ജീനു​ക​ളും ഡിഎൻഎ-യും നിങ്ങളും

കണ്ണാടി​യിൽ നിങ്ങ​ളെ​തന്നെ ഒന്നു സൂക്ഷിച്ചു നോക്കൂ. നിങ്ങളു​ടെ ശരീര​ത്തി​ന്റെ ആകൃതി, ത്വക്കി​ന്റെ​യും കണ്ണി​ന്റെ​യും നിറം, തലമു​ടി​യു​ടെ ഘടന ഇവയൊ​ക്കെ. നിങ്ങൾക്കുള്ള കഴിവു​കളെ കുറി​ച്ചും ചിന്തി​ക്കുക. നിങ്ങൾ കാഴ്‌ച​യ്‌ക്ക്‌ ഇങ്ങനെ​യാ​യി​രി​ക്കു​ന്നത്‌ എന്തു​കൊ​ണ്ടാണ്‌? ചില പ്രത്യേക സ്വഭാ​വ​ങ്ങ​ളും കഴിവു​ക​ളും നിങ്ങൾക്ക്‌ ഉള്ളത്‌ എന്തു​കൊണ്ട്‌? ഇന്ന്‌ വംശപാ​ര​മ്പ​ര്യ​ത്തെ കുറി​ച്ചുള്ള പഠനമായ ജനിതക വിജ്ഞാ​ന​ത്തി​ന്റെ​യും പരിസ്ഥി​തി​യു​ടെ സ്വാധീ​ന​ഫ​ല​ങ്ങളെ കുറി​ച്ചുള്ള അറിവി​ന്റെ​യും സഹായ​ത്താൽ ഈ നിഗൂ​ഢ​ര​ഹ​സ്യം മനസ്സി​ലാ​ക്കാൻ കഴിഞ്ഞി​രി​ക്കു​ന്നു.

‘ജനിതക വിജ്ഞാ​ന​മോ?’ നിങ്ങൾ നെറ്റി ചുളി​ച്ചേ​ക്കാം. ‘മനസ്സി​ലാ​ക്കാൻ വളരെ ബുദ്ധി​മു​ട്ടുള്ള ഒരു ശാസ്‌ത്ര വിഷയം ആണ്‌ അത്‌!’ എന്നാൽ, അങ്ങനെ നിഗമനം ചെയ്യു​ന്ന​തി​നു മുമ്പ്‌ ഒരു നിമിഷം ആലോ​ചി​ക്കുക. അച്ഛന്റെ പൂച്ചക്ക​ണ്ണും അമ്മയുടെ കറുത്തു ചുരുണ്ട മുടി​യും കവിളത്തെ മറുകു​മാ​ണ​ല്ലോ കിട്ടി​യി​രി​ക്കു​ന്നത്‌ എന്നു നിങ്ങൾ ആരോ​ടെ​ങ്കി​ലും പറഞ്ഞി​ട്ടു​ണ്ടോ? ഉണ്ടെങ്കിൽ, നിങ്ങൾക്കു ജനിതക വിജ്ഞാ​ന​ത്തി​ന്റെ അടിസ്ഥാന തത്ത്വം—അതായത്‌, ശാരീ​രിക സവി​ശേ​ഷ​തകൾ മാതാ​പി​താ​ക്ക​ളിൽനി​ന്നു മക്കളി​ലേക്കു കൈമാ​റ​പ്പെ​ടു​ന്നു എന്ന വസ്‌തുത—അറിയാം. അതിലു​പരി, ആ വസ്‌തുത മനുഷ്യൻ ഇവിടെ എങ്ങനെ വന്നു—പരിണാ​മ​ത്താ​ലോ സൃഷ്ടി​യാ​ലോ—എന്നു മനസ്സി​ലാ​ക്കു​ന്ന​തി​നുള്ള ചവിട്ടു​പടി കൂടി ആയിരു​ന്നേ​ക്കാം. ആദ്യമാ​യി, ഓരോ വ്യക്തി​യും പല തലമു​റ​ക​ളു​ടെ പാരമ്പര്യ സവി​ശേ​ഷ​തകൾ വഹിക്കു​ന്നത്‌ എങ്ങനെ​യെന്നു നോക്കാം.

ജീവനുള്ള കൊച്ചു ഘടകങ്ങ​ളായ കോശ​ങ്ങ​ളാൽ ആണ്‌ നിങ്ങളു​ടെ ശരീരം നിർമി​ക്ക​പ്പെ​ട്ടി​രി​ക്കു​ന്നത്‌. മനുഷ്യ​ശ​രീ​ര​ത്തിൽ ഏകദേശം 100 ലക്ഷം കോടി കോശങ്ങൾ ഉള്ളതായി കണക്കാ​ക്ക​പ്പെ​ടു​ന്നു. ഓരോ കോശ​ത്തി​ലെ​യും മർമത്തി​നു​ള്ളിൽ (nucleus) ആയിര​ക്ക​ണ​ക്കി​നു ജീനുകൾ ഉണ്ട്‌. കോശത്തെ നിയ​ന്ത്രി​ക്കുന്ന പാരമ്പര്യ ഘടകങ്ങ​ളാണ്‌ അവ. അതു​കൊ​ണ്ടു​തന്നെ നിങ്ങളു​ടെ സവി​ശേ​ഷ​തകൾ നിർണ​യി​ക്കു​ന്ന​തും അവയാണ്‌. ചില ജീനുകൾ നിങ്ങളു​ടെ രക്തഗ്രൂപ്പ്‌ നിർണ​യി​ക്കു​മ്പോൾ ചിലത്‌ നിങ്ങളു​ടെ മുടി​യു​ടെ ഘടന നിർണ​യി​ക്കു​ന്നു, മറ്റു ചിലതാ​കട്ടെ നിങ്ങളു​ടെ കൃഷ്‌ണ​മ​ണി​യു​ടെ നിറവും. അതു​കൊണ്ട്‌ ഓരോ കോശ​വും ശരീര​ത്തി​ന്റെ നിർമാണ, കേടു​പോ​ക്കൽ പ്രക്രി​യ​കൾക്കും സകല ജീവത്‌ പ്രവർത്ത​ന​ങ്ങൾക്കും ആവശ്യ​മായ എല്ലാ നിർദേ​ശ​ങ്ങ​ളും അടങ്ങിയ ഒരു കൊച്ചു ബ്ലൂപ്രിന്റ്‌ അഥവാ ജീനു​കൾകൊ​ണ്ടുള്ള കോഡ്‌ബുക്ക്‌ വഹിക്കു​ന്നു. (5-ാം പേജിലെ ചിത്രം കാണുക.) ഇവയെ​ല്ലാം യാദൃ​ച്ഛിക സംഭവ​ത്താൽ ഉളവാ​യ​താ​ണോ?

നിഗൂഢത ചുരു​ള​ഴിഞ്ഞ വിധം

പൊ.യു.മു. നാലാം നൂറ്റാ​ണ്ടിൽ അരി​സ്റ്റോ​ട്ടിൽ, പാരമ്പ​ര്യ​സ​വി​ശേ​ഷ​തകൾ രക്തത്തി​ലൂ​ടെ കൈമാ​റ​പ്പെ​ടു​ന്നു​വെന്ന സിദ്ധാന്തം ആവിഷ്‌ക​രി​ച്ചു. അത്‌ ആയിര​ത്തി​ലേറെ വർഷക്കാ​ലം ജനസമ്മി​തി നേടി​യി​രു​ന്നു. ആ സിദ്ധാന്തം അന്നത്തെ ചിന്താ​ഗ​തി​യെ അത്രമാ​ത്രം സ്വാധീ​നി​ച്ച​തു​കൊണ്ട്‌ ഭാഷയിൽ പോലും അതു സ്ഥാനം പിടി​ച്ചി​രി​ക്കു​ന്നു. രക്തബന്ധം, രക്തത്തിൽ പിറന്ന എന്നിങ്ങ​നെ​യുള്ള പദപ്ര​യോ​ഗങ്ങൾ ഉപയോ​ഗ​ത്തി​ലു​ള്ളത്‌ അതു​കൊ​ണ്ടാണ്‌.

17-ാം നൂറ്റാ​ണ്ടിൽ അണ്ഡകോ​ശ​ങ്ങ​ളും ബീജ​കോ​ശ​ങ്ങ​ളും കണ്ടുപി​ടി​ക്ക​പ്പെ​ട്ടെ​ങ്കി​ലും അവയുടെ യഥാർഥ ധർമം സംബന്ധിച്ച്‌ ചില തെറ്റി​ദ്ധാ​ര​ണകൾ ഉണ്ടായി​രു​ന്നു. പൂർണ രൂപം പ്രാപിച്ച കൊച്ചു ജീവികൾ അണ്ഡത്തി​ലോ ബീജത്തി​ലോ ഉണ്ടായി​രു​ന്ന​താ​യി ചിലർ കരുതി. എന്നാൽ 18-ാം നൂറ്റാ​ണ്ടോ​ടെ ഗവേഷ​കർക്ക്‌ യാഥാർഥ്യം, അതായത്‌ ഒരു അണ്ഡവും ബീജവും സംയോ​ജിച്ച്‌ ഭ്രൂണം രൂപം​കൊ​ള്ളു​ന്നു എന്നത്‌, മനസ്സി​ലാ​യി. എങ്കിലും പാരമ്പ​ര്യം സംബന്ധിച്ച കൃത്യ​മായ വിശദീ​ക​രണം ഇനിയും ലഭി​ക്കേ​ണ്ടി​യി​രു​ന്നു.

1866-ൽ ഓസ്‌ട്രി​യൻ വൈദി​ക​നായ ഗ്രിഗർ മെൻഡ​ലാണ്‌ പാരമ്പ​ര്യ​ത്തെ കുറി​ച്ചുള്ള ശരിയായ സിദ്ധാന്തം ആദ്യമാ​യി അവതരി​പ്പി​ച്ചത്‌. തോട്ട​പ്പ​യ​റിൽ നടത്തിയ പരീക്ഷ​ണ​ങ്ങ​ളി​ലൂ​ടെ, ലൈം​ഗിക കോശ​ങ്ങ​ളിൽ ഒളിഞ്ഞി​രി​ക്കുന്ന ചില ഘടകങ്ങൾ അദ്ദേഹം കണ്ടെത്തി. “വ്യതി​രിക്ത പാരമ്പര്യ ഘടകങ്ങൾ” എന്നാണ്‌ അദ്ദേഹം അവയെ വിശേ​ഷി​പ്പി​ച്ചത്‌. സ്വഭാവ വിശേ​ഷ​തകൾ കൈമാ​റ​പ്പെ​ടു​ന്ന​തി​നു കാരണ​മാ​യി​രി​ക്കു​ന്നത്‌ ഇവയാണ്‌ എന്ന്‌ അദ്ദേഹം തറപ്പിച്ചു പറഞ്ഞു. ഈ “വ്യതി​രിക്ത പാരമ്പര്യ ഘടകങ്ങ”ളെയാണ്‌ നാം ഇപ്പോൾ ജീനുകൾ എന്നു വിളി​ക്കു​ന്നത്‌.

ഏകദേശം 1910-ൽ, ജീനുകൾ സ്ഥിതി ചെയ്യു​ന്നത്‌ ക്രോ​മ​സോ​മു​കൾ എന്നു വിളി​ക്ക​പ്പെ​ടുന്ന കോശ​ഘ​ട​ന​ക​ളിൽ ആണെന്നു കണ്ടെത്തി. ക്രോ​മ​സോ​മു​ക​ളിൽ മുഖ്യ​മാ​യും അടങ്ങി​യി​രി​ക്കു​ന്നത്‌ മാംസ്യ​വും ഡിഎൻഎ-യും (ഡി ഓക്‌സി റൈബോ ന്യൂക്ലിക്‌ അമ്ലം) ആണ്‌. മറ്റു കോശ പ്രവർത്ത​ന​ങ്ങ​ളിൽ മാംസ്യ​ങ്ങൾ വഹിക്കുന്ന സുപ്ര​ധാന പങ്കിനെ കുറിച്ച്‌ ശാസ്‌ത്ര​ജ്ഞ​ന്മാർക്ക്‌ അതി​നോ​ടകം തന്നെ അറിവു​ണ്ടാ​യി​രു​ന്ന​തി​നാൽ ക്രോ​മ​സോ​മി​ലെ മാംസ്യ​ങ്ങൾ ജനിതക വിവരങ്ങൾ വഹിക്കു​ന്ന​താ​യി വർഷങ്ങ​ളോ​ളം അവർ വിശ്വ​സി​ച്ചു​പോ​ന്നു. അങ്ങനെ​യി​രി​ക്കെ 1944-ൽ, ജീനുകൾ ഡിഎൻഎ-യുടെ ഭാഗമാണ്‌—അല്ലാതെ മാംസ്യ​ത്തി​ന്റെയല്ല—എന്നതി​നുള്ള ആദ്യത്തെ തെളിവ്‌ ഗവേഷകർ സമർപ്പി​ച്ചു.

1953-ൽ ജെയിംസ്‌ വാട്‌സ​ണും ഫ്രാൻസിസ്‌ ക്രിക്കും പിരിയൻ കോണി​യു​ടെ ആകൃതി​യി​ലുള്ള ഡിഎൻഎ-യുടെ രാസ ഘടന കണ്ടെത്തി. ജീവനെ സംബന്ധിച്ച നിഗൂ​ഢ​ത​യു​ടെ കുരു​ക്ക​ഴി​ക്കു​ന്ന​തി​നുള്ള മനുഷ്യ​ന്റെ ശ്രമത്തി​ലെ ഒരു വലിയ മുന്നേ​റ്റ​മാ​യി​രു​ന്നു ഇത്‌.