മയക്കു​മ​രു​ന്നു​കൾക്ക്‌ എതി​രെ​യുള്ള യുദ്ധം വിജയി​ക്കാ​നാ​കു​മോ?

മയക്കു​മ​രു​ന്നു​കൾക്ക്‌ എതി​രെ​യുള്ള യുദ്ധത്തിൽ വിജയി​ക്കുക എന്ന ലക്ഷ്യം തികച്ചും പ്രശം​സ​നീ​യം തന്നെയാണ്‌. എന്നാൽ അതു വിചാ​രി​ക്കു​ന്നതു പോലെ അത്ര എളുപ്പമല്ല. മയക്കു​മ​രു​ന്നാ​കുന്ന തീവണ്ടി​യെ മുന്നോ​ട്ടു വലിക്കു​ന്നതു രണ്ടു ശക്തമായ എഞ്ചിനു​ക​ളാണ്‌, പ്രദാ​ന​വും ചോദ​ന​വും (supply and demand). ഇപ്പോൾ ഏകദേശം ഒരു നൂറ്റാ​ണ്ടാ​യി, മയക്കു​മ​രു​ന്നു​ക​ളു​ടെ പ്രദാ​ന​ത്തി​നു തടയി​ടു​ന്ന​തി​ലാണ്‌ ഗവൺമെ​ന്റു​ക​ളു​ടെ​യും പൊലീ​സി​ന്റെ​യും ശ്രദ്ധ. അവരുടെ കണക്കു​കൂ​ട്ടൽ തികച്ചും ലളിത​മാണ്‌: മയക്കു​മ​രുന്ന്‌ ഇല്ലെങ്കിൽ മയക്കു​മ​രുന്ന്‌ അടിമ​ക​ളും ഇല്ല.

പ്രദാ​ന​ത്തി​ന്മേ​ലുള്ള ആക്രമണം

ഈ ലക്ഷ്യത്തിൽ പ്രവർത്തി​ക്കുന്ന, മയക്കു​മ​രു​ന്നു​വേ​ട്ട​യ്‌ക്കു വേണ്ടി നിയോ​ഗി​ച്ചി​ട്ടുള്ള പൊലീസ്‌ സ്‌ക്വാ​ഡു​കൾ ഇതി​നോ​ടകം തന്നെ ധാരാളം മയക്കു​മ​രു​ന്നു​കൾ പിടി​ച്ചെ​ടു​ത്തി​ട്ടുണ്ട്‌. മാത്രമല്ല, അന്താരാ​ഷ്‌ട്ര തലത്തി​ലുള്ള സഹകര​ണ​ത്തി​ലൂ​ടെ മയക്കു​മ​രു​ന്നു വ്യാപാര രംഗത്തെ വൻതോ​ക്കു​കളെ പിടി​കൂ​ടു​ന്ന​തി​നും സാധി​ച്ചി​ട്ടുണ്ട്‌. എന്നാൽ ഈ നടപടി​ക​ളു​ടെ ഫലമായി ചില മയക്കു​മ​രു​ന്നു വ്യാപാ​രി​കൾ താവളം മാറ്റു​ക​യോ പുതിയ മേച്ചിൽപ്പു​റങ്ങൾ തേടു​ക​യോ വ്യാപാ​ര​ത്തി​നു പുതിയ മാർഗങ്ങൾ കണ്ടുപി​ടി​ക്കു​ക​യോ ചെയ്‌തേ​ക്കാ​മെ​ങ്കി​ലും അത്‌ അവരുടെ പ്രവർത്തനം അവസാ​നി​പ്പി​ക്കു​ന്നില്ല എന്നതാണു കയ്‌പ്പേ​റിയ യാഥാർഥ്യം. “മയക്കു​മ​രുന്ന്‌ ഇടപാ​ടു​കാ​രു​ടെ പക്കൽ കണക്കി​ല്ലാ​തെ പണം ഉണ്ടായി​രി​ക്കു​ക​യും അതേ സമയം ഞങ്ങൾക്കു ദേശീയ ബജറ്റിൽ [മയക്കു​മ​രു​ന്നു​വേ​ട്ട​യ്‌ക്കു വേണ്ടി] പണം മാറ്റി​വെ​ക്കാൻ ഒരു യുദ്ധം​തന്നെ നടത്തേണ്ടി വരിക​യും ചെയ്യുന്ന അവസ്ഥ നിലനിൽക്കു​ന്നി​ട​ത്തോ​ളം കാലം ഞങ്ങൾക്ക്‌ ഒരിക്ക​ലും അവരുടെ നേർക്കു​നേരെ നിൽക്കാൻ കഴിയില്ല,” എന്ന്‌ ഈ രംഗത്തെ ഒരു വിദഗ്‌ധൻ സമ്മതി​ക്കു​ന്നു.

ആഫ്രി​ക്ക​യ്‌ക്കും ഐബീ​രി​യൻ ഉപദ്വീ​പി​നും ഇടയിൽ നടക്കുന്ന മയക്കു​മ​രു​ന്നു വ്യാപാ​രം നിയ​ന്ത്രി​ക്കു​ന്ന​തി​ലെ ബുദ്ധി​മു​ട്ടി​നെ കുറിച്ച്‌ ജിബ്രാൾട്ടർ പൊലീസ്‌ സേനയി​ലെ ഒരു കുറ്റകൃ​ത്യ നിവാരണ ഉദ്യോ​ഗ​സ്ഥ​നായ ജോ ഡെ ലാ റോസാ ഉണരുക!യോടു പറയു​ക​യു​ണ്ടാ​യി. “1997-ൽ ഞങ്ങൾ ഏകദേശം 400 കിലോ കഞ്ചാവു​ക​റ​യാ​ണു കണ്ടെടു​ത്തത്‌,” അദ്ദേഹം പറഞ്ഞു. “ഇതിൽ ഭൂരി​ഭാ​ഗ​വും മയക്കു​മ​രു​ന്നു വ്യാപാ​രി​ക​ളു​ടെ പക്കൽ നിന്നു പിടി​ച്ചെ​ടു​ത്ത​ത​ല്ലെ​ന്നും ഒന്നുകിൽ കടലിൽ ഒഴുകി നടക്കുന്ന അല്ലെങ്കിൽ കടൽത്തീ​രത്തു വന്നടിഞ്ഞു കിടക്കുന്ന നിലയി​ലാണ്‌ അവ കണ്ടെത്തി​യ​തെ​ന്നും പറഞ്ഞാൽ, ഓരോ വർഷവും ജിബ്രാൾട്ടർ കടലി​ടു​ക്കി​ലൂ​ടെ കടന്നു​പോ​കുന്ന മയക്കു​മ​രു​ന്നി​ന്റെ ഭീമമായ അളവിനെ കുറിച്ച്‌ നിങ്ങൾക്ക്‌ ഒരു ഏകദേശ ധാരണ കിട്ടും. ഞങ്ങൾ പിടി​ച്ചെ​ടു​ക്കു​ന്നതു ഹിമാ​നി​യു​ടെ അഗ്രം മാത്ര​മാണ്‌. ആഫ്രി​ക്ക​യിൽ നിന്നു സ്‌പെ​യി​നി​ലേക്കു മയക്കു​മ​രു​ന്നു​കൾ പതിവാ​യി കടത്തു​ന്ന​വർക്ക്‌ ഉള്ള സ്‌പീ​ഡ്‌ബോ​ട്ടു​കൾ കസ്റ്റംസ്‌ അധികൃ​തർക്കു​ള്ള​തി​നെ ബഹുദൂ​രം പിന്നി​ലാ​ക്കാൻ പോന്ന​വ​യാണ്‌. മാത്രമല്ല, തങ്ങളെ ആരെങ്കി​ലും പിടി​കൂ​ടാൻ പോകു​ക​യാ​ണെന്ന്‌ മണത്തറി​ഞ്ഞാൽ പിന്നെ അവർ കൈവ​ശ​മുള്ള മയക്കു​മ​രു​ന്നു​കൾ വെള്ളത്തി​ലേക്കു വലി​ച്ചെ​റി​യു​ക​യാ​ണു ചെയ്യുക. അങ്ങനെ​യാ​കു​മ്പോൾ, അവരുടെ മേൽ കുറ്റം ചുമത്തു​ന്ന​തി​നു വേണ്ട തെളി​വു​കൾ ഞങ്ങൾക്കി​ല്ലാ​തെ പോകും.”

ലോക​ത്തി​ലെ മറ്റു രാജ്യ​ങ്ങ​ളി​ലും പൊലീ​സിന്‌ സമാന​മായ പ്രശ്‌നങ്ങൾ അഭിമു​ഖീ​ക​രി​ക്കേണ്ടി വരുന്നു. കാഴ്‌ചക്ക്‌ വെറും സാധാ​ര​ണ​ക്കാ​രെ പോലെ തോന്നുന്ന യാത്ര​ക്കാർ, ഭാരം കുറഞ്ഞ വിമാ​നങ്ങൾ, കണ്ടെയ്‌നർ കപ്പലുകൾ എന്തിന്‌, അന്തർവാ​ഹി​നി​കൾ പോലും മയക്കു​മ​രു​ന്നു​കൾ അതിർത്തി കടത്തു​ന്ന​തിൽ പങ്കു വഹിക്കു​ന്നു. “മയക്കു​മ​രു​ന്നു വ്യാപാ​ര​ത്തിൽനി​ന്നു കിട്ടുന്ന ആദായം ഗണ്യമാ​യി കുറയ്‌ക്ക​ണ​മെ​ങ്കിൽ ചുരു​ങ്ങി​യ​പക്ഷം അന്തർദേ​ശീ​യ​മാ​യി കടത്തുന്ന മയക്കു​മ​രു​ന്നു​ക​ളു​ടെ 75 ശതമാ​ന​മെ​ങ്കി​ലും പിടി​കൂ​ടാൻ കഴിയണം” എന്നാണ്‌ ഐക്യ​രാ​ഷ്‌ട്ര സംഘട​ന​യു​ടെ ഒരു റിപ്പോർട്ടു പറയു​ന്നത്‌. എന്നാൽ കൊ​ക്കെ​യ്‌നി​ന്റെ കാര്യ​മെ​ടു​ക്കു​ക​യാ​ണെ​ങ്കിൽ, 30 ശതമാ​ന​ത്തിൽ അൽപ്പം കൂടുതൽ മാത്രമേ ഇപ്പോൾ പിടി​ക്ക​പ്പെ​ടു​ന്നു​ള്ളൂ. മറ്റു മയക്കു​മ​രു​ന്നു​ക​ളു​ടെ കാര്യ​ത്തി​ലാ​ണെ​ങ്കിൽ അത്‌ ഇതിലും കുറവാണ്‌.

അങ്ങനെ​യെ​ങ്കിൽ ഗവൺമെ​ന്റു​കൾക്ക്‌ എന്തു​കൊണ്ട്‌ ഈ പ്രശ്‌നത്തെ വേരോ​ടെ പിഴു​തെ​റി​ഞ്ഞു കൂടാ? കഞ്ചാവു ചെടി​ക​ളും കറുപ്പ്‌ നൽകുന്ന പോപ്പി​ച്ചെ​ടി​ക​ളും കോക്ക​ച്ചെ​ടി​ക​ളും ഒക്കെ അവർക്കു മുഴു​വ​നാ​യി നശിപ്പി​ച്ചു കൂടെ? ഈ അടുത്ത കാലത്ത്‌ ഐക്യ​രാ​ഷ്‌ട്രങ്ങൾ അത്തര​മൊ​രു നിർദേശം മുന്നോ​ട്ടു​വെ​ച്ച​താണ്‌. എന്നാൽ അത്‌ അത്ര എളുപ്പം സാധി​ക്കുന്ന ഒന്നല്ല. കഞ്ചാവു ചെടികൾ മിക്കവാ​റും എല്ലാ തോട്ട​ങ്ങ​ളി​ലും​തന്നെ വളർത്താൻ കഴിയും. കോക്ക​ച്ചെ​ടി​ക​ളു​ടെ കൃഷി പ്രധാ​ന​മാ​യും നടക്കുന്ന ആൻഡിസ്‌ മലനി​ര​ക​ളി​ലെ ഒരു സ്ഥലമാ​ണെ​ങ്കിൽ “ഗവൺമെ​ന്റി​ന്റെ നിയ​ന്ത്ര​ണ​പ​രി​ധി​ക്കു പുറത്താണ്‌.” കറുപ്പും ഹെറോ​യി​നും മുഖ്യ​മാ​യി ഉത്‌പാ​ദി​പ്പി​ക്കുന്ന അഫ്‌ഗാ​നി​സ്ഥാ​ന്റെ​യും ബർമയു​ടെ​യും ഉൾപ്ര​ദേ​ശ​ങ്ങ​ളി​ലും സമാന​മായ സാഹച​ര്യ​ങ്ങ​ളാ​ണു​ള്ളത്‌.

മയക്കു​മ​രു​ന്നു വ്യാപാ​രി​കൾക്ക്‌ വളരെ​യെ​ളു​പ്പം ഡി​സൈനർ മയക്കു​മ​രു​ന്നു​ക​ളി​ലേക്കു കളം മാറ്റി​ച്ച​വി​ട്ടാൻ കഴിയും എന്നതു കാര്യ​ങ്ങളെ ഒന്നുകൂ​ടി വഷളാ​ക്കു​ന്നു. ഡി​സൈനർ മയക്കു​മ​രു​ന്നു​കൾക്കാ​ണെ​ങ്കിൽ ആവശ്യ​ക്കാർ ഏറിവ​രി​ക​യാണ്‌. രഹസ്യ ലബോ​റ​ട്ട​റി​ക​ളി​ലാ​യി ഈ കൃത്രിമ മയക്കു​മ​രു​ന്നു​കൾ, ലോക​ത്തി​ന്റെ മിക്കവാ​റും എല്ലാ ഭാഗങ്ങ​ളി​ലും ഉത്‌പാ​ദി​പ്പി​ക്കാൻ കഴിയും.

മയക്കു​മ​രു​ന്നു വ്യാപാ​ര​ത്തിന്‌ എതിരെ പൊലീസ്‌ കുറേ​ക്കൂ​ടെ ഫലകര​മായ നടപടി​കൾ കൈ​ക്കൊ​ള്ളു​ക​യാ​ണെ​ങ്കിൽ, ജയിൽശിക്ഷ കുറേ​ക്കൂ​ടി കടുത്ത​താ​ക്കു​ക​യാ​ണെ​ങ്കിൽ, അതു കുറയ്‌ക്കാൻ സാധി​ക്കു​മോ? അതു നടപ്പി​ലാ​ക്കാൻ പറ്റാത്ത വിധം പൊലീ​സു​കാ​രു​ടെ എണ്ണം തീരെ കുറവും മയക്കു​മ​രു​ന്നു വ്യാപാ​രി​ക​ളു​ടെ​യും ആസക്തരു​ടെ​യും എണ്ണം വളരെ കൂടു​ത​ലും ആണ്‌. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ ജയിലിൽ കിടക്കു​ന്ന​വ​രു​ടെ എണ്ണം ഏകദേശം 20 ലക്ഷമാണ്‌. അതിൽ അനേക​രു​ടെ​യും പേരി​ലു​ള്ളതു മയക്കു​മ​രു​ന്നു​ക​ളു​മാ​യി ബന്ധപ്പെട്ട കുറ്റങ്ങ​ളാണ്‌. എന്നാൽ ജയിൽ ശിക്ഷയെ പേടിച്ച്‌ ആളുകൾ മയക്കു​മ​രുന്ന്‌ ഉപയോ​ഗി​ക്കു​ന്നത്‌ നിർത്തു​ന്നില്ല. മയക്കു​മ​രു​ന്നു വിൽപ്പന തഴച്ചു​വ​ള​രുന്ന അനേകം വികസ്വര രാജ്യ​ങ്ങ​ളിൽ സംഖ്യാ​ബലം കുറവായ, തുച്ഛ ശമ്പളം ലഭിക്കുന്ന പൊലീസ്‌ തികച്ചും നിസ്സഹാ​യ​രാണ്‌.

മയക്കു​മ​രു​ന്നു​ക​ളു​ടെ ചോദനം കുറയ്‌ക്കാൻ കഴിയു​മോ?

മയക്കു​മ​രു​ന്നു​ക​ളു​ടെ പ്രദാ​ന​ത്തി​നു തടയി​ടാ​നുള്ള ശ്രമങ്ങൾ വിഫല​മായ സ്ഥിതിക്ക്‌, അവയുടെ ചോദനം നിയ​ന്ത്രി​ക്കു​ന്ന​തി​നെ കുറി​ച്ചെന്ത്‌? “മയക്കു​മ​രു​ന്നു​കൾക്കെ​തി​രായ യുദ്ധം സത്യത്തിൽ ഹൃദയ​ങ്ങ​ളെ​യും മനസ്സു​ക​ളെ​യും നേടാൻ വേണ്ടി​യുള്ള യുദ്ധമാണ്‌. കേവലം പൊലീ​സും കോട​തി​യും ജയിലും മാത്രം കൈകാ​ര്യം ചെയ്യേണ്ട വിഷയമല്ല ഇത്‌” എന്നു ടൈം മാഗസിൻ പ്രസ്‌താ​വി​ക്കു​ന്നു.

നേരത്തെ പരാമർശിച്ച, ജോ ഡെ ലാ റോസാ​യ്‌ക്കും സമാന​മായ ചിന്താ​ഗ​തി​യാണ്‌ ഉള്ളത്‌. മയക്കു​മ​രുന്ന്‌ എന്ന പ്രശ്‌നത്തെ വിദ്യാ​ഭ്യാ​സം കൊണ്ടു​മാ​ത്രമേ നേരി​ടാൻ സാധിക്കൂ എന്നാണ്‌ അദ്ദേഹം വിശ്വ​സി​ക്കു​ന്നത്‌. “മയക്കു​മ​രു​ന്നാ​സക്തി സമൂഹം​തന്നെ സൃഷ്ടിച്ച ഒരു സാമൂ​ഹി​ക​പ്ര​ശ്‌ന​മാണ്‌. അതു​കൊണ്ട്‌ നാം സമൂഹ​ത്തിന്‌ അല്ലെങ്കിൽ ചുരു​ങ്ങി​യ​പക്ഷം, ആളുക​ളു​ടെ ചിന്താ​ഗ​തി​ക്കെ​ങ്കി​ലും മാറ്റം വരു​ത്തേ​ണ്ടി​യി​രി​ക്കു​ന്നു” എന്ന്‌ അദ്ദേഹം പറയുന്നു. “സ്‌കൂ​ളു​കൾ, മാതാ​പി​താ​ക്കൾ, അധ്യാ​പകർ എന്നിവ​രെ​യെ​ല്ലാം അപകടത്തെ കുറിച്ച്‌ ഉദ്‌ബു​ദ്ധ​രാ​ക്കാൻ, അതായത്‌ മയക്കു​മ​രു​ന്നു​കൾ യഥേഷ്ടം ലഭ്യമാ​ണെ​ന്നും അവരുടെ കുട്ടികൾ അതിന്‌ അടിമ​ക​ളാ​യി​ത്തീ​രാൻ സാധ്യ​ത​യു​ണ്ടെ​ന്നും അവരെ ബോധ്യ​പ്പെ​ടു​ത്താൻ ഞങ്ങൾ ശ്രമി​ച്ചു​കൊ​ണ്ടി​രി​ക്കു​ക​യാണ്‌.”

യഹോ​വ​യു​ടെ സാക്ഷികൾ ചെയ്‌തി​രി​ക്കു​ന്നത്‌

അനേക വർഷങ്ങ​ളാ​യി, മയക്കു​മ​രു​ന്നു​കൾ ഒഴിവാ​ക്കാൻ തക്കവണ്ണം ആളുകളെ ബോധ​വ​ത്‌ക​രി​ക്കു​ന്ന​തിൽ യഹോ​വ​യു​ടെ സാക്ഷികൾ സജീവ​മായ ഒരു പങ്കു വഹിച്ചി​ട്ടുണ്ട്‌. മയക്കു​മ​രു​ന്നു​ക​ളു​ടെ അപകട​ങ്ങളെ കുറിച്ചു തങ്ങളുടെ കുട്ടി​കളെ പഠിപ്പി​ക്കാൻ മാതാ​പി​താ​ക്കൾക്ക്‌ ആവശ്യ​മായ വിവരങ്ങൾ അവർ പ്രദാനം ചെയ്‌തി​ട്ടുണ്ട്‌.a അതിനു​പു​റമെ, അവരുടെ ക്രിസ്‌തീയ ശുശ്രൂ​ഷ​യാൽ മയക്കു​മ​രു​ന്നു വ്യാപാ​രി​ക​ളെ​യും അവ ഉപയോ​ഗി​ക്കു​ന്ന​വ​രെ​യും പുനര​ധി​വ​സി​പ്പി​ക്കാൻ അവർക്കു സാധി​ച്ചി​ട്ടുണ്ട്‌.

മുൻലേ​ഖ​ന​ത്തിൽ പരാമർശിച്ച ആന്നായു​ടെ കാര്യ​മെ​ടു​ക്കുക. മയക്കു​മ​രുന്ന്‌ അടിമ​കളെ പുനര​ധി​വ​സി​പ്പി​ക്കു​ന്ന​തിൽ യഹോ​വ​യു​ടെ സാക്ഷി​കൾക്കു നേടാ​നായ വിജയത്തെ കുറി​ച്ച​റിഞ്ഞ അവളുടെ സഹോ​ദ​രി​യാണ്‌ അവൾ അവരു​മാ​യി ബന്ധപ്പെ​ടാൻ സാഹച​ര്യ​മൊ​രു​ക്കി​യത്‌. ആന്നായ്‌ക്ക്‌ ബൈബി​ളി​നോട്‌ പ്രത്യേ​കി​ച്ചു താത്‌പ​ര്യ​മൊ​ന്നും ഉണ്ടായി​രു​ന്നില്ല. പക്ഷേ, മടിച്ചു​മ​ടി​ച്ചാ​ണെ​ങ്കി​ലും യഹോ​വ​യു​ടെ സാക്ഷി​ക​ളു​ടെ ഒരു സമ്മേള​ന​ത്തിന്‌ അവൾ പോയി. അവിടെ അവൾ ഒരു മനുഷ്യ​നെ കണ്ടു. മയക്കു​മ​രു​ന്നു വ്യാപാ​രി എന്ന നിലയിൽ കുപ്ര​സി​ദ്ധ​നാ​യി​രുന്ന അദ്ദേഹം ആകെ മാറി​പ്പോ​യി​രു​ന്നു, വേഷത്തി​ലും ഭാവത്തി​ലും ജീവിത രീതി​യി​ലു​മെ​ല്ലാം. “അദ്ദേഹ​ത്തിന്‌ ഇത്രയ്‌ക്കു മാറ്റം വരുത്താൻ കഴിയു​മെ​ങ്കിൽ എനിക്കും കഴിയും എന്നെനി​ക്കു തോന്നി,” ആന്നാ പറയുന്നു. “അദ്ദേഹ​ത്തിന്‌ ഉണ്ടായ മാറ്റം ഞാനും ബൈബിൾ പഠി​ക്കേ​ണ്ട​തു​ണ്ടെന്ന്‌ എന്നെ ബോധ്യ​പ്പെ​ടു​ത്തി.

“ആദ്യ ബൈബി​ള​ധ്യ​യനം മുതൽ തന്നെ, ഞാൻ വീട്ടിൽ താമസി​ക്കാൻ തീരു​മാ​നി​ച്ചു. കാരണം, വീട്ടിൽ നിന്ന്‌ അകന്നു​നി​ന്നാൽ, ഞാൻ മയക്കു​മ​രു​ന്നു​കൾ ഉപയോ​ഗി​ക്കു​ന്ന​വരെ കണ്ടുമു​ട്ടു​മെ​ന്നും അങ്ങനെ വീണ്ടും പഴയപ​ടി​യാ​കു​മെ​ന്നും എനിക്ക്‌ അറിയാ​മാ​യി​രു​ന്നു. മയക്കു​മ​രു​ന്നു​കൾ ഉപയോ​ഗി​ക്കു​ന്നതു തെറ്റാണ്‌, ദൈവം ഈ ശീലം അംഗീ​ക​രി​ക്കു​ന്നില്ല എന്ന്‌ എനിക്ക്‌ അപ്പോൾത്തന്നെ അറിയാ​മാ​യി​രു​ന്നു. മയക്കു​മ​രു​ന്നു​കൾക്ക്‌ ആളുക​ളു​ടെ​മേൽ എത്രമാ​ത്രം സ്വാധീ​നം ചെലു​ത്താൻ കഴിയു​മെ​ന്നും അതിനു കുടും​ബ​ങ്ങളെ എത്രമാ​ത്രം ദ്രോ​ഹി​ക്കാൻ കഴിയു​മെ​ന്നും എനിക്ക്‌ എന്റെ സ്വന്ത അനുഭ​വ​ത്തിൽ നിന്നു​തന്നെ കാണാൻ കഴിഞ്ഞു. പക്ഷേ, മയക്കു​മ​രു​ന്നു​കൾ തീർത്ത അടിമ​ത്ത​ത്തി​ന്റെ ചങ്ങല പൊട്ടി​ച്ചെ​റി​യു​ന്ന​തിന്‌ എനിക്ക്‌ ആത്മീയ ബലം ആവശ്യ​മാ​യി​രു​ന്നു. അവയുടെ കെട്ടു വിട്ടു​കി​ട്ടു​ന്ന​തിന്‌ ഒരു പോരാ​ട്ടം​തന്നെ വേണ്ടി​വന്നു. മയക്കു​മ​രു​ന്നു​കൾക്ക്‌ എന്റെ മേലുള്ള സ്വാധീ​നം കുറയു​ന്നതു വരെ കുറച്ചു​നാ​ള​ത്തേക്ക്‌ മറ്റൊ​ന്നും ചെയ്യാതെ ഞാൻ മുഴുവൻ സമയവും കിടന്നു​റങ്ങി. എന്നാൽ അതു ശ്രമത്തി​നു തക്ക മൂല്യ​മു​ള്ള​താ​യി​രു​ന്നു.”

യഥാർഥ അർഥവും പ്രത്യാ​ശ​യും

മുൻ ലേഖന​ത്തിൽ പരാമർശിച്ച ആന്നായു​ടെ ഭർത്താവ്‌ പേത്രൂ​വും മയക്കു​മ​രു​ന്നു​ക​ളു​ടെ പിടി​യിൽ നിന്നു സമാന​മാ​യി രക്ഷപ്പെട്ടു. “ഒരിക്കൽ ഞാൻ എന്റെ ജ്യേഷ്‌ഠന്റെ വീട്ടി​ലി​രു​ന്നു ഹഷീഷ്‌ വലിക്കു​ക​യാ​യി​രു​ന്നു. അപ്പോ​ഴാണ്‌, ഒരു പുസ്‌തകം എന്റെ കണ്ണിൽ പെട്ടത്‌. അതിന്റെ തലക്കെട്ട്‌ എന്റെ ശ്രദ്ധ ആകർഷി​ച്ചു,” പേത്രൂ അനുസ്‌മ​രി​ക്കു​ന്നു. “നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌ത​ക​മാ​യി​രു​ന്നു അത്‌. ഞാൻ അതു വീട്ടിൽ കൊണ്ടു​പോ​യി വായിച്ചു. അതിൽ പരാമർശി​ച്ചി​രുന്ന വാക്യ​ങ്ങ​ളെ​ല്ലാം എടുത്തു​നോ​ക്കി. സത്യം കണ്ടെത്തി​യി​രി​ക്കു​ന്നു എന്ന കാര്യം എനിക്ക്‌ ഉറപ്പായി.

“ബൈബിൾ വായി​ക്കു​ന്ന​തും ഞാൻ മനസ്സി​ലാ​ക്കി​ക്കൊ​ണ്ടി​രുന്ന കാര്യങ്ങൾ മറ്റുള്ള​വ​രോ​ടു പറയു​ന്ന​തും എനിക്കു വളരെ​യേറെ ആശ്വാസം കൈവ​രു​ത്തി. മാത്രമല്ല, മയക്കു​മ​രു​ന്നു​ക​ളോ​ടുള്ള എന്റെ ആസക്തി കുറഞ്ഞു​വ​രു​ന്ന​തി​നും അത്‌ ഇടയാക്കി. ഒരു പെ​ട്രോൾ പമ്പ്‌ കൊള്ള​യ​ടി​ക്കാൻ ഞാൻ നേരത്തേ പരിപാ​ടി​യി​ട്ടി​രു​ന്നു. എന്നാൽ അതു ചെയ്യു​ന്നില്ല എന്നു ഞാൻ തീരു​മാ​നി​ച്ചു. എന്റെ ഒരു സുഹൃത്ത്‌ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കു​ന്നു​ണ്ടാ​യി​രു​ന്നു. താമസി​യാ​തെ, ഞാനും അതു തന്നെ ചെയ്യാൻ തുടങ്ങി. ഒമ്പതു മാസത്തി​നു​ള്ളിൽ ഞാൻ എന്റെ ജീവി​ത​രീ​തി​ക്കു മാറ്റം വരുത്തി, സ്‌നാ​പ​ന​മേറ്റു. ഈ കാലയ​ള​വിൽ, എന്റെ പഴയ സുഹൃ​ത്തു​ക്ക​ളിൽ പലരും എനിക്കു മയക്കു​മ​രു​ന്നു​കൾ വെച്ചു​നീ​ട്ടു​ക​യു​ണ്ടാ​യി. പക്ഷേ, അപ്പോ​ഴെ​ല്ലാം ഉടനടി ബൈബി​ളി​നെ കുറിച്ചു ഞാൻ സംസാ​രി​ക്കു​മാ​യി​രു​ന്നു. ചിലർ അതി​നോട്‌ അനുകൂ​ല​മാ​യി പ്രതി​ക​രി​ച്ചു. ഒരാൾ മയക്കു​മ​രു​ന്നു​ക​ളോ​ടുള്ള ആസക്തി​യിൽ നിന്നു മുക്തനാ​കുക പോലും ചെയ്‌തു.

“മയക്കു​മ​രു​ന്നു​ക​ളു​ടെ പിടി​യിൽനി​ന്നു മോചി​ത​നാ​കു​വാൻ ഒരുവന്‌ പ്രത്യാശ ആവശ്യ​മാണ്‌. ആ പ്രത്യാശ എനിക്കു നൽകി​യത്‌ ബൈബി​ളാണ്‌. കൂടാതെ അത്‌ എന്റെ ജീവി​ത​ത്തിന്‌ അർഥം പകർന്നു​നൽകു​ക​യും മയക്കു​മ​രു​ന്നു​ക​ളെ​യും അക്രമ​ത്തെ​യും കുറി​ച്ചുള്ള ദൈവ​ത്തി​ന്റെ വീക്ഷണം വ്യക്തമാ​ക്കി തരുക​യും ചെയ്‌തു. സർവശ​ക്തനെ കുറിച്ചു പഠിക്കവെ എനിക്കു കൂടുതൽ ആശ്വാസം ലഭിക്കു​ന്നു​ണ്ടെന്നു ഞാൻ മനസ്സി​ലാ​ക്കി—അതിനാ​ണെ​ങ്കിൽ ദോഷ​ക​ര​മായ പാർശ്വ​ഫ​ല​ങ്ങ​ളും ഇല്ലായി​രു​ന്നു. പിന്നീട്‌, യഹോ​വ​യു​ടെ സാക്ഷി​ക​ളു​ടെ യോഗ​ങ്ങ​ളിൽ വെച്ച്‌ ധാർമിക ശുദ്ധി​യുള്ള ആളുക​ളു​മാ​യി സഹവസി​ക്കാൻ കഴിഞ്ഞത്‌ ഈ ഗതിയിൽ തുടരാൻ എന്നെ സഹായി​ച്ചു.”

മയക്കു​മ​രു​ന്നു വ്യാപാ​രി ഇഷ്ടിക​പ്പ​ണി​ക്കാ​ര​നാ​കു​ന്നു

മുൻ ലേഖന​ത്തിൽ പരാമർശിച്ച ഹോസേ ഇപ്പോൾ വീണ്ടും ഇഷ്ടിക​പ്പ​ണി​ക്കാ​ര​നാ​യി​രി​ക്കു​ന്നു. വൻ ലാഭം കിട്ടി​യി​രുന്ന ബിസി​നസ്സ്‌ ഉപേക്ഷി​ക്കുക അദ്ദേഹ​ത്തിന്‌ അത്ര എളുപ്പ​മാ​യി​രു​ന്നില്ല. അദ്ദേഹം ഇങ്ങനെ സമ്മതി​ക്കു​ന്നു: “മയക്കു​മ​രു​ന്നു​കൾ നിങ്ങൾക്കു കൈനി​റയെ പണം തരും. പക്ഷേ, അതു പണം സമ്പാദി​ക്കാ​നുള്ള ഒരു നല്ല മാർഗമല്ല. കൈ​ത്തോ​ക്കു​ക​ളും പകി​ട്ടേ​റിയ കാറു​ക​ളും കൊണ്ടു​ന​ട​ക്കുന്ന പയ്യന്മാരെ ഞാൻ കാണുന്നു. കുടും​ബങ്ങൾ തകർന്ന​ടി​യു​ന്നു, തെരു​വു​ക​ളിൽ അക്രമം നടമാ​ടു​ന്നു, മയക്കു​മ​രുന്ന്‌ അടിമകൾ അതു വാങ്ങു​ന്ന​തി​നു വേണ്ട പണത്തി​നാ​യി കാറു​ക​ളിൽ നിന്നോ കടകളിൽ നിന്നോ മോഷ്ടി​ക്കു​ക​യോ ആളുകളെ കൊള്ള​യ​ടി​ക്കു​ക​യോ ചെയ്യുന്നു. മിക്കവ​രു​ടെ​യും തുടക്കം ഹഷീഷിൽ നിന്നാണ്‌. അതിനു ശേഷം, അവർ എക്‌സ്റ്റ​സി​യോ മറ്റേ​തെ​ങ്കി​ലും ഗുളി​ക​ക​ളോ കഴിക്കാൻ തുടങ്ങു​ന്നു. പിന്നീട്‌ കൊ​ക്കെ​യ്‌നോ എന്തിന്‌ ഹെറോ​യിൻ പോലു​മോ പരീക്ഷി​ച്ചു നോക്കു​ന്നു. ഞാൻ കാരണം അനേക​മാ​ളു​കൾക്ക്‌ ഇങ്ങനെ സംഭവി​ച്ചി​ട്ടുണ്ട്‌ എന്നു ഞാൻ മനസ്സി​ലാ​ക്കു​ന്നു.

“യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി​യ​പ്പോൾ, മയക്കു​മ​രു​ന്നു​ക​ളു​ടെ ലോക​വു​മാ​യി എനിക്കു​ണ്ടാ​യി​രുന്ന ബന്ധം തെറ്റാ​യി​രു​ന്നു​വെന്ന്‌ എനിക്കു കൂടുതൽ നന്നായി ബോധ്യ​പ്പെട്ടു. ഒരു ശുദ്ധമായ മനഃസാ​ക്ഷി സ്വന്തമാ​ക്കാൻ ഞാൻ ആഗ്രഹി​ച്ചു. എന്നോ​ടൊ​പ്പം ബൈബിൾ പഠിക്കു​ന്നു​ണ്ടാ​യി​രുന്ന ഭാര്യ​യു​ടെ​യും ആഗ്രഹം അതു തന്നെയാ​യി​രു​ന്നു. മയക്കു​മ​രു​ന്നു വ്യാപാ​രം നിറു​ത്തു​ന്നത്‌ തീർച്ച​യാ​യും പ്രയാ​സ​ക​ര​മാ​യി​രു​ന്നു. എന്റെ ഇടപാ​ടു​കാ​രോ​ടും എന്റെ കീഴിൽ വ്യാപാ​രം നടത്തി​യി​രു​ന്ന​വ​രോ​ടും ഞാൻ ബൈബിൾ പഠിക്കു​ന്നു​ണ്ടെ​ന്നും മയക്കു​മ​രു​ന്നു വ്യാപാ​രം നിറു​ത്തി​യെ​ന്നും പറഞ്ഞു. ആദ്യ​മൊ​ക്കെ അവർക്കത്‌ വിശ്വ​സി​ക്കാ​നാ​യില്ല. ചിലർക്ക്‌ ഇപ്പോ​ഴും വിശ്വാ​സം വന്നിട്ടില്ല. ഞാൻ പക്ഷേ അതെല്ലാം നിറു​ത്തി​യിട്ട്‌ ഇപ്പോൾ ഏകദേശം രണ്ടു വർഷമാ​കു​ന്നു. എന്റെ തീരു​മാ​നത്തെ കുറിച്ച്‌ ഒരു നിമിഷം പോലും എനിക്കു പശ്ചാത്ത​പി​ക്കേണ്ടി വന്നിട്ടില്ല.

“കഴിഞ്ഞ ഒരു വർഷമാ​യി ഞാൻ വീണ്ടും ഒരു ഇഷ്ടിക​പ്പ​ണി​ക്കാ​ര​നാ​യി ജോലി ചെയ്യു​ക​യാണ്‌. അതാണ​ല്ലോ എന്റെ തൊഴിൽ. മയക്കു​മ​രുന്ന്‌ ഇടപാ​ടു​കൾ ഉണ്ടായി​രുന്ന കാലത്ത്‌ ഒരൊറ്റ ദിവസം കൊണ്ടു സമ്പാദി​ച്ച​തി​ന്റെ നാലി​ലൊ​ന്നു മാത്രമേ, ഇപ്പോൾ ഒരു മാസം കൊണ്ട്‌ എനിക്കു സമ്പാദി​ക്കാൻ ആകുന്നു​ള്ളൂ. എന്നാലും, ഈ ജീവിത രീതി​യാ​ണു നല്ലത്‌. ഞാനി​പ്പോൾ ഏറെ സന്തുഷ്ട​നാണ്‌.”

പ്രാ​യോ​ഗി​ക​മായ ഒരു ആഗോള പരിഹാ​രം

ധീരരായ ഏതാനും ചില മയക്കു​മ​രു​ന്നു വ്യാപാ​രി​കൾ ഈ തൊഴിൽ ഉപേക്ഷി​ച്ചി​ട്ടുണ്ട്‌. മാത്രമല്ല, പല തരത്തി​ലുള്ള പുനര​ധി​വാസ പ്രവർത്ത​നങ്ങൾ ആയിര​ക്ക​ണ​ക്കി​നു മയക്കു​മ​രു​ന്ന​ടി​മ​കളെ അതി​നോ​ടുള്ള ആസക്തി ഇല്ലാതാ​ക്കാൻ സഹായി​ച്ചി​ട്ടുണ്ട്‌. എന്നിരു​ന്നാ​ലും “ദീർഘ​കാ​ല​മാ​യി മയക്കു​മ​രു​ന്നു​കൾക്ക്‌ അടിമ​യാ​യി​രി​ക്കുന്ന ഒരാൾ ആ ശീലം പാടേ ഉപേക്ഷി​ക്കു​ന്ന​തും വീണ്ടും അതി​ലേക്കു വഴുതി​വീ​ഴാ​തി​രി​ക്കു​ന്ന​തും അപൂർവ​മാ​യി മാത്രം സംഭവി​ക്കുന്ന ഒരു കാര്യ​മാണ്‌” എന്നാണ്‌ വേൾഡ്‌ ഡ്രഗ്‌ റിപ്പോർട്ട്‌ പറയു​ന്നത്‌. സങ്കടക​ര​മെന്നു പറയട്ടെ, മയക്കു​മ​രു​ന്നു​ക​ളോ​ടുള്ള ആസക്തി​യിൽ നിന്ന്‌ ഒരാളെ വിമു​ക്ത​നാ​ക്കു​മ്പോൾ, പുതു​താ​യി അനേകർ അതിന്റെ അടിമ​ത്ത​ത്തി​ലേക്കു വഴുതി​വീ​ഴു​ന്നു. മയക്കു​മ​രു​ന്നു​ക​ളു​ടെ പ്രദാ​ന​വും ചോദ​ന​വും വർധി​ച്ചു​കൊ​ണ്ടേ​യി​രി​ക്കു​ക​യാണ്‌.

മയക്കു​മ​രു​ന്നു​കൾ ഉയർത്തുന്ന പ്രശ്‌നം ഇപ്പോൾത്തന്നെ ആഗോ​ള​വ്യാ​പ​ക​മാ​യി കഴിഞ്ഞി​രി​ക്കു​ന്ന​തി​നാൽ അതി​നെ​തി​രായ യുദ്ധം ജയിക്ക​ണ​മെ​ങ്കിൽ ഒരു ആഗോള പരിഹാ​രം ആവശ്യ​മാണ്‌. ഇതി​നോ​ടുള്ള ബന്ധത്തിൽ, ഐക്യ​രാ​ഷ്‌ട്ര മയക്കു​മ​രു​ന്നു വിരുദ്ധ സമിതി ഇപ്രകാ​രം അഭി​പ്രാ​യ​പ്പെ​ടു​ന്നു: “മയക്കു​മ​രു​ന്നു​ക​ളു​ടെ ഉപയോ​ഗം, വ്യാപാ​രം, അവയു​മാ​യി ബന്ധപ്പെട്ട കുറ്റകൃ​ത്യ​ങ്ങൾ തുടങ്ങി​യ​വ​യെ​ല്ലാം മിക്ക രാജ്യ​ക്കാ​രും തങ്ങളുടെ സുരക്ഷി​ത​ത്വ​ത്തി​നു ഭീഷണി ഉയർത്തുന്ന പ്രധാന ഘടകങ്ങ​ളാ​യി തിരി​ച്ച​റി​ഞ്ഞ​പ്പോൾ തന്നെ, മയക്കു​മ​രു​ന്നു​കൾ ഒരു ആഗോള പ്രശ്‌ന​മാ​ണെന്ന്‌, ദേശീയ തലത്തിലെ ശ്രമങ്ങൾ കൊണ്ടു മാത്രം പരിഹ​രി​ക്കാൻ കഴിയാത്ത ഒന്നാ​ണെന്ന്‌ അവർക്ക്‌ അറിയി​ല്ലാ​യി​രു​ന്നു.”

എന്നാൽ ആഗോ​ള​വ്യാ​പ​ക​മായ ഈ വിപത്ത്‌ ഇല്ലായ്‌മ ചെയ്യാൻ ലോക ഗവൺമെ​ന്റു​കൾ കൈ​കോർക്കു​മോ? ഇതുവ​രെ​യുള്ള ഫലങ്ങൾ പ്രതീ​ക്ഷ​യ്‌ക്കു വക നൽകു​ന്നില്ല. എന്നിരു​ന്നാ​ലും, ബൈബിൾ, ഒരു യഥാർഥ പരിഹാ​ര​മെന്ന നിലയ്‌ക്ക്‌ രാഷ്‌ട്ര​ങ്ങ​ളു​ടെ വേലി​ക്കെ​ട്ടു​കൾ ബാധക​മാ​കാത്ത ഒരു ആഗോള സ്വർഗീയ ഗവൺമെ​ന്റി​ലേക്ക്‌ വിരൽ ചൂണ്ടുന്നു. യേശു​ക്രി​സ്‌തു​വി​ന്റെ കീഴി​ലുള്ള ദൈവ​രാ​ജ്യം “എന്നെ​ന്നേ​ക്കും” നിലനിൽക്കും എന്ന്‌ അതു നമുക്ക്‌ ഉറപ്പു നൽകുന്നു. (വെളി​പ്പാ​ടു 11:15) ദൈവ​രാ​ജ്യ​ത്തിൻ കീഴിലെ ദിവ്യ​വി​ദ്യാ​ഭ്യാ​സം മയക്കു​മ​രു​ന്നു​ക​ളു​ടെ ചോദനം ഇല്ലാതാ​കു​മെന്ന്‌ ഉറപ്പാ​ക്കും. (യെശയ്യാ​വു 54:13) മയക്കു​മ​രു​ന്നു​കൾ ഉപയോ​ഗി​ക്കാൻ ഇന്ന്‌ ആളുകളെ പ്രേരി​പ്പി​ക്കുന്ന സാമൂ​ഹി​ക​വും വൈകാ​രി​ക​വു​മായ എല്ലാ വിധ പ്രശ്‌ന​ങ്ങ​ളും ഒരു പഴങ്കഥ​യാ​യി മാറും.—സങ്കീർത്ത​നങ്ങൾ 55:22; 72:12; മീഖാ 4:4.

നിങ്ങൾക്കു സഹായം ആവശ്യ​മു​ണ്ടോ?

ക്രിസ്‌തു​വി​ന്റെ കരങ്ങളി​ലെ ദൈവ​രാ​ജ്യ​ത്തിൽ പ്രത്യാശ വെക്കു​ന്നത്‌ ഇപ്പോൾ പോലും ആളുകളെ മയക്കു​മ​രു​ന്നു​കൾ വേണ്ടെന്നു വെക്കാൻ പ്രേരി​പ്പി​ക്കു​ന്നു. കൂടുതൽ അറിയാൻ താത്‌പ​ര്യ​മു​ണ്ടെ​ങ്കിൽ, ദയവായി നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടുക.

[അടിക്കു​റി​പ്പു​കൾ]

[11-ാം പേജിലെ ചിത്രം]

ഒരു മയക്കു​മ​രുന്ന്‌ അറസ്റ്റ്‌ നടക്കുന്നു

[കടപ്പാട്‌]

K. Sklute/SuperStock

[12-ാം പേജിലെ ചിത്രം]

പേത്രൂവും ഭാര്യ ആന്നായും കുട്ടി​ക​ളോ​ടൊ​പ്പം ബൈബിൾ പഠിക്കു​ന്നു

[13-ാം പേജിലെ ചിത്രം]

പേത്രൂ സുരക്ഷാ സംവി​ധാ​നങ്ങൾ ഉറപ്പി​ക്കുന്ന ജോലി​യിൽ