ത്തി​ന്റെ രാജാ​വാ​യി യഹോവ നിയമി​ച്ചി​രി​ക്കുന്ന യേശു​ക്രി​സ്‌തു​വി​നെ​ക്കു​റി​ച്ചും പ്രസം​ഗി​ച്ചു​കൊ​ണ്ടി​രു​ന്നു.

ഉപദ്രവം പിന്നീട്‌ കൂടി​ക്കൂ​ടി വന്നു. കഴിഞ്ഞ അധ്യാ​യ​ത്തിൽ കണ്ടതു​പോ​ലെ സ്‌തെ​ഫാ​നൊ​സി​നെ എതിരാ​ളി​കൾ വധിച്ചു. ഏതാണ്ട്‌ പത്തു വർഷം കഴിഞ്ഞ​പ്പോൾ, പത്രോ​സി​ന്റെ കൂട്ടു​കാ​ര​നും അപ്പോ​സ്‌ത​ല​നും ആയിരുന്ന യാക്കോ​ബി​നെ ദുഷ്ടഭ​ര​ണാ​ധി​കാ​രി​യായ ഹെരോദ്‌ കൊന്നു​ക​ളഞ്ഞു. യാക്കോ​ബി​ന്റെ മരണം ജൂതന്മാ​രെ സന്തോ​ഷി​പ്പി​ച്ചെന്നു കണ്ട്‌ ഹെരോദ്‌ പത്രോ​സി​നെ​യും അറസ്റ്റു ചെയ്യാൻ ഉത്തരവി​ട്ടു. ചങ്ങലക​ളാൽ ബന്ധിച്ച്‌ പത്രോ​സി​നെ ജയിലി​ലാ​ക്കി. രക്ഷപ്പെ​ടാ​തി​രി​ക്കാൻ കാവലും ഏർപ്പെ​ടു​ത്തി. പത്രോ​സി​നെ തടവി​ലാ​ക്കു​മെ​ന്നും കൊന്നു​ക​ള​യു​മെ​ന്നും സ്വർഗ​ത്തി​ലേക്കു പോകു​ന്ന​തി​നു മുമ്പ്‌ യേശു മുൻകൂ​ട്ടി​പ്പ​റ​ഞ്ഞി​രു​ന്നു. പത്രോസ്‌ ജയിലി​ലാ​യ​പ്പോൾ ആ പ്രവച​ന​മാ​ണു നിറ​വേ​റു​ന്ന​തെന്ന്‌ അദ്ദേഹം ചിന്തി​ച്ചു​കാ​ണു​മോ?

എന്നാൽ അന്നു സംഭവി​ച്ചത്‌ ഇതാണ്‌: രാത്രി വളരെ വൈകി​യ​പ്പോൾ യഹോ​വ​യു​ടെ ഒരു ദൂതൻ പെട്ടെന്നു പ്രത്യ​ക്ഷ​നാ​യി. എന്നിട്ട്‌ പത്രോ​സി​നെ ഉറക്കത്തിൽനിന്ന്‌ ഉണർത്തി, ചങ്ങല​യെ​ല്ലാം അഴിച്ച്‌ ജയിലി​നു വെളി​യിൽ കൊണ്ടു​വന്നു. കാവൽക്കാ​രെ കടന്ന്‌ ഒരു വലിയ കവാട​ത്തി​ലൂ​ടെ​യാണ്‌ അവർ തെരു​വിൽ എത്തിയത്‌. കിട്ടിയ അവസരം മുതലാ​ക്കി എങ്ങോ​ട്ടെ​ങ്കി​ലും രക്ഷപ്പെ​ട്ടേ​ക്കാ​മെന്നു പത്രോസ്‌ ചിന്തി​ച്ചോ? ഇല്ല. പകരം തന്റെ സഹോ​ദ​രങ്ങൾ യഹോ​വയെ ആരാധി​ക്കാ​നും പ്രാർഥി​ക്കാ​നും കൂടി​വ​ന്നി​രുന്ന വീട്ടി​ലേ​ക്കാണ്‌ അദ്ദേഹം പോയത്‌. പത്രോ​സി​നെ കണ്ടപ്പോൾ അവർക്ക്‌ എത്ര സന്തോ​ഷ​വും പ്രോ​ത്സാ​ഹ​ന​വും തോന്നി​ക്കാ​ണും!

“നിന്റെ സഹോ​ദ​ര​ങ്ങളെ ബലപ്പെ​ടു​ത്തണം” എന്നും “എന്റെ കുഞ്ഞാ​ടു​കളെ തീറ്റുക” എന്നും യേശു പറഞ്ഞതു പത്രോസ്‌ ഒരിക്ക​ലും മറന്നില്ല. (ലൂക്കോ. 22:32; യോഹ. 21:17) താൻ പോയി​ട​ത്തെ​ല്ലാം പത്രോസ്‌ ധൈര്യ​ത്തോ​ടെ സന്തോ​ഷ​വാർത്ത പ്രസം​ഗി​ച്ചു, സഹോ​ദ​ര​ങ്ങളെ ബലപ്പെ​ടു​ത്തി. പത്രോസ്‌ പൂർണ​നാ​യി​രു​ന്നില്ല. അദ്ദേഹ​ത്തി​നു തെറ്റു​ക​ളൊ​ക്കെ പറ്റിയി​ട്ടുണ്ട്‌. ഒരിക്കൽ ചില സഹോ​ദ​ര​ങ്ങളെ സന്തോ​ഷി​പ്പി​ക്കാ​നാ​യി സഭയി​ലുള്ള ചില​രോ​ടൊ​പ്പം ഭക്ഷണം കഴിക്കു​ന്നത്‌ അദ്ദേഹം നിറുത്തി. ഇതു കണ്ട്‌ മറ്റൊരു അപ്പോ​സ്‌തലൻ അദ്ദേഹത്തെ തിരു​ത്തി​യ​പ്പോൾ താഴ്‌മ​യോ​ടെ അദ്ദേഹം ആ തിരുത്തൽ സ്വീക​രി​ച്ചു. അതിൽനിന്ന്‌ പാഠം ഉൾക്കൊ​ണ്ടു. തുടർന്നും സഹോ​ദ​ര​ങ്ങ​ളെ​യെ​ല്ലാം പ്രോ​ത്സാ​ഹി​പ്പി​ക്കു​ക​യും ചെയ്‌തു. പിന്നീട്‌ ബൈബി​ളി​ന്റെ ഭാഗമാ​യി​ത്തീർന്ന രണ്ടു കത്തുക​ളും ദൈവ​പ്ര​ചോ​ദി​ത​നാ​യി അദ്ദേഹം എഴുതി. വർഷങ്ങ​ളോ​ളം വിശ്വ​സ്‌ത​മാ​യി യഹോ​വയെ സേവിച്ച അദ്ദേഹത്തെ പിന്നീടു ജയിലിൽ അടയ്‌ക്കു​ക​യും കൊന്നു​ക​ള​യു​ക​യും ചെയ്‌തു. എന്നാൽ അവസാ​നം​വരെ അദ്ദേഹ​ത്തി​ന്റെ വിശ്വാ​സ​വും ധൈര്യ​വും നഷ്ടപ്പെ​ട്ടില്ല. അതെ, താൻ ‘പാറ​പോ​ലെ’ ഉറപ്പു​ള്ള​വ​നാ​യി​ത്തീർന്നെന്നു പത്രോസ്‌ തന്റെ ജീവി​ത​ത്തി​ലൂ​ടെ തെളി​യി​ച്ചു!

ബൈബിൾവി​വ​രണം വായി​ക്കുക:

• മത്തായി 16:18, 19

• യോഹ​ന്നാൻ 1:40-42; 21:14-19

• പ്രവൃ​ത്തി​കൾ 2:14-43; 5:17-42; 8:14-17, 25; 10:44-48; 12:1-17

• ഗലാത്യർ 2:11-14

• 1 പത്രോസ്‌ 5:13

• 2 പത്രോസ്‌ 1:12-15

ചർച്ച ചെയ്യാൻ:

തന്റെ ജീവി​ത​ത്തി​ലെ ഈ ഒരു സമയത്ത്‌ പത്രോസ്‌ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. യേശു പത്രോ​സി​നു “സ്വർഗ​രാ​ജ്യ​ത്തി​ന്റെ താക്കോ​ലു​കൾ” നൽകി. പത്രോസ്‌ എങ്ങനെ​യാണ്‌ അവ ഉപയോ​ഗി​ച്ചത്‌? (മത്താ. 16:18, 19; ijwbq ലേഖനം 124 ഖ. 1-5) A

   നിങ്ങളുടെ ഉത്തരം

   

2. 2. ജനതക​ളിൽപ്പെട്ട കൊർന്നേ​ല്യൊ​സി​നെ സന്ദർശി​ക്കു​ന്ന​തി​നു മുമ്പു​തന്നെ പത്രോ​സി​നു പക്ഷപാതം ഇല്ലായി​രു​ന്നു എന്നതിന്‌ എന്തു തെളി​വുണ്ട്‌? (പ്രവൃ. 10:5-7, 23; bt പേ. 69 ഖ. 1, അടിക്കു​റിപ്പ്‌) B

   നിങ്ങളുടെ ഉത്തരം

   

3. 3. പൗലോസ്‌ ഉപദേശം കൊടു​ത്ത​പ്പോൾ അതനു​സ​രിച്ച്‌ പത്രോസ്‌ വേണ്ട മാറ്റങ്ങൾ വരുത്തി​യെന്നു നമുക്ക്‌ എങ്ങനെ അറിയാം? (w17.04 പേ. 26-27 ഖ. 15-17)

   നിങ്ങളുടെ ഉത്തരം

4. 4. പത്രോസ്‌ എന്തിനാ​ണു ബാബി​ലോ​ണി​ലേക്കു താമസം മാറി​യത്‌? (w14 1/15 പേ. 24 ഖ. 9)

   നിങ്ങളുടെ ഉത്തരം

നമുക്കുള്ള പാഠങ്ങൾ

• യരുശ​ലേ​മിൽ കൂടിവന്ന വലി​യൊ​രു കൂട്ടം ആളുക​ളോ​ടു പത്രോസ്‌ ധൈര്യ​ത്തോ​ടെ​യും എന്നാൽ നയത്തോ​ടെ​യും സംസാ​രി​ച്ചു. ഏതെല്ലാം സാഹച​ര്യ​ങ്ങ​ളി​ലാ​ണു നമ്മൾ ധൈര്യ​വും നയവും കാണി​ക്കേ​ണ്ടത്‌?

  നിങ്ങളുടെ ഉത്തരം

• പത്രോസ്‌ സഭയിൽ വലിയ ഉത്തരവാ​ദി​ത്വ​സ്ഥാ​നത്ത്‌ ആയിരു​ന്നെ​ങ്കി​ലും പൗലോസ്‌ കൊടുത്ത ഉപദേശം സ്വീക​രി​ച്ചു. നമുക്ക്‌ എങ്ങനെ പത്രോ​സി​നെ അനുക​രി​ക്കാം? C

  നിങ്ങളുടെ ഉത്തരം

  

• ഈ വിവര​ണ​ത്തിൽ പത്രോസ്‌ കാണിച്ച ധൈര്യം വേറെ എങ്ങനെ​യും നിങ്ങൾക്ക്‌ അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• ഈ അധ്യായം പഠിച്ചു​ക​ഴി​ഞ്ഞ​പ്പോൾ പത്രോസ്‌ സ്വർഗ​ത്തിൽ ക്രിസ്‌തു​വി​നോ​ടൊ​പ്പം ഭരിക്കു​മെ​ന്നുള്ള അറിവ്‌ നിങ്ങളെ സന്തോ​ഷി​പ്പി​ക്കു​ന്നത്‌ എന്തു​കൊണ്ട്‌?

  നിങ്ങളുടെ ഉത്തരം

കൂടുതൽ അറിയാൻ

പേടി തോന്നു​മ്പോൾ നമുക്ക്‌ എങ്ങനെ പത്രോ​സി​നെ​പ്പോ​ലെ യഹോ​വ​യിൽ ആശ്രയി​ക്കാം?

അവരിൽനിന്ന്‌ പഠിക്കുക—പത്രോസ്‌ (6:48)

പ്രവൃത്തികൾ 10-ാം അധ്യാ​യ​ത്തി​ലെ വിവര​ണ​ത്തിൽനിന്ന്‌ കൂടുതൽ പാഠങ്ങൾ പഠിക്കാൻ ഇത്‌ ഉപയോ​ഗി​ക്കുക.

“ദൈവം പക്ഷപാ​ത​മു​ള്ള​വനല്ല” (വെബ്‌​സൈ​റ്റി​ലെ “ബൈബിൾപ​ഠനം രസകര​മാ​ക്കാം.”-wcgr)