ധൈര്യ​ശാ​ലി​യായ കുടും​ബ​നാ​ഥൻ

ഒരു നല്ല കുടും​ബ​നാ​ഥ​നാ​യി​രി​ക്കാൻ ശരിക്കും ധൈര്യം വേണം. നസറെ​ത്തിൽനി​ന്നുള്ള ഒരു മരപ്പണി​ക്കാ​ര​നായ യോ​സേഫ്‌ അത്തരത്തി​ലുള്ള ഒരു ഭർത്താ​വും അപ്പനും ആയിരി​ക്കാൻ ആഗ്രഹി​ച്ചു. എന്നാൽ കല്യാ​ണ​ത്തി​നു മുമ്പു​തന്നെ അദ്ദേഹ​ത്തി​ന്റെ ധൈര്യം പരീക്ഷി​ക്ക​പ്പെട്ടു. താൻ കല്യാണം കഴിക്കാൻപോ​കുന്ന മറിയ എന്ന പെൺകു​ട്ടി ഗർഭി​ണി​യാ​ണെന്നു യോ​സേഫ്‌ അറിഞ്ഞു. എന്നാൽ ആ കുഞ്ഞു തന്റേതല്ല. എങ്ങനെ​യാ​ണു ഗർഭി​ണി​യാ​യ​തെന്നു മറിയ വിശദീ​ക​രി​ച്ചെ​ങ്കി​ലും അതു മനസ്സി​ലാ​ക്കാ​നും വിശ്വ​സി​ക്കാ​നും യോ​സേ​ഫി​നു ബുദ്ധി​മു​ട്ടാ​യി​രു​ന്നു. അദ്ദേഹം ഇപ്പോൾ എന്തു ചെയ്യും?

യഹോ​വ​യു​ടെ നിയമങ്ങൾ അനുസ​രി​ച്ചി​രുന്ന ‘നീതി​മാ​നായ ഒരു മനുഷ്യ​നാ​യി​രു​ന്നു’ യോ​സേഫ്‌ എന്നു ബൈബിൾ പറയുന്നു. അദ്ദേഹം ദയയും കരുണ​യും ഉള്ള ആളുമാ​യി​രു​ന്നു. മറിയ ഗർഭി​ണി​യാ​ണെന്ന്‌ അറിഞ്ഞ​പ്പോൾ അവൾക്കു നാണ​ക്കേട്‌ ഉണ്ടാകാത്ത വിധത്തിൽ എങ്ങനെ ഈ പ്രശ്‌നം പരിഹ​രി​ക്കാ​മെന്ന്‌ അദ്ദേഹം ‘ചിന്തിച്ചു.’ അവസാനം, മറിയയെ രഹസ്യ​മാ​യി ഉപേക്ഷി​ക്കാൻ തീരു​മാ​നി​ച്ചു. (അക്കാലത്ത്‌ വിവാ​ഹ​നി​ശ്ചയം കഴിഞ്ഞ​വരെ വിവാ​ഹി​ത​രെ​പ്പോ​ലെ​ത​ന്നെ​യാ​ണു കണ്ടിരു​ന്നത്‌.) എന്നാൽ യഹോവ തന്റെ ദൂതനെ അയച്ച്‌ ഒരു സ്വപ്‌ന​ത്തിൽ യോ​സേ​ഫി​നോ​ടു സംസാ​രി​ച്ചു. ദൂതൻ പറഞ്ഞു: “നിന്റെ ഭാര്യ​യായ മറിയയെ വീട്ടി​ലേക്കു കൊണ്ടു​വ​രാൻ പേടി​ക്കേണ്ടാ.” മറിയ പറഞ്ഞ​തെ​ല്ലാം സത്യമാ​ണെന്ന്‌ ആ ദൂതൻ യോ​സേ​ഫിന്‌ ഉറപ്പു​കൊ​ടു​ത്തു. ആ കുഞ്ഞ്‌ ദൈവ​ത്തി​ന്റെ മകൻത​ന്നെ​യാ​യി​രു​ന്നു. അവൻ ഭാവി​യിൽ മിശി​ഹ​യാ​യി​ത്തീ​രും!

“യഹോ​വ​യു​ടെ ദൂതൻ നിർദേ​ശി​ച്ച​തു​പോ​ലെ” യോ​സേഫ്‌ ചെയ്‌തു. യഹോവ കൊടുത്ത ആ നിയമനം ഏറ്റെടു​ക്കാൻ യോ​സേഫ്‌ ധൈര്യം കാണിച്ചു. തന്റെ പ്രിയ​പ്പെട്ട ഭാര്യ​യെ​യും അവൾ ജന്മം നൽകാൻപോ​കുന്ന, ദൈവ​ത്തി​ന്റെ സ്വന്തം മകനെ​യും അദ്ദേഹം പരിപാ​ലി​ക്ക​ണ​മാ​യി​രു​ന്നു. യോ​സേ​ഫി​നു നല്ല ധൈര്യം വേണ്ട ഒരു ഉത്തരവാ​ദി​ത്വ​മാ​യി​രു​ന്നു അത്‌.

കുറച്ച്‌ മാസങ്ങൾ കഴിഞ്ഞ​പ്പോൾ എല്ലാവ​രും തങ്ങളുടെ ജന്മനാ​ട്ടിൽ ചെന്ന്‌ പേര്‌ രേഖ​പ്പെ​ടു​ത്ത​ണ​മെന്ന്‌ അഗസ്റ്റസ്‌ സീസർ കല്പന നൽകി. അതനു​സ​രിച്ച്‌ യോ​സേഫ്‌ ബേത്ത്‌ലെ​ഹെ​മി​ലേക്കു പോക​ണ​മാ​യി​രു​ന്നു. മറിയ​യും കൂടെ പോകാൻ നിയമം ആവശ്യ​പ്പെ​ട്ടി​രു​ന്നോ എന്നു നമുക്ക്‌ അറിയില്ല. എന്നാൽ മറിയ തന്റെ കൂടെ​യു​ണ്ടെ​ങ്കിൽ അവളെ നന്നായി സംരക്ഷി​ക്കാ​നാ​കു​മെന്നു സാധ്യ​ത​യ​നു​സ​രിച്ച്‌ യോ​സേഫ്‌ ചിന്തി​ച്ചു​കാ​ണും. അങ്ങനെ, മറിയ ‘പൂർണ​ഗർഭി​ണി​യാ​യി​രു​ന്നെ​ങ്കി​ലും’ അവർ ആ നീണ്ട യാത്ര നടത്തി. അവിടെ ബേത്ത്‌ലെ​ഹെ​മി​ലാ​യി​രി​ക്കെ മറിയ​യ്‌ക്കു പ്രസവ​വേദന തുടങ്ങി. മറിയ ഒരു തൊഴു​ത്തിൽ യേശു​വി​നു ജന്മം നൽകി.

മരപ്പണി ചെയ്‌ത്‌ കഷ്ടപ്പെ​ട്ടാ​ണു യോ​സേഫ്‌ തന്റെ കുടും​ബത്തെ പരിപാ​ലി​ച്ചത്‌. അവർക്കു സാമ്പത്തി​ക​മാ​യി ഏറെ​യൊ​ന്നു​മി​ല്ലാ​യി​രു​ന്നു. യോ​സേ​ഫും മറിയ​യും തങ്ങളുടെ കുഞ്ഞി​നെ​യും​കൊണ്ട്‌ ബലി അർപ്പി​ക്കാൻ യരുശ​ലേം ദേവാ​ല​യ​ത്തിൽ ചെന്ന​പ്പോൾ, പാവ​പ്പെ​ട്ട​വർക്കു​വേണ്ടി ദൈവ​നി​യമം അനുവ​ദി​ച്ചി​രുന്ന രണ്ടു പക്ഷിക​ളെ​യാണ്‌ അർപ്പി​ച്ചത്‌. കുറച്ച്‌ കാലം കഴിഞ്ഞ്‌ അവർ ബേത്ത്‌ലെ​ഹെ​മി​ലെ ഒരു വീട്ടിൽ താമസി​ക്കു​മ്പോൾ ചില ജ്യോ​ത്സ്യ​ന്മാർ അവരെ കാണാൻ വന്നു. സാധ്യ​ത​യ​നു​സ​രിച്ച്‌ അവർ ബാബി​ലോ​ണിൽനി​ന്നു​ള്ള​വ​രാ​യി​രു​ന്നു. കാഴ്‌ച​യ്‌ക്കു ‘നക്ഷത്രം’ പോലു​ണ്ടാ​യി​രുന്ന ഒരു വെളി​ച്ച​മാണ്‌ അവരെ അങ്ങോട്ടു നയിച്ചത്‌. കുഞ്ഞി​നുള്ള വില​യേ​റിയ കുറെ സമ്മാനങ്ങൾ അവർ കൊണ്ടു​വന്ന്‌ കൊടു​ത്തു. എന്നാൽ അതു കഴിഞ്ഞ്‌ ഉടനെ​തന്നെ യഹോ​വ​യു​ടെ ദൂതൻ യോ​സേ​ഫിന്‌ ഒരു മുന്നറി​യി​പ്പു നൽകി: ദുഷ്ടരാ​ജാ​വായ ഹെരോദ്‌ യേശു​വി​നെ കൊല്ലാൻ ആഗ്രഹി​ക്കു​ന്നു! അതു​കൊണ്ട്‌ കുടും​ബ​ത്തെ​യും കൂട്ടി ഈജി​പ്‌തി​ലേക്ക്‌ ഓടി​പ്പോ​കാൻ ദൂതൻ യോ​സേ​ഫി​നോട്‌ ആവശ്യ​പ്പെട്ടു.

യോ​സേഫ്‌ പെട്ടെ​ന്നു​തന്നെ ഭാര്യ​യെ​യും കുഞ്ഞി​നെ​യും കൊണ്ട്‌ ഈജി​പ്‌തി​ലേക്കു പുറ​പ്പെട്ടു. ഒരു പരിച​യ​വു​മി​ല്ലാത്ത ആ ദേശ​ത്തേക്ക്‌, ഇരുട്ടത്ത്‌ അവരെ​യും​കൊണ്ട്‌ പോകാൻ യോ​സേ​ഫി​നു ശരിക്കും ധൈര്യം വേണമാ​യി​രു​ന്നു. ഈജി​പ്‌തിൽ യോ​സേഫ്‌ എങ്ങനെ തന്റെ കുടും​ബത്തെ പരിപാ​ലി​ക്കു​മാ​യി​രു​ന്നു? ബാബി​ലോ​ണിൽനിന്ന്‌ വന്ന ജ്യോ​ത്സ്യ​ന്മാർ കൊടുത്ത വില​യേ​റിയ സമ്മാനങ്ങൾ കൈയിൽ ഉണ്ടായി​രു​ന്നത്‌ അവർക്ക്‌ ഉപകാ​ര​പ്പെട്ടു. പിന്നീട്‌ യഹോവ യോ​സേ​ഫി​നോ​ടു കുടും​ബ​ത്തെ​യും​കൊണ്ട്‌ ഇസ്രാ​യേ​ലി​ലേക്കു തിരി​ച്ചു​പോ​കാൻ നിർദേ​ശി​ച്ചു. എന്നാൽ ബേത്ത്‌ലെ​ഹെ​മിൽ അപ്പോൾ ഭരണം നടത്തി​യി​രു​ന്നതു ക്രൂര​നായ ഒരു ഭരണാ​ധി​കാ​രി​യാ​യി​രു​ന്നു. അതു​കൊണ്ട്‌ യഹോവ ഒരു സ്വപ്‌ന​ത്തിൽ ആവശ്യ​പ്പെ​ട്ട​ത​നു​സ​രിച്ച്‌ യോ​സേ​ഫും കുടും​ബ​വും നസറെ​ത്തി​ലേ​ക്കാ​ണു പോയത്‌.

നസറെ​ത്തിൽവെച്ച്‌ യോ​സേ​ഫി​നും മറിയ​യ്‌ക്കും വേറെ ആറു മക്കളെ​ങ്കി​ലും ജനിച്ചു. തന്റെ കുടും​ബത്തെ പരിപാ​ലി​ക്കു​ന്ന​തി​നാ​യി യോ​സേഫ്‌ തുടർന്നും ഒരു മരപ്പണി​ക്കാ​ര​നാ​യി ജോലി ചെയ്‌തു​കൊ​ണ്ടി​രു​ന്നു. എന്നാൽ അതിലും പ്രധാ​ന​മാ​യി തന്റെ കുടും​ബ​ത്തി​ന്റെ ആത്മീയാ​വ​ശ്യ​ങ്ങൾക്കു​വേ​ണ്ടി​യും യോ​സേഫ്‌ പ്രവർത്തി​ച്ചു. യഹോ​വ​യെ​ക്കു​റിച്ച്‌ പഠിക്കു​ന്ന​തി​നു പതിവാ​യി സിന​ഗോ​ഗിൽ പോകു​ന്ന​തും വാർഷി​ക​പ്പെ​രു​ന്നാ​ളു​കൾക്ക്‌ യരുശ​ലേ​മിൽ പോകു​ന്ന​തും അവരുടെ ഒരു ശീലമാ​യി​രു​ന്നു. അങ്ങനെ ഒരു പെരു​ന്നാ​ളി​നു നടന്ന സംഭവ​വു​മാ​യി ബന്ധപ്പെ​ട്ടാ​ണു യോ​സേ​ഫി​നെ​ക്കു​റിച്ച്‌ ബൈബി​ളിൽ നമ്മൾ അവസാ​ന​മാ​യി കാണു​ന്നത്‌. യരുശ​ലേ​മിൽനിന്ന്‌ മടങ്ങി​വ​രു​മ്പോൾ 12 വയസ്സുള്ള യേശു​വി​നെ കാണാ​തെ​പോ​യി. യോ​സേഫ്‌ ആകെ പേടിച്ചു. എന്നാൽ യേശു​വി​നെ അവർ ആലയത്തിൽ സുരക്ഷി​ത​നാ​യി കണ്ടെത്തി. യോ​സേ​ഫും മറിയ​യും മക്കളെ​യും​കൊണ്ട്‌ തിരിച്ച്‌ വീട്ടിൽ വന്നു. യേശു “പഴയ​പോ​ലെ അവർക്കു കീഴ്‌പെ​ട്ടി​രു​ന്നു.”

യോ​സേഫ്‌ മരിക്കു​മ്പോൾ അദ്ദേഹ​ത്തിന്‌ എത്ര പ്രായ​മു​ണ്ടാ​യി​രു​ന്നെന്നു ബൈബിൾ പറയു​ന്നില്ല. എന്നാൽ മരിക്കു​ന്ന​തി​നു മുമ്പ്‌ അദ്ദേഹം യേശു​വി​നു നല്ല പരിശീ​ലനം നൽകി​യി​രു​ന്നെന്ന്‌ ഉറപ്പാണ്‌. കാരണം ആളുകൾ യേശു​വി​നെ ‘മരപ്പണി​ക്കാ​രന്റെ മകൻ’ എന്നു മാത്രമല്ല ‘മരപ്പണി​ക്കാ​രൻ’ എന്നും വിളി​ച്ചി​രു​ന്നു. അതു കാണി​ക്കു​ന്നതു യോ​സേഫ്‌ യേശു​വിന്‌ ആ തൊഴിൽ നന്നായി പഠിപ്പി​ച്ചു​കൊ​ടു​ത്തു എന്നാണ്‌. എല്ലാ അച്ഛന്മാർക്കും യോ​സേഫ്‌ നല്ലൊരു മാതൃക വെച്ചു. യോ​സേ​ഫി​നെ​പ്പോ​ലെ അവരും ധൈര്യ​ശാ​ലി​ക​ളും വിശ്വ​സ്‌ത​രും ദയയു​ള്ള​വ​രും ആയിരി​ക്കാ​നാണ്‌ യഹോവ ആഗ്രഹി​ക്കു​ന്നത്‌. യോ​സേഫ്‌ തന്റെ കുടും​ബത്തെ സംരക്ഷി​ച്ചു, പരിപാ​ലി​ച്ചു. യഹോ​വ​യെ​ക്കു​റിച്ച്‌ അവരെ പഠിപ്പി​ച്ചു. എത്ര നല്ല മാതൃക!

ബൈബിൾവി​വ​രണം വായി​ക്കുക:

• മത്തായി 1:18-25; 2:1-23; 13:55

• മർക്കോസ്‌ 6:3

• ലൂക്കോസ്‌ 2:1-7, 22-24, 41-51

ചർച്ച ചെയ്യാൻ:

യോ​സേഫ്‌ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. മറിയ​യാ​യി​രു​ന്നു ഹേലി​യു​ടെ മകൾ. പിന്നെ എന്തു​കൊ​ണ്ടാണ്‌ ലൂക്കോസ്‌ 3:23-ൽ “യോ​സേഫ്‌ ഹേലി​യു​ടെ മകൻ” എന്നു പറഞ്ഞി​രി​ക്കു​ന്നത്‌? (w17.08 പേ. 32 ഖ. 4)

   നിങ്ങളുടെ ഉത്തരം

2. 2. യേശു ജനിക്കു​ന്ന​തി​നു മുമ്പ്‌ യോ​സേഫ്‌ മറിയ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടാ​തി​രു​ന്നത്‌ എന്തു​കൊ​ണ്ടാ​യി​രി​ക്കാം? (w03 12/15 പേ. 5 ഖ. 5)

   നിങ്ങളുടെ ഉത്തരം

3. 3. യോ​സേഫ്‌ കഠിനാ​ധ്വാ​നി​യാ​യി​രു​ന്നു എന്നതിന്‌ എന്തു തെളി​വുണ്ട്‌? (ia പേ. 191-192 ഖ. 15-18) A

   നിങ്ങളുടെ ഉത്തരം

   

4. 4. യേശു ശുശ്രൂഷ തുടങ്ങു​ന്ന​തി​നു മുമ്പ്‌ യോ​സേഫ്‌ മരിച്ചു​കാ​ണു​മെന്നു പറയാ​വു​ന്നത്‌ എന്തു​കൊണ്ട്‌? (w17.07 പേ. 13 ഖ. 8, അടിക്കു​റിപ്പ്‌)

   നിങ്ങളുടെ ഉത്തരം

നമുക്കുള്ള പാഠങ്ങൾ

• യഹോവ കൊടുത്ത നിർദേശം അനുസ​രി​ക്കാൻ എളുപ്പ​മ​ല്ലാ​യി​രു​ന്നെ​ങ്കി​ലും യോ​സേഫ്‌ അതിനു തയ്യാറാ​യി. മാതാ​പി​താ​ക്കൾക്കു യോ​സേ​ഫിൽനിന്ന്‌ എന്തു പഠിക്കാം? (മത്താ. 1:20, 24; 2:13-15, 19-21)

  നിങ്ങളുടെ ഉത്തരം

• കുടും​ബ​ത്തിൽ യഹോ​വ​യ്‌ക്ക്‌ ഒന്നാം സ്ഥാനം കൊടു​ക്കു​ന്ന​തി​നെ​ക്കു​റിച്ച്‌ യോ​സേ​ഫിൽനിന്ന്‌ നമുക്ക്‌ എന്തു പഠിക്കാം? (ലൂക്കോ. 2:41) B

  നിങ്ങളുടെ ഉത്തരം

  

• യോ​സേ​ഫി​ന്റെ ധൈര്യം മറ്റ്‌ ഏതെല്ലാം വിധങ്ങ​ളിൽ നിങ്ങൾക്ക്‌ അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• പുനരു​ത്ഥാ​ന​പ്പെ​ട്ടു​വ​രുന്ന യോ​സേ​ഫി​നോട്‌ എന്തു ചോദി​ക്കാ​നാ​ണു ഞാൻ ആഗ്രഹി​ക്കു​ന്നത്‌?

  നിങ്ങളുടെ ഉത്തരം

കൂടുതൽ അറിയാൻ

യഹോവ ആവശ്യ​പ്പെട്ട കാര്യം യോ​സേഫ്‌ എങ്ങനെ​യാ​ണു ചെയ്‌ത​തെന്ന്‌ ഈ വീഡി​യോ​യിൽ കാണുക.

“യഹോ​വ​യു​ടെ ദൂതൻ നിർദേ​ശി​ച്ച​തു​പോ​ലെ” യോ​സേഫ്‌ ചെയ്‌തു (4:39)

ന്യായമല്ലെന്നോ അനുസ​രി​ക്കാൻ ബുദ്ധി​മു​ട്ടു​ള്ള​താ​ണെ​ന്നോ തോന്നുന്ന ഒരു നിയമം ഗവൺമെന്റ്‌ വെക്കു​മ്പോൾ നമുക്ക്‌ എങ്ങനെ യോ​സേ​ഫി​നെ​യും മറിയ​യെ​യും അനുക​രി​ക്കാം?

“നിങ്ങൾ അനുസ​രി​ക്കാൻ ഒരുക്ക​മു​ള്ള​വ​രാ​ണോ?” (w23.10 പേ. 8-10 ഖ. 9-14)