മറ്റൊരു ദേശ​ത്തേക്കു പോകാൻ ധൈര്യം കാണിച്ചു

റിബെക്ക ഒരു വലിയ കുടവു​മാ​യി കിണറിന്‌ അരികി​ലേക്കു വരുക​യാണ്‌. സൂര്യൻ അസ്‌ത​മി​ക്കാ​റാ​യി. വീട്ടാ​വ​ശ്യ​ങ്ങൾക്കുള്ള വെള്ളം കോരുന്ന സമയമാ​ണിത്‌. റിബെക്ക പതിവാ​യി ഇത്തരം ജോലി​ക​ളൊ​ക്കെ ചെയ്യാ​റുണ്ട്‌. എന്നാൽ റിബെക്ക നോക്കി​യ​പ്പോൾ പരിച​യ​മി​ല്ലാത്ത കുറെ പുരു​ഷ​ന്മാർ ഒട്ടകങ്ങ​ളു​മാ​യി കിണറിന്‌ അരികിൽ നിൽക്കു​ന്നു. എങ്കിലും റിബെക്ക ധൈര്യ​ത്തോ​ടെ നേരെ നീരു​റ​വിന്‌ അടു​ത്തേക്കു ചെന്ന്‌ തന്റെ കുടം നിറച്ചു.

ഭാരമുള്ള ആ കുടവു​മാ​യി റിബെക്ക വീട്ടി​ലേക്കു പോകാൻതു​ട​ങ്ങി​യ​പ്പോൾ അക്കൂട്ട​ത്തിൽനിന്ന്‌ പ്രായ​മുള്ള ഒരു മനുഷ്യൻ ഓടി​വന്ന്‌, “കുടത്തിൽനിന്ന്‌ എനിക്കു കുറച്ച്‌ വെള്ളം കുടി​ക്കാൻ തരുമോ” എന്നു ചോദി​ച്ചു. ആ അപരി​ചി​ത​രോ​ടു ദയ കാണി​ക്കാൻ റിബെക്ക ഒരു മടിയും കാണി​ച്ചില്ല. “യജമാ​നനേ, കുടി​ച്ചാ​ലും” എന്നു പറഞ്ഞു​കൊണ്ട്‌ റിബെക്ക തോളിൽനിന്ന്‌ കുടം കൈയി​ലി​റക്കി അയാൾക്കു വേണ്ടത്ര വെള്ളം കുടി​ക്കാൻ കൊടു​ത്തു.

അതു മാത്രമല്ല റിബെക്ക ചെയ്‌തത്‌. അവരുടെ പത്ത്‌ ഒട്ടകങ്ങൾക്കും വെള്ളം കോരി കൊടു​ക്കാ​മെന്നു റിബെക്ക പറഞ്ഞു. സുന്ദരി​യായ ആ പെൺകു​ട്ടി വെള്ളം കോരാ​നാ​യി വീണ്ടും​വീ​ണ്ടും നീരു​റ​വി​ലേക്ക്‌ ഓടി​യി​റ​ങ്ങു​ന്ന​തും എല്ലാ ഒട്ടകങ്ങ​ളും മതിയാ​വോ​ളം കുടി​ക്കു​ന്ന​തു​വരെ തൊട്ടി​യിൽ വെള്ളം നിറയ്‌ക്കു​ന്ന​തും ആ അപരി​ചി​തൻ ആശ്ചര്യ​ത്തോ​ടെ നോക്കി​നി​ന്നു. അവൾ ആരുടെ മകളാണ്‌ എന്നും തങ്ങൾക്കു രാത്രി തങ്ങാൻ അപ്പന്റെ വീട്ടിൽ സ്ഥലമു​ണ്ടോ എന്നും അദ്ദേഹം അവളോ​ടു ചോദി​ച്ചു. അപ്പോൾ ഒരു മടിയും​കൂ​ടാ​തെ റിബെക്ക, അവർക്കു തന്റെ അപ്പന്റെ വീട്ടിൽ വന്ന്‌ താമസി​ക്കാ​മെ​ന്നും മൃഗങ്ങൾക്ക്‌ ആവശ്യ​ത്തി​നു തീറ്റി കൊടു​ക്കാ​മെ​ന്നും പറഞ്ഞു.

റിബെ​ക്ക​യ്‌ക്ക്‌ അറിയി​ല്ലാ​യി​രു​ന്നെ​ങ്കി​ലും ഇങ്ങനെ ഒരു കൂടി​ക്കാ​ഴ്‌ച​യ്‌ക്ക്‌ ഇടയാ​ക്കി​യത്‌ യഹോ​വ​യാ​യി​രു​ന്നു. പ്രായ​മുള്ള ആ മനുഷ്യൻ ദൂര​ദേ​ശ​ത്തു​നിന്ന്‌ വന്ന വിശ്വ​സ്‌ത​നായ ഒരു ദാസനാ​യി​രു​ന്നു; സാധ്യ​ത​യ​നു​സ​രിച്ച്‌ എലീ​യേസർ. കുറെ ആഴ്‌ച​കൾക്കു മുമ്പ്‌ അദ്ദേഹ​ത്തി​ന്റെ യജമാ​ന​നായ അബ്രാ​ഹാം തന്റെ മകനും അനന്തരാ​വ​കാ​ശി​യും ആയ യിസ്‌ഹാ​ക്കിന്‌ ഒരു ഭാര്യയെ കണ്ടെത്താൻ ദൂരെ ഒരു ദേശ​ത്തേക്കു യാത്ര​ചെ​യ്യാൻ അദ്ദേഹ​ത്തോട്‌ ആവശ്യ​പ്പെ​ട്ടി​രു​ന്നു. ആ പെൺകു​ട്ടി യഹോ​വയെ ആരാധി​ക്കുന്ന ഒരു കുടും​ബ​ത്തിൽനി​ന്നാ​യി​രി​ക്ക​ണ​മെ​ന്നും അബ്രാ​ഹാം പറഞ്ഞി​രു​ന്നു. അതു​കൊണ്ട്‌ എലീ​യേസർ സഹായ​ത്തി​നാ​യി യഹോ​വ​യോ​ടു പ്രാർഥി​ച്ചു. യിസ്‌ഹാ​ക്കി​നു​വേണ്ടി യഹോവ തിര​ഞ്ഞെ​ടു​ത്തി​രി​ക്കുന്ന പെൺകു​ട്ടി തങ്ങളോട്‌ ആതിഥ്യം കാണി​ക്കാൻ ഇടയാ​ക്ക​ണ​മെന്ന്‌ അദ്ദേഹം യഹോ​വ​യോട്‌ അപേക്ഷി​ച്ചു. അതുത​ന്നെ​യാ​ണു റിബെക്ക ചെയ്‌ത​തും!

മുമ്പ്‌ ഒരിക്ക​ലും കണ്ടിട്ടി​ല്ലാത്ത ആ മനുഷ്യ​രെ സഹായി​ക്കാൻ റിബെക്ക മനസ്സോ​ടെ തയ്യാറാ​യി. “ക്രൂര​ന്മാ​രും നന്മ ഇഷ്ടപ്പെ​ടാ​ത്ത​വ​രും” ഒരുപാ​ടുള്ള നമ്മുടെ ഈ കാല​ത്തെ​ക്കാൾ വ്യത്യ​സ്‌ത​മാ​യി​രു​ന്നു ആ സമയം എന്നതു ശരിയാണ്‌. (2 തിമൊ. 3:1, 3) എങ്കിലും അപരി​ചി​ത​രോട്‌ ആതിഥ്യം കാണി​ക്കാൻ നല്ല ധൈര്യം വേണമാ​യി​രു​ന്നു. മറ്റു വിധങ്ങ​ളി​ലും റിബെക്ക ധൈര്യം കാണിച്ചു.

ആ പുരു​ഷ​ന്മാർ ഇത്രയും ദൂരം യാത്ര ചെയ്‌തു​വ​ന്ന​തി​ന്റെ കാരണം അധികം വൈകാ​തെ​തന്നെ റിബെ​ക്ക​യ്‌ക്കു മനസ്സി​ലാ​യി. അവർ വീട്ടിൽ എത്തിയ​പ്പോൾ റിബെ​ക്ക​യു​ടെ അപ്പൻ ബഥൂ​വേ​ലും ആങ്ങള ലാബാ​നും എലീ​യേ​സ​രി​നെ ഭക്ഷണം കഴിക്കാൻ വിളിച്ചു. എന്നാൽ താൻ വന്നതിന്റെ കാരണം പറയാതെ ഭക്ഷണം കഴിക്കി​ല്ലെന്ന്‌ ആ ദാസൻ അവരോ​ടു പറഞ്ഞു. റിബെ​ക്കയെ കണ്ടെത്താൻ യഹോവ തന്നെ അനു​ഗ്ര​ഹി​ച്ചത്‌ എങ്ങനെ​യെന്ന്‌ അദ്ദേഹം അവരോ​ടു വിശദീ​ക​രി​ച്ചു. യഹോ​വ​യാണ്‌ അദ്ദേഹത്തെ സഹായി​ച്ച​തെന്നു തിരി​ച്ച​റിഞ്ഞ ബഥൂ​വേ​ലും ലാബാ​നും “ഇത്‌ യഹോ​വ​യിൽനി​ന്നാണ്‌” എന്നു പറഞ്ഞു.

റിബെക്ക ഇപ്പോൾ എന്തു ചെയ്യു​മാ​യി​രു​ന്നു? പെൺകു​ട്ടി ചില​പ്പോൾ എലീ​യേ​സ​രി​ന്റെ​കൂ​ടെ കനാനി​ലേക്കു വരാൻ തയ്യാറാ​കാ​തി​രു​ന്നേ​ക്കാം എന്ന കാര്യം അബ്രാ​ഹാം പറഞ്ഞി​ട്ടു​ണ്ടാ​യി​രു​ന്നു. പോക​ണോ വേണ്ടയോ എന്നു തീരു​മാ​നി​ക്കാ​നുള്ള സ്വാത​ന്ത്ര്യം സാധ്യ​ത​യ​നു​സ​രിച്ച്‌ പെൺകു​ട്ടിക്ക്‌ ഉണ്ടായി​രു​ന്നു. പിറ്റേന്നു രാവിലെ എലീ​യേസർ അവരോട്‌, റിബെ​ക്ക​യെ​യും കൂട്ടി താൻ പൊയ്‌ക്കൊ​ള്ള​ട്ടെ​യെന്നു ചോദി​ച്ചു. അതെക്കു​റിച്ച്‌ റിബെ​ക്ക​യോ​ടു​തന്നെ ചോദി​ക്കാം എന്നാണു വീട്ടു​കാർ അപ്പോൾ പറഞ്ഞത്‌. അവർ ചോദി​ച്ച​പ്പോൾ റിബെക്ക “പോകാൻ ഞാൻ തയ്യാറാണ്‌” എന്നു പറഞ്ഞു. വീട്ടു​കാ​രെ ഇനി എന്നെങ്കി​ലും കാണാൻ പറ്റുമോ എന്ന്‌ അറിയി​ല്ലാ​യി​രു​ന്നെ​ങ്കി​ലും അവരെ​യെ​ല്ലാം വിട്ട്‌ ദൂരെ​യുള്ള കനാനി​ലേക്കു പോകാൻ റിബെക്ക ഒരുക്ക​മാ​യി​രു​ന്നു. എങ്ങനെ​യാ​ണു റിബെ​ക്ക​യ്‌ക്ക്‌ അതിനുള്ള ധൈര്യം കിട്ടി​യത്‌? തന്നെക്കു​റി​ച്ചുള്ള യഹോ​വ​യു​ടെ ഇഷ്ടം ഇതാ​ണെന്നു റിബെ​ക്ക​യും തിരി​ച്ച​റി​ഞ്ഞി​ട്ടു​ണ്ടാ​കണം.

ഒട്ടകപ്പു​റ​ത്തുള്ള ആഴ്‌ചകൾ നീണ്ട യാത്ര​യ്‌ക്കൊ​ടു​വിൽ അവർ കനാനിൽ അബ്രാ​ഹാം താമസി​ച്ചി​രുന്ന സ്ഥലത്ത്‌ എത്തി. ഇരുട്ടു പരക്കാ​റായ ആ സമയത്ത്‌ ഒരാൾ ഒറ്റയ്‌ക്കു വെളി​മ്പ്ര​ദേ​ശ​ത്തു​കൂ​ടി നടക്കു​ന്നതു റിബെക്ക കണ്ടു. അദ്ദേഹം ധ്യാനി​ക്കാൻവേണ്ടി അവിടെ പോയ​താ​യി​രു​ന്നു. അതു യിസ്‌ഹാ​ക്കാ​ണെന്നു മനസ്സി​ലാ​ക്കി​യ​പ്പോൾ റിബെക്ക താഴ്‌മ​യോ​ടെ മൂടു​പടം എടുത്ത്‌ അണിഞ്ഞു. അദ്ദേഹത്തെ തന്റെ ഭർത്താ​വാ​യി സ്വീക​രി​ക്കു​ന്ന​തി​ന്റെ അടയാ​ള​മാ​യി​രു​ന്നു അത്‌. 40 വയസ്സു​ണ്ടാ​യി​രുന്ന യിസ്‌ഹാക്ക്‌ നല്ല സ്‌നേ​ഹ​മുള്ള ആളായി​രു​ന്നു. അമ്മയായ സാറ മൂന്നു വർഷം മുമ്പ്‌ മരിച്ചു​പോ​യ​തി​ന്റെ സങ്കടത്തി​ലാ​യി​രു​ന്നു അദ്ദേഹം. യഹോ​വ​യിൽനിന്ന്‌ തനിക്കു ലഭിച്ച ആ വലിയ ഉത്തരവാ​ദി​ത്വം ചെയ്യാ​നുള്ള ധൈര്യം റിബെ​ക്ക​യ്‌ക്ക്‌ ഉണ്ടായി​രി​ക്കു​മാ​യി​രു​ന്നോ? റിബെക്ക യിസ്‌ഹാ​ക്കി​നു പിന്തുണ നൽകുന്ന സ്‌നേ​ഹ​നി​ധി​യായ ഒരു ഭാര്യ​യാ​യി​രി​ക്കു​മാ​യി​രു​ന്നോ? കുടും​ബ​ത്തി​ന്റെ തലയാ​യി​രു​ന്നു​കൊണ്ട്‌ യഹോ​വയെ വിശ്വ​സ്‌ത​മാ​യി സേവി​ക്കാൻ യിസ്‌ഹാ​ക്കി​നെ റിബെക്ക സഹായി​ക്കു​മാ​യി​രു​ന്നോ? റിബെക്ക അങ്ങനെ​യെ​ല്ലാം ചെയ്‌തെന്നു ബൈബി​ളിൽ കാണാ​നാ​കും. അവരുടെ വിവാ​ഹ​ജീ​വി​ത​ത്തി​ന്റെ തുടക്ക​ത്തെ​ക്കു​റിച്ച്‌ ബൈബിൾ പറയു​ന്നത്‌ ഇതാണ്‌: “യിസ്‌ഹാ​ക്കി​നു റിബെ​ക്കയെ ഇഷ്ടമായി. അങ്ങനെ, അമ്മയുടെ വേർപാ​ടിൽ ദുഃഖി​ച്ചി​രുന്ന യിസ്‌ഹാ​ക്കിന്‌ ആശ്വാസം ലഭിച്ചു.”

ബൈബിൾവി​വ​രണം വായി​ക്കുക:

• ഉൽപത്തി 24:1-67; 25:20

ചർച്ച ചെയ്യാൻ:

റിബെക്ക എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. അബ്രാ​ഹാ​മി​നു മക്കളു​ണ്ടാ​യ​പ്പോൾ എലീ​യേ​സ​രി​നെ അത്‌ എങ്ങനെ​യാ​ണു ബാധി​ച്ചത്‌? അദ്ദേഹ​ത്തി​നു പരിഭ​വ​മൊ​ന്നും തോന്നി​യി​ല്ലെന്നു നമുക്ക്‌ എങ്ങനെ അറിയാം? (ഉൽപ. 15:2-4; 24:12; w97 1/1 പേ. 30 ഖ. 2)

   നിങ്ങളുടെ ഉത്തരം

2. 2. യിസ്‌ഹാക്ക്‌ റിബെ​ക്ക​യു​ടെ നാട്ടി​ലേക്കു പോകു​ന്ന​തി​നു പകരം റിബെക്ക കനാനി​ലേക്കു വരാൻ അബ്രാ​ഹാം ആഗ്രഹി​ച്ചത്‌ എന്തു​കൊ​ണ്ടാണ്‌? (w97 1/1 പേ. 30 ഖ. 3)

   നിങ്ങളുടെ ഉത്തരം

3. 3. റിബെ​ക്ക​യ്‌ക്കും വീട്ടു​കാർക്കും സമ്മാനങ്ങൾ കൊടു​ത്തത്‌ എന്തിനെ സൂചി​പ്പി​ച്ചു? (it “റിബെക്ക” ഖ. 4-wcgr)

   നിങ്ങളുടെ ഉത്തരം

4. 4. ഹാരാ​നിൽനിന്ന്‌ നെഗെ​ബി​ലെ യിസ്‌ഹാ​ക്കി​ന്റെ വീട്ടി​ലേ​ക്കുള്ള റിബെ​ക്ക​യു​ടെ യാത്ര​യെ​ക്കു​റിച്ച്‌ വിശദീ​ക​രി​ക്കുക. (wp16.3 പേ. 15 ഖ. 1-wcgr) A

   നിങ്ങളുടെ ഉത്തരം

   

   www.LifeintheHolyLand.com

നമുക്കുള്ള പാഠങ്ങൾ

• വിവാ​ഹ​യി​ണയെ തിര​ഞ്ഞെ​ടു​ക്കുന്ന കാര്യ​ത്തിൽ അബ്രാ​ഹാം, റിബെക്ക, യിസ്‌ഹാക്ക്‌ എന്നിവ​രിൽനിന്ന്‌ നമുക്ക്‌ എന്തു പഠിക്കാം? (ഉൽപ. 24:2, 3; 27:46–28:1)

  നിങ്ങളുടെ ഉത്തരം

• റിബെക്ക കഠിനാ​ധ്വാ​നി​യും ഉദാര​മ​തി​യും ആദരവു​ള്ള​വ​ളും ആയിരു​ന്നു. ഇന്നു സഹോ​ദ​രി​മാർക്ക്‌ ആ മാതൃക എങ്ങനെ അനുക​രി​ക്കാം? B

  നിങ്ങളുടെ ഉത്തരം

  

• നിങ്ങൾക്ക്‌ എങ്ങനെ റിബെ​ക്ക​യു​ടെ ധൈര്യം അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• പുനരു​ത്ഥാ​ന​പ്പെ​ട്ടു​വ​രുന്ന റിബെ​ക്ക​യോട്‌ എന്തു ചോദി​ക്കാ​നാ​ണു ഞാൻ ആഗ്രഹി​ക്കു​ന്നത്‌?

  നിങ്ങളുടെ ഉത്തരം

കൂടുതൽ അറിയാൻ

വിശ്വസ്‌തയായ ഭാര്യ​യും അമ്മയും എന്ന നിലയിൽ റിബെക്ക എങ്ങനെ​യാ​ണു തുടർന്നും ധൈര്യം കാണി​ച്ച​തെന്നു കാണുക.

“റിബെക്ക ദൈവ​ഭ​ക്ത​യും കർമോ​ത്സു​ക​യും ആയ ഒരു സ്‌ത്രീ” (w04 4/15 പേ. 8-11)

റിബെക്കയിൽനിന്ന്‌ കുട്ടി​കൾക്ക്‌ എന്തൊക്കെ പഠിക്കാ​നാ​കും?

“റിബെ​ക്ക​യു​ടെ നല്ല ഗുണങ്ങൾ” (വെബ്‌​സൈ​റ്റി​ലെ “ചിത്ര​ങ്ങ​ളി​ലൂ​ടെ പഠിക്കാം.”-wcgr)